|
خطأ في التعبير=خطأ في الفهم..!!!! موقف مع حوار جديد..
السلام عليكم ورحمة وبركاته كيفكم يارب تكونو طيبين وبعافية وبخير... طبعا انا ليا فترة طويلة مادخلت الحوارالجاد ..عارف اني وحشتكم<<<<<كيف الثقة بس؟؟ اليوم جاتني فكرة موضوع واتمنى منكم تشاركوني النقاش فيه... هو عبارة عن موقف.. <<الخطأ في التعبير>> يعني كيف؟؟ هل في يوم حصل معاك انك كنت بتتكلم مع شخص وانت بتحاول توصله حاجة وانت بتتكلم تخطأ في التعبير والشخص يفهم الموضوع بشكل خاطئ جدا؟؟خصوصا لو كان شخص علاقتك به جديدة ومايعرفك تمام.. انا مثلا حصلت معايا قبل كم يوم .. كنت بأتكلم مع صديق جديد عن موضوع العلاقات الغير شرعية.. وبالفعل اخطأت في التعبير.. وفهم مني اني اؤيد هذه العلاقات واني شخص منحل وعلماني وفاجر كمان..!!! ووصلت لدرجة انه كان بينصحني..!!!! والمشكلة اني لو حاولت افهمه حيصير كإني خفت منه وبحاول أبدل وجهة نظري.. طبعا انا حاولت اوصله انه فهمني غلط وحاولت اقنعه بوجهة نظري الحقيقية لكن صراحة حسيت انه لسه ما اقتنع.. صراحة الموضوع أتعبني لأني مااحب أحد يأخذ عني فكرة سيئة.. اعطوني رأيكم في الموضوع ولو حصل معاك الموقف هذا ايش ممكن تعمل مع الشخص الي فهمك غلط؟؟ وأخيرا اقولكم .. مسائكم عسل .. تحياتي الخالصة لكم |
تدري لو إنه شخص جديد عليك زي ما بتقول فما في مشكلة أنا أشوف التصرف الصح إنك توضحله وجهة نظرك من مزبوط وإنه التعبير خانك ممكن في البداية يفهم إنك خفت منه لاكن بعدين ومع تعامله معاك مع الوقت راح يفهمك ويعرف إنه من جد وقتها خانك التعبير بس المشكلة لمن شخص قريب منك عزيز عليك يفهمك غلط وتكتشف إنه ما كان يعرفك مزبوط رغم العشرة إلي بينكم وقتها إنت قلي كيف ممكن تتصرف أو إيش راح تكون ردة فعلك؟؟؟؟؟ |
اول شي // اهلا و سهلا بك اخي ساايلنس .. نوورت المنتدى ^^ موضووع حلوو و جديد .. خصوصاً بأن هذا الشي يحصل معانا في اماكن كثيرة و عديده .. صرااحه لو حصل معي هذا الموقف إلي معااك ممكن افقد السيطره على اعصاابي ( مع اني مو من هذا النووع في أثناء النقااش ) بس حصلت معااي موااقف كثيرة و كانت هذي ردة فعلي .. خصوصاً لما تجيب احد يسااندك و يبدأ يهااجمك زيهم .. :lol: :lol: ههههههههههههههههه اممممم بس :rfb04470: الله يعطيك العاافيه خيووو ^^ تقبل مني فائق إحترامي و تقديري :: |
اهلا وسهلا سايلنس : ) مممم موقفك دا بجد يقهرررر ههههههههه وضحكت عليه لما قلت بس:lol: هههههههههههههههههه وصارت معايا امس لما رحت الجامعة باتكلم مع اتنين زميلاتي في الجامعة ولسا دوبنا معرفة جديدة فبقولهم ايش رايهم نتقابل برا الجامعة في مكان عام الراشد مول او اي مكان اتفاجأ .. وحدة منهم عادي ووحدة مش من هنا وقالت’’ الله لايفضحنا’’ وقعدت تقول انها مارحتو مع اهلها ح تروح معانا هيااااااا هادي كيف تشرحلها الفكر وانو قصدك نلتقى هناك حتى لو مع اهلها وانا رح نروح مع بعض نتعشى وبس لا لكن هيا فهمت انو مولات يبقى خلص نعمل مابدالنا في المول ياااااربي .... بجد مواقف زي كدا تقهر .. انا بصراحة دا الموقف ضحكت لما قلت بس ماعصبت ولاشي لكن موقف زي موقفك يعصب بجد يمكن لو انا بجد ح اشد شعري من القهررر لا بصراحة لو انا فموقفك مش ح اقدر امسك اعصابي رح اقول شوفي يا فلانة انا كدا قصدي مو كدا مو زي ما انتي تحسبي .؟! وبرااااحتك ولو ما اقتنعت .. رح اعمل نظرية الفوضى ^_* عشان اخرج من الموضوع ههههههههههه ....... موقفك دا ح اقول فيه حاجة مهمة جدا من كتاب دكتور ابراهيم الفقي ’’ البرمجة اللغوية العصبية’’ اذا قلت بلاغ او شي وجاتك الاسجابة بشكل ما تتوقعه فغير طريقة ايصالك للفكرة حتى تجيك الاستجابة المرغوبة .. يعني طريقة ابلاغ افكارك .. هي اللي تحدد نوع الاسجابة اللي تجيك فعشان كدا نوع في طرق ايصال الفكرة لحد ماتوصل لفهم متبادل ماشي ؟ : ) تمنى اكون افدتكم :friends: اشكرك جدا..موضوع هام وجميل :friends: سلامي |
ان تغدو كلماتك بمعانى مختلفة عما قصدتيه ليس بالمستغرب خاصة عندما يكون هناك الاستعداد من الطرف الاخر للتحوير ويحدث مع الكثير واتفق معك ان محاولة الاصلاح صعبة ومحرة للغاية وإن كنا لانتوقف عنها
وهناك من يستخدم الكلمات ذات المعانى المزدوجة مما يسبب الحيرة اثناء الحوار ومرة اخرى فذلك يتعلق بمدى استعداد الطرف الاخر وتفهمه |
| الساعة الآن 10:29 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية