|
مش ممكن اقبل اكون بديل
السلام عليكم و رحمه الله و بركاته اهلا بيكم يا ليلاسين وحشتونى من فتره مدخلتش المرسى موضوعنا انهارده زى ما العنوان موضح لو فى شخص بيحبك عشان انت فيكى نفس مواصفات حبيبته اللى افترق عنها ممكن فى الشكل و الملامح او صفاتك قريبه منها و بيحبك بس عشان انت بتفكريه بيها و بيحب فيكى الصفات اللى كانت فى حبيبته و انت فى نفس الوقت بتحبيه جداا و عارفه انه قرب منك لانك بتفكريه بحبيته فى الحاله دى ممكن تقبلى انك تكونى بديل ليها لانك بتحبيه ؟؟و الحياه بينكم هتبقى ازاى ؟؟؟ و لا كرامتك و كبريائك مش ممكن يخليكى تقبلى تكونى بديل ؟ اتمنى ان الموضوع يعجبكم و الاقى تفاعل |
اهلين توني .. موضوع حلو وجاء على وتر حساس عند الاغلب شوف انا لو انحطيت بده الموقف كرامتي الزم عليه لان هو ماحبني عشاني انا لا عشاني بشبه حبيبته وده في تقليل من قدري انا فحتى لو امووووت من دونه راح ابعد عنه وهو يروح يدورله على وحدها تشبها تقبل تكون حبيبتها الضائعه سلامي |
مش عارفة بجد ياتوني الموضوع بحاجة لتجربة فعلا لكن لما تخيلت نفسي في الموقف ده حسيت ان الحكم في المسألة حيكون مقدار حبي أنا ليه بمعنى إذا أنا فعلا إتهببت وحبيتو بجد فالخايب اللي بيدق بين ضلوعي مش حيخليني أسيبو حتى لو كانت لهفتو علي بسبب ذكرى وحدة بس لو كنت عادي حبي ليه من فئة ( ج ) يعني مش أوي فطبيعي حتلكك وححس إني شعورو لي مش كامل وحسيبو والرأي الصح ياجماعة من وجهة نظري واللي نفسي أعملو ساعتها إني أسيبو في الحالتين |
اولا ازيك يا تونى يا جامد جدا خالص مووووووووت طحن ....!!!!!!!!!
بالنسبة ليا ممكن يكون رأيى مبالغ فيه شوية بس صدقنى انا حاسة ان ده هيكون موقفى فعلا اعتقد انى لو فعلا بحبه جدا يبقى فكرة انى اسيبه دى هتكون مرفوضة تماما على الاقل فى البداية او تقدر تقول انها مش هترد على تفكيرى اصلا..... وبعدين هوا ممكن يكون فى الاول حاسس انى بفكره بحبيبته او انى شبهها لكن كلنا عارفين انه مفيش شخصين متشابهين تماما واكيد لو قدرت اصبر يبقى بالعشرة هيكتشف الفروق وهيعرف انه غلط لما اعتقد انى شبه حبيبته المشكلة انى ساعتها هكون فوقته من الوهم ده بس اتحطيت انا فى موقف اصعب...!!!!!!!! لانه ساعتها ممكن يكتشف انه مش بيحبنى ودى هتكون كارثة على دماغى اما لو قدرت انى اخليه يحبنى فكده انا فزت بحبى وانتصرت على شبح حبيبته اللى كان مسيطر عليه... ممكن اكون ببالغ بس صدقونى انا مؤمنة بكده........ |
اولا انا اسف ليكم على التاخير فى الرد لانى بجد كنت يأست من الموضوع
و كمان لما عرفت ان فى رد كل لما ادخل تحصل حاجه :lol: سورى لكم و بالاخص لست ادرى اقتباس:
الموضوع شكله فعلا جه على وتر حساس بدليل ان مفيش حد رد غير 3 و انا كنت حاسس ان الموضوع ده هيكسر الدنيا و خصوصا ان فى ناس كتير بتتكلم و بتفهم فى الحب موجوده لكن للاسف ممكن يكون الموضوع فعلا حساس جداا اذن انت يا دلوعه بتختارى الكرامه عن الحب و ده كويس بيدل على انك قويه ميرسى ليكى يا دلوعه على المرور و الرد |
| الساعة الآن 10:36 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية