منتديات ليلاس - لماذا يعتزل د/نبيل فاروق ........قول رأيك فالحرية هنا فعلا للجميع

منتديات ليلاس (https://www.liilas.com/vb3/)

- سلاسل روايات مصرية للجيب (https://www.liilas.com/vb3/f207/)

لماذا يعتزل د/نبيل فاروق ........قول رأيك فالحرية هنا فعلا للجميع

السلام عليكم ورحمة الله وبركاته
أكيد الموضوع باين من عنوانه بس مافيش مشكلة من شوية توضيح .
سمعنا كلنا ان الدكتور نبيل ناوى يعتزل او نقدر نقول انه اعتزل .
طب ليه أعتزل ؟

1- هل هيا ظروف صحية (الله ام اشفه واشفنا أجمعين)
2-هل هيا ضغوطاط رقابية من بعض الجهات واعتقد ان احنا ملاحظين ان اسلوب الدكتور نبيل أصبح فيه حده تجاه النظام شوية فى الروايات الاخيرة
3-أم هو احباط بسبب الفشل المتواصل فى محاولة اخراج رجل المستحيل لعالم السينما
4-ام نضوب الفكره خصوصا بعد تكرا بعد الافكار السابقه

ومش معنا الحصر اللى انا عامله ده ان مافيش سبب تانى لو عندك سبب تانى قوله فاكيد انا معرفوش ويسعدنى انى اعرفه منك .

اول رايك اكيد رايك مهم وماتكتفيش بالمشاهدة فى الاول والاخر احنا كلنا هنا علشان نعرف بعض
وكما قال أرسطو (تكلم حتى أعرفك )

وفى أخر كلامى أحب أقول انى من اشد المعجبين بالدكتور/نبيل ومش معنا ان احنا بناقش الموضوع ده وبنقول أرائنا ان احنا نتدخل فى شؤونه لا طبعا الدكتور نبيل شخصية مهمه لينا كلنا ومن حقنا كمعجبين بيه ان احنا نقول راينا
والاختلاف فى الراى لا يفسد للود قضية

والسلام عليكم ورحمة الله وبركاته

لا اعتقد انة سيعتزل ربما هيا فترة اجازة وبعد ذلك سيعود

اولا شكرا يامير على مرورك وبعد كده اعتقد ان المرة دى هيكون اعتزال فعلا لان الدكتور نبيل قبل كده فعلا عمل النهاية لرجل المستحيل بس رجع تانى وبعد حواره الاخير كان واضح انه مصمم على الاعتزال
وشكرا على مرورك مره تانية

السلام عليكم انا من اشد المعجبات بدكتور نبيل فاروق انا سمعت برضوه انه هيعتزل اعتقد انه فى اسباب كتير اتجمعت عشان كده بيفكر فى الاعتزال زى عدم التقدير و كثرة الانتقادات و المهاجمة بسبب و بدون إلى جانب المجهود الكبير اللى دكتور نبيل بيبذله فى أكثر من سلسلة و اتمنى يكون رأيى أفادك

شكرا على مرورك محبه القراءه واكيد افدتينى بدليل انك لقيتى اسباب انا لم اذكرها
وشكرا على مرورك مرة تانية