منتديات ليلاس - محتاجه مساعدتكم..

اختي الكريمه في استفسار بسيط
هل انتي الكام بتاعتك دي موجوده في الجهاز اصلا......... يعني من الاب توب الجديد اللي نازل فيه الكاميرا اصلا ولا كاميرا ملحقه بتوصليها انتي بلجهاز؟؟؟؟؟؟؟

لو موجوده اصلا في الجهاز يبقي بسيطه لانها بتتعرف اوتوماتك مع تعاريفات الجهاز في السي دي بتاعته وبلذات لو السي دي اوتو رن يعني انتي بتدخليه وهو يعرف كل حاجه او يكون الوندوز نفسه بيعرف يعرفها لوحده

عموما تعالي علي الديسك توب من بره وبعد كده my computer
تدوسي كليك يمين وتختاري properties وبعد كده تختاري hardware
والصفحه اللي هتطلعلك هتلاقي فيها زرار اسمه device manger

ده هتلاقي جواه تعريفات كل الكروت والملحقات اللي في جهازك من اول الفلوبي ديسك لحد كارت الفاكس والنت وورك واكيد طبعا هيبقي فيه تعرف الكاميرا لو دستي عليه
هتلاقي فوق ظهرلك 3 ايقونات صغيره
وحده منهم اسمها update ودي لو عوزه تنزلي ابديت للتعريف
والتانيه disable ودي لو عوزه توقفي تعريف الكاميرا شويه بس عارفه انك هتحتاجيها بعد فتره فبدل متمسحيها وترجعي تعريفها تاني بتختاري الاختيار ده
والتالته بقه هي uninstall ودي اللي هتشلهالك من جذورها
وعلي فكره الاختيارات دي مش هتلاقيها مكتوبه دي مجرد صور صغيره اوي بس لما هتقفي عليها هيطلعلك الاسامي اللي انا قلتلك عليها دي

ملحوظه مهمه جدا جدا جدا : ياريت تعمل للكاميرا disable مش تمسحيها لان لو الوندوز هو اللي بيعرفها لوحده يبقي لما هتمسحيها وتعملي ريستارت الوندوز وهو بيخش هيحش ان فيه جهاز او وحده فيه مش متعرفه وهي الكاميرا وسعتها هيعرفهالك تاني هو اوتوماتك ((( يعني المشكله اللي انتي بتقولي عليها )))
فلافضل انه يبقي ديسأبل ومتخفيش هي فعلا هتختفي من علي جهازك تماما ولا كأنها موجوده :)

اتمني اني اكون فدتك وابقي طمنيني :)