نبض قلبي لدانة الحمادي كاملة
 

السلام عليكم ورحمة الله وبركاته



لا تفوتكم رواية رومانسية خيالية ومثيرة اعجبتني ...... واكيد ستعجبكم ......


رواية نبض قلبي للكاتبة المتميزة الواعدة دانة الحمادي


نبض قلبي


الجزء الاول

اه يا نبض قلبي تهت معي في هذا العالم فلم اعد اسمع لك صوت .. صوتك ضاع
تلاشى .. حاولت ان اناديك استوقفك ..لم اعثر لك على مكان .. لم اعد اعرف اين
انت .. اه يانبض قلبي .. لم اجد لك برا للامان ,, لم اجد لك مرسى حتى تستريح فيه .. او هدوءا يخفف من سرعة نبضك .. سرعة نبضك التي تتزابد يوما بعد يوم .. خوفا والما وترقبا لما هو ات

عشت في بيت كبير مع عائله كبيره .. ابوي راشد الي حبيته اغليته على نفسي وحياتي .. كنت اعيش لاجله .. اضحك لضحكه احزن لحزنه .. كانت لمحة الحزن كبيره في عينه عمري ما شفتها خفت او تلاشت كان دايم يحسسني بالمسؤوليه الكبيره الي عليه .. امي مريم .. عمري ما عرفتها كانت غامضه على طول من توفت اختي سماح وهي بدنيا ثانيه بعالم ثاني.. عمري ماشفتها جلست معانا عمري ماسمعتها تسال عننا وعن حالنا .. حالنا الي ما اعرف لسا يهمها او لا .. ارجع واقول هذي امي تعمل الي تبيه حنا عيالها وعلينا اننا نستحمل تصرفتنا .. بس هذا ما يمنع من اني اقول انها بعيده .. ابعد مما يتخيله العقل ..
سامي اخوي الكبير 32 سنه هو اكبرنا .. وعيونه علينا دايم احبه حب ما حد يعرف قدره انا وسامي عمرنا ما افترقنا دايم مع بعض .. كلمتنا عمرها ما اختلفت حتى لو تعارضنا لازم واحد فينا يمشي كلمة الثاني .. الخلافات بيننا نادر ماكانت تصير لاني احبه وما احب اني اكسر كلمته قدام خوانه ..سامي له هيبه مميزه قوته مميزه عقله حكيم كثير.. طول عمره رجال بمعنى الكلمه حامل المسؤوليه مع ابوي عمره ما اشتكى ولا تذمر .. حتى امي الي كانت ترمي الكلمات الجارحه عليه .. عمره ما علق عليها ولا تضايق منها .. انا عارفه انه كاتم كل شي بقلبه بس في حياته ماتكلم ..
عقب سامي نجي انا وسماح توائم سماح توفت وهي عندها 9سنين .. حادث وفاتها اثر على الجميع لحد الان وانا عمري 28 سنه موضوع موتها مثار للناقش الدايم بيني وبين سامي وخالد وفهد وسالم .. بعدنا على طول
يجي خالد 27 سنه .. خالد ذكي جدا مشا الله عليه دماغ تجاري ورث هالشي من ابوي احبه واحب رجولته يحسسني انه الظهر الي استند عليه واشتكي له .. صحيح اني مبعدته عن موضوع الشكوى والجأ لسامي كثير بس غلاة خالد عندي كبيره ..
بعديه يجي فهد 26 سنه.. فهودي هذا قطعه من روحي اموت عليه .. حبه بقلبي غير.. يمكن اني ادللـه عن الباقي لانه يعرف كيف يدخل علي .. انا عارفه هالشي زين عارفه لما يتدلع ايش يبي عارفه لما يمدح ويتغزل ايش يبي حافظني وعارف كيف ياخذ الي يبيه مني بسهوله
بعديه يجي سالم 24 سنه .. اسمه سالم وهو مسالم بعادته هادىء بطبعه طويل عريض يحمل من الوسامه القدر الي يخليه يثق بعمره كثير سالم احسه اكثر اخواني قوه جسديه محد يقدر عليه منهم .. ولا حد يفكر انه يمزح معاه بخشونه حتى .. يشتغل مع ابوي بعد .. الميزه الحلوه في سالم انه روحه في اخوانه صحيح انه هادىء وهدوئه يثير اعصابي .. بس اذا صار وقت الجد تلقاه انسان ثاني ....
بعديه يجي فيصل 17 سنه .. فيصل هذا قمه في الهدوء يفوق سالم بهدوئه وسكوته .. اطلق عليه المتفرج .. بعكس محمد ..
محمد 12 سنة .. محمد هذا ماخذ قلبي وعقلي برجولته وقوته وحركته وشقاوته .. ذكائه حاد عنده سرعة البديهه قوي في قراراته.. صحيح هو الصغير بس احساسي فيه غير محمد ولدي الي ربيته ..
صحيح اني فرضت سيطرتي على الكل حاولت اغرس فيهم حب بعضهم البعض والحمدلله .. الله وفقني لهالشي وطبعا هذا بتعليم من ابوي الي كان دايم يحرص انه يردد علي هالكلام .. اخوانك قطعه منك اذا حبيتهم من قلبك حبوكي وعزوكي .. بعزتهم انتي عزيزه وبقوتهم انتي قويه .. بحبك لهم بيتعلمو كيف يحبو بعض .. بخوفك عليهم بيتعلمو كيف يخافو على بعض .. اذا عرفتي كيف تنجحي بهالشي ضمنتي الامان ..



*************************

خالد

...كنت ابغي اصحيها من نومها لكني متردد ... ما احمل اخبار تسر ابدا احس انها بتتعرض لانتكاسه كبيره ... عيني عليك يا سما كيف اصحيك وكيف اخبرك ... اخليكي نايمه احسن بعد مانخلص اكلمك بشويش؟.. حرام علي
ياربي ساعدني ايش اعمل
خالد: سما .. حبيبتي اصحي ياروحي صرنا الظهر

سما: ..................

خالد: قومي ابيك بموضوع اصحي لي شوي

سما: .................

خالد: حبيبتي ... ماعرف اشلون ابي..............

سما: ابوي؟!!!!!!!


تلاقت عيني بعينها يالله ماعرفت اتكلم ولا انطق بحرف عيونها ...اه من عيونها ... دائما تقرا يلاي بي اقوله من غير ما انطق.
قامت من فراشها وبأمر منها من غير ما تلتفت لي

سما: خالد ابي اشوفه قبل مايندفن انت سامع

خالد: ......................

غسلت والبست وقامت تصلي ... لباسها مثل ماهو ماتغير من خمس شهور ... فضلت بدل ماتبكي او

تصرخ اكتفت بلبس الاسود ... هدوئها مثل ماهو ماتغير تعبير وجهها مثل ماهو ماتغير ... قوتها عصبيتها

حنانها نظراتها وعيونها ... اه من عيونها يا روحي انتي ياسما لو بيدي سعادتك متأخرت

وصلنا للمستشفى.. كانت ساكته طول الطريق ما فتحت فمها باي كلمه وانا ظليت ساكت بعد.. ما لقيت

الي يواسيها ويواسيني معاها ... اصرت البارح انها تنام معاه كانت تحس باحساسها الي عمره ما خاب

انه اخر يوم له معاها.. معاها وحدها.. طلب منا البارح نطلع برا عرفته في المستشفى .. كان يبغي يتكلم معاها لوحدهم طبعا طلعنا.. تركناهم ظلو كثير.. كثير ..كثير

بعدها نادتنا ندخل ودخلنا, شفناه وهو قاعد كان صاحي مافيه شي.. يضحك ولو ان الكلام كان يتعبه بس

ظل يتابعنا بنظراته اكيد كان يبي يشبع منا كلنا وهي بالذات عيونه عليها في كل شي تقوله او تسويه

وابتسامته تلاحقها وين ماراحت يسرح في شكلها شوي ويرجع لنا شوي.. وهي عشان تقاوم شعور فراقه تمت تناظره كثير بس انا متاكد انها ماشبعت منه.. ولا راح تشبع.

وصلنا لغرفته.. وقفت شوي .. شافت الكل ناظرت الكل ماتوقعت الي قالته ابد .. وقتها محمد كان يبكي بحرقه بس من غير صوت.. حبس صوته في داخله .. عارف ان الصوت مهما ارتفع ماراح يرجعه لنا... خلاص راح

سما: محمد اغسل وجهك وتعال احنا بخير.. ابي اسلم على ابوي وارجع ولا قيكم تضحكون...ظهرنا لحد الان مانكسر.. وابونا بخير.

فتحنا عيوننا عليها.. افتحت الباب ووقفت شوي.. ابتسمت وراحت له.. دخلت معاها ووقفتني.. امنعتني بنظرتها

سما: خليني معاه شوي.. انا بخير دامه بخير

سكرت الباب وجلسنا نناظر بعض.. دامه بخير؟!! .. فهد كان قلق عليها كثير
~
فهد: غلط نتركها معاه

خالد: ايش يبي يصير بياكلها يعني خلها تسلم عليه.. اختك ماهي بضعيفه

محمد: بس تخزن في عقلها وخاطرها مكسور من ماتت امي وهي على هالحال

سالم: كانت سما تقول على قد ما ابوي يعشق امي على قد منا خايفه يلحقها وصدقت خمس شهور ماقدر يستحمل فراقها.. لحقها.. والله ماني مصدق

خالد: استغفر ربك يارجال.. ايش الي تقوله

سالم: عمري مانسيت هذاك اليوم بعد صلات العيد.. صار لها يمكن شهرين وكم يوم من توفت .. وقتها ابتدينا نستوعب فكرت موتها .. الا هو

خالد: ايوا صح .. ماتوقعته ابد .. كان هو الي يقوينا ويصبرنا.. اتضح انه هو من كان يحتاج ان حد يصبره

سالم: ما انسى منظره يوم نداها "مريم يا حبيبة روحي انتي وين..عيدك مبارك.. يا مريم .. وين القهوه يا مريم.. وينك وين صباحك" .. دنيت منه وقلتله يبا .. قالي يابوك امك اكيد فيها شي ماترد.. ياعيال شوفو امكم وين.. قلتله يبا امي عند ربها.. ناظرني ووطى راسه وقالي ايوه نسيت.

سكت سالم.. والكل يبكي.. كان منظر ابوي هذاك اليوم يقطع القلب ما استوعبت انه نسى .. هذا يعني ان امي عايشه معاه في خياله وروحه .. صحيح اختفت من قدام عينه . بس هي ساكنه في قلبه , عقله ، كل كيانه

صدقت بكلمتك يبا .. الي يسكن القلب ويملكه مايقدر احد يبعده حتى الموت.. رحمت الله عليك يالغالي ويسكنك فسيح جناته مع من اسكنت قلبك.

محمد: سما طولت.. قعدت ساعتين يكفيها خلاص.. خالد تصرف

دخلت عليها.. وشفتها وهي تبتسم له .. ماسكه ايده وتناظره .. قلبي وقف حينها كيف تركتها مع ميت ..حتى لو كان ابوي.. كان المفروض نحاسب عليها على قد ماهي قويه على قد ماهي رقيقه وحنينه حتى وهي تناظره وهي قاعده وشكلها خايف مو منه اكيد .. من باكر انتبهت لي اني واقف على الباب

سما: سلمتو عليه

خالد: أي نعم .. نبي ننتظر س..

سما: لا..خلونا نعجل اكرامه سرعة دفنه.. اذا انتظرناه بيتم ابونا كذا لحد بكره

بعد صلات العصر انتهينا من كل شي.. كل شي.. ودعنها وخليناه .. وقلوبنا تتقطع على فراقه .. بدري يابوي الي مثلك ماينشبع منه.. قلت هالجمله وانا واقف على قبره.. مانع دموعي تنزل حزن عليه الي مثله ماينحزن عليه ينحزن على فراقه بس.. دخلنا المجلس واستقبلنا عزاه وكل واحد ساكت ولاهو قادر يتكلم .. يهمس بالاشاره بس.. كلامنا كله بالاشاره بس.. حنا هنا وسما هناك وحدها.. صحيح مع الحريم وبنات العمومه بس بعد لوحدها من غيرنا.. قلبي عليكي ياروحي انتي .. كان ودي احضنها بس اعرفها بتكابر ومابتسمح لاحد يقترب منها على الاقل اليومين هذول.

صلينا العشا وقعدنا والناس بدت تزيد والرجال في كل مكان ومن كل مكان الي نعرفه والي مانعرفه.. منظرهم يوجع القلب .. متلثمين وعينهم تجري بالدموع .. هالمنظر وقفت عنده كثير .. خفت على اخواني منه كثير .. اكيد بيزيد الحزن بقلوبهم على ابوي .. وقف عمي ناصر جنبي وقالي هايبا انت بخير؟.. ما اذكر اني رديت .. مره وحده السكوت حل.. بدا همس بين المعزين ماسمعت شي الصوت بدا يهدى اكثر واكثر من ذا منو جا .. مين ذا الي الناس سكتت بوصوله؟

فيصل: خالد.. سامي وصل

خالد: سامي؟ وينه فيه

فيصل: عند الحريم

اه المفروض اني ما اسأل .. كان لازم اعرف انه عند سما .. سالم ينادي علي تعال بسرعه؟؟ خير ايش صار

سالم: تخيل

خالد: ايش

سالم: عمي ناصر يسالني متى بتوزعون الورثه؟

خالد: نعم؟؟؟؟؟؟؟؟؟؟؟؟ وايش رديت عليه؟

سالم: مشيت عنه

خالد:هذا مايعرف له غير سامي .. اذا كلمك قوله سامي بيرد عليك.. وصدقني بيخاف
مادري كيف ابتسمنا انا وهو.. والله غصب عنا



*************************


سما

حبيبي انت هنا سامعني شايفني.. هههه .. ادري انك هنا .. واكيد تضحك علينا الان .. حنا حزانا وانت سعيد .. يابختك .. اكيد انت معاهم الان وشكلهم هم معاك بعد وماسكين ايدين بعض.. وتضحكو علينا.. اضحك ياحبيبي وافرح هذا يومك.. ياربي يجعل دربك سلاما سلام .. ويثبت بك .. ويقويك.. عساك الجنه يا نور عيني.. نزلت راسي وبدا الحزن يملكني .. وليه احزن وهو معي .. الي مثله ماينحزن عليه.
يارب لو كان هذا الرجل ضيفي لاحسنت ضيافته .. وهو الان ضيفك وانت الله اكرم الاكرمين .. ياربي اجمعني بهم على خير وافرحني بمنازلهم في الجنه.. هو ابي وانت اكرمتني به .. وهو اكرم علي بتربيته فاصبحت على ما انا عليه بفضل منك فاجعلني الوالد الصالح الذي تقبل دعوته واجعل من دعائي له اجرا

رفعت راسي اعدل من هيبتي مابي انكسر قدام اهلي .. بانكساري اخواني بينكسرو معاي .. رفعت راسي ولقيته قدامي واقف بشموخه بهيبته ونظرته .. كان ودي ارتمي بحضنه اصرخ اقوله ابوي راح وخلانا .. تركنا خلاص ودعناه ..مين ياترا بيودعنا .. قامو الحريم له يعزونه ويبكون عماتي وخالاتي الي بعد مافتحو عينهم من بعد وفاة امي حريم اعمامي والبنات تدافعو عليه

وكيف مايتدافعون وهم يتقاتلون عليه غصب عني ابتسمت.. منظرهم كان يضحك .. وهو نظراته ثابته علي دنا مني نزل لما تلاقت عيني بعينه باسني على راسي ومشى.. انتبهت لمرام نظراتها بتقتلني غضب وحقد وكره.. قالت مرام لبنت عمتي هدى الي جالسه جنبها

مرام: حشا كانهم عشاق مو اخت واخته

انتبهت لها وجلست اناظرها بغضب .. تقريبا كل الي حولنا اسمعو مرام ايش قالت.. حاولت امسك نفسي عنها ماقدرت.. حاول اشيل عيني من عليها ماقدرت.. كان ودي ارمي بكل غضبي وغصتي عليها... ما قدرت اسكت همست لساره وفزت لي

سما: نادي الكلبه مرام

قامت ساره وهي خايفه ايش ممكن اني اسوي لمرام اكيد بذبحها

ساره: ايش سويتي هذا كلام ينقال.. ناويه على نفسك انتي قومي تراها تبغيك


مرام: خير سما بغيتيني
مسكت ايدها وظليت اناظرها بغضب.. كنت شوي وبذبحها .. ولو ما امها جات ولحقت عليها كنت بهدلتها على الي قالته

ام احمد: مرام ايش هذا ال قلتيه انجنيتي انتي .. يما سما اتركيها لي وانا بكلمها

سما: خالتي بنتك مو محتاجه حد يكلمها الا محتاجه حد يربيها

جذبتها حولي بقوه.. طاحت قدامي وهي تتوجع

سما: ادبي نفسك يامرام ترا والله ان لمستك ايدي مره ثانيه مراح تكون هينه عليك.. ابتعدددددددددي

كان نفسي ادوسها برجولي.. كان القهر مالي قلبي عليها .. قليلة حيا.. شبت النار بقلبي .. الله يشيلك يا مرام.. راحت اجلست مكان ماكانت .. وبحركه لا اراديه .. اشرت لها على الباب

سما: مكانك هناك.. لا تجلسين قدامي




*************************


فهد


طلع سامي من الحريم وعيونه بارده حزينه, وقف يسلم علينا ويعزينا وقبل لا يعزينا كنا نعزيه، كان يدور على محمد .. سواله عن محمد.. ماعرفنا محمد وين.. تلفتنا حولنا ومالقيناه.. زاد القلق كيف مانتبهنا له.. وين راح .. دقيت على جواله ومارد تابع سامي سلام المعزين واحنا انشغلنا ندور عليه.. وين راح .. وين اختفى .. ما اذكر حتى متى اخر مره شفته فيها.. ياربي عقلي توقف والله إذا صار شي انه بنروح فيها .. دقيت مره ثانيه ومحد يرد

سالم بخوف: بشر

فهد: والله ياخوي مايرد

سالم: كيف يعني

فهد: هو رد مع مين لما كملنا في المقبره

سالم: انا شفته مع خالد

فهد: الحمدلله .. والله ظنيته ليلحين هناك

سالم: لا .. اكيد لا ..

فهد: شفت السيارت

سالم: ايوا كلهم هنا.. لا يكون الله يعزك بالحمام

فهد: محمد غايب من قتره كلها بالحمام الله يعزك؟ .. لا ما ظن ..

سالم:الا فيصل وينه

فهد: فيصل؟ والله مادري

سالم: هذا وابوي ماصار له يوم من مات .. حنا من الان ماندري عن اخواننا

اثرت فيني كلمته كثير.. محمد مختفي وفيصل من الصبح ماسمعت صوته واظن اني ماشفته بعد.. سامي عينه علي بين كل لحظه والثانيه.. وانا ماعندي جواب .. خالد يدخل ويطلع وسالم معاه وانا واقف اباشر الناس وكل شوي ادق على واحد منهم ومافي جواب.. دنا سامي مني
سامي: بشر

فهد: ولا شي ياخوي فيصل تراه غايب بعد

سامي: ايش؟.. فيصل لسا من شوي شايفه اول من سلمت عليه فيصل

فهد: بشرك الله بالخير ياشيخ.. والله قلبي بيوقف .. اظن انهم مع بعض

سامي: ماظن فيصل انا شفته مع ربعه .. واكيد محمد ماهو معه

فهد: ياربي سترك

سامي: اكتم بس لا حد يتكلم وسما تعرف

فهد: حاضر
اتصلت في خالد وسالم وقلتلهم لا يبلغون احد حتى سما لاتعرف.. الخوف داخلي يزيد وهالولد ماندري هو وين ..دنا عمي ناصر مني .. يناظرني .. ايش شفيه يناظرني كذا عسا بس موحاس بشي ويفضحنا

ناصر: الا اقول يافهد

فهد: سم

ناصر: انتو بتجتمعون اليوم؟فهد: حنا مجتمعين كل يوم ياعمي.. تحسب انه وفاة ابوي بتفرقنا؟

ناصر: الا اقول يافهد
ماقدرت استحمله مارديت عليه بعدت عنه.. رحت بعيد.. عيوني في عيون سامي والتلفون بيدي وادق على محمد

سامي: هو مادخل البيت؟ .. ولا دخلتو هنا على طول

فهد: سامي .. مادري .. والله مادري انا دخلت هنا على طول.. ماشفته .. اقولك على شي

سامي: خير
فهد: محمد مايخطي خطوه الا ويقول لسما عليها اكيد هي عندها علم

سامي: بيني وبينك.. خايف.. اخاف عليها

فهد: سامي هي جنبنا حتى لو صار لها شي هذاك ماندري عنه هو وين

سامي: اتصل فيها؟

قهد: لا يا خي نادي على وحده من الشغالات تندها لك

راح مسرع للباب الي بين المجلس والمطبخ.. اتبعه عمي ناصر.. ووقف وراه يتسمعه.. ايش بلاه عمي اليوم ايش قاعد يسوي
رحت انده على سامي حتى يلتفت وينتبه على عمي الي واقف وراه.. انتبه له .. شافه بنظره كلها غضب
سامي بحده: خير!!!

ناصر: والله ياولد اخوي ابغي اسولف معاك

سامي هنا؟!!

ناصر: الا اقول يا سامي

سامي وبنبره حاده: عمي هذا موقته اجل ال تبي تقوله مو الان.. ياريت تباشر المغزين تراك اخو المتوفي

ابتعد عمي عنه بسرعه ياربي غصب عني ابتسمت.. شفت سامي واقف على الباب شوي ودخل اكيد سما جاته تأخر نص ساعه داخل ياربي كل ذا عشان يسالها؟ اكيد في شي.. زاد قلقي.. مشيت صوبهم كنت ابي اتطمن وصلت لباب المطبخ الا وسامي طالع مبتسم
فهد: بشر ياخوي

سامي: رد من المقبره ونام بفراش ابوك

فهد: الحمد لله ياخي خلني اطمن اخوانك واشوف فيصل ماشفته اليوم

سامي: طيب انده اخوانك معاك خلهم يجلسو هنا

فهد: حاضر

شفت اخواني وبلغتهم وضحكو .. غصب عليهم اضحكو.. رحت ادور على فيصل احس اني مشتاق اشوفه..مابي احس اني اهملت اخواني بعد وفاة الغالي.. لقيته بالحديقه مع ربعه قاعدين وساكتين والحزن ماليه هو فرض على الكل هالحزن.. قربت منه
وابتسمت.. لما شافني استغرب ابتسامتي.. احس انه عاتبني بنظرته.. لكني ماتراجعت زادت ابتسامتي له
فهد: انت وين ياخوي اقلقتني عليك.. كذا تنسى اخوك

فيصل: انا؟

فهد: ايوا انت.. تركتني لحالي اباشر الناس وانت قاعد هنا

فيصل: افا ياخوي سامحني والله مانبهت ..هذاني معاك .. يلا

فهد: اقعد مكانك انا جيت اتطمن عليك بس.. من الصبح ماشفتك.. لا تباعد خلك قدام انظري

فيصل: تامر ياخوي



*************************


سامي
افكر اني اروح له الان.. مابي انتظر لبكره ابي اجلس عندك الان.. ياليتني اقدر اترك الناس واجيك .. نفسي اقف عند قبرك شوي اتكلم معاك شوي .. يبا فراقك صعب .. البيت موحش من غيرك من دخلته وشفت الحريم فيه قلبي انقبض.. وسما نور عيونك حزنها ملى البيت بغيابك .. موجوده بجسدها يابو سامي والروح معاك.. ارواحنا معاك يابوي .. كنت سرحان ماني حاس بالي حولي ولا بالناس الموجوده .. يالله ياكثرهم كلهم معارفك يابوسامي كلهم اعرفوك وحبوك .. ومن مايحبك.. يا اغلى من روحي انت
ياربي ترحمه.. ياربي ترحمه.. ياربي ترحمه.. حسيت بايدين تمسك كتفي رفعت راسي

سامي: عمي بومشعل سامحني عمي ماكنت منتبه

بومشعل: عيب ياولدي .. انتو الي اعذروني انا لسا واصل حجزت على
اول رحلة وجيت بسرعه .. عضم الله اجركم

سامي: اجرنا واجرك .. وانا بعد من شوي واصل

بومشعل: كيف حالكم انشا الله بخير

خالد: عمي بومشعل يا مراحب والله

بومشعل : هلا بولدي, عضم الله اجركم

خالد: اجرنا واجرك.. كيف حالك .. بشرني عنك

بومشعل: الحمدلله

سامي: انشا الله دوم عمي

خالد: وينك ياعمي تأخرت علينا

بومشعل: اعذرني ياولدي انا.............
......
سامي: ماله داعي تبرر ياعمي عارفين انك مشغول

خالد: اعذرني للسؤال عمي

بومشعل: لاتقول كذا ياخالد وفاة ابوك زلزلتني انت عارف هو ايش بالنسبه لي .. الله يرحمه

خالد: انت احسن الان

بومشعل: الحمدلله .. هذاك ناصر الي هناك

سامي: ايوا هو..شكله لحد الان منتبه انك هنا

خالد: الله يجيرنا

بومشعل: بس ياعيال هذا عمكم مهما صار

سامي: ماقلنا شي الله يطولي بعمرك عمنا وتاج راسنا بعد.. الحين يجيك واشوفك كيف بتستحمله

بومشعل: ياعيال ادري مووقته بس لازم تفتح هالموضع

سامي: عمي نعرف الموضع ذا زين .. موقته الان ابد .. وغلاة ابوي عندك .. ابي تكتم عليه ولا كانك تدري عنه وحنا لاهدت عندنا الاوضاع انشا الله نبي نجيك كلنا

بومشعل: واولكم سما

خالد: واولنا سما

ناصر: بومشعل ياهلا بالرجال
بومشعل: هلا بواحمد.. عضم الله اجرك

ناصر: اجرنا واجرك.. بشرني عنك ايش علومك

بومشعل: نحمد الله يابواحمد الحال يسرك

ناصر: ايوا ادري اسمع عنك علوم زينه.. سمعت انك ربحت قضية هزاع

بن محمد ويقولون انك ربحت من ورا هالقضيه شي ما هو سهل

بومشعل: يابو احمد المهم السمعه وانا اخوك .. وهزاع رجال زين
يستاهل من يوقف معاه والقضيه بفضل الله ناجحه

ناصر: بس لو ماهو دهاء محامي خبره مثلك ماكنت كسبتها الا قولي يا بومشعل حلفتك الله مالعبت بذيلك كذا ولا كذا عشان تكسبها

بومشعل: خير؟!!!!!!

سامي بحده: عمي!!!!!

ناصر: والله يابومشعل الخصم صاحبي وكان قايل لي عن القضيه.. تبي الصراحه انا اول ماقريت اوراقه قلت انه بيكسبها اكيد الاوراق في صالحه ميه بالميه

بومشعل: وانت قمت تفهم بالقضايا يا بواحمد عشان تقر انها كسبانه

ناصر: خلنا من ذا كله يا بومشعل المهم كسبت من ورا هالقضيه ملايين
تسندك بهالدنيا .. وهذا الي مدهشني فيك ذكائك الحاد احسدك عليه.. الاقولي انت فاتحت العيال ولا لاء

خالد: عمي بومشعل تعال اعرفك على خوالي
بومشعل: أي والله ياولدي صار لي ساعه قاعد وماسلمت على الناس

ناصر: خذوني معاكم

سامي بحده: خلك عمي بغيتك

ناصر: بعدين ياولدي خلني اعرف الرجال على الناس واقول لهم هذا الي
كسب قضية هزاع بن محمد هو نفسه محامي المرحوم اخوي

سامي وبحده مبالغ فيها: عممممممممممممممممي.. اقولك اقعد

خالد: سامي .. ماهو كذا

سامي: روح انت مع عمي بومشعل عرفه على الناس

ناصر: طيب يابومشعل الظاهر ان ولد اخوي يبيني بموضوع مهم .. عاد سامحني ياخوي مابقدر اجي معاك

خالد: حياك عمي.. وسامحني امسحها بوجهي هو كذا على طول عشان كذا محد يطيقه ولا يطيق وجوده

سامي بحده: عمي ما ابي افقد اعصابي عليك.. اسلوبك مع الرجال ماعجبني.. امر بومشعل يهمني .. وما ابي احد يضايقه ابد.. كلامي ما ابي اعيده .. واضح

ناصر: ايوا ..ايوا .. ادري ياولدي ادري.. فلوسكم كلها عنده .. اقصد ورثة اخوي الله يرحمه كلها بيده... الا على طاري الورثه ياسامي كنت بسالك متى بتوزعون الورثه

~ زعقت بكل قوتي عليه.. ما حسيت بحالي ابد من بعد الي قاله .. الكل التفت علي وعليه .. ما مسكت نفسي من قهري الا وانا ماسكه من ياقته ومقومه على حيله .. نسيت انه عمي .. نسيت انه اخو الغالي.. نسيت كم عمره ومكانته.. زلزلت كياني جملته.. نسيت العزا والناس.. كان الغيظ ماليني من اول ماوصلت المطار .. ابوي يموت وانا بعيد ..صبيت كل غضبي عليه .. رفعت ايدي ابضربه.. مسكني خالد ~
خالد: تعوذ من الشيطان ياخوي
سامي: حقيقه انك ماتستحي ..انت مافي وجهك دم .. الرجال تونا دافنينه ..
خالد: سامي فكه.. ايش صار
~ تعمدت ارفع صوتي حتى الكل بسمع ايش صار ~

سامي:يسال متى الورثه بنوزعها
بومشعل: ناصر زودتها ياخوي.. هذا السنع وانا اخوك؟!!.. تشوف العيال بعقولهم يعني حتى تسالهم هالسوال .. وبعدين انت ايش دخلك فيهم .. هالشي مايعنيك

سالم: فكه ياسامي.. اتركه

فهد: هذا مايستاهل تفقد اعصابك عليه.. الي ما احترم حرمة الميت .. مايستاهل ياخوي

سالم: اسكت انت بعد.. لا تشعللها

واحد من المعزين: ناصر وانا اخوك لمتى وانت كذا يا اخي غير طبعك العيال ماهم قاصرين انت اش دخلك بينهم.. سامي وانا عمك تركه بس الله يهديه ويصلحه

بومشعل: ياولدي تعوذ من الشيطان بس.. الله يلوم الي يلومك.. لاتنسى ابوك وانا عمك
~ نسيت ابوي .. حزني عليك نساني عقلي يابوي ..والله ماكان ودي اتركه.. كان نفسي اضربه .. يمكن اذا ضربته يبدل من نفسه.. من جد ماني قادر اتحمله.. ورثه؟!! يسال عن الورثه!! ..والله انه طير عقلي بجملته .. والله لو اني ادفعها كلها واذبح عمري واجمع قدها واقدمها تضرع لله انه يرجع لي الغالي لو لحظه اودعه فيها .. ماتأخرت.. ياعمي ياخو ابوي يامعدوم الاحساس انت كيف كذا .. كيف انت اخو هالراجال الطيب. تعوذت من ابليس وابتعدت .. وانا دمي يغلي.. يغلي .. لفيت بجسمي برد له بكمل عليه .. لقيت محمد قدامي واقف.. نسيت همي بشوفتك ياخوي ..فتحت ايديني له .. ماصدق اني هنا.. صحيح كان المفروض اوصل باكر.. لما كلمني خالد من يومين وقالي لازم ترجع ابوي تعب كثير.. حسيت انه بيودع .. حسيت ان هالمره بيروح.. ركضت على شركات الطيران وحاولت قد ماقدرت اني الحق عليه.. بعد مالحقت وصلت متأخر يابوي.. متاخر كثير.. حضنت محمد وزاد بكاه .. بكا الحاضرين معاه وانا قبلهم.. حاول خالد يسكته .. قلتله اتركه.. ادري محمد صغير ما بيستحمل انه يخلي الحزن بقلبه.. خوفي عليك يا سما الحزن بقلبك من خمس شهور لامتى بتخبيه.~



*****************************

داخل البيت
خالد

سالم: اخيرا بيت عمي ناصر اطلعو

فهد: والله ودي اضحك.. منظره وهو بين يد سامي اليوم بفطس من الضحك

سما: ايش صار

سامي: ماصار شي اخوك يبالغ

فيصل: الا صار.. وانا شفتهم ياختي.. عمك صار بين يدين اخوكي مثل الخاروف
~ الكل ابتسم بس محد ضحك.. كسرت سما الحاجز.. وظلت تضحك من قلبها.. وحنا ساكتين .. نناظرها .. خايفين عليها~

سما: بسالكم سوال بس تجاوبوني بصراحه وماحد يخبي الي جواه

سامي: قولي

سما: انتو حاسين بسعاده صح
~ ظلينا نناظر بعض ماحنا فاهمين ايش تقصد
~
سما: لا تجلسو تناظرو بعض.. اقصد ابونا مات راح خلاص.. بس حاسين انه موجود بينا صح؟

فيصل: ايوا انا عندي نفس الاحساس.. لما رجعنا من المقبره كنت متاثر كثير.. بس بعدين الاحساس صار عادي .. احس اني بشوفه طالع من غرفته او نازل للصاله او بينادي على حد

فهد: وانا بعد هالاحساس عندي انا ما انكر اني ابتسمت اليوم كثير.. كنت احسه واقف جنبي .. كنت كل شوي بلتفت اكلمه.. والله استغربت من هالشي

محمد: اقولكم وتصدقوني

سامي: خير

محمد: لما وصلت البيت وكنت بالحديقه كنت بموت من الحزن.. خفت اقرب من البيت.. حسيته هو سحبني .. وهمس باذني وقالي نام يبا نام ياحبيبي.. احلف لكم اني ما اكذب

سما: انا مصدقتك

سامي: لا تبالغو لهالدرجه انا ماحسيت بهالشي

خالد: والله انا من شفت شكله وهو ميت وانا مرتاح.. تاثرت صحيح .. بس مرتاح
~ سما ضحكت من جديد.. والمره هذي بدينا نضحك معاها بس سامي مثبت نظراته عليها بغضب ~

سامي: سما وبعدين

سما: شوفو ابوي قبل مايموت قالي على اشياء كثيره.. من الكلام الي قاله "سما انا حتى لو مت انا معكم مستحيل اترككم يابنتي الموت علينا حق وانا تاركم في رعاية الله وحفظه حاولت قد ماقدر ابتعد عن المعاصي والذنوب مانكر انو لي اخطائي والله يسامحني عليها المهم اني اتداركها قبل مانزيد حتى اراعي الله فيكم والحمدلله الله انعم علي بعيال انحسد عليهم حبيبتي صدقيني بتحزنو شويه بس.. وبتلقوني حولكم وبتضحكو وانا معكم وباذن الله امكم معاي ونشوفكم" ها تصدقوني الان؟!!

محمد: بسم الله الرحمن الرحيم , اعوذو بالله من الشيطان الرجيم .. بديت اخاف
~ ضحكنا عليه من قلبنا .. من جد شكله مرتاع ~

محمد: يعني الي سمعته كان صوت ابوي صدق

سما: سبحان الله، هذا رضى الله علينا من بعد ابوي.. علامات حسن الخاتمه كانت باينه عليه الله يرحمه

خالد: أي والله وجهه رحمة الله عليه.. مثل البدر جميل

سالم: شيلته كانت خفيفه بعد

سامي بضيق صدر.. انا رايح ارتاح

سما: لا تستعجل ياخوي على رزقك لو لك نصيب بشوفته كنت شفته هذي كتبت الله عليك وعلينا .. ايش يدريك يمكن نصيك اكبر مننا كلنا

سامي: الله يسمع منك .. انا طالع ارتاح

سما: سامي طلبتك

سامي: تامرين

سما: خلك هنا معنا .. ادري ماراح تنام ياخوي تفكيرك مابيترك لك مجال تنام

سامي: ابي اقعد بروحي شوي

سما: عندك العمر كله اقعد فيه مثل ماتبي .. اليوم لا.. كلنا لازم نكون هنا مع بعض .. لا تتركنا وتجلس لحالك

خالد: يلا بلا دلع تعال بس انثبر واقعد

محمد: أي والله ياخوي خلك معنا لا تروح ما شبعت منك

سامي: عشان محمد بس انا قاعد

سما اجلست تناظره بقهر.. خذت المخده ورمته بها.. اضحكنا عليها

سما: يلا ياشباب انا رايحه انام

فهد: أي والله انا بعد خذيني معاكي ابنام

سالم: خذوني معاكم مابقى لي مكان .. اروح انام احسن

خالد: يعني ايش بنتركهم لحالهم كانهك روميو وجوليت؟!! الاولي يقول انا ماشبعت منك والثاني يرد انا عشانك قاعد .. وانا ايش يقعدني زي العذول خذوني معاكم ياشباب

سامي: اقول انطقو اعقدو لاقوم لكل واحد فيكم .. اشوفكم عرضتوها

فهد: هههههههههه يا اخي اضحك اشفيك مكبرها

سامي: والله ضايق ياخوي

~ سما قامت عنننا وادخلت المطبخ طولت شوي مع الشغالات .. وبعدين رجعت ~
سما: يلا يا شباب

محمد: وين

سما: قومو بس

سالم: ايوا وين

سما: لا حد يسالني .. قومو وبس

~ دخلنا غرفة الطعام وشفنا اصناف الاكل موجوده على الطاوله .. من الواضح ان سما اعطت اوامرها للشغالات من بدري حتى يجهزو للوليمه هذي.. ناظرنا بعضنا شوي .. وابتسمنا اول من قعد على الطاوله محمد كان من جد جوعان وتبعناه وابتدينا في الاكل.. الاستمتاع باين على الكل .. حتى سامي نسى همه وضيقه شوي.. واجلسنا نسولف ونضحك مع بعض.. ونتذكر بعض الذكريات شوي .. ونتكلم عن المستقبل شوي.. انتهينا من اكلنا ورحنا للصاله وقعدنا كانت الساعه تقارب على 2 صباحا ..سامي كان باين عليه في موضوع شاغله جدا .. وماكان يبي يستعجل ويفتح الموضوع .. بس من الواضح انو سما تقرا افكاره زين

سما: حنا لازم نتفق الان

سالم: حنا متفقين

فهد: صحيح كلام سالم .. تأجيلنا للموضوع ماراح يقدم او يأخر فيه شي.. حنا متفقين من زمان

سامي: بس لازم نختار

فيصل: بس لازم انا افهم انتو عن ايش تتكلمو

محمد: أي والله .. تراني ضعت

سما: اول شي لازم ننتبه انو فيصل ومحمد صغار.. كلامنا لازم يكون واضح بالنسبه لهم

سامي: حنا نتكلم عن الورثه.. يعني الفلوس والعقار والشركه الي تركهم لنا ابوي

فيصل: فهمت

محمد: انتو على ايش اتفقتو؟

سما: اول شي انت وفيصل بتكونون تحت وصايه سامي لحد ماتوصلو للسن القانوني الي يحق لكم استلام فلوسكم والتصرف فيها.. هذي وصية ابوي

سامي: متى قال؟!!

سما: امس

محمد: ماقلتو علي ايش اتفقتو

سامي: ماراح نوزع الورثه بنتركها زي ماهي بناخد كل سنه نسبه من الارباح بنوزعها حسب الشرع ونترك راس المال زي ماهو

سالم: ها ايش قلتو

فيصل: مادري بس انا معاكم

محمد: وانا بعد

سما: هالحال مايعجبني.. لازم تعرفو .. توافقو على شي منتو عارفين ايش هو .. شوفو نبي نسوي جدول لكم انتو الاثنين .. يوم او يومين في الاسبوع بتداومو بالشركه حالكم حال أي موظف بتتعلمو الشغل من الالف الى الياء بكذا بتتعرفو على الشغل شوي شوي وبتفهمو حنا ايش نقصد
فيصل: انا موافق

محمد: والله وناسه .. موافق

سامي: بقا نوثق هالكلام عند عمي بومشعل عشان من الاسبوع الجاي نبتدي الشغل

سما: عرفتو انه في وصيه

فهد: وصيه؟؟؟؟!!!!!!!!

سالم: لا.. ليه الوصيه

سامي: بومشعل معانا اليوم بس ماقال عن الوصيه شي

سما: ابوي قالي عنها امس.. وحرص علي انو الكل يكون موجود.. ولا زم نفهم الي بينقال من عمي بومشعل

فهد: اول مره احس ان ابوي غامض

سما: جاني نفس الاحساس امس وانا قاعده معاه.. كلامه امس غير مره .. احسه الغاز وغموض.. في شي ابوي مخبيه وخايف عليه من انه ينكشف او....... والله مادري كيف اوصف شعوري
~ فجأه.. سمعنا ضرب جرس الباب وقف سالم يفتح وقف معاه فهد وراحو يفتحو الباب .... افتحو الباب ولقو سلتين كبار وصوت طفل رضيع يصيح .. وبس .. تلفتو يمين وشمال كيف وصلت هالسلال هنا؟!! احملو السلال ودخلو داخل .. لما وصلو لنا كانت وعلامات الدهشه باينه للكل الكل فاتح عيونه على الاخر ويتسائل ايش ذا..
فهد: لقيناها عند الباب وما في أي احد جنبها
سامي: كيف وصلت

سالم: علمي علمك ياخوي

~ دنت سما وفتحت سله ولقت بها طفل رضيع باين عليه ماكمل الشهر حملته وهي تسمي عليه وتحاول تهديه طبطبت عليه وسكت الطفل في لحظه.. فتش سامي السله الثانيه لقا بها طفل ثاني بس نايم .. سالم فتش داخل السلال ولقا فيها ملابس رثه جدا للعيال ورضاعه باقي بها شوية حليب.. لقا اوراق كثيره في طيه من الخرق
سامي: هذا عقد زواج

سما: افتحها وشوف من الاب والام .. الحمد لله انه في عقد زواج افتكرت هالاطفال لقطاء

سامي: ايوا الحمدلله .. الاب: جابر منصور الام: اييييييييييييييييييييييييييييييييييييييييييييييييي ييييييييش؟!!

خالد: خير مالك من هي امه؟

فهد: رعبتنا من هي امه

سامي: سما راشد الراشد

سما: سما مين؟!!!!!!!!!!!!!!!!!!!!!!!! تستهبل انت ولا هذا وقت هزار
خالد: لا صدق كلامه صحيح ..الام سما راشد الراشد شوفيه

سما: مومعقول اكيد في شي غلط

فيصل: شوفو تاريخ الميلاد حق امه

خالد: مو مكتوب شي هنا ..

سامي: انتظرو شوي.. هذي شهادة ميلاد
سما: للعيال ولا لسما

سامي: سما!!!!!!!!!!!!!

فهد: ايش مكتوب فيها تاكد من البيانات

سامي: تارخ الميلاد 04/04

سما: مومعقول

سامي: اسم الاب: راشد سالم الراشد اسم الام: مريم احمد الراشد اسمعو هذي بعد.. محل الولاده: في مستشفى الفرحه الطبي

سما:مو معقول ابد مو معقول .. هذي شهادتي

فهد: أي والله يعني ايش.. هذول عيال اختنا يعني ولا تشابه اسماء
سامي: استنو.. رساله

سما: اقراها بسرعه.. نشفت دمي

سامي: بسم الله الرحمن الرحيم , حبيبتي سما لم تعرفي يوما كم احببتك وكم كنت ضائع حتى وجدتك وكم كنت مشتتا حتى اشتريتك.
سما: مين اشترى مين؟

خالد: استنى شوي

سامي: وعدتك كثيرا اني اتغير لم يفلح معي مافعلتي.. ولم تثنيني كل توسلاتك ,كل دموعك.. لم ارحمك يوما .. ولم اشفق على حالتك يوم .. كنت اتعذب وانا اضربك وانا ركلك وانا انعتك باقذر اللفاظ.. لم ارحم جسدك النحيل من العذاب .. لم اهتم يوما لالمك.. كنت خائف ان تتركيني حاولت ان استعبدك حاولت ان اذلك حاولت ان اكسرك امام نفسك ونجحت .. لكنني فشلت ان اجعلك تحبيبني كما احببتك.. احببت عيونكي الزرقاء
سما: ايشششششششششششششششششششش؟!!
خالد: وبعدين معاكي

سما: يقولك عيوني زرقا منين يعرفني ذا

سامي: عيونك ..كلما ناظرت عيونك اذهب لمكان بعيد يذكروني بشي لكني لا اذكره .. عجزت وانا احاول ان اذكره لم استطع.. عشت معك سنين طويله والاحساس نفسه يعيش معي لم يتغير لم يتبدل.. وشعرك الناعم المتموج كان يقتلني يفتنني يجعلني اهيم في دنيا ثانيه ..و جسدك ال.............
فيصل: ها كمل

خالد: ايش يكمل انت بعد.. سامي عندنا صغار

سامي: ادري منتبه لا تخاف ... المهم.. اعرف تمام المعرفه انك لم تنسي ذلك اليوم تذكريه كما لو كان حدث ليلة البارحه حاولتي الفرار كثيرا ولكنك لم تفلحي في ذلك كنت اسبقك , امنعك, ارجعك بالقوه, خوفا مني ان اخسرك كبرتي وكبر كل شي معك جمالك وحلاوتك ونعومتك وجسدك وكبر حلمي معهم في امتلاكك حاولت بكل طرق متاحه ان انالك.. لم افلح .. على الرغم من صغر سنك الا انك كنت قوية كالذئب كنت قادره على الصد بصوره جعلت الكل يهاب الاقتراب منك الا انا لاني احببتك كنت اهيم في عشقك كنت اسهر عند باب غرفتك احرسك لنفسي لانك ملكي .. ملكي لوحدي .. لم ادع احد يفكر ان ايقترب منك سواي .. كنت اعد العدة لك كل ليله حتى انالك ولكني فشلت .. كلما اقتربت منك كلما نظرت في عينيك .. اضعف.. ارجع ذليلا .. اجر اذيال الخيبه التي قتلتني ليالي كثيره .. استطعت اخيرا ان اقنعهم بان اشتريك واواريك عن اعين الناس كلها الا عيني .. كنت سعيدا وانا ارحل معك.. وقتها كنتي لي كلك لي وحدي .. عشنا بعيدا عن الناس ولم انالك ايضا.. اتعبني ذلك كثيرا.. فكرت في حيل كثيره ولكني ايضا فشلت .. كيف افشل وقوتي تهد جبال وتاتي عندك وتتلاشى لماذا.. لم اجد حلا سوا الزواج .. عندها وافقتي .. ليتني عرفت ذلك من زمان ماكنت تأخرت كل ذلك الوقت .. اعذريني حبيبتي بيئتي تختلف عنك كثيرا .. لذلك احببتك عشقتك اموت من فكرت تركك لي .. اردت ان اكسر كل فكره تخطر ببالك تبعدك عني كنت اضربك واضربك واضربك ضنا منى اني ابعد فكرت هروبك مني ولم اعرف اني اقرب الفكره منك اكثر فاكثر .. سما كنت اقرا افكارك كنت اقرا عيونك كنت اقرا تحركاتك .. كنتي كلما حملتي اصرخ في داخلي فرحا واقول خلاص هنا ينتهي عذابك.. ابني في بطنك سيكتب لنا الارتباط ببعض مدا العمر.. اتفاجأ بك تقتليه وتقتلي معه روحي التي اريدها داخلك , كنتي تكتبي ورقت عذابك بيدك بعد قتلك كل طفل من اطفال.. كان يكفيني واحد فقط .. واحد فقط حتى اجعلك تعيشي حياه سعيده.. كنتي عنيده .. فضلت اهلك الذين رموك في احضان العذاب على العيش معي انا.. لماذا؟ .. احببتك بكل جوارحي.. بكل عقلي.. بكل قوتي.. لماذا هربتي وتركتني لماذا؟.. تركتي اولادنا وهربتي ياسما .. تركتي لي ما تمنيت .. ورجعتي لمن تمنيتي .. اين عاطفت الامومه ياسما نسيتيها؟ .. الامومه قتلت داخلك؟ .. لم استطع ان ارى اولادي بلا ام.. جلبتهم لك.. مستحيل ان اقتنع انك لا تريديهم .. اعرف كم انتي ناعمه وعطوفه وتحبي الاطفال هؤلاء اطفالك .. حبيبتي اذا كان هذا يرضيك فانا مستسلم لما اردتي ساكون بعيدا عندكم كمان طلبتي .. اتركيني فقط اراكم من بعيد اتطمن عليكم من بعيد.. اعدك اني لن اتدخل في حياتك من جديد .. اسعدي ياحياتي .. كما اسعدتي لي حياتي.. ملحوظه سميت الاطفال كما تمنيتي " راشد و مريم" اتمنى لك الخير "جابر"
خالد: راشد ومريم .. العيال عيالنا

فهد: كل شي يقول انهم عيالنا

سما: بس انا مو امهم .. هذا قاعد يوصفني بدقه

سامي: مستحيل تكوني انتي .. ومستحيل يكونو عيالنا .. ومستحيل نعرف جابر هذا .. يعني ايش؟

سما: يمكن سماح عايشه وحنا مانعرف

خالد: عايشه؟!!!

فهد: ليه لا.. يمكن

سامي: مستحيل حنا دفناها وسوينا عزا بعد

خالد: انا ما اذكرها تمام .. بس اذكر الحادث

فهد: انا بعد كنت صغير بس اذكر ايش صار

سالم: بس انا اذكر اشياء كثيره .. صح سامي

سما: ايش تذكر.. قول ليه تناظر سامي

سامي: كان فيه اتصالات غريبه تجي لابوي اخر الليل .. مره سمعناها انا وسالم

سالم: امي كانت تبكي بجنون, وابوي كان يترجى المتصل

سما: يترجى ايش يقول

سالم: ما اتذكر بالضبط بس كان يردد انه ماراح يتكلم لاحد وانه هالسر بيظل بينه وبينهم

سامي: بس المهم سلامة البنت

سما: سلامة البنت؟!! أي بنت

سامي: أي بنت .. هذا هو السؤال .. أي بنت كان يقصد

سما: سماح عايشه هذا اكيد .. انا كنت دايم اقول اني حاسه بها عايشه صدقوني.. احس بها مثل ما احس بالشمس تلامس جلدي.. هذي تؤمي .. انا عارفه

سامي: انتي عارفه؟ منين انتي عارفه .. ابوي قال انها ماتت ليه بيكذب يعني .. لازم نتاكد الاول

سما: تبي تتأكد من ايش

سامي: سما حبيبتي لا تستعجلين الامور.. وجود سماح معناته فيه سر كبير لازم ندور عليه ونعرفه.. ونعرف ابونا خبا هاسر طول هالسنين هذي ليه.. في شي اكبر من الاحساس .. في واقع لازم ندور عليه

خالد: لاتنسون الوصيه

سالم: صح لا تستعجلون .. خلونا نشوف الوصيه .. اكيد بنلاقي فيها اجوبه لاسالتنا

فهد: تعرفو ليه في وصيه؟؟؟

خالد: ليه

سما: لانو سماح عايشه.. صح.. ملاحظه حلوه يافهد

فهد: لو سماح ماهي عايشه ماكان له داعي للوصيه

سامي: دامها عايشه ليه مانعرف عنها شي

فيصل: كل مره اسال ابوي عنها مايجاوبني .. تدمع عينه ويناظرني .. وما يتكلم

محمد: هي كيف ماتت

فهد: بالضبط .. اجابة السوال هذا هي تحدد اذا كانت عايشه ولا ميته

فيصل: سامي.. سما.. خالد انتو الكبار ايش تذكرو عنها

سما: كنا نلعب حنا الاربعه في الحديقه.. في هالوقت .. امي كانت تنادينا ندخل.. لانو فهد وهو يلعب طاح على الارض وجلس يبكي من الالم .. وامي تنادي علينا .. يمكن لاشافنا جنبه يهدى .. دخل خالد وسالم وانا كنت رافضه ندخل كانت كلما تنادي كنت اقول ماما كمان شويه وضلينا انا وسامي وسماح مع بعض

سامي: كنا نلعب مع بعض كوره.. وهي مبسوطه مره. ما اعرف كيف طارت الكوره برا السور وراحت سماح واراها تجيبها.. بس.. سمعت صوت سياره توقف بقوه بالشارع رحت اركض عليها شفت واحد قلي "سلامات سلامات البنت بخير بناخذها المستشفى روح قول لاهلك .. قلت له لا انا بروح معاكم.. ابي اشوف ايش صار عليها.. مسكني بقوه من ياقتي ودفني على الارض كسر معاها يدي من قوة الضربه .. صرخ علي روح قول لاهلك الي قتلك" رجعت البيت وامي من خوفها علينا ماعرفت تتكلم.. رحت مسكت التلفون واتصلت علي ابوي وانا اقوله ايش صار.. وصل ابوي بعدها بربع ساعه كان مثل المجنون.. وانا اتلوى من الوجع بيدي.. امي كانت تصرخ علي كيف مالحقت اختك كيف مارحت معاها

فيصل: ليه ماقتلها بالي صار

سامي: ماعطتني فرصه.. كان تفكيرها بسماح وبس .. معاها حق .. ما كنا عارفين البنت وين.. المهم مسكها ابوي حاول يهديها وهو يتكلم معاها جا تلفون ركض عليه وتكلم وبسرعه طلع.. ماعرفنا هو فين.. ليلتها نامو اخواني وانا ظليت صاحي احس انو الذنب ذنبي انا .. امي سمعتني كلام قاسي مره وفي كل مره تشوفني فيها تصرخ بوجهي " انت السبب" ما انساها .. انا بحياتي مانسيت سماح وبحياتي مانسيت اني السبب

فيصل :ويعدين

سما: رجع ابوي البيت متأخر قعدت على صوت صراخ .. لما نزلت شفت امي منهاره على الارض وسامي جالس على عتبت السلم وابوي واقف ضايع .. جلست جنب سامي وسألته ايش صار.. قالي سماح توفت.. حادث السياره اثر فيها وتوفت
اخذت وقت طويل حتى استوعبت انها ماتت .. لما قامت امي من الارض وانتبهت علينا انا وسامي .. احلى كف وصلنا منها .. انتو السبب .. بنتي راحت ..راحت

فهد: سمعتو امي قالت البنت راحت وماقالت ماتت.. صح

سامي: صح

فهد: انت ماشفت سماح وهي بالسياره اساسا الرجال ماسمح لك تشوفها او تروح معاها .. صح

سامي: صح

فهد: عطوني الرساله..الرساله تقول.. "اعرف تمام المعرفه انك لم تنسي ذالك اليوم تذكريه كمان لو كان حدث ليلة البارحه" اكيد هنا يقصد ليلة الحادث.. وهذا مقطع يقول "استطعت اخيرا ان اقنعم بان اشتريك واواريك عن اعين الناس كلها الا عيني" وهذا مقطع يقول " فضلت اهلك الذين رموك في احضان العذاب على العيش معي انا" واخر جزء يقول "ملحوظه سميت الاطفال كما تمنيتي " راشد و مريم" اختنا مختطفه ماهي ميته

سما: يعني سماح عايشه؟!!! ادري كنت حاسه

خالد: كيف بنلاقيها.. وين بنلاقيها ليه ابونا خبا علينا.. ليه الان ندري عنها .. واليوم بالذات
؟
سالم: الاسئله كثيره .. ومحتاجه اجوبه اكثر .. عامل الوقت مهم .. اذا البنت عايشه صحيح هي وين.. اذا عيالها وصلو لنا .. هي ليه ماوصلت ..
سما: شوفو تواريخ الميلاد للعيال كم؟

فهد: 14/05/ 0000 ليه تسالي

سما: قبل وفاة امي باسبوع

خالد: هذا معناته انها درت عنهم

سامي: هذا اكيد.. وقت ماطاحت علينا ونقلناها للمستشفى كانت منهاره .. وماعرفنا سبب انهيارها ايش

فهد: ابوي حاول يغطي على كل ذا

سامي: ليه بس .. كان المفروض نعرف ليه كتمو على هالشي .. لو كانت عايشه فعلا

سما: انت شاك لحد الان

سامي: شاك لحد ما اشوفها بعيني

محمد: خلونا نعجل ونشوف الوصيه ايش فيها
..
سالم: جبتها ياخوي

محمد: خلونا نروح الان

فهد: الان!! .. طبعا لا.. الساعه 3:30 الصباح .. انتظرو للصباح يصير خير

محمد: واحنا ايش ينطرنا للصباح .. بيجيك نوم يعني واختك محنا عارفينها حيه ولا ميته

سما: معاك حق .. انا ماراح انتظر.. بتصل بنفسي على عمي بومشعل وبشوف

سامي: انتظري شوي .. الرجال اكيد نايم .. عيب علينا

سما: بيعذرنا اكيد

خالد: انتظرو شوي.. حركاتنا لازم تكون مدروسه

فهد: معاك حق.. لازم تكون مدروسه.. نسيتو انو جابر اكيد حولنا .. بيتابع عياله وسما معاهم .. أي حركه غلط بتثيره.. وبنجيب لنفسنا ولسماح مشاكل الله اعلم بنتايجها

سما: والان ايش بنسوي

خالد: مالنا غير التفكير بالحركه الاولى ايش بتكون

فيصل: قبل لا نتحرك لازم نشوف الوصيه .. فيها الاشيا الكثير اكيد

فهد: هذي الحركه الاولي .. وعليها بنتحدد الحركه الثانيه

سما: انا ابي اطلع الان

سامي: وين انشا الله .. ماتسمعين نقول جابر

سما: اسمع .. العيال محتاجين ثياب وحليب ومراضع وغيارات واشيا كثره

فهد: لازم نتحرك

خالد: انا بروح .. وانتي هنا بتجلسي مع العيال ..سامي ومحمد وفيصل بتكونو هنا مع سما .. انا وسالم بنتحرك ونطلع.. فهد بتابع أي حركه جنب البيت من فوق شوف الي بيمشي ورانا وكلمنا على التلفون

فهد: حلو

خالد: اكتبي الي تبيه ومحتاجه له .. الضروري بس ياسما.. بكره الصبح بنكمل الباقي

سما: ياربي تعالو شوفو

سالم: خير

سما: هذا راشد الي عندي .. شوفو عيونه .. زرق مثلي

سامي: اخذ عيون امه

سالم: البنت نايمه ولا تدري بالي حولها

فيصل: خلها تدري انها بين خوالها .. عارفه انها بأمان

خالد: والنعم بك خال ياخوي .. يلا احنا ماشين

سما: انتظرو .. ايش راح نعمل بكره

خالد: خلينا نشوف الوصيه وبعدين نحدد

سما: ماهو ذا قصدي .. اقصد اهلنا اذا شافو العيال ايش نقول

سالم: هذي مصيبه

فهد: ضروري نكتم عليهم .. اكيد ابونا ماكتم موضوع سماح الا عشان شي كبير.. لا نخرب الي سواه بغفله

سامي: صح

محمد: اقول نتركهم فوق بالطابق الثالث فيه غرفه معزوله محد يدخلها نخليهم هناك ونترك معاهم وحده من الشغالات

فهد: جبتها.. خلونا نوديهم هناك الان..أأمن لهم ولسما معاهم والمكان مناسب جدا للمراقبه

سما: تحتاج لتنظيف قبل.. اصبر شوي .. ماريا .. يا ماريا

ماريا: يس ماما

سما: روحي لفوق بالطابق الثالث .. شوفي الغرفه الكبيره افتحيها نظفيها الان

ماريا: الغرفه الكبيره ماما انا مافي مفتاح

فهد: ايش هالورطه .. طيب فين ابوي يشيل المفاتيح الخاصه فيه
سما: بدرج مكتبه المقفول .. والمفتاح معاه على طول.. الا هي وينها اغراضه

خالد: معاي حطيتها بسيارتي

فهد: قوم جيبها

سامي: ايش الي قفلها كانت مفتوحه على طول.. كانت مخزن فيها اوراق وكتب .. واغراض محد يستخدمها

سما: صحيح ليه ابوي قفلها الان .. محمد روحي انت.. قوم شوفها مقفوله من جد

فهد: لا تفتح الانوار يامحمد

محمد: اركب بظلام يعني؟!! اخاف

فيصل: انا بجي معاك

سما: ياربي شوفوه نام .. مع اني متاكده انه جوعان كثير.. بس غريبه انه نام

سالم: قالك فيصل من شوي .. حاسين بالامان

سما: ياجبيبتي يا سماح سمتهم مريم وراشد مانستنا

سامي: كيف عاشت طول هالسنين كيف .. ايش الي صار لها

سالم: الله يكتب الخير ونلقاها والي ابوي ماقدر عليه لحاله نقدر عليه احنا انشاء الله

محمد: مقفوله ياسما

سما: شوفو خالد ليه تأخر .. واحد بس يوقف عند الباب لا تظهرو برا

فيصل: هذا هو جا

سما: ايش اخرك

خالد: حسيت بحركه برا.. قلت اقف ادخن .. واسوي نفسي متأثر بموت ابوي

سما: يعني ماشفت شي

خالد: الا شفت واذا ماخاب ضني الي شفته هو حابر.. هاكم هذي المفاتيح

سما:هذي المفاتيح أي هو مفتاح المكتب

سامي: هذا الصغير

سما: خالد روح افتح درج المكتب وجيب مفاتيح البيت

خالد: استنو هذا مفتاح المخزن

سما: ابوي شايله معاه؟

فهد: عطوني المفاتيح خلوني اجرب

سما: ماريا تعالي .. روحي مع بابا فهد فوق وخذي اغراضك عشان تنظفي الغرفه وخذي معاك صوفيا وجايا حتى تخلصو بسرعه

ماريا: اوكي ماما

خالد: كتبتي ايش محتاجه

سما: شوف اهم شي الرضاعات جيب من مختلف الاحجام ، والغيارات جيب صغار.. العيال ماكلملو ست شهور , الحليب والاكل الخاص بالرضع, ومحتاجه بطانيات لهم ياخالد تصرف.. وهدوم وسراير ولا بنتركهم في السلال هذي

خالد: سما تراني بروح ماركت فين الاقي هدوم وبطانيات وسراير

سما: يعني شنو ينامو كيف؟!! اخاف يبردو

سامي: لا تعقديها ياسما.. خلينا نقضي اليله على خير .. وبكره نتصرف ونشتري الي تبغيه

فهد: الحقو
سامي: خير

فهد: كلكم تعالو شوفو المخزن



*****************************


في المخزن بالطابق الثالث
سامي: خل الانوار مقفله يا محمد لا تلمسهم
محمد: ودي اشوف .. ماني مصدق
سما: مو معقول ابد
سالم: نفسي افهم كيف وليه
فيصل: متى صار ذا كله.. وين كنا
خالد: الغرفه مجهزه للعيال بالكامل.. بالكامل شوفو هذا دولاب فيه كل شي ملابس وغيارت .. وهنا اكل بعد.. والسراير جديده بعد الغرفه جديده مره متى صار ذا كله.. صحيح وين كنا
فهد: مابقا شي على صلاة الصبح.. نصلي الصبح ونتصل على عمي بو مشعل ونقوله يجي
خالد: بنسوي حركه بالبيت يافهد
فهد: لا بعد الصلاة من الطبيعي اننا بنتجمع في المجلس ونستعد اننا نفتحه حتى نستقبل المعزين.. بنجهز كل شي ونخلي الشغالات يعملو حركة تنظيف
سالم: كلام مضبوط خلونا ننيم العيال ونتركهم بسرايرهم ونريح هالدقايق.. ونتوكل على الله بعدين
سامي: نغطي النوافذ بالاول.. نبي نفتح النور .. مايصير نعيش العيال بظلام
فهد: اتركها علي انا بتصرف لا تقلق.. محمد فيصل تعالو ساعدوني
سامي: لا تنسى انو لازم يكون مجال للمراقبه يا خوي
فهد: لا توصي حريص .. قلت لك بتصرف
سما: قعدو العيال.. ياربي ساعدوني بسرعه .. احملوهم حاولو تسكتوهم بنزل اعمل الرضعات وانا جايه
سامي: خلينا نحممهم بيهدو
سما: صح بنده لك الشغالات تساعدكم بس عينكم عليهم
سامي: خلك معاها ياخالد
سما: بالبيت بعد
سامي: بالبيت وبغرفتك بعد .. لين نعرف اختنا وين وايش السر ورا اختفائها




*****************************


في الصالة
خالد: مايرد اكيد نايم
سامي: مو نايم اكيد يصلي
خالد: انتهينا من زمان من الصلاة
فيصل: يمكن قام متأخر
خالد: هههههههه يمكن
محمد: دق عليه مره ثانيه
فيصل: انتظر شوي يمكن صدق يصلي
محمد: وانا ايش ينطرني .. ماني قادر
خالد: استنو شوي خمس دقايق بس
سما: اسمع صوت جوال.. جوال مين الي يرن
سامي: انا .. السلام عليكم
...: ............
سامي: هلا عمي بومشعل .. لا ماشر سلامتك ..والله ابي تعذرني ياعمي متصلين بهالوقت وزاعجينك
...: ............
سامي: الله يسلمك لي ولخواني ياعمي مامنك قصور والله
...: ............
سامي: انا افضل يكون هنا بالبيت عمي.. سامحني بالشي هذا
...: ............
سامي: ماشر عمي .. بس سما البارح داخت علينا وخفت انها تطلع اليوم فقلت..........
...: ............
سامي: الله يسلمك .. ويخليك.. والنعم فيك والله
...: ............
سامي: حياك الله .. انا واخواني ننتظرك.. وسما اولنا.. مع السلامه
خالد: ها ايش قال
سامي: عارف من البدايه اننا بنتصل نسأل عن الوصيه
فهد: معناته عارف عن ابوي كل شي
سما: واكيد عن سماح بعد
سامي: ابوي وثق في صاحبه وماوثق فينا ولا في اخوه؟!!!!
فيصل: امحق اخو .. صلي على النبي بس
خالد: هههههههههههههههههه فيصل عيب الكلام ذا
سما: تقوله عيب وانت تضحك .. ياعمري عليك
فهد: ماريا
ماريا: يس بابا
فهد: خذي الشغالات .. ونظفو المجلس
ماريا: بابا امس احنا سوينا المجلس واجد نظيف
فهد: ادري ابي الان بعد
ماريا: اوكي بابا
سما: ماريا
ماريا: يس ماما
سما: جهزو فطور
ماريا: اوكي ماما
خالد: ومن له نفس ياكل بس
سما: الرجال الي مطلعينه من بيته بهالوقت
سالم: العيال نامو؟
سما: بعد عمري.. بعد ماتحممو ورضعو نامو
سالم: سبحان الله وقت ماكان فيه اكل لهم كانو نايمين ولما درينا انه فيه صحو جياع
محمد: الا مانتبهتو انه راح راشد وجا بداله راشد في اقل من يوم
سما: ماقلت لكم ابونا مصر يكون معانا .. سامي
سامي: عيونه
سما: ابي نكشف على العيال.. ماندري كيف عاشو بهالايام الي راحت.. اذا امهم ماهي معاهم كيف عاشو
سامي: انشا الله ماعليهم شر.. بتصل لواحد من اصدقاي زوجته دكتورة اطفال بخليها تجي تكشف عليهم
سما: كذا كويس
سامي: سالم و فهد وين ماني شايفهم
سما: طلعو فوق يراقبوا المكان
سامي: وفيصل
سما: طلع يشوف الشغالات .. يبين انه يجهز المكان للمغزين
سامي: كل شي جاهز للمعزين صدق
سما: جاهز انشا الله لا تقلق
سامي: انا خايف على اخوانك
سما: من ايش بعيد الشر
سامي: مانامو من امس
سما: مين يقدر ينام بس
فهد: سامي.. عمي بومشعل وصل
سامي: بهالسرعه؟!!.. فهد استقبله وخذه من باب المجلس على غرفة المكتب على طول وخله يوقف السياره بالحديقه الداخليه
فهد: انشاء الله
خالد: كلنا هنا؟
سما: ايوا كلنا.. مين مع العيال ؟!!
خالد: خليت مارتا قلت عندها عيال وبتعرف تتصرف معاهم
سما: زين سويت .. يلا توكلنا على الله



*****************************


تابعو في الجزء الثاني
سر سماح
واحداث جديده ومثيره
__________________
خذني فاني احب الحياة.......واعشق في الليل ضوء القمر

السلام عليكم ورحمة الله وبركاتة
رواية رائعة جداااااااااااااااا عايشتها بجد كأني احد شخصيتها كم أعجبني جو الاسرة لكن حاسس ان في تباعد بينهم للأسف لماذا اجد هذا الشعور وانا بقرأ الرواية
وأنا بقرأ الرواية الرائعة دي كأني شايف الشخصيات قدامي تماما اكتر شخصية عجبتني وحبيتها معرفش ليه هو خالد يمكن لأنه بارع في التجارة معرفش ليه
وكمان معجب جدا بسامي وشخصيتة يمكن علشان هو الكبير والمسؤل عنهم
الشخصية الي بجد حبتها اوي سما قلقها علي اخوتها وحبها لهم
أنا قرأت الجزء ده ومستني الجزء التاني علشان اعلق وأقدر استنتج الاحداث
منتظر الجزء الجديد لأعرف سر سماح
اتمني ان تتقبلي تحياتي emomsa

و


و عليكم السلام والرحمة

شكرا جزيلا على تلبية الدعوة ..... لقد اسعدني ردك ...... وقد غبت عن الرواية يومين ولم اجد قراء لها مع الرواية رائعة وفيها جانب مغامرات وغموض ومطاردات بوليسية ايضا مع كل بارت يزداد التشويق ولكن لم اجد قراء لا اعلم لماذا؟

بالنسبة لاعجابك بسما فهي فعلا مع الاحداث تستحق الاعجاب لانها الاخت والصديقة والام والحبيبة والزوجة ايضا لشخصية ستظهر مع الاحداث ......

اما بالنسبة لاحساسك بانهم اسرة متباعدة هو احساس سيتغير مع الاحداث .......



شكرا جدا والجزء الثاني بعد قليل .............

نبض قلبي

الجزء الثاني

في غرفة مكتب راشد
بومشعل: ياعيال انا معتبركم مثل عيالي .. انا عمكم قبل لاكون صاحب للوالد الله يرحمه ..عشت معاه سنين عمري من ايام الدراسه لحد الان مافرقنا غير الموت معزته وغلاته عندي خلتني اشيل كل اسراره ماهو بس عشان انا المحامي الخاص له .. عشان انا صاحب عمره واخوه .. هو كان سندي بهالدنيا من بعد مافقدت مشعل.. عوضت فيكم ياعيال حبيتكم كلكم مافرقت بين احد فيكم خليتكم في معزت بناتي.. وانتو بعد عوضتوني عن غياب مشعل كثير.. لما صار الي صار مع سماح حسيت ان بنتي راحت مني بكيت عليها وعلى حالها كثير بس ماكان في يدنا شي نقدر نسويه اكثر من الي سويناه انا وابوكم.. ياعيال اختكم عايشه ما ماتت
سامي: كمل ياعمي
بومشعل: ايش اكمل .. شكلكم ماتأثرتو .. انتو عارفين شي؟!!
سامي: محنا عارفين شي .. نبيك تكمل بس
بو مشعل: ماراح اكمل حتى تقولون لي ايش الي تعرفوه عن اختكم
سما: مانعرف شي غير انها عايشه وبس
بو مشعل: كيف عرفتو
سما: ابوي قبل لا يموت بليله قالي انه في وصيه .. تاكدت انه سماح عايشه ولا ماكان له داعي للوصيه لوكانت ميته
بومشعل: انتي ذكيه يابنتي.. فعلا اختك عايشه, امك طول هالسنين وهي تشكل مصدر خوف لنا انا وابوك .. كانت كل مره تنهار وتقول بتبلغ الشرطه وحنا ماكان في يدنا شي غير انا ننفذ الي يبيه الي اختطفوها حتى نظمن حياتها
سامي: 18 سنه ياعمي؟!! ساكتين 18 سنه؟!! البنت معاها الان 28 سنه ..البنت انخطفت من عمرها 9 سنين!!
خالد: نبي نعرف كل شي بالتفصيل من حقنا هالشي
فهد: نعرف الوصيه بالاول
بومشعل: بقول لكم الوصيه ايش فيها وبعدين اقروها براحتكم
سامي: تفضل عمي نسمعك
بومشعل: باختصار الوالد وصى بربع الورثه لسماح تعويض لها عن حياتها
سامي: تستاهل سماح.. وحتى لو ماوصى بكذا حنا من نفسنا بنعوضها بس هي وين
بومشعل: رجال ياولدي.. كلكم قدها وانا عمكم .. بس هي وين هذا الي ما عندي اجابه عليه
فهد: طيب قول لنا ياعمي ايش صار
بومشعل: القصه تبتدي من حادث ولدي مشعل .. اتصلو علي وقالو لي من المستشفى ولدي مشعل متعرض لحادث وضروري احضر المستشفى .. رحت ادور عليه وما لقيته رحت اسأل الموظفين الي لقيتهم عنه.. ماحد درا عنه أي شي .. قلت لهم انو في اتصال جاني من المستشفى يقول ان ابني متعرض لحادث.. دورو في سجلاتهم ومالقو شي.. طلعت وانا مو وصدق وين الولد وين راح ما ادري.. اتصلت على امه وانا اصرخ الولد فين .. قالت ما ادري .. جاها نفس الاتصال يقول لها نفس الكلام .. رجعت البيت وقعدت مع ام مشعل شوي وبعدها عزمت اروح ابلغ الشرطه.. وقفت طالع .. حينها جاني اتصال يقول اني لازم اسلم الامانه الي عندي ولا الولد ماراح اشوفه طول عمري .. حاولت اعرف ايش الامانه الي يقصدونها ماعرفت.. حذروني اني اتصل للشرطه او اني ادخلهم بالموضوع .. وطبعا النتيجه راح تكون اني بخسر مشعل .. اتصلت على ابوكم استنجد به جاني ملهوف وجلسنا نفكر ايش نسوي بس مالقينا حل ماعرفنا ايش هي الامانه الي يقصدونها.. جلست انتظر اتصالهم الثاني بقلة صبر لحد ماجاني الاتصال وكلمني شخص حاولت اعرف ايش يقصد وهم ايش يبون . عرضت عليهم ثروتي كلها مقابل اني ارد مشعل لحضني لكن جوابهم كان الرفض .. عجزت وانا اتوسل لهم حتى يقولون لي ايش هي الامانه الي يقصدونها قالو اذا انت ناسيها اسال صاحبك بو سامي يذكرك بيها.. دقيت على ابوكم .. وجاني وقلت له ايش قالو كنا في حيره حنا الاثنين.. ايش يقصدو ايش الامانه ذي الي عندي وابوكم يعرف عنها .. ما اذكر اني اخذت شي من احد ولا سرقت شي من احد ولا ملكت شي غصب عن راعيه ما اذكر بحياتي اني جنيت او تعديت او ظلمت احد بحياتي ابد ابد.. وبعدين ايش الشي الي انا سويته وابوكم يعرفه .. حنا صحاب من وحنا صغار واسرارنا مع بعض.. حتى لو نسيت اكيد ابوكم بيذكرني .. بس ماني ذاكر شي ولا الامانه الي هم يتكلمو عنها .. جلسنا ايام وحنا على ذي الحاله وكل اتصال يجي احس انه بتطلع روحي معاه لاني عاجز عن اني انقذ ولدي وانفذ الي هم يبونه مني واخلصه من ايدينهم .. طالت الايام وطال معاه انتظاري وخلص صبر الجماعه الي خذت مشعل مني وانا محتار وابوكم معاي ماتركني لحظه.. نار تحرقني جفاني النوم والتهديدات كل يوم تزيد والولد ماني عارف عن حاله شي كنت املك من المال مايسد عين الشمس لكن كل المال الي عندي مانقذ ولدي صحيت الصبح وانا معزم اني اروح ابلغ بس ابوكم كان له راي ثاني قال نتصل في واحد من معارفنا نثق فيه من رجال الشرطه ونكلمه بصوره شخصيه يمكن يساعدنا بشي وافقت على رايه .. وتكلم ابوكم معاه واتفقنا على انو نتقابل هنا ببتكم بعيد عن عيونهم لوهم يراقبوني.. جلسنا مع بعض وتكلمنا مع سلطان مده طويله اخذ مني كل المعلومات الي يحتاجها ووعدني خير.. اتفقنا انه تكون تحركاتي مدروسه حتى مانثير شك المختطفين واتفقنا انه تكون في بيتي اجهزة مراقبه تسهل عملية كشفهم.. وافقت على كل الي قاله سلطان بشرط انه يرجع مشعل.. طلع سلطان يباشر في الاجراءات.. ظليت مع ابوكم شوي هنا ووقفت برجع البيت وقف معاي ابوكم قال بيجي معاك ماكان وده يتركني وانا بحالتي ذيك.. رجعت البيت وياليتني ما رجعت .. كان مشعل عند الباب .. طايح .. ركضت عليه حملته بين يدي اهزه ماجاوبني الدم مغطيه وجسمه بارد ثلج حركته كثير ومارد علي .. و قتها اتصل ابوكم للشرطه والاسعاف واولهم سلطان .. اذكر انهم كلهم وصلو بس بعد ايش .. مات مشعل .. خلاص .. على صراخي وهو بين يديني طلعت ام مشعل وهي تشوفه بين يدي جثه هامده كانت واقفه تراقب وانا اهز الولد وهو مايتحرك كانت وافقه وساكته والبنات حولها مرعوبين.. وعقبها ام مشعل مانطقت الصدمه اثرت عليها وخلتها فاقده النطق لمت نفسي كثير حسيت اني استعجلت وقت ماقررت اتكلم مع سلطان ياليتني ما سويتها وظل ولدي عايش انا الي ذبحته.. مشعل وقتها كان عنده 6سنوات
بعد وفاة مشعل ما جاني اتصال من الي اختطفوه ابد ابد .. سلطان وقتها صار اخو ثالث لنا .. والشهاده لله ماتركني من وفاة مشعل لحد اليوم وهو جنبي وكأنه ولده الي مات ماهو ولدي.. عقب هالحادث ب7 سنين ارجعو واختطفو سماح وقتها سماح كان عندها 9 سنين .. ورجع الموضوع الاولي ينفتح بس مع ابوكم وانا كنت في دوامه كبيره صعب اني اعيش الاحساس مرتين مثل ما مشعل ولدي سماح بعد بنتي وقطعه مني .. رجع الكلام يتوجه لابوكم عن الامانه والمره هذي يتهمونه انها معاه واذا هو ناسي قالوله خل بومشعل يذكرك.. حاولنا نبعد سلطان عن الموضوع حتى مانثير شكهم ونخسر سماح بعد.. تصرفنا معاهم لحالنا منغير تدخل سلطان لما ابوكم قرر نسوي عزا لسماح سلطان شك بالموضوع كيف ماتت ومتى .. سلطان بحسه الامني عرف وأمن البيت بطريقه لا انا ولا ابوكم حسينا فيها انتو وبناتي كنتو تحت رقابه مشدده من قبل سطان والي معاه بس من غير مايثير الشكوك حوله .. حتى هو سحب نفسه شوي شوي منا وظل يسال عنا وعن اخبارنا من بعيد لبعيد .. قدرنا نأمن حياة البنت على الاقل نعرف انها عايشه طول السنين هذي.. وكل اتصال يجي نسمع فيه صوتها نتطمن انها بخير وانها عايشه بس من فتره لفتره .. امكم ياعيال كانت تموت كل يوم الف مره وبنتها بعيد عنها .. ماتنلام ياعيال ادري انها اهملتكم واهملت محمد وفيصل بعد بس لاتلومونها البنت عايشه وبعيده عن اهلها وما نعرف ايش يصير عليها متبهدله ولا بخير .. ولا حتى نقدر نشوفها .. طول هالسنين ماشفنها ولو من بعيد حتى.
سما: ياحبيبتي ياماما كل ذا داخلك
فهد: والامانه ياعمي ايش صار عليها طول هالسنين
بومشعل: الامانه ياولدي موضوعها مانتهى كانو يذكرونه من فتره للثانيه .. بس
سامي: بس ايش .. قول ياعمي لا تخبي شي
بو مشعل: ياعيال الي ابي اقوله يمكن يغير نظرتكم لبوكم ولي بس ماكان بيدنا شي ثاني نقدر نسويه غير اننا ننفذ الي يبونه
سما: قول ياعمي حنا عيال راشد نظرتنا عمرها ماتتغير في ابونا.. لا تخبي شي قول
بومشعل: كان لهم طلبات كثيره طلبو تنفيذها .. مثل
سامي: مثل ايش ياعمي .. الله يخليك محنا ناقصين
خالد: مثل ايش ياعمي .. لا تخاف الي مات اخونا بعد .. والي مخطوفه هم اختنا.. اذا ماقلت لنا لمين بتقول
بو مشعل: تهريب مخدرات واشيا كثيره من هالقبيل
سما: ياساتر
بومشعل: اول الايام كان التركيز على الامانه الي عندنا انا وابوكم بعدين صارت الطلبات تتعدى هالشي وابوكم وانا بحكم اتصالاتنا صرنا نقدر نمرر المخدرات لداخل البلد بسهوله .. صار الموضوع يقلقنا كثير .. اتفقنا انه سلطان لازم يعرف بالموضوع على الاقل لو صار وانكشفنا نكون محمين .. سلطان وصله هالشي وتأكد بانو سماح عايشه .. صارت اغلب التهريبات تدخل بأمر من سلطان والمسؤولين حوله.. كانت كل عمليه تصير نكون مقتنعين انه جثة سماح راح توصلنا مثل ماوصلت جثة مشعل.. تمرعلينا ايام وايام وحنا على اعصابنا.. وكل ماطالت الايام نقتنع انه البنت عايشه وانه سلطان وربعه ماوصلو للمختطفين.. كانو اذكيه بدرجه عجيبه تكون المخدرات تحت عين الشرطه فجأه تختفي ويختفي معاها كل خيط يوصل لسماح وعشنا سنين على هالشي.. بعدها جات عمليه كبيره مره .. وصارت لها الاستعدادت وبصوره مكثفه .. ليلتها ابوكم من خوفه على بنته صار يبكي وهو واتق انه البنت خلاص بتروح مننا بنفقدها نهائي.. صرت ابكي معاه ابد ماكنت اتمنى هالشي يصير هذي بنتي بعد.. التفكير خلاص انشل والحركه معاه انشلت صرنا مثل الاصنام كل شي فينا جامد خايف مرعوب الانتظار ممل وصعب والقلب دقاته صارت تتسارع اكثر واكثر.. رن التلفون وصرخ ابوكم بنتي راحت خلاص رفعت السماعه وتكلمت كان سلطان قال افرحو ياخواني قبضنا على العصابه عرفنا مكانهم وين.. خلكم مكانكم واخبركم بالجديد.. ابوكم اول ماسمع بهالشي ركض على امكم يبشرها سماح خلاص بتبات الليله في حضنها.. وانتظرنا وانتظرنا ولا جواب ولا تلفون يطمنا وسلطان ماهو موجود دقيت عليه كثير ومايرد .. رجع القلق لقلوبنا بعد الفرح الي كنا فيه اشرقت الشمس وحنا على حالنا ماتغير شي قاعدين ننتظر.. لحد مادقت الساعه 8 الصباح جا سلطان بنفسه للبيت وقف عند الباب وخذ ابوكم قاله ها يا خوي اذبحوها؟ بنتي ماتت خلاص راحت؟ .. سلطان قاله المجرمين اعترفو بالتهريب بس ماعترفو بالاختطاف .. لما حاولنا مع واحد منهم كان صغير بالسن قال انه عندهم بنت صغيره عايشه معاهم .. رحنا على المكان الي وصفه لنا بس مالقينا احد فيه .. المكان خالي تماما.. طاحت امكم منهاره .. وابوكم انهار معاها.. فقدنا أي خيط يوصلنا للبنت.. اساسا محنا عارفين اذا هي حيه او ميته عشنا سنين لا حس ولا خبر .. ذابت فيها قلوبنا على البنت كيف هي عايشها وين هي في مع مين عايشه كيف تاكل كيف تشرب.. امكم فجأة راح شبابها حزن على بنتها وابوكم عجل الحزن بموته .. وانا جالس اتفرج على اخوي وهو يضيع مني وما بيدي شي .. شربت من نفس كاس المر الي هو يضوقه .. الله العالم لو كان بيدي شي كنت سويته والله ماتأخرت بس ماعرفت ايش هي الامانه الي يبونها ايش يقصدو .. مادري
من ثلاث سنين بس جا اتصال لابوكم يقول له انه بنته عايشه وهي بخير طار ابوكم بهالاتصال وخصوصا انه سمع صوتها طلبو منه مبلغ 3 ملايين.. وافق على طول.. لما قالي .. مارضيت .. كيف يدفع فلوس وهو حتى مايدري اذا الي تكلمت بنته او لا .. يمكن يلعبو عليه .. ما اهتم لكلامي .. قلت له طيب اطلب منهم انك تشوفها على الاقل.. رفض قالي ابي اكسب ثقتهم عشان المره الثانيه يوروني اياها.. قلت له يا راشد هذي ثلاث ملايين تتوقع بيكون فيها مره ثانيه .. قالي هذول تجار مخدرات والفلوس معاهم تخلص بسرعه اكيد بيرجعون وبيطلبو فلوس ثانيه.. قلت له اصبر اكلم سلطان يمكن يكتشف مين هم ويراقبهم ونعرف مكان البنت..قالي مافي وقت انا اتفقت معاهم الان اسلمهم الفلوس .. ورفض حتى ياخذني معاه او يقولي مكان التسليم وين.. دقيت على سلطان وقلت له والمسكين طار وراه بس وين أبوكم ماعطى أي معلومه تفيدنا .. عقبها جلسنا ننتظر 9شهور واحنا على اعصابنا
وسلطان ماقصر علم ابوكم كيف يتعامل معاهم اذا هم اتصلو مره ثانيه يطلبو فلوس.. وجا اتصالهم وفعلا طلبو هالمره 5ملايين وكان ابوكم هادي معاهم مره وعرف كيف يطول معاهم بالاتصال وطلب يسمع صوتها لما جاه الرد بالرفض قالهم انا ادري انه بنتي ماتت من زمان وانتو تلعبو علي وقفل السماعه في وجههم .. وبعدها انتظرنا يومين وجاه صوتها وكلمها سألها اساله ماحد يعرفا غير سماح اكيد اشيا مانستها البنت وقت ما انخطفت كان عندها 9 سنين اكيد تذكر اكيد.. لما مالقا اجابه لاسألته قفل الخط بوجههم مره ثانيه .. عقبها جاه شعور انه البنت ماتت خلاص .. رفض انه يرد على أي اتصال من صوبهم وكل مايسمع الصوت يجيه يقفل الخط وسلطان عجز معاه يقنعه انه يتابع بس وقتها ابوكم تعب .. يمكن كان خايف انه يتاكد من موتها كان يقول دايم خلوني كذا عايش على امل انها ترد بيوم مرت سنه على هالشي وجاه اتصال لما رد وعرفهم قفل في وجههم وجاه اتصال ثاني وثالث وعاشر وهو رافض تماما انه يرد كان مقتنع انه البنت ماتت .. المره هذي جاني انا الاتصال وقالي الشخص ابلغ راشد انه وافق يشوف البنت وقتها حسيت انه قلبي وقف.. البنت عايشه طول هالمده عايشه واخيرا راشد بيشوفها وعطاني التوجيهات والانذارات .. قلت له اسمع بقولك انا مش ابو البنت اذا تبيني بكلمه يرد على اتصالك بس انا ماراح اوصله شي من الي قلته اسمع انا مالي دخل بموضوعك معاه البنت بنته ماهي بنتي واذا تبيه روح اتكلم معاه .. حسيته فقد الامل فيني وقالي طيب بدق عليه بعد نص ساعه بهالوقت وابيه..... ماعطيته فرصه قلت له طيب طيب يصير خير.. وقفلت واتصلت على سلطان على طول وخبرته وهو خذ اجرائاته وبعديها كلمت راشد وقلت له حسيته ساكت مصدوم .. قلت كذا ماينفع انا جايك بالطريق ياراشد.. وصلت عنده .. وجلسنا ننتظر تأخر المتصل كثير انتظرنا لحد الصباح وقتها رن التلفون وتكلم راشد ..فقل الخط وهو مو مصدق .. رمى نفسه وجلس يبكي ..قالي البنت عايشه بنتي عايشه وبشوفها بكره .. بكره ياخوي بكره..قلت له لا تجيب سيره لام سامي خلها كذا اهي ناقصه المسكينه اذا وصلنا لشي قولها واذا خابت الضنون خلها بيننا احسن وانا اخوك.. شوي وجا سلطان وكان فرحان مره .. باذن الله البنت عندنا وبنعرف كيف نرجعها.. قال راشد بس كيف بعرفها كيف بعرف شكلها البنت كبرت وملامحها اكيد اختلفت.. ضحكت عليه وقلت له ياخوي لاتنسى سما هي تؤمها بعد..قم وانا اخوك جيب صوره لسما خل سلطان يتعرف على شكلها بعد..و راح ابوكم الموعد واسبقه سلطان هناك وانا قاعد على جمر.. لما رجع كان في عالم ثاني اكلمه ومايرد علي عيونه كانت في مكان ثاني ووجهه حزين الهم ذبحه .. فكرته بيجي سعيد .. سالته ها بشر شفتها؟ البنت عايشه ياخوي؟!! ياخوي برد قلبي ورد علي.. دخل سلطان عقبه.. واخذني بعيد عنه .. قالي البنت عايشه وشافها من بعيد .. بس البنت حالتها تعبانه كثير .. البنت متبهدله حالتها ماتسر مبين عليها انها ماتدري انو ابوها جا يشوفها.. كانت مثل النعجه تنسحب من مكان لمكان .. قلت له انتو عرفتو مكانها .. قالي لا .. المكان الي خذوهم له مكان مليان ناس وعيال والعناصر توزعت بشكل ماقدرو يغطون المنطقه .. سألته والبنت .. قالي اختفت هي والي معاها في دقيقه.. وانتظرنا مرت الايام على ابوكم كأنها دهور وامكم كانت حاسه بشي بس هو كان دايم يقولها مافي شي.. نسى الضحك من شاف سماح بذيك الحاله.. نسى الشغل .. نسى ربعه وعياله تفكيره في سماح وبس .. عجزنا وحنا ندور ايش هي الامانه الي بسببها فقدنا كثير .. فقدنا راحتنا وبيوتنا وعيالنا وعقولنا.. كنا نجلس مع بعض ونناظر بعض .. اوقات كنا نتهم بعض انه الامانه عند واحد فينا واكيد واحد فينا مخبي شي عن الثاني ..تتوتر الاوضاع بيننا بس لما نتذكر الي فقدناه نعذر بعض اكيد المال مايعوض روح واحد من عيالنا.. نرجع ونناظر بعض .. اساله من غير اجوبه .. وحيره مالها تفسير.. على الاقل انا اعرف ولدي وين الان بس سماح هي وين ماندري؟
سامي: ليه سكت كمل
بومشعل: جا اتصال يقول لابوكم بعد بمده طويله يقول انو سماح حامل بتوأم واذا يبغي العيال يدفع 50مليون وافق على طول من غير لا يفكر بس وقتها سال العيال بيكونو عندي بين يدي ؟!! قالوله ايوا بيكونو عندك حنا تهمنا الام والعيال مالنا بهم .. سألهم هي بشهر كم قالوله التاسع وعلى وشك ولاده.. سألهم البنت بخير قالوله بخير ايش بيجرا عليها يعني.. قالهم راح ادفع لكم 300 مليون بشرط سماح ترجع له سكتو شوي وقفلو الخط .. لما اتصل وقلي .. ماكنت مصدق 300 مليون من وين بيجيبها انا عارف انه يملك اكثر من كذا بكثير بس ماهي كاش اغلبها عقار .. اغلبها عقار ومافي وقت انه يبيع واذا بيبيع مارح يحصل على السعر المناسب للعقار .. البنت على وشك ولاده ومابنلحق نبيع شي .. قالي لا تشيل هم بنتي بترجع لي .. بتصرف اكيد .. قلت له لا.. تقولي الاول انا معاك على الخير والمر لازم اعرف في ايش تفكر.. قالي ما ادري ربك يفرجها المهم الان امها تدري.. قال لامكم .. وامكم بدل ما تفرح ملكها الحزن على بنتها سألت ابوكم انت فرحان قال لها اكيد فرحان بنتي وبترجع لي ليه ما افرح قالت له وبنتك جابت عيالها منين؟ حلال ولا حرام قالها تعوذي من ابليس ياحرمه البنت راجعه المهم انها بخير عيالها هذول اعيالنا حلال حرام كل شي بيتعدل بس المهم بترجع.. وجاه اتصال ثاني يقوله انهم موافقين على 300مليون وسماح بيرجعونها بعد .. كان وقتها طاير.. الفرح ملاه واحس الروح ردت له .. وجلست معاه سألته انت كم معاك كاش قال تقريبا 100 مليون قلت له وانا بعد عندي 100 مليون كاش والباقي مثل ماتعرف عقار قالي وانت ايش دخلك قلت له عيب هذي بنتي لو ابيع نفسي ما تأخرت عنها .. قلت له خلك من هالشي الان منين بندبر الباقي قالي ربك يحلها.. وقتها جاني اتصال من هزاع بن محمد يبيني امسك له قضيه كبيره ووافقت طبعا وجلسنا مع بعض القضيه صعبه مره والتفكير في نجاحها كان شبه مستحيل وهزاع انلعب عليه بصوره كبيره والرجال لو ما اعرفه شخصيا ماكنت خاطرت باسمي معاه المهم اني قريت اوراقه وفكرت هزاع رجال غني واجد الفلوس عمرها ماهمته المهم عنده اسمه وسمعته كان راضي يدفع كل الي عنده ولا انه احد يقول فلان لعب عليه وربح قضيه بالاساس هي لصالح هزاع انتو عارفين طبعا اسم التاجر في السوق يهتز من اول شوشره فما بالكم بقضيه ويخسرها.. انا ماترددت ابد في اني افاتحه في الموضوع واشوف ايش بيقول.. قلته اني محتاج للفلوس متورط بشتري مجمع كبير والسيوله الي عندي ماتكفي محتاج 100 مليون بشرط اني بعطيك بدالها عقار يسوى المبلغ واكثر .. هزاع ماتردد كتب لي شيك بالمبلغ في لحظه وقالي خل عقارك عندك وهذي اعتبرها اتعاب القضيه .. بو مشعل انت اخوي الكبير سوا كان في قضيه بتمسكها لي او مافي بابي ما ينقفل بوجهك ابد .. واذا الفلوس ماكفتك لايردك الا لسانك .. وقتها ماعرفت ارد قلت له وانا اسلم عليه انا مثل ابوك ياهزاع وصدقني لو مشعل عايش كنت اتمنى يطلع برجولتك.. رجعت لراشد وانا فرحان كثير انه ربي يسر الامور لنا وانشا الله البنت بترجع .. وجلسنا ننتظر.. الفلوس وتأمنت باقي اتصالهم .. واخيرا اتصلو قالو انو سما ولدت وتعبت بولادتها عشان كذا تأخرو بالاتصال المهم انهم اتفقو مع راشد على مكان لتسليم الفلوس وكيف يستلم البنت والعيال .. بس مسالة تسليم الفلوس كانت مشكله الفلوس كثيره وكبيره وتسليمها صعب ماهو مثل كل مره .. طالت الاتصالات وطال الانتظار.. وقتها تفاجأنا بوفاة امكم .. كانت مصيبه على ابوكم تروح الام والبنت لسا ما وصلت والمشكله تسليم الفلوس .. خلص العزا وحنا ننتظر ومافي أي اتصال طال انتظارنا وطال ومافي امل لحد ما مات راشد.. راحت امكم وراح ابوكم واختكم الله العالم ايش حاصل معاها وعيالها ماندري هم وين والفلوس موجوده عندي ما تحركت.. لا رجعت سماح ولا شفنا عيالها.
سامي: عمي تعال معاي
بومشعل: وين ياولدي
سامي: تعال بس تلقا الي يسرك
***********************************

في غرفة العيال بالطايق الثالث
بومشعل: الله اكبر الله اكبر .. ايش ذا مين ذول
سما: مريم وراشد
بومشعل: والله ؟!! تقولي الصدق .. وسماح؟ فينها سماح؟
سامي: العيال وبس ياعمي
بومشعل: كيف يعني
سامي: اندق علينا الباب اليوم الساعه 2 الصباح لقيناهم في السلال ذول
بومشعل: وبس؟!!!!!
سامي: لا لقينا معاهم الاوراق هذي ..
بومشعل: شهادات ميلاد؟!!!!!!
سامي: العيال اعيال حلال الله لطف فينا
بومشعل: بترتاح امكم الان
سما: ليه مادرينا
بومشعل: الخوف عليكم كان اكبر وانا عمك .. وينه راشد؟
سامي: هذا راشد سمي
بومشعل: بسم الله الرحمن الرحيم .. راح راشد وجا راشد
سما: الله عوضنا خير
فهد: وليه تبكي ياعمي الان.. الله رحيم وانشا الله سماح بترد
بومشعل: ابكي لاني شايل الشي الي راشد حلم يشيله
خالد: فيك الخير ياعمي انت مكانه ومثله .. شايل عيالك بعد
بومشعل: ايوا عيالي واعز منهم بعد.. هذول عيال راشد
محمد: انا مستحي اتكلم
بومشعل: لا وانا عمك لايردك الا لسانك ..قول
محمد: وجود العيال صعب بهاليومين خصوصا ايام العزا وحنا كلنا مشغولين والك......
بومشعل: فهمتك .. ايش رايكم اخذهم عندي؟!!
سما: طبعا لا
بومشعل: ليه يا بنتي
سما: انت مالك ذنب بذا كله .. هذي مسؤلية عيال وماهو واحد هذول ثنين
بومشعل: هذا كلام تقولينه لي ياسما.. ما هقيت
سامي: ياعمي سما معاها حق
بومشعل: بس انت الثاني .. قال معاها حق قال.. كلها يومين ويخلص العزا وبيرجعو لبيتهم ثاني.. ايش بتقولو لما الناس تسمعهم يبكون عيال مين هذول؟.. ها
فهد: المكان هنا معزول يا عمي .. وماينسمع الصوت منه
بومشعل: وبتتركهم مع الخدم يعني .. بناتي قاعدات وهم بيديرو بالهم على العيال كلها يومين .. يلا اشوف جهزر اغراضهم ويلا على بيتي
سما: بنجلس يومين مانشوفهم؟!!
بومشعل: كيف ماتشوفينهم خلصي من الحريم وتعالي البيت تراه بيتكم وانا عمك .. انا بجهز الغرفه الكبيره لخوانك ينامو فيها وانتي تنامي مع البنات والعيال
خالد: لا يعمي ماهو كذا كيف يعني بنترك بيت ابوي ونجي عندك هاليومين
بومشعل: وليه لا
سامي: لا يعمي تروح سما معاك وتنام مثل ماتبي بيكون معاها واحد من العيال بعد اذنك والباقي بيظل هنا حتى مانثير أي شكوك انت عارف يمكن يكون البيت مراقب
بومشعل: اعملو الي يريحكم .. يلا مشينا .. مابقا وقت .. شوي ولازم تنفتح المجالس
سامي: بنمشي انا وسما بس والباقي خلكم هنا

***************************
في بيت بومشعل
سامي
بومشعل: حياكم ياعيال.. تعالو.. يانور انتو وين يا ام مشعل تعالو
نور: السلام عليكم
سما:عليكم السلام
سامي: عليكم السلام
نور: عضم الله اجركم
سامي: اجرنا واجرك
نور: سامحيني ياسما والله ودي اجيكي من امس بس انتي عارفه امي ماقدر اتركها
سما: معذوره يانور لا تقولي كذا.. ماهو انا الي بزعل عليكي .. انتي اختي .. وبعدين اتصالك يكفي
نور: انتي اعز واغلى والله
بومشعل: وين خواتك يبا
نور: اطلعو من شوي رايحين لسما.. ياربي مين ذول
سامي: اعيال اختي
نور: نعم؟!!
سما: ماهو انا .. لا تشوفيني كذا.. المهم هذا عمي عندك ويقولك كل شي .. نور ما اوصيك عليهم
نور: بعيوني لا تقولي كذا
بومشعل: تعالي يا ام مشعل شوفي
سما: هلا خالتي كيف حالك
ام مشعل: (تاشر بيدها تسال عن سما واخواها وتعتذر منها)
سما: حنا كلنا بخير وطيبين واخواني يسلمو عليك.. ياخالتي ليه الاعتذار والله ماداعي انتي امي انا ازعل من امي
سامي: وانا هنا بعد يما عطينا شوية اهتمام ولا كله لسما بس
~ لما خالتي ام مشعل شافتني ظلت تناظرني كثير وبعدين مسكت يدي وسحبتني لحضنها وظلت على هالحال مده وهي حاضنتني وتبكي .. من الارتباك الي انا فيه كنت اناظر عمي .. وهو ساكت ومنزل راسه .. البنات ادمعت عيونهم وهم يشوفونها كيف متعلقه بي وحاضنتني تبكي بحرقه .. على الي فقدته ~
سامي: يما انا مو ولدك بعد.. ولا وحشتك .. انا مقصر بحقك ياروحي قطعتك ومن زمان ما جيت اشوفك.. حقك علي يالغاليه.. شوفي ايش جايب لك معي.. تذكري سماح.. شوفي هذول اعيالها شوفيهم.. جيبي راشد ياسما .. سمي يما شيليه شوفيه يهبل
ام مشعل: مشعل
نور: يما؟!!!!!!!!
بو مشعل: ايش قلتي؟؟؟؟
ام مشعل: مشعل شوفه هذا مشعل
سامي: يما تكلمتي؟!!!!!!

***************************

سما
ساره: سما وين كنتي قلقت عليكي
سما: لا تخافين كنت في بيتكم
ساره: في بيتنا؟!! خير
سما: ابد رحت اسلم على خالتي .. عارفه انها قلقه علينا .. وقلت اروح اشوفها
ساره: اكيد؟؟ حاسه انك مخبيه شي
سما: ايوا مخبيه.. وشي بيسعدك بعد
ساره: والله؟ تحلفي الموضوع فيه نور.. كنت حاسه من زمان
~ رديت عليها بخبث ~
سما: اممممممممممم ايه احساسك في محله .. وليه ما قلتي لي.. من متى احنا نخبي شي عن بعضنا
ساره: ابد ايش تبغيني اقولك .. عيب
سما: ايش عيب انتي بعد .. تعالي تعالي احكيلي بس
ساره: ايش احكي .. خلاص خلي العرسان هم يحكو
سما: ها؟!!.. اه صحيح خليهم هم يحكو .. يعني مابتحكيلي خلينا نضحك شوي
ساره: الا بحكي لك .. نور من زمان تحب سامي
سما: اها!!!!!!!
ساره: بس ترددت من سالفت بنت عمك الروشه مرام.. عارفه كانت قايمه قاعده وهي تفكر فيه .. حب عاد ايش اقولك عليه
سما: اه انتي حتقولي لي ادري .. تقولي كانت؟!! وهي الان ايش
ساره: شوفي من سالفت بنت عمك وهي فاقده الامل ويمكن انها نست هالشي او شالته من بالها من هذيك السالفه وهي ساكته وما تتكلم عنه ابد واذا اسألها تقولي انسي خلاص كل شي انتهى و.....
سما: اجلي الحكايه هذي لبعدين زوجة عمي جايه .. تراني نايمه عندكم الليله
ساره: حياك الله .. اليله سهره صباحي .. مراح اخليكي تنامين
سما: هو انتي بعد الي قلتيه فيه نوم
ساره: غيري الموضوع تراها جايه
ام احمد: صباح الخير يابنات
سما: صباح النور
ساره: اهلا خالتي ام احمد
ام احمد: ها يما سما انشا الله نمتو كويس البارحه
سما:ايوا خالتي الحمدلله
ام احمد: ايوا وانا خالتك ترها هذي حال الدنيا وكلنا بنموت .. ادري انها صعبه فرقا الاحباب بس هذي كتبت رب العالمين على عباده .. والله يصبر الجميع
سما: آمين ياخالتي آمين
ام احمد: سما يما ابي اتكلم معاك عن بنت عمك مرام
سما: خالتي..ماراح نلف وندور على بعض مرام اذا كانت لساها تفكر انها تكون لسامي تراها متوهمه
ام احمد: سما يما.. مرام بنت عمكم مهما صار يعني وين تروح اذا سامي ما اخذها
سما: نعم !!!! تروح مكان ما تروح ..انا مرمي بكرامة اخوي بالارض عشانها بنت عمي .. انا قلت كلمتي خلاص .. مرام تنسى انه سامي لها انا عن نفسي مراح ارضى انها تدخل بيت ابوي بعد الي صار
ام احمد: الله يهديكم يا يما .. لا تنسين انها بنت عمك وانها تموت بالارض الي يمشي عليها سامي وماعملت الي عملته الى انها تحبه وتبيه
سما: اذا تشوفين انه الي عملته من حقها في ولد عمها تكوني غلطانه .. عرفنا السنع زين .. وعمرنا ماعرفنا السنع يقول اعملو كذا في اعيال عمكم .. كلميها وخليها تشيل الفكره هذي من راسها .. احسن ما اكلمها انا بأسلوبي.. ترا لو ما وفاة ابوي كان سمعتو عن خطبة سامي.. عموما انا انتظر ايام العزا تنتهى ورايحه اخطب له الي يبيها ويحبها
ام احمد: كذا ياسما!!!
سما: كذا ياخالتي.. يلا ياساره ابي اشوف الشغالات ايش جهزو
ساره: عن اذنك خالتي
سما: انجنت هذي.. قال مرام لسامي قال.. هذا الي قاصر .. قليلة الحيا هذي تاخذ اخوي خلصو البنات عشان ادخل قليلة الحيا هذي بيت ابوي والله مايصير لو فيها موتي
ساره: يا قوتك ياسما .. كيف تكلميها بهالاسلوب؟!!!
~ بيني وبين نفسي ماكنت موافقه اني اكلمها كذا بس هذا الاسلوب الي يلوق بها .. غير كذا بتتطاول علي .. لازم توقف عند حدها وتعرف انو بنتها مالها مكان بينا لو على موتي مايصير هالشي.. واذا هو غير رايه وبغاها بيكون اخر يوم اعرفه ويعرفني فيه ~
ساره: والله انك قويه.. ياليتني بقوتك ياشيخه .. بس اقولك الصدق .. كلامك لها ريحني .. انا مابغى نور يكون عندها ذرة احساس انو سامي ماهو لها .. كفايه عليها هذيك الايام بغت تموت
سما: بعد الشر.. ليتها مرام ولا هي
ساره: وينها تسمعك ايش تقولي عنها .. والله انها بتطير .. ايوا كذا ياشيخه خلينا نفرح .. بس انا مستغربه من شي؟!!
سما: ايش
ساره: كيف انتو اليوم عندنا وتخطبو نور .. المفروض انه عزا عمي الله يرحمه .. يعني الخطوه هذي غلط الان
سما: الكلام ذا تقولينه لنفسك
ساره: يعني ايش؟!!
سما: ما ادري.. بس انا جريتك بالحكي وعرفت انو اختك تحب اخوي
ساره: ايشششششششششششششششششش؟!!
سما: اشششششششش فضحتينا بس اسكتي
ساره: حرام عليكي ياسما .. خليتيني افضح اختي قدامك
سما: وليه انشا الله ماهي اختي انا بعد .. ولا بروح اذيع هالخبر للناس
ساره: انا ماقلت كذا
سما: لا كذا ولاغيره .. خلاص ولا كأنك قلتي لي شي.. المهم عندي انو الي ببالي صار سهل.. بقا علي مهمه وحده بس.. انتي وفرتي علي عنا اختك .. بس الان تأكدت .. بقا علي اخوي .. يبغا له شوية تكتيك ..بس ابيكي تساعديني فاهمه
ساره: اساعدك وليه لا .. شي وفيه سعادة اختي ليه ما اساعدك .. بس وغلاتي عندك اوعى تكشفي لها اني علمتك
سما: لا تخافين .. امسكي لسانك انتي .. والباقي اتركيه علي
ساره: ماقلتي لي ايش الخبر الي بيسعدني
سما: امك تكلمت
ساره: امي؟!!!!!!!!!!!!!!!!!!!
***************************

في بيت راشد - في الصالة-
سما: فيصل خلصتوخلاص
فيصل: ايوا ياروحي خلصنا.. والخادمات داخل ينظفو المجلس
سما: كويس ناد سامي لي
فيصل: انشا الله
فهد: ماتبتسمي هالابتسامه الا وناويه على شي
سما: سلامتك ايش ناويه عليه .. ماريا
فهد: لاتهربي وتنادي ماريا اقول قولي الي عندك ايش في
ماريا: يس ماما
سما: جهزو العشا
ماريا: اوكي ماما
فهد: سما!!! ردي علي
سما: اششششششش اسكت لا تفضحني سامي جاي .. اسكت الان وبعدين اقولك
فهد: دام انه سامي في الموضوع ..يبقا ناويه عليه الله يستر منك
سما: اقول اسكت لانوي عليك
فهد: لا لا وانا مالي خليني بعيد ولا كأني سألتك .. سامحينا
سامي: ايش عندك مع اختك .. ايش فيك معاها
فهد: انا .. وانا اقدر عليها .. هذا هي عندك اسألها اذا عامل لها شي ..
سامي: ههههههههههه ياجبان.. اعترف مره وحده بس وقول ايش عندك
فهد: مع اختك؟!! ماعندي شي .. ماااااااااااااااااااااعندي شي
سما: اقول عن طول هاللسان وقوم نادي اخوانك .. يلا
فهد: انشا الله عمتي .. كم سما عندي
محمد: انا تعبان مره وودي انام بخليكم تتعشون وبروح انام
سما: انتظر يامحمد انت بتروح معاي بيت عمي بومشعل
محمد: حاضر
سامي: محمد؟!! بتاخذي محمد!! بس هذا صغير
سما: وانت بعد .. ولا عندك مانع
سامي: ماعندي مانع بس انتي شفتي خالتي ام مشعل ايش صار معاها اليوم اخاف هالشي ينعاد
سما: وينعاد مافيها شي
خالد: خير ايش صار لها اليوم
سما: ابد شافت سامي وتذكرت مشعل احضنته واجلست تبكي
خالد: مسكينه هالحرمه .. والله تصعب علي
سالم: الله يعوضها الخير.. بكره انشا الله وحده من البنات بتتزج وتجيب لها مشعل صغير تنسى همها معاه
سما: الا على طاري الزواج.. في وحده اخطبت واحد منكم مني اليوم
فهد: نعم؟!!!!!!!!! الايه انقلبت ولا ايش
سالم: لا تستبعد ياخوي هاليومين كل شي يصير
سما: ها ياحلوين ايش قلتو تتوقعو مين الي اخطبوه فيكم
فيصل: هههههههههههههههههههه محمد اكيد
محمد: ايش معنى محمد يعني ماني رجال
سما: الا رجال وسيدهم بعد
خالد: ههههههههههههههه لا صدق مين
سامي بحده: ناظريني ... سما
سما: خير واناظرك ليه
سامي بحده: اقولك ناظريني
سما: ايوا ايش عندك
سامي: انفتح موضوع مرام من جديد؟؟؟؟
سالم: وع مابقا الا هي
خالد: ييييييييييييييييييييييييييييع
سما: ههههههههههههههههههههههه الله يقطع بليسكم
سامي: ايش صار
سما: ابد امها تكلمني عنها اليوم وتقول انها تحبك وتموت على التراب الي تمشي عليه وهي بنت عمك ومالها غيرك وين تروح وهي تحبك..
فيصل: انشا الله تروح روحها
سامي بعصبيه: فيصل!!!! .. وايش رديتي عليها
سما: ليه زعقت بفيصل كذا.. انشا الله تروح روحها قليله الي سوته
سامي بحده: قوليلي ايش رديتي عليها
سما: قلت لها والله اذا تشوفين انه الي سوته من حقها في ولد عمها تكوني غلطانه .. عرفنا السنع زين .. وعمرنا ماعرفنا السنع يقول اعملو كذا في اعيال عمكم .. كلميها وخليها تشيل الفكره هذي من راسها.. احسن ما اكلمها انا باسلوبي .. ترا لو ما وفاة ابوي كان سمعتو عن خطبة سامي.. انا انتظر ايام العزا تنتهى ورايحه اخطب له الي يبيها ويحبها
سالم: من جدك
سما: أي والله
سالم: الله يعينك يا مرام على هاليله
خالد: الا الله يشيلها مو يعينها
سامي: وبعدين انت وياه
سما: سامي!!! انت تبيها؟
سامي: لا طبعا
سما: ريحتني .. وليه تحامي لها ومنت راضي اخوانك يقولو رايهم فيها
سامي: لانها بنت عمهم .. الشي الي صار بيني وبينها .. سوا بغيتها او لا انتو مالكم دخل
سما: الي صار يمسنا كلنا ما يمسك لحالك .. وخلي ببالك اذا جا اليوم الي تقول لي فيه انك تبيها اعتبره انه اخر يوم تكون فيه اخوي
سامي بحده: سمااااااااااا
سما: لا ترفع صوتك.. الي بتاخذها بتشيل اسمك وعيالها بيشيلو اسم ابوك يعني البنت الي بتفكر فيها لازم تكون وحده عدله تقدر تربي عيالك وتشيلك بحضورك وغيابك .. مش وحده مثل مرام
سامي: انا ماقلت بخذها؟
سما: اسلوبك يقول كذا
سامي: انتي غلطانه.. انا عمري مافكرت فيها .. ولا عمري بفكر اني اناسب عمي ناصر.. يكفيه انه عمنا وبس
سما: الله يريح قلبك مثل ماريحتني
سامي: نامي وارتاحي.. وانتو ابيكم تخلو بالكم على البيت كويس.. احتمال جابر يدخل البيت عشان يتطمن على عياله .. حاولو تعملو جدول مناوبه.. انا ادري اننا مانمنا من يومين استحملو هاليومين لحد ما اختنا ترجع لنا
فهد: لا تشيل هم خلك مع سما ودير بالك على العيال
سما: انا كملت بجهز اغراض لي ولك وبنشي
************************

في بيت بومشعل - في الصالة-
نور: سما تأخرت
ساره: ما تأخرت ولا شي .. تلاقيها جايه بالطريق ..قومي دقي عليها
نور: لا .. ماقالت هي جايه مع مين؟!!
ساره: لا .. ماقالت .. ليه تتمنى سامي معاها
نور: ساره!! بس.. قلت الموضوع ذا انتهى.. وخلاص
ساره: براحتك .. انا ماقلت شي .. بس اذا على كذا.. اكيد ماودك تعرفي بالي عرفته وسمعته اليوم
نور: ايش سمعتي
ساره: وعلى ايش .. الموضوع انتهى خلاص
نور: انتي تبغي تلعبي باعصابي .. صح؟!!
ساره: انا ما ابي العب باعصابك انتي قلتي انو الموضوع انتهى ومنتي راضيه تعترفي انك لسا تحبيه وتتمنيه .. اذا بغيتي تعرفي بالي سمعته اليوم .. اول شي اعترفي انك لحد الان تحبيه
نور: كذا ياساره
ساره: ايوه كذا.. وماعندي غير هالكلام
نور: طيب قومي اتصلي شوفي سما
ساره: انتي اتصلي
نور: طيب.. انا بتصل
***************************

في غرفة سما
سما: سامي رد على التلفون هذا اكيد بيت عمي مشعل
سامي: ردي انتي
سما: سامي تشوفني فاضيه رد .. وقولهم اننا باطريق اكيد قلقانين علينا
سامي: السلام عليكم
نور:..................
سامي: الو
نور:..................
سامي: الو ..... ردي
نور:.........................
سامي: نور ردي علي.. لا تخليني اعصب
نور: انا متصله لسما.. ليه رديت انت
سامي: ومافي مسا الخير
نور: انا قلقت على سما و......
سامي بحده: : نووور .. ما استاهل مسا الخير منك
نور: مسا الخير .. ممكن اكلم سما؟
سامي: مسا الورد على عيونك
نور: سامي .. ابي اتكلم مع سما
سامي: وسامي ماتبي تتكلمي معه خلاص.. نسيتيه
نور: انا قلت اسأل عن سما ليه تاخرت خفت انه..................
سامي: وماخفتي على حبيبك
نور: سامي .. ماله داعي هالكلام ..انا قلقت عليها وقلت ادف اتطمن
سامي: يابختها سما لقت الي يقلق عليها.. وانا ماحد يقلق علي
نور: سامي
سامي: تدللي ياروح سامي
نور: حنا اخوان لا تنسى هالشي
سامي بحده: بذمتك عاد.. حنا اخوان .. تكذبي على نفسك انتي ولا علي.. نووووووووور
نور: سامي لا تزعق .. لا تعصب علي
سامي: شوفي كلامك وانتي احكمي اذا معاي حق اعصب ولا لا .. منتي ماعطتني فرصه اتكلم معاك.. ماسمعتي حتى دفاعي عن نفسي .. قطعتي كل الي بيننا لحالك وبقرارك .. حتى عقب ماتأكدتي اني مالي دخل ببنت عمي .. عاندتي واصريتي على موقفك وتبيني ماعصب .. تكلميني بكل برود وتتجاهليني وتبيني ما اعصب
نور: سامي
سامي: قولي لي الصدق يا نور.. انتي حبيتيني من صدق
نور: ايشششششششششش؟!!
سامي: وليه استغربتي .. منتي مصدقه انك سمعتي هالسؤال
نور: هذا الشي حنا منتهين منه .. واشوف ماله داعي نرجع نفتحه
سامي: تكذبي على نفسك ولا علي؟.. ها
نور: انا ودي انه.......................
سامي: ماودك تقولي لي الحمدلله على السلامه ترا امس بس وصلت .. تصدقينن محد قالها لي .. اول ما استقبلوني قالو لي عظم الله اجرك
نور: سامي
سامي: ياروح سامي .. نور اذا قلت لك اني محتاجك بتصدقيني.. اذا قلت لك همومي زادت علي بتوقفين جنبي.. اذا قلت لك راحتي معك بتغيري نظرتك فيني
نور: هالشي ماراح يغير ال.........
سامي: ماراح يغير؟.. ابد ابد .. صرتي قاسيه يا نور .. ماتوقعتك كذا .. هذا اول اختبار لحبنا تتركيني كذا.. ليه ماتبين تصدقين اني مالي علاقه بمرام .. انا عمري مافكرت فيها ولا ابغيها .. انا بحياتي وحده ما ابي غيرها .. عايش لها وراحتي معاها.. ابيها تشيل اسمي وتربي عيالي ..نور
نور: ........................
سامي: انا جوعان يا نور صار لي يومين ما اكلت ومانمت
نور: يخسى الجوع حبي.............
سامي: كمليها ياروحي.. نفسي اسمعها منك .. نور
نور: ايش في نفسك تاكل
سامي: دامه من يدك كله عسل .. عجلي تراني جعان
نور: من عيوني
سامي: تسلم لي عيونك.. ويخليك لي ياربي
نور: يلا باي
سامي: باي كذا من غير احبك
نور بدلع: سامي.. وبعدين
سامي: روحي الي يستحي
نور: عمرك ماتتغير
سامي: تحبيني كذا.. اموت علي حياك .. على فكره ماراح اتأخر مسافة الطريق وانا عندك
نور: ليه انت بتنام هنا
سامي: ليه منتي راضيه.. ترا انام بالسياره لو ماتبيني ادخل.. عادي
نور: البيت بيتك .. عيب لا تقول كذا
سامي: ايش اقول؟!! احبك .. روحي فيك
نور : باي
سامي: انتظري شوي
نور: لا .. باي
سامي: الو.. الو
سما: هههههههههههههههههههه ها.. قفلو الخط بوجهك
سامي: سما!!!!!!!!! من متى وانتي هنا
سما: يووووووووووووووووه من ساعة مسا الورد
سامي: سما .. البنت
سما: البنت تحبك وانت تحبها ايش الي معطلك
سامي: الكلبه الي اسمها مرام
سما: معلش.. كل شي بيتصلح .. الليله بنطلب نور
سامي: ها؟!! بهالسرعه .. لا طبعا لا
سما: ايش عندنا يأخرنا
سامي: ابوي وسماح والعيال و.......
سما: بنطلبها الليله ونصبر شهرين حتى البنت تجهز نفسها ونجهز لها جناحها بعد .. وبعدين يصير كل شي رسمي
سامي: ياسما الوقت ماهو مناسب
سما: الوقت مناسب جدا .. خلنا نفرح ياخوي امها وارجعت تتكلم واختنا وعرفنا انها حيه وعيالها وبين يدينا مابقا الا نعرف هي وين .. وربك يسهل الامور ..اول ماندخل اتركني انا اتكلم مع عمي و خالتي .. وانت عليك تدخل بالكلام
سامي: بتفرح نور كثير
سما: تستاهل تفرح نور .. تستاهل تربي عيالنا ياخوي
سامي: ظنيتك بتزعلي
سما: وازعل ليه
سامي: عشان خبينا عليكي
سما: هذي حياتكم الخاصه ياخوي.. مو من حق أي احد يتدخل فيها
سامي: الله لا يحرمني منك
سما: ولا منك .. سعادتك تهمني .. انت سامي .. روحي وعمري .. كيف ازعل عليك
سامي: روحك وعمرك علميها تقول هالشي
سما: لا والله تبيها تقولك هالكلام وانت منت زوجها؟!!!!
سامي: تتوقعينها تحبني
سما: تحبك الا ميته عليك
سامي: من صدقك؟!! ايش دراك
سما: مصادري الخاصه
سامي: وغلاة سامي عندك لتقولي
سما: خلها هي تقولك بعد العرس انشاالله
***************************

بيت بومشعل - في المطبخ -
ساره: ايش ايش .. ايش هالسعاده هذي كلها .. ايش صار
نور: ولا شي
ساره: ولا شي!! علينا كل هذا عشان كلمتي اخت حبيب القلب.. انتي ايش قاعده تعملي
نور: عشا
ساره: عشا لمين
نور: سامي
ساره: سامي؟!!!!!!!!!!!!! كلمتيه؟
نور: ايوا كلمته .. اتصلت على سما وهو رد
ساره: اهاااااااااااااا .. وايش بعد
نور: وبس
ساره: كل هالسعاده وبس!! .. قولي يلا
نور: بينام هنا
ساره: ياعيني ياعيني .. يابختك ياحلو حبيبك وجنبك .. شكلها السهره صباحي اليوم
نور: لا صباحي ولاشي.. يقول صار له يومين ما نايم
ساره: أي والله.. لو تشوفين اشكالهم والله يقطعو القلب
نور: ايوا شفته اليوم .. بيني وبينك .. قطع قلبي منظره وهو شايل عيال سماح .. الهم كان مالي قلبه وعيونه
ساره: الله يكون في عونهم الي هم فيه ماهو قليل .. تراهم جاو اسمع صوت السياره
نور: اسمعي امسكي لسانك قدام سما تراها ماتدري لحد الان
ساره: ايوا .. ماتدري.. الله يستر بس
نور: ايش تقصدي
ساره: ها .. لا لا ..ولا شي ولا شي.. بس يمكن تزعل اذا درت
نور: وليه تزعل .. ما مراح توافق علي؟!!
ساره: لا يعمري .. سما تتمناك لسامي من زمان.. بس انا اخاف تزعل لاننا ماقلنا لها .. وهي معانا على طول اسرارها معانا واسرارنا معاها
نور: الله يستر
سما: مسا الورد على الحلوين
ساره: مسا الخير على البايخين
نور: ساره تسنعي ماهو كذا
سما: وانتي مالك .. ليه تتدخلي بينا انا وساره .. حنا نمون على بعض
نور: يعني انا بره الموضوع؟!! خلاص صرتو ماتبوني
سما: لو علي انا وساره مانبيك .. بس غيرنا اكيد اكيد يبيك
نور: يعني ايش
سما: انتي ايش قاعده تعملي
نور: سما مافهمت ايش تقصدي
سما: قصدي انك تعجلي ترا اخوي ماتعشا وميت جوع
نور: يا عمري
سما: خير!!!!!!!!!!!!!!
نور: اقصد .. ياعمري العشا لكم وانا جالسه اجهزه
سما: اها .. حسبتك تقصدي اخوي
نور: من قال .. انا ماقلت كذا .. سما.. اعوذو بالله من ابليسك .. انا ماقلت ال.........
سما: حيلك حيلك .. ايش جرالك انتي.. خلاص ياحبيبتي انا طالعه .. يلا لا تتأخرو
نور: ياويلي ياويلي اكيد اعرفت
ساره: ولا عرفت ولاشي انتي واهمه
نور: ماسمعتيها
ساره: عادي .. هي تمزح بس ماتقصد شي
نور: طيب عجلي سامي جعان
ساره: حاضر لعيون عمي سامي وعمتي نور نبي نعجل
***************************

بيت بومشعل -في الصالة-
سامي: عمي انا ماخبيت عليك شي .. والموضوع ذا كان بيتم وانت عارف انه ابوي الله يرحمه كان بيطلب نور لي .. لو ما سالفت مرام بنت عمي
بومشعل: يا ولدي ايش تنتظر اقولك
سامي: قول رايك ياعمي
بومشعل: تشوف الوقت مناسب
سما: انا اشوفه مناسب تمام .. شي وابوي كان راضي عليه وسعى فيه وانت اكيد عندك خبر.. ليه نأخره
بومشعل: ابوكم صارله يومين من توفى
سما: لك ولنا طولت العمر ياعمي.. وابوي اولها وتاليها بيفرح بولده
بومشعل: والناس
سما: بننتظر شهرين او ثلاثه .. لحد ما البنت تجهز نفسها ونجهز لها جناحها .. وكل شي بيتم على خير انشا الله
سامي: ايش قلت
بومشعل: والله ايش اقول
سامي: قول الي في خاطرك
بومشعل: اشوف الخوف بوجهك ياسامي
سامي: احسك متردد حاس انك منت راضي
بومشعل: ايوا.. احساسك في محله .. انا ماني سعيد .. الا بموت من السعاده
سامي: مافهمت يعني ايش؟!!!
سما: يعني مبروك عليك نور ياسامي
سامي: يما تعالي ابيكي.. قولي لي ايش رايك فيني
ام مشعل: انت ولدي ايش بيكون رايي يعني .. رجال وسيدهم بعد
سامي: يعني لو طلبت منك نور بتوافقي علي
ام مشعل: نور؟!!
سامي: ايوا نور.. ها مالوق لها؟!!
ام مشعل: الا تلوق يا يما تلوق .. وانا وين الاقي احسن منك ياخذ بنتي .. وتظل قريب منى وتكون طول الوقت قدام عيني
سامي: الله يباركلي فيكم وفيها
سما: عمي انا بودي اتكلم معاها قبل .. لا تفاتحها
ام مشعل: يا يما كان ودي انادي لها وافرحها الان بهالخبر والله انها بتفرح
سما: خالتي .. مراح توافق
ام مشعل: ليه بعيد الشر
سما: بعد سالفة مرام بنت عمي .. انا ملاحظه نور اخذت موقف من الجميع .. صارت ما تقعد معانا ولا تسولف زي قبل .. انا حاسه انها ما راح توافق .. خلوني اجلس معاها بالاول وبعدين فاتحوها مثل ماتبون.. ماراح اقولها اننا خطبناها .. بقولها نبغاكي لسامي.. والباقي عليكم
بومشعل: خير وانا عمك
ساره: مساء الخير
بومشعل: مساء الخير يبا .. ها وين العشا ترانا جعنا
ساره:.........................
سما: ايش فيكي نتناظرينا كذا
ساره: ايش عندكم تسولفون عنه .. اول ما دخلت سكتو!!!!!!!!!!!!!!
سما: وانتي ايش دخلك .. موضوع بيننا وبين عمي .. في مانع؟؟؟؟
ساره: مافي مانع هذاهو عندك اشبعي بيه .. اكلتيني.. يما منك يا قوتك
بومشعل: اذكري الله عليها
ساره: لا الاه الا الله .. ماقلنا شي
سامي: وانتو بتقعدو على كذا كثير؟؟؟؟ الجوع ذبحنا يبا مابتأكلونا ولا نروح ننام جياع يعني
سما بهمس: لسا ماكل في البيت .. لحقت تجوع؟!!! ولا جوعان لشوفتها
سامي: بس لا ننفضح
سما: وانت لسا منفضحت .. روح شوف عيونك كيف فاضحتك .. الله يستر بس ماتدخل البنت وتقوم تهجم عليها
سامي: قلنا بس.. اشوف قوتك ارجعت علي
سما: يعني.. قلت فرصه .. استغلها .. ماهو كل يوم اقدر عليك فيه ..ياروحي انت
سامي: خذي راحتك ياروحي بكره لعصبت عليكي .. بشوف كيف تهديني ولا زي عوايدك بتهربي مني
سما: هههههههههههههههههههههه انت مانسيت؟!!!!
سامي: لا مانسيت
نور: مسا الخير
سامي: مسا الورد
نور: هلا .. تأخرتو
سما: لا تاخرنا ولاشي .. الرجال مييييييييييييييييييييييييييت جوع .. مابتعشونه
نور: الا العشا جاهز تفضلو
سامي: ايش عامله لنا
نور: الي يسرك
بومشعل: يلا وانا عمكم حياكم
ام مشعل: انا بشوف العيال .. خذو راحتكم انتو
سما: خذيني معك
نور: اجلسي انتي .. انا بروح معها
سما بهمس: اقول اجلسي مكانك.. واهتمي في اخوي .. واكليه تراه جوعاااااااااااااااااااااااااااااااان
نور: ايش جايك انتي اليوم
سما: جايني توئم ابي اروح اتطمن عليهم
نور: والعشا
سما: بالعافيه انا تعشيت
***************************

في غرفة نور وساره
نور: سما نمتي
سما: لا صاحيه
نور: مالك؟!!
سما: سلامتك .. بس اربشناكم
نور: عيب.. اياكي تقولي كذا
ساره: ترا والله نزعل عليكي
نور: أي والله ابوي من قال لنا عن سماح وقصتها وانا قلبي متقطع عليها
سما: المسكبنه كيف عاشت وكيف هي عايشه الان.. ماحد يدري
ساره: الله يشيلهم هالكلاب .. روعونا ببيوتنا .. واقلقو راحتنا.. وحرمونا اخواننا
سما: الله عليهم .. المهم اختي الان
نور: ربك كريم
سما: والنعم به
ساره: وين راشد ماني شايفته
سما: خالتي خذته معاها تقول بتنيمه بحضنها
نور: ياخوفي بس لا تتعلق فيه .. ولما تجو تاخذوه يجرا عليها شي
ساره: حنا ماصدقنا انطقت
نور: لا واليوم بطوله تضحك .. ولا هي عارفه ايش تعمل له
سما: اشوفها تعلقت براشد وتركت مريم
نور: الغريب تقول انه يشبه مشعل الله يرحمه
ساره: ولا هو يشبهه ولاشي .. انا عندي صورة مشعل وهو صغير .. مختلف تماما
نور: ايوا انا انتبهت بعد
سما: امكم تبي تفرغ وبس.. يشبهه او ما يشبهه .. المهم يذكرها فيه
ساره: اكيد مو ولدها وانحرمت منه
سما: يا ترا اختي كيف عايشه الان من غير عيالها
نور: ربك كريم .. استني شوي ابوي ينده.. يصارخ ساره قومي شوفيه

ساره: خير يبا
بومشعل: امك وين
سما: حياك عمي تفضل ادخل
بومشعل: هلا يابنات .. الا امكم وين
نور: بغرفة لينا يبا .. معاها راشد
بومشعل: اه ..ومريم معاها بعد
ساره: لا يبا مريم هنا
بومشعل: طيب ياعيال لا تسهرون سما تراها مانامت من يومين
ساره: عادي خلها .. هذي قويه ماينخاف عليها
بومشعل: وبعدين يابنت ايش قلنا
سما: خلها ياعمي .. هي عارفه انه بيرجع عليها .. عمي
بومشعل: سمي وانا عمك
سما: سامي ومحمد نامو
بومشعل: محمد الله يحفظه من اول ماوصلتو نايم .. وسامي نام من شويه
سما: الله يطمنك
بومشعل: ويطمنك على سماح.. يلا يبا اتركو سما تنام ولا تطولو سوالف.. تصبحو على خير
ساره: وانت من اهل الخير ياعمري
نور: انتبهتي انه تضايق لما عرف انه امي مع راشد؟!!
ساره: ايوا شفته
سما: انا اسفه .. والله من جد اربشناكم
نور: موكذا .. انا عارفه ابوي ايش يفكر فيه.. هو خايف عليها تتعلق فيه ويجرا لها شي اكبر
سما: انا عندي حل
نور: الحقينا بيه
سما: نعيش كلنا مع بعض
نور: خير؟!!! اقول نامي بس.. مثل ماقال ابوي منتي نايمه من يومين وبدا يأثر فيكي التعب .. قال نعيش مع بعض
ساره: والله فكره .. انا موافقه
نور: على ايش انتي بعد .. وين عقلك احنا اساسا مايجوز..............
سما: نور.. تعرفيني ما احب الغباء .. انتي فاهمه انا ايش اقصد
نور: ماني فاهمه .. انتي من الصبح ولك تلميحات ماهي طبيعيه
سما: حلو.. دامك انتبهتي للتلمحيات .. معناه انك عارفه انا ايش اقصد بس تكذبي نفسك .. ابشرك حبيبتي احساسك في محله
انا فعلا قاصده هالشي .. ها ايش رايك
نور: لا
سما: لا ايش
نور: ماني موافقه
سما: من صدقك انتي
نور: ايوا من صدقي
سما: لا .. يعني ماتبينه؟!! اروح اقوله ياسامي نور ماتبيك .. تكرهك وماتبيك تفتح هالموضوع مره ثانيه لانها ماتطيقك ولا تحب تسمع اسمك ولا ودها تشوفك وماتتنمى قربك وماتحب ال....
نور: حيلك حيلك .. انا ماقلت كذا
سما: الا قلتي
نور: لا ماقلت
سما: اجل ايش معناها .. لا
نور: ..................................
سما: دلع صح
نور: لا
سما: الا دلع .. شفتيه يحبك .. وطاير بيكي قلتي تتغلي عليه.. وتعذبيه ..صح
نور: ......................................
سما: دامك تحبيه ليه.. لا
نور: ومن قالك اني احبه .. سامي مايناسبني .. وانا ما اناسبه
سما: لا والله من متى هالكلام عاد .. عقب هالقصه الطويله العريضه .. والحب الي بينكم ..الان متناسبو بعض.. اقول حبيبتي انا مو غبيه عشان ما اشوف حبكم .. تراني اعرف من زمان بس مطنشه
نور: منتي فاهمه
سما: فهميني
نور: صعب
سما: اه .. فهمت .. يبقى توافقي على سامي .. وبعدين اشرحي له الصعب .. العتاب بينك وبينه احلى .. خليه يراضيكي وانتي حليلته صدقيني احلى .. تغلي عليه شوي.. بس لا تقولي لا .. تراه ناويها الليله .. وانا مابي اقولك
نور: ناوي ايش
سما: خطبتك ياعسل
نور: هااااا
ساره: والله؟!!!!!!! من صدقك انتي
سما: أي والله
ساره: بس الوقت ماهو مناسب ابد .. وعمي الله يرحمه
سما: الكلام ذا اختك تخليه براسها .. ترا مافي رجال يعملها وابوه ماصارله يومين من توفا الا اذا كان الغلا عامل عمايله
نور: بس
سما: لا بس ولا غيره .. فكري واخذي وقتك .. من حقك هاشي
نور: انا قلت .. لا
سما: هذا قرارك.. وهذي حياتك وانتي تقرري.. انا ادري انه يمكن مرض سامي يمنعك من الارتباط فيه هذا من محقك طبعا بس
نور: أي مرض
سما: هاااا
نور: أي مرض
سما: هو ما خبرك
نور: لا
سما: هذ انا اقولك
نور: يعني ايش
سما: يعني هذي حياتك .. اذا بغيتي تعيشي معاه وتكملي حياتك معاه .. انتي الي تقرري.. هذا
نور: ايش يشتكي منه
سما: وانتي ايش دخلك
نور: كيف ايش دخلني..انا...............
سما: انتي ايش.. انتي قلتي لا .. وخلصنا
نور: ابغي اعرف ايش معاه
سما: نور دامك قلتي لا.. هذا معناه انو مالك شغل بيه خلاص
نور: سما .. سما .. ردي علي
سما: نور تراني تعبانه وابي انام
نور: ردي علي
سما: خير
نور: قولي لي ايش معه
سما: قلت لك
نور: ماقلتي شي
سما: قلت لك مالك دخل فيه .. اتركيه لحياته .. انتي ما تبين تشاركيه فيها .. ليه تتدخلي فيها اجل
نور: سما لا تلعبي بأعصابي ردي علي
سما: وانتي ليه مهتمه كذا.. ها؟!!.. تحبيه؟
نور: لا.. ماحبه
سما: خلاص اجل خليني انام
***************************

بالغرفة الي نايم فيها سامي ومحمد
: سامي
سامي: نعم
: سامي
سامي: نعم .. مين ينادي
: انا يا سامي
سامي: انت مين ماني شايفك
: اقرب مني ياحبيبي لا تخاف
سامي: ماني خايف .. بس مو شايف
: قولي ياسامي انت ليه حزين كذا
سامي: انت كيف عرفت اني حزين
: منت غريب عني
سامي: تعرفني؟!!
: كيف ما اعرفك وانت قطعه مني
سامي: طيب ليه ما اشوفك عشان اعرفك
: تعال انا قدامك اقرب مني اكثر
سامي: يباااااااااااااا
راشد: ياروح ابوك
سامي: ياروحي انت والله .. وينك وحشتني كثير .. وينك لما رجعت من سفري ماشفتك
راشد: ليه حزين وانا ابوك
سامي: حزين على فراقك يبا
راشد: هذا انا قدامك يا يبا ..بخير
سامي: عساك دوم بخير يايبا.. عساك دوم بخير
راشد: اخوانك كيفهم ياسامي
سامي: بخير يبا.. مبسوطين يقولون انك معاهم .. بس انا ماحسيت بك مثلهم
راشد: هذا انت معاي .. تشوفني واشوفك .. ايش تبي اكثر من كذا
سامي: الحمدلله يبا .. الحمدلله . مبسوط بشوفتك كثير كثير.. كذا يبا
راشد: ايش ياحبيبي
سامي: طول هالسنين وماتقولي عن سماح .. ماني رجال يعني واشيل مسؤليتها معاك
راشد: الا رجال وسيدهم .. بس من خوفي عليك لا اخسرك انت بعد
سامي: يبا سماح جابت راشد ومريم .. يبا العيال يهبلون .. ليتك هنا وتشوفهم
راشد: شفتهم يبا .. وفرحت بهم بعد.. سامي
سامي: سم يبا
راشد: خلهم بأمانة عمك بومشعل.. هو يربيهم
سامي: ليه يبا .. حنا خوالهم وبنشيلهم بعيوننا
راشد: ادري يبا .. مثل ماهم عيالنا .. عياله هو بعد
سامي: يعني ايش يبا .. يبا
راشد: حب عمك لسماح كبير .. دفع من فلوسه كثير ومستعد يدفع اكثر حتى اختك ترد .. خل العيال عند حرمته لحد اختك ماترد .. حرمته انحرمة من ولدها خلها تعوض في راشد الصغير.. وان قدرت وانا ابوك خل العيلتين يبقو عيله وحده
سامي: تامر يبا .. بس كيف
راشد: سامي
سامي: سم يبا
راشد: اخوانك وانا ابوك
سامي: بعيوني يبا
راشد: خواتك اولهم .. عذابهم ماهو هين ..
سامي: لا توصي يبا خواتي بقلبي وعيوني لا توصيني عليهم
راشد: سامي
سامي: يعيونه
راشد: بكره نور تكون حليلتك .. خلي بالك منها ومن نفسك
سامي: يبا .. يبا .. يبا.. وين تروح
***************************

في غرفة نور وساره
نور: ساره انا نازله اجيب الحليب للعيال خلص
ساره: راشد قعد؟
نور: ايوا اسمع صوته
ساره: بروح معك
نور: خليكي مع سما .. تقلق اذا قعدت ومالقت احد
ساره: حاضر
نور: مع اني عارفه انها صاحيه ومانامت
ساره: لا تحسين زين .. كفايه الكلام الي سمعتيها من شوي
نور: لا تتدخلي انتي هذي حياتي.. يلا انا قايمه
ساره: انا عارفه انك صاحيه .. صحيح مافي صوت .. بس اسمع دموعك
سما:................................
ساره: على العموم .. لا تزعلي من كلام المجنونه ذي .. تحبه وتموت عليه ..والله لو تعرفي قد ايش بكت عليه
سما: عارفه عشان كذا قلت لها انه مريض
ساره: والله؟!!! يعني هو صاحي مافيه شي
سما: اسم الله يحفظه مافيه الا العافيه
ساره: عارفه .. زين سويتي.. مابيجيب راسها الا كذا
سما: اختك عزيزة نفس .. ادري انها تحبه عيونها تفضحها .. بس تكابر .. خليها تتدلع .. تبي تشوف غلاتها بقلبه قد ايش .. انا الي علي سويته .. الباقي عليه هو عاد .. يقدر يخليها توافق بحنيته
ساره: يا سلام يا سلام .. شوفو من قاعد يتكلم .. الي يسمعك يقول عاشقه .. لايكون بس من ورانا
سما: هاه .. ياحسره.. منين
ساره: لا تقولي منين .. انتي الي ترفضين ..كل واحد يجيك يقول الزود عندي
سما: هو بضاعه؟!! انا ابي رجال
ساره: والله عاد؟!!.. الي يجونك حريم يعني
سما: ههههههههههههههههههه الله يقطع بليسك .. ماقلت كذا.. بس انا رجلي غير.. غيييييييييييييييييييييييييييييير
ساره: حللللللللللللللللللللللللللللللللللللللللللللللللل للمي .. الا شكلك بتعنسي وتطيحي بكبودنا الله يعيننا عليكي
سما: اقول انكتمي خليني انزل اشوف نور.. مسكينه زوجة اخوي شايله حمل عيالنا وهي مالها ذنب
ساره: هاه.. قال زوجة اخوي .. خل توافق بالاول .. وبعدين يصير خير
سما: بتوافق تراهنيني
***************************

في المطبخ
نور: مين بالمطبخ؟!!
سامي: انا سامي لا تخافي تعالي
نور: انت ما نمت؟!!
سامي: نمت شويه وصحيت
نور: مالحقت ترتاح
سامي: بالعكس احلى نومه .. مالك
نور: ابد
سامي: ليه مانمتي ليلحين
نور: راشد صحى ونزلت اجيبله حليب
سامي: عقبال ماتشيلي عيالي
نور: ..................
سامي: ليه ساكته
نور: ماعندي شي اقوله.. سامي
سامي: عيونه
نور: ايش معاك
سامي: كاسه بها مويه
نور: سامي اتكلم من جد
سامي: وانا بعد
نور: انت تعبان؟؟؟
سامي: ايوا تعبان.. ومن شفتك ارتحت
نور: ممكن تغيراسلوبك معاي
سامي: كيف يعني
نور: يعني عرفت انك مريض
سامي: أي والله مريض.. مرضي صعب شوي
نور: يعني ايش.. ايش فيك
سامي: خايفه علي؟!!
نور: كيف ماخاف
سامي: شوفي جفاك معاي وانتي تعرفي.. مو مصدقك انك خايفه علي.. انا متوقع انك نسيتي كيف تخافين علي
نور: انا؟!!! حرام عليك
سامي: طيب ليه البكا .. كلميني.. ليه تبكين
نور: ولا شي
سامي: شفتي كيف؟!!.. صدقتي الكلام الي قالوه عني .. مارضيتي تسمعيني.. وما اهتميتي لامري .. قررتي انك تتركيني وتركتيني.. جفاك كرهني بحياتي .. مليت الدنيا وما فيها.. كيف احيا فيها وحبيبتي ماتبيني ..ها ؟!! جايه تساليني اذا انا صاحي؟!! لا انا مو صاحي.. ومريض وبموت بعد
نور: بعد الشر عليك .. انشا الله انا ولا انت
سامي: تبكين وتدعين على نفسك بعد .. وليه ذا كله انا المريض ماهو انتي .. بعيد الشر عليكي .. انتي ماتستاهلي الا كل خير .. عارفه.. صدقيني سعادتك تهمني كثير.. حتى لو كانت معا غيري ماهو مهم.. المهم عندي انك تكوني سعيده ومبسوطه .. انا بس انتظر هاليومين يعدو على خير واخذ العيال ونمشي واوعدك ما تشوفيني ولا تسمعي عني لحد ما اموت
نور: سامي لا تقول كذا بعيد الشر عليك انت اذا جرا لك شي اموت بعدك
سامي: وليه ياعمري انتي تحبيني؟!!
نور:.......................
سامي: نور.. نور.. طيب كل شي واضح يا عمري ماله داعي اضغط عليكي .. خلاص انسي كل شي قلته .. اعذريني .. ثقلت عليكي
نور: سامي
سامي:........................
نور: سامي
سامي: اسمعك.. خير.. امريني
نور: ماقلت لي ايش معاك
سامي: وليه مهتمه
نور: اتطمن عليك بس
سامي: امسحي دموعك طيب
نور: طمني بالاول
سامي: لا ياعمري هالشي يخص زوجتي.. وحبيبتي ... انتي زوجتي؟!!!
نور:...............
سامي: صدقيني ماهو مهم انك تعرفي .. تطمني انا بخير هذا يكفي
نور: حرام عليك من جد
سامي: حرام علي ليه.. قولي لي عن غلط واحد عملته في حقك .. واحد بس يخليكي تتركيني وتكرهيني
نور: انا ما اكرهك
سامي: يا نور والله ماهو وقته نلعب على بعض .. والله انو التعب هد حيلي .. وانتي اول الامي ..
نور: طيب وغلاة نور عندك قلي ايش معك
سامي: هي غاليه عندي وهي عارفه .. بس ابي اعرف .. انا غالي عندها؟!!!
نور:.....................
سامي: ابي اعرف تحبني؟!!
نور:.....................
سامي: شفتي اسلوبك تخليني اتمنى الموت يانور
نور: بس .. اسكت.. حرام عليك ايش قاعد تقول .. اخوانك وانا محتاجين لك
سامي: انتي؟!! محتاجه لي .. كيف يعني محتاجه لي مافهمت
نور: انت عارف اني..................
سامي: انك ايش .. ها.. ايش؟.. نور
نور: سامي
سامي: روحه وعقله وكله .. قولي ياعمري
نور: ايش تبي اقولك .. اتعرف اني ابيك وخلاص
سامي: ابي اسمعك تقوليها
نور: ايش اقول
سامي: تحبيني؟
نور: .....................
سامي بحده: جاوبيني!!!!!!!!!!
نور: لا تعصب .. ماحبك زين ماحبك
سامي: وين رايحه
نور: ماشيه
سامي: تعالي ابي اكلمك
نور: لا
سامي: وغلاتي عندك لا تمشي
نور: منت غالي
سامي: ههههههههههه ليه عصبتي طيب
نور: وانت ايش دخلك .. اعصب بكيفي
سامي: طيب براضيكي
نور: لا
سامي: انا طلبتك من عمي الليله
نور: هااااا !!!!!!!!
سامي: ايش تتوقعي اظل احب فيكي من غير زواج
نور: بس انا ماني موافقه
سامي: هذا عاد قرارك انتي تحدديه .. تقوليه لعمي
نور: انت تسرعت كان لازم تعرف رايي فيك الاول
سامي: عارفه
نور: لا .. منت عارفه
سامي: خلاص قولي لعمي رايك فيني.. طول منا ما احل عليكي ما اقدر اكملك براحتي .. ولا بتقدري تقولي لي الي بخاطرك .. انا ودي ادلعك يانور .. ودي اخذك بحضني .. والمسك.. ودي تبكي بحضني .. انا للمره الالف اقولك مالي دخل بمرام انا نهنت قبلك .. والله العالم انا قد ايش تضررت من سالفتها.. لا تكابري عاد.. احبك والله اني احبك وما ابغى غيرك .. اكثر من كذا ماقدر يانور.. جفاك تعبني.. فكري .. القرار بين يدك .. اكثر من كذا من بجد .. بموت
نور:انت استعجلت.. ليه ماقلت لي .. ليه سما ماقالت
سامي: ياه يانور .. ماتبين اننا نتزج .. ماتبين؟؟! كان لازم اقولك قبل لاطلبك .. والسنين الي راحت هذي كلها .. وحبي لك .. خلاص .. كل ذا نسيته؟!!!!!!!!
نور: مانسيته .. وعمري مابنساك .. انت تعرف قد ايش احبك
سامي: يااااااااااااااااااااااااااه اخيرا ياروحي اخيرا .. تحبيني
نور: واحب امي اكثر منك .. لمين اتركها وهي متعلقه بي.. ها .. فكرت بحالك وما فكرت فيها ياسامي .. ماقدر اتزوج واتركها ماقدر
سامي: نور تعالي .. حبيبتي .. نور
سما: حيلك حيلك .. وين فاكر نفسك انت .. تناديها .. وحبيبتي .. ترانا ببيتهم والله ان درا عمي عنك لتكون طردتنا على حسك اهدى ياشيخ .. ايش صار.. مالها تركض تبكي
سامي: اخيرا قالتها تحبني
سما: والله عاد .. تصدق لسا داريه
سامي: بس رافضه تتزوج
سما: وليه انشا الله .. تبيكم كذا من غير زواج؟!!!!!
سامي: عيب يا سما ماهي نور الي تفكر كذا .. تقول ماتبي تترك امها
سما: ومين قال انها بتترك امها
سامي: يعني ايش
سما: اسمع ياخوي .. وجودنا مع عمي بومشعل فيه امان للكل لنا ولبناته.. خصوصا انه مرتبط مع ابوي بنفس المشكله .. وابوي مات ممكن عيون هالكلاب ترجع عليه .. يعني بعيد الشر لو دخلو عليه البيت .. من له هو وبناته من بعد الله .. تعرف رجال غيره بالبيت مافي
سامي: ايش تفكري فيه
سما: نسكن كلنا مع بعض .. والي يجرا علينا يجرا عليهم
سامي: وتكون نور مع امها .. جبتيها والله
سما: ومع العيال .. شوف ياخوي .. خالتي متعلقه براشد بصوره مقدر اوصفها لك .. اخاف بكره اذا اخذناهم يجرا على الحرمه شي وحنا ماصدقنا انها ترجع مثل الاول .. بيكونون عيالنا بيننا .. وراشد عندها مابيتغير شي
سامي: وين بنعيش عندنا ولا عندهم
سما: بندور بيت يكون كبير .. يسع العيلتين مع بعض .. نسوي مكان خاص للحريم ياخذو البنات فيه راحتهم .. ومكان للرجال .. اسمه اخوانك بالبيت .. والبيت فيه رجال
سامي: ياروحي انتي والله .. تصدقي ابوي قال لي هالشي
سما: ابوي؟!!! متى
سامي: حلمت فيه من شوي .. قالي على اشيا كثيره .. منها اننا نجمع العيلتين ووصاني على خالتي ام مشعل وقالي اخلي راشد بحضنها وهي الي تربي العيال لحد ما سماح ترد .. بس قالي شي غريب
سما: قول ايش قال
سامي: قالي مثل ماهم عيالنا عيال عمي بومشعل بعد
سما: ايش معنى هالكلام
سامي: مدري .. بس ذكر موضوع الفلوس الي عمي دبرها لسماح وقالي.. انو عمي مستعد يدفع اكثر حتى ترجع سماح
سما: يمكن يبي يجازيه عن وقفته معانا.. وهذا هي زوجته رجعت تتكلم
سامي: وصاني نخلي العيال عندهم
سما: الي قال عليه بيصير.. وايش قال بعد
سامي: قال انه نور بكره تصير حليلتي
سما: بكره ..بكره؟!!!
سامي: أي والله هذا الي قاله
سما: والله ياخوي الي يشوف شكلها مايقول انه بكره تكون حليله لك.. ها وين وصلت .. اعجبتك الفكره ..عاد لا تصدقها عاد
سامي: الفكره حلوه وانا فرحان كثير بس الاهم اني شفته وقعدت معاه هذا الشي ريحني كثير
سما: ماقلت لك لا تستعجل على رزقك يمكن نصيك اكبر مننا كلنا
سامي: صدقتي والله
*****************************

عند باب المطبخ
ساره: ايش قاعد تسوي واقف
بومشعل: قصري صوتك
ساره: ليه؟ صاير شي
بومشعل: لا .. ليه مانمتي
ساره: ابد نزلت اشوف سما طولت قلقت عليها
بومشعل: مع اخوها داخل تتكلم
ساره: وانت واقف تسمع يابومشعل ماهو عيب
بومشعل: تعلميني العيب .. العيب الي سمعته من اختك ومن سامي قبل شوي
ساره: هااا
بومشعل:من متى وهي تحبه.. ها؟ .. وانا ايش بهالبيت .. ها؟ .. هذا الي ربيتكم عليه.. ردي
ساره: يبا وانا ايش دخلني .. لا تعصب علي.. ترا والله اختي مو قليلة حيا انت مربيها وعارف اخلاقها كويس.. لو مو سالفة مرام بنت عمه كنت شفتها حليله لسامي من زمان
بومشعل: روحي ناديها.. روحي ناديها الان.. وتعالي انتي معاها .. يلا
***********************************

تابعو في الجزء الثالث
زواج سامي ونور ياترا راح يتم
هل بيوافق بومشعل بعد الي اسمعه
احداث جديده ومثيره

السلام عليكم ورحمة الله وبركاته

يارب تدخلوا وتقروا الرواية الرائعة.....



راح تستمتعوا .... صدقوني .............

Emomsa

يسلمواااااااااااا قصة روووعة

بس ياريت ماتطولين علينا

تحياتي

منتظرة تعليقك ورأيك بفارغ الصبر

عزيزتي جروح ندم .....


اولا ... صلى الله علية وسلم .....

ثابيا ... يسلملي مرورك الغالي وان شاء الله البارت القدم قريبا .....

عطر الورد



شكرا على مرورك ... ورأيك يهمني ....... والحمد الله انها اعجبتك .....


ان شاء الله لن اطول .... البارت قريبا جدا ......

:asd::asd::asd:




اشكرك كثيرا على اهتمامك وتعليقك الرائع .......


وبصراحة اشعر بغرابة لاني اول مرة اقوم بنقل رواية وارد على التعليقات وانا برد على تعليقك وتساؤلاتك كنت انسي نفسي واحكي لك عن الاحداث مرة واحدة وخلاص ... لكن على اخر لحظة كنت التقط نفس وافكر كيف ارد دون حرق الاحداث ..... ( يعني انا لسه سنة اولى نقل ورد على التعليقات )


ان شاء الله البارت قريبا جدا

نبض قلبي


[SIZE="6"][COLOR="Orange"] الجزء الثالث



ام احمد: صباح الخير يما انتي صاحية

مرام: صاحيه يماام احمد: ايش فيكي بعيد الشر

مرام: سلامتك يما .. تعبانه شوي

ام احمد: معلش يما تتعبي اليوم وبكره تنسيه

مرام: مقدر يما مقدر.. سامي لي

ام احمد: ايش لك انتي بعد .. اخته تقول .. بيخطبو له بعد العزا.. خلاص عاد.. يما سيره واقفليها بكره الله يعوضك غيره.. واحسن منه

مرام: مابي غيره ابيه هو يما .. ابيه هو .. تراني ازلزل الكل لو سواها واخذ غيري

ام احمد: اسمعي عاد .. من عقب سالفتك ذيك محد طايق اسمك .. وخصوصا سما.. عاد انتي تعرفي ست الحسن والجمال محد يكسر لها كلمه من يومها وهي قويه.. لا انا ولا ابوكي ولا انت بنقدر عليها .. وسامي مايعيش بلاها ومايزعلها حتى لو جا على شي هو يبيه.. انسيه يايما .. وصدقيني بتلاقي الاحسن منه .. انا منظره لك على واحد يسوى سامي هذا

مرام: لا .. مابي.. لا تفتحين معي سيرة الزاواج الا اذا كان المعرس سامي

ام احمد: الله يهديكي يايما.. بس انا اقولك انا ماني قد سما وعصبيتها .. ترانا سلمنا منها هذيك المره لانه عمك موجود .. عمك الان مات مين بيمسكها عنا

مرام: هذيك المره كنت مستعجله بامور كثيره .. المره هذي بخطط صح .. وسامي لي

ام احمد: اقول اتركي عنك .. امس بنت عمك احلفت اذا لمستك يدها عقب أي غلط تغلطيه مابتتركك غير ميته.. وهذا انا حذرتك وشوفي عاد

مرام: ماعليكي منها .. ان جات اني اذبحها بذبحها ولا يهمني .. المهم عندي سامي .. سامي وبس

ام احمد: اقول تراكي وجعتي راسي .. عاشقه واحد هو مايبيك .. ومعيشه نفسك بوهم ماله اخر .. وبعدين يعني مافي بالدنيا رجال غير سامي.. يا يما اتركينا منهم .. انا بصراحه مابي نسبهم .. شايفين نفسهم على الفاضي.. على ايش هذا كله ..وبعدين حتى لو اخذتيه انتي فاكره انو سما بتترك سامي يعيش برا الا بتخليه قاعد معاها بنفس البيت .. عاد هذا انا مابيه .. ابي اذا جا رجال يخطبك .. اقعد واتشرط .. ابي مهر وابي شبكه وابي بيت لك لحالك وابي سياره خاصه لك بسايقها وشغالات و.................

مرام: حيلك حيلك .. ليه ذا كله

ام احمد: بنتي واول فرحتي وابي اتشرط على عريسها.. تتوقعي اذا جات سما تخطبك لاخوها بتنفذ لي الي ابيه؟؟ .. لا يحبيبتي بتقول بنعطيكم كذا وبنسوي لكم كذا وبس.. عاد انا مايعجبني هالكلام .. لا بتخليني اطلب ولا اتشرط عاد انتي تعرفيها

مرام: طز ماتهمني .. المهم عندي سامي.. سامي وبس

ام احمد: ها .. اليوم بتروحين بيت عمك تراه اخر يوم

مرام: اكيد بروح .. لازم اروح

ام احمد: ايوا روحي واجلسي جنب الباب مثل ماقالت لك .. ها .. بعد اكثر من كذا مذله انا ماشفت .. يا يما خلي عندك شوية كرامه.. لا بيت عمك ولا ولد عمك يبونك

مرام: طز المهم انا ابيه واحبه

ام احمد: طيب قومي تغسلي وصلي

مرام: الا ابوي وينه

ام احمد: ابوكي ياخذ دش

مرام: يما قولي للخدم يجهزو الفطار تراني جعانه موت

ام احمد: من عيوني يا يما كم مرام انا عندي

مرام: الا ماقلتي لي

ام احمد: خير

مرام: منهو ذا الي المنظره عليه

ام احمد: تذكري صفيه صاحبتي؟

مرام: ايوا اذكرها

ام احمد: ولد اختها .. مال وجمال وهيبه وسمعه ماقلك عليه .. واسمه جمال ها ايش قلتي

***************************

في بيت بومشعل -في غرفة الطعام-

سما: صباح الخيرعمي

بومشعل: صباح النور يبا

سما: عاد تعرف اول مره بحياتي اقعد معاك على فطار

بومشعل: وانشا الله كل مره

سما: والله ياريت .. مابقول لا.. مين يحصله يفطر مع رجال مثلك .. جمال وحلا ووسامه وشخصيه وتاخذ العقل

ساره: يالله تعيننا على هالصباح .. اشوف تتغزلي في ابوي

سما: كيفي يحق لي اتغزل فيه ابوي انا بعد

بومشعل: ماينلام راشد اذا حبك .. اخلصي ايش عندك.. هالمقدمه وراها شي

ام مشعل: ايش وراها يارجال .. ايش قالت هي عاد

سما: أي والله ياخالتي كلوني مايسوى علي

ام مشعل: مايقدرون وانا خالتك ..دامي معك كل الي تبينه بيصير

سما: يعني ايش؟

بومشعل: يعني انتي اطلبي وانا انفذ عندك خمس دقايق بس تطلبي فيهم بعدها اسحب عرضي

سما: يه وليه عاد .. حتى المسابقات يعطون فرصه ايام وايام وانت خمس دقايق بس .. هذا وانا سما خمس دقايق اجل وحده غيري ايش تقول لها

بومشعل: اقول لها تقلب وجهها .. ها بتقولين ولا اسحب عرضي

سما: لاااااااااا كذا ازعل .. موضوعي يبغاله قعده

ساره: يعني منتي خاليه وراكي شي .. قالها ابوي وصدق فيها

سما: يعني تتوقعي بتغزل برجال بو عيال ولا اكبر من ابوي بعد على وشو على الفاضي

بومشعل: هههههههههههههههههه من شوي حلا ووسامه وشخصيه طلعت حقيقتك الان

سما: ياعمي لا تصدق كل الي ينقال لك عاد

بومشعل: هههههههه الا منك يايبا .. كل الي تقولينه صدق

ساره: ياربي لو اعرف انتي ايش مسويه بعقولهم الي يحبونك كذا.. والله لو هالكلام يطلع مني له كان من زمان ذبحني

سامي: صباح الخير

بومشعل: صباح النور

ام مشعل: هايما .. نمت كويس

سامي: كويس يما لا تقعدي تقلقي علي عاد

ساره: ياربي انا الي بموت من هالاثنين .. وحده يحبونها ويموتو عليها والثاني نايم صاحي يقلقو عليه

سامي: اقول وين الفطار تراني جوعان

ساره: وانت من دخلت هالبيت وانت كله جوعان

سما: والله عطوه الي يبيه وهو يشبع

سامي بحده: سما.. موكذا

سما: وليه مو كذا.. حنا ببيتنا وقدام امنا وابونا .. ماهو صح يما

ام مشعل: الا صح وصح يما

بومشعل: نور وين

ساره: لساها نايمه

بومشعل: روحي صحيها

سما: وصحي معاها لينا

ساره: حاضر .. انتي تامرين .. ايش طلباتك بعد

سما: شكرا وياليت تعجلي بالفطار ممكن؟..

ساره: ياربي صبرك

سامي: ههههههههههههه وانتي ابد منتي عاتقه احد

سما: سيبها اصلها فرصه ..عمي

بومشعل: قولي يبا

سما: اقول انت عند قولك لي

بومشعل: ايوا عند قولي لك

سما: مهما يكون طلبي

بومشعل: مهما يكون طلبك .. قولي ايش هو

سما: طلبي يتوقف على موافقة نور لسامي

بومشعل: ايوا.. نور.. تجي ونشوف

سما: الان عاد

بومشعل: ايوا الان ليه في شي

سامي: انت فاتحتها

بومشعل: ايوا

سما: متى مالحقت

بومشعل: الا لحقت

سامي: لا ما لحقت.. وهي بعد ماخذت وقت تفكر

بومشعل: طول البال .. تجي وتشوف

سامي: بس ياعمي

بومشعل: لا بس ولا غيره

نور: صباح الخير

بومشعل: صباح النور يا نوري

سامي: ايش فيها عيونك كذا

نور: مافيها شي

سامي: الا فيها ايش صاير ياعمي

بومشعل: ماصاير غير الخير

سامي: ماني حاس

بومشعل: سامي .. بتكذبني؟!!!

سامي: محشوم ياعمي

بومشعل: نور يبا

نور: سم يبا

بومشعل: فكرتي بالكلام الي قلته لك

نور: ايوا

بومشعل: ايش قلتي

نور: موافقه

سامي: موافقه على ايش

نور: خل ابوي يقولك

سامي: نور تعالي

سما: خلها بتكلم معاها

بومشعل بحده: خلك مكانك.. نور تعالي هنا .. نوووووووور

ام مشعل: خير ليه الصراخ

سامي: يما قولي الصدق نور مالها

بومشعل بحده: يعني اكذب عليك ياولد

سامي:لا ياعمي ماقلت كذا بس عيونها تقول غير كذا

بومشعل بحده: عيونها تقول اني اكذب عليك يا ولد

سامي: لا بس

بومشعل بعصبيه: بس.. نووووووور.. نووووووووووور

ساره: اروح ان..
.
بومشعل: مكانك .. نووووووووور.. يانور

نور: خير يبا

بومشعل بعصبيه: ليه ماتردي .. ننادي عليك .. ليه ماتردي

نور: سلامتك كنت عند العيال

بومشعل: كنتي عند العيال نايمين ولا صاحين

نور: نايمين يبا

بومشعل: دامهم نايمين .. اقعدي افطري

نور: حاضر

بومشعل: ها ياسامي ايش بغيت تقول لزوجتك

سامي: ها .. لا بس موافقتها جات بسرعه.. اخاف انها وافقت خوف منك ياعمي

بومشعل: ها يبا انتي وافقتي خوف مني

نور: لا يبا

بومشعل: يعني تبينه

نور:...................

بومشعل: يايبا ليه الحيا الان هذي موافقت زواج قولي.. ايوا او لا .. لا تخافين

نور بحيا: ايوا

سامي: ايوا على ايش

نور:....................

بومشعل: ردي على زوجك يبا

نور: موافقه ياسامي .. بس لي شرط

سامي: انت تامري

نور: انا مابترك امي .. عاد انت وكيفك.. هذا شرطي

سامي: لك الي تبيه

نور: من جد

سامي: ايوا من جد.. ماراح تتركيها ولا هي تتركك ولا انا بتركها بعد في حد يترك امه

ام مشعل: ياربي يخليك لي .. ياعيني انت .. ماتعرف ايش يبي يستوي فيني اذا خذتها عني .. انت عيني وهي نور عيني .. الله يخليكم لي واشيل عيالكم وعيال مشعل معاكم

نور: مشعل؟!!

سما: مبروك يامرت اخوي

نور: الله يبارك فيكي عقبالك

ساره: وعقبالي انا بعد

نور: وعقبالك انتي بعد

بومشعل: ها خلاص ارتاح بالك ياسامي

سامي: الله يريح بالك ياعمي ويفرحك بالعيال انشاالله

بومشعل: بس ها ماوصيك تراها نور .. هذي نور العين عاد

سامي: بشيلها بقلبي ياعمي .. هذي الغاليه بنت الغالي

سما: مبروك ياروحي انت

سامي : يباركلي فيك ياعمري انتي.. مبروك يانور

نور:...................

سما: واااااااااااااااااااي على الاحراج .. خلاص لا تنتظر منها رد .. يكفي عيونها

نور: سكتي انتي .. الله يبارك فيك

بومشعل: اقول بلا دلع وكلام فاضي.. ترانا واقفين احترمو وجودنا انت وياها ترا والله احلف انو تملك عليها الان

سامي: هاااا

سما: ياربي .. تراها وصية ابوي

بومشعل: كيف يعني

ساره بهمس شديد: تعمل نفسك ماسمعت شي البارح ها؟

بومشعل بهمس: بس يابنت

سما: ابوي جا لسامي بالمنام وقاله انو ملكته على نور اليوم

بومشعل: من صدقك انت

سامي: أي والله .. من مصدق

بومشعل: نكمل فطار ونروح نملك .. ايش قلت

سامي: ايش اقول ؟!!! اقول بلا فطار ونروح الان

بومشعل:هههههههههههههههههه

سما: ههههههههههههههههههههههه

ام مشعل: عيني ولدي مستعجل .. وغلاتي يابو مشعل قومو الان وخلونا نفرح

بومشعل: اتصل على اخوانك يا سامي .. يلا قمنا

***************************

في بيت راشد - في مجلس العزا-

بومشعل: مرحبا بالرجال .. وينك ياخوي فقدتك

سلطان: تعرف ياخوي ماودي اتركك لحظه بس انا خايف على العيال من وجودي

بومشعل: يعني ماجيت اليوم الا وانت مأمن الطريق

سلطان : ايوا الشخص الي يراقب البيت رجع مكانه

بومشعل: وعرفت مكانه وين

سطان: ايوا عرفت

بمشعل: بشر سماح معاه

سلطان: لا .. المكان خالي تماما من أي انسان غيره

بومشعل: طيب اكيد هو رجع وخلى احد مكانه هنا

سلطان: تطمن مافي احد ابد

بومشعل:وعرفتو هو من

سلطان: ايوا هو جابر ابو العيال

بومشعل: طيب ليه ماقبظت عليه ياخوي

سلطان: لا تستعجل ياخوي دام سماح ماهي عنده ما بينفعنا وجوده عندنا بشي خله يتحرك تحت عيوننا .. يمكن يوصلنا لشي

بومشعل: خلني اعرفك على سامي .. ياسامي

سامي: سم يا عمي

بومشعل: هذا عمك سلطان صاحب ابوك الله يرحمه.. الي كلمتك عنه

سامي: حيا الله عمي سلطان

سلطان: الله يحيك وانا عمك .. عضم الله اجرك

سامي: اجرنا واجرك ياعمي.. بشرني عنك انشا الله طيب

سلطان: بخير ربي يسلمك

سامي: بشرني عمي مافي اخبار جديده عن سماح

سلطان: مافي جديد ينذكر وانا عمك .. طول البال وانشا الله خير

سامي: حنا لازم نقعد مع بعض

سلطان: اكيد وانا عمك لازم اقول لكم على التحركات الجديده الي لازم تتبعوها.. هذي عصابه ماهي هينه.. اكيد بيحاولو يتصلو فيكم .. الا ماحد اتصل فيكم لحد الان؟!!

سامي: لا والله

سلطان: تلفون ابوك وين

سامي: اااااااااه مع خالد .. ولسا منتبه انه مسكر

سلطان: خذه من اخوك وفتحه خله معك اكيد بيحاولو يتصلو فيك

سامي: انشا الله عمي

ناصر: السلام عليكم

سلطان: عليكم السلام

بومشعل: عليكم السلام

سامي: اعرفكم عمي ناصر

سلطان: عضم الله اجرك ياخوي

ناصر: اجرنا واجرك .. الا من الرجال

سامي: هذا الاخ سلمان .. واحد من الي تعامل معاهم الوالد بتجارته

ناصر: حياك الله ياخوي

سلطان: تحيا وتدوم

ناصر: الا قولي اخوي سلمان .. عسا تجارتك مع اخوي الله يرحمه كانت رابحه

سلطان: الحمدلله

ناصر: وعساها دخلت عليك مبلغ محترم

بومشعل: اقول اخوي سلمان حياك معاي اعرفك على عيال المرحوم

سلطان: حياك ياخوي

بومشعل: هالرجال محد يطيقه ابد.. كيف هذا اخو راشد ماني عارف

سلطان: عجبني سامي ذكائه حاد .. غير اسمي حتى محد يعرف عني شي

بومشعل: سامي يعجبك .. رجال من ظهر رجال .. لا واليوم ملك على بنتي

سلطان: والله ؟!!! .. والله ياخوي ماني عارف ايش اقول اعزي ولا ابارك

بومشعل: لا عزي ..وعقب كم يوم انشالله تبارك

سلطان: بس عارف الزواج صار لصالح العيلتين

بومشعل: ايوا ادري .. العيال فكرو اننا نعبش مع بعض أأمن للكل

سلطان: هذا الراي الصح .. أأمن لبناتك وانا اخوك

بومشعل: معاك حق..

***************************

بيت راشد - في الصالة عند الحريم-هدى: سما
سما: نعم ..

هدى: امي تبيكي

سما: حاضر


ام خالد: ها وينها

هدى: جايه يما

سما: خير عمتي بغيتي شي

ام خالد: بغيت اقولك اني راح انام عندكم الليله انا وهدى

سما: خير!! في شي

ام خالد: ابد بيت اخوي وابي انام فيه

سما: انتي تنوري عمتي البيت بيتك بس هدى لا

ام خالد: هذا كلام تقوليه ياسما .. ايش فيكي على بنت عمتك

سما: ابد ياعمتي هدى حبيبتي ومابيني وبينها شي

ام خالد: اجل هذا رد تقوليه؟.. بدل ماترحبي بيها وبعمتك تقوليلي هدى لا

سما: ياعمتي قلت لك البيت بيتك بس انا عندي شباب .. الله يحفظهم سته .. وهدى صحيح بنت عمتهم .. بس ماتحل عليهم .. انا مابربط اخواني بغرفهم عشان بنت عمتي .. لو كان وجودها لحاله اظطراريه بقول عادي.. بس ماله داعي نومتها هنا .. الزم ماعلي راحة اخواني

ام خالد: معاكي حق بس مثل منتي شايفه بنت عمتك هاديه والعيبه ماتطلع منها.. محد بيلاحظ وجودها

سما: عمتي اسمحي لي .. نومتها هنا ماراح اوافق عليها .. وبصراحه اكثر ما بعيد سالفة مرام مره ثاينه .. حتى لوزعلتي .. اخواني اهم عندي

ام خالد: يعني انتي شايفه هدى مثل مرام؟!!

سما: والله عاد مثلها غير عنها .. مو مهم عندي .. المهم اني ابعد المشاكل عن اخواني .. الزم ماعلي راحتهم .. اسمحي لي عاد

ام خالد: درب مايرد انشالله

ام احمد: ها ايش قالت

ام خالد: مارضت قليلة الحيا

ام احمد: ايش قايله لك انا

ام خالد: قلتي وماصدقتك .. بس بعد عابت على بنتك .. وبنتك هذي خربت على نفسها وعلينا بعد

ام احمد: عاد ايش نقول هذا الي صار

ام خالد: لو مو حركتهاعاد كنا زوجنا هدى لخالد ولا سالم .. عاد يقولك اخوي ترك خير يغطي عين الشمس

ام احمد: ايوا .. ناصر يقول خير ماله اول من تالي

ام خالد: حسبي الله على بنتك .. كان صار لنا نصيب فيه

ام احمد: عاد هذا الي صار لا تقعدين تدعين على بنتي

ساره: اقول سما

سما: خير

ساره: شوفي عمتك وزوجة عمك صارلهم زمان وهم يهمسو لبعض الله يجيرنا

سما: اشوفهم .. ادري ايش يتكلمو فيه .. اصبري شوي واوريكي ايش اسوي بعد صلاة المغرب

ساره: الله يستر.. بس لو درو عن زواج نور وسامي ايش بيعملو

سما: الله يستر

***************************


في مجلس العزا

سامي: خير خالد تدور علي؟!!

خالد: سامي هذي برقيه من هزاع بن محمد

سامي: هزاع والله فيه الخير

خالد: يعتذر لانه مسافر .. ويقول مادرا انو الوالد توفي غير اليوم الصبح .. يقول بعد انه بيكون عندنا بكره او بعده

سامي: معذور .. مانشره على حد .. يكفي وقفته معانا.. والله ماقصر .. وبعدين عادل يجي كل يوم وهذا يكفي

خالد: اقول

سامي: سم

خالد: مبروك.. ترا ماباركت لك

سامي: ياربي والله اني بطير من السعاده

خالد: عشان البنت اكيد

سامي: عشان اني شفت ابوي .. والله اني مرتاح .. احس انها صخره هم وانزاحت عني

خالد: الله حابك .. الحمدلله .. والبنت قعدت معاها؟

سامي: لا والله ماقعدت ولا اتصلت

خالد: حرام عليك عاد .. كفاها ماجاها

سامي: عيب عليك.. ماني قاصدها .. منتظر لحد الليل واروح لها

خالد: الله يكتب لك الخير فيها .. تراها تستاهل

سامي: الله يسلمك ياخوي .. وياربي اشوفك معرس قريب

خالد: انا؟!! خلهاعلى الله يارجال

سامي: فيك شي؟!! .. صح

خالد: انا؟!! لا ابد .. سلامتك

سامي: بنتكلم بعدين .. مو وقته الان

بومشعل: ها يبا.. خير .. فيكم شي

خالد: سلامتك ياعمي ابارك له بس ومبروك لك انت بعد

بومشعل: والله ياخالد لو ماهي وصية راشد ماكنت عجلت بالزواج ذا

خالد: ياعمي.. الولد ولدنا والبنت بنتنا ومحد له عندنا شي

بومشعل: صدقت

سامي: عمي ترا هزاع بن محمد بعث برقيه .. يعزي و يعتذر.. يقول انه مادرى عن ابوي غير اليوم

بومشعل: فيه الخير

سامي: الا عمي سلطان مشى

بومشعل: ايوا مشى .. بغيت شي؟!!

سامي: سلامتك بس ما حددنا موعد معاه حتى..........

بومشعل: لا تقلق.. بتلاقيه بنفسه يدق عليك ويحدد معاك موعد

***************************

في بيت راشد -في الحديقه-
فيصل: ايش الاخبار نمت كويس

محمد: أي والله ماحسيت بنفسي.. وصلنا بيت عمي بومشعل .. كنت ادور السرير بس.. رميت نفسي عليه ورحت بنومه عجيبه

فيصل: اما انا ما قدرت انام .. جلست افكر كثير.. كان ودي اكون مكانك .. وحشوني العيال

محمد: انا سمعت انهم بيظلون ببيت عمي بومشعل لحد ماترد سماح

فيصل: ماني موافق.. على كيفهم هذول عيالنا ليه نتركهم ببيت الناس

محمد: انت مادريت عن خالتي ام مشعل

فيصل:خير ايش فيها

محمد: يقولو انها تكلمت اول ماشافت راشد

فيصل: والله؟!!

محمد: ايوا .. سامي قال لي.. يقول بعد يخافو يخاذو العيال منها يصير عليها شي مسكينه يقولك من
شافت راشد وهي تناديه مشعل

فيصل: مسكينه

محمد: ياخوي بيت عمك طول عمرنا واحنا فيه وعايشين معاهم .. متى مابغيت تشوف العيال دق عليهم
تلفون وروح محد بيقول لا.. وبعدين سما تقول هناك أأمن للعيال احسن مايجي حد للبيت هنا وحنا غافلين مع الناس ويعمل لهم شي

فيصل: ايوا محنا ناقصين .. كفايه سماح

سالم: ايش عندكم تتكلمو فيه

فيصل: سلامتك اقول العيال وحشوني وابي اشوفهم

سالم: الليله بعد مانخلص بنروح كلنا بيت عمي بومشعل

محمد: ايواااااااااااااااااااااااا.. الليله عندنا معرس

سالم: قصر حسك .. لاحد يسمعك

فيصل : لا تخاف الناس بعيده عنا

سالم: وعمك ناصر نسيته.. هذا يسمع مشية النمله

محمد: ههههههههههههههه

فيصل: ابي العزا يخلص بسرعه بس حتى اخلص من شوفته

سالم: لا تقول كذا هذا عمك

محمد: من صدقك انت !! .. محد قادر يطيقه ابد.. انت عارف مسكني اليوم اول ماجيت وسألني .. انتو وزعتو الورثه ولا لا

سالم: من صدقك !!

فيصل: ايوا انا شفتهم بس ماكنت معاهم.. قال امسك اصغر واحد فيهم واخذ منه الحكي

محمد: هههههههههههههه محسبني غبي مثله

سالم: وانت ايش رديت عليه

محمد: بقولك بس ماتعصب علي

سالم: الله يستر منك

محمد: بديت تصارخ .. انا ماقلت لسامي عشان خايف يعصب علي

سالم: وبعد سامي مادرى .. قول الله يستر

فيصل: قال له "اذا صار لك نصيب في الورثه تعال واسأل عنه .. ودام انه مالك شي في الموضوع .. ياريت تحترم نفسك ولا تتدخل في شي مايعنيك"

سالم: بعدي والله.. والله انك سويت الي محنا قادرين عليه

محمد: يعني ماهو غلط

سالم: الا..غلط.. بس تبي الصدق انا سعيد..

محمد: هذا انت وسعيد .. الله يستر من سامي بيبهدلني.. هو محذرنا محد يقترب من عمي ناصر الا نعطيه خبر الاول

فيصل: الصراحه هذا زودها.. والله خايف تجي ساعه وامد يدي عليه فيها

سالم: ظبطو اعصابكم مانبي مشاكل معاه .. وخلوني اقول لسامي

محمد: الله يسلمك ياخوي لا تقوله الان تراه بيبهدلني

سامي بعصبيه: خير من ذا الي يبهدلك وانا عايش

فيصل: ياخوي هو..................

سامي: اسكت انت.. تكلم يا محمد .. من غلط عليك وليه ماقلت لي

سالم: لاتعصب.. تراه بيقولك كل شي

سامي: اقول اسكت انت بعد.. انا ايش قايل .. ماقلت أي شي يصير تجو وتقولولي

سالم: طيب لا تعصب تراه خايف منك.. اهدى شوي وهو يقولك

سامي بحنيه: تخاف مني انا.. هذا وانت الغالي.. قول يا محمد وانا اخوك .. تظن بعصب عليك وانت حبيبي فيهم

محمد: عمي ناصر سالني عن الورثه

سامي: وبعدين؟!!!!

محمد: قلت له ..................

سامي: ايوا ايش قلت له.. قول مالك خايف كذا

محمد: قلت له اذا صار لك شي فيها تعال واسال عنه .. ودام انه مالك شي.. ياريت تحترم نفسك ولا
تتدخل في شي مايعنيك

سامي: بعدي والله

محمد: والله!! منت زعلان

سامي: لا .. ماني زعلان

سالم: مالك سامي

سامي: ضاق صدري من هالرجال.. ايش اعمل معاه .. عجزت والله .. كلمته بالطيب بالصراخ مانفع

فيصل: قايل لكم.. هذا يبغيله بوكس من ايدي يعدله

سامي: الظاهر انو انا الي بسويها معاه ماهو انت

سالم: طول بالك ياخوي .. كلها هالساعتين ويخلص العزا وينقلع الله لا يرده

محمد: الا هو ليه يسأل عن الورثه كذا.. ايش له فيها

سالم: ماله شي طبعا .. بس هو يحب يدخل نفسه في اشيا ماله دخل فيها

سامي: ياخوفي بس .. فهد وين ماني شايفه

فيصل: نايم.. طول الليل ما نام سهران يراقب .. لا.. وركب كاميرات بعد

سامي: روح صحيه الناس تسأل عنه.. قوله يستحمل هالساعتين وبعدين ينام براحته.. محمد قوم اقعد داخل عند الرجال وابيك تطالع عمك بعصبيه.. واياك تنزل عينك او تكسرها قدامه

سالم: ياخوي .. رد عليه وخلاص لا تكبر راسه عاد

محمد: الا بكبره هو غلطان ماهو انا

سامي: قوم وكبر راسك .. واذا كلمك مره ثانيه رد عليه لا تسكت

************************

داخل البيت عند الحريم
ام عدنان: سما

سما: نعم خالتي

ام عدنان: اقول ياروحي .. ايش رايك لما يخلص العزا تجين مع بنات خالتك الليله تنامي معاهم

سما: واترك بيتي ياخالتي

ام عدنان: ماتتركيه يما .. هي كلها ليله وحده غيري جو

سما: تسلمين ياروحي .. راحتي مع خواني

ام عدنان: اذا انك خايفه من قعدت الشباب بالبيت ابشرك تراهم الليله بينامو عند واحد من ربعهم عازمهم

سما: ياربي خليكي لي ياخالتي.. بس ماودي.. خليها مره ثانيه

ام عدنان: تراني ماني غربيه يا يما ان اخت امك


سما: على راسي ياخالتي والله يشهد انو غلاتك من غلاتها الله يرحمها

ام عدنان: الي يريحك يما

ام خالد: اقول اتركيها عنك يا ام عدنان تراها كذا .. تحب تلزق بخوانها كانهم بيطيرو

ام عدنان: ايوا هذا السنع .. اجل تترك اخوانها لمين

ام خالد: بيجي اليوم الي بتتركهم فيه وتروح مع رجلها ولا انتي منتي ناويه تتزوجي ياسما

سما: الا ناويه.. ناويه اخذ واحد متربي ويعرف السنع زين .. غير كذا ماراح يلاقي غير الرد الي عطيته
لولدك خالد لما جا يخطبني

ام عدنان: بسم الله الرحمن الرحيم ايش فيكم هبيتو ببعض كذا

سما: اقول خالتي

ام عدنان: قولي يعيون خالتك

سما: ايش رايك تنامي عندنا الليله انتي والبنات

ام عدنان: يا يما ان بغيتيني من عيوني انام عندك .. بس البنات .. لا

سما: ليه يا خالتي .. هذا بيت خالتهم يعني بيتهم

ام عدنان: ايوا بيت خالتهم ماقلنا شي.. بس يا يما اخوانك شباب .. مابياخذو راحتهم وبناتي هنا

سما: يسلم سنعك ياخالتي.. اقول عمتي

ام خالد بقرف: خير

سما: تراني قلت للخدم ينزلو شنطك انتي وهدى ويخلوها بالسياره .. والسواق جاهز انه يوصلكم.. تراه ينتظر اشاره منك

ام خالد بتريقه: سنعه يابنت اخوي

سما: تربيتك حبيبتي

ساره بهمس: يالله ياربي ودي اصير كذا

سما: قوي قلبك وانتي تصيرين

ساره : الله يعينك عليهم مافي وحده منهم عدله معاك

سما: هذا النصيب عاد ايش نعمل

ساره: اسمعي انا لازم امشي .. بسبقك للبيت وانتو الحقوني

سما: وليه انشا الله كلها نص ساعه وبنمشي

ساره: ابي اروح اشوف اختي .. وانتي بعد .. قعدي شوفي اخوانك

سما: اتصلتي سألتي عن العيال؟

ساره: ايوا .. خذتهم امي مع نور ولينا وراحو المستشفى .. كل شي بخير تطمني ..

سما: طمنتيني الله يطمنك ياربي

ساره: ابي منك شي

سما: عيوني لك .. ايش في خاطرك

ساره: ودي انك تنامي الليله وتريحي نفسك ممكن

سما: وليه ايش مخبيه لي انشا الله

ساره: ماني مخبيه شي .. بس منتبهه عليكي انك مانمتي امس بالمره

سما: لا نمت.. لا تقلقي علي انا بخير.. بس

ساره: لابس ولا غيره .. اسمعي مابعرفك امس واليوم حنا نعرف بعض من زمان .. انتي مانمتي من كم
يوم .. هذا ماهو بصالحك انا ادري انك تضحكي قدام الكل وانت في داخلك نار .. وادري بعد انه مافي حل .. بس انتي بكذا ماراح تحلي شي ابد .. لا بتقدري ترجعي ابوك ولا حتى اختك.. نامي وارمي حمولك على الله .. بكره هو يحلها من عنده

سما: والنعم به .. الله يفرجها

ساره: اسمعي انا لازم اروح اشوف نور.. اكيد اخوك بيقعد معاها .. وانا عارفه اختي حايسه مابتعرف تتصرف

سما: طيب .. خليها تخف من حدتها معاه تراه يحبها كثير

ساره: ادري والله.. لا تخافي بقولها .. بس لا تتأخرو .. ترا امي مسويه عشا الليله

سما: ايوا قال لي سامي

ساره: يلا سلام

سما: سلام ياروحي

********************************

في غرفة فهد

فهد: سما ترا والله انا مانمت وماني قادر اروح

سما: يلا عاد .. بنسوي حفله صغيره لسامي وعيب عليك ماتكون موجود

فهد: طيب هو بيروح لزوجته وبيقعد معاها.. انا ايش يخليني اروح .

سما: فيه عشا

فهد: يعني بيتنا خلى من الاكل

سما: بلا دلع بتروح يعني بتروح.. وقوم اغتسل وبدل ملابسك .. ابيك معرس الليله

فهد: وليه انشا الله

سما: يعني بنروح لحبيبة القلب

فهد: هاااااااااااا

سما: عيني بعينك ياخوي .. ماتحبها؟!!!

فهد: من هي.. صاحيه انتي؟!!

سما: من هي ؟!! قال من هي قال.. فهد

فهد: اقول اسكتي شكلك انتي الي محتاجه نوم ماهو انا

سما: طيب ليه تخبي

فهد: اخبي ايش

سما: ليه ماتقولي انك تحبها

فهد: من هي عاد

سما: مرام بنت عمتي

فهد: منننننننننننننننن؟!!!!!!! اعوذو بالله مرام عاد ايش ناويه تبيني اموت

سما: شوف اذا ماقلت لي تراني اسويها واخطب لك مرام وبشوف مين بيعارضني ساعتها


فهد: لا يا شيخه اياك تعمليها .. الا مرام

سما: اعترف يلا

فهد: انتي من متى تدرين

سما: من زمان .. اشوفك واشوف نظراتك .. احس فيك .. بس مافي يدي شي.. حزن امي ابوي مكتفني ما كنت اقدر اسوي لك شي

فهد: حبيبة فلبي والله ياختي .. بس.. الوقت ماهو مناسب

سما: الا مناسب واحسن من كذا مانلاقي

فهد: ايش ناويه عليه انتي

سما: يجيك العلم

فهد: طيب وهي .. تعرف؟

سما: هي ؟!!! ههههههههههه ولا تدري بالدنيا

فهد: طيب كيف بتفتحي الموضوع

سما: اتركها على الله وعلى اختك

فهد: سما اقول لاتستعجلي ..خليني اشوف البنت بالاول .. خليني اتأكد بنفسي

سما: تأكدت انت ولا انا.. ايش بيفرق ماهو النتيجه وحده.. وانا اذا اتظرتك ولا عقب سنه اخطبها لك ..
خلني اتصرف وماعليك

سامي: ايش عندكم انتو كل مادخلت على حد الاقيه يوشوش الثاني

سما: وااااااااااااااااااااااااااااااااااااي ايش هالحلا ايش هالجمال ياربي تحفضك وتحميك محظوظه نور
فيك

سامي: عجبتك

سما: بدلتك لا يقه على لون عيونك ياسامي

سامي: يعني اعجب؟!!

فهد: تعجب يا ماما تعجب يا حبيبي .. خلصوني ابي ارجع انااااااااااااااااااااااااااام

سما بخبث: متأكد انت بعد الي قلناه بتنام

فهد: اقول انسي الي قلناه .. وانا رايح البس

سما: تلبس مثل ماقلت لك فاهم

فهد: بكره نتكلم

سما بحده: فهد تعااااااااااااااااااااااااااااال

سامي: ايش ناويه عليه

سما: ناويه على الخير.. يلا ننزل

محمد: وينكم ماجهزتو يلا عاد ابي اشوف العيال

سما: يلا حبيبي.. فيصل وين

محمد: فيصل وسالم بالسياره

سامي: وخالد؟!!

سما: انا قايله له يجهزلي الفيديو والكاميرا

محمد: بروح اشوفه عجلو .. ترا والله امشي عنكم

سما باستغراب: حلوه هاذي

سامي: ههههههههه انا مكبر راسه .. امشي بالسياره اقولك

***********************


في بيت بومشعل

بومشعل: حيالله من جا .. ياهلا ومرحبا

خالد: تحيا وتدوم عمي

بومشعل: وين المعرس

فهد: بالسياره ورانا عمي.. لا تقلق جبنا لكم ولدنا صاغ سليم وماهو ناقص فيه قطعه

بومشعل:هههههههههههههه وهو انت جايبه لي.. جايبه لحرمته

فهد: اقول جعل لنا نصيب مثل نصيبه بس

بومشعل: انت انوي وانا حاضر لك الان اروح اخطبها لك

خالد: اتركه عنك هذا مايترك عنه

بومشعل: ليه ياولدي ماعليه قاصر .. فهد رجال والنعم فيه

فهد: ياربي يخليك لي

بومشعل: حياكم ياعيال .. حياكم

خالد: مسا الخير.. يما كيف حالك

ام مشعل: هلا وغلا يما .. وحشتني يايما .. وينك يايما من زمان عني

خالد: لسا من اسبوع عندك يما

ام مشعل: واسبوع شوي يايما .. انا اذا ما اشوفك انت واخوانك انجن يما انجن

فهد: بعيد الشر عن عيونك يما .. عساه فيني ولا فيك

ام مشعل: ياعمري انت بعيد الشر عن عيونك .. وانت يالي ماشوفك غير بالمناسبات وينك.. ماغير يبغالك
قرص وذانك حتى متنسى تسأل عني

فهد: ااااااااي يما اذني .. يما ما اعيدها خلاص وغلاتك يما رحميني

ساره: هههههههههههههههههههههههههه

خالد: هههههههههههههههههههههههههههه

لينا: هههههههههههههههههههههههههههههههههه

فهد: تضحكين انتي بعد شوفي دبره وفكيني من ايدها

ساره: كلهم ضحكو اشمعنى انا الي تبيني افكك

فهد: عشان هي تحبك اكثر مني .. عشانك بتتركني

ام مشعل: وبعد طويل لسان .. من متى احب احد اكثر من الثاني

فهد: طيب وغلاة فهد اتركي اذنه

ام مشعل: هذا عشان خاطر حبيبي فهد بس

فهد: والله يما من صدقك

ام مشعل: ايش هو الي من صدقي

فهد: انو فهد حبيبك

ام مشعل: حبيبي ونظر عيني بعد

فهد: سويره تراني حبيبها ونظر عيونها

ساره: ايوا ايش الجديد بالموضوع!!

فهد: اقول جهزي عمرك

ام مشعل:ههههههههههههههههههههههههههههه

ساره: بسم الله علي ايش اجهز عمري له

فهد: يعني اقول .. اذا طلبت منها انها تذبحك بتذبحك لجل عيوني

ساره: عاد عطيناك وجه .. بس لا تصدق نفسك عاد.. قال تذبحني قال

خالد: ها .. ابتدينا انت وياها

فهد: وانت ايش دخلك .. انا اكلم بنت عمي

ساره: ياربي الصبر.. ما اخلص من سما حتى تجيني انت

فهد: انا ثقيل كذا

ساره: واااااااااااي منت حاس بنفسك .. ياثقلك يافهد .. من صدق اكره وجودك من كثر مادمك ثقيل حيييييييييييييييييييييييييييل

فهد: افااااااااا !!!!!!!!!! انا اسف

خالد: فهد ايش فيك.. وين رايح

فهد: بشوف العيال

خالد: خذني معاك

فهد: لينا ورينا الدرب

ام مشعل: الله يقطع لسانك هذا كلام تقولينه

ساره: امزح يما

ام مشعل: هذا مزح .. شوفيه حط في خاطره

ساره: ماعليكي منه بس .. مايزعل هذا.. يجيكي الان ويزيد من ثقل دمه

ان مشعل: بس لا اسمعك تتكلمي معاه كذا فاهمه

ساره: حاضر .. وان بغيتي ما اقعد في مكان هو فيه .. يرضيكي كذا

ام مشعل: لا مايرضيني .. خلك عاديه معاه.. سامعه

ساره: حاضر.. تبيني اعتذر منه بعد

ام مشعل: تتريقي علي يا بنت

ساره: ايش اسوي يعني يما.. رجال يزعل وتبين البنت هي تراضيه.. وين صارت هذي

ام مشعل: بس.. ايش قلنا

ساره: حاضر تامرين امر

ام مشعل: كل شي جاهز؟

ساره: ايوا ياروحي جاهز .. الورد والعطور جاهزه

ام مشعل: ومن غير صوت او موسيقى فاهمه العيال زعلانين على ابوهم مانبي نضايقهم

ساره: اكيد يما .. لا توصين حريص

ام مشعل: واحرصي على فهد بعد.. ما ادري لي متى بتظلي غبيه كذا.. فتحي عينك شوي

ساره: ياربي حاضر .. والله قلت حاضر.. مابضايقه ابد خلاص ارتاحي انتي

سما: مسا الورد

ام مشعل: مسا الورد على وردتي

سما: يما.. ماتتخيلي فرحتي بيكي وانتي تتكلمي .. والله كل ما اسمع صوتك احس بروحي تردلي

ام مشعل: الله يخليكم لي ياعيال .. والله انه دخلتكم علي ترد لي الروح

سما: اجل عندي لك بشاره بتفرحي لها كثير

ام مشعل: والله ايش هي فرحيني

سما: بعد شوي اقول قدام الكل.. الا العروس وين

ساره: وينها بعد .. قاعده تنتظر حبيب القلب

سما: خليني اروح لها

خالد: سما تعالي شوفي العيال

سما: ياربي يسلم قلبه .. هذا مين

ام مشعل: هذا مشعل .. ومريم عند فهد هذا هي

سما: مشعل؟!!!!!!

خالد: هذا راشد يما

ام مشعل: اقول جيب مشعل عندي ورح جيب مريم من يد فهد

سما: فهد تعال انا هنا

خالد: سامي وين

سما: مع عمي

ام مشعل: ساره تعالي معاي ابيكي

فهد: وصلتو حبيبتي

سما بتريقه: لا لسا

فهد بنرفزه: طيب

سما: ايش فيك

فهد: سلامتك

سما: شوف مريم تبتسم في حضنك

فهد: شوفي عينها .. جمالها يهبل

سما: جمالها عادي بالنسبه لجمال ناس

فهد: اقول اسكتي بس

سما: وليه انشا الله

فهد بحده: شوفي لا تفتحين هالموضوع معاي مره ثانيه.. انا غيرت رايي خلاص

سما: ايش اقلبك انت الان لسا ميت عليها

فهد بحده: خلاص هالباب سكريه ..ممكن؟ ولا تعصبيني ترا اترك البيت وامشي

سما: طيب طيب.. لا تعصب ولاشي

فهد: خلاص

سما: بس وغلاتي لتقولي ايش صار

فهد: في البيت اقولك

خالد: ايش عندكم تتهامسو

فهد: انا رايح لسامي

سما: خالد .. اخوك ايش فيه

خالد: هههههههههه لساها حبيبة القلب مسمعته كلام.. يكره الواحد في نفسه

سما: ياربي .. ياربي على هالبنت والله انو الاعمى يشوف وهي ماتشوف انه يحبها

خالد: والله ولاتدري عنه

سما: ايش اسوي بس.. يما

ام مشعل: سمي يما

سما: خليني اساعدك

ام مشعل: ماعندي شي يما خلك مرتاحه كل شي جاهز

سما: اجل ايش ناطرين.. ياسامي انا بروح لنور فوق شوي وتعال ورايا

سالم: جاهز يابطل؟

سامي: انكتم انت

سالم: ياقلبي اخيرا نور حليلتك

فهد: الله يبارك لك ياخوي

سامي: ويبارك لي فبكم

********************************
في غرفة نور
سما: ادخل ولا ممنوع اخت المعرس تدخل

ساره: ادخلي عشان تضحكي

نور بعصبيه: وبعدين

سما: ياربيييييييييييييييييييييييييييييييي بينخبل اخوي .. موكذا عاد بتجنني الولد .. ايش هالجمال

ساره: اسكتي بس لا تصدق عمرها

سما: خليها ياعمري يحق لها .. ياربي .. خايفه على اخوي من جمالها لا ينخبل .. ساره

ساره: نعم

سما: روحي قولي لهم سما تقول نور تبي تأجل جيته لحد بكره .. خليهم يمشو

نور: وين يمشو انتي بعد

سما: هااااااااااااااااااا يعني تبينه .. تحبينه

نور بحيا: بس عاد

سما: شوفي تراه متحلف فيكي الليله .. هذا انا اقولك.. سمعيه هالكلام واجد تراه يحبه منك

نور: ياويلي هو قالك

سما: ايوا هو قال

نور: ياويلي خلكم معاي لاتتركوني

ساره: والله انا ما اعرفك

سما: وانا بعد

ساره: كله ولا انه احد يقولي امسكي الباب وفارقينا

سما:هههههههههههههههه ولا يمسكنا من شعورنا ويرمينا برا

نور وهي تبكي: ياربي يبلغني فيكم .. وانتو مكاني .. واوريكم ايش اسوي فيكم صبرو علي

سما: هذي بكت من صدقها

ساره: امسحي دموعك لا تفضحينا.. بيهج الرجال منك وانتي كذا.. اسمعي لا تقعدي تبكي وانتي معاه.. خليها ليله حلوه

سما: أي والله .. واتركي سالفة مرام عنك .. خلاص سامي الان حليلك ..عيشو حياتكم.. خليها ليله حلوه تتذكروها على طول

نور: ياويلي هذا هو يدق الباب

سما: هههههههههههههههه حلوه هذي ياويلي

ساره: ياويلها افتح له الباب ولا لا

سما: ههههههههههههههه الا افتحي تبين تخلي اخوي واقف برا.. هي عاد تتصرف معاه

سامي: مسا الخير .. زوجتي وين

ساره: ههههههههههههههههههه متخبيه ورا سما

سما: ههههههههههههههههههههههه اصبر عليها شوي تراها من جد متوتره

سامي: نور .. نور

سما: سامي اصبر شوي

سامي بحده: ابتعدي انتي

سما: ااااي يدي شوي شوي علي

نور: اااااااااي يدي سامي

سامي بعصبيه: نور .. حتى بهاليله بعد

نور: يدي ياسامي

سما: سامي .. شوي شوي على البنت.. لا تبكيها عاد

سامي بعصبيه: طلعو برا شوي .. يلاااااااااااا

ساره: طيب طيب

نور: سامي ماقصدت اضايقك والله .. والله انو النار بقلبي احرقتني عليك .. حبيبي انا اسفه

سامي: ايش قلتي

نور: انا اسفه

سامي: لا الي قبلها

نور: هااااا

سامي: الكلمه الي قبل انا اسفه ايش هي

نور: حبي....بي

سامي: بعد

نور: سامي يدي

سامي: نور..بعد

نور: حبيبي

سامي: من جد تحبيني

نور: واموت عليك بعد

سامي: احلفي

نور: احلف على ايش

سامي: اني حبيبك

نور: والله انك حبيبي وروحي وعمري .. انا من غيرك ما اعيش ياسامي

سامي: تعالي بحضني

ساره: ياخوفي.. اخوك ناوي عليها

سما: اسكتي خليني اسمع

ساره: المشكله مافي صوت

سما: هذا الزين .. دام انه مافي صوت هذا معناه انهم متصافين

ساره: تأخرنا عليهم تحت ايش نعمل

سما: ما ادري

سامي: فيكم شي

سما: بسم الله الرحمن الرحيم

ساره: خبصت قلوبنا .. ها بشر اختي عايشه لسا

سامي: هههههههههههههههههههه عايشه لا تخافين ما اكل الناس انا

سما: يلا طيب تأخرنا

سامي: يلا يانور..

****************************

بوسط الحفله

فهد: ها امشي الان

سما: صاحي انت

فهد بضيق: ابي اروح انااااااااااااااام ممكن

سما: شويه بس

فهد: سما ابي.....................

سما: وبعدين يافهد .. ماصارت كلمتين سمعتهم منها .. اذا هي ماتعرف انك تحبها.. كيف تبيها تتصرف معاك .. يايما مو كذا اصبر لما اقولها واشوف رايها وصدقني اذا عرفت انك تحبها هي من نفسها بتغير معاملتها معاك ..لا تستعجل عاد

ساره: فهد ماتعشيت؟؟

فهد: لا تعشيت.. شكرا

ساره: فهد لا تزعل مني تراني امزح معك

فهد: تمزحين؟!!! صدق عاد

ساره: والله امزح .. فهد انت غالي عندي .. مو انا الي بضايقك بالكلام

فهد: غالي مره وحده .. من متى

ساره: من زمان زين.. ارضى علي عاد

سما: ساره

ساره: شوفيه قالب وجهه على .. والله كنت امزح

سما: طيب البنت واعتذرت .. وقالت لك انك غالي ايش تبي اكثر .. اضحك عاد ..

فهد: ساره سما تبي تقولك عن موضوع يخصنا انا وياك ياريت تسمعيها كويس .. يهمني رايك كثير.. انا جالس مع الشباب

ساره: ياربي .. بذبحه ايش يبغى اكثر من كذا.. بيجنني .. كنت امزح معاه بس قلبها جد

سما: يابنت انتي غبيه؟!!!

ساره: الكلمه هذي كثير ترددت على اذني اليوم

سما: لانك غبيه من جد

ساره: ايش مسويه انا عاد

سما: مانتي ملاحظه انو فهد مهتم فيكي كثير

ساره: اناااااااااااااا

سما: لا امي

ساره: من جدك انتي

سما: الصبر ياربي .. تحبي اقولها لك في وجهك ولا تستنتجيها

ساره: ابي استنتجها الاول

سما: على كذا عنس الرجال

ساره: أي رجال

سما: لااااااااااااااااا .. كذا حالك لا يطاق

ساره: ياربي شوي شوي علي

سما: طيب فهد يحبك .. يحببببببببببببببببببببببببك .. الليله جاي يطلبك

ساره: ايش؟!!!!!!!!!!!!!!!!!

سما: وصلت ولا لسا

ساره: ايش فيكم ياعيال راشد من مات ابوكم وانتو منتو صاحيين امس نور واليوم انا؟!!

سما: الصبر ياربي.. طالبه منك الصبر على هالبلوي

ساره: شوفي انا ماحب اخبي عليكي .. انا ما انكر اني فكرت فيه .. بس بعدين شفت نور وعذابها مع

سامي .. قررت اني ما اتمدى في مشاعري معاه

سما: اهاااااااااا عشان كذا تصديه بغباء

ساره: تقدري تقولي كذا.. بس من جد تفاجأت به االيله

سما: يعني تبينه

ساره: مادري

سما: ايش اقول للولد الان

ساره: لا تقولي شي .. شوفي انتو استعجلتو بنور لان نور تبي سامي من زمان .. اعطيني فرصه افكر بفهد شوي

سما: وين رايحه

ساره: رايحه احطله ياكل .. فديته ماكل شي

سما بتعجب: تعرفي ..

ساره: ايش

سما: انا الي طلعت غبيه

ساره:هههههههههههههههههههه كيف

سما: لسا عارفه انك انتي بعد تحبيه

ساره: هههههههههههههههههههههههههههه كنت ابيه هو يبتدي

سما: شاطره.. غلبتيه وغلبتيني معاه

ساره: اجل بنت ابوي على الفاضي

سما: صدقتي اخذتي منه الدهاء

ساره: هههههههههههههههههههه طيب خليني اروح العب باعصابه شوي

سما: شوي شوي على اخوي.. انتي من صوب واختك صوب ثاني.. شكلكم بتجننوهم يابنات بومشعل


********************

في الصاله
ساره: فهد تعال شوي

فهد: الله يستر

خالد: ايش فيك

فهد: سما اكيد فاتحتها شكلها مايبين انها موافقه ابد

خالد: توكل على الله وقوم شوفها

فهد: قمنا

خالد: خلك هادي معاها


في البلكونه

فهد: خير بغيتي شي

ساره: لحد الان زعلان؟

فهد: ساره

ساره: نعم

فهد: ايش ردك

ساره: الا بقولك

فهد: لا تقولين .. ابي ردك

ساره: ردي على ايش؟

فهد: على الي قالته سما

ساره: ايش قالت سما

فهد بحده: تبين تجننيني انتي

ساره : بعيد الشر عليك من الجنون انا ابي اخبلك بس

فهد: والله؟

ساره: ماقلت لي ايش قايل لسما تقولي عليه

فهد: .....................

ساره: لا تناظرني كذا.. ابي ايسمع منك

فهد: اهااااا .. جالسه تلعبين باعصابي يعني

ساره: انا العب باعصابك انت غالي عندي

فهد: من صدق انا غالي عندك ولامزح هذي بعد

ساره: بقولك صدق ولا مزح بس بعد ماتقولي ايش قايل لسما تقولي

فهد: قلت لسما ابي اخطب.. ابي وحده احبها من زمان مادرت عني اني اموت عليها .. واتحرى شوفتها..
يفز قلبي لجا طاريها اتعذر باي حجه عشان اجي لبيتهم واشوفها.. نفسي تواقف انها تكون حليلتي ..
وياليتها تحس مره فيني

ساره: من هالغبيه الي ماحست فيك

فهد: البقره الي قاعد اكلمها

ساره: عن الغلط ترا والله ارفضك

فهد: هااا ايش يعني انتي موافقه؟!!! ساره انتي موافقه

ساره: لا ماوافقت قلت ابي افكر .. ليه مو من حقي

فهد: الا من حقك

ساره: طيب خذ تعشى

فهد: قلت لك تعشيت

ساره: لا شايفتك ماتعشيت لاتكذب علي

فهد: وكيف شفتيني وانتي ماتدرين عني

ساره: والله!! .. داريه من زمان بس بستغبى

فهد: والله عاد .. طيب فكرتي ولا لسا

ساره: لا طبعا لسا

فهد: بسرعه بعطيك دقيقتين بس وبعدها انا بقرر عنك

ساره: صاحي انت

فهد: لا بستغبى

ساره: هههههههههه فهد لا اصبر شوي

فهد: طيب قولي احبك وانا اصبر

ساره: خييييييييييير لا طبعا

فهد: خلاص اجل انا رايح لعمي

ساره: لا .. اسمعني بس

فهد: قولي احبك

ساره: والله ما اقولها.. بتسمعني ولا امشي عنك

فهد: وين بتروحي عاد .. بمسكك بمسكك .. يلا قوليها

ساره: والله والله ما اقولها

فهد: هذا انا رايح لعمي..وخلي عنادك ينفعك

ساره: طيب ماتبي تسمع لساره حبيبتك ابش تبي تقول

فهد: ياعمري والله .. انتي حبيبتي وعمري.. وحياتي .. تدللي ياعمري قولي .. امريني

ساره: انتظر شوي مالك مستعجل كذا .. لسا موضوع امي ما انحل .. انا خايفه انه................

فهد: لا تقلقي .. حلينا الموضوع هذا من زمان

لينا: ساره

ساره: نعم

لينا: سما تبغاكم

***************************
في الصاله

سما: وين محمد وفيصل

لينا: مع العيال

سما: لينا الله يخليكي ناديهم

لينا: حاضر

بومشعل: خير يبا ايش فيك

سما: ابد يبا .. دامنا كلنا مجتمعين قلت اقولكم الي بخاطري ..

بومشعل: قولي الي بخاطرك يبا

سما: انا عندي طلبين

محمد: خير حبيبتي ايش فيك

سما: اقعدو ياروحي

بومشعل: شوقتيني قولي .. ومن الان طلباتك مجابه .. من غير ماتعرضينها وتطولينها

سما:ههههههههههههههههه حافظني انت

ام مشعل: قولي عاد شوقتينا

سما: حنا الليله نحتفل بزواج سامي ونور.. والليله ابي اطلب ساره لفهد

بومشعل: والطلب الثاني

سما: لااااااااااااا توافقون على الاول

بومشعل: ها ياساره ايش قلتي

ساره:..........................

سما: ابي اسمعك رايك يبا قبل لا اسمع ساره

بومشعل: انا لوعندي بنات غير هالبنات كنت زوجتهم لاخوانك يبا

فهد: يعني موافق عمي

بومشعل: موافق ياروح عمك

فهد: يما ليه ساكته.. متى بموافقه

ام مشعل: الا يما موافقه بس

سما: لا بس ولاغيره .. حنا فكرنا بعد موافقتكم طبعا اننا نشتري بيت يضمنا كلنا

محمد: ايوااااااااااااااااااا انا موافق

فيصل: وانا بعد

بومشعل: بس ياعيال.................

سما: بنعمل في البيت اقسام حريمي واقسام رجالي .. اسمناعايشين مع بعض.. ومافي شي بتخاف
منه ياعمي بناتك في ذمة رجال وانا واخواني بحضنك والعيال بحضوننا .. انا مابي خالتي يجرا عليها شي اذا قلنا بناخذهم

ام مشعل: لا ... تاخذوهم لا ,, خذو روحي ولا تاخذوهم مني

سما: مابناخدهم منك يما لا تخافين .. ابوي وصى انهم يكونو عندك والله

ام مشعل: من صدقك

سامي: ايوا من صدقها .. حتى لو ما رضيتو نعيش مع بعض .. بيظلو عندك يما لاتخافين

ام مشعل: انا موافقه

سامي: ننتظر موافقتك ياعمي

بومشعل: هالخطوه لازم نناقشها مع سلطان انتو عارفين ياعيال ان..................

سامي: ياعمي بيتنا اكيد مراقب .. واكيد هم عارفين تحركتنا كويس.. بيعرفو بيتنا الجديد لا تخاف

سما: انا في بالي فكره تعلمهم مكاننا لا تخاف .. بس ضروري نقعد مع عمي سلطان بالاول

بومشعل: ساره ايش رايك

ساره: في ايش يبا

سما: مو وقت غبائك يالداهيه .. عمي انا خذت رايها وهي موافقه

بومشعل: خلاص نتوكل على الله

ام مشعل: ومشعل ليرجع كيف بيعرف مكاننا

****************************

تابعو في الجزء الرابع
ظهور هزاع
ظهور العصابه
احداث جديده ومثيره

اسف علي التأخير يا emomsa والله مشغوووووووووووووول جداااااااااااااااااااااا
القصة تذداد تشويقا ومتعة كل بارت وهذا ماجذبني للقرائته غير الاثارة التي تحتويها
انا قرأت البارتين اكثر من مره حتي اركز جيدا في الاحداث
ومعك حق مع مرور الاحداث وجدت الترابط بينهما انهما غير متباعدين الاخوة وروح الاسرة اكثر شئ اعجبني
وكمان اتفجأت بقوة شخصية سما غير انها حنونة لها شخصية قوية وجميلة ايضا

في تلك الرواية الرائعة والمتميزة
وبجد سعيد لفهد وسارة ونور وسامي
بخصوص العصابة التي ستظهر في البارت القادم هل سيكون لهم اثر قوي علي الاخوه
وهل سنفتقد احدهم هذا مايخيفني ؟
اتمني ان يحدث عكس ذلك
تقبلي تحياتي emomsa وهكمل تعليقي علي الرواية لما ارجع بيتي اللي مفتقدة كتيـــــــــــــــــــــــــر
واللي مخليني بعيد عنكم
تحياتي

بسبوسة


الله يسلمك......... يسعدني دائما مرورك واهتمامك .........


ولسه بدري على سعادة نور وسامي ..........



ومازال هناك....... المزيد......... والمزيد......... والمزيد.............. من الاثارة والتشويق ........

اخي ابراهيم

اشكر لك اهتمامك بالمرور مع انشغالك الكبير ... وربنا يبارك لك في عملك ... ونرى لك حاجة على الشاشة الكبيرة او الصغيرة او المسرح او نسمع في الاذاعة ....... ان شاء الله قريبا........


سما ليست قوية وحنونة فقط بل مغامرة وشجاعة .... سنرى ذلك في الاحداث القادمة ومع تسلسل الاحداث نكتشف صفة جديدة في كل شخصية من شخصيات الاخوة واسرار كثيرة سنعرفها مع الاحداث .



نور وسامي ... مازال لديهم مطب ... وورطة ... سنرى كيف يتغلبون عليها مع الاحداث ......




بالنسبة للعصابة وفقدان احد الاخوة ذلك ما نعرفه مع الاحداث ........



ويشرفني دائما مرورك الكريم وتعليقات الرائعة ........

مرحبا يااحلى جين واللهي وحشتيني ....



شكرا لاهتمامك وتلبيتك لدعوتي ........


حلوة نادي للقراءة ........ بدل المنتدى العام نسميه نادي القراءة ....... اسم جميل ........


بالنسبة لتعليقي على الرواية .... اظن انه ما ينفع لان الرواية اصلا مكتملة وانا قرأتها وعرفت كل احداثها وعلقت عليها من قبل ........ لكن انا سعيدة لانني انقلها لكم لتستمتعوا معي مرة ثانية بهذه الرواية الرائعة ............

السلام عليكم ورحمة الله وبركاته

لكل من هو مهتم بالرواية واحداثها .....



البارت ان شاء الله خلال لحظات ....................

تسلمين ياقلبي

وراح استناك

نبض قلبي

الجزء الرابع


في غرفة سما
فيصل: سما

سما: ياروحها انت

فيصل: حبيبتي باروح انا ومحمد بيت عمي بومشعل نشوف العيال

سما: اتصلو بالاول وخبروهم انكم جايين

فيصل: حاضر .. ترا خالد وسالم بالشركه .. فهد وسامي بيكونو معاكي بالبيت

سما: طيب ياروحي لاتتأخرو ببيت عمي

فيصل: حاضر


بعد شويه

فهد: حبيبتي

سما: ياروحي

فهد: انا عامل طلبيه كميرات وشوية اجهزه بستلمهم وجاي على طول ماني متأخر

سما: ماشي ياروحي .. شوي شوي وانت سايق

فهد: هههه اول مره اسمع هالجمله منك

سما: اسمع الكلام ولا تتأخر

فهد: حاضر



في غرفة سامي
سامي: ..الو هلا حبيبتي .. وحشتيني

نور: هلا ياعمري انت وحشتني اكثر .. سامي

سامي: يعيونه ..

نور: بروح انا وامي المستشفى شويه وراجعين

سامي: خير ايش فيكم

نور: العيال حرارتهم مرتفعه شوي الضاهر اخذو برد البارح

سامي: انا جاي مسافة الطريق

نور: لاتخاف تراهم بخير .. بالراحه وانت سايق

سامي: خايفه علي..

نور: لا .. خايفه على العيال لا تزيد حرارتهم

سامي بخبث: هههههههه تحبيهم؟

نور: احبك اكثر منهم

سامي: احبك

نور: يلا طيب لا تطولها



****************************

في الصاله .. بيت راشد
ماريا: نعم مين

........: بابا سامي هنا

ماريا: بابا سامي مو موجود


........: بابا خالد.. بابا سالم

ماريا: كلو مو موجود ..

........: عمي هزاع تقول الخادمه محد هنا

هزاع: حسام.. دق على سامي

حسام: حاضر عمي

هزاع: ها

حسام: محد يرد

هزاع: دق على خالد

حسام: ..الو السلام عليكم .. عمي خالد؟!! عمي هزاع معاك

هزاع: خالد

خالد: هلا والله بالرجال

هزاع: بالمهلي .. كيفكم

خالد: والله بخير ونعمه نسأل عنك .. انت ايش اخبارك بشرني عنك

هزاع: تراني واقف عند باب البيت ..والاخوان ماهم هنا

خالد: ثواني بس ادق للخادمه تفتح لكم .. وشوي وانا جاي

هزاع: خلاص انتظرك


ماريا تفتح الباب

ماريا: بابا .. بابا خالد يقول تفضلو

حسام: حياك عمي

هزاع: انتي ايش اسمك

ماريا: ماريا بابا

هزاع: مين هنا بالبيت

ماريا: ماما سما

هزاع: طيب عطيها خبر انو فيه رجال في البيت

ماريا: اوكي بابا

هزاع: مشا الله ذوق المجلس حلو كثير

حسام: الظاهر انو الي عملهم الديكور فنان .. الديكور متعوب عليه كثير

هزاع: الفنانه هي بنتهم .. اكيد هذا ذوقها

حسام: بس ماشا الله من جد حلو

هزاع: ايش ذا.. ايش صاير.. ايش هالصريخ

حسام: اعوذو بالله كأنه في احد مات

هزاع: ياربي سترك .. ناد على الخادمه

سما بخوف: ساااااااااااااااااااااااااااااااااااااااااامي .. انت
وووووووووووووووووووووووووين سااااااااااااااااااااااااااااااااامي

هزاع: بسم الله عليك سما ايش فيك

سما: سامي الحقني اذبحوها اذبحوها لحقوني لحقوني

هزاع:انا هزاع ياروحي.. اهدي طيب .. اسكتي خليني افهم ايش تقولي

سما: سمااااااااااااااااااااااااااااااااااا اذبحوها سمعتهم اذبحوها .. بيذحو فهد ..
فهد.. فههههههههههههههههههههههههههههههد


هزاع: حسام اتصل على عادل بسرعه

سما: اخوااااااااااااااااااااااااااااااااااااااااااااااا ااااااااااني ابي اخواني فه
ههههههههههههههههههههههههههد اه يما اه يما

هزاع: سلامتك من الاه ياروحي.. بس يا حبيبتي بس

سما: يبا انت وييييييييييييييييييييييييييييييييييييييين يباااااااااااااااااااااااااااااااااا
يذبحون اخواني .. يبون يذبحون اخواني اه يا يبا اه يا يبا

هزاع: محد يقدر يلمسك وانتي بحضني اهدي حبيبتي شوي

حسام: عمي الدكتور عادل

هزاع: الحقني ياعادل

عادل: خير ايش في .. ايش هالصراخ

هزاع: انا في بيت عمي راشد .. وهذي سما منهاره .. ايش اسوي

عادل: هزاع جيبها المستشفى احسن

هزاع: كيف بس محد من اخوانها هنا

سما: يباااااااااااااااااااااااااااااااااااااااااااااااا ااااااااااااا
هزاع: حبيبتي اهدي ياعمري محد يمسك وانا هنا سما بسم الله عليك

عادل:هزاع غطها وانا اخوك وجيب خادمتها معاها ما في حل غير كذا

هزاع: حسام ناد الخادمه خلها تجيب عباتها وتجي هي بعد

سما: اذبحوهااااااااااااااااااااااااااا بيذبحون فهد لحقو على
فهههههههههههههههههد بيروح اخوي بيموت اخووووي

هزاع: روحي انتي .. قولي لي بس بشويش فهد وين راح

سما: راا... اااح يجي....ييب كم...يرا

هزاع: راح يجيب كاميرا من وين؟

سما: مادري مااااااااااااااااااااااااااااااااااااااااااااادري ماسألته

هزاع: طيب ابتصل لرجالي يدورو عليه .. لاتبكي عشان اعرف منك وين ادوره

سما:الحق عليه الحق علي.............

هزاع: سما.. سما ردي علي

حسام: يلا ياعمي قوم .. اش صار فيها

هزاع: اغمى عليها.. بسرعه جهز السياره

حسام: جاهزه عمي

****************************

في المستشفى
هزاع: بشر

عادل: انهيار عصبي حاد ياهزاع

هزاع: يعني ايش صار عليها شي

عادل: تطمن عطيتها مهدئ وبترتاح لاتخاف .. اتصلت على اخوانها؟

هزاع: ايوا سالم وخالد بالطريق .. اكيد وصلو الان

سالم: هذا هو هزاع .. اركض

خالد: هزاع ايش ياخوي

هزاع: والله مادري وانا اخوك دخلت علي المجلس وهي منهاره .. تصيح و
تصرخ اذبحوها اذبحو فهد

سالم: سترك ياربي

خالد: وبعدين

هزاع: طاحت واغمى عليها.. ياخوي اعذروني ترا والله ماعرفت اتصرف تراني غطيتها وجبت خادمتها معاها

سامي: خير ايش فيها

هزاع: ياخوي اهدي شوي مافيها الا العافيه

سامي: خير ياعادل ايش فيها

عادل: انهيار عصبي حاد.. عطيتها مهدئ وهي نايمه الان

خالد: انت كيف تطلع ومحد معاها

سامي: اتصلت نور وقالت العيال حرارتهم مرتفعه طرت عليهم نسيت اقولها

سالم: اهدو الله كاتب .. الحمدلله انو هزاع هناك ساعتها

سامي: يعني ايش.. هزاع الي جابها؟!!!!!!!!!

هزاع: عيب عليك سما عرضي انا بعد

خالد: ياخوي سامي مايقصد .. انت تعرف سما ايش عنده

هزاع: طيب ادخل تطمن عليها ياسامي.. وطمن بالك محد يقرب من عرضي وانا موجود..

سامي: سامحني ياخوي

هزاع: الله يلوم الي يلومك.. دامكم جيتو انا اترخص .. عادل هنا وهو يباشر حالتها

خالد: مامنك قصور ياولد عمتي

سامي: ماقصرت ياهزاع .. وسامحني مره ثانيه

هزاع: عزيز وغالي وانا اخوك رقمي عندكم اذا احتجتو أي شي امانه لاتترددو

****************************

في سيارة هزاع

انا ايش موديني عندهم اليوم.. كان لازم اروح يعني .. والله مالي وجه اشوفهم مره ثانيه .. ياربي ارتحت كثير من شفتها .. من جد كان ودي اشوفها بقالي سنين ياسما ماشفتك .. يا حبي لك ما تغيرتي حلويتي اكثر.. وعيونك الزرق ياربي كنت مشتاق اشوفهم .. اليوم خذتك بحضني ياسما .. نمتي فيه .. ارتجفتي فيه.. حملتك بين ضلوعي ياروحي.. ياربي حلمت بهالحظه كثير.. ذبحتني شوفتك اليوم .. ياترا انك نايمه.. حالمه.. يمكن؟ ايش هالخوف الي بعيونك ياحبيبتي .. كيف يتركوكي اخوانك ويمشو عنك كيف؟ ليه ماجاتني الشجاعه اطلبك منهم اليوم؟ شوف انا ايش افكر فيه .. قال اطلبها منهم بعد ماشفتها وشلتها ايش بيقولو عني .. انا ماغلطت .. بالعكس لو ماجيتهم اليوم الله اعلم ايش كان بيصير عليها.. والله اني اموت لو جرا عليها شي.. الحمدلله اني كنت هنا .. بس لو كان واحد من اخوانها هناك كنت ماترددت اطلبها.. الان صعبه شوي.. اكيد بيفكرو اني غلطت وابي اصلح غلطتي بزواجي منها.. لا غلط اني اطلبها الان غلط .. ياربي احبها .. شوفتها رجعت لي جروحي ..

حسام: عمي

هزاع:.................

حسام: عمي وين سارح

هزاع: ايش في

حسام: ابد شفتك متاثر قلت اتكلم معاك

هزاع: عن ايش تتكلم

حسام: تخبي علي حسام ياعمي

هزاع: ايش اخبي بعد .. خلاص سمعت كل شي .. وشفت كل شي

حسام: طيب ليه ماطلبتها من زمان

هزاع: هي ماتبيني

حسام: وانت كلمتها من قبل

هزاع: لا

حسام: وكيف عرفت انها ماتبيك

هزاع: انا اكبرمنها ب10سنين من واحنا صغار كان عيني عليها .. كانت معاملتها لي غير تحب تقعد معاي تحب تسولف معاي بس بعدين تغيرت علي صارت تكرهني.. اذكر كان عندها لعبه تحبها كثير اخذها منها خالد ولد عمتها بالغصب لما شفتها تصارخ وتبكي رحت للولد وضربته حاولت اخذ اللعبه منه .. صار هو يشد من صوب وانا من صوب لحد ما العبه عطتك عمرها

حسام: هههههههههههههههههههههههههههه واكرهتك عقبها

هزاع: ايوا كثير .. صارت من اجي لهم ماتقعد معاي ولا تكلمني ولا حتى ترد السلام .. مره مسكتها وقلت لها انتي ليه تكرهيني انا احبك كثير انا لما اكبر ابيكي تكوني زوجتي .. ابتعدت عني وقالت باحلامك انا اوافق عليك انت .. انا رجلي غير ماهو انت

حسام: ياعمي هذا حكي عيال الان كل شي غير

هزاع: حتى من اتصل عليهم اسأل او اسلم وهي ترد على التلفون من تسمع صوتي ماترد تقولي لحظه اناديهم لك .. تكرهني كثير ياحسام تكرهني كثير

حسام: عمي انت مكبرها وهي صغيره .. تقدم لها .. واطلب تتكلم معاها مافيها شي .. اشرح لها.. اذا اقتنعت صار خير .. واذا لا خلاص سكر هالباب ولا تتعب نفسك ابد.. مو كويس عشانك تظل بهالحيره لي متى ..

هزاع: والله مادري

حسام: ودي اسألك سؤال ومتردد

هزاع: قول

حسام: اذا ماعجبك اسكت عني بس لا تضايق نفسك

هزاع: قول انت خايف مني

حسام: تبي الصراحه ايوا

هزاع: هههههههههههههه لا تخاف قول

حسام: اذا انت اكبرمنها ب10 سنين .. هذا معناه انو عندها 28 سنه صح؟

هزاع: ايوا صح

حسام: ماتشوف انها طولت

هزاع: مافهمت

حسام: يعني اكيد جاوها خطاب كثير.. وحده بمكانتها وجمالها مايصر محد تقدم لها

هزاع: الا جاو كثير فوق ما تتخيل

حسام: طيب ليه ما تزوجت لحد الان

هزاع: والله مادري

حسام: رد على سؤالي وخذني على قد عقلي

هزاع: قول

حسام: هي تعرف احد.. تحب احد

هزاع: لا ما اتوقع .. انت ما تعرفها .. لوكان عندها احد لو من كان.. بتاخذه بتاخذه وبرضا ابوها واخوانها.. محد يقدر يقولها لا.. ابدا

حسام: وانت

هزاع: انا ايش

حسام: بتقدر تقول لها ايوا على طول

هزاع: مادري

حسام: بتدلعها ما اختلفنا وبتعطيها وبتسوي لها .. بس لوجا موضوع وخلت راسها براسك ايش راح تعمل .. بتمشي الي براسها؟

هزاع: مادري

حسام: لا يا عمي مابتمشيه انت هزاع بن محمد .. مابتقدر تمشي كلامها ابد .. من الاخير البنت هذي ماتصلح لك .. هي قويه كثير.. وانت ماتصلح لك وحده كذا ياعمي

هزاع: احبها

حسام: هي عندها عيال عمومه

هزاع: كثير

حسام: وتقدمو لها

هزاع: تقدمو ورفضتهم كلهم

حسام: بقا حد غيرك ماتقدم لها

هزاع: مادري يمكن في

حسام: والله يمكن اقول يمكن تنتظرك والي تسويه معاك دلع بنات .. بس خلي ببالك هي ماتصلح لك

هزاع: حيرتني

حسام: فكر بعقلك ياعمي هذا زواج .. ماهو يوم او يومين .. وانت عارف البنت زين .. قويه وانت اقوى منها.. اذا صار فيه صدام بينك بينها وانتو متزوجين اكيد بتصير مشاكل كبيره وانت منت فاضي لهالشي بتخسرها وتخسر حبك لها

هزاع: حيرتني اكثر

حسام: ايش رايك .. لو تزورها بالمستشفى بكره اوبعده .. وتجلس معاها ومع خوانها وتشوف بعينك اذا متقبله وجودك او لا .. عقبها حدد

هزاع: هذا الراي الزين.. اتصل على عادل خلني اكلمه

حسام: ..الو عمي عادل .. عمي هزاع معاك

هزاع: هلا ياخوي

عادل: خير ياهزاع

هزاع: ابي اسأل عنها

عادل: لسا نايمه

هزاع: اخوانها عندها؟

عادل: ايوا عندها .. قولي انت عزيتهم

هزاع: يووووووووووه نيست اعزيهم والله اني نسيت

عادل: معذور الي شفته ماهو قليل .. اقول هزاع

هزاع: سم ياخوي

عادل: تراني سمعت انو فهد عمل حادث

هزاع: اعذو بالله حادث

عادل: ايوا لا تخاف .. شرخ بسيط في اليد.. الرجال صاحي ومافيه شي.. لسا شايفه عند اخته

هزاع: طمنتني

****************************
فهد
ساره: الو.. حبيبي انت بخير

فهد: حبيبك.. نطقتيها

ساره: والله مو وقته .. انت بخير

فهد: بخير ياروحي

ساره: وسما مالها

فهد: والله ماندري لحد الان .. لساها نايمه

ساره: فهد انا جايه انا ونور الان

فهد: حبيبتي ماله داعي كلنا هنا .. خلكم انتو مع العيال

ساره: وباليل كيف

فهد: مادري اكيد واحد فينا بيظل هنا معاها

ساره: خلوني انام معاها.. فهد عشاني والله بموت قلق عليها

فهد: حبيبتي اذا جا الليل بدق عليكي واخبرك ايش يصير.. خلاص

ساره: فهد انت داخل معاها

فهد: طلعت برا الغرفه اكلمك

ساره: طيب عشاني لا تقولي لا

فهد: قولي ياروحي

ساره: اجي مع ابوي بعد شويه اتطمن عليك وعليها وارجع

فهد خايفه علي؟!!

ساره: الابموت من الخوف عليك

فهد: خلاص تعالي

ساره: محتاج شي اجيبه معاي

فهد: محتاج شوفتك

ساره: وانا بعد ابي اشوفك بموت عليكم انتو مع بعض

فهد: يابختييييييييييييييييييييييييييييي

ساره: يابختي فيك .. يلا بسكر ابوي ينادي

فهد: يلا ياروحي

سالم: من معاك

فهد: ساره

سالم: ها.. رضو عليك اخيرا.. عقبالنا يا عمي

خالد: تعال يافهد اختك صحت تسال عليك


بغرفة سما بالمستشفى

سما:انا وين

سامي: بالمستشفى

سما: ايش صار

سامي: انتي قولي لنا ايش صار

سما: وين محمد

سامي: محمد وفيصل في بيت عمي

سما: وين فهد

فهد: انا هنا

سما: فهد حبيبي حبيب قلبي ياخوي انت بخير.. ياليت الموت يجيني ولا يجيك

سامي: بشويش عليه .. حاسبي ياسما .. يده

فهد: بعيد الشر عن عمرك .. ياروحي انتي

سما: ايش فيها يدك..

فهد: حادث بسيط بالسياره .. ضربت بالباب ونشرخت

سما: الحادث مقصود

خالد: كيف يعني

سما: دقو على تلفون ابوي وانا جاوبت.. سألو عن ابوي وقلت لهم مات هم يصرخوعلي انا اقولهم والله مات .. مات من ثلاث ايام قالو بنته معانا وهو تأخر في تسليمنا الفلوس قلت لهم انتو ماتصلتو فيه .. قعدو يصرخو علي مافهمت ايش قالو قلت لهم انا مستعده ادفع الفلوس بس يقولولي فين ومتى .. اصرخو علي وقالو بعد ايش بعد مالشرطه درت عنا وصارت تراقبنا.. مثل ما لعبتو علينا وضيعتو وقتنا البنت بنموتها ومعاها اخوها فهد الي رايح يشتري الكميرات .. بعديها صار هدوء شوي وعقبها سمعت طلق ناري وفيه سمعت بنت تصرخ .. اذبحو سماح اذبحوها ماقدرت اسوي شي ماقدرت حاولت اطمنهم بس ماسمعولي روحت اختي بايديني من غبائي راحت

سامي: اهدي شوي.. امسحي دموعك .. انتي من قبل قلتي لي انك تحسي انها عايشه مثل ما تحسي بالشمس تلامس جلدك.. ركزي شوي .. انتي حاسه انها ماتت؟؟

سما: مادري

سامي: اسمعي .. سماح عايشه ما ماتت .. هذول عصابه مستحيل يرخصو ب300 مليون ويقتلو اختك

سما: ايش عرفهم انو فهد رايح يشتري كميرات

سامي: عرفو فهد بيجيب كميرات ومعرفو انو ابوي مات

خالد: اتوقع انهم ادخلو البيت امس وحنا محنا فيه

سامي: ممكن

فهد: الا اكيد .. لانه محد يدري عن الاجهزه غير سما وانا وبس .. انا ماقلت لاحد غيرها

سامي: كل الي ابيه انك تهدي .. وتركزي .. وانا متأكد انو سماح عايشه

سالم: هذي اكيد حركه يشتتو فيها عيون الشرطه عنهم واكيد بيتصلو مره ثاتيه علينا يطالبو بالفلوس

سما: انا تذكرت شي

فهد: قولي

سما: قالو لي بنذبح اختك معاها عيالها

سامي: معناه انهم مادرو انو العيال عندنا

خالد: صح .. عملنا خير الي بعدناهم

سامي: شفتي ماقلت لك .. اختك عايشه.. امسحي دموعك عاد

سالم: في ايش سرحتي

سما: ..........................

خالد: سما وين وصلتي

سامي: ههههههههههههههه وصلت لحد هزاع

سما: هاااااااااا

سامي: هزاع نسيتي هزاع

سالم: هههههههههه بس موقف ولا احلى

خالد: هههههههههههه شفتي الي ماتطيقيه .. هو الي ينقذك ويجيبك لحد هنا

سالم: لا .. ماشفتو لهفته كيف عليها

خالد: كان مزلزل هالمكان.. وقفه على رجل.. عشان عيونك

سامي: انا اول ما شفته ودريت انه هو الي حملك بغيت اذبح والله

خالد: كنت فشلتنا ياشيخ

سالم: سمااااااااااااااااااا وين وصلتي

سما: معاكم

سامي: سرحانه في ايش

سما: ماني سرحانه.. اسمعكم

خالد: طيب قولي لنا ايش صار لما دخلتي عليه

سما: مادري ماذكر شي

سامي بخبث: ابد ابد

سما بحده: ايوا ابد

خالد: حرام عليكم البنت منحرجه

فهد: ايش بيفكك منهم .. استلموكي تريقه

سما: مايقدرو علي

سامي: وليه مانقدر حبيبتي ايش ماسكه علينا

سما: اسكت لاقول لهم ايش سويت اول مادخلت وشفت نور

سامي: سما سما حبيبتي انتي يرضيك يعني اتبهدل بلسان اخوانك

سما: ايوا يرضيني

خالد: هاه .. خلاص انت اسكت وانا اكمل ماعندها شي تمسكه علي

سما: خالد

خالد: ولو اتحداك

سما: تلفون الساعه 3 الصبح

سالم: هههههههههههههههههههههههههههه فكك روحك ياحلو

فهد: كفو عليك خرستيهم

سالم: انا بعد انسحب قبل لانفضح

فهد:هههههههههههههههههههههههههههههههههه

سما: ها خلاص سكتو

سامي: خلاص سكتنا وانخرسنا بعد

عادل: اقدر ادخل

سما بفرح: عااااااااااادل

عادل: ايوا عااااااااااااااااااااادل

سما: كيفك وكيف منال

عادل: منال بخير وتسلم عليك تراها دقت عليك كثير والجهاز مسكر

سما: ادري ماتقصر..متى ولدت

عادل: يوم وفاة الوالد الله يرحمه

سما: الله يرحمه.. وكيف البيبي الصغير

عادل: بخير الحمدلله

سما: ايش سمتوه

عادل: هزاع اصر يسميه راشد

سامي: والله !!

عادل: أي والله .. قال انشا الله يطلع على سميه

خالد: فيه الخير هزاع والله

سالم: راح واحد وجا بداله ثنين

عادل باستغراب: ثنين؟

سالم: اقصد رقم ثنين

عادل: ها .. وانتي كيفك الان

سما: كويسه وابي اطلع الان

عادل: والله عاد!!.. عقب هالربشه الي عملتيها والحفله الي سواها هزاع عشانك .. صراخ وزف للكل وانا اولهم تقولين تبين تطلعين لا يبا بتنورينا هاليومين اتطمن عليكي وبعدين اقولك مع السلامه

سامي: ههههههههههههههههههه صرخ عليك انت بعد

عادل: ماقصر فيني صراخ وزف قدام الموظفين تقول اشتغل عنده ماني اخوه

خالد: الله يعينك عليه

سما: اعذرني عادل والله ماكان قصدي يصير ذا كله

عادل: خليه يصير قصدك ماهو مهم .. المهم انه انتي بخير

سما: بخير ربي يسلمك

عادل: طيب طالما انك تضحكي ماراح اسألك ايش صاير .. اخوانك عندك واكيد زمانهم اعرفو .. المهم عندي بتنوريني هالكم يوم ابي اسوي شوية تحاليل اتطمن عليكي وبعدين بقولك مع السلامه.. اتفقنا

سما: لا طبعا ماتفقنا

سامي: اتفقنا يادكتور .. ماعليك انت انا اتفاهم معاها

عادل: استاذن انا اروح اطمن هزاع لانه ازعجني بتليفوناته .. وبشوفك بكره ..ماشي

سما: ........................

عادل: عاد لا تزعلي علينا..كلميني بس

سما:...........................

عادل: شوفي بكره منال بتجيب راشد عنده فحص واكيد بتجي تزورك عاد كيفك تجي وما تلاقيك

سما بفرح: من جد راشد معاها.. على كذا خلاص بقعد

عادل: هههههههههههههههههه يلا تامرون بشي

سامي: أي والله ابي انام عندها

عادل: تامر اخلص لك الاجراءات لا تهتم.. شي ثاني

خالد: كفيتو ووفيتو والله مانطلع من جزاكم

عادل: عيب حنا اخوان .. وهالدبه اختنا بعد

سما: ايوا بس لا تقول دبه

عادل: ههههههههههههههههههه ماشي .. يلا سلام

سالم: سمعتي يالدبه يقولك عمل حفله عشانك صراخ وزف للموظفين واخوه اولهم

سامي: وانت الصادق ياخوي .. رخص بخوه عشان بنتنا شفت كيف

سما: بتسكتو ولا كيف

فهد: وبعدين يعني.. ماتعرفو تسكتو .. شوفو وجهها انصبغ

سما: اشوف انظميت لحزبهم

فهد: مين ذولا .. انا فهودي حبيبك انا اتركك وانظم لحزب الحساد ذول

بومشعل: سلامات يبا سلامات

سما: هلا يبا

ساره: سلامات ياروحي .. انتي بخير

سما: الحمد لله لا تخافي كذا .. مافيني شي

سامي: اقول ساره مافي سلامات للفقير المسكين ذا

فهد: سامي مالك شغل بساره

سامي: انا ابي صالحك

فهد: خلاص

سامي: طيب

سما: اشوف قبل لا يعرس كانت العصبيه صاحبته

فهد: أي والله .. اشوف الان صار رااااااااااااااااااايق

سامي: ها انقلبتو علي الان

ساره: تستاهل

سامي: وانتي بعد!!

ساره: يحق لي

سامي: اقول زوجتي كيف حالها

بومشعل: زوجتك بخير .. تعال بس ابيك

سامي: تعال نطلع الجو هنا يخنق

سما: اقول خذ خالد وسالم معاك

خالد: طالعين من غير ماتقولين

سما: احسن

ساره: كيفك الان

فهد: بخير ياروحي

سما: اقول تراني طردتهم عشانكم قومو انطقو على الكراسي الي هناك ..حبو في بعض ..وخلوني ارتاح شوي

فهد: طيب حاولي تنامين





في المستشفى خارج غرفة سما

بومشعل: كيف يعني.. البنت ماتت؟!!!!!!!!!!!!

سامي: لا ياعمي طول بالك

خالد: مو معقول يذبحوها ياعمي هذي 300 مليون صفقه ماتتعوض

بومشعل: ايش بنعمل .. نبعد سلطان

سامي: بنحاول نفهمه انهم درو اننا بلغنا الشرطه وعلى الاقل يكون ورانا.. بكذا
نظمن سلامة اختنا

بومشعل: اترك سلطان علي

خالد: المهم الان لازم نلاقي بيت نعيش فيه

بومشعل: هذا صحيح من باكر بوصي معارفي يدورو لنا على البيت.. ما ابي موضوع سما يتكرر

خالد: هالمره شالها هزاع الله يستر تطيح في يد مين المره الجايه

بومشعل: والله هالرجال ما اطلع من جزاه

سامي: هذا هو يدق على... الو

..................................
سامي: هلا ياخوي .. كيف حالك

..................................
سامي: والله الحمدلله .. صحت من شوي

...................................

سامي: ايوا بخير تسولف وتضحك بعد

..................................
سامي: والله ياخوي هي من توفت الوالده وهي على هالحال .. ابد مابكت .. وجات وفاة ابوي وكملت عليها

..................................
سامي: ايش بيدي اعمله ياخوي .. هذا انت تعرفها عنيده والي براسها تسويه
..................................
سامي: الا.. قالت كانت نايمه وتحلم والظاهر انه كابوس
..................................
سامي: تنور ياخوي
...................................
سامي: اجل انتظرك .. بكره ..حياك الله
.................................
سامي: يوصل انشا الله.. مع السلامه

بومشعل: ايش يقول

سامي: يسأل ايش جرالها .. لو هي كذبه واضحه .. بس عداها لي

بومشعل: خلي بالك هزاع ذكي جدا

سامي: داري عنه ياعمي

خالد: قال بيجي؟

سامي: يقول يبي يجي يتطمن عليها بنفسه

بومشعل: ايوا حياه الله

خالد: حياه الله

سالم: انا حاس انه يبيها

سامي: هههههههههههههههه مين سما

بومشعل: ايوا سما وليه تضحك وانا بعد عندي هالاحساس من زمان

سامي: ياريت والله .. هزاع ماينعاب عليه

خالد: بس هي ترضا .. انا مادري ايش قصة هالبنت .. البنات الي بعمرها يسعدو لجاهم عريس وهذي ترفض سيرة الزواج قبل لا تعرف مين الي جاي

سالم: هزاع ماينعاب .. العيب بختك الي رافضه على طول

****************************

بغرفة سما صباح اليوم التالي
سامي: صباح الورد يا حلو

سما: صباح؟؟ أي صباح

سامي: ماشبعتي نوم

سما: كم الساعه الان

سامي: 7 الصباح

سما: 7 الصباح؟!! وهو انا نمت كل هذا

سامي: نوم العوافي انشا الله.. قومي تغسلي حتى تفطري

سما: افطر فطور المستشفى لا مابي

سامي: وقت دلع الان.. ماقدر اطلع اجيبلك فطور واتركك لحالك

نور: صباح الخير

سامي: هلا بنور عمري

سما: اقول ايش رايك تسكت تراها جايه عشاني

نور: حبيبة قلبي انتي .. كيفك

سما: انا بخير وانتي

نور: بخير دامك بخير..تراني جايبه لك فطور

سما: ياروحي انتي .. ايوه كذا .. زوجك يبي يأكلني من اكل المستشفى

نور: هههههههههههههه مايقدر وانا موجوده

سما: ياربي يخليكي لي بروحي محد يشاركني فيكي

سامي: اقول روحي غسلي خليني اسلم على زوجتي بعيد عنك

سما: خمس دقايق وبكون هنا فاهمين

سامي: تعالي هنا

نور: آه ..سامي يامجنون ماهو كذا

سامي: كيف اجل

نور: استح اختك هنا

سامي: ماتسمع

نور: طيب وخر

سامي: لا

نور: سامي وبعدين

سامي: ابي بوستي

نور: يووووووووووووه

سامي: عيب ولا حرام

نور: تشوف المكان مناسب

سامي: بسرعه محد بيشوف

نور: يوووووه سامي

سامي: بتتبهدلين

نور: لا

سامي: بظل ماسكك كذا لحد سما ماتطلع وتشوفك

نور: عيب عليك

سامي: لا

نور: سامي مو هنا ليرجعنا البيت طيب

سامي: لا

نور: حبيبي والله عيب قدام البنت

سامي: قلت لا

نور: طيب



سما: جهزتو فطوري

نور: كل شي جاهز على الطاوله حبيبتي

سما: ايش فيه شكلك كذا

نور: خير ايش فيه

سما: يعني اقول شكلك بستيه و................

سامي: بنت وبعدين

سما: وبعدين هذي تقولها لنفسك .. شف وجه البنت ووجهك.. مفضوحين تراني كاشفتكم

سامي: اقول افطري وكملي فطورك .. عندي لك خبر بيطيرك من الوناسه

سما: قولي الان

سامي: اذا خلصتي اقولك

سما: فرحني ياخوي قولي الان

سامي: قلت اذا خلصتي.. عشان تعرفي تترقي علي انا وزوجتي

سما: والله شكلك عندك خبر يغث

سامي: بالعكس .. مفرحني هاخبر كثير

نور: بمشي انا

سامي: بدري ياعمري

نور: ما اقدر اتأخر سايبه امي مع العيال

سما: هم بخير

نور: ايوا ياروحي بخير .. ويسلمو عليكي بعد

سامي: حرارتهم نزلت

نور: الا راحت.. لا تقلقو بس

سما: اشوفك تعلقتي فيهم

نور: والله انهم يدخلو القلب .. امي المسكينه طايره فيهم .. والله من غيرهم ماكنت شفت امي تضحك

سما: لساها محسبه راشد مشعل

نور: ايوا .. لا وتناديه الان مشعل

سما: مانعرضها على دكتور

نور: لا مايسوي .. هي تعوض فيه عن مشعل ماهو اكثر .. لو بشوف انو الموضوع زايد عن حده .. بقول لكم عشان نتصرف

سما: طيب

سما: ايش سويتو عن البيت

سامي: عمي قال بيشوف معارفه

نور: كويس خلونا نلتم

سما: أي والله نفسي فيه اليوم قبل بكره

نور: يلا تبون شي

سما: سلامة قلبك

نور: اقول تراني بدز الغدا مع السايق

سما: قلبي انتي

نور: وانت دير بالك عليها .. لا تغثها

سما: ايوا وصيه علي.. تراه ذابحني من امس

نور: يلا مع السلامة

سامي: مع السلامه

سما: اقول قوم صب لي شاي

سامي: حاضر عمتي .. تفضلي .. امري بعد

سما: شكرا .. وانت ماتبي تفطر

سامي: لا.. شكرا شفت حبيبتي وشبعت

سما: عليك بالعافيه

سامي: هههههههههه الله يعافيك

سما: طيب انا كملت قولي ايش عندك

سامي: خليني اشوف مين بالباب الاول .. سما تغطي

سما: اصبر شوي.. يلا

سامي: يلا تعال

سما: وااااااااااااااااااااااااااااااااااااااااااااااااو .. ايش ذا

سامي: مشا الله حديقه ماهي باقه

سما: هالورد لي؟!!!!

سامي: لا.. لي تصوري

سما: بلا تريقه وشوف الكارت

سامي: ههههههههههههههه اسمعي ياعمتي .. احلى صباح لاحلى ورده .. حبيت اول ماتفتحي عينك تلاقي هالورد الي يشبهك.. ياليت انه يعجبك.. وسلامتك من الشر.. هزاع

سما: يوووووووووووووووووووه هذا لقاها حجه اشوف

سامي: ياليت بس تعلميني ايش فيكي عليه

سما: ما اطيقه .. ماااااااااااااااااااااااطيقه

عادل: صباح الخير

سامي: صباح الخير .. يا هلا

عادل: ومين هذا الي ماتطيقيه

سما: وانت ايش دخلك

عادل: افاااا هذا وانا جاي اتطمن عليكي

سما: انا بخير

عادل: هههههههههههههههههه طيب.. دلع من الصبح انا ماقدر على كذا بصراحه.. قولي لي بس من مضايقك ..

سما: ماحد

عادل: انتي بس اشري .. وبتلاقي الي يضايقك ذا بخبر كان

سما: من جدك

عادل: الا من جدي

سما: يعني اذا قلت لك بتوخره عن طريقي

عادل: الا هزاع بيوخره

سما: يووووووووووووووووووووووووووووووووه

سامي: اتركها عنك.. هذي رايقه من الصبح

عادل: كل هالتعصيب ورايقه .. وانتي ماتعرفي تفرحي ابد .. على طول معصبه وبس

سامي: اقول اتركها عنك وقولي ولدك وين

عادل: بدري عليهم كمان شوي .. ياسلام اشوف باقه هزاع وصلت

سامي: ايوا ماقصر الرجال تعب نفسه

سما: على الفاضي

عادل: معناه هزاع الي مضايقك

سامي: تقدر تقول منحرجه منه بس

عادل: اهاا طيب.. الان فهمت .. تامرون بشي

سامي: سلامتك

عادل: اقول تامرون بشي

سما: اقول جيب ولدك خلني اشوفه .. وبس مابي منكم شي

عادل: ههههههههههههههههههههه حاضر عمتي

سامي: لا تزعل ياخوي

عادل: ما ازعل من الدبه

سما: يووووووووووووووووه

عادل: طيب طيب مشينا .. يلا سلام

سامي: سلام.. انتي ايش معصبك الان

سما: شوف لاتجيبون لي سيرة هزاع هذا ابد ماشي

سامي: اجل لوتعرفي الخبر الي عندي ايش تعملي

سما: لا تقول عنه

سامي: بيجي اليوم يزورك

سما: لا .. لا.. هذا كثير ..كثير.. انا مابي اشوفه زين .. يااخي ما اطيقه

سامي: بلا دلع .. الرجال من امس وهو قلق عليكي وحرام نصده كذا

سما: قلت لا.. يعني لا .. دق عليه واعتذر منه

سامي: وليه انشا الله

سما: قوله اني تعبانه وما بي احد يزورني

سامي: اكذب عليه واقوله تعبانه.. واخوه يقوله انك بخير؟!! صاحيه

سما: مابي .. مابيه يزورني

سامي: وايش فيها اذا جا زارك

سما: ويزورني ليه

سامي: يتطمن عليكي .. ترا الرجال ماقصر.. حافظ عليكي كأنك اخته

سما: ايوا اخته وبس وغير كذا لا

سامي: يعني ايش

سما: انت فاهم يعني ايش .. الان جاي يبي يتطمن.. بكره يجي يبي يخطب

سامي: وايش فيها اذا جا خطب

سما: لا.. الرجال ذا انا مابيه

سامي: وانتي منين تعرفيه حتى تقولي مابيه

سما: ما اعرفه ولا ابي اعرفه.. بس مابيه

سامي: ومن قال انه يبيكي الان .. هو جاي يتطمن عليكي بس

سما: قوله اني بخير وخلاص.. ماني ملزومه اشوفه .. واقعد معاه

سامي: ومن قال انك بتقعدي معاه لحالكم .. اخوانك كلهم هنا

سما: قال اقعد معاه لحالي قال

سامي: وانتي ايش منه خايفه كذا

سما: ماني خايفه من قال

سامي: على سامي يا سما

سما: لا عليك ولا على غيرك ماني خايفه .. وماني موافقه انه يزورني .. اذا
يبي يتطمن انت طمنه قوله اني بخير ويكفي

سامي: لا .. ماراح اقوله كذا

سما: سامي!!!!!!!!!!!!!!

سامي: لا.. ماراح اقوله لحد ماتقولي لي ايش فيك

سما: ما في شي صدقني

سامي: مومصدق.. اول مره احس اني ماني فاهمك .. طول عمرنا نفهم بعض
المره هذي غير

سما: لا غير ولا شي.. انت متوهم

سامي: متوهم ؟!! وانتي لا شفتي الرجال ولاعمرك قعدتي معاه .. جايه تقولي ماتبيه.. مين جاب سيرة الزواج الان

سما: ماني غبيه عاد

سامي: والله ماحد جاب لي سيرة زواج

سما: بيجيب

سامي: خليه يجيب .. الرجال ايش فيه يتعيب.. الرجال زين والكل يمدحه .. لاتنسين وقفته معانا .. الرجال حافظ عليك ياسما .. واحد غيره استغل هالموقف معاكي واجبرنا نوافق عليه

سما: هالموقف صار غصب علي .. ماهو عشان حافظ علي اقوم اوفق على الزواج منه

سامي: ياربي صبرك.. ومين جاب سيرة زواج!!!!!!!!!!!!!!!!

سما: سامي وبعدين

سامي: اسمعي انا قلت للرجال يجي .. اذا اقنعتيني ليه ماتبيه .. هذيك الساعه
بتصل عليه واقوله لاتجي

سما: سامي

سامي:....................
سما: ياخوي

سامي: اسمعك قولي الي عندك

سما: طلبتك.. مابي هالزياره.. ومابيه بالمره.. خلصني منه

سامي: لا .. مو على كيفك

سما: هو غصب يعني

سامي: لا طبعا.. بس ابي اقتنع .. ليه انتي خايفه

سما: ومن قال اني خايفه

سامي: عيونك والنظره الزايغه فيهم كل ماجا احد يخطبك

سما: ...................................
سامي: انتظر ردك

سما: طيب يجي بالبيت..

سامي: لا.. هنا

سما: سامي وبعدين

سامي: قلت هنا.. بالبيت بتقعدي دقيقتين وتهربي زي عوايدك ؟؟ حافظ تصرفاتك انا.. هنا مالك مجال تطلعي او تهربي

سما: يعني تبي تحاصرني

سامي: بصراحه ..... ايوا

سما: لاااااااااااااااااا

سامي: انا ابي الرجال يشوفك وانتي بعد تشوفيه وكل ما طالت قعدتك معاه يمكن ترتاحين له اكثر.. انا عارف البنت تجيها ساعات خوف من المواقف الي زي كذا .. بس معلش ..كلنا حولك وماراح يجرا عليكي شي

سما: لا

سامي: ماهو على كيفك

سما: ولا هو غصب علي بعد

سامي: محد قال كذا .. ولا حد يقدر يغصبك على شي ماتبيه ..بس هزاع فرصه
حلوه .. وين الاقي واحد أأتمنه علكي غيره

سما: لا .. الفكره مرفوضه من قبل لا يطلبني حتى

سامي: انتي عارفه كم عمرك الان.. شهور بسيطه وتبقي 29 سنه.. تشوفين هالشي طبيعي

سما: طبيعي ومريحني .. وهو انا اشتكيت

سامي: ياليتك تشتكي .. ياليتك تقولي لي على الي بخاطرك .. ودي يوم تجي وتكلميني .. قولي أي شي.. أي شي تبيه.. نفسي اسمعك ..اعيش معاكي الي تحسيه

سما:..................................
سامي: وين سرحتي

سما: ماسرحت .. ممكن اقعد لحالي

سامي: لا.. قعده لحالك لا .. انسي

سما: ممكن تسكت

سامي: لا .. اسكت لا .. انسي

سما: والله احراج ياسامي

سامي: احراج ايش منه

سما: يووووووووووووووووووووووووووووووه

سامي: هو صار شي غير الي نعرفه

سما: لا طبعا... تبي الصراحه ما اذكر ايش صار

سامي: خلاص اجل .. دامك منتي متذكره شي .. لا احراج ولاغيره.. الرجال من جد قلق عليكي .. وتبين الصدق.. انا اتمناه لك .. نسبه يشرف

سما: يووووووووووووووه ايش قلنا

سامي: ايش قلنا؟!!!

سما: زواج لا .. تفهم زواج لا

سامي: طيب .. ابشوف اخرتها معاك

سما: .............................
سامي: وين تسرحي؟!!

سما: معاك ماسرحت

سامي: الا تسرحي.. وتروحي بعيد بعد

سما: لا .. انا هنا

سامي: ليه الخوف بعينك حبيبتي .. من ايش خايفه .. هوالتلفون الي جاك .. قالك شي غير الي عرفناه

سما: لا

سامي: حبيبتي.. اذا ماقلتي لي لمين بتقولي .. ماني اخوك حيبيبك؟!!

سما: لو فيه شي ماراح اخبيه عليك

سامي: مادري ليه عندي احساس انك مخبيه شي عني

سما: مافي شي

سامي: طيب اب..............

سما: يووووووووووووووووووه ياسامي مالك اليوم .. ابي اقعد لحالي ياخوي او تقعد ساكت .. ممكن

سامي:.............................
سما: لا تحرق اعصابي ياخوي والله ماني ناقصه

سامي: يعني فيه شي.. صح

سما: للمره الالف اقول لا.. خلاص ..لا

سامي: وغلاتك عندي .. وغلاة عيونك الحزانا هذول.. انو فيه شي .. وشي
كبير بعد

سما: لا تحلف بس

سامي: ماهو علي ياسما انا حافظك .. هالدموع الجافه بعينك وراهم شي وكبير بعد

سما: طيب احسب الي تبي تحسبه بس اتركني لحالي

سامي: اهدي شوي انتي متوتره كذا ليه ..اقربي مني.. خليني احضنك

سما: يوووووووووووووووه

سامي: من ماتت امي وانتي على هالحال .. ماكنتي كذا ابد ..ايش صاير لك

سما: ولا شي.. ولا شي

سامي: ولا شي ها؟!!.. والدموع هذي ليه .. سما كلميني

سما: اااااه يدي توجعني كذا

سامي: انا اسف .. عصبتيني والله .. سما ابي اعرف

سما: ايش تبي تعرف

سامي: الي جواكي

سما: ليه ماتصدقني

سامي: ما اقدر اصدقك انه مابك شي .. الا فيه شي .. وابي اعرفه
سما: اكذب يعني.. تبي أألف قصه عشان ترتاح

سامي: ان كذبتي بعرف .. وان ألفتي قصه كمان بعرف.. ابي الصدق

سما: سامي

سامي: ياروحه

سما: مافي شي

سامي بعصبيه: وبعدين تحسبي اني بتركك

سما:.....................................
سامي: ردي علي

سما: .......................................

سامي: شوفي اذا مارديتي علي .. ابزعل عليكي ياسما .. واماراح اتكلم معاكي ابد ..يرضيكي كذا

سما: لا

سامي: اجل قولي

سما: هي اشيا بداخلي

سامي: عارف انها بداخلك

سما: دامك عارف انها بداخلي خليها

سامي: لا .. ابي اعرفها

سما: مايصير اقولها لك

سامي: اجل لمين المفروض تقوليها
سما: .....................
سامي: لمين؟!!!!!!!!!!!!!!!

سما: امي

سامي: اه فهمت

سما: في شي ثاني؟!!!!!!!!!!

سامي: حبيبتي ابي....................

سما: ابيك تتركني لحالي ممكن

سامي: لا .. سم......

سما: مابي اسمع منك ولا كلمه .. ابي تتركني لحالي

سامي: طيب .. بسكت خلاص .. بس ماراح اتركك لحالك ابد

****************************

في بيت بومشعل

بومشعل: ساره .. ياساره

ساره: سم يبا

بومشعل: وين نور

ساره: عند العيال

بومشعل: ناديها وتعالي معاها .. بغرفة المكتب

ساره: حاضر



نور: سم يبا بغيت شي

بومشعل: سكرو الباب وتعالو

ساره: خير يبا شكلك مايطمن

نور: سماح جرا لها شي

بومشعل: لا يبا هي بخير .. ابي اتكلم عنها

ساره: خير يبا .. ايش فيها

بومشعل: هي ليه ترفض الزواج

نور: هذا عاد الي عمري مافهمته منها

ساره: الي تقدمو لها .. كل واحد فيهم احسن من الثاني وهي ابد على رايها

بومشعل: هو صاير لها شي

نور: مثل ايش يبا
بومشعل: .............................
ساره: يبا ايش تقصد

بومشعل: لا ولاشي

نور: كيف ولا شي .. اكيد في

بومشعل: طيب ما سألتوها ليه ترفضهم؟ .. مافي سبب تقوله؟

ساره: كل واحد لازم تطلع فيه عيوب الدنيا .. ماتتخيل يبا ايش تقول .. هذا لونه .. هذا طوله.. وهذا امه

بومشعل: اشيا فاضيه يعني

نور: بصراحه.. ايوا

بومشعل: وما حسيتو انه فيها شي.. جرا عليها شي.. خايفه من شي

ساره: ايش تقصد ماني فاهمتك

نور: انا فهمتك خلاص .. الي تفكر فيه يبا ماصار

بومشعل: طمنتيني

نور: لا تطمن هي بخير

بومشعل: اجل ايش فيها .. ساره انتي اكثر وحده تقعد معاها .. سرها معاكي

ساره: انا يبا؟!! .. انا ايش عرفني .. سما اذ بغت تقول بتقول.. وشي ماتبي
تقوله ابد ماراح تعلم عنه

بومشعل: نور يعني فيه احتمال انه.....................

نور: بعيد الشر يبا لا طبعا.. ساره فهمي

ساره: فهموني ايش تقصدو .. لا تتكلمو بالالغاز.. حتى اعرف اجاوب

بومشعل: نور اتركينا شوي

ساره: لا نور خلك شوي .. انا الي بمشي

بومشعل بحده: نوووور

نور: حاضر يبا

بومشعل: عارف الحركات ذي.. انتي نسخه مني ماتقدري تمثلي علي

ساره: هههههههههههههههههه كشفتني

بومشعل: مثل منا كاشف حركاتك مع فهد

ساره: ههههههههههههههههههههه ايش رايك في بنتك عاد

بومشعل: بنتي وتشبه ابوها .. ايش بيكون رايي فيها يعني

ساره: امووووووووووووووووووووووووت فيك الله يخليك لي

بومشعل: ويخليكي .. يلا قولي

ساره: ايش اقول

بومشعل: بتقولي ولا يجيكي صطار يطيرك لبرا

ساره: يجيني مايهمني .. هذي اسرار .. مو انا الي اقولها .. تبي تعرفها اسأل
سما .. انا مابتاخذ مني شي

بومشعل: مثل ماتوقعت فيه شي

ساره: لا لا لا.. يبا سما بخير وماحد مسها

بومشعل: يعني تستغبي من البدايه؟!!! ها

ساره: تربيتك يبا..

بومشعل: طيب مابي اعرف اسرارها قوليلي الخلاصه

ساره: طيب اقولك كلمه وحده بس وانت عليك تفهمها.. ماشي

بومشعل: قولي

ساره: اهمال امها لها هو السبب

بومشعل: اهاااااااااااااا .. الان عرفت

ساره: انا ودي اساعدها .. بس

بومشعل: انا اقولك كيف

ساره: كيف

بومشعل: ابيكي تروحي لها اليوم وتجلسي معاها.. امس لما طاحت هزاع هو
الي شالها.. ابي اعرف ايش حست فيه

ساره: مافهمت

بومشعل بحده: سااااااااااااااااااره

ساره: المره هذي من جد مافهمت

بومشعل: سمعي.. اذا تحرك احساسها حول هزاع معناه .. بتبتدي تحبه واذا
حبته ماتقدر تقول لا اذا جا خطبها

ساره: واذا ماتحرك




في بيت ناصر
ام احمد: مرام

مرام: خير يما

ام احمد: ابوكي يقول انو سما اتعبت امس وانقلوها المستشفى

مرام: ياحلوه من خبر .. ها بتموت؟
ام احمد: هههههههههههههههههههه لا بعدها
مرام: خساره

ام احمد: ابوكي يقول جهزي روحك اذا ودك تجي معانا اليوم بنروح لها

مرام: اكيد بروح .. سامي اكيد هناك

ام احمد: وعشان سامي بس بتروحي لسما

مرام: يعني ومن غير سامي اروح ايش اعمل.. اناظر جمالها

ام احمد: وليه ماتناظري البنت حلوه من جد

مرام: ايوا اشوف حلاها جايب لها السعاده الي تتمناها.. الا مغروره ومافي احد عاجبها

ام احمد: في هذي صدقتي .. غرورها يذبحني .. تقولين مافي غيرها على الارض

مرام: وياربي يسلم لي حبيبي .. ذوق وهدوء ورقه واخلاق

ام احمد: هدوء.. من متى سامي هادي .. من شفته وهو كله عصبي

مرام: الا هادي وحنين

ام احمد: اقول لا تنسي الكف الي اعطاكي ياه الليله اياها

مرام: عسل على قلبي .. ايش اسوي احبه

ام احمد: اقول ايش بناخذ لها ست الحسن

مرام: سم ياعمري.. سم يريحني منها

ام احمد: هههههههههههه الله يقطع بليسك سم مره وحده

مرام: والله انو ودي تموت اليوم قبل بكره

ام احمد: تعوذي من ابليس بس

مرام: سألتي ابوي عن خطبة سامي الي سما قالت عنها؟!!

ام احمد: ايوا سألته

مرام: ايش قال

ام احمد: يقول محد علمه بشي .. ومحد جاب سيرة خطبة سامي ابد

مرام: احساسي في محله

ام احمد: ايش يعني

مرام: كنت حاسه انو سما رمت بالكلام رمي حتى اقطع الرجا بسامي

ام احمد: من يومها وهي خبيثه

مرام: بس على مين.. انا ماخذه سامي ماخذته

ام احمد: اقول انا لو بجلس اعيد بكلامي منتي سامعته ولا انتي منفذته .. اقول خلك ورا سامي ذا وشكلك بتعنسي

****************************

تابعو في الجزء الخامس
هزاع وسما.. بداية النهايه
احداث جديده ومثيره

الصراحه وايد حلوة القصة تسلمين
وانا انشالله من المتابعين للقصة انشالله

ميرسي يا إيمي القصة رائعة جدا وفي انتظار باقي الأحداث

مرحبا يا احلى بسبوسة .....


اسعدتني بمرورك... والحمدالله ان الرواية اعجبتك وبدأتي تتابعيها باهتمام ......


بالنسبة لسما : شخصيتها قوية ....... وهزاع ايضا ............ سما فقدت اهتمام الام وحنانها ...........هزاع يحتاج من يهتم به ........... فهل يتفقان ويقرران الارتباط .... تابعي الاحداث ...


هزاع ..... هو قريب سما من ناحية الاب ... اي ابن عمة ..... وهورجل اعمال ناجح جدا وعصبي الى اقصى حد ... ولا يحب احد ان يمشي رايه عليه ......وهو حنون وشهم ... لكن في العصبية لا يعرف احد ...



ام سما .... بعد اختطاف سماح وعدم عودتها ... مع معرفتها انها على قيد الحياة اصابها بصدمة .... ومن خلال رد فعل هذه الصدمة اهملت اولادها ... بل وحملت سما وسامي ذنب اختطاف سماح دون اي مبرر




سما ... لا ترفض الزواج كمبدأ ولكن كشخصية قوية وكلمة مسموعة ... مع اهتمامها باخوتها ذلك يعطيها حافز لعدم الزواج ....... ولكن مع الاحداث سنعرف انها .....!!!!!!!!!!!!!!!!!!!!!!





تصرف مرام مع زواج نور وسامي سنعرفه مع الاحداث ................... وما الذي سينتج عنه ... هل يستمر الزواج ام لا ............. وما دور العائلة في هذا ............





اشكرك يا بوسي على كلماتك المشجعة واهتمامك الرائع بالرواية ..........


والبارت القادم قريبا ... باذن الله ..............

شكرا يا ذكرى انكي لبيتي دعوتي ...... واعلم ان ذوقك رفيع في قراءة الروايات ... لذلك دعوتك ..... لانني اعلم ان الرواية ستعجبك ..........



ومازال التشويق مستمرا في الرواية .......... فانتظري البارت قريبا ........




ويارب ما انحرم من وجودك معي في الرواية .................

مرحبا يا همس الوفا ...


سعيدة انني اكتسبت قارئة ومتابعة جديدة للرواية ........



وانتظري القادم فمازالت الاثارة والغموض مستمرين ........

قصه مليئه بالغموض والمفاجأت

مشكووووووووره Emomsa على اختيارك للقصه

بأنتظااااااار باقي الاحداث بس ياليت ماتطولي ..ياعسل

مرحبا بكي يا قمر


وسعيدة انني اكتسبت قارئة متميزة مثلك ......


والبارت القادم في الطريق

نبض قلبي
الجزء الخامس


في غرفة سما بالمستشفى

سامي: حبيبتي
سما: ...............................
سامي: شفتي راشد يهبل الله يحفظه
سما:.................................
سامي: كنت فرحان وانا شايله بين يدي .. كان ودي اخذه معاي
سما:................................
سامي: على فكره عادل لا حظ سكوتك وهمك
سما:..................................
سامي: زعلانه مني
سما: .................................
سامي: حبيبتي مافي شي تزعلي منه .. انا اخوك وحبيبك وروحك.. ليه تستحي مني
سما:.............................
سامي: ردي علي
سما:..............................
سامي: ماتبين تكلمني على طول يعني
سما: .............................
سامي: اهون عليكي ياروحي انتي
سما:.............................
سامي: ماضنيت انو سامي رخيص عندك كذا. سامي الي روحه فيكي تزعلي عليه كذا انا من لي غيرك اذا ماتبين تكلميني .. وين اروح .. ماعندي ام ولا اب .. انتي امي وابوي من زمان يا سما .. ولا نسيتي
سما:..............................
سامي: خلاص مابثقل عليك .. بتصل على فهودي حبيبك يجيك .. يمكن اذا جا تتكلمي.. وانا بروح ..لانك ماتبيني

سما: لا

سامي: لا ايش.. ياروحي

سما: خليك

سامي: حاضر انتي تامريني .. طيب اضحكي عاد .. والله ماصار شي يستاهل ذا كله

سما: عادي

سامي: اكيد

سما: اكيد

سامي: طيب شفتي راشد

سما: ايوا

سامي: شفتي حلاته

سما: ايوا

سامي: طيب ماودك بواحد يقولك ماما زيه

سما: لا

سامي: براحتك .. انتي تقرري

سما:.....................................
سامي: تغطي خليني اشوف الباب .. من؟!!

هزاع: هزاع

سامي: حيال الله الرجال

هزاع: السلام عليكم

سامي: وعليكم السلام .. هلا وغلا

هزاع: كيف الحال

سامي: الحمدلله

هزاع: كيفك سما .. انشا الله بخير

سما: بخير

هزاع: لسا تعبانه

سما: شوي

هزاع بعصبيه: وين عادل

سامي: ايش فيك يارجال

هزاع بحده: كيف يتركها وهي تعبانه كذا

سامي: لا هي تعبانه ولاشي

هزاع: شف وجهها كيف صار

سامي: لا تعبانه ولا شي .. انا مزعلها

هزاع بحده: كيف تزعلها.. انجنيت انت .. سما.. كلميني ايش مزعلك

سما: انا بخير مافي شي

هزاع بحنان: اكيد !!!!!!

سما: اكيد

سامي: قالت لك اكيد ارتاح عاد

هزاع: انا جيت اتطمن عليكي .. اعزيكم .. عضم الله اجركم

سامي: اجرنا واجرك

هزاع: سما .. ماتبين تردين

سما: اجرنا واجرك

هزاع: اذا متضايقه من وجودي بمشي .. بس قولي لي

سما: لا عادي

سامي: انت كيفك وكيف الشغل معاك

هزاع: الحمدلله .. ماشي تمام.. طيب انتي ليه حزينه كذا ..

سامي: هزاع ..

هزاع: انتي لسا تكرهيني ياسما

سما: انا اكرهك؟!! ليه

هزاع: ماني عارف.. تحسسيني اني مسوي لك شي غلطان عليكي فيه

سما: انت واهم

سامي: تراهي منحرجه من الي صار امس

هزاع: أي احراج ياسما.. ماصار شي تنحرجي منه .. وبعدين انتي عرضي .. فاهمه ايش اقصد .. انتي عرضي .. يعني احافض عليكي اكثر ما احافظ على روحي.. لا تنسين انو امي وامك بنات عم

سما: تسلم .. ماني ناسيه

هزاع: طيب كلميني.. ايش صار لك امس

سما: ولا شي

هزاع: الا صاير قولي لي.. انا بمكان اخوك

سما: سلامتك ماصار شي.. كنت تعبانه شوي

هزاع: تعبانه.. ها.. الو.. حسام جهز الطياره الان .. الان قلت.. ابسافر انا وعيال عمي راشد .. يلا انتظر مني مكالمه

سامي: أي سفر هذا ياهزاع الله يهديك

هزاع: اذا هي تعبانه .. ابي اعرضها على اكبر دكتور .. ويطمني عليها

سما: مابي

هزاع: ليه ماتبين

سما: بس مابي

بومشعل: السلام عليكم

سامي: وعليكم السلام

هزاع: وعليكم السلام .. هلا وغلا بومشعل

بومشعل: بالمهلي ياولدي .. اخبارك انشاالله بخير

هزاع: بخير الله يسلمك

بومشعل: كيفك اليوم ياسما .. احسن انشا الله

سما: الحمد لله

بومشعل: ايش فيه شكلك ماهو طبيعي

هزاع بعصبيه: شفت يا سامي.. قايل انا انها ماهي طبيعيه

سما: هزاع

هزاع بحنان: يعيونه

سما: ممكن تصدق اني بخير

هزاع: اصدقك واكذب عيوني

سما: اسمع ياخوي .. انا متضايقه من سامي شوي .. لا تكبرها عاد

يومشعل: ذكرو الله ياعيال ايش فيكم

سامي: هزاع مصر انو يسفر سما يعرضها على دكتور برا

بومشعل: هههههههههههههههههههه برا عاد ياهزاع .. والدكتورعادل ايش فيه ماشاالله عليه شايف شغله وماعليه قصور

هزاع: بس البنت تعبانه

بومشعل: دلع بنات .. ومثل ماقالت لا تكبرها

هزاع: شوفو .. انا واحد منكم وفيكم.. اذا محسبيني غريب قولو لي

سامي: ايش هالكلام ذا ياهزاع .. انت اخو عزيز

بومشعل: انت منا وفينا ياولدي لا تقول كذا

هزاع: سما وانتي

سما: انا ايش

هزاع: شايفتني غريب

سما: انت واحد من اخواني ياهزاع

هزاع: ها؟!!.. مو مهم .. المهم ابي اعرف ايش صار لك امس.. امس لما كلمت سامي قالي انك حالمه بكابوس وهالكلام ماهو صحيح ابي اعرف الصدق .... ليه ساكتين تناظرون بعض .. اذا ماني غريب قولو لي

سما: ايش تبغى تعرف

هزاع: مين الي كنتي تصرخي ذبحوها .. ومين هذول الي يبون يذبحو فهد

سما: واذا قلت لك حلم بتصدقني

هزاع: حلم وفهد متعرض لحادث مقصود امس

سامي: وانت ايش دراك

هزاع:تسال هزاع ايش دراه ..مو مهم من قالي .. المهم انو الحادث مقصود

سما: هزاع اقدر اثق فيك

هزاع: اكيد تقدري سرك ببير .. ومعاي لا تخافي على روحك او اخوانك .. والله اني افديكم بعمري

سما: بمقابل ايش

هزاع: هااااااا

سما: بمقابل ايش .. بتفديني انا واخواني

هزاع: ولا شي

سما: الا اكيد تبي شي

هزاع: وغلاتك مابي

سما: ايوا غلاتي .. غلاتي هي الي تخليك تعمل كذا ماهو شي ثاني؟!!!!

هزاع: انا طلعت من الدنيا بعادل ماعندي غيره .. ماعندي عيال عمومه غيركم .. انتو اهلي وناسي .. اقف مع الغريب وانتو لا

سما: مارديت علي بمقابل ايش

هزاع: ولا شي .. ابيكم تحبوني بس

سما: اخواني كلهم يحبونك ويحلفون باسمك ورجولتك.. ماهو شي جديد عليك تعرف هالشي زين .. وغيره

هزاع: خلاص هذا الي ابيه

سما: اكيد؟!!

هزاع: اكيد

سما: طيب

هزاع: طيب بس .. يعني ايش.. بتشاركوني في مشكلتكم

سما: هزاع المشكله تخصني انا.. متقدم لي واحد وانا ما ابيه .. واخواني قالو لي انه رجال زين وفرصه ماتتعوض .. وافقت عليه .. ومن يوم ماوافقت وانااحلم بكوابيس .. هذي الحكايه

هزاع: وافقتي عليه؟!!!

سما: ايوا

هزاع: هذي الحكايه؟!!!

سما: ايوا

هزاع: الله يوفقك.. شوفي سما.. انتي منتي غبيه وانا مهما خبيت عليكي تفضحني عيوني.. حكايتك هذي كذبه وانا عارف.. تبين تبعديني عن المشكله الحقيقيه وهذا واضح.. اسمعي .. وغلاتك عندي وغلات اخوانك عندي اني بكون الظهر الي تستندو عليه وبتلاقو الحل لكل مشاكلكم عندي .. انتو بس تأشرون وزي ماقلت لك من شوي افديكي وافدي اخوانك بروحي والله اني ما اكذب فيها وصادق بها ويوم ماتحسو اني اخر الحلول الي تلجأو لها بابي مفتوح .. ماهو عشان شي ببالك .. هذا عشان انتو عيال عمتي واخواني .. ومالي غيركم بهالدنيا

سما: مامنك قصور يا هزاع رجال والنعم فيك كفيت ووفيت

هزاع: ارخصولي انا استاذن

بومشعل:مع السلامه ياولدي

سامي: ماقصرت ياخوي

بومشعل: نفسي افهم ايش تفكري فيه

سامي: هذا كلام ينقال

سما: ايش يعني تبون تقولو له عن سماح؟!!!

بومشعل: والله انا كنت بقوله لو مو الكلام الي قلتيه.. سكتي الكل.. يايبا ماهو كذا تتعاملي مع الناس.. احد يقول بمقابل ايش .. ايش تنتظري يرد عليكي

سما: هذا الي عندي

سامي: انا بديت اصدق انك تكرهيه من صدق

سما: لا اكرهه ولاشي .. بس

بومشعل: بس ايش يبا .. قولي الي بخاطرك

سما: انتو تتكلمو عن هزاع .. هزاع بن محمد

سامي: وايش يعني وانتي سما الراشد

بومشعل: وانتي بنت راشد الراشد .. وخوانك ماعليهم زود

سما: قصدي انكم تتكلمو عن هزاع بن محمد رجل الاعمال المعروف ..
رجل الاعمل الناجح .. الي مايعرف الفشل .. هزاع الي عنده معارف تغطي عين الشمس .. مكالمه وحده منه لاي شخصيه مرموقه مفتاح عبور لاي مكان انتو تبونه حل لجميع المشاكل الي تتخيلونها ويمكن مشكلتنا اولها.. هزاع انا ادري فيه يبيني من زمان .. ومستعد يفديني بروحه انا مصدقه هالشي منه يسويها .. هو يبي سما بنت راشد الراشد ..بنت رجل الاعمال المرموق.. بنت الحسب والنسب الي نسبها يرفع راسه قدام اهله وربعه.. انا قبل لا كون زوجه تريحه وتربي عياله بكون واجه له ولعمله .. انسباه لازم يكونو في مستواه .. وحنا انتو اعلم بحالنا

سامي: ايش تقصدي .. لا يكون حنا من الشارع وحنا ماندري

سما: لا بس عندنا اخت مخطوفه من 18 سنه ومانعرف عنها شي.. وعندنا عيالها نربيهم لو احد يعرف بوجودهم مابنعرف نرد عليهم لو سألونا مين هذول.. عندنا شهادات ميلاد تثبت اني امهم .. عندنا عقد زواج يقول اني متزوجه من جابر منصور ..وعندنا جابر منصور الي مانعرف عنه منو اصله او هو واحد من عيالهم وتزوج اختنا..عندنا موضوع البيت الي نبي نعيش فيه تتوقع بيوافق يعيش معانا فيه؟!! .. عندنا امانه مانعرف ايش هي ومانعرف ايش بتطلع .. عندنا ابوي وعمي الي مايدرو انهم على علاقه بتجار مخدرات .. اذا درا هزاع عنها مابيصدق انو ابوي وعمي مالهم شغل بيها او مايعرفو شي عنها.. اكيد مابيربط اسمه بهالشي حتى لوكان هالشي ماهو صحيح.. بس هذا الي عندنا.. تصور عاد يعرف هزاع بهالشي .. هزاع الي يخاف على اسمه وسمعته من الهوا .. بيرتبط بوحده مثلي.. كيف؟!!

بومشعل: هزاع دماغه اكبر من كذا بكثير

سما: اكبر بحيث انه بيساعدنا .. وبعدين خلاص .. انسو انه منا

بومشعل: بس يايبا هذا باين انه يحبك من زمان

سما: ولو .. انا سما الراشد .. مراح انتظره لحد مايقولي اسمحيلي مالك مكان بحياتي

بومشعل: بس

سامي: البنت معاها حق .. انت بنفسك مقتنع بكلامها ياعمي ..لا تغالط نفسك .. حتى لو هزاع يحبها .. بعد مايعرف ذا كله .. بينسحب بهدوء

بومشعل: طيب البنت صدته وخلاص.. خلونا نقوله عن سماح يمكن يقدر يساعدنا

سامي: حتى لو فكرنا انه يمكن يساعدنا بعد الي قالته له سما .. اخاف ياخذ موقف

بومشعل: هزاع مايرجع بكلامه .. قال لك مكتبه مفتوح

سما: خلونا ننتظر ايش الحركه الجايه الي ممكن يسووها هالكلاب وعقبها بنتصرف

****************************

بغرفة بومشعل وام مشعلام مشعل: بومشعل

بومشعل: خير ياعمري

ام مشعل: يعل عمرك يطول ويخليك ربي للعيال وتفرح بهم وبعيالهم

بومشعل: امين ياعمري .. واشوفك وانتي عجوز جنبي

ام مشعل: يعني انا شباب الان

بومشعل: شباب واصبى من بناتك بعد

ام مشعل: هههههههههههههههههه الله يجبر بخاطرك .. الا اقول

بومشعل: سمي

ام مشعل: ايش سويت على البيت

بومشعل: والله الي وصيتهم يدورون عليه قالو انو المواصفات الي ابيها مابلقاها لازم ابني

ام مشعل: ايوا بس انت عارف البنا بياخذ وقت طويل

بومشعل: عارف .. وعارف انو لازم نعجل بالموضوع سما بتطلع من
المستشفى بكره او بعده وانا مابيها تقعد هناك لحالها

ام مشعل: قاعده مع اخوانها يابومشعل

بومشعل: ادري بس ماتعرفي الظروف ايش ممكن يصير

ام مشعل: معاك حق

بومشعل: انا ابي منك شي

ام مشعل: امرني

بومشعل: ابيكي تنتبهي على سما .. قعدي معاها كثير.. قعدي معاها قعدت ام مع بنتها.. تفهميني

ام مشعل: فاهمتك نور قالت لي

بومشعل: حلو.. زين انك فاهمه .. مريم الله يرحمها اهملت العيال .. وراشد بعد .. العيال على قوتهم .. تراهم ضعاف من جواهم .. قولي الرجال شايلين عمرهم بس البنت خوفي عليها كبير

ام مشعل: ايش تامرني وانا اعمله

بومشعل: دلعيها كثير .. قربيها منك .. سولفي معها في كل شي وعن كل شي وبين السوالف قولي لها جمله او جملتين عن الزواج وكذا يعني .. ابيها تتعلم منك

ام مشعل: خلاص توكل على الله وعلي .. ولا يكون عندك فكر

بومشعل: الله يخليكي لي ولهم .. ماقلتي لي

ام مشعل: سم

بومشعل:ايش اخبارالعيال

ام مشعل: بخير ياربي يسلمهم .. مريم نايمه مع ساره ومشعل مع نور تلعب معاه

بومشعل: انتي سميتيه مشعل خلاص

ام مشعل: ايوا بسميه مشعل لين يرد مشعل بالسلامه

****************************

بغرفة سما بالمستشفى صباح اليوم الثانيسامي: صباح الخير

سما: هلا

سامي: نمتي كويس

سما: عادي

سامي: حسيت بك البارحه وانتي تتقلبي .. ما ارتحتي بنومتك

سما: افكر بهزاع

سامي: بذمتك

سما: وليه مستغرب

سامي: غريبه واخيرا سما بدت تفكر في هزاع

سما: راح مخك بعيد ..

سامي: وليه بس خليه قريب

سما: وبعدين

سامي: طيب طيب .. ايش تفكري فيه

سما: انا مابيه يزعل مني .. يمكن فعلا هو مفتاحنا الي بيوصلنا لسماح

سامي: مفكره في شي

سما: ايوا

سامي: خير

سما: ابي اشتغل معاه

سامي: خير ياعيني؟!!!!! عيدي الكلام ماسمعتك زين

سما: ابي اشتغل معاه

سامي: وايش تشتغلي ياروحي

سما: أي مشروع ادخل فيه معاه

سامي: وليه انشا الله

سما: ما ادري طريق ادخل منه لموضوع سماح

سامي: تكذبي علي ولا على نفسك

سما: كيف يعني

سامي: ليه تتعبي نفسك وتدخلي له من طريق مشروع وغيره .. ياروحي ريحي نفسك واجلسي مكانك انا اكلمه عن سماح وينتهي الموضوع.. ساعدنا ياهلا ويا مرحبا ماساعدنا ماقصر وجزاه الله خير .. اما اذا تبي تلاقي طريقه تعرفيه فيها كويس وتتأكدي من حبه لك فهذا شي ثاني ... تغطي بشوف الباب .... تعال ادخل

سما: ما اصدق .. باقه اليوم بعد

سامي: انا الي ما اصدق الرجال متمسك فيكي والله انا لومكانه مكنت عبرتك

سما: اترك الكارت انا بقوم اقراه بنفسي

سامي: قومي

سما: اسمع .. باقه جديده ليوم جديد .. كنت ابي تفتحي عينك على هالورد وتبتسمي اول تصحي من النوم بدل الحزن الي كنتي فيه .. عارفك تحبي الورد .. ياليت بيدي واخليك اسعد وحده بهالكون ومن غير مقابل.. هزاع

سامي: حرام عليكي .. من جد حرام عليكي .. الرجال يحبك ايش تبين اكثر
من كذا

سما: ابي اختي ترجع لي .. وابي كل الامور تتصلح وعقبها بقولك موافقه عليه

سامي: يعني بديتي تميلين له

سما: طبعا لا.. ايش فاكرني عشان شوية ورد وكلام معسول بطيح بغرامه..
هاه .. انا سما

ساره: صباح الخير

سما: صباح النور صباح العسل

ساره: هلا يالغلا كله .. اخبارك تمام؟

سما: من شفتك صرت تمااااااااااااااااام

سامي: وين زوجتي

ساره: رد السلام بالاول.. وبعدين تبيها روح لها انا بقعد مع سما اليوم

سما: أي والله ليه ماتروح البيت وترتاح كم ساعه وبعدين تجي

سامي: لا ما اتركك لحالك

ساره : لا تخاف ابوي جاي وراي

سما: ايوا ابيك تروح وتتطمن على العيال وعلى حبيبة القلب وتجي

سامي: بتصل على عمي الاول وبعدين امشي .. الو

بومشعل: الو

سامي: عمي كيف حالك

بومشعل: الحمدلله

سامي: اقول انت جاي المستشفى

بومشعل: خير

سامي: ابي ارجع البيت شويه وتارك سما وساره لحالهم

بومشعل: ايش اقول

سامي: سم

بومشعل: توكل على الله وروح.. انا متفق مع ساره تتكلم مع سما عن هزاع .. اطلع وخلهم على راحتهم وانا ساعه واجي

سامي: دامك بتجي خلاص .. انا امشي
بومشعل: قبل لا تمشي قول لعادل خله يدير باله عليهم

سامي: تامر .. يلا مع السلامه .. ها محتاجه شي اجيبه معاي

سما: تسلم لي .. ابي سلامتك

سامي: وانتي تخليكي هنا ولا تطلعي الا لما ارجع

ساره: اقول ترا مو انا زوجتك زوجتك هناك آمرها على كيفك

سامي: ليه ما امرك .. مو انتي زوجة اخوي

ساره: هذا الي بيذبحني فهد بس الي يامرني ماهو انت

سما: بس انت وياها .. وانتو من تتقابلون هذي حالتكم

سامي: ههههههههههههههه يلا ياعسل سلام .. اقول تراني رايح لعادل اوصيه عليكم .. لاتخافون

ساره: طيب يلا سلام واااااااااااااي روح فكنا

سما: لا تكلمين اخوي كذا ما ارضى عليه

ساره: اقول افتح الباب ويلا .. يلا

سامي: هههههههههههههههههههه طيب ياساره انا اوريك

ساره: اخوك هذا نشبه .. مابغا يطلع

سما: ..........................
ساره: هيييييييييييييييييييييييييييي وين رحتي

سما: هنا معاك

ساره: شكلك بعيد

سما: بعيد وين

ساره: انتي قولي لي انا مادري .. اسمعي ابيكي تقولي لي كل شي وانا اجهز لك الفطور

سما: تبين من البدايه

ساره: ايوا من البدايه

سما: شوفي لما رديت على الاتصال الي جا وسمعت الطلق الناري .. حسيت اني في فضا لحالي .. ما اذكر كيف وصلت للمجلس ما ادري ليه رحت المجلس على طول.. المهم اني شفته واقف وخايف ماهو عارف ايش يعمل .. كنت اصرخ من خوفي من جد كنت مرعوبه.. لما حسيت انو بتطلع روحي شفت نفسي بين يدينه ..و

ساره: ها ... وايش

سما: وبحضنه

ساره: واااااااااااااي على الاحراج

سما: سكتي بس .. كلما تذكرت الموقف احس برعشه حلوه داخلي

ساره: ايوه كذا

سما: تعرفي امس لما جا يسأل عني .. كنت قاسيه معاه واجد .. هو كان شوي ويقولي احبك.. بس ههههههههههههه وجود عمي وسامي منعه

ساره: وانتي مبسوطه يعني .. كنتي تبين تسمعيها منه

سما: بيني وبينك .. ايوا.. كنت ابي اسمعه يقولي احبك

ساره: حبيتيه

سما: مادري ايش اسمي هالاحساس الي داخلي .. ما اعرف

ساره: دامك تعلقتي بيه وتفكري فيه فهذا هو الحب

سما: من صدقك .. انا كذا احبه؟!!

ساره: ايوا

سما: ياحلوه من احساس .. بس ماني عارفه ليه ما ابي هزاع .. عندي اقتناع انه ماهو الانسان الي يناسبني

ساره: ليه

سما: ما ادري انا زوجي غير غير

ساره: وبعدين كملي

سما: امس قالي انه يفديني ويفدي اخواني بروحه ولا يصير لنا شي .. عارفه الكلمه هذي هزتني كثير .. حسيته بيعوضني عن امي وابوي ..
حسيت انه ماراح يتركني لحالي.. ابد

ساره: طيب ليه ما فتحتي له المجال ليه انتي قاسيه عليه

سما: صدقيني حتى لو حبيته .. وانا ادري فيه يحبني كثير .. اكثر من روحه .. بس لما بيعرف عن قصة مشعل وسماح والي اختطفوهم وتجار المخدرات .. ماراح يخاطر باسمه وسمعته ويتزوجني

ساره: وانتي ايش عرفك .. يمكن الرجال يطلع يتمسك بيكي لحد الغمه هذي ما تنزاح

سما: متمسك بي وبيتمسك بي لحد النهايه بس من غير ارتباط .. بكون حولي من بعيد لبعيد بس

ساره: يعني الحارس الامين

سما: تقدري تقولي كذا

ساره: بس كذا حرام .. بعد ماتلاقي الي ممكن ترتاحي له .. تلاقي معاه الف عقبه وعقبه

سما: بس انا ماحبيته .. خذني اهتمامه .. بس ماحبيته الموضوع عندي عادي

ساره: لا ماهو عادي .. تكذبي على نفسك .. دامك حاسه بالاحساس الحلو داخلك .. يبقا ماهو عادي.. انتي جالسه تحبيه وانتي ماتعرفي

سما:.............................
ساره: وين وصلتي

سما: بقوم اجيب لك الكارت الي جابه مع باقة الورد اليوم

ساره: ياربيييييييييي والله انه يجنن .. كلامه حلو ..

سما: شوفي كارت امس بعد

ساره: الله يعينك

سما: عارفه .. البارح مانمت.. احس اني كلما ابي اغمض عيوني بناديه.. خفت سامي ينتبه لي .. البارح اول مره انام مرتاحه ..تخيلي انو الابتسامه مافارقتني كل ما اذكر كلمته انو بيفديني بروحه.. من جد المره هذي بكون وحده ثانيه معاه غير الي عرفها وتعود عليها .. صحيح الاحساس داخلي متناقض بس احس اني ابي اعرفه اكثر

ساره: ايش قررتي تعملي ..راح تفتحي لقلبك المجال

سما: مادري .. عقلي يمنعني وقلبي يقولي افتحي.. عارفه على انه الشعور داخلي متناقض بين اني ابيه وبين اني مقتنعه انه مايناسبني بس الان ابي انادي على اسمه هزاع.. هزاع.. هزاع

ساره: بس اسكتي لا تفضحينا.. واقعدي بلا هالطيران لا تطيحي علينا

سما: لا خليني شوي ماصدقت سامي يطلع واخذ راحتي .. ودي اكلمه ..ودي اعرفه ..ودي اقوله على الي بخاطري .. ودي انه يحبني وما يتخلى عني

ساره: ماني فاهمتك .. احسك متهوره بشعورك ولا يمكن عاطفتك ما صدقت احد تتعلق فيه ..اجل وين راح الخوف الي بداخلك صوب الرجال تبخر

سما: تبخر ايوه تبخر .. احس انه شال كل الخوف الي بداخلي كله كله .. بس بعد الاحساس الي داخلي غير يقول ماهو هزاع

ساره: اقعدي زين لا تطيحي .. ياربي انهبلت البنت

سما: لا مابقعد هزاع.. هزاااااااااااااااااااااااااااااع

هزاع: ياروح هزاع .. تناديني

سما: ياويليييييييييييييييييييييييييي

هزاع: ياروح هزاع انتي وعمره والله... ايش فيكي تناديني جيتك

ساره: امسكها لا تطيح

هزاع: حبيبتي حاسبي

سما: ..............................
هزاع: انتي بخير؟!! هههههههههه طيب غطي راسك

سما: ...............................
هزاع: ساره جيبي الغطا

سما: ايش عرفك بساره

هزاع: اتصلت على سامي اقوله اني بجي .. قالي روح ساره معاها وهوجاي الان

ساره: طيب ممكن تفكها من ايدك لا يجي سامي وننفضح

سما: ايش جايبك

هزاع: هذا سؤال؟؟ جيت اتطمن عليكي قلت اذا حالتك زي امس بسفرك غصب عليكي

سما: غصب علي؟!!!!

هزاع: ايوا غصب عليك.. مومهم عندي تزعلي المهم عندي اني اتطمن عليكي

سما: انا بخير

هزاع: شايف انك بخير.. ياربي دوم .. بس ماقلتي لي ليه تناديني

سما: انت كيف تدخل علي من غير ماتدق الباب

هزاع: دقيته ومحد رد .. سمعت كم كلمه كذا على الطاير .. وبعدين سمعتك تناديني خفت ودخلت

سما: ايش سمعت

هزاع: ههههههههههههههه ماراح اقول

سما: لا بتقول

هزاع: لا لا هههههههههههههههه

سما: هزاع

هزاع: ياروحه

سما: ايش سمعت

هزاع: بعدين اقولك

ساره: اقول ايش رايكم اطلع واتركم على راحتكم شوي .. تراكم زودتوها

هزاع: هههههههههههههههههههههههه هذي صاحبتك؟!!!

سما: هذي بنت عمي بومشعل

هزاع: تشرفنا .. هلا بساره والله .. كيف الوالد والاهل

ساره: كلهم طيبين

سما: ماقلت لي ايش سمعت

هزاع: مانسيتي .. قلت بسولف مع ساره لحد ماتنسين

سما: قول

هزاع: من ساعة انك نمتي البارح والابتسامه مافارقتك

سما: ..................
هزاع: وليه الحيا

سما: انسى كل الي قلته تراه موصحيح

هزاع: تعرفي عاد .. هذا الشي الوحيد الي صحيح قلتيه غير عن كلامك وكذبك امس

سما: انا مكذبت

هزاع: طيب طيب خبيتي .. زين كذا؟.. اجل وافقتي على العريس الجديد خلاص.. ها؟

سما: ايوا وافقت

هزاع: هههههههههههههههههههه طيب الله يوفقك

سما: وانت ليه تضحك

هزاع: كذا

سما: يعني ايش كذا جاوبني

هزاع: وانتي ايش دخلك زوجتي بس الي تقدر تسألني واجاوبها .. انتي زوجتي

سما: لا

هزاع: طيب لا تسأليني اجل.. اسمعي تراني طالبك من اخوك اول مايدخل

سما: لا طبعا

هزاع: اه نسيت الي متقدمك وانتي وااااااااااااافقتيي عليه .. اجل خلاص تقدري ترفضيني لما يسألك سامي

سما: هاااااااااااا

هزاع: سما

سما: ......................
هزاع بحنان: بترفضيني

سما: هزاع لا تستعجل ابي اتكلم معاك الاول وبعدين بتركك تقرر انت تبيني او لا

هزاع: مافهمت

سما: انا قلتلك عن مشكلتي وهذي ماكذبت فيها .. بس لازم تعرفها بالاول .. وبعدين انت تقرر

هزاع: يعني انتي تبيني

سما: بالاول تسمع كلامي .. وبعدين اجاوبك

هزاع: طيب قولي

سما: شوف انا وسامي كنا مقررين نقولك او ناخذ رايك .. عمي بومشعل وافق على فكرة انك تدري

هزاع: والمشكله هذي الكل يدري عنها؟!!

سما: المشكله هذي اساسها بيت ابوي يعني انا واخواني وبيت عمي بومشعل هو وعياله

هزاع: كملي

بواحمد: السلام عليكم

هزاع: وعليكم السلام ورحمة الله

بواحمد: هلا هزاع هنا

هزاع: يا هلا بو احمد كيف حالك

بواحمد: الحمدلله .. وانت بشرني عن اعلومك

هزاع: الحمدلله

بواحمد: هلا بنتي كيف حالك اليوم

سما: الحمدلله عمي .. انا بخير

بواحمد: تفضلي يام احمد مافي احد غريب

ام احمد: السلام عليكم

سما: هلا خالتي

ام احمد: هلا يما .. كيف حالك انشالله بخير .. من قالي عمك عنك وانا قلقانه عليكي كثير

سما: ماله داعي القلق يا خالتي.. انا بخير

مرام: سما.. كيفك

سما: طيبه

مرام: ساره كيفك

ساره: الحمدلله

ام احمد: ساره هنا .. كيفك يما

ساره: الله يسلمك خالتي

بواحمد: ها هزاع الا هنا

هزاع: أي والله جيت اعزي مالقيت احد بالبيت .. قالي عادل انه سما هنا .. توقعت ان العيال هنا.. عضم الله اجركم يا بواحمد

بواحمد: اجرنا واجرك.. صارلك زمان هنا

هزاع: لا من دقايق بس

بو احمد: الا ايش اخبار القضيه الي ربحتها

هزاع: ربحتها

بو احمد: هههههههههههههههههههه

مرام: ايش قالو لك سما

سما:.......................

مرام: سما

سما: نعم

مرام: وين سارحه .. ايش قالو معاكي

سما: ارهاق وقل نوم

مرام: ماتشوفين شر

بواحمد: هذي بنتي ياهزاع .. مرام

هزاع: الله يخليها لك مادريت انو عندك بنت بهالسن .. تراك كبير وماني داري

بو احمد: ههههههههههههههههههههههه

هزاع: كيف حالك يا مرام

مرام بدلع: بخير الله يسلمك

هزاع: كيف حالك يا ام احمد

ام احمد: انشا الله تسلم .. كيفك وكيف الاهل

هزاع : طيبين الله يسلمك

بواحمد: ساره الا الوالد مابيجي

ساره: بعد شويه بيجي

بواحمد: فرصه اتكلم معاه .. عن مشروعي الجديد

هزاع: عقود؟!1

بواحمد: اكيد عقود .. نضمن حقنا

هزاع: الله يوفقك .. سما

سما:..........................
هزاع: سما

ساره: سما ردي هزاع يكلمك

سما: ها .. خير

هزاع: تامريني بشي

سما: شكرا

هزاع: كان ودي التقي بسامي.. بس بلغيه اعتذاري .. تراني مسافر .. يومين وبرجع.. بس بكلمه الليله اكيد .. خلاص .. قولي له .. اليله اكيد بكلمه

سما: حاضر بقوله

هزاع: يلا ارخصولي

بواحمد: تحفضك السلامه

ام احمد: مع السلامه .. وسلم على الاهل

هزاع: يوصل انشا الله .. فرصه سعيده يامرام

مرام بدلع مبالغ فيه: انا الاسعد بشوفتك

هزاع: سما

سما:.....................
هزاع: سما انتي تعبانه؟!! انادي عادل

سما: لا.. لا ماله داعي .. حاسه بصداع شوي محتاجه ارتاح بس

هزاع: انا رايح لعادل .. ساره بلغي الوالد تحياتي ..

ساره: يوصل

مرام: الا سامي وين

سما: ساره ماعليكي امر ابي مويا

ساره: انشا الله

سما: ابي تدقي على فهد يجي

ساره: فيكي شي

سما: لا.. بس ابيه يجي

بواحمد: سما ايش فكي يبا

سما: تعبانه شوي

عادل: صباح الخير

بواحمد صباح النور.. كيف حالك ياولدي

عادل: سما مالك

سما: ما ادري

عادل: حرارتك مرتفعه.. اعذروني ياجماعه.. ابي اطلب منكم تمشون

بواحمد: ايوا اكيد .. ماعليكي شر ياسما

عادل: خليني اخذ لك الحراره

****************************

سما
من بين كل الناس اخر واحد ممكن اظن اني راح اتعلق فيه هو هزاع .. هزاع ايش فيه ينعاب طويل وسيم بدرجه بسيطه تطغي عليها الرجوله بعكس عادل الاوسم شكلا عادل عيونه خضر هزاع عيونه عاديه جدا هزاع عصبي .. كنت اخاف من عصبيته ماكنت احب اقعد معاه او العب معاه وحنا صغار كنت اشوف اهتمامه بي بس كنت اخاف منه ما انكر اني كنت قاسيه في معاملتي معاه .. بس معقوله لحد الان متمسك بي ويبيني .. عقلي رافض وجود هزاع بحياتي وقلبي تعلق فيه .. اه يانبض قلبي تراه يكون هزاع .. ليه عقلي يقولي لا .. ماكنت اتوقع انه يسمع مني الي اسمعه .. ياليتني سمعت كلام ساره وجلست بلا هالطيران والهيام الي كنت فيه .. ايش اقدر الاقي عذر لنفسي .. محتاجه للحب؟ هذا مايشفع .. فشله ايش بيقول .. كان ودي اقعد معاه مده اطول كان ودي اسمع كلامه واسلوبه الي بديت احبه .. صرت احب اسلوب هزاع وهو يتكلم .. والله ماني مصدقه نفسي .. كان ودي يسمع مني موضوع سماح كنت ابي اشوف ردة فعله بعيني واعرف وقتها هو يناسب لي او لا .. مهم عندي هالشي كثير .. بس لو مو جيت عمي ناصر والزفت الي معاه .. كنت شفت الي ابيه .. الله يشيلك يامرام .. والله حسيت الدم يغلي بعروقي وهي تتدلع عليه .. ايش صار لي انا الان شكلي بديت اغير عليه .. احس بتعب وضيق كبير
****************************

بيت ناصر
مرام: يما مين هذا

ام احمد: أي هو

مرام: هزاع

ام احمد: ايوا هزاع ايش لك بيه

مرام: يووووووووه يما

ام احمد: هههههههههههههههه ماني قايله

مرام: وليه عاد

ام احمد: بس كذا

مرام: وغلاة مرام عندك لانتي قايله

ام احمد: شوفي هذا هزاع بن محمد.. معروف والكل يشهد له.. اولهم ابوكي .. عنده من الخير الكثير فوق ماتتخيلي.. عارفه لو بطل شغل وقعد بالبيت.. الفلوس الي عنده بتكفي لحد عيال عيال عيال عيال عيال عيال عياله

مرام: ول يما من صدقك

ام احمد: ايوا من صدقي .. ابوكي يقول .. عنده اموال وبيوت وعمارات ومنتجعات وفنادق واسهم في كل مكان .. هذا اذا مايملك نص الديره الي انتي ساكنه فيها

مرام: ول كل هذا

ام احمد: هذا ياحظي الي يركضون وراه ماهو سامي

مرام: ماهو متزوج

ام احمد: لا

مرام: مانتبهتي لنظرته لي وهو يسلم علي

ام احمد: في هذي لا تحلمين

مرام: وليه عاد .. تراه ناظرني وابتسم لي بعد

ام احمد: بالعافيه على النظره والابتسامه.. بس بعد لا تحلمين به

مرام: وليه انشالله

ام احمد: عشان الي بقلبه وحده ماخلته يتزوج لحد الان

مرام: مين هذي انشالله

ام لحمد: ست الحسن والجمال

مرام: سما؟!!!!!!!!!!

ام احمد: ايوا سما

مرام: سما تحب ما اصدق

ام احمد: لا تحب ولا تدري عنه

مرام: كيف يعني
ام احمد: اتذكر اني كنت في بيت عمك كنت ازور مريم الله يرحمها.. كان وقتها خالد ولد عمتك خطب سما.. وكان الكل منزعج انها رفضته .. اولهم امها.. امها كانت تبي تزوجها باي طريقه بس البنت كانت على طول ترفض.. بعد ماهدى الموضوع شوي .. رحت لمريم ازورها واعرف منها ايش القصه

مرام: ذكيه يما .. لو رايحه في غز حرارة الموضوع ماحد كان بيعطيكي وجه

ام احمد: هههههههههههههههه ليتك تطلعين ذكيه مثلي وتعرفي تختاري صح

مرام: المهم يما

ام احمد: المهم اني كنت هناك هذاك اليوم ومريم كانت تتكلم بعصبيه على بنتها .. شوي وجات شيخه ام هزاع الله يرحمها .. وجلست معانا وسمعت مريم وهي تتكلم عن بنتها .. قالت لها سمعي يامريم ترا هزاع يحب سما من زمان ويقول اذا ما اخذها ماراح ياخذ غيرها.. لا تتضايقي ابد من انها ارفضت خالد يمكن نصيبها مع هزاع وهالشي اكيد بيفرحك.. رحبت مريم بهالشي وسعدت بيه كثير .. بس عقبها مرضت ام هزاع وبعديها بفتره توفت .. وانقفل الموضوع

مرام: يعني هزاع يحب سما .. وهي ما تعرف عنه

ام احمد: ايوا .. اكيد مريم مافاتحتها .. ولا ماكنتي شفتيه قاعد معاها اليوم من غير اخوانها

مرام: صح يما

ام احمد: عاد لو بنتي حبيبتي عندها عقل .. تفكر .. وتعرف كيف تجيبه لها ..وتضربي عصفورين بحجر واحد

مرام: كيف يما

ام احمد: تقهري سامي لانك اخذتي هزاع وفضلتيه عليه .. وتحري سما انك قدرتي تتزوجي واحد كان رافض الزواج عشانها

مرام: وانسى سامي؟!!!!

ام احمد: يووووووووووووه عاد انا قلت لك وانتي اختاري

مرام: بس هذا شكله كبير علي واجد

ام احمد: وكبير عليكي وايش فيها لاهو حرام اوعيب

مرام: بس

ام احمد: الكبير هو الي يدلع ويزيد بدلاله للحرمه ويصرف الي عنده عشان رضاها .. وهذ هزاع .. يعني لو طلبتي نجوم السما .. بيعملها قلاده ويهديكي ياها

مرام: بفكر

****************************

بغرفة سما في المستشفى

فهد: ايش صار

ساره: والله مدري هزاع جا وكانت كويسه ومافيها شي .. وبعدين جا عمك بواحمد وزوجته ومرام.. وكانت متضايقه شوي بس مش عارفه من ايش .. شوي وارتفعت حرارتها

فهد: وين عادل

ساره: جا شافها .. وعطاها ابره .. وقالي انها كويسه

فهد: صار شي مع هزاع

ساره: ابدا .. الرجال كان ذوق .. وهي كانت مبسوطه مره .. بس والله ماني عارفه ايش صار لها

فهد: تصحى ونعرف

خالد: ها.. خير

فهد: هلا ياخوي .. لا تقلق .. هي بخير

خالد: سامي وين

ساره: قالت له سما يرجع يريح

خالد: وكيف يسيبها

ساره: خالد تبي الصراحه .. سما هي الي اصرت يمشي كانت تبي تتكلم معاي

خالد: وتكلمت

ساره: ايوا كنا نسولف ونضحك وهي كانت مبسوطه بس فجأه ارتفعت حرارتها

خالد: هذا هزاع متصل

فهد: رد عليه شوفه

خالد: الو

هزاع: خالد

خالد: هلا والله

هزاع: سما مالها . من شوي انا عندها وماكان فيها شي

خالد: والله مدري ياخوي .. انقلب حالها بعد ماطلعت بشوي

هزاع: انا بكلم سامي لازم اسفرها اليوم

خالد: ياخوي انت.......

هزاع: لا تطولها ياخوي بسفرها يعني بسفرها حالتها ماينسكت عليها

خالد: خلها تصحى ونشوف .. لا تتسرع

هزاع: انا بكلم سامي الان .. سلام

خالد: مع السلامه

فهد: ايش يقول

خالد: يقول يبي يسفرها

بومشعل: ها .. ياعيال ايش صاير

فهد: ارتفعت حرارتها فجأه

خالد: هزاع متصل .. ويبي يسفرها

بومشعل: انا بروح اشوف عادل تعالي معاي ياساره



خارج غرفة سما

ساره: يبا

بومشعل: ادري يبا .. تحبه صح

ساره: ايوا ماتوقعت انه يصير معاها كذا

بومشعل: طيب ايش صار

ساره: من قال انه مسافر يومين وهي منقلبه

بومشعل: تعلقت فيه .. وخافت يتركها

عادل: عمي بومشعل

بو مشعل: هلا ولدي .. بشرني ياولدي عن سما

عادل: والله ياعمي ايش اقولك.. كل تحاليلها تقول مامعاها شي .. هو اغلب الراي انه مشكلتها نفسيه

بو مشعل: وانا اقول كذا بعد

هزاع: ايش تقول

بومشعل: هزاع؟!!

هزاع: ايوا وليه مستغرب

بومشعل: لا .. ولا شي

هزاع: لا .. يابومشعل .. بتقولي... البنت ماهي طبيعيه لازم اعرف ايش معاها

عادل: اسمحولي انا

بومشعل: مسموح ياولدي

هزاع: قول يابومشعل

بومشعل: وحده وافقدت امها من خمس شهور وابوها من اسبوع .. ايش تتوقع يكون فيها

هزاع: بس البنت ابد ماكانت بهالضعف ..

بومشعل: حملها يهد جبال وانا عمك

هزاع: ايش هالحمل ذا.. هي قالت لي انو فيه مشكله انتو طرف فيها.. وكانت بتقولي عليها من شوي بس دخل عمها ناصر واهله وسكتت

بومشعل: اجل انتظر لحد ماتصحى واسمع منها دامها قررت تقولك

هزاع: لا.. انا بسمع منك .. والان.. ماراح انتظر لحد ماتصحى.. انا ايش يصبرني لحد ماتصحى

****************************

في بيت عادل

عادل: مسا الخير

منال: مسا الورد على عيونك

عادل: كيفك حبيبتي

منال: مشتاقه لك ياروحي

عادل: وانا اكثر .. وين العيال

منال: راشد نايم محمد وهزاع يلعبو مع بعض

عادل: ناديهم خليهم يتغدو معاي

منال: هههههههههههههههه تغدو قبلك

عادل: وكيف يتغدو قبل ابوهم .. عاد هذا كلام

منال: ياروحي توهم صغار.. ومايستحملو يصبرو زينا

عادل: طيب اكل مع مين انا

منال: عندك امهم لحد الان ماتغدت اناديها تتغدى معاك

عادل: امهم؟؟؟ ياربي وانا كل يوم بجلس اتغدى معاها ابي وجوه جديده اناظرها

منال: كذا ياعادل.. طيب اجلس تغدى لحالك .. وبشوف من تتغدى معاك

عادل: ههههههههههههههههههههه تعالي طيب

منال: لا

عادل: منال والله امزح معك

منال: ياثقل مزحك

عادل: مزحي تقيييييييييييييييييييييييييل؟!! عسل على قلبك

منال: الا بصل وانت الصادق

عادل: هههههههههههههههههههههه

منال: ايوا اضحك انا الغلطانه الي جالسه انتظرك واقول بتغدى مع حبيبي الاكل معاه احلى

عادل: ياروحي انتي

منال: واضح اني روحك ..روح دور لك على وجه جديد واجلس ناظره .. يمكن يفتح شهيتك على الاكل

عادل: ههههههههههههههههههههههه يازعول والله امزح

منال:.............................
عادل: طيب انا اسف
منال:...............................

عادل: تعرفي احب ازعلك عشان اراضيكي

منال: طيب انا زعلت وبشوف كيف تراضيني

عادل: شوفي اذا مارضيتي بالطيب تراني براضيكي بالغصب

منال: والله !!!!!

عادل: أي والله

منال: هاه

عادل: منال طاوعيني احسن

منال: ايش بتسوي يعني

عادل: اول شي ابي اخذ بوسه

منال: احلم

عادل: هههههههههههههههه وبعدين ماراح افكك من يدي غير

منال: غير ايش

عادل: غير

منال: ايوه غير ايش

عادل: نجيب اخت لاولادك

منال: ههههههههههههههههههه لا خلاص رضيت

عادل: رضيتي اكيد

منال: ايوا.. ايوا اكيد

عادل: اقول كاني اشوف لسا فيه زعل بسيط

منال: لا.. لا رضيت خلاص

عادل: طيب ماعندك شي تعطينه هالمسكين الي راجع من الشغل تعبان

منال: الا عندي

عادل: يلا هذا انا ناطر

منال: يلا

عادل: وين رايحه

منال: ماتبي شي اعطيك ياه .. رايحه احط لك الغدا

عادل: ههههههههههههههههههه طيب يا منال.. انا اوريكي

منال: هههههههههههههههههههههههههههههههههههههه

عادل: انا مع العيال يا منال

منال: ها.. قررت تلعب معاهم

عادل: فيها شي؟ .. بلعب معاهم الان وبعد شوي اخلص لعب مع امهم

منال: ههههههههههههههههههههههههههههههه والله اني بذبحك

عادل: واهون عليكي.. زوجك حبيبك تذبحيني

منال: والله ماتهون .. لسانك هذا يبيله قطع

عادل: ما تصبري من غيره ياروحي .. تموتي على لساني

منال: اتركهم طيب وتعال تغدى

عادل: يلا

منال: ايش اخبار سما

عادل: والله هالبنت كاسره خاطري

منال: اليوم لما شفتها .. ماعرفتها .. ضعفت كثير ..وجهها اصفر.. والتعب
باين عليها كثير

عادل: لسا من شوي حرارتها ارتفعت مره وحده .. هالبنت حساسه كثير ..

منال: وانت ماعرفت ايش فيها

عادل: الي فيها نفسي يا منال ماهو جسدي

منال: الي شافته هالبنت ماهو قليل

عادل: انتي تعرفي عنها شي حنا ما نعرفه

منال: اكيد اعرف .. هي صاحبتي من سنين

عادل: طيب قولي لي
منال: لا طبعا تبغى تعرف شي روح اسالها .. هذي اسرارها وأأتمنتني
عليها اقوم اقولها لك

عادل: هي على علاقه باحد

منال: مين سما؟!!.. ياليت .. البنت هذي طبعها غير عن البنات كلهم

عادل: كيف يعني

منال: ذكيه جدا .. قويه جدا.. عنيده جدا.. عصبيه .. حاده.. تجي عند موضوع الزواج ومافي اضعف منها

عادل: غريبه

منال: ايش اخبارهزاع معاها

عادل: مجنون بيها

منال: هههههههههههههههههههه عارفه عنه

عادل: من جد اقولك .. اخاف يجرا عليه شي من كثر حبه لها

منال: هو جاها

عادل: هذا كل يوم عندها

منال: من صدقك

عادل: أي والله من صدقي

منال: واخوانها

عادل: لا عادي .. هم عيال عمتنا

منال: داريه .. بس ولو .. ايش بيقولو عنه

عادل: اجل اسمعي هذي

منال: خير

عادل: امس لما شافها تعبانه قرر يسفرها

منال: والله!!

عادل: اليوم عاد .. لما دق علي يسال عنها .. وقلت له انه ارفعت حرارتها.. مالقيته الا واقف على راسي يصارخ .. يبي يسفرها يتطمن عليها

منال: مسكين والله يحبها

عادل: انتي ماكلمتيها عنه

منال: انا؟ .. لا

عادل: ليه يا منال كنتي تقولي لها عنه

منال: لا .. وانا ايش يدخلني .. يبيها يروح لخوانها يطلبها منهم .. بس اقولها عنه ويقولي عنها.. لا .. انا هالسوالف ما احبها

عادل: يقولي انو اليوم لما زارها الصباح .. كانت مبسوطه فيه مره .. انا بعد شفت السعاده بعيونه بعد ماطلع من عندها .. بس ما ادري ايش حصل لها

****************************

في غرفة سما بالمستشفى

سما: سامي

فهد: انا فهد يا سما

سما: فهودي حبيبي

فهد: ياعيونه

سما: ابي اطلع من هنا يافهد

فهد: انتي لسا تعبانه يا سما

سما: سامي وين

فهد: وافق برا مع خالد

سما: نادي عليه

فهد: حاضر

سما: فهد

فهد: عيون فهد

سما: هزاع معاهم

فهد: هزاع؟!! .. لا\

سما: طيب نادي سامي

فهد: سامي

سامي: خير

فهد: صحت وتبي تطلع من هنا .. سألتني عن هزاع اذا هو معاكم

سامي: هزاع؟!!

خالد: ادخل شوفها طيب


سامي: حبيبتي صحيتي

سما: سامي

سامي: روحي انتي ايش فيكي

سما: من هنا غيرك

سامي: فهد وخالد

سما: خلهم يطلعو ابيك لحالك

خالد: حنا برا عند الباب

سامي: خير ايش فيكي

سما: ابي اوريك شي

سامي: ايش

سما: شيل ملابسي وشوف كتفي

سامي: خير؟!!!!!!!!!!!!

سما: سامي مو وقته .. يلا تراني ماني قادره احرك يدي

سامي: ايش هذا!!!!!!!!!!!!!!! .. مين عمل فيكي كذا .. كتفك ويدك زرقا

سما: اختي يعذبوها ياسامي

سامي: سماح؟!!!

سما: ايوا .. من يومين وانا اشوف كدمات بجسمي

سامي: يعني ايش

سما: اختي عايشه .. وهم يعذبوها .. لازم نتصرف بسرعه

سامي: بكلم عمي بومشعل

سما: لا بكلم هزاع

سامي: لا انتظري.. هزاع اليوم مع عمي بومشعل وماتركه لحد ما عمي قاله على الموضوع كله

سما بخيبة امل: قاله؟!! .. يعني خلاص

سامي: خلاص ايش ياروحي

سما: ها .. ولا شي .. اتصل على عمي وشوفه.. انا بجهز عمري ابي اطلع من هنا الان

سامي: طيب انا طالع اكلمه

سما: ليه استعجلت ياعمي .. كنت ابي اقوله واشوف عيونه.. خلاص اكيد كل شي انتهى.. زمانك قررت يا هزاع اني ما اصلح لك .. هذا تلفوني!! .. اكيد هزاع .. الو

....: الو

سما: مين معاي

....: ماعرفتي صوتي

سما: لا .. مين

....: كيف العيال

سما: انت مين

....: لا تضيعين وقتي انا وعدتك ابتعد عنك وعن العيال .. بس الجماعه ماهم تاركيني في حالي .. يبون فلوسهم تجيهم

سما: وانا حاضره .. حدد المكان .. وانا مستعده اسلمكم الفلوس

....: اول مره اشوفك جريئه كذا

سما: ضعفي هذاك انساه .. الان الي بيقرب من عيالي باكله باسناني انت فاهم

....: عشان كذا ذبحتي الي قبلهم خوف عليهم ياسما .. لسا فاهم

سما: جابر

....: يالله .. حلو اسمي بلسانك ياسما

سما: حياتك ماراح تكون حلوه اذا عيالي صابهم شي

جابر: لو علي انا انتي عارف ما اقدر اضركم انتي روحي وهم روحي .. في احد يضر روحه

سما: لا تضيع وقتي ووقتك ابي اعرف ايش تبغى مني الان

جابر: ابي الفلوس.. وقالولي احذرك اذا احد درا غيرك .. عن موضوع الفلوس والتسليم.. تراهم معزمين يذبحو اخوانك كلهم وعندك دليل على كلامهم فهد والي جرا له يقولو لك هذي البدايه بس

سما: هم يقولو لي.. هم يحذروني.. وانت ايش جابك بالوسط

جابر: انا لسا زوجك يا سما

سما: وانا ايش ضمني انو الفلوس اذا سلمتها لك تبي توصلها لهم

جابر: يعني ايش

سما: يعني اكلمهم .. واعرف منهم هم وانت لا عاد تكلمني ابد

جابر: حاضر بوصل كلامك لهم



في سيارة هزاعهزاع: حسام

حسام: سم عمي

هزاع: البيت بكره ينكتب باسم سما .. وتروح لبومشعل يوثق العقد بمعرفته

حسام: حاضر

هزاع: قول له انو الموضوع الاهم انا شغال عليه .. وما بهدى لحد ماتنحل الامور

حسام: حاضر

هزاع: مابوصيك خلك ظل لعيال عمي راشد

حسام: انت تامر

هزاع: خلك على صله قويه بسامي

حسام: كيف يعني

هزاع: اذا بغيتك تروح تشتغل معاه تروح؟

حسام: واتركك؟؟ لا طبعا ما اروح

هزاع: انا محتاج لعيونك تكون عندهم

حسام: حتى اقولك اخبار عمتي سما

هزاع: تقرا افكاري يا حسام

حسام: وانت من بيكون معاك

هزاع: ماني مهم.. المهم عندي أمان سما

حسام: وانا حاضر دام هالشي بيطمنك وبيخليك مرتاح .. تطمن دامي معاها

هزاع: انت عزيز علي يا حسام انت اخوي الصغيرلا تتوقع اني اتركك بعد
هالعشره بالساهل .. بس ما اقدر أأتمن على سما لحد غيرك

حسام: شوف الي يرضيك وقلي عليه

هزاع: انا بغيب يمكن اسبوعين

حسام : ايوا بس انت قلت يومين

هزاع: عارف .. في شغل جديد .. غصب عني اتأخر

حسام: علي انا ياعمي .. أي شغل جديد ذا

هزاع: موضوع جديد لا تقلق انت

حسام: ما اظن

هزاع: ماتظن ايش

حسام: انا حاسس بتعبك من كنت مع بومشعل .. اشوف الهم باين بعيونك .. كأنك مصدوم من شي.. او عرفت شي ازعجك .. انا عارفك ياعمي .. صارلي سنين معاك .. انت تبي تبتعد وبس .. متأكد ماهو شغل .. يمكن تبي تفكر وانت لحالك .. واذا ما خاب ظني اكثر.. الموضوع بكبره متعلق بعمتي سما

هزاع: لا تشغل بالك انت .. بس اذا كنت عزيز عليك زي متقول خلي بالك عليها .. وقولي كل شي يصير معاك

حسام: طيب انا كيف بدخل على عمي سامي واقوله اني بشتغل معاه

هزاع: لا تقلق انا بتصرف

حسام: خلاص توكل على الله

هزاع: ...... الو

.....: نعم ..مين

هزاع: انا هزاع ياسما

سما: .......................
هزاع: سما
سما: هلا

هزاع: مالك

سما: ابد .. خير فيك شي

هزاع: سلامتك .. انا رايح المطار الان .. قلت اسلم عليكي

سما: بالسلامه

هزاع: انا رايح اسبوعين

سما: اسبوعين؟!! انت قلت يومين

هزاع: معلش جاتني ظروف اجبيرتني

سما: اه عرفتها

هزاع: سما

سما: خلاص هزاع خلاص

هزاع: مابيكي تزعلي مني

سما: لا زعل ولاشي الموضوع عادي

هزاع: انتي يمكن منتي عارفه ال....................

سما: انا عارفه ومقدره لا تقلق علي انا بخير

هزاع: شوفي ياختي

سما بهمس: اختك!!!!!

هزاع: سما سلامتك الان اهم من أي شي ..اسمعيني كويس ..موضوع البيت انا حليته خلاص.. بكره تروح الاوارق لبومشعل حتى يكمل عملية التوثيق.. سما.. انا مسافر وبترك حسام حارسي الشخصي معاكي .. ابي اتطمن على سلامتك .. ابي كل شي يصير معاكي تقولي له عليه وهو بيعرف يتصرف .. ابي تأمني على نفسك واخوانك بعد ..انا اوعدك خلال هاليومين يكون كل شي منتهي بسلامه باذن الله .. انتي غلاتك بقلبي كبيره .. انتي اعلم بها ..

سما: انا سعيده انك ليقيت البيت .. هزاع..انا ماطلبت أمان من احد .. اذا تبي تساعدني زي مقلت ابي اختي ترجع لي هذا جميل ما بنساه لك .. غير كذا ما ابغى شي بالمره .. بالنسبه لحارسك انا مابيه .. وما ابي اعرف انه موجود حولي ابد

هزاع: بس هذا يحافظ على سلامة عمرك

سما: هذا عمري وانا مابيه

هزاع: يعني ايش!!!!!!

سما: يعني هذا عمري.. واذا الموت مكتوب علي ياهلا بيه

هزاع: سما .. ما احب اسمعك تقولي كذا

سما: انا مالي رغبه اني اعيش .. وبعدين هذا ماهو موضوعنا

هزاع: ليه مالك رغبه تعيشي
سما: ............................
هزاع: سما ردي علي

سما: هزاع ممكن اطلب منك شي اخير

هزاع: عيوني ليكي

سما: لا تتصل بي مره ثانيه .. كل شي منتهي .. خلي اتصالك بخواني

هزاع: منتهي!!

سما: هذا قرارك يا ... يا خوي

هزاع: الو.... الو

حسام: خير

هزاع: سكرت الخط

حسام: سامحني ياعمي .. بس انت جرحت مشاعرها

هزاع: ادري

حسام: بعد ماجيتني اليوم من عقب زيارتك لها كنت مبسوط مره ياعمي .. تأكدت وقتها انها بدت تحبك .. حسيت انو احساسك بالدنيا غير .. الان صدمتني وانت تصدها.. ماهو ذا الي تتمناه

هزاع: زمانها تبكي

حسام: اذا حست معاك بالامان .. اكيد انها بتبكي وبتموت نفسها من البكا بعد .. انت تتخلى عنها يا عمي

هزاع: انا ما تخليت عنها وعمري ما اقدر اتخلى عنها هذي روحي

حسام: روحك وتتركها ياعمي .. هذي صار مالها رغبه انها تعيش

هزاع: ماعندي حل غير كذا .. لازم اختار

حسام: اتمنى انك اخترت صح
****************************


تابعو في الجزء السادس
ظهور سماح
احداث جديده ومثيره