إيه يا سولي المواضيع الجامدة دي ^_* رأيي يا سولي إنه عادي اللي بيحصل ده .. لما في بلد تحسس الناس اللي بتحكم فيها و دوائر السلطة زي ما بيقولوا إنهم فوق القانون و فوق المحاسبة .. يبقى توقعي أي شئ مش أول مرة تحصل .. يمكن كتير حصلت قبل كدة .. بس إحنا ما حسيناش بيها ليه بقى المرة دي اتقبض عليه ؟؟؟؟ لأن هشام طلعت مصطفى مغضوب عليه من أحمد عز "الرجل الثاني" مباشرة بالحزب و لجنة السياسات .. و معروف قصة عدائهم كان ممكن عدت و انطبخ الموضوع ، و هنروح بعيد ليه يا ستي قضية تبرئة "ممدوح اسماعيل" صاحب العبارة الشهيرة و القاتل لألف من الأرواح البريئة الساعية على لقمة عيشها مش بس واحدة مطربة لبنانية كانت عشيقة للرجل السيد ممدوح اسماعيل اتحاكم بداية بمحكمة الجنح و بلغ الجبروت أن يأخذ براءة و قبلها قضية "هايدلينا" تتذكريها ؟؟؟؟؟ و المتهم فيها هاني سرور .. و أيضا حصل على البراءة عادي يا سولي أصبح هناك من هم "فوق القانون" بس السيد هشام طلعت مصطفى كان حظه سيئ و اختار عدو شرس علشان كدة وقع اللهم لا تسلط علينا من لا يخافك و لا يرحمنا |
اقتباس:
اقتباس:
لا حول ولا قوة الا بالله ممممممممم المشكله ان كل الادله ضده فعلا والله اللي صعبانين عليا اولاده اللي كانوا راسهم ف السما دلوقتي تلاقيهم مش قادرين يواجهوا الناس هو كان فاكر الناس هتوقف جانبه فانصدم فعلا لما لاقياهم بيتخلوا عنه يللا هنقول اييه وتسلم على مساعدتك بالمعلومات تعبناك معانا |
اقتباس:
وربنا يخليكي يا قمر ممم فعلا انا كنت فاكره ان احمد عز هو اللي مدبسه بس المشكله ان الادله كلها ضده اه فعلا ممدوح اسماعيل صاحب عبارة الموت اخد براءة البركه ف المحامين اللي معندهومش شرف طبعا مش كل المحامين كده بس فيه محامين كل اللي يهمهم الفلوس وتسلمي يا عسسل على المروور :d |
العفو اختي سالي دى من الواجب والله .
وبما انك اتكلمتي عن المحامين ، بصي نسبة كبيرة جدا من المحامين نصيبن اسألي مجرب ، يعني عايز اقولك على حاجة وانتي هتعرفي ليه وصلو بالدنائة دي . دلوقتي المحامي اللى بيشتغل في مكتب محاماة تفتكري مرتبه كم ، 200 جنية يا اختي سالى ولو واحد معاه كارنيه استئناف كبيره 300 دى التوب يعني ، تفتكري واحد فاتح بيت وعنده اولاد وبيقبض 200 جنية وشايف صاحب المكتب بياخد ملايين من الشغل اللى هو بيعمله ليه ، تفتكري يعمل ايه ؟ فيه ناس بتسترزق وفيه ناس بتنصب وفيه اللى صابر وراضي على حاله ........... تحياتي لكي |
اقتباس:
الله يكون ف عون المحامين وكل شعب مصر الغلبان ده مش ملاحظ ان مصر دلوقتي بقت متقسمه ل 3 اقسام قسم غني اوووووي وقسم بيسافر بره مصر ويعني حاله كوييس وقسم اللي عايشين هنا غلبان ومرتبه مبيقضيش حاجة يعني تقريبا الطبقة المتوسطه بقت شبه معدومه .. انا سمعت عمرو خالد بيقول ان لو كل واحد بيتصدق عن ماله ومابيكنزش ما كانش حد هيلاقي حد بيشحت او فقير كنت هتلاقي كل مصر حالها كويس بس المشكله ان مش كل مسلم بيتصدق عن ماله ... |
الساعة الآن 12:51 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية