منتديات ليلاس - الدرس الثاني من دروس ( تعلم مع Dj-yasser ) في رحلة دي جي المستقبل

هذا الرابط فيه البرنامج بمشاركتي وما في مشكله بالروابط

http://www.liilas.com/vb3/showthread.php?t=8985

بسم الله الرحمن الرحيم
بعد السلام والتحية ..لأصحاب الطلة البهية ولعيون كل الشباب والصبايا هالورود الجورية رح نبدا درسنا الثاني بالأمور الفنية... مع أخوكم DJ-YASSER " أبو اليسر"
...بلشنا : رح نتابع الدرس الماضي يلي كنا عم نحكي فيه عن مواصفات الدي جي الحقيقي ومؤهلاته الفنية والموسيقية... ومما لا شك فيه ان أي شخص مهما كان ذكي و صاحب موهبة فإن موهبته تتألق وتكبر في أمر واحد..أي أن إبداعه يكون في موهبته الأولى .. يعني موكل واحد عنده معرفة شوي بالعزف على الأورغ وشوي على الكمان وشوي على شي برنامج dj معناها صار معلم أو محترف بكل شي
يعني الواحد بيصير مبدع على أمر واحد , وصاحب معرفة بالأمور الأخرى....
يمكن القدمة بايخة شوي بس المغزى من كل هالحكي انوا يلي بدو يصير دي جي حقيقي لازم يكون صاحب موهبة والميكس الحقيقي هو يلي بيكون من إبداع العقل للشخص يلي عم يشتغل الميكس وكذلك في كل أمور الحياه ( لأنوا في ناس بتسرق أفكار من غيرها أو أعمال غيرها وبتقول للناس انها من شغلها وإبداعها ) وهذا الشي من المستحيل انوا يصنع نجاح أو يصنع إنسان ناجح ...
والفكرة التانية في درسنا الثاني في مشوار الفن والدي جي ..انت شخص عندك موهبه وبدك تعمل ميكس
أول شي لازم تعمله هو أنك تجمع الأغاني يلي انت بدك تعملهم ميكس وتبدا تسمع كل أغنية وتحاول تخلي كل أغنية قريبة للثانية من حيث سرعة الإيقاع أولاً والكلام واللحن ثانياً... وتبدا تمزج الأغاني مع بعض ......
و انا عندي ميكس مجهزه هدية لعيونكم ياشباب و يا دي جي ( رح أهديكم الميكس بعد ما أشوف الردود الحلوة مثلكم ) المستقبل وما في مانع من أنوا الواحد بينه وبين حاله يقلد الميكس ويشتغل نفسه وذلك كتمرين على بداية الشغل ..بس مو تصيرو تسمعوا الميكس لأصحابكم وتقولوا أنه هذا الشغل من إبداعكم!!؟؟...
وأكيد انتم عم تقولوا أنوا شو هو البرنامج المناسب لعمل ميكس ؟؟؟؟؟
ياسيدي أنا برأيي انوا أسهل برنامج لعمل الميكس هو sound forg وآخر إصدار لهذا البرنامج هو SONY SOUND FORG 8.0 ...
هذا الرابط فيه البرنامج بمشاركة الاخ مصطفى مديرنا الغالي
http://www.liilas.com/vb3/showthread.php?t=8985