|
يلا حمااس سندريلا الايام دى
سندريلا الايام دى سندريلا كانت بنت جميلة جدا وامورة جدا سندريلا دى كانت بنت يتيمة وعشان مكنتش عارفة عنوان دار الايتام اضطرت تعيش مع زوجة ابيها الشريرة وبناتها الوحشين المفتريين اللى كانوا بيعاملوها على انها الخدامة بتاعتهم00كانت بتطبخ لهم وتغسل لهم وتكنس لهم وبرضه مكنتش عاجباهم الرز معجن00 الفستان فيه بقع00الارضيات مش بتلمع وسندريلا مستحملة واهى عيشة والسلام لحد ما جه يوم نزل اعلان فى (الاهرام) ان فيه امير من دول البترول عاوز يتجوز بس محتار يختار انهى بنت عشان كدة باباه ومامته عملوا حفلة كبيرة وعزموا كل بنات المدينة وكل بنت قعدت تفكر 00يا ترى حتروح الحفلة لابسة ايه الفستان ابو ترتر ولا البنطلون ابو شخاليل وفى وسط الهيصة دى سندريلا كانت قاعدة تعيط عشام معندهاش هدوم وفى عز العياط والنكد بصت سندريلا لقت قدامها بنت روشة جداااا خافت منها وقالتها انتى مين قالتها انا العفريتة المختصة بالموضة وجاية لك عشان تحضرى الحفلة وانتى على احدث موضة استغربت سندريلا وقالتلها ازاى 00ما انتى شايفة اللى انا فيه فقالت لها العفريتة بسيطة الموضة الايام دى الهدوم الديرتى والشعر المنعكش وفى ثوانىىىىىىىىىى كانت سندريلا مقطعة هدوما وناكشة شعرها طب والجزمة ؟؟ فقالت لها العفريتة جزمة ايه ؟؟ قمة الشياكة هو الشبشب الزنوبة بتاع زمااااااااااان سندريلا كانت عارفة ان الحفلة دى فى فندق الانتر كونتيننتال سيتى ستارز ، فقالت للعفريتة هاروح الفندق ازاى ؟ هتيجى توصلينى ؟ فقالت لها لأ طبعا انتى هتركبى اى ميكروباص نازل رمسيس ومن هناك تتشعبطى فى ميكروباص مدينة نصر وتنزلى قدام الفندق ولو بتوع امن الدولة سألوكى رايحة فين يا شاطرة او حاولوا يمنعوكى علىّ صوتك وشرشحى وقوليلهم انتوا عارفين بتكلموا مين والله لاكلم اونكل فوزى هيوديكوا فى داهية وساعتها هيدخلوكى علطول وراحت سندريلا الحفلة وقابلت الامير اللى اعجب بيها جداا وجه وقف قدامها وقالها بمنتهى الرقة ممكن تبقى البت بتاعتى ؟؟ سندريلا وافقت علطول وقعدت ترقص مع الامير ومن فرحتها نسيت ان العفريتة قالتلها تيجى الساعة 12 بالظبط ولو لقتها لسة موجودة هتفضحها وفجأة دقت الساعة 12 وبصت سندريلا لقت العفريتة داخلة عليها فخافت وجريت على برة ومن لبختها وقعت منها فردة زنوبة واضطرت تروح البيت بفردة شبشب واحدة لكن الامير كان حبها وقرر يدور عليها ويلاقيها وماكنش عنده دليل غير فردة الشبشب وكان الموضوع سهل جداا لان عدد البنات اللى مقاس رجلهم45 فى البلد قليلين جداااا وبسرعة لقى الامير سندريلا وعلطول ضرب معاها ورقة جواز عرفى وسافر معاها على شرم (شرم الشيخ) وعاشوا فى تبات ونبات لمدة شهرين ونص وبعدين طلقها من الآخر سندريلا اتضحك عليها لانها افتكرت ان الجمال هو جمال الظاهر وافتكرت انها ممكن تتخلص من المشاكل اللى فى حياتها بمشكلة اكبر واكبر واكبر وهى الزواج العرفى يا سنريلا صونى جمالك بالحجاب يا سندريلا انتى اكرم بكتييير من الزواج بهذه الطريقة يا بنات محمد00انتن اكرم من ان تكن سندريلا وانت يا واد يا امير يا اللى جاى تتجوز سندريلا لو انت بتحبها فعلا بلاش الجواز العرفى سندريلا دى غالية اوى ومكانتها كبيرة اوى مش سلعة فى ايدك اتقى الله وافتكر ان انت عندك اخوات سندريلات فى البيت وكما تدين تدان منقول من مجلة (كل الطلبة) كلية الاعلام جامعة القاهرة |
يارب يكون الموضوع عجبكم هو بقلم زميل لى بس اضطريت احذف كلام كتير لانه بالعامية المصرية الشبابية فللاسف لن تفهموه |
القصة جميلة جدا ومعبرة عن حال مؤرف
اللغة العامية المصرية اعتقد انها مفهومة من معظم الاخوة العرب |
حمدا لله ان القصة عجبتك لكن العامية التى اقصدها مصطلحاتنا الشبابية اللى انت عارفها لا اعتقد انهم سيفهمومها مثال: تسيأ السلم شرشحى انا ماليش فى شغل السفنجة والمسمرة والتثبيت بس ممكن تبقى البت بتاعتى تسيح لها وسط المعازيم وغير كدة كتيييييييييييير |
حلوة القصة و معك حق في كلامك و الله
يعطيك الف عافية *هايين * |
بلنسبة للعامية دي اه انا معاكي 100%
|
هههههههههههههههههه اوك شفت عامية اصيلة هههههههههههه |
موضوع جامد جدا ياجين
وقصة مالهاش حل لخصت اكتر من مشكلة من مشاكل الشعب المصرى نقل رائع مشكورة عليه |
اشكرك يا عوض على مرورك ورأيك مرسى لييييييييييييييييك |
تسلم ايديكي جين موضوعك فعلا مهم كتير |
عجبني الموضوع جدا
واثر علي كمان يمكن لانه يمس الواقع دي المرة هههه : ) الف شكر : ) سلامي |
لييييييييييييييييييييين سعيدة جداا ان الموضوع عجبك ربنا يخليكى ليا مرسى لمرورك |
اقتباس:
تسلميلى يا لولو الف شكر لمرورك ومشاركتك المميزة |
عجبتني صياغة القصه.. الاسلوب بسيط ومهضوم والفكره واضحه
الف تحيه حبيبتي |
الف تحية لاجمل ثلوج اختى العزيزة شرفنى مرورك ومرسى ليكى لمشاركتك الجميلة كل التحية والود |
اقتباس:
لالالا استني في كلمة تانية وهي نفضني .... بمعنى ان في احد اتصل على ... ولم اردعليه بمعنى طنشته ......... بس معلهشي ممكن تقولي لي يعني ايه السفنجة والمسمرة والتثبيت ..... تسيأ السلم .... يعني تنظف السلم ....... شرشحي .... يعني .... تهينها( بس بشكل لااعرف اوصفه) تسيح وسط المعازيم ..... تفضح او تبكي ...... صح يا جين ... والله اعلم ...... المهم ........ الموضوع رائع ..... ويارايت البنات تستخدم ذكائها ... اكثر من كده ... وتراعي ربنا في نفسها واهلها ...... لانها عندما تتزوج عرفي تكون خانة الله ورسوله ... وخانت اهلها ...... وقبلهم نفسها ....... التي ترضى بالزواج العرفي انسانة ليست بها ثقة بنفسها ..... انسانة لا تستحق لاحترام .... مهما كانت الظروف ... لا تفقدي نفسك واحترامك لذاتك فانت اغلى من قصة حب تنتهي بمجرد اشباع الرغبة ......... شكرا يا جين ... منتظرة جديدك ........ |
هاى ايمو على فكرة انا اول مرة اعرف انك مصرية حقيقى انا فاكراكى اصلا اماراتية وعارفة المصرى كدة من الافلام لكن واضح كدة انك مصرية ومقيمة فى الامارات هههههههههههههههههههه واضح ان ثقافتك عالية ما شاء الله فى المصطلحات برافو عليكى السفنجة والمسمرة والتثبيت يعنى التسبيل والتوهان والبصبصة ههههههههههههههههههههه اوعى تكونى مش فاهمة دول قصدى يعنى انه يوريها انه معجب بيها بنظراته وكلماته الرقيقة بس دلوقتى عصر السرعة مفيش مجال للكلام دة تيك اواى علطول ههههههههههههههههههههههه وطبعا رأيك تمام بجد البنت اللى تعرض نفسها للكلام الفاضى دة والجواز العرفى تبقى لا تستحق الاحترام وتستاهل كل اللى يجرالها اللى بيحب بجد اهم حاجة بيحافظ عليها سلامة البنت وسمعتها ومعتقدش الحاجتين دول متوافرين فى الجواز العرفى والحب الحقيقى هو الحب اثناء الارتباط الرسمى سواء خطوبة او زواج مش صحوبية وكلام فاضى مرسى يا ايمو نورتى الموضوع يا عسل |
ههههههههههههههههههههههههههههههههههههههههه
ضحكتيني يا جيجي هي دي بقي سندريلا ألألفيه الجديده ...... بالبادي والبنطلون الشخاليل و بفرده شبشب واحده وعقد عرفي جبتي الخلاصه فعلا ........شيئ يحزن فعلا ..... ربنا يستر علي بناتنا ....ونعرف نربيهم صح ..... مع سيل الأغاني الشبابيه الي نازله ترف علينا من كل ناحيه ومن كل قناه والي أولادنا بيقلدوها بدون تفكير ..... وحتي لما بيتفرجوا علي الكرتون .....تلاقي ألفاظ غريبه .... وأشياء ما بتعرفيش تفسريها ليهم ..... ولا لمل بنتي تسألني بكل برائه علي مشهد في فيلم عربي للبطل وللبطله وهما !!!!!!..... أقول لها أيه ....وأرد عليها بأيه ,,,,, حد يقدر يقولي .....؟؟؟؟؟ أنا شكلي كده ....هلغي الدش خالص وأريح دماغي المهم .....أنا بقصد أن لو كل بنت تلاقي قدامها قدوه ..... وتجد التزام وحرص بكل بيت .....ومتابعه جاده .... وقبل كل شيئ تدين ....... كانت كثير من أمورنا أتغيرت ....وما شفناش كل البلاوي دي وما سمعناش أبدا عن الجواز العرفي سلام يا جيجي ...,شكرا ليكي علي المواضييع الهايله |
هاى بسبوسة الحمد لله انى قدرت ارسم الضحكة على شفتيكى الجميلتين شفتى يا ستى بقى سندريلا الالفية الجديدة هههههههههههههههههه وهو فعلا القدوة اللى بيقدمها الاعلام دلوقتى سبب كبير اوى فى اللى بنشوفه حوالينا و ههههههههههههههه كتكوتك حاولى تقوليلها ان البطل والبطلة خايفين على مستقبل الفن وبيقدموا رسالة مهمة فى الفن هههههههههههههههههههههههه لو كل بنت تلاقي قدامها قدوه ..... وتجد التزام وحرص بكل بيت .....ومتابعه جاده .... وقبل كل شيئ تدين ....... كانت كثير من أمورنا أتغيرت ....وما شفناش كل البلاوي دي وما سمعناش أبدا عن الجواز العرفي تمام رأيك والحمد لله ان الجميع متفق عليه واحنا بقى بنأمل احنا نكون الاهالى اللى يقدروا يعملوا كدة فى يوم من الايام ويحموا بناتهم مرسى يا بسبس على مشاركتك الجميلة تسلميلى |
جين موضوع خطير
كل ماجي اعلق تقفل الصفحة بقالي يومين عايزة اكتب رد عليه كلامك جميل جدا ومهم وكمان في حاجة مهمة جدا لكل البنات والشباب: الزواج اساسه الاشهار, وما يسمى بالزواج العرفي يعتمد على الكتمان, فهل هذا زواج؟ ارجو ان تتفكروا قليلا شكرا لك عزيزتي |
يااه يا اسراء
يعنى الرد دة بايت بقى بقاله يومين هههههههههههههههههههه انا برضه معاكى فى الكلام دة الزواج العرفى مش بس مصيبة بتحصل للبنت وتدمر مستقبلها وسمعتها لأ دة كمان حرام مش حلال ابدا لانه فعلا مفتقد شرط من شروط الزواج ولو كلنا فاكرين فيلم شىء من الخوف لان فؤادة مكنتش موافقة بجوازها من عتريس كان الجواز باطل ودة عشان افتقد شرط من شروط اتمامه كذلك الاشهار شرط غير متواجد فى الزواج العرفى يعنى الزواج العرفى بااااااااطل ويعتبر زنا الف شكر ليكى يا دكتورة على مشاركتك المميزة |
يعطيكي العافية جين بصراحة كل شي عم يصير من قلة الدين والبطالهو غلاء الاسعار و.... في اسباب كتير لهالمشكلة وبتعرفي انو كل شي بجيب من وراه مشكلة تانية يعني مشكلة بتولد مشكلة يعني الواحد مو عارف يقدم حلول لشو و لشو ؟! الله يهدينا ويبعدنا عن كل المشاكل يا رب هاد الي بقدر احكيه ميرسي |
كتيييييييييييييييييييييييييييييييييييييييييييييييييير القصه حلوووووووووووووووووووووووووووووه
اندمجت معهااااااااااااااااااااااااااااااااااااااااااااا ميرررررررررررررررررررررسي كتيرررررررررررررررررررررررررر عالنقل للقصه الروووووووووووووووعه |
شـكــ وبارك الله فيك ـــرا لك ... لك مني أجمل تحية .
|
اقتباس:
والله عندك حق مشكلة بتولد مشكلة ولو اهتمينا بالمشكلة الاولى نلاقى تانية وتالتة ورابعة و........ آمين يارب العالمين الهداية والخير لكل المسلمين الف شكر على مشاركتك المتألقة |
اقتباس:
سعيدة جداا انها عجبتك ميرسىىىىىىىىىىىىى |
princessa
برنسيييييييييييييييييييسة نورتى الموضوع يا حياتى مرسى ليكى يا جميلة |
شكرا لكي جيني قصة حلوة وشكرا لكاتبها الاصلي
|
جميلة جدا
بجد روعة سلمتي عزيزتي |
شكرا لكم اميرة و وداعا ايتها الحياة
نورتوا الموضوع |
قصة رآئعة أضحك الله سنك كما أضحكتني لا أتخيل فردة الشبشب الي مقاسها 45 ويحملها أمير !!!! رجل غوريلا وليست فتاة؟؟ والمصيبة أنها سندريلا بصراحة حبيبتي شوهتي صورة سندريلا حبيبة الكل ,,
ولكن القصة هادفة جداً وكاتبها مبدع لا شلَّت يمينه . |
NICE STORY AND I ADVICE THE WHOLE GIRL TO READ IT AND BELIVE THAT NOT EVERY LOVE STORY END TO BE MARRIED TO GUEY THAT U LOVE AND U SHOULD CHECK BEFORE U LOSE EVERY THING U HAVE IT AND LIVE FOR IT
|
| الساعة الآن 10:47 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية