لنعش مانحب ....؟
 

السلام عليكم ورحمة الله

اتمنى ان الموضوع المرة دى يعجبكوا

مين منا ماحبش يعيش عالم الروايات

بدون حدود

بدون قيود على أفكارك ومشاعرك

مين ماحبش يكون ادهم صديقه

مين ماحبش يكون س-18 حارسه الشخصى

مين ماحبش يكون مغامر مع رفعت

موضوعى انهارده انك تختار السلسله اللى تحبها او اكتر من سلسله مش مشكله وتعيش دور فيها

اخلقلك الدور اللى تحبه فى السلسه ممكن مايكونش موجود يعنى ماتخشش مكان اى شخصية

وممكن تحب تعيش مكان واحد من الشخصيات اللى فى السلسلة

دور ليك...... عايز تكون صديق فى سلسله او عدو فى سلسله تانية او حبيب فى غيرها او قائد فى غيرها او جزء من فريق فى غيرها او مغامر

قلنا تحب تكون ايه

ومين عارف جايز بكره حلمك يتحقق فى سلسلة الحياة

السلام عليكم ورحمة الله

نفترض بالنسبة ليا

انا وانا بقرأ رجل المستحيل كنت اتمنى انى اكون تلميذ تحت ايده اتعلم منه واعيش معاه مغامراته .......وانقذه فى بعد الاحيان

وفى ملف المستقبل اكون واحد من الفريق ماعرفش بصراحة دورى هيكون ايه بس هو فيه من نور واكرم الاستنتاج والقتال

اما رفعت فعايز ابقى شخص رفعت يستعين بيه فى وقت الحاجه

ياترى انتوا تحبوا تكونوا ايه

شكرا على الموضوع الجميل انا مش بحب اقرا رجل المستحيل بس فى ملف المستقبل احب اكون مشيرة او عضو ة فى الفريق و فى ما وراء الطبيعة احب اكون ماجى او مرافقة رفعت و شكرا يا عوض على الموضوع يسلم اديك

شكرا على مواضيعك الهايلة يا عوض انا نفسى اكون عضوة فى فريق نور و اعرف ازاى ارجع محمود الطبيعى للعالم حتى لو كان ده معناه انى اتخلى عن وجودى و اضحى عشان الفريق اصل انا بحب الفريق ده جداااا و فى رجل المستحيل نفسى اكون منى و اول ما ادهم يطلب الجواز مرة تانية هوافق علطول عشان كل البنات اللى بيشتركوا معاه فى المغامرات يعرفوا انى خلاص بقيت مراته و يبطلوا يحبوه و يغيروا عليه و يفقعوا مرارة منى و يخلوها تغير ههههه اما فى رفعت اتمنى انى اكون ماجى و اخلى رفعت يكمل الجملة اللى مش عارف يكملها من 15 سنة تقريبا ياعينى ده حتى هوه نفسه يعرف هو هيقول ايه فأنا لو بقيت ماجى هريحه و اريح كل اللى عايزين يعرفوا التكملة قبل ما يموت رفعت و هوافق اتجوزه رغم انى 9 . 99 % هبقى ارملة بعد شهر من الزواج ( فى احسن الاحوال) و شكرا تانى يا عوض
غادة

انا سعيد انك اول واحد ترد يامين هناك لانك فعلا عضو مميز

وشكرا ليك على مشاركتك

منورة يانسمه بس على فكرة لو ماقرأتيش رجل المستحيل هيبقى فايتك كتير

طبعا عارف ياايمان انتى هتختارى ايه من الاول بس مارقولتش

بس المشكله كده ان كل القراْ البنا ت هيحسدوكى والبنين هيحسدوا أدهم

هتعملى فتنه كده ياايمان

غيرتى تركيبة الرواية خالص ياجين

بس حلو الابداع ده وفكرة حلوة والله ليه أدهم مايكونش ليه أخت هيا هتكون نقطه ضعف أكتر من أحمد بس الدراما هتزيد صح

هههههههههههه اذيك ياغاده ياقمر

ايه المشاكل اللى عملتيها دى كلها

هتدخلى فى ملف المستقبل علشان تضحى بنفسك علشان محمود يرجع طب نعمل ايه فى كل المهمات اللى ساعدهم فيها من مجرى الزمن

وفى أدهم دمرتى منى خالص والله حرام عليكوا دى منى زى العسل

وفى رفعت قفلتى السلسله لان رفعت لو اتجوز اكيد مش هيلاقى أسطورة يتكلم فيها بعد أسطورة الجواز بالنسبه ليه طبعا

نورتى ياغاده

انا نفسى اكون منى بس ماأبقاش زميلته لكن أكون الكتوره اللى ترافقه فى مهماته لأن اكثر حاجه تسعدنى هى تخفيف الالام فما بالك بتخفيف الام من نحب