|
الى كل مصري وعربي:كل عام واحنا بنصر وعزة وكرامة
الى كل المصريين:
مر 35سنة على نصر اكتوبر ذلك اليوم الذي تضافرت فيه كل الجهود كل القوى من اجل الحق وعودة الارض وعادت وتحقق النصر واتفق الاخوة وتعاونوا فجاء نصر اكتوبر كل عام ومصر بخير كل عام وكل العرب بخير رحم الله شهداءنا ودحر اليهود ومزقهم شر ممزق تحية الى الابطال الذين استشهدوا والذين بقوا منهم على قيد الحياة ودعاء ان يتكرر اجتماعنا على هدف واحد ان يتكرر اجتماع العرب على قلب رجل واحد ان يتكرر دحرنا لهم اللهم اقذف في قلوبهم رعبا ودمر بيوتهم بأيديهم وايدي المؤمنين اللهم امين وكل عام وانتم بخير وبهذه المناسبة: جزء من : على اسم مصر: صلاح جاهين مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج وعجيج حوافر خيول بتجر زغروطة حزمة نغم صعب داخلة مسامعي مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج وجميع خيوط النسيج على نبرة مربوطة اسمعها مهموسة والا اسمعها مشخوطه شبكة رادار قلبي جوه ضلوعي مضبوطة على اسم مصر وترن من تاني نفس النبرة في وداني ومؤشر الفرحة يتحرك في وجداني وأغاني واحشاني باتذكرها ما لهاش عد فيه شيء حصل أو بيحصل أوح يحصل جد أو ربما الأمر حالة وجد واخداني انا اللي ياما الهوى جابني ووداني وكلام على لساني جاني لابد اقوله لحد القمح ليه إسمه قمح اليوم وأمس وغد ومصر يحرم عليها .. والجدال يشتد على اسم مصر ولما زماني رماني عليل نسيت كل شيء عن حبيبي الجميل لكن هو أبداً انا مانساهوش نسيت مشيته وصوته كان شكله إيه ورسمة شفايفه ولمسة إيديه نسيت نظراته نسيت لون عينيه وقوس الحواجب وسهم الرموش لكن هو أبداً انا ما انساهوش نسيت إسمه وحكايته وعرفته فين وعشنا سوى العمر والا يومين وكان م البشر والا طير بجناحين نسيت حتى كان له وجود أو مالوش لكين هو أبداً أنا ما انساهوش قطعوا الأغاني وطارت نشرة الأخبار دارت على كل دار في الكوكب الدوار يا حاضرين اعلموا الغايبين بأنه في مصر اتغير الاسم منذ الآن فأصبح .. مصر ضحك التاريخ ضحكته المشهور بها واندار ودخل مناقشة مع الجغرافيا عما صار هل نعترف بالبيان اللي أذيع العصر أم ننتظر مصر تطرد اسرائيل بالقسر وساعتها تحصل بكل جدارة يوم النصر على اسم مصر على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر مصر السما الفزدقي وعصافير معدية والقلة مملية ع الشباك .. مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال على اسم مصر وايضا: عدى النهار: للابنودي: عدّى النهار .. و المغربية جايّة تتخفّى ورا ضهر الشجر و عشان نتوه في السكة شالِت من ليالينا القمر و بلدنا ع الترعة بتغسل شعرها جانا نهار مقدرش يدفع مهرها يا هل ترى الليل الحزين أبو النجوم الدبلانين أبو الغناوي المجروحين يقدر ينسّيها الصباح أبو شمس بترش الحنين؟ أبداً .. بلدنا ليل نهار بتحب موّال النهار لما يعدّي في الدروب و يغنّي قدّام كل دار و الليل يلف ورا السواقي زي ما يلف الزمان .. و على النغم تحلم بلدنا بالسنابل و الكيزان تحلم ببكرة .. و اللي حيجيبه معاه تنده عليه في الضلمة و بتسمع نداه تصحى له من قبل الأدان تروح تقابله في الغيطان في المصانع .. و المعامل .. و المدارس .. و الساحات طالعة له صحبة .. جنود طالعة له رجال .. أطفال .. بنات كل الدروب واخدة بلدنا للنهار و احنا بلدنا ليل نهار بتحب موال النهار لما يعدي في الدروب و يغني قدّام كل دار |
اهلين كل عام ومصر والامة العربية بألف خير:friends: اللهم ارحم شهدائنا واسكنهم الجنة يارب واغفر لمن بقي منهم على قي الحياة واجمعهم بهم في الجنه يارحمن يارحيم:f63: الف شكر اسراء:flowers2: سلامي |
مــــــــــــــــــــــــــــــــــصــــــــــــــــــــــــ ـــــــــــــــر يا حبيبتى يا مصر كم اعشق هواكى وترابك نيلك وبحرك نسماتك وشعبك كم ادوب فى حبك يا حبيبتى يا مصر http://www.al3ez.net/upload/d/sahm2007_main1-copy.jpg كل سنة ومصر كلها من شرقها لغربها ومن شمالها لجنوبها بخيييييييييييييييييير كل سنة و المصريييين والعرب بسلام وآمان اللهم ادخل فرحة النصر على قلوب اخواننا بالعراق وفلسطين ولبنان كما ادخلتها على قلوبنا بــــــــــــــــحبـــــــــــــــــــــــــك يااااااااااااااااااااااا مـــــــــــــــــــــــصـــــــــــــــــــــــــــر http://www.news.gov.kw/files/images/.../علم%20مصر.jpg |
|
كل سنة ومصر بألف خير كل سنة وأمجادنا العربية بخير كل سنة وتراب بلادنا بخير كل سنة وأهل بلادنا وحبايبنا بخير كل سنة وإحنا أمًة وحدة |
| الساعة الآن 07:31 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية