منتديات ليلاس - زواج عربجي من عربجيه مرره كااي

بسم الله الرحمن الرحيييييم

السلام عليكم ورحمة الله وبركااته

اليوم جايبه لكم زواج عربجي محشش على الأخر من عربجيه

في أحد فيكم قد حضر عرس عرابجة 00 تعالوا نشووف دحيم المصرقع وش سواا

7
7
7
7
7
7
7
7
7
7
7

المواصفات :

الاسم / دحيم الدلخ

العمر / منولد في سنة الطفره

الشكل / قزم ودب واقرع و وجهه كله خدود ومافيه عيون

باختصار يحوم التسبد

الولد دحيم داشر 24 سااعه مشاكل وتفحيط وخرابيط

المهم ابوه قرر انه يزوجه تسود يعقل الولد !!!!

ويقوم يخطب له ابوه بنت عمه حصه !!!

عاد حصه خبله مثله

المهم يوم جاء العرس ولا دحيم طالع مع اخوياه لثمامه يطعسون وابوه يدق عليه

الابو: الووو دحيم وينك؟

دحيم : هلا والله طالع مع الشباب لثمامه

الابو: جعل تطلع روحك بلا تعال اليوم عرسك !!

دحيم : طيب العرس في الليل يمديني ارجع المغرب<<<< الزاحف خخخخخخخخ

الابو: اقول امش جعلي امشي العصى على ظهرك

دحيم : طيب خلاص جاي

ويقفل التلفون

المهم ويجي دحيم ويلبسونه الخبل ناوي يروح بقميص نوم

المهم ويمسكونه اخوانه ويلبسونه ويودونه للقصر

>>>>>>> دحيم الى هالحين ما يدري وش السالفه يبي يخلص بسرعه عشان يلحق على العيال في الاستراحه يلعب بلوت

ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم واشرب شاهي << يآآهو فالها هالمنسم ههههههه

ويلقطه اخوه ويجلسه على الكرسي

ويجونه الناس يسلمون

المعازيم : مبرووك منك المال ومنها العيال

دحيم : هلا ايه طيب يكون خير والله ما عندي ولا فلس

قايله لكم موب وجه زواج ابد

المهم ويدخلونه على الحريم 00 يوم دخل 00 وهو الي يفتح كشرته ** ابتسامه عريضه**

ويناظر في ذا البنيات

المهم يوم طقو الطقاقات الا وهو يطمر ويرقص سامري

ويسحبه ابوه ويقول اركد لا تفشلنا

المهم ويجلسه على الكرسي

وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه

وانواع الاستهبال المشكله الي ترقص امه مسكينه تبي تفرح به ما درت انه ما يستاهل

المهم ويقومون البنيات يرقصون عنده وهو يناظر يقول عاشوا والله عاشوا

الا وابوه يصفقه على جبهته

دحيم :طيب خلاص ابنطم

المهم يوم خلصوا وهو ياخذ العروس ويركبون السياره

المهم ما درا الا تقوم حصيصه وتقول ما بغينا نطلع اقول ما عندك شريط كسراات ** شعبي** بشير شنان يعني؟

ملينا من ذا الطقاقات ازعجوني

الا وهو ينبسط على حرمته خبله مثله

المهم وتقول له حصيصه : دحيم ابسالك سؤال؟

دحيم: اسالي !!!!!

حصيصه : انت الحين تعرف تفحط ؟؟؟

دحيم : اكيد انا احسن واحد يفحط << مسوي فنان عندها وهو ما عنده ما عند جدتي

حصيصه : والله ورني ابي اشوفك تفحط

دحيم << توهق

دحيم : خليها بعدين موب اليوم << يبي يصرف

حصيصه : افا شكلك ما تعرف هههههههههههاي

دحيم : اوريك من الي ما يعرف 00

وهو الي يلف هذيك اللفه وطراااااخ في الماصوره على طول <<<<< امحـــق بس

والحين حصيصه ودحيم في الشميسي الدور الاول غرفه 212 ,,

الله يشافيهم اجر وعافيه

ههههههههههههههههههههههههههههههههه

مع حبي: صوفي