|
(اختطاف محسن)..(تقليد لرجل المستحيل بإسلوب ساخر)
فى بداية الموضوع احب اقول انى باحترم جدا رجل المستحيل و الدكتور نبيل فاروق والقصه دي علي سبيل التسليه والهزار مش اكثر وللامانه القصه دى منقوله بس حبيت ادحكم معايا نبتدي في القصه مقدمه ادهم صبرى ضابط مخابرات مصرى جامد، داخل ع الستين من عمره، يرمز له بالرمز ب-516 ، حرف الباء يعنى أنه من بولاق، أما الرقم 516 فده رقم الأتوبيس اللى بيركبه عشان يوصل محطة البحوث ومنها يوصل لرمسيس يغير المترو عشان ينزل محطة القبة بتاعة المخابرات.هذا لأن أدهم رجل من نوع خاص حيث أنه يجيد قيادة كل أنواع المواصلات من الطائرات والغواصات والسوبرجيت حتى التوك توك،ويجيد استخدام جميع أنواع الأسلحة من المسدس وبمب العيد حتى القنابل النووية والهيدروجينية، ويجيد 66 لغة بالصلا ع النبى وفيه لغتين اتعلمهم وهوه نايم،ويجيد جميع أنواع التنكر، وجميع أنواع القتال والألعاب من التايكوندو وحتى عريس وعروسة لقد أجمع الكل ومنهم أنا أنه من المستحيل وربنا أن يجيد رجل واحد فى عمر جدى كل هذه المهارات ولذلك استحق هذا اللقب .. رجل المستحيل ************* المغامرة رقم 65468 اختطاف محسن ازاى الكلام ده؟؟ جلس مدير المخابرات الجديد على مكتبه وهو يتذكر ماحدث حتى الآن فى هذا الأمر الصعب الذى تمر به مصر وما حدث من أدهم (لمزيد من التفاصيل راجع العدد السابق65467 الجزء التاسع من المغامرة بعنوان"قال عايزين يخطفوا محسن")وبعد قليل طرق أدهم الباب فأذن له بالدخول واستنشق بعض الأكسجين من الهواء فالإنسان لابد أن يستنشق الأكسجين حقيقة علميةوقال لأدهم الأمر اتأزم جدا يا ب-516،نص محافظات مصر مش لاقية تشرب مية والناس خرجت بالجراكن وعاملين ثورة اسمها ثورة الخراطيم، كل واحد جاى بالخرطوم وهيقطعنا.. والقيادة العليا بتشك فى إن ده ملعوب من المخابرات المعادية الإسـ...(لا لا مش الإسرائيلية) وكمان التقارير بتقول ان سونيا جراهام هنا يغضب أدهم ويقول يبقى جه الوقت اللى هاقدر آخد ابنى الرضيع منها، يرد المدير رضيع إيه يا أدهم؟؟ ابنك زمانه قدى دلوقتى .. دانت سايبه فى العدد 100 ،وبعدين هما عملوا حاجة عشان انت اللى تقوم بالعملية تحديدا..يرد أدهم عااااارف عاااارف .. أكيد خطفوا قدرى .. يافندم الراجل ده اتخطف أكتر ما زور جوازات .. يرد المدير دى تذكرة الطيارة اللى هتسافر للمنصورة بعد 3 ثوانى عشان مفيش مية هناك فى نص المراكز..الحق غير هدومك وزور قرايبك ع السريع والحق الطيارة.. أخذ أدهم التذاكر وهو ينظر إليه جامد جامد جامد جامد ************ !!ينفع كده؟ هبط أدهم من الطائرة فى المنصورة متنكرا فى شكل طفل فى رابعة إبتدائى وأشار إلى توك توك وهو يلاحظ السيارات التى تراقبه وفهم فورا بذكائه ازاى العصابة عرفته رغم التنكر فقد أخطأ وقال لسواق التاكسى أحلى صباح فعرفوا علطول انه أدهم عشان قال حرفين الألف والصاد المشهور بيهم..المهم رمى أدهم سواق التوك توك وتسلم مقعد القيادة وتذكر كيف أن أبوه فى الخمسينيات علمه كيف يقود التوك توك عشان يبقى أحسن ظابط مخابرات، انحرف أدهم فى حتة ضلمة وانحرفت العصابة وظهر أدهم للعصابة فخرج من السيارة 100 شخص مسلحين ولكن أدهم أخرج مسدسه أبو 6 طلقات وضرب رشاشاتهم كلهم من غير ما يجرح واحد فيهم وبعدين للأسف المسدس معدش فيه رصاص ولكن أدهم رجل المواقف الصعبة دور الضرب فى الرجالة .. ففقد 65 واحد الوعى ولكن التانين فهموا الخدعة فعملوا دايرة حول أدهم ولكن أدهم طار فى الجو ونزل عليهم كلهم .. وفى لحظة وصلت إمدادات العدو كمان200 واحد .. ولكن أدهم ضربهم كلهم برضه ووصلت الإمدادات التانية حوالى 500 واحد كمان ولكن الكثرة تغلب الشجاعة .. يعنى حوالى 800 واحد على واحد كتير برضه وفقد أدهم الوعى أمام عدوه اللدود الفظيع الشنيع المريع ************ والله ما يحصل أفاق أدهم فوجد نفسه فى مخزن وبجانبه المحروس قدرى كالعادة مربوط..وأمامهما سونيا جراهام ست زى القمر فقال لها أدهم إيه الحلاوة دى يا سونيا؟؟ انت كل ما تكبرى تحلوى؟؟ ترد سونيا مش أحسن منك ياللى مش بتكبر أصلا!! يتمتم أدهم ياللنسااااء ويسألها: ليه انتوا قطعتوا المية عن نص البلد والناس مش لاقية تشرب وبتشرب مية المجارى والناس مش عارفه تغسل وبيغسلوا هدومهم فى الترعة؟؟ تقول سونيا عشان الشعب يفتكر ظلما ان الحكومة بتاعتكم هيه اللى عاملة كده؟ أدهم بفضول :يعنى بجد والله الحكومة مالهاش ذنب؟ ترد سونيا : لا طبعا .. حكومتكم أحسن حكومة دلوقتى ..الشباب كلهم بيشتغلوا.. الجنيه بقى أغلى م الدولار .. الأسعار نزلت ..الانترنت بقى ببلاش فى البيوت.. ما فيش حاجة بتتباع فى البلد.. بنك القاهرة ما اتباعش ولا عمر افندى..الفضيلة انتشرت فى البلد ولغوا كل القنوات اللى بتتحدى الملل.. المية واصلة للبلد كلها والمواسير بقالها 200 سنة عشان المحافظة ع التراث.. انتوا اللى شعب غلباوى غلباوى غلباوى ************ ما تلمى نفسك بقى قطع أدهم قيوده فجأة وماتسألش ازاى (آه نسينا نقول فى المقدمة انه يجيد التخلص من كل القيود فى الدنيا)وصفع سونيا جامد يعنى ولكن الحارس جه من وراه وضربه ولكن منى(اللى أصلا عندها كام وخمسين سنة) جت فجأة مش عارفين منين وضربت الحارس من وراه وأنقذت الموقف .. نظر أدهم فى عين منى وقال ما تجيبي أطة فا تبصله من فوق لتحت , فيقول لها تتجوزينى؟؟ ترد منى فى حياء: ماينفعش يا أدهم عشان أنا جسمى كله واوا .. يغضب أدهم ويخرج من المكان بعد أن حرر قدرى وهوه يغنى ليك الواوا ..بوس الواوا..خللى الواوا يصح وهو فى الطريق ينحرف الجميع إلى أقرب بيت ويطلب منه أدهم بعض الماء للشرب.. ولكن صاحب البيت الحاج بيومى يخرج بمقشة هوه وعياله ويحتجزون أدهم ورفاقه وهو يصرخ: زى ما العصابة خطفت محسن ابنى، أنا كمان هاخطفكم، وبعدين انتوا جايين تطلبوا مية ؟؟ هوه فيه مية فى البلد ياولاد الكلب ..الكلب ..الكلب ..الكلب انتهى الجزء التاسع العدد القادم (لسة خاطفين محسن) كيف يخرج أدهم ورفاقه من بيت الحاج بيومى؟ كيف يستطيع أدهم بعد كل هذه الصعاب أن يحصل على كوز مية عشان يشرب ؟ هل يستطيع أدهم أن يحرر محسن ابن الحاج بيومى وللا هيسيبه يتحرق؟ هل يستطيع أدهم أن يوضح الموقف للرأى العام وهو أن حكومتنا زى الفل ودايما الغلط على الأعداء؟ سيب اللى ف إيدك .. وقاتل بإيدك ورجلك وكبدك مع رجل المستحيل *********************************** اي رايكم بقي مع تحياتي zamo851 |
هو محدش دحك ولا ايه!!!!!!!!!!!!!!!!!!!!!!! |
شكراااااااااااااااااااااااااااااا
|
العفو يا مان
|
ههههه..خفيف دم... شكرا ليك يازامو.. ينقل الموضوع للقسم العام لروايات مصرية للجيب.. |
جميله جدا انا متهيألى أنا بجد ضحكت من قلبى
|
حلوة موووووووووووووووووووت يا zamo ههههههههههههههههههههههههه بجد ضحكتنى اوىىىىىىىىىىى ومستنيين الجزء التالى (لو كان فيه) بس ياريت تصغر الخط شوية لانى اتحولت |
العفو ليكم كلكم و لو لقيت جزء تاني انشاء الله هاصغر الخط |
ههههههههههههه تحفة يا ريت لو فيه جزء تانى تنزله مشكور على المجهود
|
اقتباس:
|
شـكــ وبارك الله فيك ـــرا لك ... لك مني أجمل تحية . جزاك الله الف خير
|
وجزيت مثله
|
شكرا يا كبير بجد لطيفه
|
اقتباس:
|
يا زامو يا جامد اوي
عارف انا قالى حوالي 10 سنين مقرتش حاجة ضحكتني كدة ..... ......... ............. بقى قالها "هاتى اطه؟ هه؟ يانجم كوتتنى من الضحك متستغربش لو قلتلك انى ممكن اسيب اللي فايدى علشان اتابع اللي جاي منك حتى لو كنت شغال في البورصة |
اقتباس:
العفو يا مان ويا رب اكون عند حسن ظنك على طول على الرغم انى ماستهلش الكلام الكبير بتاعك ده مع تحياتى zamo851 |
الله ينور عليك مسنين العدد القادم على نار عشان نعرف ازاى هيحرر محسن ويشرب من كوز الميه
|
اقتباس:
العفو يامان والف شكر على الرد بس تقريبا مفيش عدد تانى والاشاره لان فيه عدد قادم كانت تريقه على اسلوب الدكتور نبيل برضه مع تحياتى zamo851 |
خطيييرة ههههههه
لكن كان من الأفضل أن تُكتب بالعربي الفصيح .. هناك كلمات كثيرة لم أستطع فهمها :p شكراً على النقل |
اقتباس:
الف شكر على الرد وهى حلاوتها انها تبقى باللهجه المصريه واللى مفهمتيهوش اسالينى وانا اقولهولك مع تحياتى zamo851 |
جامد موووووووووووووت انا لسه بضحك لحد دلوقتى والله بجد تحفة شكرا يا zamo |
السلام عليكم ورحمة الله وبركاته انا بصراحه لا ارى بأن الامر مضحك جدا...فقد شعرت بأن كاتبه يستهزئ اكثر من ان يمزح.... وانا من المعجبين جدا بـ د/ فاروق وكتاباته.... فمن الطبيعي ان لا ارضى بمثل هذا الكلام.... لا اريد ان اكون مفسده المرح ..^^.. ولكنه مجرد رأيي الشخصي واتمنى ان يقابل برحابة صدر ^_^ شكرا لك اخي على النقل... |
خخخخخخخخخ حركة أدهم الشايب..
ومايتوب أدهم لازم يقول حرف الألف والصاد هههههه |
هاهاها تحفة أنا نقلتها على صفحتى وكام حاجة كمان شوفوها
يمنع وضع روابط لمدونات,, الإدارة العامـــــة...Eman |
كان الله في عون نبيل فاروق
هو جاله القلب من شوية :D اكيد قرا المكتوب في المنتدى ربنا يشقيك يارب يا دكتور وتدينا اعداد جديدة من دهومة حببنا امير :p |
السلام عليكم ورحمة الله وبركاته
ههههههههههههههههههههه جامد يا مان رووووووووعة بجد حاجة تحفة وعجبني كمان لما قال بيعرف كل أنواع الألعاب حتى عروس وعروسة هههههههههههههههههههههههههههههههههه روووووووعة تانكس زامو |
تححححححححححححححححفة جداااااااا من احلى ماقرات اما سخرية تحفة الله يخليك في رعاية الله:110::rdd12zp1::welcomepirate2::welcomepirate1::0041::we lcome_pills3::rdd10ut5::rdd10ut5::rdd10ut5::rdd10ut5::rdd10u t5::rdd10ut5:
|
رد: (اختطاف محسن)..(تقليد لرجل المستحيل بإسلوب ساخر)
ههههههه حلوه
|
| الساعة الآن 01:02 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية