|
عن سالم وسلمى والكاهن الأخير وأشياء أخرى...!!
http://img522.imageshack.us/img522/8421/10ae4.gif أزيكم يا ليلاسيين ؟؟.. يا رب تكونوا بخير دايما.... النهارده نقدر نعتبر الموضوع بإختصار كده عباره عن إستفتاء لكل المواضيع اللى حيرت الناس حول السلسلة وأبطالها وكمان أشهر الأسئلة حول القصص اللى د/ رفعت إسماعيل لم يكملها حتى الآن و القصص المتعلقة بالأبطال الفرعيين مثل سالم وسلمى والكاهن الأخير و حكايته مع د/لوسيفر وغيرها........ خلاص ...نبتدى ندخل فى الموضوع.... 1- بالنسبة لسالم وسلمى .... هل أعجبتكم مغامراتهم فى فانتازيا التاريخ من أرض المغول ، لأرض لم تعرف الفراعنة .....إلخ حتى آخر رواية لهم حتى الآن وهى أرض الظلام ؟؟.... ويا ترى تتمنوا (بالرغم من د / أحمد خالد قال إنها قصة ليهم) إن تبقى ليهم قصص تانية ؟؟... ولو تتمنى... تبقى إيه القصص والحكايات التاريخية اللى فى خيالك كده ولسه ما دخلوش فيها ؟؟....تخيل!! 2- أما بالنسبة للكاهن الأخير (هن - تشو -كان) .... فهسأل نفس الأسئلة .... هل حبيتم شخصيته فى السلسلة وقصصه مع رفعت إسماعيل ؟؟ .... ويا ترى تتمنوا ليه قصص تانية مع رفعت ؟؟.... 3_هل يا ترى تفتكروا إن رفعت إسماعيل هايكمل فى يوم من الأيام القصة التى لم تكتمل حتى الآن (زنزانة خيريولسن) ... ولا ممكن تكون دى مفاجأته الأخيرة لينا وتكون آخر عدد فى السلسلة؟؟؟... 4- ياترى هايقابل تانى عدوه اللدود د /لوسيفر الشرير...... ولو قابله هاينفذ لوسيفر وعده لرفعت بإنه تكون نهليته على يديه وتكون دى نهاية رفعت إسماعيل ؟؟؟... معلش ...سؤالين كمان....بالنسبة لسالم وسلمى هل بتشجعوا إن سالم وسلمى ينفصلوا عن السلسلة ويبقى ليهم سلسلة لوحدهم زى ما كتير من قراء السلسلة إقترحوا ولا أنتم ليكم رأى تانى؟؟..... بتحبوا النهايات المفتوحة لروايات وحكايات رفعت إسماعيل ؟؟ ولا بتتغاظ منها و بتفضل النهايات المحدودة ؟؟... يا ريت الموضوع يعجبكم...... ويا ريت ألاقى مشاركات فى الموضوع وأشوف فين أصحاب التخيل والتفكير... وأشوف كمان محبى ما وراء الطبيعة..ومحبى العجوز رفعت إسماعيل وحكاياته الشيقة عن عالم الرعب.....وحكمته وثقافته اللامتناهية........ مستنى ردودكم وتفاعلكم..... وكل عام وأنتم بخير... |
الموضوع شيق وشائك لانه ملىء بالجدل والاسئلة الحارة الساخنة
عن نفسى انا لم اقرأ لسالم وسلمى سوى قصة واحدة هى (اسطورة الظلام) التى انبهرت بها بشدة واعجبتنى للغاية واتمنى طبعا ان يكون لهم مغامرات تانية فين بقى مش عارفة انا خيالى محدود شوية فى الحاجات دى لكن اى حاجة تيجى من دكتور احمد خالد رضا ونبوس ايدنا عليها لكن محبذش انهم يكونوا فى سلسلة منفصلة بالنسبة للكاهن الاخير احببت اسطورة الكاهن الاخير وكرهت اسطورة النافارى اما عن (زنزانة خيريولسن) فقرأته قديما لكن لا اتذكر منها حرفا ود\لوسيفر ووعيده لرفعت 000سنترك هذا لد\احمد خالد ليفاجأنا به مبحبش ابدا النهايات المفتوحة فى قصص رفعت واكتر قصص بحبها لرفعت اللى بتسيطر على احداثها حاجة خيالية اسطورية وبيكشفها فى الاخر ويضحض الاسطورة زى (اسطورة آكل البشر) و (اسطورة رأس ميدوسا) و( اسطورة النداهة) وغيرها 0000000000000 |
شكرا الموضوع شيق بس مليان اسئلة على العموم انا بحب سالم و سلمى و اتمنى تبقى ليهم مواضيع تانية
و بالنسبة للكاهن (هن-تشو -كان) مغامراته رخمة و مش عاوزة زيها تانى و اكيد هيكمل باقى قصة السجن و انا بموت فى مغامراته مع د.لوسفير و اللى كل ما يقبله يقوله مش هينجيك منى غير القبر و اتمنى مغامرات تانية و لا طبعا مش عاوزة ينفصلوا (سالم و سلمى)عن السلسلة و طبعا بحب النهايات اللى مش مفتوحة و شكرا على الموضوع |
السلام عليكم ورحمة لله
للاسف يااسلام ماوراء الطبيعه لسه لم اتمكن منها علشان اجاوبك لكن انا عندى راى ان النهايات المفتوحة بتكون شيقه برده وماتنسوش تادوا بالكوا ان النهايات المفتوحه بتكون فى الانواع اللى فعلا مافيهاش قول نهائى وشكرا يااسلام على الموضوع الجميل ده |
السلام عليكم بحب سالم و سلمى و مغامراتهم لكن لا اتمنى انهم ينفصلوا عن السلسلة لكن لم احب الكاهن الاخير و لا اريد ان تكون له مغامرات تانى و اتمنى ان رفعت يكمل زنزانة خريسولن واعتقد انها ممكن تكون من الاعداد الاخيرة و حبيت مغامرته مع لوسيفر و اتمنى يقابله تانى اما بالنسبة للنهايات المفتوحة و النهايات المقفولة ففى روايات تناسبها النهايات المفتوحة و فى روايات تناسبها النهايات المقفولة و شكرايا اسلام على الموضوع الجميل
|
| الساعة الآن 05:10 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية