المنتدى :
الشعر والشعراء
**الي خذا قلبي معه**
********************
*********************
آخر أيام الجفا ماعاد فيني أي روح
صرت أنا وإياه والليل وعذابي أربعه
والحنين اللي سكنّي قال تكفى لا تروح
للأسف حتى دموعي ما قوت لو تمنعه
آه يالناي الحزين اللي عزف لحن الجروح
ما لقى له من يجيب ومالقى من يسمعه
الصدى يبعد ونبعد وين ما روّح نروح
نمشي والحزن المسافة والهموم الأمتعه
أنا يا قلبي يأست وما بقى عندي طموح
والهوا ما جا على ما تشتهيه الأشرعه
فالحشا رعشة خفوق وطاري الفرقا يلوح
يوووه ياسرع الدقايق يوم جيت أودعه
راح بأعذاره وأنا اللي ما بقالي غير بوح
مع بقايا ذكريات وشمعتين مولّعه
كل ما لديت عنّه قام خفاقي ينوح
يشتكي ذاك الحنين اللي خذا قلبي معه
**********************
*******************
وسلامتكم....
...
|
23-11-07, 06:17 PM
جديد مواضيع قسم الشعر والشعراء
العرض الشجري
