|
كيف أفادتك روايات مصرية للجيب ؟
السلام عليكم ورحمة الله
من امتى بدأنا نقرأ روايات مصرية للجيب ؟ اعتقد انه من سنين السؤال هنا ............. هل أفادتك قراءة روايات مصرية للجيب فى حياتك ؟ ام كانت مجرد متعة لتمضية الوقت ؟ واذا استفدت منها بالفعل فأى السلاسل تعتبره مفيدا أكثر بالنسبة لك ؟ ولماذا هذه السلسلة بالذات ؟ وماذا أستفدت منها على مدى السنين التى قرأت فيها السلسلة ؟ وهل حدثت لك مواقف فى حياتك العملية ظهرت فيه فائدة قراءتك لسلاسل روايات مصرية للجيب ؟ فيدنا بما استفدته ونفيدك بما استفدنا لتعم الفائده علينا جميعا السلام عليكم ورحمة الله |
السلام عليكم ميرسى يا عوض على الموضوع الجامد انا بصراحة لما بدأت اقرأ الروايات كان بغرض المتعة فقط لكن لما قرأتها استفدت اوى من المعلومات اللى موجودة فيها و كل السلاسل بالنسبة لى مفيدة لأن كلها فيها الهوامش اللى فيها ملومات فى مجالات مختلفة بس فى حاجة اتعلمتها من الروايات هيا حلوة و وحشة فى نفس الوقت هيا حب الوطن اوووووى جميل اوى ان الواحد يحب الوطن بس بشرط انه يكون فيه اما لو مغترب عنه زى حلاتى فهيتعذب اوى من البعد ممكن يكون فى ناس تانية رأيها غير كده بس هيا دى وجهة نظرى و شكرا تانى يا ابو المواضيع الجامدة
|
موضوع متألق كصاحبه ويستحق المناقشة طبعا ويحين الدور لرد الجميل انا بدأت مع رجل المستحيل من 8 سنوات استفدت منها الكثيييييييييييير 1- نقت لغتى واستمديت منها اللغة الفصحى والتعبيرات المتميزة اللى من خلالها توصلت فى النهاية لاسلوبى الخاص ، 2- وحب الوطن الكبيييير 000معظم الشباب لا يلقون بالا لهذا ولا يخفق قلبهم من اجله ولا يقفون مثلى بقلب نابض فخور تحت علم مصر(ايام زمان) فى حوش المدرسة لتأدية التحية ، هذا الحب الذى يدفعهم للعمل بجهد وثقة 3-وطبعا التضحية فى سبيل من تحب والابتعاد التام عن الانانيو والتفكير فى نفسك بل يأتى الاخرين قبلك (الايثار) 4-والحب الشريف العفيف الذى لا يتخطى ابدا التقاليد او العرف او الدين والتفريق فى هذا الزمن (بالنسبة للبنات) بين الشاب اللى اى كلام وبين رجل بمعنى الكلمة عرفنا معالمه مع الرجل فلا تقع فى فخ الشباب 5-عرفت معنى الصداقة اللى بجد وفى ما وراء الطبيعة اللى بدأت قراءتها منذ 3 سنين فقط 1-عرفت ازاى اواجه مشاكلى والا اعطى الموقف اكبر من قدره بل قد اسخر منه فينمحى الخوف والشك لارى نقطة ضعفه ويمكننى التغلب عليه 2-اتعلمت الا اشيل هم الدنيا بل واسخر منها فاكون اقوى منها واستمتع بحلوها بجد بجد هناك الكثير والكثيييييييير من الاشياء التى تعلمتها واشكرك يا عوض على هذا الموضوع المميز الذى اسهم فى ان نتذكر فضل هذه الروايات علينا اذ اسهمت بشكل كبير جدا فى تكوين شخصيتنا وخلق رابط قوى بين شباب هذا الجيل اذ جمعتنا نحن الان فى هذا المنتدى فلا نعرف عن بعضنا شىء لكننا نثق ان عقلياتنا متشابهة لان الرابط الذى يجمعنا قوى ومحترم |
شكرا يا عوض موضوع متميز جدا
انا عن نفسي بدات بملف المستقبل من وانا في 1 اعدادي يعني من حوالي كده 10سنين تقريبا استفدت حاجات كتير اوي من كل سلسله من ملف المستقبل استفدت اني اتعلمت التفكير المنظم والمنهج العلمي وروح الفريق وده غير المعلومات العلميه اللي بكم كبير جدا اللي موجود في معظم اعداد السلسلة بالنسبة لرجل المستحيل اتعلمت منها التضحية وحب الوطن ده غير الكثير من القيم الجميله اللي موجوده في كل الاعداد تقريبا وان القوة في العقل قبل ما تكون في اي سلاح اخر دول اكتر سلسلتين استفدت منهم واثروا كتير جدا في بناء شخصيتي وتيجي بعدهم ما وراء الطبيعه من حيث كم المعلومات ايضا |
موضوع متميز فعلا.. في كتير شغلات استفدت منها بحياتي.. أولها تعلقي الشديد بوطني الحبيب فلسطين..ورغبتي بعمل شي لهالوطن المجاهد الصامد.. وفخري لانتمائي لأكتر البلدان قداسة.. وكمان استفدت ..إني ما أيأس أبدا مهما كانت الظروف سيئة ومهما أوضحت كل الظروف عكس هاد الشي,, وزي جين..القصص اظهرت عندي موهبة التعبير عن نفسي من خلال كتابة قصص أو خواطر.. وكتير اشياء لسة منها..إني أسعى للكمال دايما في كل أعمالي (والكمال لله).. وصقلت شخصيتي من جوانب تربوية وثقافية ودينية.. وغيرها...لاتعد ولاتحصى الحمدلله رب العالمين انه اتعرفنا على هاي القصص بعمر مبكر..شكرا الك يا د.نبيل.. الله يجزيك عنا كل خير.. وشكرا الك ياعوض على طرحك هاد الموضوع المتألق.. |
أولا ألف شكر للاخ عوض على مواضيعه المتميزة ثانيا شكر لجميع أضاء ليلاس على ردودهم التى تص مشاعرنا فلا نجد ما يكتب ثالثا أكثر ما أفاددنى (بالاضافة إلى كل ماذكر ) سلسلة رجل المستحيل : الثبات فى المواقف الصعبة و عدم الغضب للتفكير بمنطق سليم سلسلة ملف المستقبل : أهمية عمل الفريق بروح واحدة وانسجام تام و أهمية التفكير العلمى السليم سلسلة ماوراء الطبيعة : معرفة معتقات و أساطير الشعوب بغض النظر عن صدقها أو واقعيتها سلسلة فارس الاندلس : أهمية التمسك بتعاليم الاسلام ونبذ الخلاف بين المسلمين للعودة إلى التقدم و أخذ مكاننا الصحيح بين دول العالم |
موضوع كثيير حلو ملف المستقبل ورجل المستحيل اتعلمت حب الوطن ، القدرة على التصرف بسرعة وحكمه وعقلانيه ، التنافس الشريف بين الاعضاء، مساعده بشتى المواقف حتى لو كان الموت بسبيل الاصدقاء والوطن، الصدق، حب العمل والاخلاص النية وعدم التفريق بين الناس كلنا زي بعض |
اقتباس:
وطبعا عندك حق كلنا قرانا الروايات بغرض المتعة فى البداية لكن بتتحول لشىء أكبر بعد كده حب الوطن شىء عظيم لكن زى ماقلت قبل كده ممكن النظام للاسف يحطم القيمة دى وربنا يرجعك لوطنك بالسلامة وشكرا على رأيك الجميل |
اقتباس:
جين ..جين ..جين دايما كلامك الجميل مابيعطيش فرصة لحد يرد الا اننا نرفعله القبعة تقديرا له لكن انا ليا مأخذ واحد على كلامك انى ماعملتش جمايل ليكى قبل كده ومابعتبرش ردك جميلة لاننا أخوات والأخوات مافيش بينهم جمايل ولا ايه وشكرا ياقمر على الرد الرائع ده |
اقتباس:
اميدو..... نورتنى يابطل بكلامك المفيد جدا وفعلا اهم احسن حاجه فى ملف المستقبل هى روح الفريق واحسن حاجه فى رجل المستحيل هى الانتماء والتضحية |
اقتباس:
ازيك ياايمان ليكى وحشة من زمان غايبة عننا نورتينى ياقمر ودايما كده منورانا ان شاء الله وربنا ينصر المجاهدين فى فلسطين ان شاء الله |
اقتباس:
ويارب فعلا المسلمين والعرب يقدروا يتوحدوا فى صف واحد يامين هناك ده حلم كبير جدا اتمنى انى اشوفه بيتحقق وشكرا على مرورك الجميل |
اقتباس:
منورة تويتى وكلامك جميل وفعلا العنصرية شوكة فى ظهر كل بلد نتمنى انها ماتكونش موجوده |
لا لا لا
ايه يا عوض المواضيع الجامدة دى على العموم شكرا على الموضوع بس انا كل ما ارد على موضوع ليك مش بترد عليا انا بحب ملف المستقبل طبعا لان فيها مواضيع علمية و كمان علمتنى ان مفيش حاجة اسمها يأس و كمان بقراها من و انا صغيرة و ميرسى على الموضوع |
| الساعة الآن 11:53 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية