كاتب الموضوع :
حفيدة الألباني
المنتدى :
الشعر والشعراء
سكت صوت المكان ووقف الطرقي على البيبـان
مالامحه الذهـول ورسمـة مـن فـوق حجانـه
مشتبه ذكرياته واسـرج خيولـه بـدون اعنـان
يماشيه الحزن لين اغدقت عينـه علـى اوجانـه
يـرد لعمتـه ويمـش دمـعٍ كـنـه الــودان
يسولف للهبوب اللي عـزف مقطوعـة الحانـه
قرا كل الكـلام اللـي وسيلـة نشـره الجـدران
عجز بعضه يفك مـن البطـا رسمـه ونيشانـه
تبسم مـن كـلام سجلـه وحتدمـت الاشجـان
ياليت العمر لـو يرجـع علـى وقتـه وسكانـه
عظيمه ذكرياتك يالطفولـه لـو زمانـك شـان
برائتهـا تلمـع صـورة المخـطـي بغفـرانـه
ضحكنـا ماحسبنـا لليالـي وش وعدهـا كـان
ليالينـا فـرح واحلامـنـا بـحـدود دكـانـه
صراحتنـا تميزنـا وحيلتنـا بــدون اتـقـان
تعبنـا ماتعبناضيـق بــالٍ هــدت اركـانـه
شقاوتنا ولو جرت غضـب ماجـرت الاضغـان
يذوب الثلج في يديـن الكبيـر ويسقـي اخوانـه
تدفينا المشاعر فـي حضـون الوالديـن احيـان
نحس ابها الامـان اليـا فقدنـا النـور والوانـه
غريبـه ياليالـي ماحفظتـي شـي للانـسـان
سوى بعض الامال اللي توارت في لضى احزانه
غريبـه ياليالـي ماتركتـي شــي لـلاذهـان
سوى لفح الهجير اللـي حـرق توتـه ورمانـه
غريبـه ياليالـي ماحشمتينـي مـن النسـيـان
تركتينـي سـرابٍ يطـرد المقفيـن وجـدانـه
ماهو ذنبي اهاجـر واستمـد لهجرتـي عنـوان
ماهو ذنبي اعيـش بواقـعٍ مـره مـن انسانـه
انا ذنبي كثر صمتي وانـا معيـه عقـل ولسـان
كسرت الحق بايثـار السكـوت وزادت اشطانـه
غفيت ولا صحيت الا وانا فـي ثـورة البركـان
عجزت ادفا ونـاره ذوبـت صـدري وبستانـه
عجزت اخذ قصاصي من جروحي بالحدب شامان
عجزت اعتق سجين مات في حزنـه وقضبانـه
تهب الريح من جفني لجفنـي واذكـر الحرمـان
سحاب الحـزن سمـا واغـرق الدنيـا بودانـه
مشتبي ليلـة السبـت وقفاهـا للاحـد برهـان
قريـت بعينهـا عتـق البيـاض وقتـل سجانـه
ثلاث عقود مرت مركبـي يلعـب بـه الربـان
وانا اغوص البحـر ماشفـت لولـوه ومرجانـه
.. مما راق لي ..
|
25-04-09, 10:52 PM
جديد مواضيع قسم الشعر والشعراء
العرض العادي
