|
ما هو اول عدد قرأته ؟
السلام عليكم و رحمه الله و بركاته اهلا بيكم يا احلى اعضاء موضوعنا انهارده بسيط جداا و هو عباره عن سؤال ما هو اول عدد قرأته فى سلاسل روايات مصريه للجيب سواء كان ملف المستقبل او رجل المستحيل او ما وراء الطبيعه ؟ و ما هو الذى شدك لتقرأ باقى السلسله ؟؟ ابدأ انا باجابه السؤال : اولا خالى عاشق لسلسله ملف المستقبل و كان بيشتريها من اول اعدادها و عنده السلسله كامله و انا كنت فى اليوم ده عند خالى و كنت زهقان فهو جبلى عدد من سلسله ملف المستقبل و قالى خده اقرأه اتسلى فيه و كان اول عدد قرأته هو العدد 67 شيطان الفضاء من سلسله ملف المستقبل و شددتنى جداا المقدمه عندم بدأ الدكتور نبيل فاروق العدد فى اول صفحه : هناك .. فى اعمق اعماق الفضاء .. بين الكواكب و النجوم .. وسط فراغ سرمدى لا نهائى .. وسط سكون شامل مهيب .. كان هو ينطلق .. جسم فى حجم ذره رمل , يحمل طاقه هائله .. طاقه تفوق طاقه محطه فضاء كامله .. مجرد عقل .. عقل خارق جبار .. عقل شيطانى نهم .. كيان بلا اسم .. بلا تاريخ .. فقط كره من الطاقه , تسبح بلا نهايه .. المقدمه دى عجبتنى جداا و شدتنى لاقصى حد و بعد ما قرأت العدد و عجبنى بقى عندى رغبه انى اقرأ السلسله كلها و فعلا بدأت فى اخذ الاعداد الاولى من خالى و هكذا حتى قرات السلسله كامله و بقيت متابع جيد ليها ماذا عن بدايتكم ؟؟ |
بداياتنا والذكريات تشتغل بقى مع ملف المستقبل اللى انا لسة جديدة جدااااااااااااااا عليها اول عدد قريته كان (حرب الاشباح) وانتوا اللى شدتونى لقراية ملف مع رجل المستحيل قريت (القراصنة) كنت فى 2 اعدادى وزهقانة جدا وعايزة اقرأ ورحت المكتبة ملقتش عندها مجلة ميكى او اعداد فلاش او سماش جديدة كله عندى فقررت اقرا حاجة من رجل المستحيل واخدت العدد دة وعجبنى موووووووووووووووت مع ما وراء الطبيعة انا طبيعتى خوافة جدا وكنت اعرف ان السلسلة دى مرعبة وكتير اوى صحباتى يشجعونى اقراها كنت برفض بشدة فصحبتى ادتنى عدد (اسطورة تختلف) وقالتلى دة مش بيخوف بس ومن يومها عشقت السلسلة وعندى دلوقتى كل اعدادها مرسى يا تونى على الموضوع الجميل |
توووووووووووووني .........منور ياحبي
بجد موضوع جمييييييييل اوي بيفكرني بحاجات كتير اوي اول قصة قريتها في دول كلهم هي السماء المظلمة تقريبا عدد 37 في ملف المستقبل كنت ايامها في 2 اعدادي تقريبا ........... كنت شوفت واحد صاحبي بيقراها واخدتها منه .......وبعدين اشتريت من وراء النجوم وابتديت اقرا ملف المستقبل لحد لما عرفت بعدها بسنة ان فيه سلسلة تانيه اسمها رجل المستحيل بس كنت بقرا اي عدد يقع في ايدي من رجل المستحيل واول عدد قريته هو لعبة المحترفين بس مكنتش بسعى الى السلسلة دي اوي ...............كنت ومازلت اعشق ملف المستقبل اكثر .......... طبعا في الفترة اللي فاتت قريت كل اعداد رجل المستحيل وبقيت من عشاقه ووراها ما وراء الطبيعة كاملة ............. بس مازالت سلسلة ملف المستقبل ليها معزة خاصة جدا عندي ومازلت عند رايي انها افضل ما كتب دكتور نبيل فاروق على الاطلاق !!! |
انا اول عدد قريته كان حسناء المقبره وكان للحكايه دى قصه كان عندى 8 سنين وابن خالى كان عنده 12 قعد يقولى انت لو قريت القصه دى هتموت من الخوف انت عيل لو راجل اقرا القصه دى انا برضه كنت خايف عشان الموضوع فيه مقبره بس قريت القصه وكانت ليله طين قاعد ابص حوليا طول الليل لو كان العو هيجي |
السلام عليك صدبقي وعلى جميع اعضاء هدا المنتدى قد اقول لك ان اول رواية قد قمت بقراءتها مند عرفت روايات مصرية للجيب هي اول رواية الرجل المستحيل بعنوان الجوهرة السوداء وهده الرواية هي التي جعلتني اعشق ادب هدا الا ديب المصري ومحبوبنا دكتر نبيل فاروق الدي اتمنى له كامل
الصحة والعافية وعمر مديد وفي الاخير اشكرك صديقي على موضوعك المهم واتمنى لك ولكل الاعضاء النجاح وشكرا والى اللقاء مرة اخرى انشاء الله |
السلام عليكم ورحمة الله
اه منك ياتونى دايما ترجعنا للذى مضى بس بصراحة انا مش فاكر اى قصة كانت الاول هيا لرجل المستحيل وكانت من جزئين او ثلاثه واللى وقع فى أيدى كانت الجزء الاول واخويا كان جايبة كان عندى 5 او 6 سنين وكنت ساعتها بقرأ مجلات باسم والحاجات دى لما زهقت فلقيت القصة دى أستنى اعتقد انها كانت المعتقل الرهيب المهم شدتنى جدا لدرجة انى ان الى اشتريت الاجزاء التانية ليها ومن ساعتها ياعم ادمنت رجل المستحيل اما ملف المستقبل فكان عن طريق صديق ليه اقل ما يقال عنه انه مهوووووووووس ملف المستقبل كنت بستلف منه بالعشر قصص مرة واحده اخلصهم واعطيهمله واخد غيرهم شكرا ياتونى على الذكريات الجميلة دى |
مرحباا تووني ^^ موضووعك مررره عجبني و على قووله اخي عوض رجعتنا لأياام زماااان ^_^ زماان كانوا اخوااتي يقرؤا هذه الرواياات بكثره و كاانووا يشتروا كل عدد جديد و بعدين تركوها .. و في يووم من الاياام قررت أنا اني اقرأها و كان التاريخ بالضبط ( 27 / 4 / 1423 هـ) يوم الاثنين :: كانت عندي عاده اي روايه اقرأها اكتب عليها تاريخ بدايه القراءة و لما انتهيها برضو اكتبها ^_* على قد ما الروايه صغيرة قعدت اقرأ فيها يوومين ^^ ههههههههههههههههههههههههههههه بس بعد كذا صاارت الرواياااات حيااااتي ^^ اول روايه قريتها كانت من ملف المستقبل و هي ( عيون الهلاك ) .. و اول روايه من رجل المستحيل كان ( الاختفاء الغامض ) .. من ماوراء الطبيعه كانت ( ارض اخرى ) هذه هي الروايه التي جعلتني اميل جداً لماوراء الطبيعه ^^ الله يعطيك العاافيه خيووو توووني ^^ سلاامووو |
موضوع جميل كعادتك يا تونى ....... بص يا سيدى سيبنى بس أرجع 20 أو 30سنة ورا كده !!! .... ههههههههههه مش أوى كده يعنى ... الواحد مش عجوز أوى كده ....هم 6 سنين بس ... بص يا سيدى .... أنا بدايتى كانت مع سلسلة ( ماوراء الطبيعة ) مع عددين أولهما (لعنة الفرعون ) وثانيهما ( أسطورة الشاحبين ) اللى فعلا أرعبتنى بصورة منقطعة النظير ... وكنت سمعت عنها من واحد صاحبى ... وجربتها بعد كده لما رحت معرض الكتاب الدولى بالقاهرة ... وفى نفس السنة عرفت (ملف المستقبل ) وجذبتنى فى الأول فكرة إنها سلسلة خيال علمى حسب ما قيل لى ... وكان أول عدد قرأته منها (العدو الخارق ) وعجبتنى وقررت أكمل السلسلة ... أما(رجل المستحيل ) الرائعة فعرفتها بعد ذلك وكنت فى البداية لم أكن أرغب فى قرائتها لأننى سمعت أنها قصص مخابرات وكنت قد قرأت قصصا قبل ذلك عن جيمس بوند ولم تعجبنى ... ولكنى بعد ذلك عشقتها فعلا بسبب أسلوب د/نبيل المميز جدا .... أول رواية قرأتها لرجل المستحيل فى الحقيقة جزئين (عقارب الساعة ) و (الإعصار الأحمر ) وأعجبت بهما بشدة .... و بعد ذلك توالت السلاسل ... ولكن حتى الآن أفضل السلاسل لدى ... *ما وراء الطبيعة - رجل المستحيل .. فى المركز الأول مناصفة دون منازع ... *فانتازيا *ملف المستقبل لك منى شكرى وتحياتى على الموضوع الجميل ده ... سلاااام |
اسطورة مصاص الدماء والرجل الذئب
اول عدد من ماوراء الطبيعة |
موضوع مميز بالفعل ..
بالنسبة لي فإنني كنت اقرأ العديد من الروايات لكن بعيداً جدا عن دائرة روايات مصرية للجيب مثل الشياطين ال 13 والمغامرون الخمسة ونحوها :) وقبل حوالي 11 سنة تقريبا كنت في الصف الأول المتوسط ( اعدادي ) وعرفت أحد الأصدقاء المهووسين بقراءة القصص وقال لي لماذا لاتقرأ رجل المستحيل؟ احسست ان الاسم سمج قليلاً صدقوا أو لا تصدقو فقلت له لاتبدو مشوقة فضحك وقال لاتحكم الا ان تقرأ وكان يحمل بيده العدد رقم 109 على ما اعتقد ( اغتيال ) .. قام بسرد ملخص القصة فأعجبتي الفكرة لأبعد الحدود وطلبتها منه فقال لي اقرأ السلسة من بدايتها افضل .. وثاني يوم أحضر لي أول 8 أعداد من سلسلة رجل المستحيل وقال انه اشتراها لي فأخذتها معي للبيت وقرأتها من عددها الأول وبالترتيب .. طبعا لا داعي لأن أقول اني انبهرت بها بشكل غير طبيعي وبدأت أطلب المزيد .. وهكذا حتى امتلكت تقريبا معظم الأعداد في فترة لا تزيد عن 3 أو 4 أشهر .. بعدها .. كنت ابحث عن الاعداد الناقصة في السلسلة فلم اجد سوى العدد ( ابن الشيطان ) وبقية أجزاءه من سلسلة ملف المستقبل فاخذتها مضطرا وللعجب انبهرت بهذه السلسلة ايضاً و ... 4 شهور أخرى واكتملت ملف المستقبل .. :) بعد ذلك بسنة عرفني أحد الأصدقاء المصريين بسلسلة ماوراء الطبيعة وفانتازيا وأول الأعداد التي قرأتها لهما كانت ( اسطورة النداهة ، اسطورة آكل البشر ) و ( صفر صفر سبعة ) .. في رأيي فإن ماوراء الطبيعة احتلت الصدارة رغم عشقي الخاص برجل المستحيل وملف المستقبل .. اسف على التطويل وتحياتي على الموضوع الجميل .. اخوكم / لهيب الثلج |
موضوع حلو برجع ذكرياتنا أنا لما رحت على المكتبه أول عدد شفته لملف المستقبل كرة النار والجزء الثاني ولرجل المستحيل الجاسوس وبعديها أصبحت مدمنه على السلاسل وصار عندي من العدد 1 الى آخر الاعداد جمعتها بمكتب للسلسلتين ملف المستقبل ورجل المستحيل
|
مشكورة على الموضوع ... انا كنت ما أحب اقراء الروايات العربية ولا استسيغ اسلوبهم
بالكتابة يحبون التفصيل بالسرد ... كنت مدمنة روايات أغاثا كريستي وبعد ما قريت كل اعدادها بديت احس بفراغ هائل ... بعدها عطتني بنت خالتي روايات ماوراء الطبيعة وصراحة رفضت اقراها بالبداية بحجة كرهي لاسلوب الرواية العربية بس أصرت علي و قريتها من باب المجاملة .... أسطورة العلامات الدامية هي اول رواية قريتها وأعجبتني بقوة وصرت أقرا روايات ماوراء الطبيعة بالهبل بعدها قريت فانتازيا وسفاري ... و اسلوب المؤلف مرة يعجبني.. |
أنا من الإمارات وكانت لي صديقة مصرية وقد أهدتني العدد الأول والثاني من سلسلة رجل المستحيل وكان ذلك في بداية صدورها عام 1986م ومن يومها وأنا مواظبة على قراءتها كبرت معها وكبرت معي وأنا اليوم حزينةعلى توقفها
|
اما انا يا جماعة ف أول رواية قريتها كانت فارس الزمن من ملف المستقبل والصراحة اللي شدني ليها كان العنوان لأني وبصراحة بموت على كل حاجة ليها علاقة بالزمن والسفر عبر الزمن ومن يوميها وانا بتابع روايات ملف المستقبل ورجل المستحيل اما روايات ماوراء الطبيعة فكان الفضل ليكم بصراحة لأنكم اسمعت بيها هنا في المنتدى ولما جربتها عجبتني اوي وقريت كل اعدادها
|
بجد انتم المميزين و الرائعين و ذكرياتكم جميله جداا و كل رد بيتميز بشئ ميرسى ليكم جداا على الرد و بجد نورتوا الموضوع بمروركم المميز |
أنا أول عدد قرأته كان الحلقة الجهنمية ( عدد خاص من سلسلة رجل المستحيل ) وده كان عند
خالي وكنت قاعدة في ملل فبنت خالي جابتلي قصة من قصص أخوها وقاليتلي علشان أتسلى فيها ويومها طلعت البلكونة ومكلمتش حد وخلصتها كلها ومن يمها وأنا متابة للسلسة كلها وامتديت للسلاسل الأخرى زي ملف المستقبل وكوكتيل 2000 وما وراء الطبيعة ^^ |
بسم الله الرحمن الرحيم فكرة الموضوع جميلة جدا أنا أول عدد قريته كان العدد الخاص بلا حدود من حوالي تلات أربع سنين لما كنا بنروق في البيت ولقيتها مرمية في ركن بعيد وقعدت أقرأ فيها اسبوع كامل ومن يومها أصابتني حالة هوس بيهم وبحافظ على قرائتها هي ورجل المستحيل وفارس الأندلس وبعض السلاسل الأخرى شكرا على الموضوع الجميل |
وبالنسبة لرجل المستحيل فدي حكاية تانية خالص أولا أنا مش كنت بس مبتقبلهاش أنا كنت بأكرها كان أخويا هو الي بيقرأفيها وأنا كنت بأستهزأ بيه بس هي كانت بتفرض نفسها عليه مرة كنت زهقانة وخلصت قصص ملف المستقبل الي عندي ومكنش في في البيت غير العدد الخاص"المعركة الكبرى" من رجل المستحيل وقريتها على مضض وواصلت قراءة ملف المستقبل وتجاهلت رجل المستحيل تماما لحد ما مرة بعت أخويا يشتريلي قصص ملف المستقبل جديدة بس هو مفهمش وجابلي بالغلط قصة "المواجه"156 من رجل المستحيل ويا لها من قصة بعدها حبيت أدهم أوي أوي وأصبح عندي يتساوى بنور ومن يومها وأنا بواظب على قرائته ومهووسة بيه آسفة على الاطالة |
أول عدد كان الاختفاء الغامض - رجل المستحيل
|
ميرسى ليكم جداا على مشاركتكم معنا بذكرياتكم الجميله
نورتم |
شكرا على الموضوع الشيق
انا اول عدد قرأته كان رقم واحد فى رجل المستحيل لان اخواتى الكبار كانوا بيعشقوا السلسلة وكبروا عليها فكانوا بيجمعوا كل الاعداد تقريبا ومنساش اول عدد وادهم بيسخر من منى على انها بنت وبيديها مهمات تافهة عشان تسيبه يشتغل..هههههههههههههههههههه وماوراء الطبيعة انا مش فاكرة اول عدد منها هيا او ملف المستقبل.....لانى بدات بادهم صبرى... |
اول قصة قراتها كانت رجل المستحيل المؤامرة الخفية كنت لسة فى 6 ابتدائى و زهقان و اخواتى كانو بيقراو رجل المستحيل ختها و قراتها
|
السلام عليكم
برغم إنى عاشقة كبيرة لرجل المستحيل إلا ان بدايتى كانت ملف المستقبل رواية كوكب الطغاة ... كنت فى خامسة ابتدائى وكانت صديقتى تعشق روايات ملف المستقبل وبدأت رجل المستحيل بعد فترة مع عدد امبراطورية السم ثم تحولت لرجل المستحيل تماما ومع ما وراء الطبيعة كانت البداية غير مبشرة مع عدد اسطورة مملة ثم اسمه ادهم فضاعت عندى قابلية انى اقرأ للدكتور احمد خالد توفيق أى رواية ... لكن الحمد لله مع تشجيعكم فى القسم بحاول فى السلسلة شكرا على الموضوع الرائع |
انا باه اول عدد قراته كان اسطرة الرجل الذئب ومصاص الدماء في سلسله ما وراء الطبيعه صراحه انا
بعشقهااااااااااااااااااااااااااااااااااااااااااااااااااااااا اااا يسلموووووووووووووووووووووووووووووووووووووووووووووووووووووووو ووووووو |
| الساعة الآن 06:28 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية