|
انا الواقف فى بلكونة وباصص للسما بعناد .. الشاعر الشاب*طارق قطب * روعة
أنا الواقف فى بلكونة وباصص للسما بعناد نجوم بتعوم فى ملكوتك انا لأه مابتحاربيش عشان قوتك انا لأه رعدك يوم غضب صوتك وانا لأه هموم بتعوم فى ملكوتى وبأشقى كتير عشان قوتى ويوم غضبى....يضيع صوتى ساعات فى براح برود قاسى ساعات فى الزحمة والزنقة ولسه بأحب ورقة غريبة جوايا........ يوماتى تشب تتشعلق. وتتمدد كما اللبلاب...على قلبى الغريب جدا وساعة ما الآدان يدن تزيد الرقة والمنظر يكون خلاب ولسة باحب وفرحة غريبة جوايا تخلينى....نافورة حب تنسم ع اللى بتحبه....وترويه لو يكون عطشان ولمعة غريبة ف عنيه بتتكون يادوب علشان لمحت حبيبتى من بعيد ...وعيونها بصالى ورغم ان التواضع أصل ف خصالى حسيت بزهو..كأنى فارس جرىء وبعد لحظة لقتنى...زى طفل برىء باتنطط وباتشاقى واقول يارب نتلاقى وأعيش لحظات فى ملكوتها وألاقى ان الجمال قوتها واسمع اسمى أنا بصوتها فاحس ان الهموم هانت واحكيها بصفة كانت واحس كانى متدلع....ومتبتر على النعمة وفجأة عينى تتطلع وهى بجرأة مسكونة وأقول للسما بحكمة وانا واقف فى بلكونة قمرك يا سما سابك انا لأه برقك موت أحبابك انا لأه وساعة ما انفتح بابك فى يوم خنقة.............. وأنا بادعى وانا ساجد........وأنا واجد منتهى الراحة فى كونى ضعيف وأنا حاسس بلسعة صيف على خدودى وانا عارف ان ضعفى هو السر فى وجودى وسر اللسعة فى دمعى وأنا ادعى ولما دعيت وبابك عدى دعواتى واهدانى فى يوم آتى بفرحة حبها ليه بصت لك وأنا حاسس بانى خلاص مانش محتاج بصت لك وانا حاسس بانى خلاص لبست التاج وتاجى...حبها لشخصى الضعيف جدا غريبة....ادان الفجر اهه بيدن أسيبك يا سما دلوقت أشوفك بكرة نفس الوقت وبكرة الحب حيكون زاد واكون واقف فى بلكونة وباصص للسما بعناد من ديوان ( لو راجل زى ما بتقول ) الشاعر الشاب * طارق قطب * :liilase: |
بدون مجاملة
القصيدة عادية جدا |
القصيدة جميلة
لان فيها روح من المرح والتفائل البساطة والحلم البسييط جمالها في انه فيه احلام يكمن مستحيلها في بساطتها بالنسبة لنا بحس دي القصيدة كانت نسمة صيف على خدودي بجد اعجبتني ميرسي:friends: |
و لسة الشمعة بتعاند في وش الريح
ضعيفة صحيح لكن قادرة على الضلمة و ع التجريح أخيراً مصري باللهجة المصرية!!!!!!!!!!!!!!! مرحبا بك |
| الساعة الآن 12:51 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية