المنتدى :
الارشيف
--- فلسفة "حمار"----
اه و الله , ده حتى الحمار طلع له فلسفه هو كمان ,
مش مصدقينى , طب أسمعوا كده الحمار الفيلسوف بيقول إيه
و عجبى !!!!!!!
عجبي عليك يا ابن آدم ياكبير الدار
قومت الدنيا وماقعدت لما قالوا حمار
هو اسمي شتيمة ولا جنسي ده عار
خلقني ربي وخلقك ولاحدش له خيار
وانا مهما زاد الحمل فوقي صابر على المشوار
لا في يوم اقول اشمعنى اخويا واخذ منه تار
ولا يوم ابص لرزق غيري واطق منه واغار
ولا ارفع في يوم عيني على جارتي واصون الجار
ولا مهر ادفع لحمارتي وشبكة وسوار
ولاشقة اجمع في تمنها ولا اجهز دار
ولا حرمي حامل تتوحم عايزة الكافيار
ولابنت تخرج عن طوعي وتجيب العار
ولا ابن يدمن ويهلوس ويقع وينهار
عايش في حالي متهني وليه افكار
باكل وبشرب وانهق ومافيش اسرار
وعندي ابن آدم يخدمني ليل ويا نهار
ان جعت يشتري برسيمي وباغلى الاسعار
وفي مرضي يفضل يعالجني ويدعي الستار
وخادم امين من غير راتب ولا حتى ايجار
والحين عرفت يابني آدم مين فينا حمار؟؟
كلام بيوجع ......مش كده و لا إيه !!!!!!
|
18-02-09, 05:57 PM
جديد مواضيع قسم الارشيف
العرض العادي
