منتديات ليلاس - عبدالله بن عبدالعزيز الشقاري "أبو بندر" .. || يرثى بمُعرفه ||

غبت يا بدر يـوم أكتملـت بفتونـك..
ولا غاب إلا مـن شبهـك بمزايـاك..
أعليت يا ربي القمـر بأعلـى كونـك..
و غلا أبوبندر يوصل لعالـي سمـاك..
شقراء .. وأهلها .. كلهـم يفقدونـك..
ويفقدك قلـب ينقبـض اليـا طـراك..
بالخيـر والطيبـه كلهـم يذكرونـك..
وماظني إلا الطيـب يسقـى بيمنـاك..
لا تشكي ولا تطلب من أحـد يعونـك..
إلا الـذي بيـديـه إن راد أشـفـاك..
واصل لربعك ومحسنن فـي ظنونـك..
وما تبخل بشـي لـو أحـد بينصـاك..
تذكـر قبـل أنطـق أطالـع عيونـك..
تسرع تقول اللي بغيتيه قـد جـاك..!!
وأقسى عتابك .. نظره مـن عيونـك..
قلي دخيلك منهـو بحنانـه تعـداك..!!
مهمـا مدحـوك بذمتـي يجهلـونـك..
من يعرفك يحتار يوصـف عطايـاك..
أرجع عشاني وأرحـم اللـي يبونـك..
مثلـك فجيعـه تعرفـه ثـم خـلاك..
عنودتـك يـا كيـف تسلـى بدونـك..
يا كيف أبسلى .. هو أنا أقدر أنساك..!!
هـذا مكانـك ..مجلسـك يحترونـك..
فـي كـل لحظـه ألتفـت وأتحـراك..
طالـت علينـا هالليـالـي بـدونـك..
باقي العمـر كيـف بنعيشـه بليـاك..
ذولا خواني بكرا هم لـك حصونـك..
ودرب الهدايه بيسلكونه على خطـاك..
صورة كفنـك وهـو أسفـل متونـك..
عيت تفارقنـي علـى بسمـه شفـاك..
وطعم العطر بأثمي وبـروده جفونـك..
ما أقسى قلوب وسدت خـدك ثـراك..
عـزاي أنهـم للـولـي يدفنـونـك..
أرحم من أرحم أم يشكي لهـا شـاكِ..
عساك في قصورك وحورك يجونـك..
وعساك من حوض النبي تروي ضماك..
وعساك تنعـم بصحـه مـا تخونـك..
تنسى بها أيام المرض .. تنسى شقاك..
وبرحمـه الرحمـن جـو يبشرونـك..
يجزي عباده ولو شوكه بهـا يشـاك..
ونور بوجهك بعد مـا أصفـر لونـك..
ونعمه تحيطك مـن أقصـاك لأدنـاك..
و تمر بين أشجـار تمشـي بهونـك..
و تدني لك ثمار بها ويطيب ممشـاك..
يجمعـك ربـي بالغوالـي يـرونـك..
معهـم رسـول الله ومعهـم ضنـاك..
تضحـك معاهـم وأيامنـا يذكرونـك..
والدنيا ذاك الوقت ما تسـوى ماطـاك..
يارب يـا منشـي مخايـل مزونـك..
تمطر على قبره سحايب من رضـاك..
يـاالله وأمـرك بيـن كافـك ونونـك..
تغفر لـه وترحـم ضعيفـه ترجـاك..

اللهم إنه كان نعم الأب ..

نعم المربي ..

نعم الأخ ..

نعم الرفيق ..

فأحببه فإنا أحببناه .. ورضينا عنه فأرض عنه يا منان..

اللهم إنه حل في ضيافتك .. فأكرم نزله ووسع مدخله وأغسله بالماء والثلج والبرد .. ونقه من الذنوب والخطايا كما ينقى الثوب الأبيض من الدنس ..

اللهم جازهـ بالحسنات إحسانا .. وبالسيئات عفواً وغفرانا ..

ربي عامله بما أنت أهله .. ولا تعامله بما هو أهله ..

اللهم عامله برحمتك ولا تعامله بعدلك ..

اللهم أرزقه حوراً وسروراً وحبورا

اللهم أرزقه جوار نبيك محمدا صلى الله عليه وسلم وأسقه من حوضه شربه لا يضمأ بعدها أبدا ..وأجمعنا بهم في جنات النعيم على سرر متقابلين ..

اللهم أحشره في زمره النبيين والصديقين والشهداء والصالحين .. وحسن أولئك رفيقا ..

اللهم أرفعه من ضيق اللحود ومراتع الدود إلى جناتك جنات الخلود ..

.

.