|
وعدت كما وعدت
ونكمل مشوار القلوب التي هل سترتاح ام لا!!!! متى يرتاح قلب ن بالهوى ملكته وهو يقول الخلال خذاس ارتحتي الخلال خذاس – الخلال خذاس – الين اختلطت السوالف وصارت تسمع عمها ابو فالح وعمها ابوفهاد لكن ما تشوف غيره هو هو يجر يدها واختلطت عليها اصوات عمانها وامها وعينها مالها شـــــــــــــــوف غير فـــــــــــــهــــــــــــــــــــااااااااااااااااااااااااا ااد واختفى صوت فهاد بس للحين وهي تشوفه وتشوف وشلون يجر يدها بكل قسوه ووببطى قدرت تفتح عينها وبصعوبه قدرت تحدد من الي حولها وحست بصداع كبير رجعت على طول وغمضت عينها ابو فالح ابو سعد لحظه سكون ترقب نوره يوم فتحت عينها ورجعت وسكرتها ابوفالح – الحمد الله انها بخير وشكل صوتنا قومها قام ابوفالح – اجل فمان الله واذ طلعوها اليوم بلغونا وترى عشى سلامتها عندي لا بالله عشى مرت ولدي في بيتي كان هذا صوت ابوفهاد الي دخل عليهم وسلم وابو فهاد الي من يوم بلغه ابوفالح في المعارض ان نوره وافقت و الدنيا ماتوسعه لامن شرق ولامن غرب سلمو الشيبان وتبادلو السوالف وقعد ابوفالح يوم حلف عليه ابو فهاد ونوره في عالم ثاني ووجهه لجهه الثانيه وهي تفكر بكلمه ابو فهاد الي جات في وقت غلط في وقت حست نوره انها بتنسى في المستشفى ومحد راح يقولها شي لان وضعها مايسمح ولكن هيهات هذا عرس الشيخ والي لازم الكل يتحاكى به ويتباشرون به وماهي الادمعه حاره سالت عى خد نوره حرارتها في الجوف اعظم ومرارتها اكبــــــــــــــــــــر وبسرعه غير متوقعه انتشر الخبر وكلن درى بابموافقه نوره منهم من فرح ومنهم من اغتم ومنهم من حقد في بيت ابوفهاد ام فالح – لا وجايس العلم يقولون تزهبو بتزاورونها يعني انتي يالعمه روحي وشلي دفايات القهوه والشاهي وقهويها وهي لاجيتيهم سلمت عليس وانخشت ام فهاد – تعقب وتخسي ام فالح – تدرين وش تقول ام سعد يوم توظفت بنتها ام فالح – تقول ابرك ساعه يوم توظفت نوره ملهوب بنات رفعه الي يخلون بزرانهم ونوره الي تحط بالها عليهم ام فهاد – تهبي هي وبنتها الله يسلم المربيات ولاعشان حميد متعلق بنوير حطوها هي القايمه بكل شي ام فهاد – بس مانيب شارهه عليها انهايوم خطبه نوره تقول الحمد الله بناتي نصيبهم مايمشي الا يسعى حتى نوره على طول من تطلقت ونصيبها على الباب يحتريها وتنغز بناتس الله يرزقهم ( فعلا ام سعد قالت الي قالته ام فهاد لكن فهمته بطريقتها ام فالح – الحمد الله افتكينا منها وانتي بعد الله يفكس منها مايكفي بنتها مقابلتس لا ذر وبعد جناح خاص مدري وش عليه من البزران الي مضيقين ياحسرتي ولا يحطون في كبدس البايره الي مافيها عيال ام فهاد – وحسره بقلبها والله لا اجوزهم بس باابدا بمحمد على القليله عندي عذري واالثانيه مانيب محتريتها يروح عمري ارتجيها لامضى لها معه شهر الثانيه في رقبته وانا بنت ماجد ام فالح بحزن متصنع – أي بالله لا تخلين بنات نايف ( يسرقون عمرس وعمر عيالس) مثـــــــــــــــــــــلي في بيت ابوسعد مشاعل – احس ان لدنيا ماهيب واسعتني الهنوف وهي تنشف شعرها – ليه ياحظي مشاعل وهي تدفها من المرايه وتفك شعرها – عشان عرس خالوووو وعمتي تصدقين من زمان وانا خاطري خالي ياخذ عمتي نوره احسهم لا يقين على بعض راحت الهنوف لمرايه الكمودينا تكد شعرها – تصدقين شعيل احس تعب نوره من موافقتها على فهاد مشاعل منفعله – مستحيل وسابع المستحيلات بعد اولا – عمتي معطينها على راحتها ولا حد قالها بتغصبين وانتي عارفه عمي ابو فالح وش قال اول مابدت الخطبه ثانيا- عمتي الي نادها عمي فالح وكلمها وقالت موافقه ومن التناقض انه يحلف محد يغصبها وهو الي يجبرها نزلت الهنوف مشطها وهزت راسها – كلامس مقنع ومنطقي بس شي يحيريعني وشلون زمت شفايفها تفكر وكأن الي صار لغز ؟؟؟ طالعتها مشاعل بعدم مبالاه – لا تشغلين عمرس لا طلعت نوره عرفنا كل شي وفعلا الجواب او حل الغز محد يعرفه الانوره و فـــــــــــــــــــــــــــهــــــــــــــــــــــــاد سيف وهوجاي من الدوام- سعود جهز عمرك بنروح نزاور نوره سعود- على خير انشالله دريت الصبح لاني ا ناالي مودي شيخه عند اهلها سيف – الله يعيني على النسوان مالهم بالمراح سعود – لا بدن قول لبشاير وماهيب مخالفه سيف استغرب ثم فرح ثم جاه شعور حزن - اول مره يطريها ويوم طراها يعني يبيها ولابغاها وش يستفيد مادام بيردونها تنهد سيف سعود – وين رحت يارجال سيف – موجود ويالله تولم سعود- فمان الكريم قعد يطالع الجوال – ماتمنيت احد يكون نسيبي كثرك وشكل الله ماهوب كاتبها لك في بيت ابو سعد – البنات في المطبخ شيخه و الجازي وهياء شيخه – والمدرسه الي فيها اصلاحات باصها يمر البيوت ليه ؟؟؟؟؟؟؟؟ ( مدارس البنات اهليه وشعار المدرسه على الباصات ) الجازي – مادري بس انتي عارفه بناتنا مع سواويقنا مايرحون مع الباصات شيخه بعدم اهميه – وهي تاكل سلطه والله ياختس مادري عنهم بس يوم جابنا سعود شفنا عند مدخل الحي الباص الجازي وهي ترفع حاجب وماهيب مقتنعه هياء – بنـــــــــات ماادري حمد متكـــدر خاطـــره ولاادري وش بلاه !!!!!!!!!!!!!!!! قطعهم صوت جوال الجازي وعلى الشاشه ابو الغالين يتصل بك _ هلا مبارك مبارك – هلا فيس الجازي – وينك مبارك – قريب وش عندس الجازي – ابي تجيب معك ورد لنوره مبارك بصوت حالم – بس لنوره؟؟؟ الجازي – أيــــــه !!! مبارك - افااااا وانا ماتبين اشتري ورد؟ الجازي – وليه بتزاوراحد اشتر ولا انا لا تشتري لي ورد مردها تذبل وتكسر علي المهم جب لي ورد احمر وملون مبارك – بعصبيه اصلا انا مانيب قريب بعييييييييييييييد والمستشفى يبيع ورد اشترو منه لا جيتو الزياره الجازي بنرفزه – مايعجبنا المحل الي بقولك عليه ورده احلا وماعطاها فرصه وسكر مبارك متنرفز من حركتها يقصد بس لنوره ؟؟؟ لانه يحتريها تقول ولك بعد بس الشيخه فهمت انه يقصد يجيب لها ورد يعني بدل ماتكحلها ارمدتها ولا بعد اعمتها يوم قالت لاتجيب يتكسر علي ليتها قعدت على الاوله !!!!! شيخه – وش فيس تأففين الجازي – وهوفيه غيره اخوس بيجيب نهايتي ............................................... نوال- عيد وش قلت ؟ هذا الي ناقص ؟ والله ان فالح صادق انت واحد مالك كبد ولا كرامه واسمحلي كرامتي ماتسمح لي سيف – وش دخل كرامتس بعياده مريض وزياره قريب نوال- ووحده وقفت في وجه مسقبلي وهدمت حياتي تبيني اروح لها سيف – ايه بتروحين لها نوال بعصبيه – اذ بتغصبني والله لاانكد عليها اذا رحت سيف بصراخ- نوال بتروحـــــــــيــــــن والله ثم والله ماتعينين خـــــير ان سويتي شي من الي قلتيه لاتلومين الانفسس طلعت الدرج ودموعها على خدها – وحلفن ماهوب حلفك ان رحت لها ان تعين شي مايجوز لها بنت نايف وطلع سيف معصب وفي باله ملـــــــيـــــون طـــــــــاري وطــــــــاري وقام عنهم بريح شوي ولاجاو العرب بجي معهم نوره جعلني قبلك والله بس تكفى يايبه لاتسوي شي وتكلف على عمرك ابوفهاد- انتي بنتنا وان ماسوينا لسلامتس من بنسوي له؟؟؟ نوره – جعلني والله ماخلا ابو فهاد- بس ان كاني ماحطيت عشى بيحط ( فهــــــــــــــــاد عـــــــــــــــــــــــرس) الي طلع من دوامه بدري يوم علموه ضحكو الشيبان ونوره انغرس فيها مليون جرح من ذكرو اسمه بيتشمت بتشمت يانوره ارخي له الراس هذا الي يبيه ؟؟؟ مرضي ماهوب ضعف يافهادوبتشوف وفي قلب اخر وفي عالم بعيد عن عالمها يشوف جناحه بكل ثقه وتنهد واخـــــــــــــيرا وش اخيرا !! اخيرا انك بتجيبها ! ولا اخيرا جبت راسها ! ولااخيرا ملكت قلبها !! (بتجيبها) ايه (ارخيت راسها) ماظن بس يمكن لكن (ملكت قلبها) مستـــــــــــــــــــحيل استند على الكنب ورمى بثقله عليها وعيونه على السقف وراح بهواجيسه معقوله لذا الدرجه كارهتني طيب طاحت عليهم عشان موافقتها وكلمها لعمي اكيد اني صدمتها ؟ جيتها مع درب ماهقت اني بجيها منه واخذت درعها وحطيته درعي برضاها واخذت سلاحها الي مستقويه به عند العرب وهو عمي ناصر وحلفه وحطيته سلاحي وانقلب على جنبه بدل ماكان على ظهره ودروس العسكريه اذا اردت ان تهزم خصمك قاتله اعزل وانزع سلاحه وامتلكه ليصبح هو الااعزل وانت صاحب السلاح ضحك والله زين ان العسكريه هي الي خذتها مني والحين هي الي جــــــــــــــــــــابتـــــــــــــــها لي الحين ليه كارهتك يافهاد ؟ وانتفض لمرور فكره براسه لايكون عشانها للحين تحب فالح !!! مجرد عبور الفكره براس فهاد خلته يستقعد وهو يجتاحه خوف الابركان خوف وشلون عاد ؟؟ لا صارت حقيقه الحين رفضها حط فيه جرح وتكلم بصوت مسموع وهو يفرد يده اليسرى ويقبضها بقوه انتبهي يانوره لاتحطين بي جرح ثاني وتقضين علي انتبهي...................................................... ...................................... ابو فالح – ولانفس تقعد في البيت روحو كلكم لنوره ام فالح – انا تعبانه ابوفالح بصوت يلج – انا لاقلت روحو يعني روحو لااحد يرادني سيف وهو ينقل عيونه بين نوال وابوه وكنه يقول سمعـــــــــــــــــــــــــــتـــــــــــــــــــي الجازي فتحت عليهم الباب بدفاشه وبحره من مبارك البنات تروعو وطاح المقراض الي بيد الهنوف على السراميك الهنوف – حسبي على عدوس روعتيني ياالمصدوعه مشاعل وهي تقلب مجله – قسم بالله مانتي بصاحيه سكرت الباب ورءها الهنوف – وش عندس وراس علم ؟ الجازي –وش عندكم غايبين !!!!!!!!!!!!! الهنوف – لازم نكرر الااسطوانه يعني- ولا نعلق لافته- ولا احسن نوزع منشورات على العايله قلنا لكم المدرسه فيها اصلاحات الجازي وهي تطالع مشاعل الي منشغله بالمجله وتاكل مارس الجازي – اييييييييييه والمدرسه الي فيها اصلاحات ليه مايقولون لسواقينها لايمرون على البيوت ولاهي مضيعه وقت هي هينا رفعت عينها بمشاعل الي ماتعرف تكذب ويبين عليها والي من سمعت خالتها جمدت القمه بفمها ورفعت عينها ببطئ على الهنوف الجازي وش فيكم جمدتو تحاكو الهنوف سكتت لحظه ثم طقتها ضحكه بصوت عالي ومشاعل فاتحه عينها عليها الجازي استغربت الهنوف وهي تحاول تسكت نفسها من الضحك- تلقين ابو صايل ياعيني ناسي متعود ياقليبي على مطاريش الصبح الجازي – هنوف طالعيني الهنوف رفعت قذلتها وحطت عينها بعين خالتها قبل لاتقولين شي الي قولي لي انتـــــــــــــــي من انــــــــــــــــــس ولا من جـــــــــــــــــــــــــان ؟؟؟؟؟؟؟؟؟؟؟؟؟؟ وكشفو البنات اوراقهم للجازي هذال – عند راسها وحبه يالله يالغلافمان الله عندي مناوبه نوره –لبى قلبك ياهذال هذال وعينه على الورد- تدرين يوم جيت المحل كل الورد عيا لايروح معي نوره وهي تغمز عينها- ياشيخ وليييييييييه هذال- يقول الورد لابالله مانبي نروح تاخذ الجو علينا بنت نايف ابتسمت نوره بعد ماراح هذال عنها ودمعت عينها دمعه ماتدري هي فرح هي خوف لاتفقده بس الااكيد ان دموعها ذا الاايام ماعاد صارت تعز عليها مثل قبل ولاعاد تعرف ليه تنزل كلمت الجازي سيف عشان يمرهم الجازي – اخبارك ياابوي جعلك طيب سيف- طيب طاب حالس الجازي يقول عمي انكم بتروحون المستشفى سيف – انشالله الجازي – اجل الله لايهينك مرنا العيال الي مشغول والي بعيد والي عنده مناوبه ومانقدر نروح مع السواق والخدم بيقعدون مع البزران سيف – تامرين الجازي – مايامر عليك ظالم وماقصرت اجل فمان الله وراحت للبنات الجازي- تجهزو بنروح بعد شوي شيخه قاعده تلاعب بنت حمد الهنوف فاتحه الثلاجه الساعه 11.20 وهي جوعانه والوقت لاحزه فطور ولاغدى هياء – ارب سياره سيف تاخذنا الهنوف – وشو سيف الي بيودينا !! الجازي – ايه عندس شي وكان اخر المكالمات الصادره سيف وهي تناقش الهنوف ظغطت اتصال من دون ماتدري الهنوف – اييه عندي اعتراض لاني ماادانيه اولا اخو الخايسه نوال واخو فالح والفاشل هذا قليل ادب وماعنده الا الااسترحات والعلوم الرديه واحد فااااااضي من داخل مااطييييييييييييييييييييييييييقه الجازي – واحد قالس اخذيه قلنا اركبي معه الهنوف – اخذه!!! مابعد انطبقت السماء على الاارض-و عشان اصير مضحكه الي يسوى والي مايسوى اخذ رخمــــــــــــــــــــــــــــــــه هينا فار الدم براسه وعرق في جبهته قام يضرب وشي بداخله خلاه يحتر رخمه – فاشل هزته وهزت رجولته صحيح ماهوب راعي دراسه ايه صحيح انه راعي استراحات ايه لكن علوم رديه ورخمه وفاشل معصيييييييييييي راح للمغاسل –وغسل وجه وهدا عمره ولا حياه لمن تنادي شي بداخله ماراح يبرد الا اذا لاافها بالعقاااااااااااال كرامته صاحت انا رخمه تعقب وتهبي الي مااستحت لوانها ماهيب بنت عمي ابو سعد لااقول انها ماتربت قليله الحياء والمستحى بس والله ماتروحين بها ياهنيف وانا سيف فهاد – في الطريق وطاري يجيبه وطاري يوديه وش حالها الحين وجاه مس كهربائي يوم طرى ان فالح لايكون عندهم وظرب السرعه.... و اول ماتذكر انه في ام رقيبه ظغط على الدركسون بقبضته وهدا سرعته – حتى وانت بعيد يافالح مامنك راحه بس البلا ولوانك من عروق قلبها قريب لا.........لا........لا..........لا......مستحيل وهي الي طلبت الطلاق يعني هي الي تبي بعده هي الي تبي فرقاه هذا وهو مابعد تملكها انجن من مرور الطاري عليه وانهبل من بس تفكيره انها للحين تفكر فيه بيفقد صوابه لوانه صحيح بيفقد عقله لو انه عايش بقلبها !!!! اجل الله يعينه على الجاي ؟؟؟؟؟؟؟؟؟؟؟ سيف الي خاطره شمالي سيف الي وش مايصير مايعصب الاعللى شي كايد سيف الي نادر مايسمعونه يهاد اخلصو عليييييييييي وامشو بحرك ولاعلي من احد بشاير – ياويل حالي سيف معصب وهوماهوب من العاده نزلو البنات وام فالح ومر البيت وضرب هرن اقصى الشارع يسمعونه وطلعو البنات قدام كانت ام فالح والي ورى بشاير ونوال وسلمى ونزل وراخى المرتبه وركبت شيخه وهياء والجازي وماعاد به مكان والثنتين واقفين الجازي قبل تركب سيف جعلني قبلك المكان مايكفينا سيف الا انشالله توقعت الجازي انه راح يحشر البنات وحده قدام مع البنات ووحده معهم بس الي صار انه مشى وهويصفر عشان يغيضها وفتح باب الدبه ( يعني الشنطه حقت السياره) وقال اركبو الهنوف – ايش ؟؟؟؟ والله مااركب سيف – مقعاد مابه مقعاد وانسي السواق في البيت ولاانتي بقاعده معه بلحالس الهنوف – معي مشاعل سيف – الحال من بعضه اركبي قبل لا يجيس شي ماترضينه في الشارع يخليس سالفه في الحي وركبت والغيض ماليها وهي تسمع ضحك البنات وتعليقات سلمى وبشاير واما سيف واخيرا هدا بس% ماارتاح % ولا بيرتاح الالين يعوفها اليوم الي قالت عليه فيه %رخمــــــــــــــــــــــــه وفاشــــــــــــــــــــــــــل% وقام يسولف هو والجازي وشيخه بحكم انهم الكبار ومتعودين عليه ويجيب سوالف لازم يدخل فيها وضعهم وهويسولف وخذى سند العنز وحطها في( الدبه) وركز المرايه عليها وكانه يقول حالــــــــــس مــــــــــن حال العنـــــــــــــــــــــــــــــز^-* تمت وفي ليل برودته تطفي لهيب الجروح وفي ليل قطرات مطره تخمد نار قلوبنا وفي ليل تجلت فيه اجمل صور الحنان اتـــــت من بين النـــــــــــــــــــــــجوم تتبـــــــــــاهـــــــــــى متى يرتاح قلب ن بالهوى ملــــــــــــــــــكته الجزء التـــــــــــــــــــــاسع وركبت والغيض ماليها وهي تسمع ضحك البنات وتعليقات سلمى وبشاير واما سيف واخيرا هدا بس% ماارتاح % ولا بيرتاح الالين يعوفها اليوم الي قالت عليه فيه %رخمــــــــــــــــــــــــه وفاشــــــــــــــــــــــــــل% وقام يسولف هو والجازي وشيخه بحكم انهم الكبار ومتعودين عليه ويجيب سوالف لازم يدخل فيها وضعهم وهويسولف وخذى سند العنز وحطها في( الدبه) وركز المرايه عليها وكانه يقول حالــــــــــس مــــــــــن حال العنـــــــــــــــــــــــــــــز^-* الهنوف – مشااااااااااعل شفتي السخيف وش سوى خلانا مضحكه مشاعل تضحك – ياربي لاتكبرين الموضوع سيف مزوووح وطبعه كذا الهنوف وهي تصرضروسها- ايه وش عليس انه مايطالع في المنظره الاانا وماهزئ في الشارع الاانا ولا بعد يهدد يسوي سوات يتحاكى بها الحي مشاعل – ياربي الهنوف قولي امين الله الهنوف بطفر – اميـــــــــــــــــــــــيييين مشاعل –الله يدبل كبدس مثل مادبلتي كبدي وصل المستشفى واتصل على ابوه فهاد – ها يبه وش قلت اسم الدكتور ابوفهاد – برهان العطار فهاد – على خير امره عقب امركم ابو فهاد – لاتبطي علينا يابوك ابو سعد – وش فيه فهاد وش بالدكتور ابو فهاد – ماشفت رجله يعرج بها ؟ ملتويه من عند الكاحل وموجعته وبه دكتور هنا مدحونه قلت يجي يشوفه امدحه لي مبارك البارح فهاد كان حافظ اسم الدكتور بس سوى نفسه مايعرف عشان مايفضح عمره ان الجيه عشانها وضحك فجاءه اول ماتذكر اخوه محمد لانه اكثرواحد يعرفه ويعرف تحركاته زين وانه لابد وراها مغزى انرسمت على وجههه ابتسامه يوم طرت على باله كلمه اخوه الي دايم يقولها له (مايهرول الذيب عبث ) ..هذي حكمه معناها مايمشي الذيب الا لهدف عند بوابه مستشفى السعد الطبي سيف – وصلنا نزلو البنات وراح سيف للدبه وهوراس ابتسامه نزلت مشاعل اول شي – اول ماجات تنزل الهنوف سوى نفسه ماشافها وجاء يسكر الدبه الهنوف –هييييييييييي انت سيف رجع يفتح الباب – اووووووه يالله نسيت بس انزلي كل عنز تدل دربها نزلت من الدبه وهي معصبه وبصوت واطي بس سمعه – صدق قليل ادب سيف ببروده وبنفس درجه الصوت بس سمعته – قليل مما لديكم والخير عندس واجد البنات عند البوابه يحترونها الجازي – ياحليله سيف شفتي وش سوى يستهبل صك باب الدبه على هنوف شيخه – دايم نوره تسولف عنه تقول روحه تجنن ونفسه خفيفه الهنوف جات بصوت واطي – وعقله بعد !!!!! مرو البنات محل الورد – ودخلو واخر وحده الهنوف راح سيف واعترض بينها وبين باب المحل معطيها ظهره ولاكانه يشوفها وهي اقفه تحتريه يوخر التفت عليها انتي هينا ادخـــــــــــــــــــــلي بـــــــــــــــــس لاتاكلينه هذا ورد ماهوب بــــــــــــــــــــــرسيـــــــــــــم !!! البرسيم ( اكل العنز ولااغنام) ابو فهاد – من امس وهو ينشدني عن الدكتور وماهقيت انه يجي ابوسعد – ماعليه الا العافيه انشالله ابوفهاد- قال دامكم كلكم اهنا بمركم مره وحده اسلم ابو سعد- الله يسلمه من كل شر وقام ابو فهاد يشرح لهم موضع وجع فهاد وكيف يومه تعثر في ام رقيبه و ارتكى عليها بطريقه خطاء الدكتور- دلواتي غيرت الشد وانشالله مش محتاق اكتر من كده بس انته ليه مش مهتم بيها ؟؟؟ فهاد وهويتحسس رجله احس الوضع ماهوب مستاهل الدكتور- القدعنه مش بالصحه ولما تسيبها مش معناها انك بتتحمل ضحك فهاد- وهونازل من السرير مدها عليه الكتور – ياليت تقربها بتناسبك او ابدلها فهاد مستغرب – مايحتاج دكتور الدكتور- مش حينفع مشيك دون العصى والا فتره العلاج حاطول لانك بتبوز كل الي عملناه بمشيك عليها البنات طلعو من المحل بعد ماشرو الورد الهنوف – الجازي حرام عليس والله ماهوب شين المحل الجازي – بس المحل هذاك احلى بواجد حتى النوري معجبها نوال- الله ورد ودنيا كنها ماهيب معهم في البيت مالت بس مالت ام فالح تهمس – يعني ادرو وشوفو وش سوينا للعروس يوم صخنت ومغايض فينا نوال – والله اني داريه هذي حركات الحيه الجازي عشان تاكل قلبي والله ماانساها يوم عشانا يومنها تمدح بجناح اخوها ومفصله على خاطر نويران وماحسبت حسابي قدام بنات خوالي بس عشان تجرحني قدامهم ناسيه انه المفروض من نصيبي سلمى – ناسيه بعد انس انتي الي بديتي وبلسانس جيتي لي قلتي شفيت غليلي يعني كلام الجازي رد وتحصيل حاصل لكل شي قلتيه لااكثر ولا اقل بشاير – لا بس حركتها الجازي سخيفه ماحشمت اهل البيت يوم العشاء سلمى- واختس ماحشمت ضيفانها ام فالح – بس ولاكلمه انتي وياها قربنا منهم في احد الممرات – فهاد- لا المغاتير باقي لوحاتها ماوصلت بس بكلم سطام واكد عليه والشيلات كلمني راجح ويقول سلمها لااداره قناة الساحه البارح محمد – والوايتات كلها جاهزه وطعام اللبل وصل والرعيان مسيرات رواتبهم دفعها فالح فهاد وهويطالع رجله - الحمدالله محمد – بس الزياده عيا لايعطيهم اياها يقول لاعطيناهم اياها ماعاد هم مشتغلين بامانه لانهم حصلو الي يبون فهاد وقف فجأه و بعصبيه – محمد الي تحول كله في الحساب للعمال وفالح ماله دخل ماوداه عمي عشان يعدل شغلي ودها عشان يشرف وذولا ضعوف برد وشغل ودنيا والزياده من حقهم ماهيب كرم مني وبيشتغلون بامانه لاني قايل لهم عقب المزاين يبشرون بالخير بعد محمد- اذكر ربك يارجال فهاد خف حده صوته – لا اله الاالله حق لكن كلمتي يامحمد وحده -- العمال قايلهم بزيدهم تروحون تكسرون كلمتي ليييه؟؟ لواني رايح اناكان ابرك محمد- قلت لك يارجال خلاص ماصار الاالخير فهاد شاف البنات مقبلين – يالله فمان الله اكلمك قريب سكر محمد وهو داري ان فالح وفهاد النار وشبابها وشلون يقول لفالح والله لايقلب الدنيا محمد- ياليل الطويله ذاك ماتنثني كلمته لو على رقبته وذا بيفهمها انه يبي يمشي اوامره عليه ...............الله يسرها بس فهاد- سلم على خواته وام فالح فهاد- التفت مشاالله والله انكم واجد عشيره جعلني مااضركم ام فالح- والعشيره جعل ربي يهديك محد منهم ملا عينك فهاد درى بمغزى كلامها- الا يملون العين ويستاهلون الي احسن مني وقلب الكلمه عليها فهاد عشان يقطع كلام العجوز – وش حالكم يابنات البنات بخير زان حالك فهاد – اهل الدراسه ليه غايبين الجازي – حيلك عليهم مفصولين المصدع الثنتين الهنوف احمدت ربها ان سيف ماهب فيه لان مرت اخوها فضيحه والتفتت لصوت طيحة جيك مويه الصحه وراها (مايصير الشاطرين ينفصلون بس الفاشلين هم الي ينفصلون ) كان هذا صوت سيف الي نزل يرفع المويه عن الاارض الهنوف ومشاعل كان ودهم ان الجازي بين ظروسهم مشاعل متفشله من خالها فهاد والهنوف منقهره من سيف نوال – بغنج بنقعد كذا عند الباب التفت فهاد لصاحبه الصوت وانذهل من الي شافه – عباتها ضيقه والشرايك التركواز ملفته للبعيد وعودها باين والشهاده ل الله ازين البنات عود نوال وفي خاطره ماعليس مشروه يوم واليس فالح ولا لو الكلمه لسيف ان تبطين ماطلعتي بها طبعا ابو فالح كبير فما يدقق كثير بلبس بناته دخلو ويوم جات بتدخل نوال – جرها من كمها سيف – وسلال انشالله نوال- هيه فك يدي فضحتنا سيف- ماشفتي نظره فهاد نوال- بعد والله مهملني ويبي يمشي رايه علي لااااااااا يابوي قله من كلا بالثنتين غص ( بهمل بنات العرب وبمشي رايي عليهم........ ماتجتمع) الغرفه لجت بالزايرين ام سعد – عدلي برقعس وطرحتس سيف وفهادجايين الهنوف – هلا ااااااوالله بالغاليه فديت قلبس مشاعل وهي تلم عليها جعله فيني ولافيس سلموالبنات والتمو حولها والشيبان في طرف الغرفه يسألون فهاد دخلت نوال وسلمت على عمانها ودخل سيف وتنحنح وسكتو البنات سيف- وش حالس يالنوري نوره- جعلني قبلك والله يالسيف بخير فيه شخص كان يراقب كل شي وكلمه جعلني قبلك شقت اذنه شق هذا بس عشانها تغليه( جعلني قبلك ) اجل بكره لاحبتك وش بتقول لك يافهاد وفجأءه لا ........الا قول وش كانت تقول لفالح ............... وفجأه بدون مقدمات ركبت فهاد ضــــــــــــيقه مايــــــــــــدري من وين ابلــــــــــيس ساقـــــها نوره وهي تضحك – الله يقطع شيطانك سيف- والله اني اقوله من جد قلت سعود خلنا انتبادل في كرت العايله على الاقل القى عيشه سنعه وكل شي سنع تدرون لوانس ماوافقتي على فهاد نوره بلعت ريقها ماتدري ان سيف جابها على الجرح كان خذيتس!!!!!!!!!!!!!!!!!!!!! بحلقووووووو فيه وصمت رهيب حل سيف- طيب وش اسوي نوره اغلى عندي من ويش واختي الكبيره والشرع مايعترف باهاالشي الابعقد وش اسوي و انا رجال احب العيشه لا تسوي شي ولا يضيق خاطرك وخل امرتي وابشر بكل شي فهاد جاهم وهو يعرج ومتكي بعصاه سيف – الحين اكتملت الصوره نوره ضاقت من خنقها ريح عطره فهاد- أي صوره سيف يقصد العصاء- صوره الشايب هههههه ولا تبي تغشنا وتاخذ بنتنا فهاد وهويطالع عصاه رافعها شوي عن الارض وتأملها - لا عقب الهـــــــــــلال اخـــــــــــــــلال انتفضت نوره واسترسل فهاد بعد ماانتبهه لرجفتها ومحد فهم كلمته ماهوب عشان فالح اصغر مني غديت شايب بعدين خمسه وثلاثين عز الشباب وانت وش فهمك مرحله النضج يالبزر اهم شي سعر السيرلاك والنيدو عندك سيف – صادق خمس وثلاثين زايد ثنتين مجانا تحصل على وحده ضحكو كلهم هياء- الله يغربل ابليسك يعني ثمان وثلاثين اوخيي لويصك الاربعين بخيت من جاء بنصيبه نوال بصوت همس – يووووووووه كبييييييير سمعها فهاد ولااهتم - يالله فمان الله واخذ البالطو الي على الكرسي وراح الهنوف – والله ماهوب هين خالس على ذا لبالطو ماودس تشيلين عنه العين مشاعل – ضاعف ياقليبي من المزاين والكرف نوره ومن اختفى صوت العصاء والتفتت على البالطو الي اختفى ارتاحت بس باقي عطره مـــــــــالي المكـــــــــــــــــــــــــان..................... نوال- سلامات ماتشوفين شر الله يعينس يقولون الربو صاحبه كل ماتقدم بالعمر يزيد نوره بغيض – ولا لس لوى بالعكس احس انه خف علي سيف – ماودكم نروح قبل لاتمطر علينا وانا وراي كم مشوار وماقلتو لنا الشاطرين كم يوم مفصولين الهنوف – وش عليك شيخه وهي تعطيهم نظره – الله لا يبلانا ثلاث ايام سيف – انا الي يقالي مانيب فالح عمري ماانفصلت وش عاد انتم يالشاطرين بس دايم يقولون اهم شي الاخلاق ولاادب حتى لوكان ييبلللفققققثثصصصسسسسسسسسسسسسسسسسسسسالواحد فااااااااشل الجازي تهمس لهياء- جعل الهنوف لسانها القص شكل الصبي قد سمع منها قبل حكي هياء تنغز الهنوف – الجازي تبيس الهنوف تهمس – نعم الجازي – وجع في السياره قلتي شي الصبي قد سمع منس شي اخبرس لسانس متبري ؟؟ الهنوف- ماشالله وانتي لسانس وش هو فضحتينا عند فهاد وسيفوه الجازي – خلاص اصبحي العرب انتبهو فينا سيف- اجل فمان الله وماودكم تخاونا الجازي- جعل ربي يوفقك لا مايحتاج الحين جاي مبارك وسط اجواء بارده وتجمع من جميع دول الخليج تحتفي (احلى الديار) بااكبر مزاين يجمع ملاك الاابل قدام المخيم وبيت الشعر واقفين والسيارات رايحه جايه فالح – وليه انا جاي اتلقى اوامر منه معصي انا جاي ارتب الامور واشرف عليها مااعجبه يجي المقدم الله لايهينه ويسوي الي يبي لكن يملي علي اوامره من الرياض لا محمد ويده على حبل الخيمه - ان الله وانا له راجعون ابفهم ليه انتم تناكدون بعض فالح – لان اخوك يبي يمشي العرب على شور راسه وانا واحد محد يمشيني محمد – يادين الله تونا واصلين دافع البلا امداك تهاد تراني جويع وهلكااااان تعب خلنا نريح وعقب يكتب الله الي فيه الخير شيخه – ترفع جوالها وهي تبتسم الروح دربك والمشاوير كونك والعين بيتك والمسافات لك حي ادري جنوني مايشابه جنونك زايد خيالي عن خيالاتك شوي ليه السعاده مالها طعم دونك حتى اليوم من دون وصلك شي في بيت ابوفهاد ام فهاد – ايه رحت لها!!!! رحت لمريوشه العين !!!!!! فهاد – أي بالله رحت لها وهذا انا قدامها ام فهاد – ايه اضحك علي بالحكي فهاد وهوينقي من التمر ويمد على امه – افاااااا اضحك عليس كل ذا الغلا واضحك عليس ورن جواله وطلع يكلم وقاله محمد تفاهم مع فالح فهاد مايبي يتفاهم معه – ماهوب انا الي ارتب كل شي والتاليه تجون وكل احد يمشي كل شي على هواه محمد طاح بينهم وفالح يقول لا زدت رواتبهم وغيرت كلمتي مع العمال واتفاقي ان الزياده عقب المزاين لاامسك خط الرياض وامشي وخله يجي هو ويسوي الي يبي !!! وفي السياره سيف- والله ثم والله ماتركبين معي وذي لبستس ام فالح – مالك شور ابوها موجود وفالح موجود سيف – بس معي انامعصيييييييي وفي جو ثاني بشاير – شفتي الباقه من هو ؟ سلمى – ذوووووق فديت قلبه والله ان قلبي لولا ضلوع صدري كان طلع من محله يوم قالت بيجي هذال وهو توه رايح منهم بشاير- يوم درى انس موجوده بيعود سلمى – فديته انا والله الاشووووووووووفي شمي عطره بالباكيه يوم مسكته بقى بيدي بشاير تشوف اختها وشلون حاضنه يدها وهي تشمها قالت- حتى العطر عرف من يوالف راعيه وفي يد خله لبق فهاد – وينك هذال- قالت نوره انكم في المستشفى وانا قريب منه قلت اجل ازهم اشوفك يوم دقيت انشد عنك ابوي قال طلع عودت دوني علي مناوبه لكن ودنا بشوفك فهاد – جعلك تسلم مالله كتب و انتواجه انشالله نتواجه في عشانا هذال – على خير انشالله شيخه حست بغصه وهي تقراء عايفك يادنيا وادري بيوم اني مخليك وان كان حبيتك ماهوب عشان بك ميزه وان كان حبيتك وحبيت مقعد ن فيك لا اجل فيك روحن على قلبي عزيزه وكتبت – مامر نص يوم والروح ودها تفارق الجسد وتجيك والساعه عيت عقاربها تدور متى تجي بتطول ؟ محمد كان عينه بس على الروح ودها تفارق الجسد وتجيك وبلغه ثانيه وفي عالم اخر تناغمت الحروف وتلاقت وكل منها يشرح حال صاحبه محمد يقصد كل كلمه في رسالته وجات رسالتها وكانها تقول لا فارقت روحك روحي بتتبعك محمد – ياعسى المقابيل واجد ياشيخه عشان اعوضس قبل لا الوالي ( ياخذ امـــــــــــــــانتـــــــــه) في بيت سعد منيره – ودني لاهلي سعد- طيب ممكن اعرف السبب يعني ابسطها حمسانه ولاعشان امس بلحالها؟؟ منيره- تقدر تقول الثنين وبعدن وش تفرق معك ؟ سعد – لاااااااااتفرق اجل الظاهر والعالم الله اذكان السبب الاول فبتطولين عند اهلس واذكان الثاني لاتطولين لا ن البيت يحتاجس!!!!!!!!!!!!! دخل حمد- ماشالله الحين احسن نوره – انا من قمت واحس نفسي طيبه حمد – بتطلعين العصر اليوم نوره – ماقدر الحين احس اني طفشت وضقت حمد- لا الدكتور ماهوب موجود التفت حمد يقول سعد دق على عمي واستأذنه بيدخل ذبيحه في بيتنا بس لنا حنا وعقبها يسوي عشاه عشان للحين نوره تعبانه ابو سعد – ابرك واسعد اليله سمره بلحالنا وعقب الله يسهل مشاعل تشاور عمتها – اتمنى انهم مايعرقلون سير الرحله عشانس يانوره نوره- الحمدالله اليوم السبت قدامس لين الثلاثاء وهذا انا طيبه الاكانس تفاولين علي اصخن ذالسبوع مره ثانيه الهنوف- لاجعل الصخاين تدق عظمي ولاعظمس مبارك اجل يالله بنمشي والعصر بنجي انشالله في الشرقيه وفي الدمام اماني – وععع رحتو لها الي ماتستحي ام الريجيل نوال- مالت عليها ماشفتي اجتماع العايله الكريمه عندها اليوم ماقعد احد في اهلنا ماجاها اماني – ياعيني يحسسونها انهم مهتمين بالعروس تراهم مصدقين واجد سالفه العرس تراها اعرست ياعمري ولاعشان المعرس ماعرس قالو خلاص بصراحه اهلكم عليهم طلعات مدري من وين يجيبونها في غرفتها جالسه وضامه رجولها لهابيدينها- نوف – شوفي الي صار صار وحطي في بالس انه خلاص بتملكين ومثل ماقلتي بيشفي غليله من فالح وعقبها انتي الي بتطلبين الطلاق يعني سوي الي يبيه عشان يسوي الي تبين ....مع اني يانوره مانيب مصدقه ان فهاد بياخذس عشانه ولاتصدعين راسي بالسالفه الي سمعتيها من فهاد عند فالح قطعتها نوره – نويفه انتي الي لاتصدعين راسي وتحطين شغل مسلسلات ماسمعت زين البطله و فهمت خطى كل كلمه منه شقت اذني ومعناها مايحتمل شيئن! سكتت نوف – والله مااشكك في كلامس بس يمكن الكلام قبل والحين تغير كل شي نوره- مستحيل اكثر وحده عارفته انا يوم عرسي ماحضر كبير العايله لانه رايح يعتمر مع اخوياه ويوم طلاقي فك سياره جديده امانه انا وش سويت له بس وتراني ماخذت موقف ولا اهتميت لكلامه لفالح عني نوف ماقدرت ترد لان كلام فهاد يوجع ومثل ماقالت نوره المعنى مايحتمل شيئن عشان تبرره نوره بصووووووووت هاااااادي – نوف سكتت نوره ووجهها لاامها الي كانت تصلي بطرف الغرفه وهي قاعده على سجادتها تسبح ادعي ان الله يفرجها علي ويصد باب عرسهم ذا نوف بغت تفك نفس نوره- نوير لايكون سياده المقدم له خاطر فيس من زمان نوره حذفتها بطرحتها – اعنبو ابليسس طول ذاليوم اتكلم عن سواياه واعلمس بكلامه الي ولامليون مره قلته لس قبل وتعودين تقولين ..........بس صدق اقول ثور يقول احلبوه وفي سياره مبارك- الجازي – مبارك شوف شكله جنان مبارك – تبينه والله ماارده بخاطرس ضحكت الجازي – صدق بتحط الفندق بااسمي ؟اجل عندك دراهم ن واجد!! مبارك قرب منها – ماارده في خاطرس يعني بخليس تمسين فيه الجازي – لا ياخوي انا ماارتاح الاممسى في غرفتي شيخه طفرت من مرت اخوها – يالخبل اذا عنده دراهم واجد ماهوب شاري الفندق باسمس الا بيحط وحده تحت اسمس !!!!!!!! الجازي – تيبس ظهرها من كلام شيخه وفي خاطرها توعد اما مبارك في السنه عيدين ذا ثالث جاته من الله كلمه شيخه وبردت حرته- صح وانا واحد عادل لا جبتها لاتخافين باخذ لس غرفه جنبها هياء- هيييي لاتحرضين على اختي ماهوب معناه ان محمد ماهوب معرس تدمرين غيرس شيخه بغرور- 25سنه حلم وتحقق هياء – الاقولي تخطيط شيبان ماهوب حلم شيخه – لاياعيني الله الي كاتبه لي لوانه من اتلى عصبتي – يعني من اخر الجماعه- خذيته ولا الشيبان ولاغيرهم صدق ناصر ياسيد عشقي انت راعيه وراعي الااوله وماهي كثيره والله لاقلت لك ســـــــيدي الله الي حط لك ذا الغلا والمنـــــــــــزله ولا الهوى لاورث ابوي ولاذخرته لولدي لابيات لشاعر ناصر القحطاني يعني الحب لا تخطيط شيبان ولايفرض ولاشي يورث ولاشي يعطى هياء- الله كليتيني شوي شوي والله طلع محمد عامل عمايله فيس شيخه ضحكت والتفتت لشارع بنات عمها وكل الي حولها حاطينها المحظوظه فيهم خذت واحد تحبه ويحبها من عادهم صغار وعادينها اسعد وحده ولااحد داري بالخوافي محد داري انه يجيها ايام تخاف فيها انه تنتهي حياتها معه محمد مزاجي متقلب حياتها سفينه تلطمها الاامواج من كل جهه تخاف ..تخاف.. تجيب منه ضناء وتنتهي حياتها قرارهامنطقي لكنه يستغفل الطرف الثاني متى يامحمد تستقر عيشتنا متى يمر علي يوم من دون مااخاف فيه منك وتذكرت اخر مره مديده عليها وصلت الامور حد الانفصال واخر هوشه لهم سوت حاجز كبير بينهم وصارت تفصل اغراضه عنها ولاتجيها لو شافتها مع ان الحياه الزوجيه مشاركه في ابسط الامور وقطع كل هذا شعور ماهو أي شعور( شعور انثى) حطت ايدها عللى بطنها وابتسمت رغم المراره في المستشفى قامت نوره تصلي ولفت انتباهها الي على الطاوله الطرفانيه وســـــرت فيها رعشــــــــــــــــــــه من الي شـــــــــــــــــــــــــــافــــــــــــــــــــــــته !!!!!!!!!!!!!!!!!!!!!!!!!!!!!!!!!!!!!!!!!! تمت |
السلاااام عليكم...
نبووووض افلحتي ان شااء الله ماابااقي شي وتاصلين خط النهااايه وتصيرين هنا وهنااك على نفس الخط.. هخهخهخه وعاد من هالجزء اذا الله احياني بصير انزل الردود اللي هنااك هناااا.. يعني تراه نفس الرد بس متغير مكانه.. هخهخهخه ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ السلاام عليكم.. مرحباا ملاييين بنبض ومشااعر.. على الوعد مااا شااء الله .. الله يجعله دووم ياارب.. وصدقيني لو استمريتي كذاا بموااعيدتس بتلقين الكل يقرأ لتس.. اذا التزمتي مع القراااء بتلااقينهم ملتزمين اكثر منتتس بالردود.. والحين اقوول الله يوفقتس ياارب بالامتحانات اللي عندتس الله يعين حنا بتبدأ الاسبووع الجااي.. والله يعين ياارب.. وبالنسبه للجزء اليووم مااراح اقوول انه قصير وهذاا تقديراا مني للظرووف اللي انتي فيهاا .بس والله مااقصرتي ان كل هذاا يطلع منتس بهالجزء وانتي عندتس اختباارات وغثى الله يووفقتس ياارب وتطلعين الاولى على الجاامعه ..طبعاا مكرر بعدي..هخهخهخهخه.. والحين نجي للجزء.. احسن ان هالجزء وضح اشيااء كثيره كانت غاامضه.. اولها موقف شيخه ومحمد . والثاني موقف نوره من فهااد.. ببدأ صرااحه بملح القصه الرجالي.. سيف : تجنن انت ودمك ماافيه احلى ولاا اخف منه.. وامووت فيك وانت تهزأ نوال السامجه..احسن ورها العين الحمراا ياا مملوح.. يااحبي لك وانت تمدح نووره وبصفهاا لاا وبعد ترفع الصووت بهالاعجااب.. بس عااد صراحه قمة اعجاابي فيك لمااا صرت انت والهنووف تنااكشوون.. شكل الاكشن بدأ من اليووم.. هخهخهخهخه.. يااحلوو الفاشل اللي عمرهم ماافصلووه اناا والله خاابره انك فااشل بس مؤدب اخلااقك عاليه ياا رجاال.. هخهخهخه.. امممممم مدري صراحه وش اتوقع لك انت والهنوف بس تبي الصراحه من اللي شفته اليووم اقوول انه صعب واحد فيكم يخلي الثااني ينتصر عليه.. عشاان كذااا مااراح يخلي واحد منكم ينخ الا شي(ن) كاايد.. بس والله حااسه انكم قبل بتكسروون رووس بعض لييييييييييين تدووخوووووون.. هخهخهخهخه. والله يعينكم وحناا الله يووسع صدوورنا معكم.. هع هع هع.. الهنووف :: ياا ويلي منتتس يالهنووف . وش هذا كيف تردين على الرجااجيل... ؟؟؟ ولد عمتس وزوج المستقبل المفرووض تحترمينه ولاا تعصبين فيه لان كل هذاا بيطلع على رااستس بعدين.. هخهخهه تدرين والله تعجبيني وانتي عصبيه احس ممكن انتس تنفجرين وتسووين شي موو طبيعي من كثر الحره اللي فيتس بس بعد يعجبني انتس تمسكين نفستتس ومااتركينها تبين القهرر اللي فيتس زي لما الجاازي فضحتكم وقالت انكم مفصولين .. وانكشف السر للفااشل السياافي والنااجح القلب فهاااااااااد... ويعجبني فيتس حنااانتس وخصووا مع نووره.. انااا مالكده انتي طيبه صح لساانتس طووويل بس اكييد انه بالحق ومن حقتس تداافعين عن حريتس اللي تتوقعين انتس بتنحرمين منها بسبب سيف.. وانا اتووقع انه لوو تقدم فعلاا سيف للزواج بتااخذينه من بااب انتس تقهرينه لاني اتوقع انتي للحين موو مستووعبه ساالفه الزواج و وبتعلنين التحدي له.. ويمكن يصير زي ماقلتي لشيخه انتس بتوافقين عشاان تادبينه.. هخهخهخه محمد وشيخه.. يعني انتم تزوجتوا عن حب؟؟؟؟؟؟؟؟ طيب وش اللي صاار لكم وقلب حيااتكم كذاا؟؟ ليش عدم الثقه بمحمد ياا شيخه وليش هوو متقلب في ردات فعله..؟؟ يمكن اللي يحس فيه واللي يسوويه ناتج من شد عصبي هوو فيه ويمكن هذاا راااجع للاوراق اللي جابها من المستشفى يعني محمد يمكن يكون فيه شي خطير ومن زماان بس ماا تاكد الا من فتره.. وهوو ماايقدر يقوول لاحد عشاان مايضاايقهم فتكون ردات فعله عصبيه لانه يبي يفرغ هالاحسااس بالقهر او بالضيقه باحد فماا يلقى غير اقرب النااس له وهي شيخه فيبدأ يوريهاا الانقلااب المفاجئ باخلااقه عللهيا ياا بهيئه ضرب اوو هوشات وعصبيه..بس اللي ودي اعرفه هوو.. وش قصدك ياامحمد بهالكلاام اللي قلته.؟؟. اقتباس:
اقتباس:
نوال: ياافضحي فضحااه يااقليلة الادب.. وقسم بالله ماتستحين .. انتي مااعندتس كرامه؟؟؟ كل شووي ترددين ان فهااد مهملتس.؟ الله لااايلوومه يووم انتس بتنصرعين من هالطااري كل شووي.. استحي على وجهتس ياا حماره.. يااليت بس تنتبهين لعبااتس ياا الحشيم .. والله ماايعرف لتس الا الشيخ سيف هوو والله اللي بيربيكم كلكم ياا العلل .. بس والله استغربت كلامتس لما قلتي عن فهاد بعد كلام سيف عن عمر فهاد كبييييييييييييير .يعني انتي مااتعرفين عمره؟؟ بس تبين وااحد يااخذتس الله يااخذتس وتطلعين من بيت اهلتس بدون ماتعرفين أي شي عنه ولوو كان شي بسيط مثل العمر..؟؟؟ سلمى : يااخوووفي انتس تمووتين لو دريتي هذاال وشوو مخطط عليه؟؟؟ ياا اختي مدري شلوون تفسرين كل مووقف باللي ينااسب احلاامتس..؟؟؟ اتوقع ان انتي بتكوون صدمتس قوويه لوو عرفتي ان هذاال ماايبيتس وبتكوون اكبر من صدمة نوال لما تركها فهاد.. بس اللي انا وااثقه منه انتس اطيب خواتس وحبووبه مرره .. خايفه لو عرفتي باللي في خاطر هذاال تتغير شخصيتس وتكونين نسخه مصغره من نوال والعليله البغيضه اماني؟؟ بس انتي اكبر من هذوولي.. ويمكن تااخذين هذال غصب عنه وتنصدمين ان كل احلاامتس كاانت خياال في خياال ؟؟ ..بس يمكن هنااا تبدين تتركين الاحلاام وتحاااولين تكسبينه لصاالحتس لوو فكرتي بعقل شووي وتركتي الاحلام الورديه اللي انتي فيهاا.. والله اني احبتس واناا واثقه ان هذال لوو عرفتس على حقيقتس بيصير يمووت فيتس..>ياخوفي ان هذي احلاامي انا الورديه.. هخهخهخه الجازي : على ان لهاا لساان مو طبيعي وفضيحه مااتخلي احد الا وهي فااضحته بس رهييبه ومسوويه بالقصه اكشن خاااص فيهاا.. هخهخهخه.. وخصووصا مع مبارك تبيه.. وتبيها تكوون بروحها بقلبه وهي ماا تتفاعل معه ولاا مع رومانسيته .. ؟؟ طيب الى متى ؟؟ وليش اصلاا هالتعاامل البارد معه؟؟ والله ان لهاا سببب وارجع اقوول عشان هي اكبر من مباارك تحس انهاا لاازم مااتخليه يشوفهاا هبلا او خفيفه وهناا ممكن انه يحس انها ماتستااهل احتراامه.. امووت فيتس وانتي تمدحين فهااد وتقهرين الحااقدين والمغرضين بسوالفه مع نووره.. احســـــــــــــــــــــــن جعلهم يموتوون من القهررر ياارب.. نووره : تفاجأت ان سبب كرهتس لفهااد كلاام قاله عنتس لفالح .. يعني انتي سمعتي باذنتس هالشي اللي انقال عنتس؟؟؟ طيب وشووووو؟؟؟؟؟؟؟ يعني بيقووله عند زوجتس فالح البغيض..؟؟ بس وشوو؟؟ اقتباس:
اقتباس:
اقتباس:
خشمتس خشمتس ياا شيخه ماابغيتي تجيبين هالدره.. أيــــــــــــــــه ياا حظي انتي وهي يمووت ومن زماان وهي الهبلااا تسمع سوالف وتالف فيهاا على كيفهاا ... صدق هبلاا.. بس انتي ياانووف انا متامله بوجودتس خير يااليت تهااوشين النووري اذا شفتيهاا غلطت والا تعدت الحدود مع فهااد. واناا حااسه انتس بتكونين مسااعد خفي لفهااد.. يعني انتي تبين تسااعدين نووره واللي بيستفيد من هالمسااعده الشيخ فهاااااد.. الشــيـــخ فهاااااد رااعي البل.... وهـ.. بسم الله عليـــــــــــــــــك وعلى رجيلااتك ياارب.. طهوووور يااقلبي مااتشووف شر..ياااا زين اليووم ومعلوومااااااااات اليوووووووووم اقتباس:
شوف فهااد والله انك شيخهم كلهم ياا حضرت المقدم اللواء العميد .. وفالح هذا اسفهه ولاايعصب فيك.. ولااتهتم له وااحد حمار ويجي بيكسر كلامك ابد ماعليك انت اللي كلمته مسمووعه واذا هوو مااسمعهاا يسمعوونهاا ايااه القوى العظمي .. خير ان شااء الله يحب الدعوى ساايبه...؟؟ لاااااا كماايدري ان رااسه بيكسر نتيجه لتكسيره كلاام القلب فهااد.. بس انت عااد اهتم بنفسك شووي اهم شي صحتك.. مدري ليش خفت عليك من هالعوار اللي برجلك.. وانت عند نووره وتسمع كلامهاا لسيف المملوح وخرابيطه على رااس نووره.. والافكاار خذتك بعيد وسرحت .. اقتباس:
شووف هذااك اللوح ماكان يحبهاا وهي الهبلاا كانت تمووت عليه وهوو حتى ماايعطيهاا وجه.. بس انت بتخليهاا تشووف دنيااا غيير الدنياا اللي عرفتها مع اللوح فالح الغير فالح.. وبتعرف نوره هذيك السااعه فرق الثرى عن الثرياا..وبتعرف كيف بغت تضيع عمرهاا لما رفضت الزواج منك... اتوقع ياافهاد انك انت اللي بتنغص على حيااتك بنفسك اذا صرت كل شووي تردد هالفكره برااسك .. يعني فالح غيير وانت يااقلبي غييييييييييير لااتقعد تقاارن نفسك بذاك الثوور الاهبل.. انت الافضل يااا شيخ فهااد..هخهخهخهيعجبني مرره مرره فيك اهتماامك بامك .. وانك تطلب رضاها صح هي تزهق وتضيق الخلق بس بعد هي امك ومن حقهاا عليك انك مااتضيق خلقهاا باللي تقدر عليه.. وانا الحين معها بس يمكن بكره اذا زهقتني ونكدت عليك اقلب الوجه عليهاا واخليهاا تكره السااعه اللي جااابت نبووض طاريها بالقصه.. هخهخهخه نبووض.. تسلم اليدين يااقلبي .. وننتظر الجزي الجاااي بكل شووق ياااكل الذوووق. |
عدوتي الغاليه تراني ضربتني غيره منج هههههههههه بس ترى هي غيره عداوة غاليه خخخخخخخ
________________ السلام عليكم .. فهاد شوه هو الكلام الي انت قاليه على نورة وهو الي مخليها تكرهك وما تبغي ترتبط فيك هل هذا الكلام سامعته مباشرة منك انت ولا وصالها من السان فالح لانه يغير منك ويكرهك ..؟؟؟؟ وحركتك يا حضرة المقدم ورحتك للمستشفى كل هذا عشان بس تشوف نورة وتطمن عليها ولا همك كسر رجلك ولا شي .. وغيرتك الواضحه من سيف ومن فالح تعبر عن مدى حبك لها وهالحب من زمان ون قبل لا تتزوج فالح حتى والدليل انك رحت العمره بيوم عرسها .. بس هل راح تقدر تغير راي نورة فيك وتبدل كرهها لك بحب ...؟؟؟؟ نورة كرهج لفهاد لانج سامعه منه كلام عليج بس شوه هالكلام الي يخليج تكرهين فهاد لهدرجه وما تدانينه ..؟؟؟ وليش ما فكرتي مثل ما قالت نوف انه يحبج وله خاطر فيج من زمان ولا ليش حيرج ومصر انه ياخذج وانتي مطلقه وصعب انه يكون عندج عيال بسبب الحالة الصحية الي تعانين منها .. زواج الحينه يا نورة صار امر محتم ولازم تتقبلينه وتحاولين انج تغيرين الي في بلاج وتاخذين بنصيحه نوف .. لانج عشتي بعذاب بما فيه الكفايو وعانيتي بزواج فالح فلا تكررين المعناة مع فهاد بيدج وهو الوحيد الي يقدر يعيشج بسعاده ويعوضج .. محمد وشيخه . يعني زواجهم هب بس من اختيار الشواب ومغصوبن على بعض .. لا كانوا يحبون بعض من هم صغار .. بس ليش هالجفا والقسوه الي يعامل محمد شيخه فيها ..وكل الي يفكر فيه يدور في داخله يدل على انه يحب شيخه ويبقي يسعدها باي طريقة .. ودعائه ان الله يعطيه عمر هذا الشي الي اتوقع انه ممكن يكون فيه مرض وخايف من الموت ويكون سبب عذاب شيخه .. وشيخه كانت تاخذ موانع عشان ما تبغي ترتبط بانسان تعتقد انه ما يحبها وان حياتها معاه هب مستقرة والعيال بيكونون الضحيه بينهم .. بس في هالجزء اتوقع تكون حامل وهذا الش الي ممكن راح يقربها من محمد وتعرف شوه سبب معاملته لها وابتعاده عنها .. سيف والهنوف والله انك تحفه يا الفاشل وحركاتك روعه مع الهنوف وهذا يدل على انك ما راح تسكت عن العنـــز هههههههههه وبتادبها وتعلمها من الفاشل وتبرهن لها العكس .. والهنوف (العنز) هب هينه واكيد ما راح تسكت وتتقبل الي تسويه لها .. واكيد بنشهد لكم يا الفاشل والعنز حرب حاميه وبالاخير بنشوف منو الي راح ينتصر على الثاني .. نوال صدق ما فيج حشيمه ولا مذهب .. وتستاهلين الي ييج والشرهة على فالح الي مخليج بدون لا رقيب ولا حسيب وما همج احد .. لا بستر ولا حشمه وكانج رايحه معاريس هب مستشفى .. بس زين يسوي وياج سيف هو الي يقدر يعلمج الحشمه والستر .. بدل اللبس الي يفضح اكثر مما يستر .. واكيد عقب ما سمعج وشافج فهاد وانتقاده للبسج وشكلج طحتي من عينه واستصغرج .. بس اتوقع انه بتحاولين تخربين حياة فهاد ونورة وانتي والسوسه اماني .. نبض ومشاعر .. باارت رائع يالغلا سلمت اناملج على عليه .. لو انه شويه قصير بس ان شاء الله يكون البارت الياي اطول وتعوضينا بعد ما تنتهين من اختبارتج وموفقه باذن الله وربي يسهل عليج وتحصلين اعلى الدرجات ,, |
وتزاحم النجوم بوجودها وتخترق الغمام عند حضورها ولااعلم ماالسبب
ومره اخرى في السماء اتتكم متــــــى يرتـــــــــــاح قلب ن بالهوى ملكته في المستشفى قامت نوره تصلي ولفت انتباهها الي على الطاوله الطرفانيه وســـــرت فيها رعشــــــــــــــــــــه من الي شـــــــــــــــــــــــــــافــــــــــــــــــــــــته !!!!!!!!!!!!!!!!!!!!!!!!!!!!!!!!!!!!!!!!!! سلامات ماتشوفين شر ومابعد المرض الا الصحه ومابعد السقم الا العافيه ومابعد ( الخلال ) الا (هلال ) جعلها اخر الاوجاع ام فهاد نوره مقهوره وتغلي من داخل -الخلال فالح وانت الهلال لا في ذمتي وحمدت الله انه محد انتبه للباكيه والكرت لان الغرفه كانت مزحومه ورد وطرى على بالها حتى لوشافوها عادي ابلــــــــــــــيس ما فـــــــاتــــــــــــــــه شي حاط ام فــــــــــهاد حتــــــــــــــى لوشافها احد عادي يعني انها من امه اقص ارقبتي اذ هي من خالتي رفعه يوم الخطبه قعدت الدنيا ولا خلتها حتى وان غطو البنات على امهم والي طلعها من هواجيسها امها وهي تمد السجاده ام سعد- النوري وش بلاس يمس ؟ نوره خذت السجاده – مابلاي شي فديت قلبس بس زهقت من مقعاد في المستشفى ام سعد – يالله العصر بنطلع ام فهاد- مدري عنه رن جواله وطلع منيره- تقول لي الجازي انه كان عندها ذال عليها لايصير بها شي ام فهاد- جعلها ماتقوم منه منيره – الي قاهرني انهم يدرون انها تعبانه ومره بالعربي مافيها عيال ورايحين يخطبونها لواحد طق الثلاثين ولايكون عاد عمره صغيربس؟؟؟ فهاد لواعرس متى بيجي عليه صيب لين تعالج بنت العرب وعقبها فيها ايه وفيها لا ....يعني بيروح عمره وعمرنا نحتري ( صيبه) يعني ذريته بس وش نسوي مابه الاهي بلانا بها ياهي يابلاه عرس سكر الجوال- وليه تحترين صيبي ؟ وماشكيت لس الحال بعدين وش قومكم علي العمر والعمر والله لواني صاك الخمسين منيره – أي بالله اذ قعدت كذا راح عمرك فهاد- خلاص بعرس ولوتبون نملك ذالليل ودخلوني على امرتي وفي بيت ابو سعد مشاعل – والله يبه زين الحين بدق على امي وبقولها الهنوف- وش فيه؟؟ مشاعل- ابوي يقول دقي على امس قولي لها تخلي الخدامه تزهب العيال وتزهب عشان الذبيحه عند اهلي بلحالنا ......بس اكيد ابوي متهاوش مع امي ولايبي يدق عليها فالح – يالله تبي شي ؟؟ محمد- انت من صدقك فالح وهويصارخ – الله ياخذ عمرك جيبه هنا جاء العامل الي باين عليه صغير سن وحط اغراض فالح في السياره محمد- حرام عليك ياشيخ هذا فهاد مايداني عليه متغرب عشان لقمة اوخياته واهله تدعي عليه فالح – وش رايك يصير هو المعزب وانا العامل عشانه متغرب اعنبو ابليسك وش مسوي به واطي رقبته انا ؟؟ فكنا بس فكنا محمديضحك- دافع البلا منك الحين بتهملني وتخليني؟ ايه بتكسر بكلمتي عشان اخوك محمد- انت لايغرك فهاد اذا عصب والله مايشوف دربه ويقلب الدنيا علينا فالح- تذكر من كلمه محمد لايغرك وهويتذكر فهاد والشر طالع من عيونه وقطعه محمد – انت وياها وش بينكم من عقب ماطلعت من السجن وفكك الله من الي وهقوك - وانت وفهاد ماانتم بطبيعين فالح تهور – واخوك هذا هو جاء وخطب نوره لعانه فيني يدري انه خاطري فيها محمد انصدم – فهاد مايسويها !!!!!!!!!!!!!!! فالح- ولاماسألت نفسك تو مازانت في عينه ولايبي الاهي.. وهويدري انها تعبانه ؟ محمدكلام فالح منطقي بس قلبه مايصدقه وبصوت عالي- قلت لك فهاد مايسويه ولاعاد تجيب طاري المره على لسانك وهي ماتحل لك فالح – لاترفع صوتك واخوك مايسويها الا ســــــــــــواها وانزل عشان وراي مشوار لدمام بجيب مرتي من اهلها !!!!!!!!!!!!!!!! نزل محمد وهوماهوب مصدق الي يسمعه اماني – اف ياربي عندهم عشاء واخاف فالح يروح لهم قلبي ياكلني ام تركي – وش حقه خايفه ماعليس منه يروح ولا مايروح (اللهجه فيها كلمات قليله من اهل الدمام بحكم عيشتهم) اماني – يمممممممممممه وشلون وش حقه اخاف هذيك المره طالعه عليه الله ياخذها بدون ستر ام تركي – حسبي الله عليهم بنات قليلات تربيه ولابعد معيه من الي خاطبها عشان يردها عيده- يمه لاتحكمين بسرعه وكلمتس قليلا ت تربيه عميتي فيها البنات وتراس لحقتي ابو سعد وام سعد با الشينه بعدين لاتلحقين اللوم عليها حطيه على رجلس اماني وهي معصبه – لاحبيبتي فالح رجال واي رجال طلعت عليه مره بكامل زينتها راح يفكر فيها عيده حبت تغيض اختها- اجل مامليتي عينه دامه أي وحده يشوفها بيفكر فيها اماني – جب جب ولاكلمه عيده- يوه يمه الله يستر بس من بنتس لاتجيب رجلها ذالليل ام تركي تضحك- والله انس صادقه دفع التكاليف للمستشفى وطلع لها في غرفتها حمد – يالله جاهزين نوره – من دون ماتطالعه ايه جاهزين وفي السياره يسولف معها وهي كلمه ورد غطاها نوره في خاطرها ليش ياحمد يعني بكره لويصير شي وتضيمني الدنيا بتوقف ضدي يعني بكره لواطلق منه بتوقف في وجهي في بيت ابو فهاد منيره- ومتى بيجون المجله فهاد- القابله منيره – زين والله ___ طيب قبل لاانسى ودني بيت عمي نايف وانت بتحضر العشاء ولا لا؟ فهاد- ماظنيت بس اذا اسعفني الوقت جيت في غرفه البنات الهنوف – الحمدالله امانيوه ماهيب في الجو بنتنفس مشاعل – مالت عليها وعلى وجهها تصدقين محد لاقى لهم اسم الا خالتي الجازي صدقــــــــــــت يوم سمتهم( الساحرات الثلاث) الهنوف – الجازي صديع ايه – لسانها سكين ايه – تفضح الواحد اييييييييييييييييه بس احيانا ياانها تجيب درر محد يجيبها والله انها عينت اسمهم لاااااايق مشاعل – بس ماعليه بنشوف سلمى الهنوف – وقفت تقليب الملابس وسرحت مشاعل – الهنوف وش فيس ؟؟ الهنوف بضيقه – مشاعل انتي داقه اليوم على جوال سلمى مشاعل – ايه كنت بدق على البيت بس خفت امها تسوي لي سالفه والبنت ماتستحي ومن هذا القبيل لاني داقه اقول شوفي هـــــــــــذال طلع على الساحه الهنوف – طيب شعيل بقولس شي بس امانه سويه من دون ماتسألين لاان راعيه مأمن مشاعل بخوف- تراس صبيتي قلبي وش فيه الهنوف- لاتدقين على سلمى وتقولين لها على هذال وتسولفين لها عنه زي قبل مشاعل – لييييييييييه الهنوف وبضيق وعيونها تدمع- بعديييييييين وقامت عشان ماتشوفها مشاعل الجازي كانت تكلم اختها منيره الجازي -ههههههههههه من صدقس انتي منيره – الظاهر مافيه شي يضحك يالصديع انا محتره من اخو س الي انهبل تالي عمره ولاعاد يشوف الا نويران( دخلوني عليها ذالليل) الجازي – منيره الله يخليس امسي علي وبعدين ياخي وش دخلكم زانت في عينه ...الحين تغيرت عليه ....ودخلت مزاجه الحين......... وش عليكم !!؟؟ منيره – الحكي معس ضايع يالله فارقي الجازي – بشويش علي ابفارقس الحين وبتقابليني على العشاء منيره – لا تقابليني روحي قابلي مدعوجه العين وسوي مثل راعي المستشفى الجازي – راعي المستشفى رايح عشان رجله ومبارك هو الي قايله له (وفكو فهاد شــــــــــــــــوي) وعلى طول الجازي سكرت السماعه اول ماشافت نوره وعيونها الدمع مليان فيها اثرها داخل غرفه سالم وحمودي واالجازي ماخذه راحتها واول ماجات بترد اشرت نوره بيدها (وفكو نوره شـــــــــــــــــوي) وبخطى سريعه طارت لغرفتها مشاعل – الهنوف امانه معس ليه تقولين لاعاد اسولف لسلمى ؟؟ فيه شي انتي متهاوشه معها ؟؟؟ الهنوف- لا ومانيب قايله لاتسألين ؟؟؟ مشاعل – ماهوب على كيفس اقولس كل شي وانتي تخشين عني الهنوف – لان الشيخ هــــــــذااااال بسلامته ماله خاطرن فيها ؟؟؟ مشاعل فتحت عينها من الكلام الي سمعته ومن دموع الهنوف الي نثرتها قدامها !!!!! هذال – تدري انه خلا الحلال وجاك ؟؟ فهاد- على هواه اهم شي محمد هناك ؟ هذال – محمد بلحاله ؟ فهاد- مالك لوى سطام معه يارجال ؟ هذال – تراني بروح عقب ماافك من الدوام وبشوف (اجله ) للمنقيه غير الي عندنا *الجلال *– غطاء تغطى فيه اللبل تحافظ على لون وبرها وتحفظها من البرد ايضاء وحتى اذا حل وقت العرض يصبح لون وبرها جيد واغلب ملاك اللبل يضعونه وقت المزاين فهاد – اجل شوف بروح للبنك وبحط في الحساب الدراهم لانها ماهيب مكفيه عشان الرعيان صرفنا لهم الرواتب واطعمنا اللبل منها هذال – قبل لا انسى درو ان منقيه المغاتير لك ولا لا ؟ فهاد – والله ماادري سعد يدري ان عندي مغاتير بس مايدري اني بشارك بها والشيبان دارين بها وهم الي قالو افصلها وشارك بها هذال – احسن لك يارجال خل العرب يدرون بالي لك والي عليك الدنيا ماتنظمن فهاد- عليم الله مابغيتها تفصل لكن يوم قال عمي نايف شارك بها مدري والله استانست ثم عقبها اغتميت بينفصل حلالي عنهم ولاودي بها هذال – بس في المزاين وبعدين ماانت منافس اهلنا مجاهيم وصفر وانت وضح فهاد- يوم شفتها اليوم في الساحه شوفها ياهذال يرد الروح شوفها مقبله ومقفيها يشرح الخاطر شوف (العلياء )يسوى عيوني اسم ناقته العلياء هذال – اركد يارجال مابقيت للمره شي فهاد – اناعن عمري ببقي بس هي ماهيب مبقيه شي بتاخذ الاوالي والتالي ضحك فهاد وهذال ( هذال يقصد نوره بس ماتملكته عشان كذا استحى يقول نوره مادرى انه بكلمه المره خلا فهاد يفطن للملكه ) فهاد عقب ماسكر وعينه على الجوال المره ماقال نوره لازم املك قريب عقب مانعود من مكه الثلاثاء بحيل الله القوي هياء تطق على نوره هياء- النوري افتحي الباب طالبتس نوره – فتحت الباب وشكلها هاااااااااااااادي هياء استغربت لان الجازي قالت لها كل شي فتوقعت انها بتشوف شي ثاني هياء – نوره انتي طيبه نوره – وش انتي شايفه ؟؟ هياء – نوره ترى الجازي ماتقصد احد بس ...... قطعتها نوره – انا الي ما اقصد بعدين الخطاء مني انا وماضقت من الجازي ضقت من نفسي بس الي صدمني ان منيره معهم يعني مايكفي نوال واماني وعمتي ام عمتي ام فالح وخالتي رفعه الي بتصير عمتي تجي منيره تكمل!! هياء انا العرس ذا وربي ماعينت خير منه وهو ماتم للحين كني ماخذتن اخوس برقبته وقايله اخذني انا الي ماابيييييييه تبلوني لييييييييه رحو له و قولو له بتدعي لك لا افرجت عنها وقولي لامس نوره ماتبيه تروح تدور لمره تصلح له غيري ودون ذا وذاك انا خسرت حمـــــــــــد حمد الي طلع لي بوجه ثاني بوجه صدمني واقل شي جرحني فيه ها ياهياء من الي فكوه ورقبته انا ولا اخوس من تحاكي ؟؟؟؟؟؟ مشاعل والعبره خانقتها- وانتي وش دراس الهنوف – ماعليس من الي قالي وجاتهم الجازي وكانت تدور عليهم – ساعه افر عليكم والتاليه قاعدين على العتبه قومو مقعاد على الدرج في المغرب ماهوب زين بعدين سلمى احرقت جوالي هاكم بتدق بعد شوي تبيكم ناظرو الثنتين بعض وقالت الهنوف- خالتس تجي في الوقت الضايع وهي ترفع الجوال هذا وقته مشاعل ابتسمت- الصديع ماعندها وقت وقصصصصصصصصصصص لسان ياالمفصولييييييييييين الجازي سمعتهم وهي مدبره ومن سمعو ردها حطو ايدينهم على روسهم بيبطون وهي ماسكتها عليهم هياء- نوره تعوذي من ابليس نوره- اعوذ بالله من الشيطان الرجيم بس شي يقهر ياهياء يوم وافقت ويا بلفيت بهدي الامور وبنخلص طلعت سالفه ومليون سالفه ولاهو رضينا بالهم والهم مارضى فينا حتى اختس منيره هي الي كانت تبيني اوافق وتنطل نغزات يعني اخذيه واحمدي ربس يوم وافقت بلشوني اشق هدومي يعني الجازي سمعت نوره – لاتشقين هدومس لاراحت ندوي شقيها واحرقيها نوره شهقت اول ماشافت ندى وراحت لها تلم عليها حسبي على عدوس اول مره تسوين شي زين الجازي – لاوالله هياء قطعت السالفه عند باب الغرفه -الاقول نوره عندس سيدي فاضي بحط عليه واجباتي نوره وهي عند رجول ندوي – ايه في مخباء الاب توب ثلاثه اخذي واحد منها وهياء انسي الكلام الي قلته لس وخاصه حمد لايدري بشي الجازي – اسرار هااااااااا البنات دخلو على نوره – ماشالله متجمعين هنا مشاعل – خاله تكفين خلينا نتقهوى في غرفتس شيخه جات وفي يدها طوفريه القهوه – الحمد الله عادكم بتاخذون رايها بنتقهوى هنا الهنوف – ايه بعدي ياشويخه محد يجيب راسها الاانتي هياء استانست تغير الجو طبعا محد يدري بالنقاش خلااااااااااص اجل بجيب فريروشيه الهنوف – يالنذله من امس خاطري به ماعطيتيني وجه وخليتني ارقد وانا خاطري فيه هياء- ابد ن ما انتي ميته جوع عشان حلاو نوره مشغوله بندى - متى ندى – مدري عطوني ورقه مكتوب فيها خلو ندى تروح معنا لحديقه الحيوان بلحالها مامعها دوينه ضحكت نوره على وصف ندى لتصريح الرحله – يا والله الشقاء دوينه ذي معس حتى في الدراسه وشوي الاجات الخدامه تلبس ندى شراباتها من البرد وهي تفصخها نوره- البنت الشاطره تلبس شرابات ندى- ماابيه بعدين انا ماامشي ليه البسها لبسو دوينه نوره حز في خاطرها وش تقول تكذب وتقول بتمشين- رجولس حلوه عشان كذا تلبسين شربات ندى- خالي فهاد يقول احسن رجول ندى واحسنكم وجه ندى نوره في خاطرها هذي حسنته الوحيده ودخلت منيره وبزرانها عبدالله ودوينه وسلمو ونست نوره مع الزحمه وجعها وتجمعو البنات فالح في السياره – اماني – حتى امي تقول الله يستر لاتجيبينه ذالليل فالح – هههههههههههه اماني – اضحك انت وش عليك اناالي لوماجيت كان ليلي كله سهر وبكى وانت كان متكي مع العيال ولاعلى بالك فالح – طيب واذا تملكت واعرست خلاص اماني – مارتاح حتى لوماتت كل ماتذكر انها كانت مرتك فالح – حسبي الله على ابليسس من مره اماني – انا أي احد يتعدى على شي لي اسوي الي مايتسوى عشان يتوب سكت فالح لحظات يسترجع الكلام الي قاله لمحمد وفعلا الكوره في ملعبه المره ماتبيه وهو ماخذاها الاعقب فالح يعني فهاد يناكد فالح اماني – هيي وين رحت فالح – معس معس الا كملي وش بتسوين لواني ذالليل واجهتها اماني فتحت عينها – مالت عليها انا في الدمام وش تبيني اسوي غير اجر الصوت بس لا رجعت بيتي وريتها السنع ووريــــــــــــــتك معها....... محمد- قاعد على الضو مع وكيل حلالهم سطام وملاك اللبل كل يوم عشاء عند واحد متجمعين العيال بعد العشاء ولليل الشتـــــــــــــــاء طويل ولابه شي يقطعه غير (شبه الضو ومقابل طلقين الحجاج) عامر يشوف جواله وخنقته عبره وقد الشيب يخطي براسه وتعطيه من الااربعينات عامر – يارجال احد منكم يقصد سطام – الرجال هواوي ( يعني من اهل الهوى) عامر يضحك- لازم الي يطرب للقوافي يصير من اهل الهوى سطام – الااغلب عامر – ابدن لكن لي بنت لاسمعت صوتها تبكي وانا بعيد ينشق قلبي من الضيقه ولوود ودي يارجال في غمضه عين عندها واسكتها احس انها ماتسكت الا اذا اني عندها محمد- مشالله اخر العنقود اجل عامر- الايارجال اول العنقود سكتو مستغربين وقطع صمتهم واحد من الرجال الطيبه عسى الله يصلحها ويهديها ويخليها لعين ترجهيا الحاضرين اميين سطام- وعشان النتيفه تبي قصيد عامر- الله الله انوجع محمد لان احد الحاضرين جاب قصيده ماكأن حروفها انظمت الالحاله الاماكأنها انكتبت الاله عسى راعي العنا ينسى عناه وينشرح صـدره على الله يازمن بشكي همومي والهمـوم جبـال تعدّت عاصمة حزنـي حـدود العالـم بأسـره خساره يالسنين اللـي كتبتـي سيـرة الرحـال فرحت امس وحزنت اليوم بس الخوف من بكره لساني كم شكى صمته والى منّه حكـى ماقـال! طغى طبع السكوت بسيرة المحروم من صغـره سقى الله يوم كنت اضحك وبالي مستريح البال! ضحوكٍ ماعرفت الحزن وش معناه وش قدره؟ وكبرت وكبرت احلامي وصارت قصة الترحال اماني في مهب الريـح وحلـمٍ ماكتمـل بـدره بعذر اللي مع ايامه جلس يبكي علـى الاطـلال تذكر ماضـي افراحـه اليـن خنقتـه العبـره عزيزه يالعيون اللي حضنتـي دمعـة الرجّـال حبستي دمعته بين المحاجر يوم ضـاع امـره عزيزه يالحروف اللي سكتـي والكـلام يقـال حكيتي.. ماشكيتي الهـمّ وهـمّ القلـب ياكبـره عزيزه ياليدين اللي ثنيتك باصعـب الاحـوال اكفّك ساعة الحاجـه وامـدّك ساعـة القـدره! وعزيز النفس لو يصبر على صبر الليالي نـال ابصبر والرجل يصبر ومقياس الرجل صبـره انا منهو حمل همّه على راسـه تقـول عقـال! مجاديف الزمن دارت عليه ونَسّـف الغتـره!! وانا منهو فقدصوته وبعض الصوت به مـازال دعيـت الله يفرّجهـا علـيّ وبحَّـت النـبـره أشيل الحمل عن غيري وحملي صار ماينشـال كماالشيخ الهزيل اللي مشيبـه منقـضٍ ظهـره جروحي مزنةٍ منها هطل فيض الشعـر همّـال سقت جدب العروق اللي تبلـل ريقهـا قطـره وعن حر الزمن صارت حروفي للجروح ظلال تذرّت عن هبوب الياس حلمٍ قـد بنـى قصـره عساها للمطر روحٍ بهـا وادي الظمـا ماسـال عروق سنينها جفّت وورّاهـا الزمـن غـدره عساها للمطر روحٍ قضـى مرباعهـا ماطـال كساها ثوبها الاصفر.. وكانت تلبس الخضـره على الله ينجلي وقتٍ قضيتـه هـمٍ و غربـال ويشعّ النور في قلبٍ غشى ليـل الظَلَـم فجـره على الله والولي الله وبامـر الله يزيـن الحـال ويضحك للزمن قلبٍ مع همومه قضـى عمـره عامر – صح الله لسانك ياوالله قصيدن يشرح عناء حالي مادرى انه في طرف ثاني يشاركه الهم والوجع وزود عليها المـــــــــــــرض قامو الحضور يسمعون الجالسين من الي يحفظون ومحمد في عالم ثاني متى الله بيرزقه قده 32سنه ماالله رزقه للحين وطرت عليه شيخه على القليله لارحت اكون عطيتها شي ادري بها متحمله شي ن واجد وعلى القليله بقى مني شي بذا الدنيا يسليها مااصعب ان يفكر بسعادتك شخص في حين تكون انت سبب التعاسه له والعجب لانك تحبه اتعسته من دون قصد معادله صعبه !!!!!!!!!!!!!!!والاصعب اطرافها عند المرايه تزين – بشاير أي احلى الروج هذا ولا هذا بشايرمشغوله بعلبه الااكسسورات – كلها هذا وانتي بتقابلين خواته ماهوب هو اسكتي تقول خويتي رهف تراني مااداني شغل الروايات صقعت فيه ياعيني ومسكها ومسكته وتقول لي ادري بكم وانتي ماتزينين من خلا حرااااااااااااااااام عليها بس هي تبي ترفع ظغطي النذله بشاير- الله يقطع ابليسها صاااااادقه لاعت كبدي من روايه توني قاريتها صقعت فيه قلنا ماعليه قالت مسكها قلنا نبلعها بعد مويه لكن يتأملها بين ايديه وهي ياحبت عيني تأمله لاحياء ولاخوف قوووووووويه ايه على الطاري يوم دقيت على الهنوف ومشاعل يبون اجيب لهم الرويات الي عندنا بشاير- امحق السوق كاااااااااااسد مامن رويات اميره الورد للحين مانزلت شي ومعاني اخر وحده انا الحرماانهان وقروها وخذني بقايا جروح ماكملت وكل مره اقرها عشان مانسى الااحداث سلمى وهي تحط الحلق بأذونها – لاخذيت هذال بصيرروااااايه وبقولكم بكره هواشنا ورضوتنا بشاير- الله يتم انشالله هذال اطيب عيالنا وارجلهم سلمى – وسعود بشاير- انتي تقولين كذا ؟؟؟؟؟؟ سلمى – ايه لا يكون تأثرتي بكلام امانيوه ونوال وامي الله يهديها بشاير- هملو اختي ياسلمى وانا عايفتهم خلهم وحده بوحده مثل ماقال فالح خلهم يذوقون شين ذقناه نوال ينشدنا عنها القاصي والداني هي خذت فهاد والشيخ وش عليه قريب بيتملك سلمى- حرام وش ذنب سعود( لاتزرو وازره وزرى اخرى) بشاير- عليس نووور ليه وش ذنب نوااال دامه يبي نوره بعدين سعود ماله خاطر فيني مجرد امتثال لشيبان لا اقل ولااكثر دخلت وهي معصبه سلمى عطيني وحده من عبايتس المعقد عياء على عبايتي بشاير- تستاهلين قايله لس سيف حار نوال – اقول لايكثر بس وعطيني عبايه وترانا خلصنا اخلصو علينا صدقت امي يضيق البيت دون اماني مالت عليكم من بنات سلمى – تدرين ليش لانها ماهيب لاقيه احد يشجعها في حزبها غير نوال واماني واليوم عزيمه عمي نايف وبتفقد ياحبيبتي الساعد الاايمن سيف يصارخ - بنااااااااااااااااااااااااات سااااااااااااااااعه بشاير تشل كعبها ونوال تاخذ فاين وعطر وتحطه في الشنطه وهي تصايح جينا خلاص نلبس عباااااااااااااااااااااايتنا وهي ترتب الشنطه ولاهي حول العبايات الي تحوس فيها نوال الجازي – وتغمز لمنيره فهاد بيجي منيره – يقول لاجاء وقت جيت نوره تنهدت وفي حضنها حمودي اشوى الجازي وهي تبتسم - لايجينا الا والشيخ معه منيره- والله اشغلنا فهاد الله لايشغلنا الابطاعته منيره كانت تبي نوره توافق حتى وان كانت ماتبيها وخاصه لوضع مثل فهاد لكن رايها اولا واخيرا معارض الجازي – فهاد يقول عادي عندي ذالليل املك ودخلوني على مرتي الكل ههههههههه نوره حمرت اذانيها وجمدت اطرافها وجات في بالها فكره ارعبتها بكره هي وفهاد بين اربع جــــــــــــــدران و بلحــــــــــالهم حمودي – سوفو اذاني عمتي حمــــــــــــــــــغاء ( حمراء) منيره – الجازي انتي اولدس للحين اللغه لها الله ولابعد ناوين على بنت حمد هياء – شفتي الكلام مقلب ويبون يحجرون بنتي بكره لو بغى يتغزل بها يقول عمغي انتي والله ( عمري انتي والله) ضحكو ولا قطع عليهم الا لوتي – مدام ماما ام فاله سوسوا نوال وبشاير وسلمى في صاله قامو البنات عشان يسلمون في المجلس هذال – حمد – سعد – مبارك – سيف – سعود والشيبان ابو فالح – ابو فهاد – ابو سعد سوالف عن الحياء والمطر والمعارض سعود- خلاص صملوالشيبان على الروحه سيف – انشالله الامتى يملك فهاد سعود- قريب انشالله وفي المطبخ سلمى – وع لاتقرينها الهنوف – لييييه سلمى – نهايه غلقه وضيقه خاطر يموت البطل في النهايه والبطله تاخذ ولد عمها وتسمي ولدها على الي كانت تحبه الهنوف – لوعتي كبدي وانا ماقريتها مشاعل – مايكفي الحين الضيقه في عيشتنا نروح اندورها في الرويات اصلا مانقراى الويات الامتنفس من هموم الدنيا يرحون يغلقونا الهنوف – صراحه كل منتدى يكح قصص بس مافيه السوق هابطه اسهمه رحت اعيد قرايه ملامح الحزن العتيق اقدار كانت رووووووعه وكانت النزعه الدينيه واضحه والنهايه تبرد الخاطر وبصراحه عفت عيالنا عقب عماد ماابي الا مثل عماد ولا بلاه عرس سلمى – وسيييييييييييييف الهنوف – وععععع وش جاب الهايت لعماد اعنبو ابليسس ماتستحين تحطين مقارنه حرام عليس هذا اخوس تحطين من قدره اذا قارنتيه بواحد مثل عماد مشاعل تغير مسار السالفه – تخيلي عقبها شرينا مس ديور مع انه كان عندنا عودنا علييه شفتي الخبال كله عشان الروايه سلمى – الهنوف امانه لاتقولين عن سيف هايت اذا تعزيني سكتو فتره ودخلت هياء تسولف مع البنات شوي نوره كانت لابسه جلابيه واسعه لونها زهر ورافعه شعرها وطايح منه خصل من ورى ولاهي حاطه مكياج بس روج وكحل من داخل ومبين انها تعبانه اوبالااصح خلصت طاقتها وماعاد فيها حيل على شي ام فالح – ماشالله تبارك الله متى الملكه ام سعد – قريب ام فالح قامت تعدد الي خطبو نوال ويعني ادر وان بنتكم ماقطعت نصيب بنتنا وماارتاحت لين جابت العيد ام فالح - وازين انه خذا نوره حوله ومن مقامه نوال توها صغيره ام سعد- حوله لاوالله نوره ام 28 وفهاد ويني ووينه من مقامه صدقتي زينه النسوان بتاخذ شيخ الريجيل ونوال جعلني مابكيها مامن صغر بتخلص الكليه السنه ذي ماعاد في بناتنا احدن صغير قدهم نسوان ماشالله واذكر الله نوره تسمع ماعاد فيها طاقه للحزن ماعاد فيها طاقه تحس بالي حولها معقوله يوصل الانسان لمرحله ماعاد فيه حيل يحزن ويتألم من وضعه وصلت نوره مرحله التبلد وزهقت واستنزفت كل ذره احساس فيها ولاحياه لمن تنادي ودق جوالها وقامت والحمدالله انها نوف دقت في وقتها في مكان اخر كان ناقش ملتهب وكن العشى ماهوب لسلامه نوره كثر ماهو حرب اعصاب الهنوف – عادي الواحد ينفصل ماتصير تصير بشاير-صدق والله حتى الهايت عادي يهيت !!!! الهنوف عرفت مغزى كلمتها - لاحبيبتي انا شاطره ومتفوقه ولافيها شي وكل جواد له كبوه وجاهم عبدالله ينادي ابي صحن فصم وراحت وهي مفوله من بشاير تعطيه صحن عجم التمر ورجعت لهم والحمدالله غيرو مجرى الكلام سيف- عبدالله رقد جعلني مااوصيه سعود- بياتي ياولد الحلال سيف- اعنبو ابليسك تعبت وانا ابلع الفصم في بطني كل شوي ناط احط العجم في صحن ابوك بيقول ذا من الصبح طايح في التمر قلت مالي حيله الا ابلعه سعود-ههههههه حسبي على ابليسك ولاجاك شي يا الخبل ماازين وجهك عند الدكتور تعلمه السبب ناقص هو البزران تجي انت عبدالله – هاك سيف - من الي عطاك اياه احسبك رقدت معه عبدالله – هاااا سيف- اقول من عطاك اياها عبدالله – عمتي اهنوف ضحك سعود- ليه اسمها اهنوف والله ان العايله جيناتها فيها شي البلا من خواتي ولامن عيال عمي نايف تقلبون الحروف الراء غاء قلنا نبلعها لكن تخفونها مره وحده مايصييير مطيرين الحروف الهنوف عندكم اهنوف سيف ماهوب حول سعود وجاته فكره – عبدالله تعال وشاوره وعطاه الصحن سعود- هييييييييه انت وين رحت اسولف معك بعدين ليه رديت الصحن ابتسم سيف بمكر ابد بعلمك بعد شوي دخل عبدالله يدورهم راح لباب المطبخ الخارجي لقاهم متجمعين وراح لها يشاورها عبدالله- يقول سيف مانبي من طويله اللسان شي انقلبت معالم وجهها سلمى- وش فيس الهنوف ووش يبي عبدالله الهنوف قامت مرتبكه– يقول الريجيل يبون فناجيل وقامت وهي تجر يد عبدالله للمطبخ في غرفتها منسدحه نوره- تخيلي هذي عياده مريض نوف- ماعليس منها فديت قلبس نوره – احس صدق اني قطعت نصيب البنت ووقفت في دربها نوف- الله كاتب كذا ولا اعتراض ولاذا من طيب قلبس تفكرين فيها الي ماتستاهل نوره – احسن شي اماني ماهيب في الجو ولاكان قنابلها ارض جو من تشوفني يركبها مليون جني كله عشان رجلها طيب انتي معه وش تبين فيني مثل منيره كانت ميته اوافق على اخوها يوم وافقت طلعت ماتبيني اساسا بس كانت تلح عشانه يقول ياياخذني ياماهوب معرس نوف- نويران والله قلبيها في راسس الكلام هذاك الوقت يمكن الحين غيره ربي نوره – والله لو ماتمسين علي لااصك في وجهس نوف- ههههههههه خلاص تصبحين على خير بس لحظظظظظظظه نوره تدرين ليه ماجيت ماهوب عشان خالي عندنا عشان المقدم ماهوب جااااي طرررررررررررررخ ضحكت نوره لان نوف صكت السماعه في المطبخ الهنوف -يالله روح حبيبي دخل بيت الشعر وراح سيده لهم عبدالله – تقول حتى حنا مانبي شي من المهرج انصــــــــــــدم سيف الي دايم يحبون مقعده سيف الي جلسته ماتنمل سيف الي خاطره براحه عمره ماحس انه مهرج عمر احد ماقاله ذي الكلمه تجي هي تقولها والله الي زودتيها يالهنوف وماعاد (خليتي لسعه مكان) ولاعاد( خليتي للحلم محل ) سيف - عبدالله تعاااااااااااااااااااااااااال !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!! كل عام وانتم بالف خير من اعماقي اهديكم من الورد اطـــــــــيبه ومن التهاني اصدقها لكل قراء متى يرتاح قلب ن بالهوى ملكته من العايدين تقبل الله صالح اعمالنا واعمالكم واخـــــــــــــــــيرا سوف تشتاق لكم متى يرتاح قلب ن بالهوى ملكته %نبض ومشــــــــــــــــــاعر % سوف يدعوها الحنين هنا ايضا في حفظ الباري |
يعطيك العافيه ..نبض ومشاعر
قصه مشوقه وروعه ...ابداع رائع و احداث مشوقه ..مع اني ما اكذب عليك واجهت شوية صعوبه في بعض الكلمات القليل جداَ ...ولكن ما قول الا الله يوفقك ويسعدك ..وتكملي ابداعك وانتي باتم الصحه والعافيه ...و الشخصيات راح اتكلم عنها المره القادمه اذا الله راد ..اعذريني ياحلوه السموحه منك |
| الساعة الآن 08:23 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية