|
مواقف ...لاتنسى!!
السلام عليكم ورحمة الله وبركاته.. النهارده جايب لكم موضوع جديد.. ناوي أتكلم النهارده عن ملف المستقبل شوية ...السلسلة المعشوقة لكل من يحب الروايات.. وذلك بعد ما أخذت سلسلة رجل المستحيل حقه على الآخر.وأدهم صبرى كمان.. المهم .... ندخل فى الموضوع.. طبعا ما فيش حد ينكر الأهمية الهائلة لأكرم فى فريق نور..ومدى الخدمات اللى قدمها للفريق.. وعلى الأخص مواقفه معهم ...مواقفه الإنسانية التى لا تنسى ... لحظات التى يتجلى فيها وفائه وحبه وإخلاصه للفريق وللوطن.. المهم ..ما أريده من كل من يشاهد الموضوع..إلى كل من يحب أكرم أن يكتب موقف لا ينساه لأكرم قرأه فى أحد الأعداد و أحس فيها فعلا بهذه المشاعر وبملامح هذه الشخصية الجميلة التى كانت فعلا إضافة موفقة من د / نبيل فاروق ... مش بس كده ..لا ...ممكن كمان يقول إيه التصرفات اللى ما بيحبهاش فى أكرم.. يعنى بإختصار عاوزين نعمل تحليل لهذه الشخصية الرائعة.. يالا عاوزين نشوف الردود..ونشوف المناصرين لأكرم.. وكل عام وأنتم بخير.. |
السلام عليكم ورحمة الله وبركاته
شكرا على الموضوع الجميل يااسلام وعلى فكرة انا بحب شخصية اكرم دى جدا جدا جدا تكاد تكون اكتر من نور لانه شخصية على طبيعتها زى مابيقولوا وفى نفس الوقت مخلص جدا اما بالنسبه لافضل موقف فهو لما ضرب نور وركب مكانه اله الزمن علشان ينقذ الارض وهو مش عارف مصيره ايه قمه التضحية مش كده اما الحاجه الوحيده اللى مش عاجبانى فيه انه اتجوز مشيرة لانها فعلا شخصية مستفزة بجد قمه اللامبالاه وعدم تحمل المسئوليه وتبيع ابوها علشان سبق صحفى بصراحه لما نور بهدلها شويه فى اجزاء العدو الخارق حسيت انه شفا غليلى منها وشكرا على الموضوع الجامد ده ودايما ممتعنا والله السلام عليكم ورحمة الله |
السلام عليكم انا معجبة جدا بشخصية اكرم و فى مواقف كتير عملها لا تنسى زى استعداده للتضحية مهما كانت من اجل الفريق و شجاعته الجامدة و اكتر حاجة بحبها فيه صدق مشاعره و قوتها و وفاءه لمن يحب
و شكرا على الموضوع الجامد |
رائع يا إسلام... رائع جدا.. أكرم من اروع الشخصيات فعلا.. والموقف اللي مابنساه هو صار في ثلاثية (الدوامة-الفجوة السوداء-كوكب الطغاة)..ما بتزكر بأي وحدة بالضبط بس يمكن آخر جزء..المهم لما كانوا بدهم يقتلو واحد من المجموعة اللي كانوا فيها عن طريق إلقائه في فجوة في حمم نار.. فمسك الرمح وقتله بدال مايموت شويا في النار.. جزء قمة في الجرأة... يعطيك ألف عافية...سلام.. |
اقتباس:
العفو يا عوض ...ده من ذوقك بس والله.. أنا مش عارف أقولك إيه...ده كأنك خدت الكلمة من على طرف لسانى.. ده رأيي بالظبط فى أكرم وبالنسبة لمشيرة ..فأنا باكرها كره ...عاوزة تحشر مناخيرها فى كل حاجة فى اللى ليها واللى ما لهاش فيه ...بحجة إن الإعلام حر ولازم تعرف.. بس الصراحة العلاقة بينها وبين أكرم علاقة طريفة جدا وجميلة فى نفس الوقت .. ولا إيه رأيك؟؟ نورت الموضوع |
| الساعة الآن 09:53 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية