ّ~~<({ملكة جمال الروايات })>~~
السلام عليكم ورحمة الله
************** استكمالا لنتخابات الروايات نقوم باختيار بين 4 من جميلات روايات مصرية للجيب وان كانت فى هذه الحالة حصرية على سلسلة رجل المستحيل ***************** المرشحات هم : منى توفيق ******سونيا جراهام******جيهان******دونا كارولينا جميلاتنا مستنيين اصواتكم وترشيحاتكم ماتكسفوهمش ************* وكما الموضوع السابق هتستمر الانتخابات دى لمدة أسبوع والنتيجة مش هتتعلن الا بعد انتخابات الابطال وفى النهاية هنعلن مين هو نجم النجوم ومين هيا ملكة جمال الروايات فى موضوع خاص *********** السلام عليكم ورحمة الله |
وعليكم السلام ورحمة الله وبركاته حسب رائي من الافضل يكتب كل شخص سبب اختياره انا شخصيا ارغب في معرفة راي الناس في ابطال هذه القصص التي قرانها و كبرنا معاها بالنسبة لي افضل بنت هي جيهان لعدة اسباب - اولها انها عضو فاعل و بمقدورها تقاتل و تؤدي دورها علي عكس مني مثلا التي كانت دوما عالة علي ادهم - امراة مخلصة و غير انانية - جمالها الذي يتغني به الدكتور :D - ... |
سونيا جراهام بدون منازع لو مكسبتش هتتهمك بمعاداة الساميه ههههههههههه |
أنا بختار دونا كارولينا:lol: |
أنا بختار جيهـــان |
و أنا بختار دونا كارولينا لأنها من الشخصيات اللي بحبها جداً في سلسلة رجل المستحيل
|
ايمان معايا على الخط انا كمان بختار جيهان اولا جميلة بالمقاييس الشكلية ثانيا فتاة قوية مغامرة واثقة من نفسها ذكية سريعة البديهة حنونة غير انانية مضحية بنفسها فى سبيل الوطن ومن تحب يبقى ازاى بقى متبقاش ملكة جمال الروايات بدون منازع جيهاااااااااااااااااااااااااااااان وبعدين دلعها زييى جين صح ولا ههههههههههههههههههه |
اقتباس:
|
اقتباس:
بسيطة ياعم الشعب العربى كله معادى للسامية اصلا هتيجى عليا انا |
اقتباس:
نورتى الموضوع |
اقتباس:
اوكى ياستى جيهان جيهان |
اقتباس:
|
اقتباس:
انتى اصلا مضطهده الغلبانه منى هههههههههههههه |
ماتلفيش وتدورى انتى اصلا مضطهده الغلبانه منى هههههههههههههه ههههههههههههههههههههههههههههههههههههههههههههه مش قادرة امسك نفسى من الضحك من ساعة ما شفت ردك هههههههههههههههههههههه بص بقى لا فيه حقد ولا لف ولا دوران منى من الاخر كدة ملهاش لازمة فى السلسلة دى وهى ولا غلبانة ولا حاجة هو ادهم اللى عبيط انه حبها وهى اعبط منه انها فكرت تشتغل فى المخابرات هههههههههههههههه ولا ايه رأيك يا ايمان ؟؟؟ |
ههههههههههههههه كلامك صح جوجو.. منى اااه شو بكرهها..بتعل القلب..بتخلي الواحد يمرض غصب عنه.. ياعيني عليك ياحبيبي يا أدهم كيف ضحكت عليه وخلته يحبها بس مابعرف......!!!! |
لا بعد إذن جيني و إيمان أنا معترضه علي كلامكم أنا بحس أن جيهان دي غلسه و أنانيه و بتحاول تخطف أدهم مني اللي هي حبيبته أصلا من أول عدد يعني جيهان دي مجرد دخيلة و متتطفله
|
بقة كده ياجين انتى وايمان
منى غتته دى الرقة والجمال منى وادهم عنده حق 100% وجيهان دى مين يابنتى انتى وهيه دى مسترجله وقمة الغرور على الفاضى يعنى حاولى تتخيلى موقف من مواقف ادهم ومنى العاطفية وشيلى منى وحتى جيهان ماتركبش خالص دى يلعب معاه ماتش كاراتيه والا حاجه هههههههههههههههههه |
ذكرى كلامها مظبوط
انا معاها تماما |
هاه هاه هاه ههههههههههههههههههه ضحكة بغلاسة لأ انت غلطان يا عوض وانتى كمان يا ذكرى اولا جيهان عمرها ما كانت دخيلة ولا انانية دى ضحت بنفسها عشان خاطر ادهم وتلقت رصاصات السنيورا بدلا من منى كمان هى رومانسية بس مش بهبل زى منى اللى بتحب على نفسها ومبتعملش حاجة غير كدة وبقولك ايه بقى انت وهى امونة معايا فى الرأى يعنى من الاخر الادارة معانا هاه حد عنده اعتراض !!!! |
هههههههههههههه
و انا كمان معاكى يا جين و ايمان و اختار جيهان انا قريت عنها قليل لكن عجبتنى اوى و عجبنى ان عندها شخصية و هيا رومنسية بس اظن انها بتعمل كده عشان ادهم بيحب منى الرزلة نفسى قبل ما اموت اشوف عدد منى مقعدتش تصوت فيه و تتخطف و تعمل عملية كلها من اولها لآخرها بنجاح من غير ادهم نفسى تعتمد على نفسها إلى جانب انها متناقضة ازاى بتحبه اوى زى ما بتقول و رافضة تتجوزه اكيد بتتحجج و خلاص و لو مكنتش مليانة رصاص تبقى هتتحجج ان عينها مش زرقة يااااااااااااااااااااااااااه بكرههااااااااااااااااااااااااااااااااااااااااااااااااااااااا ااااااااااااااااااااااااااااااااااااا مش قادرة اوصف قد ايه |
اقتباس:
ده حتي "قدري" واقف مع مني دايما شفتوه عمره وقف مع جيهان؟؟؟؟ |
اقتباس:
و بعدين هي مش بتتحجج اللي بيحب حد أوي بيحس دايما أنه قليل أوي و أن اللي بيحبه كبير أوي و أن مهما أعطي له مش هيديه اللي يستحقه فعلا. مني بتحب أدهم لدرجة أنها مستعده تضحي بيه لواحده تانية لو هتقدر تسعده و دي قمة الحب. |
واضح أن الموضوع هيقلب معركة زي معركة شجرة الدر و أم علي ..... أنا بحذركم من دلوقتي ممنوع استخدام القباقيب
:lol::friends::lol::lol::lol: |
ههههههههههه نقاش حامي جدا:lol: بين جيهان و منى:dancingmonkeyff8: بقول لكم منى كويسة جدا لكن هي انتهت مدتها و جيهان عايزة تخطف أدهم صبري منها و دونا كارولينا لها طريقة حلوة في التعامل مع الكل و ماعندهاش حركات النسوان نص كم اللي فيها خطف رجالة و مش عارفة ايه أما الست سونيا جراهام (دي الشيطان بحد ذاته) يكفي انها خدت ابن ادهم و مش عايزة ترجعه ليه أنا قلت رأي أخيرا بدون إختصار و هأهرب و ماحدش هيشوفني في الموضوع داه تاني:YkE04454: لأني عارفة اني هأضرب:o9Y04826: |
اقتباس:
لالالالالالالالا انتى ماتعرفينيش خالص كده ادارة ماداروش احنا مابنتهددوش وبعدين انتى اكتبى قصائد فى جيهان من هنا للصبح يابنتى ادهم مش معبرها اصلا وهيا استسلمت وغير كده احسن واحده لادهم هيا منى فعلا لانها اكتر واحده بتحبه وواحد زى ادهم ماينفعوش الا منى او فدوى ولا على القوة بقه يبقى دونا كارولينا او سونيا جراهام شخصياتهم اقوى من جيهان 100 مرة وبيحبوه كانوا هما اولى بقه ولا ايه !!!!!!!!!!!!!!!!! |
ههههههههههههههههههه
دي خنااقه جاامده اووووي :lol: :: لا لا لا انا ما برضااهاا على منى .. لوو سمحتوووا :rfb04470: :: انا دااخله هيناا ارشح دوونا كاروليناا .. بس بعد الخنااقه ارشح منى :lol: :lol: |
اقتباس:
ولو برده النتيجة زى ما هيا مافيش الا منى واحده |
اقتباس:
ذكرى جابت من الاخر ياجماعة 100% معاكى ياذكرى |
اقتباس:
اوكى يافيفى بس رجليكى هتجيبك هنا برده ماهما المحققين كده عندهم مغناطيس للمشاكل |
اقتباس:
بالنيابة عن الغلبانة منى وبصفتى من هيئة الدفاع عنها بوجهلك الشكر ياكونان |
لالالالالالالالالالالالالالالالالالالالا
انى اعترض مينفعش يا عوض كده على الاقل الاقى واحده عارفها عشان اقدر اختار بينهم فين سلوى او نشوى او حتى مشيره ههههههههههههههههههه |
انا اختار جيهان
بس احترم اختيار ادهم لمنى |
و لو برضوه يا عوض منى دى اصلا معندهاش شخصية و مش نزلالى من زور خالص ( رغم انى بشرب ميه كتير ) المفروض يبقى عندها شخصية شوية مش مقضياها على طول ضعف و غيرة و لو ادهم مش موجود فى المخابرات يبقى كانت هتترفد بالثلث من المخابرات
و يا ذكرى من الجميل فعلا ان الواحد يضحى عشان اللى بيحبه لو كان الانسان ده هيسعده و بعدين ادهم طول السلسلة عمال يأكد لها ان سعادته معاها هيا و ده يثبت وجهة نظرى :biggrin: بقالها تقريبا 150 عدد مش راضية تقتنع دا انا زهقت له الخلاصة منى دى اغتت شخصية فى السلسلة كلها مع الاعتذار ليكى يا ذكرى و ليك يا عوض و لك اللى بيدافعوا عن البت دى انا برضو بكرهها البنت اللى اعرفها فى السلسلة هيا جيهان معرفش مين دونا كارولينا و اعرف حاجات بسيطة عن فدوى انا ارشح جيهان و فدوى |
الانتخابات حامية خاصة بين العضوات المنتدى لذلك أريد أن أوضح تحليلى للشخصيات المشاركة فى المسابقة ملكة جمال الرويات
منى : أول شخصية مساعدة رائيسية ظهرت مع بداية السلسلة لتكون مع أدهم صبرى فريق و كان الهدف الاول منه ابعاد الشبهات عن كونهم من الخابرات لان الفريق يتكون من رجل و امراة و هذا غير معتاد بالنسبة لنظم المخابرات العربية فى ذلك الوقت و كان غالبا الخصوم ما يقوموا باختطاف منى كوسيلة ضغط عليه الا انه كان في كل مرة يسعيدها سالمة و ينهى مهمة بنجاح و كانت تشكل له عون كبير فى المهمات ولقد شاركت بنسبة 90 % فى السلسة و كان اختفاء عن معظم الاعداد اما لاصابتها او كون العملية فردية و هى مغرم باهم صبرى و تتمنى الزواج منه و لقد طلب يدها عدة مرات و لقد رفضته في المراة الاخيرة رغم حبها له لانها تشعر انه هناك من يستحق غيرها لكثرة ما اصابهل من اصابات جراء العمليات المخابرتيةجيهان: شخصية مساعدة رئيسية ظهرت لتعوض غياب منى عن الساحة الاحداث لوقعها فى غيبوبة و هى زميلة قديمة لمنى فى اكادمية الشرطة و كان أول لقاء لها بادهم صبرى فى العدد( 104- الاعصار الاحمر) و كانت تسعى بكل طاقتها لفت نظر أدهم و محاولة الفوز بقلبه ولكنها مؤخرا أدركت عدم جدوى المحاولة قتركت الساحة لمنى و لا ننسى تضحيتها فى (عمالقة الجبال) لحماية أدهم من هجوم السوبرمان و سعت لتشجيع منى و رفع عزيمتها عند ظهور زميلة جديدة لادهم وهى نادية و ذلك التغير الكبير فى شخصيتها حدث بعد الاصابات الفادحة التى لحقت بها و التى جعلتها تتنفل بكريى متحرك دونا كارولينا : شخصية نسائية ظهرت لاول مرة في العدد يحمل اسمها و كانت بداية العدد لاهدف لها فى الحياة سوى التخلص و قتل أدهم صبرى ولكن نرى فى نهاية نفس العدد انه اصبح هدفها الحفاظ و انقاذ أدهم صبرى وذلك من خلال ما مرت به من أحداث جعلتها تتحول فى نتتك العدد تتحول من عدوة اللدودة إلى صديقة تنقذه فى أوقات الشدة وأنهت العدوة بينه و بين المافيا بل انها كانت تسخر رجال المافيا و مكانيتها من أجل مساعدة أدهم صبرى الذى كان دائما مايساعدها فى أوقات شدتها دون أن يتخلى عن مبادئه |
اما عن ترشيحى لملكة جمال الرويات فسوف يكون لمنى
|
والله يا مين هناك بعد التحليل الرائع اللى انت كتبته اعتقدت انك هتختار جيهان لانك بكلامك وضحت قد ايه هى انسانة مميزة لكنك خذلتنى واخترت منى لكن براحتك يا سيدى براحتك |
اقتباس:
اقتباس:
صداقة قدرى لمنى لا علاقة لها بانه واقف ولا مش واقف اقتباس:
اقتباس:
يبقى جيهان تغلب الاتنين دول وتغلب منى فى المخابرات لكن بالنسبة لقلب ادهم فللاسف منى اللى غلبتها |
اقتباس:
بت يا فيفى ارجعى هنا عايزينك تفضيلنا النزاع دة ي ترى انتى مع مين بالظبط مع جيهان ولا منى فيفى كلمة فى سرك قولى جيهان جيهان ج ي ه ا ن جيهااااااااااااااااااااااااااااااااااااااااااااان احم احم هو انا كان صوتى عالى ولا ايه انا كنت بقول هترشحى مين ؟؟؟ا |
السلام عليكم
الانوثه هي الرقه والنعومه والرومانسيه وهذا مايميز منى عن جيهان لان غالبيةالذكور يميلون دوما للانوثه , لمن يحتاج اليهم والى حمايتهم والى من يشعرهم برجولتهم.(دخلنا بالفلسفه عاد ههههههههههههه) اي صح نسيت انا برضه برشح منى توفييييييييق.:D |
أختار 1-سونيا جراهام
2-دونا كارولينا,, 3-جيهان 4مني توفيق,,,,,,,,,,,,,,,,,, |
أنا قلت إني هدخل بعد الغياب الطويل ده ألاقي المشكلة اتحلت و نتيجة الإنتخابات ظهرت. إيه يا عوض أنت نسيت نتيجة المسابقة ولا إيه؟؟؟
|
مش عارفة يا ذكرى عوض اختفى خاااااالص
فص ملح وداب يا ترى هيظهر امتى ؟؟؟؟؟ غريييييييييييييييييق يا عالم (بعد الشر عليك يا عوض) بس انت غطست خالص ومفيش اثر لك ربنا يطمنا عليك |
وكما الموضوع السابق هتستمر الانتخابات دى لمدة أسبوع والنتيجة مش هتتعلن الا بعد انتخابات الابطال وفى النهاية هنعلن مين هو نجم النجوم ومين هيا ملكة جمال الروايات فى موضوع خاص *********** هذه كلمات عوض فدعونا نعلن الختام على هذه الانتخابات ونبدأ فى انتخابات نجم نجوم الروايات فى موضوع جديد حتى نستقبل عوض بحفاوة ليعلن هو بنفسه عن نتائج الانتخابات كلها عذرا يا عوض لو تدخلت فى موضوع خاص بك لكن بصراحة غيابك طول ومنتظرين عودتك لتجدنا مرحبين بفكرتك المتألقة ونستكملها |
عوض عاد ليعلن بنفسه عن نتائج الانتخابات
نتيجة انتخابات نجم نجوم الروايات http://www.liilas.com/vb3/t147725.html و نتيجة انتخابات ملكة جمال الروايات http://www.liilas.com/vb3/t147752.html |
الساعة الآن 07:00 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية