رأيك أيه
 

السلام عليكم ورحمة الله وبركاته
أعضاء ليلاس الكرام وأخص عشاق رجل المستحيل وملف المستقبل ....
عندى ليكوا سؤال وأحب انى أعرف أرائكم فيه


زى ماكلنا الوقتى عارفين بقرب نهاية السلسلتين العظيمتين
هل يوجد كاتب حالى يستطيع الاستمرار فى اصدار السلسلتين ؟ام الافضل ان تنتهى السلسلتين بينما هما فى القمة ؟


وعلى فكرة أنا شايف ان السلسلتين ماحدش ممكن يكتبهم زى الدكتور/نبيل فاروق
ومع ان نهاية رجل المستحيل صدمة ليه بس الافضل انه ينتهى زى ماقلت فى القمه احسن ماحد يشوه الصورة باسلوب مخالف للاسلوب اللى تم بنائها بيه

بس ده رأى والاختلاف فى الرأى لا يفسد للود قضية..................
وياريت أقرأ ارائكوا جايز أراءنا تطول فى عمر السلسلتين شوية
والسلام عليكم ورحمة الله وبركاته

رجل المستحيل وملف المستقبل ابداع العيم نبيل فاروق
ولن يخرج هذا الابداع عنه
انا ارفض بشدة ان يكمل آخر المسيرة0000
وعلينا ان نكتفى بهذا القدر
شكرا على الموضوع awad200

شكرا على مرورك jenhoud

شكرا على مرورك الجميل ايمان ورايك المميز

انا الصراحه مقرتش و مش متابع غير ملف المستقبل فقط


و عن نفسى ارفض ان يكمل الكتابه شخص اخر غير الدكتور نبيل فاروق

لانه له اسلوبه الخاص فى الكتابه و يعرف ابطال سلاسله و طريقه تفكيرهم

و كمان ارفض لاننا احببنا هذه السلاسل من خلال دكتور نبيل فاروق و لو حد تانى فكر انه يكتبها احس انها هتبقى سلطه

وبعدين لكل شئ نهايه اكيد و هذه السلاسل هتفضل ذكرى جميله و خالده


شكرا ليك على الموضوع الرائع

شكرا ليك tonyrobinho على مرورك ورايك

ماتنسوش ياجماعة ان اكيد الدكتور / نبيل له تلامذه كتير فلو مثلا الدكتور نبيل أختار احد هؤلاء التلامذه يثق بقدرته على انهاء السلسلتين دول فايه المشكله بالذات زى ماشايفين كلنا وجود نهايات كثيرة معلقه

انا مش متابعةغير لسلسلة ملف المستقبل بس و زعلت كتير لأنها هتخلص انا رأيى أن محدش غير دكتور نبيل يكتبها عشان احنا اتعودنا على اسلوبه و تشويقه و لو احد كتبها ممكن يجى غيره و غيره و كل واحد يغير مستوى السلسلة و شخصيات الابطال فانا افضل انها تنتهى فى قمتها ( رغم زعلى على انتهائها ) افضل من انها تستمر مع كاتب تانى و ينزل مستواها و كمان حاسة انها بقى ليها طابع نبيل فاروقى مش ممكن حد غيره يديه للسلسلة شكرا على موضوعك الجميل

شكرا محبة القراءه على مرورك الجميل ومنورة مواضيعنا دائما ان شاء الله

السلام عليكم انا بعتقد انه جاء الوقت لانهاء تلك السلسلتين وذلك بقرار الدكتور نبيل في الاعتزال اما بالنسبه موضع كاتب اخر فلا اعتقد انه هناك كاتب يستطيع كمال ذلك العمل لان الدكتور نبيل له اسلوبه المميز والمعروف وانه يعيش الشخصيه بكل جوانبها وهو وحده الذي يستطيع انهائها

وانا بتفق معاك معاك فى الكلام ده بس ياترى لو تم فعلا الكتابة باسلوب تانى هنقدر نتابع السلسله على انها لنفس الشخص ولا هيكون كاننا بنقرا عن شخص تانى

وشكرا على مرورك

بصراحه لا اعرف ما هو احساسنا واحني بنقرأ القصص باسلوب تاني بس اكيد هنحس باختلاف
وشكرا

طبعا فى الاول والاخر مافيش غير أدهم واحد
شكرا على مرورك