|
في ليل برودته جمدت اوصال قلبي وفي ليل سكونه ارهبني واراحني
اطلت النظر الى السماء من نافذتي فااذبالقمر يبتسم فاابتسمت له وفجأه حجبت السماء القمر فحزنت وماان مرت سحب عابره لبدت السماء كاتلك التي تلبد سماء ابطالنا وماان انجلت حتى ارتسمت البسمه على شفاتي ليس لمرائ القمر ولكن لها هي اتت متــــــــــــــــى يرتاح قلب ن بالهوى ملكته راحت ايامه كلها وهو يرتجيك انتظرتها فاتت وانتظرتموهافااقبلت هذا الجزء اهداء المن اخذت بيدي اهداء -لزارا وفروحه وكل كلمه تصف الشخصيه بها زارا فهي لك فروحه الحمدالله على السلامه كما انتظر رايك في صياغة الاحداث فلم انسى نصائحك ودمتم لي احبه واخوه والفضل لله ثم لكم ومن النبض اجزل العرفان الجــــــــــــــزاء الرابع عشر الجازي تصارخ لوووووووووووووتي – جيبي نعال حمود نوره في غرفتها الا واقتحام – نوره- هنيف وش عندس الهنوف وفي يدها عباتها وبرقعها- نوره شوفي امي ماعطتني الاسبع ميه وهذال ماهوب فيه وحمد مااداني اطلب منه تدرين بيحقق معي وليه وش تبيين فيها ؟؟وليه ماتكفيس الي معس؟؟؟ ومبارك ياعمري تو حرك مع ابوي ولو ان ابو............جات بتكمل نوره فضيتي راسي بس عرفت وش عندس الهنوف نطت – بس ابي ثلاث ميه نوره- طيب قولي ليه الي معس ما يكفي وترى ماقصدي شي العطى ابشري به بس بعرف وين تصرفينها الهنوف قعدت على كرسي التسريحه- اولا الاب توب بركب فيه برنامج وبشتري شنطه وسماعات ثانيا عباتي ذي بغيرها ثالثا جوتي سبورت للمدرسه ثالثا بلوزه للمريول لان جاها حبر را........ نوره تضحك – وجع هنيف قسم بالله ان اليوم صايبس شي ماكثر هذرتس في ذمتي على العموم مانيب معطيتس ثلاث الهنوف عقدت حواجبها- لييييييييييييييييييه ياالنوري نوره – لاني بعطيس خمس ميه بشرط الهنوف نطت لينها في رقبتها- امري اشرطي يالعروس نزلت نوره يد الهنوف يوم تذكرت العروس وتذكرت ان حظها الارزقها بيسوقها قريب على شخص ماادانيه شخص له جرح للحين مابرى نوره وهي تطلع طرحتها – تاخذين حمود وتلعبينه وجوهره الهنوف- نعنبو من ردس بس ذا الي تبينه نوره- ايه بس ابي حمود يستانس الهنوف – ابشررررررررررري وطلعت نوره من الغرفه البنات في المقلط هياء تفقد بوكها والجازي قاعده تطقطق في جوالها نوره- بنات راحو العيال ماسلمنا عليهم هياء- يقول فهاد كانو عندنا وعلى اساس يعودون عليكم عقبها نمشي قالو الشيبان خلو مراحنا واحد وعمي جاء مع هذال دون سيارته قاله عمي ابو فالح يروح معنا قال ابوي اجل خلاص ومشو كلهم ومابقى الا سيف وسعود وفهاد نوره بربكه وماتبي توضح مقصد سؤالها انه عشان فهاد- ليه ماراحو هييييييييييييييييييييينا تدخلت للجواب الجازي وهي تحط رجل على رجل - اهااااا سألتيني ليه فهاد ماراح معهم نوره فاتحه عينها من الي قدامها تحرف بالحكي الجازي- سؤالس عن رجلس ؟؟؟ اسمعي رجلس ياحبيبتي يجهز لعرسه بيحجز قاعه لان عمي اليوم قال ان العرس في الربيع نوره – بس محد قالي؟؟؟ وشلون ؟؟ومن قالس؟؟؟ الجازي – مبارك يقول لعمي انه قالس وماابديتي أي اعتراض نوره- مبارك كان يمزح معي حتى طريقه كلامه حتى انه يقول ماله داعي قاعه تعرسين في البر وخلصنا وواضح انه كان يمزح الجازي – مبارك مرسله ابوي لانه يقول ان عمتي لينه واذ قلتي لا بتقول معس لا فبعدوها بعدين مبارك ماكان يبيس تستحين منه فجس النبض بطريقته نوره سكتت لانه من بدايه ذا الخطبه وهي مابه شي يمشي على هواها والي يقهر انه ماتغصب على شي وتمشي الامور على هواء الي يخطط لها من بعيييييد والي يبيه يصير فماكانت لها صدمه كبيره لان الصدمه كانت موافقــــــــــــتها برضـــــــاها نوره بينها وبين نفسها تفكر شلون رسم لها فهاد مسار تمشي عليه في حياتها وهو للحين ماخذاها اجل لامن خذاها وش بيسوي ؟؟ نوره انا وش قاعده اقول – الاانا لاخذيته وش بسوي ؟؟؟؟ وقطع تفكيرها الهنوف الي كانت تكلم مشاعل فهاد برى خلاص الحين كلنا طالعين نوره – من بيوديكم؟؟؟؟ الجازي – فهاد لان سيف بيودي اهله وسعود عند واحد من اخوياه يذاكر ومقفل جواله ومحمد قده داخل الرياض واكيد تعبان ومابه الافهاد نوره نزلت عباتها – جازي بطاقتي الي ظبطيها اسحبي مها خمس للهنوف واذا قصر مشاعل شي عطيها الجازي- بعدي بثري مهرس يالخبل من الحين نوره مقصره صوتها – حلال على الهنوف وحرام على اخوس هياء – وش السواة يعني نوره وهي تصفط طرحتها – سوة ربي ابقعد ضيق بعدين الجوز تكفين جيبي لي ندى لاخلصتو من السوق دخلت لوتي – ماما هاد في سياره بابا فهاد كلو اطلئ برى الهنوف وشلون يعني دخلت عليهم مشاعل وعباتها عليها سلمت وقالت خالي يقول يالله نوره خافت في نفسها – ماتكفي السياره مشاعل لا بتكفي امي واخواني عند امي رفعه نزلناهم وانا وندى رحنا والله يكفي ياخاله شوفي خالتي الجازي قدام وخالتي هياء ورى وعمتي معها والبزران في الشنطه وانا وهنوف ورى والله يكفي نوره- الله يوسع عليكم محله رحو مالي مراح معكم وطلعو كلهم راحت نوره لغرفتها نزلت اغراضها وراحت للصاله تقلب التلفزيون نزل فهاد وعدل كرسي السياره وركب فيه بنت حمد وحمودي وعقب ماسلم باقي احد في البيت مشاعل عمتي تقول بقعد ضيق وماابي احشر العرب التفت فهاد على خواته وقال – عز الله مابه احد مثل مرتي هملت السوق عشان العرب فهاد الي صار يعرف خفا نوره ودرى انها عيت من المراح عشانه هو الي يوديهم فهاد ادخلي ناديها وقولي البيت فاضي والسواق مرسله وكمل بخبث خفي وعفويه متصنعه- وان كانه عشان الضيق قولي لها خلاص بوديكم وخليها جاهزه لاوصلتكم بوديها لانه عارف مستحيل توافق فبتظطر للمراح معهم دخلت الهنوف تصوت – النوووووووووووري وينس النوري طلعت نوره وبيدها الريموت – مراح مابه مراح وش يبي بعد الهنوف – يقول انه مرسل السواق والبيت فاضي واذا ماتبين تضيقين على العرب عادي اوديهم ثم ارجع اخذس نوره والدمعه تنذر بنزول –الله يهديس يايمه كانه ماطرت عليس (((القويعيه ))) وخوالي الا الحين القويعيه محافظه تبعد عن الرياض حوالي 120 كيلو وام سعد مرها اخوها وخذاها وهي بين فتره وفتره تروح لهم الهنوف الحقيني نوره خمت عباتها وهي مالها خلق السوق بكبره مالت مالت اروح معه بلحالي ماهوب في صالح شين الحلايا لا ارتكب فيه جريمه وطلعت وعرفها وابتسم ابتسامه فسروها البنات انها وناسته بجيه نوره ومحد فسرها صح الانوره الي في خاطرها تغلي يبتسم ابتسامه تتكلم تقول- شفتي مابه شي تبينه يصير والتفت وعطاها ظهره يعدل الكرسي الهنوف – ياربي من اليوم وانتم برى ماحد ركب ليه فهاد- يعدل المرتبه عطلونا الي مايبون الضيق للعرب !!! وعقب تراجع خطوتين وقال اركبو نوره يخسي والله يبيني اركب وراه وعلى طول ركبت نوره ورى الجازي ابتسم فهاد الجازي جنبه وش فيك من اليوم مبتسم هياء – ياختي وش عليس منه الحمدالله انه مايشتري وناسته منس نوره كانت تغلي فهاد- ماشالله الحين وسع الموتر وسعه ولاعودنا يضيق مشاعل- ياخال زين سيارتك وازين مابها tvبصراحه فله بنت الجوهره تبكي ضاربه حمود هياء – الجازي جعل ولدس الي مانيب قايله ضاربها مدري وش عليه هذا وشلون بكره اسـتأمنه عليها بكره بلحالها يمكن يجيب اجلها فهاد والبنات –هههههههههه فهاد وهويركز المرايه على الي ورى- حمود وش فيك عليها اجلس اجلس يابوك حمود- عمتي سوفي اقولها انا بجي عند دغيشتس وعيت ( يعني دريشتس يقصد النافذه) هياء – وبعد من زين الحكي نوره بدون قصد اندمجت مع العيال – حرام عليس ذالوجه الزين ماحلاه ربي وعلى طول تذكرت فهاد يوم تكلم فهاد – صادقه بنت نايف حمود زين هياء – ايه ياحبيبي واذا زين توطون في كبودنا مانيب زينكم هو لكم بعدين بنتنا ماهيب قايله عليه قبول فهاد- كانه رجال حجرها ومحد متعدي على حقوقه الجازي تمنت ان اخوها سكت وماتكلم لانه حست بنوره مادرت ان فهاد متعمد اول مره تحس نوره ان غرناطه بعيده عن بيتهم اول مره تحس ان الدرب ممل وكئيب اول مره تسرح في الشوراع ياحلو الرياض وياحلو شوارعها ضحكت في نفسها كني مانيب ساكنه في الرياض بس قطع سرحانها الي كان هروب من وجود فهاد قنبلته اقول احمدي ربس خليتكم تركبون موتري ولاعقب ماخربت بنتس الباب ولا عوضتيني انتي ورجلس ركبتكم معي نوره طالعت الباب يعني الي عندي خربان يعني لانزلت لازم انزل بنفس الطريقه الي ركبت بها امر من سيت السواق بس يوم ركبت ماكان موجود وعلى طول رحت للباب الي رورى الجازي يعني لانزلت هو داخل السياره يارب وش ذا الضيقه الي غزتني التفتت للجو الي كانت معزوله نفسيا عنه وكأنها داخل زجاجه مسكره وتشوف الي حولها لكن محال تدخل معهم الجازي كانت ملتفته نص التفاته لهياء وتسألها عن مقاس بنتها عشان لالقت شي حلو شرته ومشاعل والهنوف يسولفون وش يشترون لكن الي لفت انتباهها فـــــــــــــــــــــهــــــــــــــاد كان يلاعب ندى وكانت الاشاره حمراء والي جمدها يوم رفع ايدينها لثمه وحبها وشلون واحد قاسي مثله يلين وشلون نذل حنون هذا اكيد فيه انفصام جذبها حركته في شعرها مالت النجمه الي على شعرها فكها وقعد يقلب فيها ويشوف شلون تركب ودخلها في شعرها ابتسمت لانه لو خلاها على ميلانه ابرك من زيانه فيها مشت السيارات ونوره في هواجيس ايه فكري به فكري به ترى ندى مصخنه ولازم يروف بها واذا مارحمها ياكبر ذنبه يعني مابه شي يحمد ولايشكر عليه في بيت ابو فالح سيف – اخلصو علينا يامسلمين بنزل امي عند عمي سالم ثم بوديكم وليلي طويل ونزلو البنات واماني معهم اول ماشاف اماني وشاف عباتها الكتف قام يسب وقام يلعن ماكانت ضيقه او كانت مزينه كانت كتف عاديه لكن سيف في غيره مثل أي واحد يغار على محارمه اماني ماعليها منه اول ماركبت همست لنوال الاخ شاط يوم شافني ماعاد بقى الاالبزران رجلي راضي وش عليه مني نوال- ياشيخه ماعليس منه حتى عباتي ذي بيوقف في بلعومي عليها حقت سلمى ومفصلتني شوي اماني – قسم بالله معطينه وجه بس ماالومه مطيح عند بيت عمكم ليش مايصير معقد مثل الشعب الي هناك حتى السواق مايرحون معه مشاوير نوال- ترى فهاد عسر شوي اماني – والله رب رحمس منه وخله يطيح في كبد البايره نوال بالم – حتى بفراقه مارحمني من كلام الناس ماعلمتس يوم في المدرسه واجهت وحده وقامت تسولف تقول مرت اخوها تشتغل في الروضه تقول تو توظفت عندهم وحده تقول انها مرت فهاد بن سالم ال..... قلت بنت عمه الي محيره له عندنا بسألها قلت لها ايه تدرين وش قالت ؟؟؟؟؟؟؟ اماني - وش قالت تقول كانها مرته مااقول الاعزتي له كانه همل الوجه الزين والعود الزين وراح لها وزود عليها مطلقه وكبيره بعد سلمى كانت تسمع لهم قاطعتهم- نوره ماهيب شينه اماني التفت بقوه – بربس هي مثل نوال سلمى- نوره حلوه ونوال زينه اماني- احلفي انها مثلها نوال قعدت تمسح اظافرها بيدها – اماني الحمدالله تخايلنها اسكتي عنها لاتقول لس الحين نويران ازين ام فالح – وش هو نويران بنت نايف ازين جعلها في ذمت من قال سلمى –يمه ونوره بنت نايف شينه – والتفتت على اماني جعلها في ذمت م قال ام فالح – نوال ازين والله يرزقها بالي توفق معه ركب سيف وغترته على متنه – امين بس منهي يايمه الي الله يرزقها بالي توفق معه ام فالح – اختك نوال سيف –ا اللهم امين في السياره وكلن يسولف وماسكتو الا يوم تكلمت الجازي الجازي- فهاد جعلني قبلك سمعنا حدى قصايدك فهاد يفكر- وهو يشوف ندى ويبتسم قصايدي يام حمود قصااااااااااااااايدي ايه جابها الله وعقلها لي نام قلبك وقلب الي عشق ماينام واليالي عميق الجرح مازالته خلها بيني وبينك وفاء واحترام ولاجرحت القلب ارأف على حالته ودي اروح عجل لايطول الكلام ( هو بقى من عيونك شي ماقالته) صاحبك يوم هزيته بجرح الغرام *_ردد البيت مرتين بصوت عالي وده يطيح لكن عزته شالته ارتوى الليل من رمشك وزاد الظلام والغلا التوت رجلي بمحبالته بي صدق الاماني والعتب والملام حلم لقياك اليوم عيونك اغتالته كنت تكبر في عيوني عام ورى عام لكن ايديك صافي الود ماطالته فلا تزيد الجروح ولايطول الكلام هوبقى من عيونك شي ماقالته ؟؟؟؟؟؟؟؟؟؟؟ الجازي – صح لسانك يابو سالم هني من كتبت فيها حتى لو كانت في الخيال مشاعل والهنوف – والله شي صح قولك ياطويل العمر ندى – ياحلو كلامك ياخال وتأشر على عيونها يعني انه زين ويهبل تأثر فهاد من حركتها وحط يده ورى كتوفها ولمها وهويسوق مشغل ياكيف نامت عيونك وانت ظالمني واول ماسمع امه تحاكيه قصر عليه ام فالح – من الي داق عليك مشغلنا اركبو اركبو والتاليه تكلم وتهملنا سيف- ابد طال عمرس فهاد يسألني اذ كنت فاضي نروح ندور قاعه عشان العرس – الاما علمتكم عرسهم في الربيع اماني بصوت واطي – شايب ماخذ بايره ليه عرس سيف سمعها وانغاض مهما كان عمانه اقرب من خواله سيف- سبحان الله لقاها وعوضها ربي خير حضره المقدم ماخذ شيخه النسوان حظ العرب والله بالمرة الصاحيه حشيم لالسان مع العرب قال وقيل ومجلسها ماينمل والخاطر الي ينشرى اصلن الي يشوف عيالهم متعلقين فيها وهويدري مابه انظف من نفس البزر ابوي اولهم والله انه ماحبه من عدم انشهد ان مابه في النسوان مثل نوره اماني – ليه ماخذيتها كان خطبتها !!!!والله لونها مواصفات شريكه العمر سيف درى ان قصدها عقب طلاقها فحب يغيضها سيف وهو يمسح بكفينه علامه الندم- تدرين بالخاطر يامرت اخوي بغيتها لكن رجلس ماخلاها لي اماني ظرب معها المبير h وهذا الي يبيه سيف عشان ماتطاول على بنات عمه وكمل بثقه- عاد يوم خذها اخوي صعبه اعود عليها ام فالح لكزته لانه واضح ان سيف يغايض اماني ام فالح- سوق سوق الله يصلحك لكن اماني ماسكتت وطبعا حريم بالشر متوفره- ياعيني يالله ماعليه ان شاء الله يالسيف العوض في اختها هنا سيف هو الي صدق عصب لان اماني جاته على الجرح !!!!!!!!!!!!!!!!!!!!!!!!!!!!!!! وصلو ودخلو المجمع نزلو البنات ونوره بتفتح بابها عيا ينفتح تذكرت كلامهم عنه انه خربان اول ماجت بتلف تنزل ورى هياء انصعقت من الي ارخى السيت حق المرتبه وماتقدر تمر وقرب شوي لين مرت ذراعه منها وضغط الزر بطريقه مايله وفتح الباب وهي وشلون يتجرا الي مايستحي يقرب مني حست بخنقه لان عطره نشب فيها ونزلت بسرعه صاروخيه وهي في خاطرها – الئيم ويبي ياخذني لحالي الله لايعافيه كانه اشغلني في نفسي نوره وهي تحاول تخلي كل شي عادي مهما كان خواته وماتبي تضيق صدورهم وهي تدري انهم مايدانون عليه و اندمجت عشان تنسى مع البنات الي راحو السواني عشان بلوزه الهنوف حقت الثانوي عنده بلايز رسميه حلوه وخذو للهنوف بلوزه ونوره خذت لنفسها تنوره عشان الروضه هياء والجازي راحو لمذر كير وصل سيف وخواته لغرناطه وعلى طول رفعت السماعه سلمى تتصل تسأل وين البنات ام فهاد خذى ندى معه وراحو للملاهي فوق وسيف عند البوابه يكلم سعود- سيف- هلا بريفسور سعود عسى ماشر والي يذاكر يقفل جواله سعود-ههههههههه الله يقطع ابليسك وين ديارك سيف – غرناطه تجي ولا اجيك سعود- لا يارجال وش تجيني الا نجيك ونحب خشمك رضاء سيف- اجل عجل علي ادق على سند وماهوب صوبي عندهم ذبيحه ذالليل لنسيبهم سعود- على خير دقايق الاوانا عندك سيف- اجل فمان الله في بيت ابوفهاد وفي شقتها جالسه على الكنب وتقلب في المجله طالعت الحليب لقته برد قامت للمطبخ توديه خذت جوالها دقت مارد عليها طفشت والقعده تحت ماتشفق خير شر دقت عليه مارد وش فيه نزل فنجاله – منيره – جعلك على القوة يابو سالم ام فهاد- مابه ابو سالم الاخراط ام فالح- الابيرزقه الله بسالم وباخوان سالم يشوف شاشه الجوال الي على الصامت – ايه يام فالح حاكي ام فهاد نفداس هذا الحكي الزين ام فالح جااابت العيد – ايه الحكي الزين بس انت الله يهديك قوم بالواجب وتحرك تلون وجهه محمد ام فالح – بعد مايصير تقعد تقول هذا الحكي الزين وتأمن لكل من دعى لك وانت حتى خطبه ماخطبت قام محمد وقال- اذا الله رايد لي عيال فهم من بنت نايف وقالت منيره- خلك كذا اتبع اخوانك ولا واحد منهم برد كبودنا ولافكرو بذا العجوز الي يتصلى جوفها عليهم ويحترق وهو مقفي وضاق خاطره- الرزق بيد الله مثل ما الاعمار بيد الله في البر والضو شابه ومقعد يجيب العافيه هذال يصب القهوه لشيبان ابو سعد – والله باقي خير عادنا ريضين ابو فهاد- كلمتو محمد وصل فالح- مكلمه يقول قدني داخل الرياض والحين امداه وصل ابوفهاد نزل فنجاله وكنه تذكر شي – حال محمد ماعاد يعجبني ؟؟؟؟؟؟ ابو سعد – خير وش فيه ابوفهاد- ماعاده بخوينا الاول جسمه متغير وعيشته متغيره وصاير ياكل اكل ماكان ياكله ولاادري وش صابه؟؟؟؟ ابوسعد – وانت صادق من سنتين وحاله ماهوب الي يسر هذال- يمكن شغل الاداره اول مامسكها وترى مدارس العيال يايبه تلحى الكبد _ يعني توجع الكبد ابوفهاد- يمكن يابوك ابوسعد – لاتوسوس ولاشي وشالله انه مابه خلاف وهي طالعه من المطبخ انفتح الباب اقبل الي تمنى العين شوفه وجاء الي يفز القلب لجيته اقبل الي احلام العمر كانت ترسي على شواطيه وما طفت لهيب الشوق دمعتين زينت خدها الي كان مورد لمها له ولمت عليه كان يضمها ضمه الي بيودع في أي لحظه وكلام الدكتور للحين في باله ضمتها كانت ضمة الي مشتاق وضمته ضمة الموجوع كانت تحبه وكان يرحمها من حبه فمن منهم اكثـــــــــــــــر واقعيه ؟؟؟؟ تضاربت المشاعر واختلطت الاحاسيس في عالم اخر تلتقي المشاعر رغم اختلافها مادم الحب ســــــــــــــــــيدها محمدساكت يشوفه ثم تكلم – حي الله الشيخه وش علومها شيخه- علومي شينه عقبك وانت خابر محمد –يمشي بها ويده على كتفها- اخو منيره من الي مكدر خاطرس (( بهبال لانه يدري بها شيخه وهي تغمز عين – لاوالله تستهبل محمد شوفي لاتغمزين لي عيونس ترى ماهوب في صالحس شيخه استحت- والله مايقالك شي محمد- نرجع لمحور حديثنا ادري غيابي شين بس ماغبت شهر ولا اسبوع شوي الاارتاعت وسكتت وجاوبت دموعها محمد – وش فيس شيخه- انا كم يوم طقيت واحس اني بلياك مضيومه يامحمد احس اني بدونك ضعيفه الكلمه تأثر فيني وتكسرني – تكلم ودموعها كانت اتسابق واسترسلت لكن لاصرت موجود قسم بالله مااهتم وجاي تقولي اسبوع ولاشهر مسح محمد دموع شيخه وليتها ماتكلمت وحط راسها على صدره – دافع البلا منس حبس للافلام الهنديه كل ذا عشان كلمه قلناها شيخه تضحك من كلامه ومحمد يتكلم وهويبكي وهي ماتشوفه ونبره صوته ماتغيرت فصعبه تكتشف دموعه الي كانت تنهمر من وجع هذي بكره وش بتسوي لا قفيت – انا ماابيها تنكسر اموت لادريت انها ضايقه وش السواة يامحمد وش السواة ؟؟؟؟؟؟؟؟؟؟؟؟؟؟ تواجهو البنات وسلموعلى بعض وسلم عليهم فهاد الي نزل اول مادرى ان سيف في الديره فهاد- حي الله البنات البنات- الله يبقيك نوال- عرفها بعودها هي اطول البنات وشنطتها كانت بنفسج وطريقه مستكتها لها متوتره عرف اماني بعباتها وبعدها راح يشتري لندى اغراض وسيف قال ا سعود قريب فبنتظره وتقسمو مشاعل والهنوف وبشاير – راحو لفيسس اماني ونوال وسلمى راحو لنكست نوره راحت هي الجازي وهياء مانغو الجازي – نوره وشافت مانغو استخفت هياء- ولاتسين زار لا شافته صدعت لا رحت السلام مول اول ماتروح لزار واذ قدنا بنطلع تمره تسلم عليه في المراح والمجي نوره – ياحبيبتي وش عرفس بالذوق زار ملابسه – ذوق – فن – اتكيت كل شي حلو جامعته زار ولايهون خوينا الي حنا فيه – تقصد مانغو بشاير والهنوف مشاعل – خذو عطر ch وطقمو سوى نوال- خلينا نروح للمجوهرات الي جنب ايتام اماني – يالله دخلو الثنتين عرفهم وقعد يفكر هو انا ظلمتها ولا الله كاتب لها وهي عند باب ايتام تشوف الي سارح في البنات الي داخل المحل في خاطرها شايب وعايب بعد النذل عينه وسيعه واول مابغت تقدم رجلها بترو ح جمدت رجولها من الصاعقه نزلت عليها دخل المحل بسرعه جنونيه طلع فهــــــــــــــاد وهوماسك يدها وجارها معه هنا تجمعت الدموع بعينها يبيها يدور رضاها خليه يبرر لها ملكتي عشا يكسر راسي الاشوي جات هياء ماشفتو فهاد عطاني ندى اوديها الحمام وانتم بكرامه ولايرد على مكالماتي بعدين صوتس وش فيه يوم اكلمس نوره مشت مافيني شي وطلعت على طول الجازي من ايتام وفي يده اكياس هياء وش فيها نوره – الجازي مادري عادي عشانها راحت يمكن شافتني عطلتها قالت بروح بلحالي هياء اجل خلاص بروح اودي ندى لفهاد مع اني ادق عليه مايرد سيف وسعود كانو يسولفون ويحوسون في لاسياب سيف- شوف أي بقرات ثلاث ادر انهم نسوانا متقسمين ثلاث بسلامه نوره والجازي وهم يسولفون شافوا لجازي طالعه من المحل وهي تشوف ساعتها ثم دنقت تعدل جاكيت ولدها وتمشي ماشالله عجله سعود ذيك كنها الجازي سيف- كنها الاهي جعلني ما ضرها تسعى ماتمشي مرتن حيه وتشوف الوقت اتحدى وحده منهم فكرت تشوف الساعه كم ؟؟؟شافو السوق خلاص انهبلو مادرو ا ن الي يمدحونها عند رجالها دنيا غير وفي زاويه ثانيه على الكراسي تبكي وهويهادها فهاد معصب – ماتقولين لي وش انتي مستفيده ؟؟؟؟؟؟؟؟؟ لونه فضحس ماتعلميني وش بتسوين؟؟ لواني ماشفته كان علوم قاعد يصور مقفاس بالعبايه والله والبيت الي بنـــــــــــــــــاه الله لو ا ن الي شايفس سيف ان ذبحس ذالليل وغدينا فضيحه ولاخلا فيس عظمن سالم مايسمع الابكاها ور فعت يدها توريه معصمها بمعنى وانت وش سويت؟؟ انصدم من الي شافه لوانه ماشاف اصابعه معلمه كان قال ماهوب انا ماشخها مشخ قوي وطالع دم ويدها حمراء من ضغطه عليها طلع فاين وعطاها اياه والحظ ماخدمها اليوم لانها شافته مره ثانيه على رغم بعد لمسافه بس شافته وهو يتكلم ويمد الفاين عليها يرضيها النذل الله ياخذ روحي كاني سكت الله ياخذ روحي كاني رضيت بالي يصير رفع جواله الي ولامليون مره من هياء فهاد بتوتر ونفس سريع- هلا والله وينس هياء بخوف- ياخي وينك انت صبيت قلبي فهاد الحين جاي راح فهاد منها وخلاها طبعا اماني طلعت من المحل بعد هوشه لان راعي المحل كان يهادها ان المحل محترم وماله لزوم الي يصير يوم جات بتاخذ الكيسه عيا راعي المحل اماني – خير ان شاء الله راعي المحل- اعتبريه تعويض عن الي صار انتم شوهتو سمعه المحل بالدوشه الي صارت وخسرتونا زبون وضربتوه والفاتوره كان يكتبها لهم يوم دفعو له ويوم ا صار الي صار ماعطاهم اياها دخل للمحل كان جاي يعتذر لصاحب المحل لان ماله دخل وتفاجاء يوم سمعه قال تعويض يعني معيي يعطيهم الي شروه وهوجاي يعتذر دخل وطلع بطاقته العسكريه وشافها راعي المحل فهادبصرامه وهويصر على ضروسه- دقيقتين الكيسه ترجع والفاتوره تكتب ولا قسم بالله لاجيب دوريه وورني شلون تطلع منها؟؟؟؟ طلع الكيسه راعي المحل وهويتلحطم وفهاد وهو طالع كنت جاي اعتذر بس استغلالك يمنعني اعتذر دقت سلمى على سيف تاخذ منه فلوس وهم مقفين العيال الاسمعو ذيك الطيحه التفتو الاالهنوف طايحه والمسكرى والاغراض منثره جوهم العيال وش فيكم ؟؟؟؟ سيف – بسم الله علي......................رفعت عينها له وعلى طول قامت تعدل عباتها كان بيقول بسم الله عليس قال -الا بسم الله على البــــــــــــــــــــــــلاط منــــــــــــس ظحكو البنات لانهم متعودين على سيف وحركاته وضحكو النسوان الي مارين وصوته كان عالي لكن الهنوف كانت تبكي وتعذرت بالطيحه وفي نفسها توعد في الحمام تعدل نقابها تطالع التقرير وصل تسليم الرساله اول مره هي الي تبدأ وترسل له مساء الخير انا شفت كل شي شفتك مع نوال و يوم مسكتها وطلعتها برى المحل وشفتك يوم تمد عليها الفاين انا مااناقشك في تصرف بعيد كل البعد عن الرجوله لانك اعرف ولانك ماتهمني لكن الي بقوله في صالحك وصالحي وصالحها طلقني ولا افتح فمي بكلمه وارجع لها ومانيب زعلانه اني تطلقت للمره الثانيه الابحب راسك فوقها بس اعتقني واعتق نفسك وشوي الا الرد وصل والله العظــــــــــــــــيم خاطري اسوي الي قلتيه بس عشان تحبين خشمي وراسي لكن لاسويته مارح تقدرين؟؟؟؟ لانس ماراح تكونين حلال علي فاانسي الموضوع بكبره وافهمي الموضوع زين بعدين ابني عليه تفسيراتس فهاد كان جالس في يده جواله وندى تشرب عصيرها ها خلصت ايه ومرت عليه بنت من دخل وهي تلحقه وجلست جنب كرسيه وقام طوالي وعطت ندى مصاصه ومعها ورقه فيها رقم ضحك فهاد واستغرب وشلون الاهل يهيتون بناتهم بدو رقيب ولاحسيب وفي المجتمع امثال الي ضربه في محل المجوهرات وكملت ضحكته يوم فتح الجوال وقرى قليل ادب ونذل اهنيك وشلون جمعتها ؟؟ ورجاء لاترسل لاني بحرق الشريحه لو ارسلت ندى وهي تلف راسها لخالها-وش فيك تضحك حط يده على خشمها وقال ياحلو عمتس حلواه !!!!!!!!!!!!!!!!!!!!!!!!!!!!!!!!!! في البر ونفس المقعد وسوالف ابو سعد – جهزو عماركم ترانا بنملك قريب هذال نزل بيالته الي كان بيشربها ابوفهاد – بعدي والله هذال- ايه ياعم قريب نبي نملك لا اذا كانك بتردني وبتجوزه على كلامك ابوفالح- لاوالله وين القى الند لك يابوك لا ياجعل السعد والله والساعة المباركه هذال تذكر ذاك اليوم الي تملكت فيه عيده وتذكر هو وش سوى وهمس في خاطره والحين عادي اقدر اخذ سلمى اهم شي اكون في حيــــــــــــــــاتي اخترت وما اكون الشاه الي تـــــــــــــــــــــــــــــــــتبع !!! تواقعاتكم وارئكم الله يجزاكم خير طاقمي اتمنى ان تكونو على استعداد اعلم اني تأخرت لكن والله اني اتكبد العناء لا ن ضيق الوقت يمنعني واصبح السهر من نصيب عيني فاعذروني كما اعتذر عن عدم الردود على الاعضاء ولكن لي عوده وترحيب من كل قلبي الى السحر الحلال واهلا بك برفقه الطاقم واخيرا في حفــــــــــــــــظ الله % نبض ومشاعر% الى ان نلتقي الخميس القادم |
السلام عليكم..يسلمووو نبوووض عالبارت الي يهبل مثل الي كاتبتـه..
نـورة ههههههه عبالهـا يتغشمر وطلـع صج..فعلا اذا من الحين كل شي يبيه يصير عيل بعدين شلون..ولي متى بتم ساكتـه عليـه وتنفذ الي يبيـه..!! ويوم شافتـه مع نوال يعني فوق مو صورتـه متشوهة بنظرهـا تشوهـت زيادة..ما الومهـا لا فكرت جذي لانهـا شافت وفسـرت الي شافـته..واكيد مارح تستغرب هالشي منـه دامهـا راسمتلـه صورة كلش غير عن حقيقته.. ولا صدمتهـا لما شافتـه شلون يعامـل ندى هع مصيرج بتعرفين حقيقته:) هذال الحمد لله الي اقتنـع ورضـى فيهـا..وان الله ما كتبلـه عيده.. نوال تستاهـل الي صارلهـا وان شاء الله يكون درس لهـا.. امانـي خخخخخخ ودي اشوف ويهـها يوم احترت من سيف.. الهنوف مسكيـنه صج فشلـة..والله يستر من ردة فعلها هع سيف عفيه عليك زين سويت بامانـي.. وشي يبشر بالخيـر انه كان بقول بسم الله عليس:) شيخة&محمـد الله يشفيـه ان شاء الله.. نبوض حرام عليج تموتيـنه كسرت خاطري شيـخة واهي ضايعه بغيابـه شلون لو مات.. آخر شي سووري عالقصور بس مواصلة من امس وهذا الي طلع معاي :) تقبلي مروري |
السلااااااام عليكم..
نبووووووووضه وااااااااااااااااااااااااااااااااااااااااااااي ياااااااا حـــــــــــــــظـــــــــــــــي حظااااااااااااه.. عساااني مااا انظل روووحي على هالبااااارت الجناااااااااااااااااان.. اللي هوو هديه وبنفس الوقت طلع هديه قووووووووووووول وفعل واسمي مذكوووووووووور فيه... ياااااااااااااااااااااااااااااااي.. الله يسلم عمرتس على هالهديه الرهيبه.. بالنياابه عن فرووحه وبالاصااله عن نفسي احب اشكرتس على هالهديه .. والله ماااقصرتي يااقلبي.. وتستاااهلين اكثر يااقلبي.. مع اني والله مدري وش سوويت بس داامتس تقوولين اني مدريت يدي جعلها ماتكسر لتس.. بانتي ادرى.. هخهخخهخه عاد تبين الصرااحه انتي الا والله ماااقصرتي يااعمري.. للحين صراحه انتي تمام وملتزمه معناا وكل اسبووع على الوعد.. اتمنى انتس تستمرين داااااائمااااااااا كذااااااااا .. والله يعطيتس الف مليووووون عافيه.. شوفي انا ماراح اعلق واقوول الجزء طويل والا قصير.. انا اعتبر طووله حلووو... والاهم الاحداااث الكثيره فيه.. سيف وموقفه مه الهنوف ومع اماني.. وفهاد وموقفه مع نوال ومع نوره.. ومحمد وموقفه مع شيخه.. وهذااال والمفاجأه بملكته القريبه... يعني صراحه اليوم اعتبر فيه احداااث اوو مقدمه لاحداااااث بتوووولع الاجزااااء الجاايه.. والحين نبدأ مع الربع.. بسم الله... محمد وشيخه: الله يعينك ياا محمد على اللي انت فيه.. وخصووصا وانت تشووف شيخه بتمووت من الحزن والضيقه على من بس تاخيرك عليهااا... بس والله اني خاااايفه مرره مرره من اللي بتسوويه.. محمد لاايكوووووون تفكر تطلق شيخه عشاان تزعل الحين ولااتزعل اذا توفيت.. بسم الله عليك... حااسه ان هذي هي الفكره اللي تمر ببالك.. الله يخليك اذا هذي فكرتك كنسلها... والاحسن لوو تسووي فكره احسن منها وافيد وهي انك تسووي العمليه.. ماا ادري ليش للحين ماااا قلت لاحد عن اللي فيك... يعني عندك انك مااتبي تضيق صدوورهم عليك اذا عرفوا عن مرضك.. موو لوو تقوولهم ويكون فيه فرصه للعلاج احسن من انك تموووت وهم ينصدمون وماايكون فيه اي فرص ثاانيه بسبب عدم الحاجه لها بموتك... محمد ليتك بس تبطل تفكر بشيخه شووي وتفكر بنفسك الحين.. ولوو كنت فعلاا تحب شيخه وتبي رضاها سوو العمليه وقل لها عن اللي فيك ترى والله انت بترتااح وهي بعد بتصير تقدر هالقفلات اللي تجيك مرات.. والله اني مرات ودي اصيح اذا شفتك تضحك وتنكت عشان شيخه ماتستهم عليك..وانت من داااخلك تبكي دمووع ... وهـ بس .. والله انك تضيق الصدر.. الله يفرج همك ياارب ويشفيك ويرزقك بساالم واخواانه يارب من شيخه طبعااا موو من اي وحده ثاانيه...هخهخهخه الهنوف وسيف : ياااااااااااا الله يااارب اني اشووووفكم قريب جدااا مع بعض ببيت واااحد.. وقسم بالله انكم ملح وحلى القصه كلهاااا... هنووفه.. هههههههههه بسم الله عليتس يااقلبي.. عسى مااصاار لتس شي.. ؟؟ مااعليتس من السياافي ترى بس يبي يحرتس وتبين الصرااحه قدر يااصل للي يبي.. هخهخه بس انتي عندي احساااس يقووول انتس بتسووين له قنبله قريبااا.. هخهخهخه السيااافي. تدري الحين بس اكتشفت اني هبلااا يووم اهديتك لفرووحه وماااا خذتك وصرت من املااكي رسميااا.. هخهخهه فرووحه تكفيييين ممكن تردين لي الهديه.هههههههههههههههه.. امزح امزح .. والله ذكرت الخاااص خفت يجيني قنااابل ارض ارض وارض جوووو... واناا عندي بكره اذا الله احيااني مباارة للمنتخب على النهائي ودي اشووفها قبل قنااابلتس.. هخهخهخهخه.. بس داام ان السيااافي عندتس .. بهوو بايدي امينه.. لاايروح بالتس بعيد امينه قصدي من الاماانه موو وحده اسمهاا امينه..هخهخهخه.. والله مرات احس اني هبلاا من هالافكار.. هخهخخه المهم انت ياا السياافي وقسم بالله مبدع جداا في ردوودك تبررررددددددد القلب والخااطر.. يااحبي لك وانت تقوول لاماني واتقهرهااا وتحر قلبهاا بمدحك لنووره.. والا هوووشك عليهاا بسبب عباايتها .. وربي انك سنااافي ياا السيااافي... بس عاد قهرتني مع هنووفه الحين ام عيالك بالمستقبل باذن الله تهون عليك ما تسمي عليها يووم طاحت.. كان يااخي سميت عليهاا عشان الاجر.. بس وربي تجنن وانت تقلب التسميه منها للبلاااط ... هههههههههههههههههه.. والا وانت وسعوود بيه قااعدين تطااالعون ببنات خلق الله وطااايحين تعليقاات عليهن.. هخهخهخهخه .. يااا فشله صدق لوو فيه احد وحنااا بالسووق يعلق عليناا.. الله يقطع شكله سعوود : صح انت اليوم دووورك بس موقف واحد.. بس والله انه يبعث الريبه بالنفس...>> متععوووب عليهاا بالمرره هالكلمه.. هع هع.. سعود ليش مسكر الجوال.. لااتقوول تذاكر ياااحضرة البرفسوور.. مااايمشي عهلينا هالكلاام.. تسكيرة الجوال هذي امتدااد لمواقف التهرب اللي تسوويها من سيف.. متى بتظهر هالحقيقه؟؟؟؟؟؟؟ هذااااال .. اخيراااااااااا شفناك قررت انك تملك على الاصيله سلمى .. والله انك انت الرابح يووم بتاخذها ياا هذال وانك انت راابح فيها اكثر من ربحهاا فيك.. بس مدري ليش خااايفه ان فيه شي بيصير ويدهوور هالزواج؟؟؟؟؟؟؟؟؟؟ وفيه حاجه ثاانيه لفتت انتبااهي ياااا هذاال.. وش تقصد لما فكرت وقلت.. اقتباس:
نوال : ماراح اعيد واقوول اني اكرهتس وماا اطيقتس ياا الغيوور المنغرووره.. بس بقووول لتس يااليت مره ثاانيه اذا طلعتي من بيتكم تكونين اكثر حشمه.. وصرااحه ودي ان اللي شااايفتس سيف.. كاان يااسلاام على الحفله اللي بيسوويها لتس. بس ربي رحمتس بفهااد القلب والروووح ... واستمري بمشيتس ورااا حماره القايله مرت اخوتس .. وهذيك الساعه شووفي وين بتوصلتس ؟؟؟ مالت عليتس وعليهاا .. نووره :: ياااحظتس حظاااااه.. بفهااد .. مع اني صرااحه لوو كنت بمكانتس وشفت اللي شفتيه بسوووي زيتس بالضبط.. ماسكها وبقووه مع يدها جعلها تكسر وهي قاعده تصيح ويمد عليهاا منديل .. وكل هذاا من بعيد والله ماا الومتس.. وخصووصا انتس تفكرين انه للحين يبيهااا وان موقفه منتس تحدي وبس.. بس هذاا كله لانتس مااتعرفين فهااد مثلي.. هخهخهه.. بكره اذا جيتي عنده وبمكاانه بتعرفين ان فهاااد مهووب اللي يفكر فيه الواحد بالشكل هذاا... عموماا ان غدا لناظرهِ قريب.. وبكره يااا النووري بتمشين على خططه بالضبط وانتي ترقصين وتغنين بعد.. والله ماا الومتس من تعرفين فهااد على حقيقته وماااايكن بقلبهو لكي... سووف تمووتين من الوناااسه.. هع.. ايه صح شفتي موقفه مع ندى.. ترى هذااا ولاااشي عند اللي بيكون نصيبتس منه.. دااائما اذا شفت فهاد مع ندى اقوول ان هالبنت هي اللي بتقرب بينكم.. واتوقع انه فعلاا بدت مهمة ندى.. النووري احييتس على ذوووقتس الرااااااقي جداااا جداااااااا جداااااااااااا.. وتفضيلتس لارتدااااء انتاااجي من الملبووسات الراقيه.. والله انتس تزهينهاا ياا بنت... وهي صرااحه ماااا صممت الا للناااس اللي يقدروون انتااجنااا وتصااميينا مثلتس وشروااتس.. هخهخخه وعشان كذاا اغتنم الفرصه واقوووول .. تغاانمووو الفرصه فالكميه محدووده على ملبووسات الشتااااء.. فهلمووا لمعارضنا بجميع انحاااء العالم.. واشكركي اختي الغاليه نووره لاتااحتك هالفرصه لي عشاان ادلل على بضاعتنا هنا.. هههههههههههههههههه وااااااااااااااااااااااااااااي قلبي قلبي . وصلناااااا للزين.. وصلناا للملح والقبله ... وصلنااااااا للعسكريه واهلهاااا.. وصلناااااااااااا لسيدي حضرة المقدم المزيوووون ..فهااااااااااااااااد القلب فهاااد الروووح فهااااااد نووور العين .. الشاعر الكبير الشااعر القدير الشااعر الراااقي.. الشااعر الرومانسي.. فهاااد قلبي.. تعظيم سلااااام سيدي.. امررررررررررررررررررررك.. هخهخهخهخه فهااد .. فهوودي .. فهدهد.. والله مدري وش اقوول عنك..؟؟ يعجز الكلاام ياا سيدي.. وش اتكلم عنه..؟؟ عن غيرتك على اهلك..؟؟. ولاا على تعاملك الحنوون مع ندى..؟؟ والا على ان ربي معطيك على قد نيتك و ومخلي الامووور تمشي على هواااك..؟؟ والا على ملحك وانت بتمووت على نوره وحركاتها معك وكيف انها معجبتك مرره...؟؟؟؟ ولا عن خفت دمك وانت بتهبل بالنوووري ؟؟؟ والله مدري وش اقوول غير انك ابداااااااااااااع.. يااربي والله مرات احس ان ماافيه احد يستاااااهلك ابد من اللي في القصه وانك لاازم تنط من الورق للواقع وهذيك السااعه رااح يكون لي تفااهم معك.. هخهخخهخه ننتظر منك حركات ومواااقف مبااشره مع النوووري.. بس ياليت تخلي عاد هالمواقف من صالحك وتخلي النووري هي اللي تركض ورااك.. يااحظهاا الدبيه فيك.. هخهخهخه نبووووووووووضه.. قلبي انتي .. مااا قصرتي على الهديه الرووعه.. تدرين اني فعلاا اعتبر هالجزء هديه بكل المقاييس.. فيه حاجتين قلتهم عنه .. انه اهداء وغير كذا فيه ذكر لاسمي ... وفيه بعد حاجه ثالثه انتي اكييييييد ماا انتبهتي لهااا يعني رميت(ن) من غير راام.... بس فعلااا تمشي وبقوووه.. وهذي عااد سر ماا رااح اقووله.. هخهخهخهخه مشكووره نبووضه على هالجزء الرهيب.. ومشكووره على الاهداااء.. والله من زماان ماا حد اهداااني جزء ..هخهخهخه.... والله فرحتيني ورجعتيني للهداااياا و ايامهاا... اقوول نبووضه ياليت تسووين لنااا اختبااار ..هخهخهخه.. طبعا انا اقصد حطي لنا اسئله على الجزء الجاااي وحنا نحلهاا. ونشووف من اللي ينجح ومن اللي يسقط.. خليني مير اعدل درجتي اللي خذتها بالجزء اللي فات.. واللي طلعت صفر من عشره...هخهخهخهخهخه نبووووووضه الله يسلم يديتس ياارب .. ونستنى الجاااي بكل شووووق ياا كل الذوووق انتي.. |
السلام عليكم ..
فهاد .. خف يا ابو سالم علة النوري شوه تراى هي ما تستحق هالي تسويه فيها .. مهما هي سوت وحاولت تقهرك ولكن انت تعرف انها معذورة .. بس بعد ما الومك وانت تشوف تصرفاتها الي تقول تصرفات طفلة صغيرة ..ويبغي لها وقت عشان تعرف الحقيقة وانها ظالمت بحكمها عليك وبالصورة الي ماخذتها عنك .. وهالشي انت تقدر تغيره وقادر عليه مثل ما قلت تخليها توافق برضها عليك وقدرت تسير كل شي تبغيها تنفذه حتى لو من دون رضاها قادر انك تلين قلبها من ناحيتك وتخليها تشوفك بنظره ثانيه غير نظرة الكره والاحتقار .. وخصوصا بعد موقف نوال بالسوق والي هي فسرته غلط ..بالوقت الي كان تصرفك تصرف شخص يخاف ويغير على محارمه ومن واجبه انه يحافظ عليهم ويحميهم كأي انسان عنده كرامة ورجولة .. نورة .. موقف السوق الي شفتيه وفسريته غلط .. وانه فهاد يحب نوال وخاطره فيها اعتقد غبي لانه لو كان يبغي نوال ما فكر يتركها برضاه واختارج انتي بالذات وخصوصا معارضة اغلب اهله على هالزواج يعني كان اتزوجها وهي محيرة له وما فكر فيج .. بس اتوقع ردة فعلج كانت غيرة عليه من نوال وحسيت انه مهتم فيها ولا كان ما اعطيتي الموقف اي اهميه لو كان فهاد ما بدا يعني لج شي .. ويوم في السيارة وتفكيرج بشخصيته واهتمامه في ندى الي ينم على انسان حنون طيب يختلف عن االانسان الاناني والقاسي والي يفكر بنفسه وبقرارته .. هذا الشي ممكن يكون بداية علة انج تفكرين فيه من ناحية ثانيه وانه انسان يستحق الاهتمام وممكن تكون الفكرة الي في بالج غير صحيحة .. واذا فعلا فكرتي بالهشي بيكون في صالحج انتي .. بس انتي بتخربين على نفسج باسلوبج وتعاملج مع فهاد والعناد الي تتوقعين من خلاله ببتخلصين من فهاد ويوافق على الطلاق .. بس بالعكس هذا الاسلوب بخليه يتمسك اكثر ويعاند ويحاول يغيضج باي طريقة .. اتوقع بعد تحديد العرس اللحظات الحاسمة قربت بينج وبين فهاد لانه راح يجمعكم مكان وسقف واحد .. سيف .. سيافي .. سيف فرووووووحه .. اليوم انت التوب يا ابو هناد .. بردت خاطري بشينة الحلايا الشيفة اماني الي تستحق الي ياها وجزاها واقل من جزاها .. صدق انت الي تقدر عليهم وتادب الساحرات الي ما فيهن حشيمة .. بس عاااد انت خربتها مع الهنوف يوم طاحت ومت من الضحك يوم تسمي على البلاط وانت كنت ناوي تسمي عليها ههههههههههه .. موقف لا تحسد عليه الهنوف واتوقع ما راح تعديه على خير ..لانه موقف رفع ضغطها وزاد النار الي بينكم حطب .. والله يعينكم على بعض .. هذال وسلمى .. اخيرا اقتنعت ان لا مفر من سلمى وانها هي الي راح تكون من نصيبك هب غيرها .. وهالشي اكيد بعد ما تاكدت انه رفعه هب من نصيبك ولا راح تكون لك .. ومن صالحك انك ترضى بسلمى لانها بالنهاية هي الي راح تكون زوجتك بما ان هالشي من تخطيط القوى العظمى وما تكون مخير هب مسير بموضوع مصيري يخص حياتك .. بس اتوقع بعد زواجك بتغير الفكرة الي ما خذها عن سلمى ورفضك لها وبتنسى رفعه .. لان سلمى هي المناسبة لك وصفاتها الي هي تميزها عن غيرها وهالشي بتكتشفه بالايام الياية .. وبتكون الانسانة الي تستحق انك تحبها مثل ما هي تحبك . الساحرات الثلاثة .. تستاهلن الي ياكن من سيف كفو عليه ابو هنااد ويا ريت كان سوى اكثر .. لانكن تستحقن يالي ما تعرفن طريق الحشيمة .. وتعتقدن ان الحشمة وسترة البنت عقد وتخلف .. وهو ستر وحشمة ورضى الله سبحانه الي امر فيه .. وعفة عن الحرام والفضايح والدليل الموقف الي تعرضت له نوال ولولا وجود فهاد كان هي الحينه مفضوحة بين الخلق .. ويا ريت هذا الموقف يكون عبرة لكن عشان تتقن الله .. وتلبسن ملابس تكون رمز لللحشمة والستر هب العكس . محمد وشيخة .. محمد حالتك تنرحم .. وتتعذب ومحد داري بالي فيكم انت وشيخة والكل يلومكم واولهم امك السوسة الي ما همها غير نفسها ولا تفكر في سعادة عيالها ومصلحتهم همها انها تشوف عيالهم بس .. وغير هذا مرضك الي منقص عليك حياتك وشاغل تفكيرك .. وحرامك انك تشوف السعادة مع شيخة الي تتوقع في يوم انك تفارقها وتترك لها الحزن والعذاب بموتك .. بس المفرو يكون عندك الامل بالله وان الله قادر على كل شي وقادر انه يشفيك .. وممكن اذا خبرت شيخة بمرضك بيكون في صالحك لانها اكيد بتوقف وياك وتساعدك عشان تتعالج وتتمسك بالحياة .. نبوضه .. فديتج والله الف الف شكر لج يالغلا على الهدية .. الرائعة الي مثل صاحبتها ربي ما يخلينا منج ولا من الهدايا الحلوة الي مثلها.. وربي يسلمج ايدينج على هالجزء المثير والمشوق بحداثه .. ولا تعتذرين يالغلا لانج ما قصرتي وملتزمة مثل ما قالت عدوتي بكل جزء تنزلينه بوقته ولا اخلفتي علينا مرة .. والقليل الي يلتزمون بتنزل الاجزاء قصصهم وهذا ان دل يدل على التزامج مع القارئ الي يتابعون القصة .. ربي يوفقج وتنهين القصة على خير . عدوتي الغالية .. انا في اشد حالات الصدمة وعدم الاستيعاب هل هذه الرمسة تطلع منج لا والف لا لا الصدق انها من النفس الشريرة التي تفكر في حلال واملاك غيرها ويا ويحااااه منك ايتها النفس الشريرة التي سكنتي عدوتي الغالية وجعلتيها تفكر تفكير سوئي وتفكير اناني لا يمت بصلة لعدوتي الغالية .. بل متاكدة كل التأكيد انها اهدتني سوافي من طيب خاطرها ونفس رضية و لا تفكر في استرجاعه ولا حتى الندم انها اهدتني اياه ههههههههههههههههههههه .. اقووول بلا كلام وبلا خراااط وبلا خطب لا تجدي نفعا معك ايتها العدوة الغاليه .. افا ثـــم افا خيبتي ظني فيك يا زين وش جاك هههههههههه .. الحينه عقب العطية تبين رد الهدية هذا هب من اسلوم العرب الايواد ولا من شيمهم يا عدوتي .. انتي اهديتي الهدية فلا تفكرين ترجعينها .. في معلوم او ما في معلوم يا ام العسل وقد اعذر من انذر .. والله على ما اقووول شهيد هههههههههههههههه <<<< عدوتي لا تواخذيني على الي قبل تراه منقع وصاير كوكتيل بس افهمي انه تهديد شديد اللهجة هههههههههههه. |
الله وناااااااااااااااااااااااااااسه
ياناااس والله روووووعه رووووووووووووووووووووووووعه وابداااااع مااعرف ابدا مع مين تحمست معهم كلهم فهاد هذا عالم لحاله يعرف كيف يتصرف ويجبر نوره تعمل اللي يبي ونوره مسكينه تفكر ان فهاد ماايحبه بس هي غلطانه اما اللي كسرت خاطري هي الهنوف حقدت على سيف قهرني الف شكر لك على الجزء الختير >الخطيرخخ |
| الساعة الآن 07:02 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية