انا لله وانا اليه راجعون
 

السلام عليكم ورحمه الله

ماتستغربوش من العنوان لان للاسف الشعب المصرى عايشه لتالت مره

انا لله وانا اليه راجعون

قلناها قبل كده على ضحايا العباره السلام واللى طلع الخطا خطا القبطان وماحدش اتحاسب

انا لله وانا اليه راجعون

قلنا تانى على ضحايا مزلقان مرسى مطروح واللى البيه وزير المواصلات اول تصريح قاله ان ده مش خطاء وزارة المواصلات وكان خطاء سواق النقل اللى مات طبعا وبرده ماحدش اتحاسب

انا لله وانا اليه راجعون

بنقولها انهارده على ضحايا الدويقه اللى ماتوا تحت صخور المقطم اللى من سنه واكتر اناس بتشتكى ان الصخور دى هتقع فوقهم لكن طبعا البيه المحافظ بيقول قلنالهم اخلوا المكان بس هما اللى مامشوش


انا لله وانا اليه راجعون

ياترى بكره هانقولها على مين



انا بقول لكل مسئول فى مصر دعوة المظلوم يهتز لها عرش رب السموات السبع ورب العرش العظيم ويقسم لها وعزتى وجلالى لانصرنك ولو بعد حين


ياترى كام مظلوم دعوا عليكم


اكيد هتعرفوا ............................ولو بعد حين



انا عارف ان الموضوع مش خاص بالروايات المصريه للجيب


بس الواجب مالوش مكان



السلام عليكم ورحمه الله

لا حول و لا قوة إلا بالله
إنا لله و إنا إليه راجعون مسلسل الإهمال و عدم الاهتمام بحياة الشعب و عدم جعل اى اعتبار لها حاجة مش جديدة على الحكومة الناس الغلابة مش مهمين بالنسبة للحكومة ووقت ما تحصل الكارثة اكيد الشعب الغلبان هو المسئول عن اللى حصل له و يا عينى الحكومة قعدت تنصح فيه عشان ما يعملش كده بس اصل هو اللى كان عايز يموت ظلمنا الحكومة
حسبى الله و نعم الوكيل ربنا يمهل و لا يهمل و دم كل برئ و مظلوم بداية من حادث العبارة إلى حادثة المقطم و كل حوادث الاهمال اللى كانت الحكومة هى السبب فيها فى رقبتهم كلهم

حكومتانا دى اجمل حكومة مش مهم الناس تتفرم تحت الصخور ماهيا كدة كدة مفرومة فى العيشة اللى ما يعلم بيها الا ربنا دلوقتى نسبة المنتحرين فى الشباب كبيرة جدا دة راجع للحكومة الرشيدة فى هذا العهد واهم حاجة هو التوريث للحكم واى حاجة تانية فى البى باى وابقى سلملى على الشفافية وحياة ابوك