|
س - 18..............ما هو دوره بالضبط؟؟!!
السلام عليكم ورحمة الله وبركاته... كيفكم يا أحلى أعضاء ؟....أتمنى أن تكونوا بخير وبصحة وعافية.. النهارده معايا موضوع جديد كالعادة ولكن فى ملف المستقبل... طبعا هاتقولوا ده حصله حاجه ولا إيه!! بيسأل عن دور (س-18) !:53::rolleyes: ده أوضح من نور الشمس فى القصة... (س-18) هو المنقذ لفريق نور دائما ... فى أحلك المواقف بالذات.. لا ...بس أنا مش بتكلم على كده... أنا هأتكلم على حاجة تانية خالص...وهى .. هل فى لحظات فعلا حسيت إن الفريق كان محتاج فيها (س-18) بجد ولم ياتى ليقف معهم فى هذه المواقف ، أو أتى متأخرا لدرجة تثير الغيظ؟؟؟ والعكس أيضا.. يعنى هل شعرت فى مرة إن تدخل (س-18) أفسد تشويق القصة وأحداثها ,وانك كنت تفضل إن الأحداث تسير كما هى ؟؟ بمعنى إن تدخله سارع بإنتهاء القصة دون أن يكون لذلك أهمية؟؟ ولا بالعكس بمعنى إنك شليف دايما إن تدخل (س-18) فى سياق الأحداث كان فى وقته بالظبط؟؟ يالا ...عايز أشوف فين محبى ملف المستقبل وفريق نور لا تبخلوا علينا بردودكم وآرائكم المميزة دائما... وكل عام وأنتم بخير... رمضان كريم... :f63::flowers2: |
هههههههههههههه
لا انت ماتجننتش ولا حاجه ماتقلقش على نفسك بس على فكرة الدكتور نبيل كان بيختار وقت س-18 كويس جدا علشان مايكونش ظهوره متوقع ويفسد القصه يعنى بعد مايكونوا يعينى اتبهدلو السؤال الوقتى فين س-18 فى العالم الجديد اكيد لو كان موجود كان الموضوع كله خلص ولا ايه رايك هيبان فى الاخر برده وجايز يكون س-18 هو سبب الرعب اللى حصل من رؤية محمود لانهم عارفين ان نور بس يقدر يسيطر عليه شكرا يابطل ومستنى جديدك |
موضوع حلو... بس أنا مابفهم كتير بنور...بس كل القصص اللي قرأتها حسيت انه س-18 موجود في مكانه المناسب.. ودايما وجوده محبب وزي ظهور السوبر مان في الفيلم...هههههههههههه ونستنى توني ليجي ويبدي رأيه لأنه خبير في ملف المستقبل... يسلمو دياتك يا إسلام...موضوع خطييييير...:075: |
اقتباس:
شكرا ليك على مرورك ومشاركتك يا عوض... وبإذن الله هأعمل مواضيع تانية ...لسه عندى أفكار تانية كتييييييييير..وخصوصا لملف المستقبل وما وراء الطبيعة.. بجد نورت الموضوع... وكل عام وأنت بخير... |
اقتباس:
شكرا لكى على ردك المشجع با إيمان... وكلامك عن (س-18) كويس...والواحد عمره ما هاينسى دوره فى إنقاذ الأرض فى خماسية الإحتلال.. نورتى الموضوع... وكل عام وأنتى بخير.... |
شكرا يا اسلام انا كمان شايفة ان ظهوره مناسب يعنى لو ظهر بدرى هينهى المهمة فى ثانية و لو ظهر متأخر ممكن تحصل كوارث و لكن انا شايفة ان الجزء بتاع انه مش بيسمع إلا كلام نور ليها عيوب و مميزات يعنى لما نور يكون فى غيبوبة بيكون زى الجماد و لو احد سيطر على نور و خلاه يصدر اوامر شر ممكن يدمر العالم و لكن ميزتها ان نور معظم الوقت بيعرف يأخذ القرار المناسب شكرا مرة تانية على الموضوع الجميل و معلش لو كنت طولت او خرجت بره الموضوع
|
شكرا لكى على مرورك وإبداء رأيك فى الموضوع... ويا ستى أخرجى عن الموضوع زى ما أنتى عاوزة..إنتى تأمرى بس...;) وعلى العموم إنتى ما خرجتيش بره الموضوع ولا حاجه بالعكس ده أنتى ضفتى نقطة مهمة جدا للموضوع أنا نسيت أحطها فيه... ويا ريت الكل يتكلم برضه عن الموضوع ده... نورتى يا قمر بإطلالتك المتميزة دائما.... وكل سنة وإنتى طيبة.. |
احيانا احس ان ظهوره مفتعل
مثل ظهوره في (كوكب الطغاة) وكذلك في (جحيم ارغوران) |
اقتباس:
شكرا لك أخى الكريم على مرورك ورأيك ..... وكل عام وأنت بخير .... |
شكرا على الموضوع واحب اقول ان س-18 اغلس حاجه فى السلسله اول ما الدكتور يتزنق فى نهايه يدور غلى الشاحن بتاع س-18 واول مايكون عايز القصه تمشى عادى يعمل انه فصل شحن بسراحه ابوخ حاجه انك تكمل قصه فيها س-18 لانك عارف ايه اللي هيحصل اول ما يدخل. امتا البطاريه بتاعته تتحرق او الشاحن يضيع ونخلص |
موضوع ممتع
الصراحه س 18 مهم جداا للفريق و الدكتور نبيل فاروق عارف بالظبط هو بيدخله فى الاحداث امتى و ظهوره بيعطى حماس و حيويه اكتر للقصه و هو الملاك الحارس و انا عن نفسى بحبه جداا اقتباس:
لا تعليق |
السلام عليكم ورحمة الله وبركاته....
انا اشوف انه س-18 هو الحل السحري للدكتور نبيل ( يعني يوم ما يعرف كيف يحل المشكله يتدخل س-18 ) و عالعموم انا اشوف انه توقيتاه زين و ما يخرب احداث القصه |
اقتباس:
شكرا ليك يا تونى على مشاركتك الجميلة فى الموضوع ... بالنسبة ليا .. فأنا رأيي إن د/نبيل يقوم بتعقيد الموقف مخصوصا لإشراك س-18 فى أحداث القصة .وهذا إلى جانب رغبته فى إشعال الإحداث طبعا واالوصول لذروة الإحداث وقمة تشابك أحداثها وهى أهم ركن فى فن الروايات ... ويحضرنى رأى للدكتور / أحمد خالد توفيق فى شخصية س-18 وهى وصفه بأنه :. (الإله فى الألة ) ...وهى جملة فرنسية أساسا بالمناسبة ... ومعناها أنه يصل دائما فى الأوقات المناسبة وهو دائما الحل المثالى المتكامل (والكمال لله وحده) لإنقاذ الفريق ... ومش بيظهر فى القصة أحيانا ويختفى فى أحيان أخرى علشان الشحن ...هه!! سامعنى يا أخ زامو ....!!!؟؟ شكرا ليك يا تونى على إطلالتك المميزة ... |
اقتباس:
شكرا لك يا أخ سارى على مشاركتك .. نورت الموضوع .. |
اقتباس:
اما بالنسبه لموضوع ظهور س18 فهو فعلا كنت اتمني لو ظهر في قصة الزمن = صفر بشكل غير اللي ظهر بيه واللي أدي إلي وفاة محمود أو تحوله لطاقة وضياعه في نهر الزمن دي بس اما لباقي القصص كان ظهوره في توقيت سليم === دا رأيي وشكر:rfb04470: |
السلام عليكم ورحمة الله وبركاته وعليكم السلام ورحمة الله وبركاته بسم الله الرحمن الرحيم اللهم صلِّ على محمد وآل محمد شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . جزاك الله الف خير بارك الله فيك ورحم الله والديك, يعطيك الف عافيه بارك الله فيك ورحم الله والديك, يعطيك الف عافيه
|
اسف
كيف يمكننى تعديل المشاركة؟ |
شكرا يا باشا.
بس انا بحب ظهوره لانه بيجعل القة مشوقة اكثر . |
الصراحة ما لوش اي لزمة دا الواحد يا دوب لسة هتكون بتموت ونفسك الاحداث تبقى مثيرة الا تلاقي الباشا طالع من تحت طقاطيق الارض لينقذ الفريق :rolleyes:اما بجد اي واحد بيفكر لكان عرف ان سي 18 ده اغبى عنصر في القصة هو قوته الخارقة المصنوعة من الاف السنين والله نكته ما حدش بيضحك عليهاعلى كل فكرة طرح الموضوع ده جميلة جد:Dا بارك الله فيك ورحم الله والديك, يعطيك الف عافيه شـكــ وبارك الله فيك ـــرا لك ... لك مني أجمل تحية .
|
س-18 فعلا من أجمل العناصر في مغامرات نور وأكتر حاجة ملفتة قصة الحب بين نو و س-18 كأصدقاء ودخولة في القصص وحلها بيكون جميل وفي وقت مميز لأنه مبيظهرش الا بناءا على مجهودات نور الا في قصة واحدة بس قصة سادة الكون لما الدنيا اتعقدت وهو دخل وحل كل المشاكل في النهاية بكل بساطة بس ده استثناء وهي دي المرة الوحيدة الى معجبنيش فيها دخوله |
موضوع شيق فعلا ولكن تدخل س 18 يفسد القصة تماما هو التكنولوجيا الرهيبة التي معه انا لا اؤيد ابدا س 18
|
هههههههههههههه
لا انت ماتجننتش ولا حاجه ماتقلقش على نفسك بس على فكرة الدكتور نبيل كان بيختار وقت س-18 كويس جدا علشان مايكونش ظهوره متوقع ويفسد القصه يعنى بعد مايكونوا يعينى اتبهدلو السؤال الوقتى فين س-18 فى العالم الجديد اكيد لو كان موجود كان الموضوع كله خلص ولا ايه رايك هيبان فى الاخر برده وجايز يكون س-18 هو سبب الرعب اللى حصل من رؤية محمود لانهم عارفين ان نور بس يقدر يسيطر عليه شكرا يابطل ومستنى جديدك |
| الساعة الآن 10:20 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية