جمالك نعمة ام نقمة؟؟؟
 

جمالك نعمة ام نقمة........

قد يدهش الكثير من كلامي ولكن هذا صحيح فالجمال ليس بالشئ الايجابي دائما ..... وله جوانب سلبية قد لا يدركها كثير... وكثير ماسمعنا الجمال جمال الروح وليس الشكل والانسان لم يخلق نفسه وهكذا ولكن من يطبق؟؟؟منتدى ليلاس الثقافي
اليوم سأسلط الضوء على يوم من حياة فتاة جميلة وماقد تتعرض له من مضايقات في كل مكان وماقد يسبب لها جمالها من حرج بعض الاحيان...
قمر فتاة جميلة تبلغ ال22 من العمر منذ نشأت والناس تمدح جمالها واخر يحسدها عليه ...كثيرا ماسمعت ((ياريت عدنا مثل عيونج)) و((شنو هاي الرشاقة كأنج ماليكان)) و.....الخ..
ولكن ما لايعلمه الكثير فقد سئمت هذه التعليقات لماذا يمدحون شكلها الخارجي فقط ؟؟؟لماذا لايمدحون شيئا اخر ...طيبتها او عملها او اجتهادها هل هي فعلا تفتقر الى هذه الاشياء ام الناس اصبحت بهذه الدرجة من السطحية ؟؟؟؟؟
ولكي تدركوا كلامي جيدا عليكم ان تروا يوما من حياة قمر...

تدخل الكلية صباحا في يوم ربيعي جميل وكلها نشاط ولكي يكتمل نشاطها ويومها المشرق عليها بكوب من الشاي ....
قمر:: لو سمحت كوب شاي واحد...
عامل الكفتيريا:: تتدللين..
قمر:: واذا ممكن ملعقة سكر ثانية..
العامل:: شلون يصير حلو ويشرب حلو؟؟
قمر:: نعم؟؟
العامل:: لا ولاشي .... تفضلي ...بس لحظة خليت الكوب داخل كوب ثاني حتى لاتحترق ايدج الحلوة.....
قمر ::الزم حدودك شنو شايفني؟؟؟؟
يقاطعها صوت احدى زميلاتها....
منى:: قمر وين رحتي بدت المحاضرة ...
العمل :: اسم على مسمى والله.......
ونظرة غضب واحدة من قمر كافية لاسكاته...... وتترك كوب الشاي وتغادر مع زميلتها في طريقهم الى المستشفى......
((نسيت ان اخبركم فقمر تدرس الطب البشري وهي مستوى خامس ...كذلك فأن اغلب دوامهم في المستشفى))

منى:: ماتسوى والله كل هالعصبية وهالزعل علمود واحد؟؟
قمر ::شنو يعني ؟؟اني ملطشة للرايح والجاي؟؟؟
****
.......:: ياربي ...شنو هذا؟؟؟شفت القمر اللي ديمشي قدامنا؟؟

استشاطت قمر غضبا وهي تسمع هذا التعليق من شخص كان يسير خلفهم.... ثم تابعت مسيرها فهي لاتريد ان تفسد نهارها الجميل في حوار عقيم مع شخص ((مايع ))على حد تعبيرها...
دخلوا المحاضرة متأخرين بعض الشئ... وكان الدكتور يشرح حالة من حالات الcushing syndrome ((متلازمة مرضية تظهر عند بعض الحالات منها تناول جرعة زائدة من الكورتيزون)) ثم تابع شرحه وهو يقول::هذي الحالة يصير بيها الوجه حلو مدور ومورد بس طبعا مو صحي يعني يشبه وجه زميلتكم ...
اكمل وهو يشير الى قمر التي كادت ان تموت خجلا وحرجا تحت انظار وتعليقات زملائها وزميلاتها...
وقبل نهاية المحاضرة...
الدكتور ::عدكم سؤال؟؟
قمر:: دكتور بس انا مادأشوف الjaundice((ابو صفار))؟؟
الدكتور:: كل هالعيون الوسيعة ومادتشوفين لعد الباقي شيكولون؟؟
لم تحتمل قمر تعليقا آخر وامام ضحكات زملائها المكبوتة وخرجت بسرعة من تلك الردهة لتستمع الى احد زملائها يقول للاخر...
......:: شفت الدكتور معجب بقمر ...
*******
بعد ساعتين كانت قمر تسير مع زميلتها منى في احد اروقة المستشفى...
قمر:: منى مو معقولة ليش التعليقات هيجي والله انا محترمة نفسي ومحتشمة بلبسي يعني يتركون المتبرجات ويعاكسون المحجبة... مااعرف بس هذا الشي يخليني استصغر نفسي...
منى:: لاتاخذين الامور بهاذي الحساسية....
قمر :: شلون يعني انت ماتشوفين باي نظرات يشوفوني ولا كله ولا ذاك اليوم برمضان تصوري واحد يعاكسني يرجع الثاني يقول والله شوفوا شلون صايرين البنات وهذا واحنا برمضان ...يعني انا شنو ذنبي شسوي؟؟؟
منى :: الله يحاسبنا ويحاسبهم ويعرف انتي مادتسوين شي غلط بس انتي تجذبين الشباب سبحان الله شنسوي يعني؟؟؟ وهسة لازم ندخل ناخذ ال history ((معلومات عن تاريخ واعراض المرض يؤخذ من كل مريض)) من المرضى انتي خذي مريض وانا مريض ؟؟
قمر :: زين...
بعدها اتجهت قمر لاحد اسرة المرضى...
قمر ::السلام عليكم...شلونك اخي ممكن تنطيني من وقتك كم دقيقة..
المريض :: تفضلي احنا بخدمة الحلوين...
تغاظت قمر عن الجملة الاخيرة واكملت :: طيب يا((اخ)) من شنو تشكي؟؟؟
المريض ::والله قلبي قلبي راح اموت....
قمر بقلق :: ليش؟؟اجيب الدكتور؟؟
المريض :: لا ميحتاج بس هو قلبي هيجي يصير من يشوف هيجي عيون ذباحة....
تفجرت قمر غضبا:: انت شنو ماتستحي ماعندك خوات هذا انت مريض وتغازل لعد لو صاحي...
المريض :: والله مو بيدي...
رمت ملفه وخرجت مسرعة لتصطدم بأحد رجال امن المستشفى...
رجل الامن:: الحلو ليش زعلان؟؟
قمر :: والله حاميها حراميها...
وعادت الى الكلية وهي بركان ثائر ...
****
في البيت....
الاب:: شلون الدوام عدكم اليوم؟؟
قمر:: الحمدلله ماشي الحال...
الاب:: بنتي ابن عمج طلبج اليوم مني...
قمر:: بابا انا رديت اكثر من مرة انا لازم اخذ واحد من مستواي مو واحد مايعرف طريق الثقافة..
الاب:: بنتي مو بيدي والله هو مصر عليج وتعرفين عمج اخوية الكبير ومااكدر ارده...وانا اريد استر عليج
قمر:: شنو يعني؟؟
الاب:: وافقت...
قمر :: نعم ؟؟ ورأيي ماله داعي؟؟؟
الاب:: والله ابن عمج متهور وكلشي يسوي كل واحد يخطبج يبعثله رسالة تهديد اذا مابطلت راح تموت وانت بهذي الطريقة راح تعنسين وانا مااضمن اعيش لج....وانا خايف عليج يابنتي وانا ادرى بمصلحتج وانتي ماتعرفين شكو باجر؟؟؟
قمر:: وانت جاي تبلغني يعني؟؟
الاب:: اي وحضري نفسج ...عقد قرانكم اسبوع الجاي وخلص الموضوع...
****
عادت قمر الى غرفتها لتذرف بدل الدموع دما ايمكن ان يضيع مستقبلها مع شخص لايمكن ان يقدرها ولايهتم بالعلم او بدراستها أحكموا عليها بالاعدام؟؟؟ وهل تبخرت احلامها وذهبت ادراج الريح؟؟؟

والآن مارأيكم بحياة قمر ؟؟اما زال المظهر الشغل الشاغل لفتياتنا دون الالتفات للجوهر؟؟؟؟


ودمتم بخير
محبتكم
عراقية

انا معكي بان الجوهر مهم جدا ولكن في نفس الوقت لا يوجد ما يعيب ان يكون الشخص جميل
احييك علي قصتك

هلا والله صمت الجروج اشكرج عالمرور واحاول اقرأ قصتج بالمستقبل ودعوة مني لقراءة قصتي اميرة قلبي لان احتاج لدعم ونقد حتى استمر

بنت العراق

هلا محمد شكرااا على مرورك صحيح الجمال شي حلو بس انا قصدت الاهتمام الزائد بالمظهر من بعض الفتيات دون الجوهر ....