مشروع حسنات صغير ممكن تتبرع ؟؟؟؟؟؟؟
 

بسم الله الرحمن الرحيم

انا النهارده جايب موضوع والله هو نابع من جوايا شخصيا وده بسبب أن انا أو اغلبنا قاعد ادام النت بأوقات كتيره أو حتي الناس الشغلها علي النت او الناس المقضياها شات زي حلاتي كده وعايزين يعملوا حاجه لدينهم طبعا أانا أولكم في الشات وبرده أولكم في أني نفسي اعمل حاجه لديني انا بالبلدي كده ضربت في دماغي فكرة أزاى نخدم دينا وأزاى ناخد حسنات طبعا كلنا في وقت واحد حنقول أحنا نحط مواضيع في القسم الأسلامي واي حد يقراه حناخد حسنات حقولك جميل وكويس بس انت ضامن كام واحد حيقرا الموضوع أو حيعمل بيه حتقولي لأة طبعا حقولك حلو يبقي تركز معايا هنا في الموضوع ده بالذات .

الموضوع ده عشان مطولش عليكم حيكون عباره عن مشاريع صغيره للشباب خلو بالكم مشاريع حسنات مش مشاريع بتاعت بنوك التنميه والكلام ده يعني الهدف هنا كسب الحسنات اوك . طبعا كله حيقول أوك بس الأهم من ده كله هو التنفيذ عشان خاطر الموضوع ينجح وبعد التنفيذ الأهم هو التسويق وبعد التسويق يبقي الأهم المكسب وده إن شاء الله نحتسبه عند ربنا وطبعا ربنا مبيضيعش أجر حد


فكرة الموضوع أن كل واحد حيقدم فكرة مشروع صغير لو نفذناه ناخد حسنات وهو ياخد علي كل واحد بينفذه حسنات وكل واحد يقدم أزاى ممكن نسوق الفكره دي وننشرها يعني حيبقي كله مشروع حسنات جاريه إن شاء الله

وأكيد أنا لازم الأبدأ

انا المشروع بتاعي حيبقي الصدقه وحبدأه يوم الجمعه الجايه واخدين بالكم يعني كل العايزني اخد حسنات معاه يبدأ معايا في نفس الوقت محدش يخمني ويبدأ قبلي ماشي

كلنا إن شاء الله نقوم يوم الجمعه بعد الصلاه مباشرة بتقديم الصدقه في صندوق المسجد طبعا مفيش مسجد معين كل واحد في الجامع البيصلي فيه

ملحوظة: أنا اخترت يوم الجمعه بعد الصلاة عشان نتصدق كلنا في نفس الوقت أما ممكن اي حد يتفق مع صحابه ويتصدقوا في وقت أخر وطبعا الصدقه في أي وقت انا حبيت اوضح علشان منبقاش عملنا بدعه يعني الغرض أن لما ربنا يبص للأرض يلاقي كلنا بنخرج صدقه وطبعا يا سلام لو مصاحب الصدقه دعاء لأهل غزه .


وتسويق الموضوع ده انا ححاول أبعت رسايل لصحابي علي الموبايل أنهم ينفذوه بعد الصلاه ويبلغوا اي حد يعرفوه



أخيرا وبعد طول كلام أرجو من أخواني في المنتدي فهم الموضوع جيدا والعمل به ولاتنسي أن الوقت سوف نسأل عنه


كلنا فداك يا رسول الله


أرجو انها تكون خطوه تجاه الرسول صلي الله عليه وسلم وردا علي أعداء الإسلام

تسلمي يا اختي علي مشروعك الاكتر من رائع وربنا يجعله في ميزان حسناتنا وبالفعل هي عبادة منسيه او يوجد فيها تقصير كبير وشكرا للتذكره

جزانا وإياكي إن شاء الله

وتسلمي علي مرورك