|
وعمري بقى سنة
ازيكم يا ليلاسيين
وانا قاعدة دلوقت في المنتدى و عيني جت فجأة على تاريخ اليوم اكتشفت انه مرت سنة كاملة على وجودي في ليلاس ياااااه سنة بحالها مرت وانا هنا بينكم عرفت ناس كتير بتشرف بمعرفتهم استفدت من حاجات كتير واتعلمت حاجات كتير قريت ولعبت وضحكت وبكيت بعض الاوقات وصار ليا هنا اصدقاء بعتز بيهم جدا وليهم مكانة كبيرة في قلبي ومش قادرة اتخيل انه ممكن يجي وقت وماشوفهمش ناس كتير اتناقشت معاهم منهم اللي لسة هنا ومنهم اللي معدش بيشارك مواضيع نزلتها ومواضيع شاركت فيها اول قسم دخلته وشاركت فيه كان الروايات بالتحديد روايات عبير لكن ماستمريتش وبعدين رحت المرسى وباقي اقسام المنتدى لكل اعضاء المنتدى:سعيدة جدا بوجودي معاكم واتمنى دايما اكون معاكم كلمات لبعض الاعضاء: ola_mfs: صديقتي لوزة لفتي نظري بردودك الشقية وطريقتك الساخرة, حتى خلطك الجد بالهزار كان جميل ويعجبني جدا, انتي اول حد ناداني باسمي هنا, واول حد اراسله ع الخاص في المنتدى بتمنى ارجع اشوفك كتير زي زمان, وارجع اشوف موضوعات كتير ليكي زي الاول Honey 1900: انسان محترم جدا, سعدت بالمناقشة معاك في مواضيعك, ونورتني في مواضيعي, واجاباتك على استفساراتي في قسم الكمبيوتر كانت حلول سريعة للمشكلات اللي واجهتني مع الجهاز العجيب دة( بتتعاملوا معاه ازاي؟) فعلا هاني الازمات الصعبة مش هنسى ابدا خناقات موضوع كائنات انانية حشرية متوحشة, ولا موضوع هل يجوز اصطياد عريس كانت اوقات حلوة وموضوع المذكرات بعتبره فضفضة برتاح فيه جدا, ورسالة الى احلى حاجة فيه بنقول اللي عايزينه وممكن اللي موجهة اليه الرسالة مايفهمهاش اصلا اوقات كتير بكون قاصداها, امال بكتب ليه الرسالة من الاساس؟ غلاسة بقى بشكرك جدا فتاة الجليد الأحمر: صديقتي العزيزة لين, اوقات يتهيألي ان عقلك اكبر من سنك, واوقات يتهيألي انك طفلة جدا لكن برضه بتعجبني طفولتك دي, والفترة اللي مسكت فيها الحوار الجاد معاكي كانت فترة حلوة وكان لينا فيها افكار حلوة بس معرفناش نكملها بتمنى انك تنفذيها لو امكن الياذة الواقع: صديقة تانية شقية, مواضيعك دايما شقيةوتفجر قنابل شديدة التدمير في المنتدى, واسلوبك جميل جدا في الردود سعدت جدا بمعرفتك أم عمرو: اختي الكبيرة نوسة بحسك ام رائعة حنون, وسعدت جدا لما لقيت ان لينا هوايات مشتركة, واسلوب تفكيرنا قريب من بعض واحشاني جدا دلوعة بكيفي: في البداية كنت بعتقد انك عصبية جدا, وفضل الاعتقاد دة جوايا لفترة طويلة لحد مابدأت اقرب منك شوية ولقيت انك قلبك طيب وحساسة جدا يمكن عصبية شوية بتمنى ليكي التوفيق في دراستك tonyrobinho: عضو خفيف الدم, مجهوده كبير في المنتدى, وبعتبرك اخ اصغر واتشرفت بمعرفتك توني واتمنى لك النجاح والتوفيق الرومانسي الحزين: بالرغم من انه غايب الا اني مانساش مواضيعه الطريفة, ومجهوداته وموهبته ربنا يوفقه ميلودي: معرفتكيش غير من فترة قصيرة, لكن لقيت انك انسانة محترمة جدا وطيبة قوي سعدت بمعرفتك solly: شقية تانية من بنات المنتدى, عضوة مرحة ومجهودها كبير بالرغم من صغر سنها, مختفية اليومين دول معرفش ليه يمكن عشان الدراسة وحشتيني سولي وبتمنى تحققي كل ماتتمنيه نونو: وادي واحدة تانية شقية بس شقاوتك دمها خفيف, بس ياخوفي عليكي من البدلة الصفرا نونو خدي الحماية من نبع الحب, واوعي نونو تعملي فيا مقلب من مقالبك انا بقولك اهو همس الطيور: واحشاني جدا همس البلابل, لما بدخل موضوع فيه مشاركات ليكي انتي وعلا بعرف انه اكيد المناقشات هتتقلب لخليط رائع من الجد والهزار والسخرية والردود الساخنة, فاكرة؟ ربنايوفقك في دراستك وترجعي تاني vueleve: بالرغم من عصبيتك, الا انك عضوة بحترمها وبعزها, ومنساش انك نجدتيني لما دلوعة ورطتني ف رمضان ف عزومة الفطار beautyfofo: واحدة من البنات الاشقياء , لكن برضه شقاوتك دمها خفيف, ومقالبك بتوقع القلب, واوقات كنت بصدق فعلا لحد ماوصل لآخر الموضوع واكتشف انه مقلب واحشاني مواضيعك وردودك zahraa: فينك يادكتورة؟ عضوة مثقفة ظريفة, عرفتك في من الجاني, واتمنيت اعرفك اكتر من كدة في انتظار عودتك silence sound: عضو بحترمه جدا, واخ سعدت بمناقشاته ومواضيعه بتمنى لك كل التوفيق اسامي كتير لسة ف بالي لكن خايفة انسى عشان كدة بقولكم كلكم بعزكم جدا وبتمنى لكم كل التوفيق وبتمنى اكون دايما ضيفة خفيفة معاكم اختكم اسراء |
ربنا يخليكي يا اسراء بشكرك جدا علي كلامك و ربنا يوفقك و تفضلي بينا 100 سنة و كل سنة و انتي بخير و صحة و سعادة |
الموضوع مكانه افضل ف المندي العام |
vueleve
اقتباس:
أول مرة أعرف اني عصبية:lol: صفة جديدة و حلوة هههههههه بجد عاجباني شكرا ليكِ يا إسراء و إنت كمان بحترمك و بعزك أوووي:flowers2: و كل سنة ليلاسية و إنتِ طيبة |
اقتباس:
ماله اللون الاصفر حلو وجميل بس مايليق علي هههههه سعدت بمعرفتك اسراء اخت عزيزه وغاليه وكل سنه وانت بخير دمت بصحه وعافيه |
اقتباس:
اقتباس:
دانا متحملة 25 سنة بالعافية وانت تقولي 100 ربنا يكرمك وكلامي مش مجاملة دي حقيقة بالنسبة لمكان الموضوع زي ما مشرفة القسم تقرر, ولو اني نزلته هنا عشان الاغلب بيبقوا متواجدين هنا شكرا ليك ولتعليقك |
اقتباس:
كويس انها عجبتك فيفي كنت خايفة لاتصفر:lol: لا فعلا اوقات كنت بحسك عصبية ف بعض الردود شكرا ليكي فيفي |
وإحنا سعداء جدا بتواجدك بيننا :)
أتمنى لك التوفيق.. وإن شاء الله تستمري معانا وتنبسطي وتضحكي زي ماانت عاوزه>>بس كيف اتقنت المصري؟! ههههه.. |
اقتباس:
كدة برضه نونو؟ ولا حتى بمناسبة مرور سنة؟ وانا سعدت اكتر بمعرفتك نونو شكرا ليكي والف بعد الشر عنك من البدلة الصفرا |
اقتباس:
صديقة عزيزة مواضيعك كتير حلوة وحبسك تبذلي جهد كبير انتي ونونو في القسم الاسلامي ربنا يوفقكم اتقنتي المصري جدا ياقمر برافو:55: شكرا ليكي عزيزتي |
احنا الي تشرفنا فيكي السنه هذاي
ننتظر منك الكثيييير |
الف الف مبروك دكتوره اسراء
|
اقتباس:
كل سنه ليلاسيه و انت طيبه :flowers2: http://album.m3com.com.sa/showImage/...96281/size/500 بجد و من كل قلبى مشاركتك بتسعدنى جداا و بفرح اوى لما بلاقى اسمك فى موضوع (اعرف ان الموضوع مهم و يستاهل انه يحظى بالاهتمام) ميرسى ليكى على الكلام الجميل و انا اللى يشرفنى بجد انك تعتبرينى اخ ليكى و انك موجوده بينا ربنا يسعدك و بالتوفيق ليكى دايما فى حياتك |
اقتباس:
تسلمين على الكلام الحلو والرقيق اللي قلتيه عني بس حبيت اقولك شي ... يمكن ما قلته لك من قبل انا بالعادة بتنقل وبقعد فترة معينه في كل قسم ... بالفترة اللي كنت فيها بقسم الحوار الجاد .. شدني فيها اثنين من الاعضاء .. استاذ محمد العمايرة بالفترة اللي ركز وجوده في القسم و انتي يا دكتورة اسلوبك وطريقتك ومعاملتك مع الاعضاء عجبتني ... بساطتك وعفويتك تشرح القلب وزي ما قال توني مجرد وجود اسمك في الموضوع يعطيه اهميه فحبيت اتعرف عليك واتشرف بصداقتك .. واذا مافي مانع اخت لك والحمدلله .. تشرفت بمعرفتك وبعتز جداً بالفترة اللي عرفتك فيها ... وان شاء الله نظل مع بعض تحت ظل ليلاس وكل سنه ليلاسيه وانتي بخير الله يسعد ويحلي ايامك ويوفقك ان شاء الله |
اقتباس:
شكرا برنسيسة اقتباس:
|
اقتباس:
كسفتني ياكابتن بشكرك جدا توني اقتباس:
كلامك كتير عليا ميمو وانا سعيدة اكتر اني اعرفك وانك اخت عزيزة وبتمنى لك كل التوفيق |
وااااااااا بجد مبروك ياعسل عقبال ال 100 سنه مع حبي: صوفي |
♪♪♪ قديم ، يُنقل للآرشيــف .. ♪♪♪ |
| الساعة الآن 02:45 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية