عمرك جربت هالشعور..!!؟؟
 

السلام عليكم هذول خاطرتين جمعتهم بموضوع واحد



الخاطرة الأولى

عمرك حسيت بالغربة ..وإنته في بلادك وبين أهلك وناسك ..
عمرك حسيت بالغربة مع إن كل شي حولك يقول لك إن هذا هو الوطن اللي عمرك ما عرفت غيره ..
عمرك حسيت بالرغبة في البكاء بدون سبب ..
وجلست تبكي ..وتبكي ..
كأنك تبكي أيام عمرك .. يوم يوم ..
تبكي أشياء مالك ذنب فيها ..
عمرك حسيت بهالغربة ..غربة الروح ..
عمرك حسيت بإنك مجرد جثة ..جسم بلا روح ..
تحس إنك ما تسمع غير صوت بكائك
وما تحس إلا بصوت أنفاسك ..
والألم اللي في داخلك يقطعك ..
وكأن الحزن والهم خاووك ..وخوتهم كلها وفا ..
خلتهم يحلفون بإنهم ما يتركونك لحظة ..
عمرك حسيت بإن الهم إنولد في حياتك في يوم ولادتك ..
عمرك حسيت بشوية راحة ..
وفي نفس الوقت ..
ياك شخص ..
أو صار موقف ..
أو خبر ..
خلاك تنسى كيف الناس تفرح ..
تحس كأن في احد يا..وحد اصبعه في جرحك الي بعده مابرى.
عمرك حسيت إن كلمة وحيد .. هي الكلمة الوحيدة اللي توصف إحساسك ووضعك في هالوقت ..
عمرك حسيت بإن الدنيا ضياع وألم وهم ..
عمرك حسيت بهالإحساس؟؟
تلجأ لشخص يحاول كثر ما يقدر بإنه يخفف عنك .. ويمكن الموضوع ياخذ معاه ساعات عشان يخفف شوي من الحمل اللي تشيله ..
وإيي شخص ثاني وبكل برود في دقيقة ..
يزيد همك هم ..
ويزيد حزنك .. حزن ..
عمرك إبتسمت وحسيت بإن هالإبتسامة من ورا خاطرك وإن مالها طعم أو معنى؟؟ ..
عمرك حسيت باليتم وأهلك قاعدين معاك ..يمك ..
وغربة الروح اللي إنته فيها بتذبحك ..
بتقتلك ..
وتحسسك بإنك ميت ..
وإن مافي شي يربطك في الدنيا اللي حولك غير الهوا اللي تتنفسه ..
والأكل اللي تاكله .. هذا إن كلته .. والماي اللي تشربه ..
وإلا الحياة كلها بالنسبة لك موت .. ضياع .. ألم وآه .. مالهم لا بداية ولا نهاية ..
وتحس فجأة بإن الإيد اللي كنت ضامنها بين إيديك إنسحبت منها ..
حد سحبها ..
أو إنسحبت لروحها ..
عمرك حسيت بإن الموت هو أحسن حل لك ..وإنه هو الشي الوحيد اللي بيريحك ..
عمرك حسيت بإنك ميت ..
ميت بس يتنفس .. ويمشى ..
وياكل .. ويشرب ..
ويجامل .. ويبتسم عشان ما يجرح شعور احد..
وإنته شعورك حتى الهوى يجرحه ..
بإنك وحيد ..غريب ..ميت ..









الخاطرة الثانية

في بعض الأحيان ..
في جملة الأشياء اللي تمر بالإنسان ..
وهو في قمة حزنه .. أو فرحه أو نجاحه ..
وهو في قمة ضحكه .. أو في عز حزنه وذرف دموعه ..
يحس بإنه محتاج لأحد ..
ويدق بيبان اللي حواليه باب باب .. بس للأسف ما يحصل أي حد منهم ..
عمرك جربت هالشعور؟؟
إن الكل يحسدك على عدد ربعك .. وعدد الناس اللي حولك واللي يتمنون رضاك وقربك ..
ويوم تحتاج لأي حد .. لمجرد ظل ..
مجرد صدر يسمع ..
وإيد تطبطب ..
دورت عن الناس اللي حولك ..
وما لقيت حد ..
هم ما يقصدون بإنهم ما يتواجدون يمك ..
ولكن تصير من الله ..
تتصل في فلان .. ما يرد عليك ..
والثاني يرد عليك ويقول بإنه مشغول وبيدق لك عقب دقايق ..واطوف الدقايق ولا يتصل
ينشغل ..
ينشغل عنك بشي أهم .. أو حتى شي أتفه ..
بس المهم إنه ينشغل عنك ..
والثالث ..
يخطر على بالك ..
بس تعرف مقدماً إنه ما بيرد ..
والرابع تيلفونه مغلق ..
و ..
ما تحصل احد..
وتتم بروحك..
في وسط همك وحزنك وألمك ..
عمرك جربت هالشعور؟؟

كلمات جميله :flowers2:
كانك تكتبين عني
كثيرا ما عرفت هذه المشاعر
وصاحبتني :friends:
هذه ليست خاطرتان فالثانيه متممه احداث الاولي وهي الفصل الثاني من مسرحيت احاسيس وشعور نفسنا الطيبه الحساسه

الله رزق الانسان النسيان وما اروعه النسيان

أتعلمين انسى هذا الشعور بمجرد بسمه انسان فأدرك ان لهذه الحياة ما زال فيها هناك اشخاص
يستحقون ان تنسى حزنك والمك لاجلهم

دمتي عزيزتي :55: وسلمت يداك :)

هلا فيج اختي سراب اكيد اتقبل مروري واتشرف انج اول وحده ردت علي
يمكن كلامج فيه شئ من الصحه وينطبق علي بس جملتج الي قلتي فيها الي ينشغل عنج بكره يفضى انا ما اذل نفسي واطر منه عشان انطره ليما يفضى لان الضيقه ملها وقت وماتنطر اذا انا مهمه عند هالشخص بيفضي نفسه لي واهني يبين معدنه معاي
واكيد بنتبه من هالابواب وياكثرها اذا مو كل الابواب بحياتي كانت جذي
تسلمين اختي على مرورج

هلا فيج حبيبتي اسرني مرورك
انتي اجمل حبيبتي والحمدلله ان اقدر اوصل مشاعر غيري بس بنفس الوقت متضايقه ان في احد مثلي متعذب
ادري عزيزتي انهم مو خاطرتين وانهم يكملون بعض بس القصد كان ان انكتبوا بحزات مختلفه وظروف مختلفه
والحمدلله ان لج القدره على النسيان
الله يسلمج