منتديات ليلاس - ياحرفي ياللي ضاع مابين الدفاتر والرفوف

يسعد صباحكم \ مساكم

رائعه من روائع تركي الميزاني وكلها حكمه صح لسانه وعلا شانه

أعجبتني فنقلتها لكم لروعتها

ياحرفي اللي ضاع مابيـن الدفاتـر والرفـوف
اللي رسمته مـن تنهَّاتـي ومـن حبـر قلمـي

ضحيت لجله في حروف وقمت لجله في حروف
وصبرت لو النار من فوقي ومن تحـت قدمـي

ياصاحبي اللي على شانك تحديـت الضـروف
اسمع كلامي زين وافهم وش اقوله مـن فمـي

ماهو بأنا اللي تتركه بين الخناجر والسيـوف
وتمص دمه بين خلـق الله يامصـاص الدمـي

انا بدويٍ ماسكن في الوقت مسكان الضعـوف
اتبع هوا بالـي واسيـر عنـد ذودي وغنمـي

طوفتها لك لجل خاطـر عيـن ولا ماتطـوف
ولا انت مهما زاد وزنك وزني يطرحـك نسمـي

صمتي يدل اني وفي ومسويٍ فيـك امعـروف
وصبري يدل اني من زحـول الصناديـد انتمـي

ياقوم ياللي تذبحون الحيـل قـدرٍ للضيـوف
وش رايكم في اللي يعشيني من اوصال لحمـي

وقفت له يوم اجلسوا واجلستله ناسٍ وقـوف
غير الذخيره والفشق في محزمه مـن محزمـي