|
اخاف اتحسد
الموقف الاول الابن: ماما باركيلى الشركه الاماراتيه اللى عملت معاها انترفيو الشهر اللى فات بعتولى خلاص الام: الف مبروك يا حبيبى ربنا يوفقك فيها يارب بس بقولك ايه بقى اوعى تقول لحد لحسن حد يحسدك يا حبيبى واحنا ما صدقنا (وحرم نفسه من انه يودع صحابه والناس اللى بيحبهم علشان خايف يتحسد ) االموقف التانى الام بتكلم اختها الام : مش العريس الى كان اتقدم للبت من فتره كده سالنا عليهم وطلعوا ناس كويسين اوى وان شاء لله الخطوبه كمان اسبوعين اختها : الف مبروك ربنا يتمملها بخير ياااارب الام: يارب الله يخليكى بس مش هوصيكى بقى مش عايزه حد يعرف حاجه دلوقتى الا قبل الفرح بكام شهر كده علشان الحسد وحرمت البنت من فرحه اصحابها بيها الموقف التالت : البنت بتكلم صاحبتها البنت :مبروك يا حبيبتى والله فرحتلك اوى وجبتوا الشبكه ولا لسه صاحبتها: اه جبنا الشبكه بس مش هلبسها دلوقتى خالص واللى يسالك قوليلهم ان امكانياه على قده ومش هيعرف يجيبلى شبكه دلوقتى علشان الحسد (وطبعا كتير بيزعلوا منها وفى الاخر بيبعدوا عنها وبتبقى لوحدها) وامثله من دى كتير جدا وبتتكرر يوميا وانا عن نفسى حصلى موقف زى ده واتصدمت جامد ناس كتير اوى بتخاف من الحسد بطريقه هستيريه متخيله ان الناس كلها قاعده مستنيالها خبر حلو علشان يحسدوها وتلاقيهم كل حاجه بيعملوها فى الضلمه زى ما يكونوا بيعملوا حاجه غلط وبيخبوا على اقرب الناس ليهم وفى الاخر زى ما قلت بتبقى النتيجه ان اللى كانوا بيحبوهم بيبعدوا عنهم وبيخسروا اكتر بكتير من اللى كسبوه فكرت كتير علشان الاقى تفسير للوضع ده ملقتش غير تفسير واحد ان دول مرضى نفسيين بجد اللى يفتكر ان قلوب الناس اللى حواليه كلها سوداااا ومفيش حد بيحب حد وكله بيحقد على كله يبقى اكيد العيب فيه هو اه الحسد مذكور فى القران فعلا بس فى نفس الوقت ربنا مدينا اللى نقدر نحمى نفسنا بيه وسؤالى الى اى مدى يحتل الحسد مكان فى حياتك؟وهل يؤثر الحسد عليك الى درجه كبيره ؟ |
موضوع مهم جدا هند
اتعرضت برضه للموقف دة وانصدمت جدا تخيلي لماتلاقي صديقة متقولش على معاد فرحها غير قبلها بيومين يكون شعورك ايه؟ زي مانتي قلتي اكيد مرضى نفسيين لان استحالة حد عاقل يقول ان كل صحابه حتى القريبين واقاريبه وكل الناس بتحسده بالنسبة لي لمابلاقي حاجة عاجباني واخف احسدها من غير ماقصد دايما اقول ماشاء الله لاقوة الا بالله لكن ان حد يحسدني؟ مش ف بالي اصلا موضوع مميز يستحق 5 نجوم |
انا برضوه لما بشوف حاجة و تعجبنى بقول ما شاء الله و بالنسبة ليا لا اظن ان عندى اى حاجة تتحسد و الناس اللى بتخاف خوف هستيرى من الحسد ممكن يكون فوبيا او موقف معين اتعرضوا له او ضعف ايمان او اسباب غيره مظنش يعنى ان الناس هتسيب كل حاجة فى الدنيا عشان تحسدهم و فى النهاية بسم الله الرحمن الرحيم ( قل لن يصيبنا إلا ما كتب الله لنا )
و مشكورة يا هند |
بصراحه مهما قلتي انا من الناس اللى تخاف من الحسد لانى شفت ناس علموا باخبار جميله تخصهم وانحسدوا عليها
واسمع ناس تقول شايفين الحظ وغيره من الكلام اللى يدل على الحسد والرسول قال داروا اموركم بالكتمان وانتم يالمصريين بتقولوا داري على شمعتك تقيد الانسان لما يعلم عن خير اصابه ما بيعرف الغيب ولا يدري ان كانت هذي الفرحه حقيقيه ولا مزيفه وتحمل حسد فى قلب اسود وجهة نظر وماراح اغيرها بصراحه |
انا بحس انو ما احد حيفهم مشاعرهم
الا اللي اتلدغو زيهم ما انا اتحدست عشان مجموع الثانوية وايه اللي جاني غير اني مرضت ودخلت مستشفى ؟!! موضوع مهم لكن لازم نتفهمهم ماهو احنا بنزعل لما حد يقولنا قولو ما شاء الله كتير جدا زي كدا انا عني لو احد قالي قولي ما شاء الله مابزعل وبقول بس بشوف كتير بيزعلو ايه العمل في دي الحالة ؟! |
| الساعة الآن 10:49 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية