أحداث الحلقة الأخيرة من مسلسل لحظة وداع
 

السلام عليكم

لاأعرف اذا ماعرض مثل هذا الموضوع من قبل أ م لا ، المهم انى كنت مشتاقة لمعرفة الأحداث الأخيرة للمسلسل ( لحظة وداع ) فدخلت على مواقع للدراما التركية وشاهدت بعض من الحلقات الأخيرة وطبعا كنت زى الأطرش فى الزفة بسبب اللغة التركية بس طلعت بشويه حاجات .

أولا المسلسل 51 حلقة بالتركى وزى مالاحظت الحلقة العشرين فى التركى كان بيقابلها الحلقة 33 على الام بى سى يعنى المسلسل المدبلج عدد حلقاته هيكون فوق الثمانين حلقة تقريبا ، ربنا يدينا طولة العمر ، بالنسبة للأحداث اللى شوفتها فى الحلقة 34 التركى ليلا هتخسر القضية ومش عارفة اذا كانت هتستأنفها ولا لاء للأن زى ماقلت اللغة عائق بس بعدها بحلقتين حصل لبنتها فى الروضة انهيار بسبب كلام حد من زملائها عن والديها ودخلت المستشفى وطبعا رجا أخذ يصرخ على ليلا بس البنت اتعلقت فيها ورجعت ليلا معاهم البيت لفترة لحد ماتهدى ،من عند الحلقة 45 كانوا البنات مع ليلا بيعيشوا معاها وطبعا فيه زيارات لوالدهم ، اخ نسيت ليلا هتفتح عيادة لها بس انا مستغربة ان دا هيبقى متأخر فى الحلقة كام وثلاثين وكان رجا بيحضر حفلة افتتاح العيادة وكان بيتكلم مع ليلا بس وجهه قلب لما سمع اسم اياد اللى ماحضرش الحفلة ، اما علاقته مع زينب فهى عادية مفيش مطبات لاعالى ولا منخفض الا من عند الحلقة 46 لما هتحسن علاقتها بكريم وهتشوفها والدة رجا اللى عايشة معاهم لفترة بس واضح ان رجا معملش معاها خناقة هى بس اللى مشاعرها مشتتة

آخر حلقتين

فى آخر الحلقى 49 رجا هيطلب ليلا ترجع معاهم البيت شكله بيصالحها ترجع بيته هتفكر ليلا وترجع معاه فى بداية الحلقة 50 وطول الحلقة أمورهم مستقرة بس فى آخر الحلقة هيغمى على ليلا وهى بتلعب مه بنتها وطبعا هتتنقل للمستشفى ورجا ميت من القلق والبنتين فى حالة بكاء وهتعمل عملية أخيرة ترجع منها كويسة أما عن اياد فطول الحلقات هتحبه المحاميه بجنون بس هو مش معبر فيها حسب ماهو مبين
فى الحلقة 51 هتموت زوجة كريم السابقة على يد صديقها او زوجها الأخير وبنت كريم هتروح لزينب باكية هتخفف عنها

فى آخر عشر دقايق من الحلقى ليلا هتخرج من المستشفى وتركب سيارة رجا واياد بيبكى وبعدها مرت سنه ممكن اكتر كانت مكتوبة بالتركى ، المهم اياد كان واقف فى بيته وزوجته وراءه بيحكوا وفجأه صرخة طفله من الطابق الأعلى نظروا لأعلى وابتسموا ( ربنا يسعده اكتر واحد شفقت عليه فى المسلسل من كتر مابكى ) ، اما حلا اتزوجت الصحفى وعايشة معاه سعيدة ، وزينب مع كريم بتلعب مع بنته فى حديقة بيتهم بعد مااتزوجوا ، والآخر رجا بيقرأ فى الحديقة وبيبتسم للبنتين وهم بيلعبوا بيلوحوا لليلا من الشباك تنزل معاهم وياخدوا الأربعة صورة جماعية ويخلص المسلسل اللى كانت نهايته مثالية أوى بشكل غريب

اهلا عاشقة رغد ووليد الحمد لله على النهاية دى ، اهو تخفف شوية من نهايه دموع الورد الغريبة


ليا طلب لو حد يعرف يقولى ازاى أرفع ملفات على ليلاس بحاول انزل أجزاء من الحلقة الأخيرة ومش عارفة

مشكووووووورة عاشقة رغد ووليد على المتابعة ، انا هحاول اتصل بالأعضاء وأحاول اعرف ازاى ارفع ملفات وربنا يسهل ......