منتديات ليلاس - " تحت جنح الظلام "

الجزء الاول
(الفصل الثالث)
صدت عنها" لا..منتي امي.. امي ماتت من زمان.. حتى لو كانت عايشه .. فهي في قلبي ماتت .. ومن يوم ما ماتت مات قلبي معها "
لولوه والصدمه مرسومه على وجهها " لا..لا يا ريوف انا امك صدقيني"
التفتت عليها وصرخت في وجهها " لا تقولين امك .. ولو رضيتي تكونين لي ام بعد 15 سنه انا ماراح ارضى .. لأنه خلاص فات الاوان"
خنقتها العبره.. ماتصورت ابدا ان بنتها تستقبلها هالاستقبال... جلست تتأملها وهي متجهه للدرج .. شافت فيها هيفاء من جديد .. بظلمها وغرورها وتكبرها.. هيفاء هي السبب.. التفتت عليها وعيونها غرقانها دموع... قمة البرود والتبلد.. متمدده على اريكه بالصاله وتتصفح المجلات ولا كأن صار قدامها شي .. مالها الا حسبي الله ونعم الوكيل .. دعوة كل مظلوم على كل ظالم .. دعوه مستجابه بأذن الله...

\\\\\\\\\\\\\\\\\\\\\\\\\\\

مضاوي وعيالها ابراهيم واميره في غرفة الطعام في فلتهم الفخمه.. جالسين يتغدون والصمت عنوانهم كالعاده.. لكن مضاوي اضطرت تكسر هالصمت لما شافت حال بنتها .. سرحانه بعالم ثاني .. وقاعده تتعبث بالصحن والملعقه بدون ما تاكل" اميره.. اميره(انتبهت لها) وشفيك ما تاكلين"
اميره ما عرفت وش تقول" ها.. الحين .. الحين باكل"
مضاوي بنبرة شك" انتي تعبانه"
اميره زاد ارتباكها" لا..لايمه.. ماني تعبانه ولاشي"
ابراهيم عصب من ارتباكها" انتي وشفيك اليوم صاحيه والا مجنونه"
انفجرت عليهم" انتم اللي وشفيكم علي .. تراني ماني ناقصه"
تركت غداها وطلعت غرفتها وخلتهم محتارين من تصرفاتها
ابراهيم" بنتك هذي فعلا ماهي صاحيه"
مضاوي" خلك من اميره وقلي... مريت على ابوك اليوم"
ابراهيم بدون نفس" لا.. بمر عليه العصر"
مضاوي ما عجبتها طريقة كلامه" اذا كلمتك تكلمني بأدب..فاهم والالا"
ابراهيم" بنتك هذي عكرت مزاجي"
مضاوي بنبره عاليه" لا تحط اللوم على اميره.. انت نفسك خايسه من اول ماجيت"
ابراهيم دف الصحن اللي قدامه وقام
مضاوي" على وين"
ابراهيم" الحمد لله ... شبعت وبروح انام"
دف الكرسي وطلع غرفته.. مابقى الا هي.. بالنسبه لها احسن عشان تتغدى على راحتها بدون محد يعكر عليها..

\\\\\\\\\\\\\\\\\\\\\\\\\\\

دخلت غرفتها وارتمت على السرير وبكت.. ماتدري وش سر هالدموع.. من يوم مارجعت من الجامعه وهي تحس بالعبره خانقتها.. ودها تتكلم مع احد.. ودها تفضفض له.. من بعد ما طلبوا البنتين اللي بالجامعه انهم يتعرفون عليها وهي حاسه بشعور غريب .. شي جديد اقتحم حياتها.. عالم الصداقه.. كلمه محذوفه من قاموسها واحساس ما جربته من قبل .. اهلها ناس منعزلين .. كل علاقاتهم محدوده بأطار العمل والمصالح الشخصيه.. كان ابوها دايم يحذرها من الناس ويقول مالهم امان .. والحين له شهر بالمستشفى ومحد فكر يطل عليه .. لأنه ببساطه كان يتجنب الناس .. فصاروا يتجنبونه.. الله يسامحك يبه .. عيشتني بدوامه مالها نهايه...

\\\\\\\\\\\\\\\\\\\\\\

دخلت شهلا غرفة جود ولقتها تكلم بالتلفون وجالسه على طرف السرير .. سكرت الباب وجلست جنبها..
جود" خلاص بكلم المديره واشوف وش تقول.. بس مااظن انها تعطيك اجازه..لأن اجازاتك كثرت ياعاليه...خلاص خلاص انا بحاول معها..مع السلامه''
شهلا" هذي عاليه ام سالم؟"
جود" ايه.. تبي اجازه .. تصدقين انها حامل بالشهر الرابع وتوها تدري"
شهلا" معقوله؟... شلون ما عرفت"
جود" عاليه ما عندها وقت لنفسها .. طول عمرها تشيل هم غيرها وتنسى نفسها.. حياتها موزعه بين دوامها المتعب.. وزوجها التعبان .. وعياله الصغار.. وبيتها اللي ما تسكن فيه حتى الحيوانات"
شهلا تتنهد" محد خالي في هالدنيا من الهموم.. بس وش نسوي مالنا غير الصبر"

\\\\\\\\\\\\\\\\\\\\\\

قيصل بغرفته متمدد على السرير و قدامه شاشة اللاب توب كالعاده .. واخته ريوف قاعد على كرسي هزاز بجهه ثانيه من الغرفه..
ريوف " تخيل.. امنا تظهر بعد15 سنه...لا وتبيني استقبلها بالاحضان بعد..هه.. تتوقع وين كانت كل هالسنين ؟"
فيصل مازال قدام الشاشه" مادري يمكن تكون مسافره او... اقولك لا تشغلين بالك بشي ماله داعي"
ريوف" اكيد وراها سالفه كبيره.. وانا لازم اعرفها"
فيصل"ياحبك لنبش الماضي..انا عن نفسي الموضوع ماهمني"
ريوف" مو نبش ماضي على قولتك.. ممكن تسميه حب استطلاع"
فيصل" هذي يسمونها لقافه"
ريوف باصرار" حب استطلاع لقافه انا مايهمني... المهم اني اعرف السالفه وبس"
سكر فيصل اللاب توب والتفت عليها"قفلي على موضوع امك وقوليلي.. لقيتي الفريسه رقم7 "
ريوف بانزعاج" والله انك فاضي"
قامت من مكانها واتجهت للباب لكنه استوقفها بكلامه" ريوف.. الاسد اذا ما لقى فريسه ياكلها ممكن ياكل اقرب الناس له"
مثل كل مره تحاول تتكتم على الموضوع لكنه باسلوبه يقدر يجبرها على الكلام" تقريبا.. بس عطني مهله شوي"
فيصل" اول شي ابغاه منك صورتها"
ريوف" ادري مايحتاج تعلمني"
حركت مقبض الباب عشان بتطلع لكنه استوقفها مره ثانيه" وين رايحه"
ريوف" بروح حفلة الdj اللي مسويتها بغرفتي.. يعني وين بروح .. اكيد بروح انام"
فيصل" بس لا تنسين"
ريوف باهتمام" ايش"
فيصل" سكري الباب وراك"
طبعا هنا هو انفجر ضحك .. وهي انفجرت قهر منه.. رمت خداديه قريبه منها عليه وراحت غرفتها .. دايما يسوي فيها هالحركه بس ماتابت .. فيصل هو اخوها الكبير وقدوتها بالحياه .. وتصدقه في كل شي يقوله..

\\\\\\\\\\\\\\\\\\\\\\\\\\\\

الساعه وحده بالليل .. جود تصلي صلاة الوتر قبل ما تنام زي ماتعودت... بهالوقت دخل زوجها طراد ببدلته العسكريه .. رمى نفسه على السرير والارهاق باين على وجهه.. خلصت جود من الصلاة والتفتت على زوجها.. اللي يوم شافها خلصت عدل جلسته" مساء الخير"
جود" مساء النور.. احطلك العشا"
طراد " لا..تعشيت برا"
جود" زين.. طراد ودي اكلمك بموضوع"
طراد باهتمام" خير"
ارتسمت على وجهها علامات التردد.. فكت جلال الصلاة وطوته مع السجاده وجلست جنب زوجها" سمعت عن دكتور في"
قاطعها بعصبيه" ارجوك قفلي ع الموضوع"
جود بترجي" ارجوك انت اسمعني"
طراد" وش اسمع"
جود" ليش ما نحاول .. مابنخسر شي"
طراد" وش الفايده من المحاوله اذا كانت النتيجه وحده"
جود خنقتها العبره" انت تدري كم لنا متزوجين.. سبع سنين.. يعني سبع سنين وامك تعايرني وتلومني وتذلني( نزلت راسها وبكت)انا تعبت ياطراد.. تعبت"
طراديحاول يكون هادي"يعني وش تبيني اسويلك"
جود تكمل كلامها" تصدق انها كل يوم وقدام عيوني.. تتصل على الخطابات عشان يدورون لك على عروس"
طراد بيطمنها" ومن قالك اني بتزوج"
جود" بس انت ماتقدر توقف بوجه امك ولا تقدر تقولهالا"
طراد حس بهالكلام اهانه لامه" لا تنسين ان امي هي اللي ربتك"
جود بحسره والم" امك اخذتني من حضن امي وحرمتني منها"
اخذ ملابسه ودخل الحمام.. اكيد بيتهرب .. مثل كل مره يفتحون فيها موضوع للنقاش .. جود تدري قبل الزواج بحكم عيشتها في بيت عمها..ان طراد تربية امه .. وانه شخصيه مهزوزه بسبب اسلوب الامر والنهي اللي تستخدمه امه معه..كثير ما تصير بينهم مشاكل بسبب امه .. بس هي مضطره تتحمل هالعيشه.. مالها احد بعد الله الا هم .. ابوها توفى وهي عمرها سنتين.. بعدها تزوجت امها واخذها عمه وتكفل فيها.. هذا الكلام كانت تسمعه من يوم هي صغيره من عمها ومرته.. وهالكلام كان كافي عشان يحسسها بالذل..بس مستحيل تبين هالشي .. مستحيل تبين لاحد ضعفها وقلة حيلتها.. بالذات مرت عمها ..لأن هذا اللي تبيه..