|
من هو بطلك المفضل ومن هو فارس أحلامك
السلام عليكم ورحمة الله وبركاته
أولا أحب اوضح ان مش المقصود هنا بطلك المفضل أو فارس أحلامك فى عالم السينما......... لالالالالالالالالالا أحنا هنا فى عالم روايات مصرية للجيب فاكيد هيكون من عالم روايات مصرية للجيب وندخل فى الموضوع . أغلبنا طبعا متابع لسلسلة من روايات مصرية للجيب او سلسلتين من سنين وكتير مننا اتاثر بشخصية او اكتر من شخصيات هذا العالم الجميل . اللى عاوزين نعرفه انهارده انت اتاثرت بمين وانتى مين فارس أحلامك ؟ ممكن تشوفوا ان ده موضوع مش مهم بس من وجهة نظر أخرى هتعرف اللى مابيقراش باقى سلاسل روايات مصرية بالجيب بأبطال هذه السلاسل . ومين عارف ممكن البطل بتاعك يعجبنا ونتابعه ويبقى كسب معجب جديد ابدا بنفسى تانى . الشخصية اللى كان ليها أعظم الاثر فى حياتى هو طبعا (أدهم صبرى - ن-1 - شيطان المافيا-الشيطان المصرى ) فى المجمل (رجل المستحيل) وبالنسبة لفتاة أحلامى منى توفيق أقرب ماتكون لهذا الوصف ومستنى أعرف مين بطلك والسلام عليكم ورحمة الله وبركاته |
اهلا بيك
انا طبعا بطلى المفضل هو نور الدين محمود سلسله ملف المستقبل بالنسبه لفتاه احلامى اعتقد انها مش موجوده فى القصه بشخصيه واحده متكامله يعنى ممكن اخد من كل واحده من الشخصيات حاجه يعنى مثلا فى مشيره جمالها و حبها الشديد لاكرم و فى سلوى حبها و اخلاصها و وفائها و خوفها على نور و فى نشوى ذكائها و عبقريتها ميرسى ليك على الموضوع الجميل و المميز |
انت عامب كوكتيل جميل لفتاة أحلامك tonyrobimho وشكرا على مرورك المميز
|
طبعا أنا بفضل رجل المستحيل..أدهم صبري..ن-1...كلهم اسم لنفس الشخص المفضل عندي.. يعني رجل بمعنى الكلمة.. يسلمو ايديك على المواضيع الجميلة.. |
أكيد طبعا هتفضلى رجل المستحيل يايمان
بينى وبينك انا لو بنت اتمنى اتجوزه ولكن بما انى ولد فانا اتمنى اناسبه بس هههههههههههه شكرا على مرورك |
السلام عليكم انا بطلى المفضل هو نور الدين محمود اما بالنسبة لفارس احلامى اكرم لان فيه صفات كتيرة بحبها فيه زى اخلاصه الشديد للفريق و حبه الجامد اوى لمشيرة اللى بان اوى فى رواية عالم جديد انا اتأثرت خالص بكده شكرا يا عوض على مواضيعك كلها بتعجبنى لان محورها روايات مصرية للجيب اللى كلنا بنحبها
|
شكرا محبة القراءه على مرورك ورايك
بس ماتفكريش فى أكرم كتير علشان مشيرة غيورة اوى |
ههههه ماشى بس الخوف منك لحسن تقول لها هههههه
|
ماتقلقيش انا كتوووووووووم هسسسسسسسسسس
|
عن البطل فهو نور الدين محمود و فارس احلامى هو اكرم
|
طبعا البطل بدون منازع هو ادهومة احم احم دة بينى وبينه
اقصد ادهم صبرى 000الاسطورة وكان نفسى يكون فارس احلامى لكن هكون واقعية شوية فى احلامى ومخليهاش تشطح اوى كدة بصراحة انا بمووووووووووووت فى حسام (ن-2) هو دة فارس احلامى شفتوا انا قنوعة ازاى حتى فى احلامى تسلم يدك على الموضوع اللذيذ يا عوض |
اقتباس:
لالالالالا ياجين ادهومه دلع مش حلو خالص ممكن نقول ( دودى ) ايه رايك اما بالنسبه لفارس احلامك فكده شكلك مابتفكريش فى الجواز ياجين لان حسام خلاص فى الباى باى هههههههههههههههه بس بينى وبينك عاجبنى انه ماراحش وايده فاديه خد واحد كان يعتبر اشرس اعداء ادهم صبرى معاه اكيد عارفه هو مين |
بذمتك رجل فى حجم ادهم يبقى دلعه دودى لو سمعك يقول ايه دلوقتى؟؟ طبعا حسام حبيبى خد معاه موشى ال000000 ولا بلاش لحسن نتعاقب من الادارة ههههههههههههههههههه |
بينى وبينك ياجين لو ادهم صبرى هيكون زى احمد عز زى مانتى متصورة يبقى دودى خاااااااااااااااااالص
هههههههههههههههههه |
لا لا لا 00بقولك ايه000لحد احمد عز وستوببببب
انا بجد مش متخيلة غير احمد عز ادهم صبرى طب لو انت شفت كل افلامه زى ملاكى اسكندرية-الشبح دول اكتر فيلمين حسيت انه ادهم وبعدين فيه كل المواصفات من طول وبنية ووسامة وقوة وانفعال صادق وطيبة و00000000000000000 واكيد مش دودى خالص |
البطل المفضل هو نورالدين محمود
بالنسبة لفتاة الاحلام فانا شايف انها ممكن تكون جيهان صحيح ساعات بحس انها بتتجنن شويه بس بجد بيعجبني فيها انها جريئه و بتدافع عن حبها بكل قوتها ومش بتستسلم سهل شكرا على الموضوع الجميل يا عوض |
اقتباس:
|
| الساعة الآن 06:35 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية