منتديات ليلاس - نكت جديدة جدا

واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان

__________________________________________________
مره ولد ابوه بخيل قال لابوه انا حلمت ان انت اديتنى جنيه.... قاله ابوه : بس على الله يتمر فيك

__________________________________________________
واحد دخل صيدلية وقال للصيدلي إديني حقنة من اللي بتاخدها مراتي.... الصيدلي قال له إسمها إيه؟ قالو مديحة
__________________________________________________

فى المتحف المصرى سأل الولد أبوه ,تمثال مين ده يابابا؟ ,رد الاب : مش عارف يابنى ...... طب صورة مين دى يابابا؟ , مش عارف يابنى ..... طب مين اللى محنطينه هناك ده يا بابا ؟؟ , مش عارف يابنى ..... شوية و أم الولد قالتله: ياواد بس بقى كفاية اسئله تعبت أبوك ........, رد أبوه : ياوليه خلى الواد يسال علشان يتعلم

__________________________________________________
بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ، وعارفه لو جتيني تاني حدق رجليكي المفلطحه في الأرض... راحت له تاني وقالت له عندك مسامير؟؟ قال لها لأ .. قالت له طب عندك سكر

__________________________________________________
واحد متغرب رجع لأهله، وكان اتجوز في الغربة، وربنا اداه ولدين واحد أبيض أشقر، والتاني أسود، فسألته أمه ليه كل واحد من ولادك له لون مختلف، فقال لها: لما حملت مراتي واحنا في المانيا قعدت في البلكونة، فبقت تشوف ألماني رايح وألماني جاي؛ فجه الولد زي الألمان أشقر، ولما رحت جنوب أفريقيا، كانت مراتي حامل في الولد التاني، وقعدت برضه في البلكونة فبقت تشوف واحد أسود رايح وواحد أسود جاي؛ فجه الولد أسود، فقالت له أمه يوم ما حملت فيك قعدت في البلكونة قدام الزريبة، وحمار رايح وحمار جاي فرزقني ربنا بيك
__________________________________________________

عصبي كتب في كروت فرحه
الزفت اللي جاي مايتاخرش
وللي مش جاي في ستين داهيه
والكلاب الصغيره تترزع في البيت
والحق علي الواطي اللي عزمكم

__________________________________________________
واحد ندل فتح مصنع ‏بيبسي وكتب على كل إزازة... الرجاء رج الزجاجة ‏جيداً قبل فتحها
__________________________________________________

واحد بيقول لمراتة : تصدقي جارنا بيقول انه خان مراته مع ستات العمارة كلهم الا واحده بس؟
قالت لة أكيد الولية الرخمة اللي في الدور الرابع
__________________________________________________
واحد صعيدي راح حديقة الحيوان دخل دماغة في قفص الاسد .. فالحارس بيقوله انت بتعمل ايه يا مجنون .. رد الصعيدي :: ايه يا عم هو انا هاكله
__________________________________________________
محشش بيسوق عربية ومعاه أبوه ، أبوه قاله : لف يمين .. المحشش قاله لف انت انا سايق

__________________________________________________
كان فى مرة طالب فاشل دخل الامتحان ميعرفش حاجة فى الامتحان

جات الاسئلة صح وخطا طلع بريزة من جيبة وقال لوطلع كتابة يبقى صح فخلص بعد نصف ساعة لقى زمايلة لسة مخلصوش راح طلع البريزة تانى علشان يراجع
__________________________________________________
واحد صعيدى كان بيتفرج على الاراجوز .. وكان الاراجوز بيقول نكت على الصعايده ..الصعيدى اضايق راح قايم مزعق ايه ياعم الحاج هو مافيش غير الصعايده اللى فى البلد اللى مبيفهموش ... راح الراجل اللى بيرقص الاراجوز طالع من وراء الخشبه علشان يهدى الصعيدى بيقولوا انا اسف يا عمنا ... راح الصعيدى مزعق فيه وانت مالك ياعم الحاج انا بكلم الاراجوز
__________________________________________________

مرة واحد بدوي وواحد لبناني مراتتهم تاهوا في الصحراء فاتفقوا انهم يدورا سوا عليهم فالبدوي سال اللبناني :مرتك كانت لابسة ايه علشان نعرف نلاقيها؟ قالوا:والله هي كانت لابسة تنورة قصيرة وبادي ستوماك وانت شو كانت لابسة مرتك؟قاله:الله لا يرجعها خلينا ندور على مرتك انت احسن!!!
__________________________________________________

واحد راح يعمل اشاعة الدكتور قاله هتلاقى فى اخر الطرقة غرفة الاشعة بباب حديد ادخل و اخلع هدومك عشان تتصور بالاشعة دخل المصعد وداس عالزراروخلع هدومه ولما فتح لقى سيدتان بيصوتوا قالهم ايه المرض خطير للدرجة دى