|
بعت كل شيء واشتريت قلبي
احبتي.................... كل من يقرأ روايتي الثانية في منتديات ليلاس ..................احبكم جميعا وارغب ان تمتعوني بكلمات التشجيع ........فالكتابة للاخرين عمل شاق ويحتاج لمشجعين مخلصين ...ودمتم لي ............................................................ ........................................... مع محبتي زوورو بعت كل شيء واشتريت قلبي حدثني عقلي يوما عن اسرار الحب ...فلم افهمه .....وسألت يدي ان تكتب عنه ...فلم تعرفه .......ودعوت خيالي كي يشرحه ....فلم يذكر شيئا مفهوما عنه ......فبكيت ...وقلت لقلبي كم هو صعب هذا الحب...شيء لم يدركه العلم ولا حتى الطب ...فتمايل من فرط الاحساس وخبرني.....اني ابحث عن مستأجر ....كي يشغل مني هذا القلب مع كل الاحساس ........زووورووو لا استطيع ان ابدأ لاني حتى الان لم انتهي .....الايام تمر طويله والذكريات تعلق بالعقل وانا اظل كما انا ....مريم..............اسوأ امرأه في الدنيا واجمل امرأة على وجه الارض ((( او هكذا يقال ))).........احيانا اكون اطيب من الملائكة ويستغفلني اغبى الغبياء وساعة اتحول الى ذئبة ولا يقف في طريقي الا المعاجز دعوني اخبركم عني !!!!!!!!!!!!!!!!!!!!!!!!!!!!!!!!!!!!!!!!!!!!!! ولدت في اسرة محترمة صيتها يصل اقصى البلاد بس مشكلتي اني ولدت ولدي عاهتين...... اولا اني ولدت في عايلة تطبق مبدأ الصيت ولا الغنى .... وما بقى لنا شي من تاريخ العايلة المليان فلوس الا الذكرى ......ابوي الله يسامحه ضيع فلوسه كلها على الاسهم والصفقات الفاشلة ولما انتبه للخسارة صار يعالج فشله بالزواج كل مرة من بنت شكل ...مرة فليبينية .... ومره تايلندية....ومرة ....ومرة ...وهكذا ضاعت باقي الفلوس على اللعب والمسخرة والحمدلله انه قرر يسوي عملية تعقيم ولا جان صار لنا بكل ديره اخوااان ثانيا اني مولودة وسط ثلاث اخوات ...وكلهن اجمل مني ...يعني حظ في الجمال وفي الفلوس .........صفر مو مشكلة .....اكيد تظنون انكم تقرون عن وحده جيكره ولاشاذيييه ...نو نو ...سوري حبايبي .....هالشي بتغيرون رايكم فيه لما تعرفون ان خواتي اقل وحده منهم مستوى جمالها يفوق فاتن حمامه وزبيده ثروت ...بصراحه ماقدر اقول نانسي وهيفا لان تدرون خواتي طبيعي في طبيعي والمشكله بس اني انا من وسطهم طلعت اقل مستوى بس عموما لمن اكون بروحي وموب معاهم الكل يبدي اعجابه فيني لدرجة اني صرت ما احب الطلعه معاهم بالمره .... امي ...مسكينه ...تزوجت ابوي وهي بنت عز وعاشت معاه دايما بفقر بس عمرها ماشكت ...اخوي ربيعه ...مراهق عمره 18 .انا وهو نفس الشخصيات ومابي احرج نفسي بس مضطره اعترف انا نفس الشبه بس شكلي على صبي واااااااايد هاندسوم ....اووهوووو يدي ابو امي اهو اللي يتكفل بمصاريفنا ...!!! مو حبا فينا الا لان كرامته ماتسمح ان بنته تحتاج او يبان عليها الفقر ...وتفشل العايلة ......خواتي ...نهى((نينا))...........تهاني.((تيتا ))...........مها (( اللي يفكر يدلعها ممكن تسمممه))....يحبون السفرات اللي يجود بيها يدي علينا كل صيف ...عالاقل نفوشر جدام العالم ونقول رحنا سويسرا ولا لندن والسالفة بس ان يدي يبي ممرضات في السفر ويبي يقول لامي انه مو ناسيها ................... العالم اللي حوالينا صعب والناس ماترحم ام عندها اربع بنات وزوجها طياري من ديرة لديرة ومايرد الا علشان يرجع يسافر ....وماعندهم مصدر دخل محترم مثل العوايل الراقيه (((اللي لا محل بالسيف ولا مصنع المنيوم ولا اسهم ولا حتى رصيد بالبنك))هالحجي سمعته كذا مرة من العيايز اللي نزورهم ويزورونا ...اهم يفكروني ياهل وعادي يتحجون جدامي ...بس المشكله انهم من كثر مايحجون مانتبهو اني كبرت وتخرجت من الهاي سكووول ...طبعا مستوى يدنا مايسمح بالدراسة في مدرسة عادية (( حكومة)) فدرسنا بمدارس خاصة وصار لازم اقدم عالجامعه ولازالو يحجون جدامي ....وانا النشرة المتنقله اخبر خواتي اللي يغثون امي باللي قلته فتعاقبني ....ومنها تعودت اسمع واداري ...مو خوف من العقاب ...الا شفقه على حال امي اللي عاشت حياتها كلها تبلع وتسكت ............................. هالسنة يدي بيسافر رحلة علاج ومابيكون فاضي يراقب اربع بنات........... ...فصار لازم يختار وحده بس علشان تكون معاه كممرضه .....على الاقل رد جميل لكل اللي سواه معانا طول السنين اللي فاتت ...قرر انه ياخذ مها لانها الكبيره ولانها اكثر وحده جادة وهادئه فينا وبجذي نكون خسرنا سفرة الاجازه ....طبعا الوالده الله يخليها مستحيل تخبر العايله بهالحقيقة مهما تكون ....موخوف من الشماته ...!!! تعودت ام ربيعه تتحمل شماتة العدو و الصاحب ...بس ماعتقد تتحمل شفقة حتى اقرب الناس لها ....طول عمرها قويه وتتجاوز الازمات بالضحك والتغاضي وماعتقد بيوم ممكن اشوف امي تبكي جدام غريب ...حتى احنا عيالها ماكان مسموح لنا نشوف دموعها الا بالصدفه ....لو صحينا بليله عطشانين ولا نبي الحمام ومرينا على غرفتها ...نتفاجأ احيانا بانينها ودموعها...ولو انتبهت لنا تمسحها على طول و تخبرنا يوم ثاني لو سألنا انه حلم وهذا ابليس ولازم نتعوذ منه ...وان الماما قويه ومايبكيها شي عودتنا انا مانطالع بنات خالاتنا شنو عندهم ومن وين شرو هدوم ووين سافروا علمتنا ان الانسان يكون راقي لمن يتجاهل محاولة الاخرين بالتقليل من شأنه ومن جذي تربينا فعلا والعايلة تنظر لنا باحترام ....الوالده ماتقصر معانا ويدي يعطينا واهي كانت تحرمنا بيننا وبينها وجدام الناس الكل يشوفنا هاي وستايل ....ساعات احس ان من حبنا لها كنا نتحمل الفقر و الكلام اللي يلسع عن ابونا ومغامراته ....عودتنا انا مانرد لو غلط علينا احد ...مو لانا مانقدر الا لان السالفه بتقلل من قيمتنا لو زدنا فيها كل الناس تحسد امي على تربيتنا ....وماحد يعلم بخفايا حياتنا ...ماحد كان يدري انا كنا ننام بالحر علشان مانصلح المكيف المركزي بالفله وبفلوسه نشتري لنينا فستان علشان تروح خطوبة رفيجتها بنت السفير الفلاني ....وماحد ممكن يتصور ان يمر علينا شهر رمضان واكلنا كل يوم بيض وفاصوليا وخبز واحنا صايمين علشان توفر امي فلوس وتعزم العايله اخر رمضان على الغبقة السنويه اللي كلها بوفيه من مطعم خمس نجوم ... ((( كل شي يهون ولا نظرة الشفقه بعيون الناس ))) جذي كانت دايما تتكلم ام ربيعه ... ومع اني ماني موافقه على اسلوبها الا اني امووت فيها وماقدر اعترض على اوامرها ........ جذي تربينا وهالشي بعد حافظ على رشاقتنا وقوامنا اللي تحسدنا عليه اغلب بنات خالاتي...اللي مع الوقت تبتدي الزوائد الشحميه تطغي على فساتينهم وتبتدي انواع الكورسيهات تتحرك على اجسامهم . هذي عايلتي ...بس تو الناس علشان تعرفون مريم ساعات ما احب اسمي ...كل خواتي اساميهم دلع وانا ااسمي كرييييييييييييه امي تقول ان الوحيدين اللي اختارت اسمائهم اهيه ...كانو انا وربيعه ............... الله يسامحج يمه ....عاد نفسي جذي من نفسي احد يدلع اسمي ...انا اكره اسم واكره ملامح افيييييييييييييييييييييييييييييييييييييييييييييييييييييييييي يييييه بس هالشي وللد عندي رغبه مو طبيعيه للتميز ....بالمدرسه كنت ماعترف بخواتي ابد ...ولو دورو علي بمكان اقول انهم بنات خالتي او اي شي .....ماحب احد يدري انهم خواتي ...وكنت احط مكياج واسوي شعري بطريقه جذذااااااااااااابه وتعلمت شلون اسوي لي قذله (( قصة))...تدوخ اي حد يشوفني ....اما الدلع فهو لعبتي ....حتى الطلبه اللي كانو يدرسون معانا كانو مستعدين لاي خدمه مقابل نظره ....ابتسامه ....او حتى كلمة سخريه ...اي شي يتسجل بملف الذكريات عن هالبنت الدلوعه الحلوة (((بعيد عن خواتها ))...حتى خواتي نينا وتيتا ماكانو يعرفون حركات الدلع رغم انهم اكبر مني ...بس شاقول .....الغاية تبررر الوسيله...كنت اسوي شعري قسمين واسيحه على خدودي ذيل حصان من الجهتين (( طراز السبعينيات )) وكل ساعه اطيح القصه على ويهي بدرس الماث علشان دكنور مارتن ينتبه لي والباقين يغشونوطبعا بوعد انهم يغششوني ...وانا شاغله هالشيبه واهو يسألني عن اصولي هل اهي بحرينيه ولا ...فطبعا افاخر باصل يدي ابو امي انه من اصول فارسيه وانه ملامحي هذي منه ...ويركز على لون عيوني ويقول لي ليش اهم سموكي ....از ذات ناتشورال ...فارمش له كم مرة واقول له بدلال ششششششششششششور |
زورووووووووووووووووووووووووووو ما شاء الله00ما شاء الله ايه الجمال دة كله ؟؟؟؟؟ القصة حلوة بجد00حلوة جدااا اولا فكرة عميقة وتفاصيلها كثير وفى نفس الوقت شيقة جدا جدا ومريومة دى حبيتها علطول 00يا ترى مخبيالنا ايه وراها والقصة مختلفة تماما عن اسهر معى ليلة عنوانها لافت جدااااا ومميز الاسلوب سلس جدا ويتقرى بثوانى من جماله اثبتى بالقصة وبرهنتى عن ان لا احد كامل فعلى الرغم ان تربية والدتهم ابهرتنى واعجبتنى للغاية الا ان الحساسية المفرطة التى يعانون منها والتى تجعلهم يتحملون فوق طاقتهم ليظهروا بمظهرهم القديم ازعجتنى يا ترى ما القادم مع ابطال قصتك بغيرة مريم الخفية من جمال اختيها ومحاولتها البعد عنهم والتنصل منهم لتظهر مميزة بعيدا عنهم وهل سيكتشفون حقيقة افلاس مريم واهلها وبالتأكيد هناك احداث اخرى ستهل علينا انتظر بشوووووووووووووووووووق البارت القادم موفقة دوما 000الى الامام |
السلام عليكم ورحمة الله وبركاته
zoooro حياك الله مره ثانية كاتبه بين صفحات ليلاس و بين كوكبة كتابه "بعت كل شي و اشتريت قلبي" اجزم من البدايه انها بتكون مختلفه عن ابنتك الاولى اعتمدتي على اسلوب الانا الواحدة و اسلوبك سلس للغاية و يجذبك للقراءة مريم الجميلة و الغيورة من أختيها الدلوعة لتتميز عن أختيها في مجتمعها تعيش هي و عيلتها الفقر لتظهر بمظهر الغنى امام اهلهم و اصدقائهم تربت تربية رائعة على يد والدنها و زرعت فيه كل القيم لتعيش و تتصرف الى متى ستعيش هذه الحياة ومالذي سيجبرها على بيع كل شيء و شراء قلبها اعتبريني من المتابعين و إن من خلف الكواليس كل التوفيق لك |
القصة جيدة واسلوبك اعجبني وياريت رايك في اعمالي
|
مرحبا بكم احبتي ....لا ادري ما اقول ولكن جين ...حبيبة الكل ...انتي مثل نسمة هوا بارده بليلة صيف ولا شال صوف مسخن بالميكرووويف بليلة شتا ......اشكرج على تعليقج الحلو واتمنى ماتبخلين على بنصايحج الذهبية .......شكرا للاخ محمد فكما بدات قصتي السابقه بتعليقك ...هاهي قصتي الثانية تبدا به وهو شرف كبير
احبتي ليلاس ....اتمنى ان تكون تجربتي الثانيه ممتعه لكم ....في انتظار تعليقكم ........مع محبتي زووورووو مع بداية العام الدراسي .................................. نظرا لظروفنا المادية الصعبة وعدم حصولي على بعثة قررت اقدم على جامعة البحرين اللي قبلتني مباشرة لان معدلي كان جيد جدا بشهادة الدبلوما ...مو ثانوية عامة ...قررت اتخصص بالبزنس ...وهالشي كدر خاطر الوالدة اللي كانت تبيني اتخصص مثل باقي الخوات ........نينا درست الطب بالديرة ...وتيتا تدرس نظم معلومات بالجامعه الكندية ومها تخرجت من فيزيا الطب النووي بلندن من سنة....اما انا ...فحسرة الوالدة فيني لاتصدق.....مرة سمعتها تكلم يدتي وتبكي ...كانت تقول لها امي: والله اني خايفه على مريم ومستقبلها يدتي: ليش...عاد ؟؟ البنت شزينها : يمه حظها قليل ...لاهي شاطرة بالدراسه ولاهي مثل خواتها :البنت زينه والكل يقول عنها حلوة :يجاملوني يمه : لاتسوين لج سوالف يابنتي ...ولا تحسسين البنيه بشي ...تراها تتأثر ويصير بخاطرها شي : والله يمه ماقول بس قلبي يعورني عليها ....هذي بنتي : انتي بس جدمي ربج بكل دعوة لها وهي الله بيوفقها بوللد حلال يسعدها :ياااارب انتهت سالفة امي مع يدتي وابتدت سالفتي ....يعني كل اللي تتمناه امي اني انخطب لواحد يرفع الراس ويشيل عنها ....اوكي يمه .....صار ...تبون واحد غني ...مو مشكله بظرف اسبوع يكون تحت امرج ....تبونه ريال وشخصيه ويعتمد عليه مو مشكلة يبي لي شهر وادبره .......كل اللي عليج يمه انج تسجلين الاوردر وانا انفذ ولاتشيلين همي !!!!!!!!!!!!!!!! بالجامعه كنت قصة تتحرك على ريلين .....الكل عيونه علي ....ودرجاتي احسن منها مافي ...والبركة بالدكاترة اللي عندهم نظر ....والمصيبة عندي بس لما تدرسني دكتوره ...من اول محاضرة تبتدي نظرات العداء تتوجه لي فاضطر امثل دور الخايفه والمرتبكه واحاول دايما اظهر الاهتمام والاجتهاد (((ذكرووووننني دايما !!!اني ما اخذ مقرر تدرسه مره ))) صديقاتي بالجامعه قليلات وعادة ماتنتقدهم الوالده وتطلب اني اختار بنات عائلات محترمة(((الاحترام عند الوالدة يحدده كمية الممتلكات ))....دايما الاقيها تصرخ بويهي وتقارن بيني وبين نينا وتيتا :شوفي رفيجات اختج ....اللي ابوها سفير واللي ابوها رجل اعمال وساعات احسها تطالعني بنظرة كانها ماتبيني وتقول لي : تكفين مرييييييييييييوم لا تعزمين رفيجاتج عندنا بالبيت ...مابي يدج يشوف العينه اللي تصاحبينهم ياجماعه ...الاحساس بالاضطهاد ساعات يقتل الاحساس نفسه ...وهذا اللي صار لي ...ماحس بالقهر كثر ماحس اني ابي اقهر اللي حوالي ...ما يضايقني اشياء وايد ...بس بسهوله ممكن اضايق ناس وايدين ...شفيها لو صادقت وحده تشتغل عقب الجامعه بارت تايم بشركة اتصالات وتساعد بيتهم وتصرف على دراستها ....الوالدة تقول لا ...هذي بنت فقر ...بس بنت الفقر هذي تاخذني معاها بسيارتها لما تتاخر علي نينا وتغديني على حسابها من مطاعم الفاست فووود لما نتاخر بالجامعه ...معاها كنت احس بالراحه ...ومع كل حنانها اللي احس بالحاجه له ...كانت ماتطلب اي مقابل ...لا مادي ولا معنوي ولا اي شي .....بس عواطف!! بكل طيبتها وعفويتها ماكانت تعجب (( ام ربيعه)) الوحيدة اللي الوالدة ترضى انها تزورني كانت ميعاد...بنت عرفتها بتجمع طلابي وخذنا على بعض بسرعه .....ابوها واخوها عندهم افرع لشركات بدول الخليج وماسكين عدة مشاريع ويبين عليها العز ...لما تدخل البيت تصر تشتري للوالدة عطر من كلوي ولا من لوران ...وتحب تسولف عن اخر موضه ..واحسن مكان تسوي فيه حفلة عيد ميلادها ...وهالشي يفرح الوالده وتتمنى ينالني من الحب جانب ...وانا ما امانع بس مو بطريقة امي ...مع ميعاد اتصرف بتكلف ماحبه بس مادامت اهي حابة تتقرب مني كنت اجاملها... كنا نسولف عن اخر الموضات واحسن انواع البودروطرق الشادو الجديده ومن وين بناخذ هدوم العيد ..................اووووووووووف سوالف تحسسني بالمللل .....بس مضطره اجاريها مرة من المرات ...عزمتني ميمي (((ميعاااد)) على حفل استقبال ..اختها كانت توها رادة من الدراسة بره ومسوين لها حفله كبيره بفندق راقي ...وزيادة في البلوى ...اتصلت امها على امي وطلبت ان الكل يحضر ...اوهوووووووووو....بعد بناخذ نينا وتيتا ...والله ماروووح ....امي كانت بتيين ...منو اللي مايررروح ...الا تروحين لو تكون هذي اخر دقيقه بعمرج ...انا مابغيت على الله تنعزمين عند هالعوايل تقولين ماتبين : يمه ماعندي فستااااااااااااااااان : اخذي من خواتج : مابي ...فساتينهم تلوع الجبد نينا : منو اللي يلوع الجبد ياعديمة الذوق ...بيير كاردان ..ولا ستيلا مكارتني ....يا اوفر : مابي اررررروح امي: بتروحين ولا بيكون هذا اخر يوم لساني يخاطب لسانج . :يمه انتي من صجج بتخاصمين علشان حفلة طالعتني امي بحنان مو متعوده اشوفه وايد وقالت لي :روحتج يمه بتخليج تشوفين الناس اللي احنا اساسا منهم واللي لازم تتزوجين منهم واللي لولا غباوة ابوووج جان احنا احسن منهم طالعتها بضيييق وقلت لها اني مابي نينا وتيتا ييون معاي ضحكت امي وقالت لي : من حقج ...بس منو اللي بيردج غيرهم : بطلب من ميعاد تردني اهي واذا ماوافقت مابروح :اوكيه واتصلت بميعاد وخبرتها عن الموضوع فوافقت بفرح جنها اهي بعد تبي توصلني وعلشان تراضيني الوالده خذت من يدي فلوس وعطتني علشان اشتري لي فستان...........طلعت السوق ابي اخذ فستان ...وطبعا مشورة الخوات الممله تلاحقنيي بس انا مابي فستان ماركه ...ابي فستان يتكلم على جسمي ....ابي فستان يقول ...هذا انا ...وكنت اطلع من محل وادخل بالثاني ومحتارة بالفساتين بس بلخير لقيته ...فستان اسود ناعم وقصير وقصته عباره عن خيط يربط ورا العنق وعلى الظهر ربطات بحرف الاكس تبين اجزاء من الظهر وكان من سي كي مصنوع من الليكرا ويلصق بالجسم بطريقه وقحه ....ولان قوامي مافيه عيوب ...كان الفستان علي رووووعه .....بس نينا مارضت اشتريه وقالت انه جيييييييييب ومنظره يوحي باني بنت شوارع .....................مادري ليش اي شي يعجبني ...اكتشف عقب فتره انه قبيح وسيء بالنسبه لهم ... اصريت عليهم اني اخذه والا مستحيل ارووح هالحفله ؟؟؟طالعتني نينا بغضب وقالت لي : شكلج فعلا مابتروحين ...لان حتى لو احنا رضينا ...الوالدة مابترضى :مو شغلي ابيه : كيفج !! وشريته ورديت البيت وجربته وامي معانا وعلى عكس ماتوقعت ....امي عجبها الفستان وقررت انها بتروح معاي بدون خواتي ....وعطتني شال ساتان اسود وطلبت مني اخليه دايم على كتفي سويت شعري ديجراديييه (غجري ))ولبست كعب نص متر نفسي احس اني طويله وماخليت مكياج ثقيل ...شوية بودر وشادو بني على اسود خفيف وطلعنا على الفندق ...امي بين كل دقيقتين تطل على شكلي...كان اللون الاسود يوضح بياض بشرتي ولون عيوني وشعري كان طويل وميلته على جنب علشان يبان ظهري من الفستان وتطلع حركة الاكس اللي ورا ..................................................... الحفله كانت عامرة وامي تتصرف وكانها على طول تنعزم بهالفندق وتمشي بكبرياء وانا وراها امشي مشية اتقصد فيها ان الكل ينتبه احرك جسمي شوي واخر راسي شوي واطالع بلامبالاة وانا داخله وجدام كل العالم قبل لاندخل قاعة الحفله طيحت الساتان اللي على كتفي وامي كانت بتنفجر وانا طالعتها بغباء وكاني ماقصد وشلته ببرود ورجعت حطيته لما شافتنا ميعاد كانت فرحانه اني لبيت الدعوه وصارت تعرف امها على امي وعلى مشاريع يدي وعلى اسم عايلة ابوي ووووووو اما انا فدورت على حد اعرفه بالحفله ومالقيت ...افتقد عواطف بشدة في هالحفله رجعت لي ميعاد عقب قتره وخذتني اسلم على اختها ...اللي ماحبتني من اول نظره ((عادي تعودت على نظرات الحقد اللي نابعه من نقص ...انا اساسا احمل هالاحاسيس ضد خواتي))...سلمت عليها ووقفنا معاها شوي وابتدت تعلق على اللي بالحفله......هذي عريضه ...وهذي اللون اللي لابسته مايناسبها ...وهذي منظرها جنها طالعه من غابه ...ووووووو...ووصلت الى فستاني ...وقالت ....تذكريني بممثله اوروبيه مثلت دور بفستان يشبه اللي لابسته : قلت لها بعدم اهتمام ينرفز : صححيييح؟؟؟ : اي ...كانت تمثل دور وحدة جييييب رديت ببرود وانا اخذ لي عصير من الويتر اللي يمي :على هالحال اكيد كانت جميييييييييييله ضحكت ميعاد وطالعتنا اختها ومشت طالعت ميعاد ببرود وقلت لها : شفيها اختج :ولا شي بس اهي طبيعتها جذي ...سوري مريوم على اسلوبها :لا حياتي عادي ........... وابتدت الفرقه تغني وكانت عباره عن فرقه شعبيه من ورا الستار وصارو البنات يرقصون ...وكنت اهتز مع الاصوات وابي ارقص وخايفه من الوالده اللي متحلفة فيني مارقص ...وميعاد تلح علي وانا ابي ...شوي وفكرت اطلب من امي اني ارقص جدام ام ميعاد ...لازم بتستحي ومابترفض وفعلا امي مانعت شوي ولما سمعتها ام ميعاد صارت تمدح في تربيتي واني جيت استاذن مو مثل بنات عالايام واصرت على امي تسمح لي ولمن دخلت الستيج كانو حاطين موسيقى مصرية والكل نزل وخلى الستيج خالي ؟؟؟ ماحبيت النظرة اللي كانت بعيون اخت ميعاد وهي تشوفني وصلت ومارقصت وقررت ارقص على صوت الدرباكه وربطت شال الساتان على وسطي وابتديت اهز....بصراحه هالحركات جربتها وايد بس ماتوقعت اني اقدر اجاري الدرباكه وكل ما اهتزكانو البنات يردون للستيج ويجاروني بالرقصه لين ما امتلت من يديد .................................خلصت الرقصة بقهر اخت ميعاد وفشيلة امي من بنتها اللي ترقص مثل رقاصات شارع محمد علي وازود و صداقات جديدة وعزيمة على حفلة شوي بمزرعه عند وحدة حاولت تجاريني بالرقصة وماقدرت ولماتعبت ظلينا نضحك انا وهي وتعرفنا وخذينا ارقام بعض لما انتهت الحفلة كانت ميعاد تجهز نفسها علشان توصلنا ونزلنا للساحه الخارجيه للفندق ننطر السياره وشوي ولا اخوها وصل وسلم علينا وناداها ....كانو يتكلمون بحدة ورجعت ميعاد وقالت لنا واهي منحرجه انها بتوصلنا مع اخوها لانه مو راضي تطلع بروحها الساعة 2ونص الفجر ..........الوالدة مستانسه وهي تقول لها ونعم التربيه ماعليه يمه اهو ولدنا بعد...ورجع اخوها بسياره لكزس اخر موديل وقعدت ميعاد يمه واهو فتح الباب اللي يمه للوالده وصرت انا ورا ميعاد (((يعني بالمختصر في مرأى البصر )) كانت عيونه ماتروح ابعد من المنظره اللي يشوفني منها وكان يكلم امي ويسالها عن عايلتنا ...وسالها : عسى بس استانستو عندنا خالتي :وي يمه ماقصرتو كل شي كان حلو ومستوى :وممممريم ؟؟؟!!! طالعته بعدم اهتمام من وين عرف اسمي هذا وشلون يقوله جذي بدون القاب وطالعت الوالدة اللي بين عليها انها فاهمه شي انا مابي افهمه ورديت ببروود :حلوة احسه ضايع ويطالعني جنه يبي يحفظ درس بيمتحن فيه....داخل نفسي ادري اني ماحب عينته ....بس حبيت اجرب لعبة الانثى معاه ...طيحت الشال وخليت شعري يغطي كتوفي وهو كان حاله غييييييييير...ولما نزلنا ماشلت طلعت امي بسرعه بحجة انها تبي تشوف خواتي وتطمن عليهم وتركتني مع ميعاد واخوها ....اسلوب امي قهرني احس انها تبي تبيعني بسرعه لاول شرااااي ....مادري ليش ماني حابه فكرة ان امي تشوف وتسكت بس ساعات اعذرها لما احط نفسي في موقع المسؤلية عن ولد واربع بنات وصلنا البيت وامي كانت فرحانه جنها كانت بحلم وانا ماني مهتمه بالمرة .....ِشوي ووصحت من احلامها وهبت فيني تهاوشني على هالرقص اللي رقصته وتقول شقد كان لايق على الدور مع الفستان وانها ماتوقعت ان عمرها كله قضته وهي تربي في بيتها رقاااصة ياجماعه شفيها ؟؟؟؟حفلة بنات وانا اساسا من غيرشي دمي يرقص .....هالدور مع درباكة شاسوي احل امتحاان العربي؟؟؟؟ كنت قاعده بالكانتين بالجامعه ...اغلب صديقاتي كانو مشغولين بمخقرراتهم وانا عندي محاضرتين متاخر ونينا ماتقدر تييبني بالوقت فحضرت قبلهم بساعتين ....احس بملل مو طبيعي ...كل البنات مع بعض وانا بروحي .....هذي لا وهذي مايصير نصاحبها وهذي اابوها سمعته سيئه وهذي من بيئه اوفر ....بس يام ربيعه احنا بالكانتين كلناسوا ...مثل بعض ...بناااات مايشوهنا تاريخ اهلنا ...ولا ارصدتهم في البنوك ....بس بنات ...وانا غرقانه بتفكيري لمحته ...حاولت اتجاهله بس كان يتعمد يطل بويهي ويمر جدامي ...ماكان يطالع بحب ولا باعجاب ...كانت حواجبه نازله على انفه في توضيح جميل للوجه الغاضب ...مادري ليش احس اني مو مرتاحه من نظراته ....بس عموما انا ماسويت شي يحسسني بالخوف او بالخجل ...شوي وقرب ....شوي وكان يروح ويرد مثل حيوان بري محبوس بقفص....وعيونه كانت على الطاوله اللي انا فيها ...بصراحه ابتدو اللي حوالي ينتبهون ...وياكثر الشائعات بالجامعه.......وصارو البنات يتهامسون وهو يروح ويرد ....كنت قاعدة على الطاولات اللي بره الكانتين ولما حسيت الوضع صار مريب ....شلت اغراضي وكنت بمشي ...احس البنات يظنون ان بيني وبينه شي ...واول ما حركت الكتب من على الطاوله وقفني وقال .....لوسمحتي طالعته بغضب ...كلامه معاي تاكيد لكل البنات اني اعرفه وما رديت عليه ومشيت معصبه وهو لاحقني ........................................................... اوهووووووووووووووووووووووووووووووو |
اسلوبك اعجبني في وصف المواقف ولكن لماذا لاتوجد احداث في هذا الجزء
ابدي اعجابي بموهبتك ياريت رايك في اعمالي http://i189.photobucket.com/albums/z...flowers5-1.jpg |
مرحبا
مبدعة حلوة كثير القصة أتمني تكون بمستوي أسهر معي ليلة و أحلي ما طولي علينا ننتظر |
السلام عليكم ورحمة الله وبركاته
الاسلوب رائع ومشوق بشكل .. يجعلك تتطلعين للأحداث القادمة ،، دون ملل .. مميزة أختي ... أنتظر التكلمة منك ... |
السلام عليكم ورحمه الله وبركاته الأخت العزيزه ......zoooro ماشاء الله ....لا قوه الا بالله .... اسمحيلي أعبر عن مدي تمييز أسلوبك في هذه القصه ومدي نضج كلماتك في وصفك لمشاعر مريم .... التي جذبتني من أول سطر لأخر سطر ....حتي أكمل بفضول شديد لكي أعرف ماذا سيحدث ...والي أين ستسير بها الدنيا بصراحه أعجبتني جدا قصتك أسهر معي ليله وأعذريني أذا قصرت معك بالتعليق ولكني دائما كنت متابعه ...ولكن بهدوء,.,,,,, و لكن قصتك هذه .....شيئ أخر .....أجمل ...وأجمل... أكثر نضجا وعمقا.... تسلمي اختي علي أبداعك وكلماتك المميزه وأنتظر القادم بشوق شديد من الأن كل التحيه والود |
السلام عليكم ورحمة الله وبركاته
مميزة ...... القصة الثانية رائعة ...... لقد تابعتك في روايتك الاولى ..... بصراحة هناك فرق ... في الاسلوب ... ووصف المشاعر .... وسرد الاحداث ....... واكثر تشويقا واثارة ..... عن جد مميزة ..... منتظرين البارت القادم حتى تتوضح لنا اكثر شخصيات الرواية ... واعتقد ان البطلة الرئيسية هي مريم ... فين البطل الرئسي ....... اكيد في البارت القادم يظهر .... منتظرين بششوووق............... |
جميييييييييييل جدا اعجبني اسلوبك وطريقة سردك للأحداث
منتظرين جديدك تقبلي مروري تحياتي |
مرحبا حبيبتي بصراحه انا هلأ انتبهت انو انتي منزله روايه جديده
وروايتك روووووووووووووووووووعه بجد كتير حلوه وطريقة عرضك للاحداث مشوقه وفيها نوع من الحيويه يسلموا ايديكِ يا البي وعم ننطر ابداعاتك ما تتأخري علينا يا أمرررررررر مع محبتي |
عزيزتي ايمومسا ..............كم احب ان اسمع تعليقاتك .....فراشة الوادي ....مرورك هو اكبر حملة دعائية لقصتي ...جين ...انت رائعه.....الكترون ....ما اجمل ان تزيني هذه الصفحة ببصمة قلمك .......ريم ....شكرا لانك هنا.....بوسي ....اشكرك جدا على لطفك
................نظرا للاحوال الجوية فانا حاليا مريضه بانفلونزا شديده ...ساكتب لكم اشتياقي في اقرب فرصه مع محبتي .............زووورو |
اعتذر لم انتبه لباقي الردود ولكن.....دبدووووب.....انت دائما شريط الدانتيل الرقيق الذي يزين كل خاتمه ولينون شكرا لمرورك وتعليقك واتمنى ان اكون عند حسن ظنكم
|
زوروووووو
قصتك رائعه بروعة كاتبتها اتمنى لك التوفيق ومزيدا من الابداع وسلامات ماتشوفين شر... طهور بإذن الله... |
....لا ادري ما اقول ولكن جين ...حبيبة الكل ...انتي مثل نسمة هوا بارده بليلة صيف ولا شال صوف مسخن بالميكرووويف بليلة شتا ......اشكرج على تعليقج الحلو واتمنى ماتبخلين على بنصايحج الذهبية زووورووو يا ارق والذ كاتبة بليلاس مرسى يا جميلة على الكلام الجامد جداااااا000كتير عليا والله وقصتك هى اللى بتفرض نفسها من جمالها وتألقها وتطور اسلوبك وتميزه ادامه الله وازاده واصقله احلى حاجة تتميزين بها ان شخصياتك طبيعية جدااا واقعية جداااا تخطىء وتصيب وليست ملائكة والملفت ان مريم مختلفة تماما عن ليلى وقصة هذه مختلفة عن تلك والاحداث دوما مشوقة وحوارها سلس لذيذ يا ترى هذا الشاب الذى وضع مريومتنا بموضع حرج هو اخو ميعاد ام اخر ؟؟ وما الجديد مع مريم انتظر على ناااار وان شاء الله ترجعين لنا بالسلامة الف سلامة عليكى من الفلو منتظرينك :rfb04470::rfb04470::rfb04470: |
احبتي ...ليلااااااااااس
مرحبا ....لقد عدت ....شكرا لمن سال عني وتحياتي للجميع مع محبتي زوووورووو كنت ماشية واسوي روحي ماني سامعته بس اهو وقف بويهي بطريقه استعراضية وقال : لوسمحتي :نعم .....شعندك :صار لي ساعه ادور عليج وكل اللي اعرفه عنج اهو القميص الاخضر والبنطلون الجينز :استح على ويهك وتكلم عدل لا انادي السيكيوريتي :لا عاد اسمحيلي.....ولايروح مخج لبعيد : انت شفيك تتصرف وكأنك تعرفني ولا هي ثقاله وخلاص طالعني ببرود وهو يمرر عيونه علي وقال : مانتي من النوع اللي يهمني علشان تظنين هالظن طالعته بقلة صبر ورفعت راسي وانا ماشية وقلت :ااعوذ بالله من الشيطان الرجيم :كل السالفه ان لي شي عندج وابيه.... :نعم نعم !!!! لوسمحت ......اختصر. :ماقدر اختصر...السالفه ...لني كنت قبل ساعه اكمل ابحاثي بمكاتب الجامعه على الانترنت وتركت جهازي علشان اخذ شغله من زميل ولما رديت كنتي حضرتج قاعده على الجهازوطبعا ماقدر اقول لج تتركينه لانه ملك عام لجميع الطلاب وماحبيت احرجج واحرج نفسي ودورت لي على جهاز فاضي اشتغل عليه : الحين انت صاحي ولا مينون اللي تدورني علشان انا استخدمت جهاز الانترنت اللي كنت تستخدمه انت .......الظاهر انك متسبب : يا انسه انا : انت ببساطه واحد ماعندك ذوق ....واسلوبك في التحرش كلش اوووووووووووووووووووفر :بكل بساطه انتي اخذتي ملف ابحاثي الاخضر من على الجهااااااااااااااااااز.................ولما تركتي المكان كنت مشغول وما انتبهت انج اخذتيه معاج ............. شهقت لما سمعته وطالعت بكتبي اللي فعلا كان فيهم ملف اخضر صغير تحت كلش !!!!!!!! بصراحه ماني عارفه شاقول ومستحيه ارفع راسي الموقف يفشل طالعني باستصغار وقال : والحين من تعتقدين اللي يحاول يتحرش بالثاني قلت له وانا منحرجه : ااااانا الللللملف شلته بببببالغلط ........وماكنت قاصده.. طالعني وكاني ولاشي وقال .... : عادي امثالج يظنون ان مافي في الدنيا غيرهم ...بس اسمحي لي ...في نظري ملفي اهم بوايد من تضييع الوقت معاج : انت شفيك قليل ادب ...الملف وشلته بالغلط ...تبي اعتذر ....اوكي ...ااااااااسفه : مافي داعي تكلفين على حالج ...بس سلميني الملف وانا ماشي عطيته الملف وبنيتي اكرر اعتذاري ....بس اخذه منه بسرعه وكانه يبي يمشي ويفتك مني .....ياجماعه قهر انا اللي اي طالب بالجامعه يتمنى مني نظره هالسيبال يعاملني بهالطريقه ؟؟؟؟؟ طلعت من الكانتين ورحت المكتبه كنت متفشله ومقهوره وماني عارفه شاسوي ...كلمت عواطف وردت علي بانها مداومه صبح اليوم وبتكون بالجامعه الساعه 2 وانا بظل طول هالوقت بروحي والله قهر انا شللي وداني الانترنت اساسا ....والله ماعندي سالفه ................................................ عقب المحاضرات اتصلت فيني نينا وقالت لي انها بتتاخر شوي لان عندهم فحص...اوهوووووووووووو ...شنو هالفحص اللي ابتلشنا في خل تجي الماما الحين وتشوفني وانا بين البنات ضايعه ومالي الا عواطف...لما قلت لها ضحكت وقالت لي سوري ماوصلج الا لو!!!!!! .................................وعدتيني تتعشين عندنا وكملت ضحك وكأن السالفه ولاشي ...حتى ميعاد ساعات تتذمر لما اطلب منها توصلني ...الا عطوفه ...اسمها عواطف وهي اعطف انسانه علي ......طبعا ماقدر اروح بيتهم بهالوقت والا بتعرض لشرشحة الوالده فعتذرت منها بلطف وقلت لها وقت ثاني ...مع اني احب اكل من ايدين امها .....ام سالم ...مره تتحسس اللي يشوفها ان مافي بهالدنيا ام غيرها ...تحاتي عيالها لدرجة انها ماتاكل قبل لايرد اخر واحد منهم للبيت ...ساعات احس انهم اغبيا من كثر مايلصقون فيها بس يبون يشمون ريحتها ...وتصرخ على ولدها جمال وتقول له وخر عني رييحتي طباخ يرد عليها واهو ياهل بالاعداديه ... : امووووووت انا بالبصل . يمكن في اشياء وايده تخليهم يعشقون امهم لهالدرجه بس داخلي احس اني ابي اسوي مثلهم والصق في...........في......ماعتقد اني ابي الصق في الماما ...احسها بتعصب ...وانا مابيها تعصب...يمكن ابي الصق في ام سالم واسوي نفسي بنتها حتى لو من جذب .......................................................... بالدرب كنت افكر في هالشاب الكريه اللي عاملني بطريقه مممممم بصراحه احس اني كان لازم ارد عليه بطريقه تادبه بس ...!!!كنت مشغوله وانا اركز على الغمازات ...اول مره اشوف ريال غمازاته تتحرك حتى وهو يتنفس لما كان يرفع راسه بقلة صبر ويبي يقنعني انه مو طايق يكلمني ........كنت انا انتظر يسالني شسمج ....كنت مستعده لاي سؤال .....بس اهو ماكان مستعد الا لاحتقاري........ليش ؟؟؟؟مادري بصراحه مو متعوده على اسلوب التجاهل ...بس الغلط مني ...انا حتى ما تدلعت ورمشت بعيوني وسويت نفسيي متأثره علشان اذوب قلبه ....ماكنت مستعده علشان جذي خذني على خوانه مثل مايقولون بمصر ردتني عواطف البيت ودخلت.........هناك كان البيت سكووووووووون.........بالعاده الماما ماتطلع عقب الساعه 4والحين الساعه 6 وماهي موجوده.ناديتهم......وطلع لي ربيعه من مكتب ابوي وكان ويهه معتفس.ومبين عليه القهر سلمت ورد وهو متعكر .....سالته : روبي وين الماما :لاتناديني روبي لا اسويج عجين ..... : اوكي..وين امك : ببيت يدج. : خير...اهو رد من السفر ...عيل مها وينها !!! : مها خلاص ماتبي ترد ....بتقعد عنده ليييييييين !!!!!!! : لين شنو ؟؟؟ : ليش ماحد خبرج انها بتنخطب ؟؟؟؟...... : لا ...منو ومتى : السالفه درينا فيها اليوم الصبح من يدج : شلون يعني اليوم الصبح؟؟؟ اهي قرطاسة بيض؟؟ : اذا عندج حجي ردي على امج واختج : ليش انت معصب طيب...اذا كان اللي بيخطبها زين ومحترم....وغغغني : واشدرررراج انه محترم؟؟؟ : يدي مستحيل يقبل بواحد هيلق او فقير ؟؟؟؟ : معاج حق ...اللي بياخذها محترم .............وغني .........وعمره 53 سنه...ومتزوج ...وعنده عيال3.........ويبيها تسافر معاه بره ......... : شلون يعني بره ...مو بحريني؟؟؟ : لا بحريني ....بس الظاهر بيصير سفير ...ومرته الاوليه ماتليق بمقامه فيبي وحده تسوى تكون مرت سفير : يارببببببببببببببببببببببببييييييييييييييي : والداهية ان امج موافقه وفرحانه بالسالفه : بس مها عمرها 26 سنه بس !!!!........يعني هالريال كبر ابووي : انا لما قلت لها هالكلام وعصبت ....هذا اللي اخذته......... واشر لي على خده اللي كان معلم بكف احمر ومبين عدل طالعته باستغراب وسالته : معقوله امي تطق؟؟؟ ومنو!!! ربيعه ولدها الوحيد!!!! احس الدنيا تدور ....وماني مستوعبه شي ..............مو معقوله الماما تسوي في مها جذي دخلت غرفتي وانا ضايعه .احس اني ماني قادره اتنفس....قمت ابدل هدومي ...بس وانا اقتح القميص تذكرت الشاب اللي قابلته اليوم وهو يقول لي ... :صار لي ساعه ادور عليج ....وانا ماعرف عنج شي..... غير القميص الاخضر والبنطلون الجينز !!! شنو كان قصده ؟؟؟ معقوله انه هالقميص منحوس ....من كثر الاحداث السخيفه اللي شفتها اليوم كنت اشيله من على جسمي بقوه واحس انه مثل الشوك ...كان شيفون مشكوك باليد من تركيا ...يدي شراه لي هديه مره واحنا مسافرين ...اذكر اني كنت فرحانه بالتوقيع اللي على نمره القميص ...لانه من المصمم الاصلي (ريتينكوار) نفسه...لما حضرنا عرض الازياء الخاص فيه ...لا والقلم لونه مايضيع بالغسيل ...من جذي كنت معتزه وايد فيه بس الحين ......ماني طايقته ...احسه يحرق جلدي واول مره انتبه انه يخليني اصير شاحبه معقوله قناعات الانسان تتغير بسسبب موقف عادي مثل هذا .................................... لما ردت تيتا ونينا ....... كنت انا بالغرفه فوق ...يوني فرحانين وخبروني بالخبر ...مادري ليش فرحانين ...........مها بتضيع شبابها مع شايب ...لا وسكند هاند ...وهما طايرين جنها بتاخذ الامير سيقفريد من بحيرة البجع .... سكت وانا ادري ان رايي بالنسبه لهالثنتين ولاشي سكت وانا قلبي يعورني على مها ...حرام ...اختي الجميله الناعمه واللي كانت ارفق وحده علي حتى من امي تتركنا وتروح تدفن نفسها مع ريال يحب استهلاك الحريم ويبدلهم مع الوظيفه لما رجعت الماما بالليل من بيت يدي كانت مها موب معاها ...ماتكلمت بس ماحس اني مرتاحه للوضع ....اساسا انا منو علشان اتكلم ....تعودت اني في البيت مالي اي تاثير وكلامي على قولتهم لابيقدم ولاياخر كنت ابي اشوف مها ...وطلبت من امي اني اروح بكره بيت يدي علشان ازوره واسلم على مها ....امي ما مانعت بس سالتني من بويديني ...طالعت تيتا ابيها توديني فقالت لي : انا ماقدر ...باجر يومي بيكون مليان محاضرات ومختبرات ... : بس االسياره معاج : ياسلام ...وصليني وخذيها :تتطنزين ....مو انا الوحيده اللي ليلحين بدون ليسن امي: خلاص ...روحي وقت ثاني ..... : لايمه تكفين ...من زمان ماشفت مها ...اهي ماتبي تشوفنا :اليوم الصبح مرت مع يدج وقعدت شوي :بس انا كنت بالجامعه امي: اوهوووووووووووووو :طيب بخلي عواطف توديني امي : لااااااااااااااااااااااااااااااااااااااااااااا...كل شي ولا هالبنت ...لو شافها يدج يمكن يهاوشني ويقول اني ماعرفت اربيج :ليش يمه ...عواطف كلش محترمه ومؤدبه :اي ادري ...بس يدج مايدري الا ان سيارتها ايكوووو...وشكلها....ثم تعالي هالبنت شنو لقبها ؟؟؟ !!! : يمه عاد مارضى عليها : خلاص...قلت روحي وقت ثاني : اوهووووووووو ...والله ظلم امي : لاتكثرين كلام ....وتأدبي... طلعت غرفتي وانا كارهه هاليوم من اوله لييييييي اخره حاولت اشغل نفسي باي شي قعدت على الانترنت ....فتحت مواقع الموضه والمكياج .......... وطليت على رسايلي بالايميل ...وفتحت منتدى الجامعه ادور على كتاب ...وبالصدفه قريت بعض المشاركات اليديده وشدتني هالمشاركه ياعالم معقوله اكون مينونه ولا مغروره علشان اظن انها انا ؟؟؟؟ بس في شي يقول لي ان الوحيده اللي كانت لابسه اخضر الصبح بالجامعه اهي انا !!!! لا لا معقوله يكون ابو الغمازات بس هذا شكله جاف وبدون احساس ؟؟؟ واللي كتب هالكلام شاعر ...وحساس ...وحلو ...ووسيم ....وطويل ....وملفه اخضر ...وعنده غمازات ...وقاسي شوي .....وووووووووووووو اكيد انا ابتديت اخرف مبجر بس اقرو ا انتو ا واحكمو ا ................................. (((( الى الصغيره ذات القميص الاخضر )))) اقدم للحظ شكرا جزيلا لاني رايتك هذا الصباح كحواء تلبس لون النخيل وادم عاربوجه الرياح اياحظ قف !!! قل لها لاتغادر فكلي شقاء وانت ارتياح سيسكنني اليأس لو غادرتني فمالعيش من دون وجه الملاح وللحظ عندي جنون تجلى فهاهو يسمعني بانشراح وهاهي حواء تجلس قربي وتعصف بي ... تحتوي كل روحي ... وتسرق قلبي ..عيانا بيانا بجرم ...وجرم الملاح ...مباح وفي النهايه كان مكتوب سطر واحد((( الى امرأة لا اعرف عنها سوى قميص اخضر وبنطلون جينز ..)) صلحو لي تفكيري اذا كنت غلطانه ....بس هذا اهو ماحد غيره ياجماعه احس قلبي ينط من صدري ...ويطير بكل الغرفه ويمر على كل زاويه ويخبر الكل شقد انا طاااااااااااااااااااااااااايره |
الحمد لله ع السلامه
ويسلمووووووووا يا البي البارت روووووووووووعه والاحداث كتير حلوه والموقف كتير حلو اللي صار مع الشب وشكلهم يصيروا بحبوا بعض بتوقع!!!!! بننطرك ع احر من الجمر ما تتأخري علينا مع محبتي ويعطيكِ الف عافيه حبيبتي |
هلا زوووورو الحمد لله على سلامتك
في الجزء هذا حسيت انه بداية القصه ... والاجزاء الجايه راح تتضح لنا الصوره اكثر... اتمنى ماتطولي علينا علشان ماتفقد القصه روعتها.. بانتظارك دائما... |
اعزتي قراء ليلاس
انا مصابه بالتهاب رئوي وفي غاية المرض ادعولي بالشفاء مع محبتي زووورووو كان توقيعه باسم؟؟؟فارس بصراحه احس نفسي بطله قصه خياليه وهو فارس احلامي وانه بيجيني على حصانه وبيطير فيني بعيد .و.........و...........و ولازلت احس نفسي طااااااااااااااااااااااااااااااااااااايره مولاني ماتعودت على كلمات المدح ولا لاني ماجربت اني اكون موضع اعجاب ....انا طايره لاني ظنيت اني ماكنت موضع اعجاب في الوقت اللي كان اهو عاجبني ومطير عقلي بغمازاته ............. بصراحه كان عصبي ومو طايق روحه بس كان وسيم وجذاب ....مادري يمكن عندي عقدة من تاثير اللون الاسود على الناس ...بس قميصه الاسود كان عليه كووووول وبصراحه بعد كنت ابي اصرخ مثله وارد عليه باسلوبه بس لما قرب وشفت ملامحه اكثر حسيت اني مثل المأسوره وماقدر اسوي اي حركه الا باذنه .......... معقوله في ناس تملك انها تسيطر على غيرها بهالطريقه بمجرد الكلام او النظر !!!!!! ....................................................... الصبح كنت رايحه على الجامعه ............قضيت معظم الوقت وانا اختار شنو البس ....ياجماعه صعب ان الوحده تطلع وهي متوقعه مقابلة احد ....وحابه تكون جذابه وبسيطه وكيوووووووت ...يصير كل شي موحلو والاشيا اللي نعتز بلبسها على انها الافضل بهالوقت احسها قديمه وموب حلوه ...اخر شي استقريت على تنوره ساتان لونها بيج مع قميص بني بخطوط ذهبيه خفيفه على الكمين وحطيت شادو بني وكحل خفيف علشان تبين عيوني اوسع واحترت مع القلوس واخذت من نينا واحد لونها مارشميللو ........................................................ طلعت من البيت وانا قلبي يدق اساسا مادري حتى اذا كنت باشوفه او لا ... بس شي داخلي يحسسني انه موجود ويراقبني حتى تيتا اليوم ملاحظه على تصرفات غير مثل ما تقول وعلقت كذا مره على الرقه والنعومه اللي ظاهرين اكثر من كل يوم وانا متجاهله تعليقاتها وسارحه بعالم غييييييير اوهووو اصحي يابنت اساسا يمكن حتى ماتكونين انتي اللي كتب لج هالقصيده فارس ...!!! من تكون؟؟؟؟ ............................................................ ............ بالجامعه كان الوضع عادي جدا وقابلت عواطف كذا مره وقعدنا بالكانتين نشرب كوفي .....لاني كان راسي بينفجر من الالم وماحبيت اكل اي شي وينه هالفارس ..........الظاهر انه السالفه مجرد اشتباه وفي وحده غيري كانت لابس قميص اخضر وجينز امس ....عموما خل انسى هالموضوع اللي من كثر ماشغل تفكيري مانتبهت لاي محاضره ولا اكلت ولا حتى كنت منتبهه لسوالف عطوفه ........................................... طلعت من الجامعه الساعه ثنتين ونص مع عواطف وانا مخططه اروح ازور مها رغم ان الوجع براسي يزيد وطلبت من عواطف تنزلني شوي بعيد عن بيت يدي ...اهو ااساسا شدرراه منو اللي موصلني مادام قصره محوط بثلاث حدايق ......ولما وصلت البوابه ...طلبت من الهندي يطلب لي سياره تدخلني القصر ....كنت تعبانه ومافيني حيل اعبر هالدرب في هالحر...ولما وصلت كان يدي بالمكتب معاه ريال وسالت الشعالات عن مها ...وخبروني انها فوق طلعت لها وكنت مشتاااقه لشوفتها مووت احب مها وايد ...الوحيده اللي احسها ماتقارن بيني وبينها ولا تحاول تقلل من قيمتي صعب علي اشوفها بتتزوج من واحد كبر ابوي واتحمل بعدها ...لما سمعت صوتي من ورا الباب نطت بسرععه وفتحت وخذتني بحضنها ........................... ...كنت ولهانه على مها وسوالفها وظليت اسولف واسولف واتكلم .................صار لي مده ماتكلمت واحد يسمعني ..طول الوقت انا اللي اسمع ولو تكلمت ....كانو نينيا وتيتا يعلقون علي ويسخرون مني وانا كان للازم اسكت لاني الصغيره وعيب ارد على اللي اكبر مني وخلال سوالفي مع مها مرت سالفة زواجها................ كان لازم اسالها عن الموضوع ............ مو معقوله تتزوج من واحد بهالمواصفات.......هذا مثل الذبح الاسلامي ........................................ موت بس باساليب شرعيه والله حرام مها هالنسمه تتزوج شيبه بسن ابوي وسالتها مريم: مها صج بتتزوجين؟؟ مها: اي كان ويهها عادي ومافيه اي مشاعر مريم: صج اهو اكبر منج بوايد؟؟ :مها : من قال لج هالكلام ؟؟ مريم : سمعت!! مها: من منو ؟ :من ربيعه !!! بس لا تقولين انا قلت ... مها : اهو شوي اكبر مريم : وليش تاخذين واحد اكبر منج ...وانتي الف من يتمنى قربج مها : مو مهم الالف ...المهم بس منو باخذ : ومنو هذا اللي بتاخذينه :تاجر كبير ومرشح سفير بدوله اوروبيه وووو حسيتها ماتدري شنو لازم بعد تضيف لقائمة هالريال علشان يحلى بعيوننا مريم:تظنين هذا اهو اللي بيسعدج مها: وانتي متى كبرتي علشان تعرفين شنو اللي يسعد البنت مريم: مها لاتتطنزين ...انا كبيره وبالجامعه...وووو وانا بعد مادري شاقول علشان اقنع مها اني كبيره ...اساسا حجمي مايساعد اقول اني كبيره ...كنت قصيره وضعيفه ولولا الكعب جان يفكروني بالاعداديه مها وهي تغير موضوع السن علشان ماتحرجني : عموما اهو ريال طيب وبيقدم كل اللي احلم فيه وبيساعد اهلي بعد وغالبا بيمشي لامي راتب شهري كبير يعيشها مرتاحه وانتو معاها بدل هالفقر والبهدله .... : ومنو قال انا نبي هالشي على حساب عمرج :مريم لاتقولين كلام انتي صغيره عليه : شنو صغيره مها ...انا كبرت وعمري 18 سنه ومثل كل البنات احس واتاثر ...وماعتقد انه في بنت تبي تتزوج واحد بسن ابوها الا اذا كانت واقعه تحت ضغط مها والكلام احسه استفزها :مريم قومي روحي سلمي على يدي وبدلي هدومج والعصر نوديج : وليش ماتيين معاي البيت مها ...انا محتاجة لج وايد ...ومابيج تتزوجين هالشايب مها بغضب : مو شايب : طيب لاتتزوجينه مها تكفين ..حرام تدفنين روحج معاه : مريم خلاص احس ان دموعي ابتدت تنزل وانا اسالها : منو اللي اقنعج انه زين ؟؟؟؟ ........يدي!!!انا بكلمه وباقوله انج ماتبين هالشايب مها مها : انتي اكيد مينونه ..وثانيا قلت لج انه مو شايب مريم : اكون مينونه لو سمحت ليدي يضيع حياتج ....بسبب هالكم فلس اللي يرميها لنا كل شهر مها : مريم حبيبتي ...انا اللي قرررت مو يدي مريم : مستحيل !!!! مها: كل اللي ابيج تفهمينه اني مثل كل الناس ابي ارتاح ماديا ومعنويا تعبت من كلام الناس عن مغامرات ابوي ....مليت من انتظار يدي علشان يعطيني فلوس مريم : بس مها ...انتي صغيره وحلوه وكل اللي تبينه بيتحقق شوي شوي : انتي من كثر الافلام الهنديه اللي تشوفينها قام مخج يتبرمج غلط اصحي يامريم ...... الحياة موب مثل الافلام ...حبيب ومغامرات وتبات ونبات كانت دموعي تطيح وانا اشوف المراره بملامح مها وهي تقول لي كلام اساسا ماقتنعت فيه مريم : مها لاتخليني ...ماحد بالبيت يعاملني مثلج مها : الماما مابتقصر....ثم انا طول الوقت مسافره ...يا دراسه ...يامع يدي مريم : بس تردين بين كل شهرين وتسمعيني ...الحين بتسافرين ومابنشوفج خلاص ....وبكيت مها : شرايج اقول حق بو رياض ناخذج معانا وتكملين دراسه بره مريم : اهو اسمه بو رياض مها :مممممممممم ايه : انا حتى مابي اشوف ويهه ....شلون اسافر معاه!!! وتركت الغرفه ونزلت تحت وانا امسح دموعي قررت اني ماروح اسلم على يدي ادري انه اهو اللي زرع الفكره براس مها...طول عمره يلمح لدوره الكبير بحياتنا وانه غلط غلطه كبيره لما زوج امي من واحد فلتان جايته الفلوس صدفه ....ويبي لنا نتزوج من ناس اغنيا ويعرفون شلون ينمون ثروتهم ...وانه مايبي يصرف ويخسر فلوس على بنات بيتزوجون من اي واحد .... هذا اهو اسلوب يدي ...... وانا وربيعه بالذات ماكان يحبنا ودايم يقول لي اني بنت ابوي ..... وامي تزعل لانها تحس انه يقولها بتحقير بس ماترد وانا ماره يم مكتب يدي سمعته يكلم ريال معاه ويقول له ................ يدي وهو يضحك : عاد انا عطيتك وابي استفيد !! الريال : عطيت غالي وبتستفيد بغالي يدي: نقول مبروك الريال : مبروك علي انا ..... وماقدرت اتحمل .يبي يستفيد من زواج مها!!! صج انك حقير يايدي .. .بس والله ماطوفها لك .... وفتحت الباب ودخلت ((( بحكم التربيه المعتاده كان لازم اطق واستأذن واسلم وانطر وووووو))))) بس بحكم القهر دخلت وماسلمت وقعدت مباشره على الكرسي ... في بالي كنت ابي اغيظ يدي وافشله ... وهذا شي سهل عندي ... تخصص!!!! حطيت ايديني على ذراع الكرسي وقلت ليدي ... :مبروك على شنو يدي... وقبل لايتكلم وكنت عارفه انه بيرد بغضب على اسلوبي وقفت وسويت روحي ماني مهتمه وقلت ...هذا اللي بتبيعه الذبيحه !!! والله انك تاجر يايدي بس الصفقه مضمونه يدوووو والذبح اسلامي ... وفريت راسي للريال الثاني اللي كان يطالعني باستغراب واعجاب ...يمكن لانه متعود يسلي نفسه بشوفة اي مره حتى لو كانت كبر بناته وقلت له بسخريه واضحه : ماشالله انت الشراي أأأقصد المعرس ؟؟؟؟ :: وايد وسيم .... لا وبكرش بعد تذكرني بابطال السينما الصامته ........ . بس قول لي ........ تعرف ترقص بهالكرش ولا نأجر للعروس واحد يرقص معاها ليلة العرس ساعتها يدي مامسك نفسه ورفع يده بيعطيني كف على ويهي ..... بس الريال مسك يده وقال له : تعوذ من ابليس يابو محمد ...تراها ياهل طالعته بغضب واستفزتني كلمة ياهل وقلت له : : مادمت ياهل وانت تحب تتزوج اليهال وتربيهم شرايك تخلي اختي بحالها وتاخذ الياهل اللي تعرف تربيك!!! طالعوني اهو ويدي مستغربين مني ... وماستحيت ووحطيت ريل على ريل وانا قاعده على الكرسي و كملت : صدقني بورياض ... انا اعرف اللي عمر مها ماتعلمته ... لابسفرات ولا بجامعات .... وعلشان افك اختي منك موافقه اخذك بس لا تعتبرها تضحيه!!... ترى مافي شي يسليني كثرمن اني اسبب لشايب مثلك جلطه قبل اوانها ... واريح العالم من متصابي مثلك لحظة صمت ............................................ كان مبين على ويه يدي الاستغراب والفشيله وانه لولا انه الريال ماسك يده جان من زمان نسفني الريال ترك ايدين يدي وطالعني ببرود وكأنه مستانس من الكلام اللي سمعه وقال لي :مع اني ماتعودت من بنات العوايل انهم يعرضون مميزاتهم بهالطريقه!! ومع انه صفقتي مع يدج ماكانت زواج انا موافق على طلبج الزواج مني ... بس حطي باالج........ تراني معين ثلاث اطباء يهتمون بصحتي ... يعني على ماتسببين لي جلطه بتكونين انصبتي بثلاث او اربع وطالع يدي ومسك ايده كأنه بيسلم عليه وطلعو من المكتب ... كان صوت ضحكته واصل لين الكرسي اللي انا قاعده عليه رغم انهم بره عند الباب مادري شفيني بس عقب طلعتهم حسيت انه كل جسمي يرجف وان اللي سويته بدل مايفشل يدي انقلب على راسي واحرجت نفسيي مع ريال مو اهو اللي بيتزوج من مها ..... والريال طلع خبيث لف السالفه الى سخريه مني بدل ماتصير مشكله معاه ومع يدي احس اني خايفه ...كنت ابي اخرب عرس مها سويت لنفسي فشله وعرضت نفسي بطريقه ماتسويها حتى بنات الشوارع ياربيييييييييييييييييييييييييييييييي صوت يدي كان واصل عند باب المكتب وزاد خوفي وانا اسمع صوت الباب !!!!!!!!! |
اولا الف الف سلامة عليكِ والله يشفيكِ امين
واوووووووووووو البارت بجنن كتيررررررررررررر والاحداث مشوقه جدا ويالله شو حزنتني مريم بس مايكون جد يتزوجها هاد الشايب لا ديري بالك حرام انا كل امالي صارت معلقه مع فارس وانهم رح يحبوا بعض عم ننطرك يا البي ويعطيكِ الف عافيه يارب وماتشوفي شر حبيبتي مع محبتي |
(( صدفه ومن بين كل الناس علقني ..
من يوم شفته وعيني جات في عينه حسيت شي بعيونه حيل يجذبني ولما ابتسم بانت بوجهي تلاوينه )) ........ اللي صاريومها ان يدي مباشره اتصل بامي وهاوشها وطرشني مع السواق بيت هلي .....مرت ثلاث ايام احس اني مخنوقه وعواطف موب فاضيه لي ...وميعاد مسافره اليونان ... .لما سالتها عن المقررات والنجاح قالت لي ببرود: الواسطه ياحياتي ماعندي صديقات غير ...........وعقب اللي صار امي مهددتني اي شي يغضب يدي بيقلبها على راسي اوهوووووووووووووووووووووو تعبت رحت على قسم الانترنت .... .فتحت موقع طلاب الجامعه .كل يوم اقرا لهالفارس شي ....... .بس مافي شي يقول لي انها انا اليوم كتب قصيده تدوخ ...... احس اني احب كلامه قصيدته اليوم بعنوان ((اعطيتها قلبي)) كانت جدا قصيره بسيطه وناعمه ورومانسيه بس مستحيل تكون انا هالفارس عذبني بدون مايدري .................. خلونا نقرا شنو كتب ... ........ .............. هذا انا لاشيء لي ابدا سوى قلبي هو قصري العاجي رقم حسابي السري شيفرة اسهمي سيارتي..... يختي الذي اودعته حبي وانا المسير في الهوى لا احسن السير على الدرب رحماك ياحبي رحماك فاتنتي فان الشوق عذبني بلا ذنب الانني لاشيء لي ابدا سوى قلبي فرطتي في حبي .......... ماذا تريد حبيبتي ؟؟ ان كنت قد اعطيتها قلبي اجزيرة الالماس تغنيها عن الحب ............................................................ ..... وكتب تحت القصيده ((( الى كل فتاة تظن ان الحب يباع ويشترى ))) احس ساعات اني لازم ادور عليه ومانتظر انه يدورني اهو .بس ماعرف شلون ؟؟؟؟؟؟؟؟؟؟؟ اليوم بالبيت كانو يحضرون الاكل وشغلات وايده ... شكله في عندنا ضيوف ...... تضايقت لمن عرفت ان اللي بيزونا اهو زوج مها المستقبلي وقررت اني ماشاركهم العشا قعدت بالغرفه وطلبت عواطف وقلت لها تفتح المسنجر علشان نسولف عواطف: مرحبا مريوم...شلونج صار لي مدة ماشفتج مريم: انا زينه ..بس انتي كنتي مشغوله :طيب ليش ماتجين تزورينا بالبيت :امممممم...ماجات الفكره برراسي عواطف: وشخبار زواج مها :اوهوووووووووووو...مابي هالسيره :اوكي شنو تبين : ابي اسالج عن واحد يكتب بموقع طلاب الجامعه : اوووووووو : يلا عاد عواطف عن ا لبياخه :اوكي شسمه :مادري ...يوقع باسم فااااااارس :ايييييييييييييييييييييييييييييي...فارس... اعرفه شفيه :اهو صج اسمه فارس؟؟ : وانتي ليش تسالين عنه؟؟؟؟ :عواطف انتي شفيج ؟؟؟شاعر وعجبني اللي يكتبه و.ا.بي اعرف عنه اكثر :بصراحه انا شخصيا ماعرفه بس ادري انه كليه الهندسه وانه مشترك بالتجمع الطلابي اللي بيصير الاسبوع الياي عن حب الوطن :بس!! : مريوم انتي شتبين بالضبط؟؟ : ابي اعرف اسمه : اللي اعرفه انه مشهور باسم فارس بكل الجامعه وكان ساعات يكتب قصايد عن كلية الهندسه ومعاناة الطلاب فيها ومن جذي خمنت انه هندسه ومكتوب على الباننر مال الاتجمع الطلابي انه بكون موجود وبيلقي قصيده ....وهذا كل اللي اعرفه عن هالفارس بس قوليلي ....اي قصيده اللي عجتج صج :كل اللي يكتبه روعه : اهو يكتب ساعات اشعار ماينزلها الموقع لانها جريئه :والله!!........شلون يعني جريئه : يعني ...مثلا ينتقد الجامعه ...والتسيب الحاصل احيانا ...وينتقد لبس البنات ...والاساليب الملتويه اللي يتبعها بعض الدكاتره علشان بس يعجز الطلاب ....واللي يخليه مؤثر انه انتقاداته كلها عباره عن اشعار ...........حتى اللي مايحبون الشعر بمنتدى الجامعه يقرون لفارس : هذا شكله مشكلجي :لا والله الا ....حقاني : ومتى قلتي انه التجمع الطلابي بيصير : الاعلان كاتب ترقبو ...والظاهر انه الاسبوع الياي ....بس استغربت من شغله... : شنو؟؟ :......اهو متعود مايعلن عن مشاركاته في التجمعات علشان مايلغونها فجأة بسبب مواقفه من الجامعه ...بس هالمره اعلن وبوضوح :يمكن متفق معاهم انه مابيسبب اي مشاكل : يمكن : اوكي عواطف انا اخليج الحين باي : عواطف : الوالده تسال عنج : سلمي لي عليها واااااااااااااااايد امممممموووووووووواح صكيت الماسنجر وانا مترقبه الاسبوع الياي بلهفه تمددت على سريري كنت ناطره اي احد يجي يسال عني ....... بس ماحد سال !! عادي مو مهم ....اساسا انا من عقب اللي صار صرت منبوذه والماما دايما زعلانه مني..............حتى مها احسها متغيره على ..................... عادي اساسا انا من متى احد اهتم فيني ولا سال عن حالي ........هالشي المفروض اتعود عليه علشان جذي نمت وانا احلم اني من عايلة غييييييييير تشبه عايلة عواطف وام بحنية امها واخوان مثل اخوانها وووووووووووووووووووووووووووووووووو ثاني يوم سمعت ان مها بتسافر مع امي وتيتا ........بيروحون تركيا وباريس ...بتسوقون على حساب المعرس اغراض العرس وفستان العروس ...... نينا مابتروح معاهم لانها مشغوله بكلية الطب وطبعا انا ماني رايحه معاهم ......ماحب اشوف بو رياض الحقير اللي بيشتري شباب اختي بفلوس شيبه ساعات نفسي انسف اي واحد يظن فعلا انه ممكن يشتري الناس بفلوسه .....اظن اني بنسف كل الاغنيا بالعالم على هالحاله وساعات اتمنى اكون مثلهم غنية بس ماظن اني بتصرف جذيه ............................... بيوم التجمع الطلابي ........... قررت اليوم اني ماروح مبجر ..واساسا ماكنت مهتمه شنو البس ...مها شرت لي هدوم من سفرتها جنها تبيني اكون فررحانه لوضعها الجديد....بس مادري ليش كنت متضايقه ...طول عمري احب اللبس وخصوصا لما يكون اكشن يديد بس هالمره غير .........لبست فستان قطن نص كم لونه زيتي مشجر كان جدا بسيط ومعاه لبست سلسله نحاس بقلب ياقوت كان شكلي عادي جدا ...بس كنت مطيحه شعري على كتوفي ولامه اخرته بشكل مهمل شوي وطبعا مانسى الكعب العالي علشان ماطلع قصه وقصيره بصراحه من كثر ماجهزت نفسيي كم مره علشان اشوفه وماشفته هالمره بعد احسها مثل قبل ومابشوفه ................................................كانت الصااله زحمه ومافي كراسي كفايه الحر بسبب الزحمه خلاني اتضايق........ابتدى التجمع بكلمة لرئيس جمعية الطالب وبعدها كان حوار مع احد الدكاتره المسؤلين عن الشئون الطلابية وووووووووووووووووو..........بس ماني قادرة انطر اكثر ....الحر والاختناق في الصالة خلاني احس بدوااااااار مو طبيعي ...اساسا كان لازم عواطف تكون معاي مادري وينها شوي وحسيت اني خلاااااااص بودع كنت اتنفس بصعوبه بس مو من الزحمه .............الا لاني كنت قصيره وصايره بوسط بنات طوال ومافي هوا ........ياعالم بدنا هوا هوا شوي وحاولت اطلع ...كانت الطلعه من هالزحمه لوحده مثلي امر خارق .....في بنت طويله ورشيقه طالعتني بنظره سخريه وقالت لرفيجتها وانا امر من بينهم .....اهم بنات الاعدادي بعد معزومين ...زاوهو الظاهر انه الكعب مانفع يطلعني كبيره ولما قطعت نص الدرب للطلعه من الصاله كان الاختناق يزيد والزحمه والشباب يصكون الباب علشان ماحد يدخل وقفت عند الباب وانا اشهق من الخنقه وقلت للشاب اللي واقف عند بوابة الصالة وكان معاه مجموعه كبيره من الشباب : ممكن تفتح الباب وتخليني امر طالعني بضحك وقال :تو الناس ...للحين الحفله مابدت واللي معاه كلهم ضحكو كنت خلاص مافيني طاقه اوقف فصرخت عليه وعليهم وقلت له : من فضلك وخر الشاب ::او اووووو الاخت معصبه ... : انت قليل ادب :مسامحه والله ماكنت اقصد بس ظنيتج بتقعدين اكثر لانه دور فارس : أي فارس أي حارس ووووووووابعد خلني امر وفتح الباب وطلعت للهوا بره وكاني كنت بمووت ورميت حالي على الكرسي اللي يم الصاله ...ماكان في احد بره ظليت اشهق انفاسي واحس بالغثيان من الزحمه والاختناق وقررت اروح الحمام وانا ماشيه مسكت الطوف ابي اتماسك وشوي وصرت ارجع ..بس ماني قادره كلما صادتني حالة الغثيان كنت اسب في فارس وفي الساعه اللي قررت فيها اني اجي على الجامعه اليوم : الله ياخذك يافارس ...يارب يصيبك اكثر من اللي فيني ....اللله يلوع جبدك ...كل هاللي فيني علشان كم بيت شعر بتقولها ...يارب ماتقدر تقول شي وتتفشل يارب وهدت معدتي شوي ....... بس ظليت منزله راسي واحاول انظم انفاسي قبل لا اقوم مادري ليش كنت اشم ريحة سجاير وابتدت حالة الغثيان تزيد مره ثانيه بس قبل لا ارفع راسي سمعت صوت مميز واعرفه : انا اسف اذا كانت اشعاري سببت لج ازعاج ...بس مافي داعي انج تدعين علي ورفعت راسي !!!!!!!!!!!!!!!!!!!!!!!!!!!!!! كان اهو نفسه لما شافني شال السيجاره من يده وطفاها بريله ووقف ساكت كان يحرك الجوتي على السيجاره المطفيه بهدوء ويطالع فيني كل اللي ابيه من الدنيا هالوقت اني اقدر احرك ريلي واركض وسبحان الله مجرد مانتهت الفكره من عقلي تحركت ريلي وحاولت اشرد من هالموقف بس اهو وقف وقال لي : قريتي القصايد اللي كتبتها كنت احاول اتحرك بجهة ثانيه فيوقف بويهي وكنت مرتبكه وماني عارفه اقول شي لما حس بارتباكي قال :انا اعتذر عن أي ازعاج ممكن اكون سببته لج ...بس ترى حتى انا عانيت بسببج : انا : أي :ااااااشششلللللووون يييييععععننننيي : من يوم ماخذت الملف منج وانا ماني قادر افتح كتاب ولا اذاكر ولا اسوي أي شي ممكن يفيد مستقبلي :::: ممموووو ذنننبي :انا ماقلت انه ذنبج ...بالعكس اهو ذنبي انا : مممماااا فهمت :علشان تفهمين لازم تسمعين اللي كتبته لليوم : ممابقدر ...احس اني تعبانه :كله مني ....انا السبب...واستحق كل اللي دعيتي علي به وعلشان اكفر عن ذنبي بلقي قصيدة من قصايدي الجديدة هني لج بروحج بالممر كان جاد ويتصرف بثقه وطلع اوراقه من جاكيته بس انا قلت له علشان مايتأخر على التجمع والكل ناطره : روح الحين الكل ناطر بالصاله ..خلها لوقت ثاني :صج تبين تسمعينها وقت ثاني؟؟ معناها رضيتي : رضيت بشنو : اني اخذ اسمج ورقمج واسمعج اشعاري بوقت ثاني ساعتها حسيته يسخر مني علشان اعطيه الرقم طالعته بغضب وقلت له ...شكلك فارس بس تصرفاتك مممممممم اسمح لي : انا اااااااااسف ...واذا ماتبين تعطيني الرقم مو مشكله ...بس عاد مايصير صار لي اكثر شهر ادور عليج ولما القاج تشردين مره ثانيه بكل سهوله ارتبكت !!!! معقوله كان مثلي يدور علي...وقلت له : وشنو تبي الحين بالضبط رد وكان حاط ايدينه بجاكيته ويطالع بعيد : ابي منك وعد لوغبت ماتنسى وان جار دهري على حالي فلا تقسى : شقاعد تقول وطلع ورقه وكتب عليها ايميل وعطاني اياها سويت روحي ماطالعه تركها على الكرسي الحجري القريب وقال لي اذا كان لي امل ....باكون سعيد ...ولو ماكان !! يسعدني انج تكونين دايما بخير ولما كان بيمشي مروا اثنين من حراس الامن بالجامعه وطالعونا بشك كنا بروحنا بالممرومنظرنا فعلا يثير الشك خصوصا واني كنت لازلت تعبانه ودايخه من خنقة الصالهولما قربو منا طالعهم فارس بحيره وهم ماكذبو خبر ياربيييييييييي شهالفضيحه ...انا بنت العوايل ومعاي الشاعر اللي الكل ناطره وبروحنا بممر وننصاد من الامن امبيييييييييييييييه مابلوم الماما اذا حبت تتبرا مني |
اولا الف الف الف الحمد لله ع السلامه
لولولولوليش نورتي يا البي وينك مختفيه ؟؟؟؟؟؟؟ اهم شي تكوني بخير البارت روووووووووووووووووعه بس ليش مارضيت تسمعه انو يقولها القصيده قهرتني اهئ اهئ اهئ يعطيكِ العافيه يا البي وعم ننطرك ما تتأخري علينا ابداااااااااااااااااا يسلموووووووووا مع محبتي |
دبدوووب حبيبتي ............................مراااااحب
تحياتي لج يا احلى دبدوبة عسل وشكرا على الترحيب الحار ... اسعدني ردج واتمنى دايما تفرحيني بمثله احبكم كلكم لانكمم تنسوني كل همومي واحبج يادبدوووب انتي بالذات لانج تذكرتي اني كنت مريضه وتحمدتي لي بالسلامه واوعدج انو البارت الجاي يكون عسل مثلج تحياتي ياحياتي |
اهلين زورو الحمد لله على سلامتك
ان شاء الله اخر الغيبات...يارب |
السلام عليكم ورحمة الله وبركاته
يعطييك العافيية على الرواية الابداع والحمدلله على سلامتك وبانتظار البارت القادم تحياتى |
متوقفة منذ 2008
دون معرفة اسباب الانقطاع |
| الساعة الآن 08:32 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية