اختيار كارت الفرح
كلامنا النهارده هيكون عن إزاي إننا نختار كارت الفرح.... http://www.boswtol.com/mastaba/image...y/kamar_15.jpg اختيار كارت الفرح بعد حجز القاعة المفروض إن العريس والعروسة بعد ما يحددوا مكان الفرح ومعاده يبدأوا على طول إنهم يختاروا كارت الفرح وده لازم يكون قبل معاد الفرح بوقت كبير وليكن مثلا بشهرين علشان يكون عندهم وقت كافي إنهم يحددوا عدد الكروت اللي هيحتاجوها وكمان علشان يقدروا إنهم يختاروا الشكل اللي عايزينه ويكون فيه وقت كافي أن الشكل ده يتنفذ زي ما هما عايزين بالضبط خصوصا لو كان العريس والعروسة عايزين شكل معين هياخد وقت في تنفيذه... ويا ريت بعد ما يحددوا عدد الكروت اللي عايزينها أنهم يضيفوا على عدد الكروت دي حوالي 20 كارت تاني زيادة وده تحسُّبا لأي ظروف طارئة ممكن إنها تحصل فجأة زي مثلا نسيان أي شخص وافتكاره فجأة أو علشان العريس والعروسة يحتفظوا بمجموعة من الكروت دي عندهم في البيت على سبيل الذكرى. وعلى فكرة لازم العروسين يطلبوا مشاهدة بروفة للكروت قبل تنفيذ باقي الكروت وده للتأكد إن كل البيانات المكتوبة على الكارت صحيحة ومفيش فيها أي خطأ. لكارت الفرح تصميمات كتيرة قوي http://www.boswtol.com/mastaba/image...y/kamar_09.jpg دلوقتي بقى فيه تصميمات كتيرة قوي لكارت الفرح ومابقاش الموضوع مقتصر فقط على الكارت الكرتون وطبعا اختيار التصميم بيقف على ذوق العروسين وإمكانياتهم المادية... الكارت التقليدي لسه محتفظ بجماله الشكل ده من الكروت هو المفضل واللي منتشر قوي؛ وده لأنه مش مكلف بالإضافة إلى وجود تصميمات كتيرة ممكن أنها تتعمل منه فهنلاقي مثلا.. الشكل العادي للكارت الكرتون http://www.boswtol.com/mastaba/image...y/kamar_01.jpg الكارت الصغير اللي في حجم الجيب http://www.boswtol.com/mastaba/image...y/kamar_02.jpg الكارت الكرتون الملفوف على شكل رسالة والشكل ده بالذات بيوحي بالفخامة http://www.boswtol.com/mastaba/image...y/kamar_03.jpg ده غير إن العروسين ممكن إنهم يضيفوا لمسات بسيطة توحي بالشياكة زي مثلا.. تزيين الكارت بشريط من التول أو الستان http://www.boswtol.com/mastaba/image...y/kamar_04.jpg وضع الكارت في علبة كرتون وتزيين العلبة بشريط من الستان أو التول أو بعض الورد المجفف http://www.boswtol.com/mastaba/image...y/kamar_05.jpg وفي النهاية اختيار التصميم واللون بيرجع زي ما قلنا لشخصية العروسين بس المفروض إنهم يروحوا مع بعض لمحل الكروت أو مطبعة الكروت ويختاروا الشكل واللون اللي هما عايزينه وكمان يختاروا الكلام اللي هما عايزينه يتكتب على الكارت ويطلبوا من الشخص المسئول في المحل إنه يجهز لهم العدد اللي هما عايزينه خلال مدة محددة. الكارت القماش بيعيش بس مكلف http://www.boswtol.com/mastaba/image...y/kamar_08.jpg ده شكل تاني من أشكال الكروت وده بيكون من قماش الستان وده هيحتاج من العريس والعروسة إنهم يشوفوا مصمم كروت ويقعدوا معاه علشان ينفذ لهم الشكل اللي هما عايزينه وعلى فكرة أكتر لون مستخدم في كروت الفرح الستان هو "الأوف وايت" أو "الروز". وعلى فكرة كتابة صيغة الدعوة على الشكل ده إما إنها تكون "يدوية" بإيد خطاط ودي طبعا مكلفة جدا وبتاخد وقت كتير أو بتكون بـ "السلك سكرين" وده نوع من أنواع الطباعة اليدوية الخاصة بالأقمشة ودي بتدي فخامة لشكل الكارت. وعلى الرغم إن النوع ده من الكروت مكلف إلا أنه بيعيش لفترات طويلة جدا وممكن العروسة تحتفظ بكارت من الكروت دي لنفسها وتعمل له "فريم" وتحطه في غرفة الصالون أو المعيشة كقطعة إكسسوار. الكارت الزجاج شيك وجديد http://www.boswtol.com/mastaba/image...y/kamar_06.jpg ده شكل جديد من أشكال الكروت وده بيحتاج إن العريس يروح لمحل زجاج يكون معروف إنه بيعمل الموضوع ده ويطلب إنه يقطع له قطع زجاج على شكل مربع أو مثلث أو مستطيل ويكتب له على الزجاج صيغة الدعوة.. والشكل ده جديد جدا بس بيحتاج من العريس مجهود شوية في إنه يتابع مع صاحب المحل أو الورشة دي أولا بأول وبرضه الشكل ده تكلفته عالية.. كارت CD جديد روش ومش مكلف http://www.boswtol.com/mastaba/image...y/kamar_07.jpg الفكرة دي روشة جدا ومش بتحتاج تكاليف كتير وتنفيذها سهل جدا كل الحكاية إن العريس أو العروسة أو حد من معارفهم يكون بيعرف يشتغل على برنامج "Power Point" ويعمل عرض مجمع لمجموعة من الصور من أيام الطفولة لغاية الفرح وممكن إنه يكتب نص الدعوة على آخر صورة تظهر وبعد كده ينسخ لهم CD على عدد المدعوين ويحط كل CD في غلاف شيك.. ودي تشكيلة غير تقليدية من كروت الفرحhttp://www.boswtol.com/mastaba/image...y/kamar_10.jpg http://www.boswtol.com/mastaba/image...y/kamar_18.jpg http://www.boswtol.com/mastaba/image...y/kamar_11.jpg http://www.boswtol.com/mastaba/image...y/kamar_14.jpg http://www.boswtol.com/mastaba/image...y/kamar_13.jpg http://www.boswtol.com/mastaba/image...y/kamar_16.jpg http://www.boswtol.com/mastaba/image...y/kamar_00.jpg http://www.boswtol.com/mastaba/image...y/kamar_17.jpg |
ياااااي اشكالها حلووه
عقبال ما نستلم كرت فرحك يا هنووده |
...كتييير حلو...
...تسلمين... |
ياااااااااااااااااااي مرررة اشكالها حللللللللللللللوة ...
مشكور قللبي عالموضوع الحلو... |
واااااااااااااااو روعة الكروت تسلمي هند |
الساعة الآن 02:17 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية