منتديات ليلاس - اسهر معي ليله

مرحبا لكل المتابعين لقصتي وتحياتي للمارين عليها وسلام خاص للاخت (( قال الزهر اااه )) ونقول لها سنرجع يوما ...وقبلات محبه لكل من ...الم وجين ودبدوب وايمومسا فيوري ,,, كل المتابعين

عذرا على تأخير لبارت اللي كان جاهز من مدة بس الموقع كان مايطلع عندي وماعرفت اطلعه ...اتمنى هالبارت يعجبكم وتحياتي للجميع
إختـلفنا مين يــحــب الــثـــانـــي أكــثــر,
و إتـفــقـــنــا إنـك أكــثــر و آنـا أكـثـر,
من عدد رمـل الصحــاري و من المطر أكثر و أكثر.

كـيــف نـخــفـي حـبــنـا و الــشــوق فـاضــح,
و فــي مــلامـحـنـا مــن اللـهــفــة مــلامــح,
عاشقين و نبضنا طفل حنــون لو تزاعلـنا يسـامح,
و الـــــهـــــــوى شـــــي مـــــقـــــــدر,
إختـلـفنـا مــن يـحــب الـثـانـي أكـــثــــر...

الحلو في الشقه ان السبوت لايت بثلاث الوان (( اخضر وازرق واصفر )) يعني الصاله وقت المغرب ولما تكون الشبابيك مفتوحه والبحر هايج يحسسني بجو رهييييب واللاضاءه تلعب دور وتوديني بعيد وشوية سوفت ميوزك وخلاص.....احس ان الارسال انقطع عن العالم الخارجي...حسيت اني مابي اتعب نفسيتي بالصراخ والمحاسبه ومحاولة كشف غموض موضوع لو نحسبها باالمنطق مايهمني لان علاقتي بمحمد لازالت صوريه وماتتعدى التسالي ..........صج انه حنون ويعرف يهتم بالمراة ويعاملها زين بس يظل فلتان وعيونه طايره ويتبجح بان العين تعشق كل جميل ويؤكد انه حتى لو تزوج عن حب مستحيل انه يمنع عيونه من الاستمتاع بس احتمال كبير انه يكون وفي ....................عموما انا جهزت شغلات بسيطه وورد وشموع وشوكليت من توكا دي وكوكتيل جاهز بس طبعا بقول اني انا اللي مسويته وبعد دقايق وصل محمد !!!!!!!!!!!!!!!!!!!!!!!!!!!!!
بصراحه تعجبني نظرات الدهشه والعجب بويهه .........مادري ليش احسه مثل الياهل اللي يتفاجا بحلاوة من ابوه وهو راد من الشغل طالعني بفرح وقال لي شصاير ....قلت له : وولا شي بس حبيت اسوي لك شي حلو
محمد: ليش يعني
ضايقتني الكلمه ...محمد دايما يلمح لي باني مستحيل اسوي لحد شي بدون ماكون ابي مقابل واحسه مهيء نفسه لاي شي....مو مهم عند محمد شنو المقابل المهم انه يكون سعيد وساعات احس ان ضميري يانبني لانه يدري اني ماسوي له شي الا بمقابل
........عموما ابتسمت بويهه وقلت له الحين مو وقته ليش وعلى ايش خلنا نقعد شوي ونسولف ....محمد قعد وقرب يمي وظل يكلمني عن استثماره لمجموعه من الشقق مع واحد من الهواميرر وانه لو صار اللي في باله بتكون حياته بتتغير 180 درجه وعقب ما اكلنا وسولفنا حطيت الصوره بشنطته السمسونايت اللي كان جايبها معاه وطلعنا .................................. بالليل اتصل فيني محمد وسالني
محمد: من وين لج هالصور لولو
: من فاعل خير
محمد: وليش حطيتيهم بالشنطه
:علشان اعرف شقصدك من هالصور
محمد : تظنين اني انا اللي طرشتهم
:اللي اعرفه انها صور خاصة وانه محد يعرف شي عن علاقاتك السابقه ولا كنت بسهوله بتهم بنت خالتك المراهقه
:اولا علاقاتي االسابقه هي زواج شرعي مو شي اخجل منه ...ثانيا ...مو من مصلحتي اني اخرب علاقتي معاج مادمتي مريحتني ....ثالثا انتي تدرين ان عادل بعد يدري
لولو:........................................... ورابعا
محمد: انا ما مزح لولو
:وانا بعد وعموما ولاشي من الللي قلته يهمني ...بس اللي ابيك تعرفه ان اللي بيننا زواج مصالح ...والغيره مو من ضمن الاتفاق....................... ولو عدتها مرة ثانيه بعتبرها محاوله للتقليل من شاني..................... وهذا شي ماحبه ومابقبله ابد
محمد:انتي اكيد مينونه علشان تظنيني فاضي لهالعب ..ولو كنت فعلا مهتم باللي شفتيه ماكنت اناقش واستفسر كنت نفذت على طول
لولو : شقصدك
محمد:قصدي انج للحين ماتعودتي على انج تكونين بره دائرة الاهتمام ولو حبيت اقلل من شانج ..مابتعب ولا بحتاج صور ...العملي ابرك
: انت فعلا قليل ادب

وصكيت التلفون بويهه ونزلت الحديقه اشم هوا ....وايد احس اني محتاجه لفريش اير ....كانت الساعه تقريبا 11 وكنت بطلع انام خصوصا واني حسيت بالبرد وبيجامتي كانت بيرمودا قصيره وايد واحس البرد يقرص جلدي ...دخلت البيت ورحت على المطبخ اشرب لي شي دافي قبل لا انام ...........دورت عالشكر ماكان في الخزانه ناديت الشغاله كيمو تجي تدوره لي وماكانت ترد صرخت مره ثانيه كيموووووووووووووووو وين الشكر ...ومن شباك المطبخ اللي يطل على الحديقه كان راس محمد يطل وهو يقول
: ليش محتاجه شكر ويدج موجوده ؟؟
في البدايه صورعني صوته وخصوصا اني ماني متوقعه دخلته هالوقت وبعدها انتبهت للبيجامه القصيره اللي تقريبا مكشوفه عند الصدر والظهر وحسيت اني ارجف من نظراته وتسمرت بمكاني وهو كان متجمد ويطالعني بطريقته الاستفزازيه من فوق لييييييييييييييي تحت ....طالعته بقهر وقلت انت ماتيوز عن حركاتك هذي
محمد : وليش ايوز ؟؟؟ ومنو من عقبي بيقدر هالجمال ....وشلون الواحد يشوف لبسج هذا وما يقرر (((..............)))
لولو : انت فعلا اوقح انسان عرفته بحياتي

: وانتي احلى مينونه عرفتها بحياتي
:طلقني
: اوكي
: يلا شتنطر
: لولو ............ انتييييييييي.....
:قولها مابهتم وايد بخسارة واحد فلتان مثلك
:اوكيه ليلى .....انتي .!!!!!((كنت انتظر الكلمة ومادري ليش قلبي يرقع مثل الطبل )) وفجأة قال : انتي شنو تبين اثبات علشان تصدقين انه مالي اي علاقه باللي حط لج الصور
سكت وماقلت له شي ...فرد علي بهدوء وقال
:سواء صدقتي هذي او لا ..........انا لو شفت احد يبي يجرح احساسج يمكن انسفه ...شلون تتوقعين اني اكون انا اللي يهينج ويققللل من قيمتج
:ممممادري
: اوكيه حياتي خلينا نتفق ...في احد يهمه انج تتضايقين ويهمه انا مانكون مع بعض
: بنت خالتك
: بس
: اي بس
:لا في بعد .................ولد عمج المحترم
: ممماعتقد
:ليش ماتعتقدين ؟؟
: اهو مايحبني
: وبعد مايحبني
:بس انت رفيجه
: البزنس مافيه اصدقاء وحاليا انا وهو تقريبا اعداء
: والحل
: الحل انج ماتنزلين لمستوى هالصور وغيرها وانتي تدرين انه صاحبتها متزوجه وموب في الديره...اوكيه
:اااااااااووككييه!!
: والحين حياتي قولي لي ليش هالقعده الحلوه اللي صارت اليوم
: انت تظن ليش
: بتسافرين ويا شغلج قريب وتبيني اكون معاج
:لا
:تبيني ااشتري لج شي
: لا لا
:انتي قولي اللي تبينه وعديه تنفذ
مادري شاقول له بس ماعندي اسباب اكثر من احساسي بانها ممكن تكون اخر مره تجمعنا فيها هالشقه وحبيت اني استغل كل لحظه فيها علشان اعيش احساس الللللللللللللللل!!!!!! ال شنو ....ياربي معقوله يامحمد اني بديت اميل لك وابي اعيش معاك احساس الحححححححححححبببببببب
مادري !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!
:ماعندي اسباب حبيت اتسلى وانتهى الموضوع
:ياريت دايما تتسلين جذي وعموما انا اشكرج على كل شي .....
وقرب ني شوي وانا كنت ابعد وكلما قرب بعدت وما صرت لاصقه بباب المطبخ حضني ,,,,,مممادري ليش ابي العالم يوقف وما تنتهي هاللحظه.....كان هاديييييييييي......ومرتاح .........ورقيق...قال لي وهو يتنهد
: تدرين اني احس كل هم الدنيا زال عني بهاللحظه
بعدته وكأن صوته صحاني وقلت له
:يلا عاد لا يجي احد ويشوفنا جذيه
: ليش احنا شمسوين ....مخطوبين وووووووووووو
: يلاعاد تصبح على خير
راح محمد وانا الاحاسيس داخلي تتخبط وكاني ضايعه وراسي يدور ...احسن شي اروح انام وارتاح وباجر اقدر ارتب افكاري

محمد وكانه عنده احساس بالذنب لاني تضايقت في الايام اللي عقب صار مايفارقني ويقضي شغله كله بالتلفون الا اذا كان مضطر لمعاينة موقع او خريطه ماذكر بحياتي كلها انه في احد تفرغ لي كثره ...كان يوديني الملاهي وعلشان احصل اكبر دبدوب كان يدفع للهندي مبلغ كبير ويعطيه كره ثقيله تطيح العلب بسهوله ويفوز بالدبدوب ...هالريال مافي وسيله عنده ماتبرها الغايه ...له اخطاءه الكبيره بس هم له حسناته كنا نقضي الايام كلها واحنا ندور ونطلع ونتسوق وماكان يغلي علي شي ....................................مره استاذن وخلاني بالفلم وطلع يسوي مكالمه يقول انها مهمه وتاخر فطلعت اشوفه كان يكلم عادل بالتلفون ويسبه وقال له : انا ادري ان هالحرب بيننا سببها انك مانت قادر تستوعب انك خسرتها
معقوله يقصدني وظل يتكلم بدون ماينتبه لوجودي وراه وقال
: سواء كانت قانونيه او لا ....اطلع منها وماحد بيطلب منك شي
ورجع يقول له :
: انا حر ياخي ....... ومالك شغل فيني حتى لو كانت صفقاتي مو قانونيه ...............خل القانون لك
شللي مو قانوني وشقاعد يقول محمد ........رجع يقول
: انا بنفصل عنها بشرط واحد ........تقول لي بلسانها انها ماتبيني وتحبك
وظل يصرخ بالتلفونوهو يقول
: هالحجي تقص فيه عليها وعلى ابوها بس انا وانت رياييل وعارفين ليعض زين وحسيته بيصك التلفون فركضت داخل لصاله وانا قلبي يدق بقوه ويلست مكاني انطره ولما وصل كانت عيونه طالعه من ويهه وشكله معصب وجنه بينفجر وسويت روحي مادري عن شي وسالته شفيك شللي اخرك ,,,,,,,,,,,,,,كان شارد وسكت عني ولما انتبه قال
: ها ...لا ما في شي ...شغله مهمه وحبيت اتفق على تخليصها باقرب وقت
: شكلي معطلتك وايد عن شغلك
: لا
: اذا تبي نمشي.........!!!
: ايه ...يلا .....................مسامحه لولو بس تراني تعبان حدي
اخذني محمد البيت ومخه ماكان معاي كان ضايع حتى لما حطيت شريط محمد عبدو كانت عيونه مركزه عالدرب ومو منتبه لي ولا لكلمات الاغنيه ...صرت اغني ويا الشريط ...حاول تحس بلوعتي ليله ....اسهر معي ليله ...حاول تحس بلوعتي ليله .......... مادري شللي صار وخللاه ينتفض مثل المارد وضرب بريييييييييك قوي وفر السياره عالرصيف ويودني من ذراعي وصرخ فيني
: انتي شتبين بالضبط ؟؟؟؟؟ومنو اللي قال لج انه سياسة الصد ساعة والجذب ساعة تنفع معاي ولا انتي وهلج حابين تلعبون علي وتسووني مطنزه ....اذا مفكرة اني فعلا دايب بحبج لدرجة تسخرين فيها مني فانتي غلطانه وصدقيني ....الوقت اللي بقرر فيه اكون حازم بيكون قاسي عليج ويمكن تتمنين الموت ولا تعيشينه سمعتي؟؟؟
لولو: انت شقاعد تقول محمد ...وخل دراعي انت تعورني
انتبه محمد انه فعلا ضاغط بقوة على ذراعي وابتدت اظافره تبين واضحه بجسمي فبعد يده ومشى بالسيارة وهو ساكت وصك شريط ممحمد عبدو.......... لما وصلنا البيت نزلت وماسلمت عليه حتى ...مسك يدي وكانت عيونه تترجاني وقال
: سامحيني
قلت: روح ارتاح وباجر ممكن تفهمني اي شي
:اللي لازم تفهمينه اني اسف ومادري شللي خلاني اتصرف جذي
: اوكي محمد روح .....تصبح على خير ..............وما نطرته يرد ومشيت
اللي حاصل انه محمد وعادل بينهم مشاكل ,,,,,وانهم حاطيني بنص مشاكلهموانه عادل يهدد محمد وانه محمد مايبي يتركني ........ يعني شنو .................يعني شنو ياربي
رحت مكتبي ثاني يوم ولقيت ظرف مثل الاولي بالضبط ومكتوب عليه (((الى من يملك ذرة كرامة ...ولست منهم )))فتحت الظرف وكان فيه صور اسوا من اللي قبل .......حسيت انه الموضوع استفزازي ؟؟انا يعني حتى لو ماحبه موب عدله اتعرض لمهانة مغامراته السابقه في كل لحظه ............شلت حالي مباشرة ورحت لعادل .....لما شافني ابتسم ورحب فيني وطلب لي عصير بدون مايسالني حتى ....بس انا مانتظرت وحطيت الظرف على مكتبه وقلت له
: شنو تقصد بهذا ؟؟؟
فتح الظرف جنه اول مرة يشوفه وقال لي عقب ماطالع الصور
: ماقصد شي
لولو : ماتعودت اشوف هالاساليب منك عادل
: ولا بتتعودين لانها مو اسلوبي
: تبي تفهمني انه مالك دخل بالموضوع
:مابي افهمج شي
: عادل انا سمعتك تكلم محمد يوم خطوبتنا عن زواجه من قبل
: سمعتيني !!!.............ومع ذلك قبلتي تكونين زوجته
:انا ومحمد متفاهمين من هالناحيه
: وليش مهتمه بهالصور مادمتو متفاهمين
: لاني مابي احد يتدخل في شئوني حتى لو بيفيدني
:انت حرة يابنت عمي بس مابيني وبيبن هالموضوع رابط
: الا في ....انت ومحمد علاقتكم متدهوره وابي اعرف ليش وشنو اسباب الخلاف وشدخلني انا بالموضوع
: اللي بيننا بزنس...ومافي شي اسمه خلاف ووفاق الشغل شغل ومالج اي دخل بالسالفه
: عادل.................ممكن اطلب منك طلب
: نعم
:تكفى لا تأذي محمد حتى لو كنت شايف عليه شي ...........
سا عتها حسيت عيون عادل بتطلع من ويهه من كثر نظرات الاحتقار وقام من مكتبه وقرب من الكرسي وقال لي
: اللي بيني وبين خطيبج موضوع رجال ومو من الرجوله انه يدخلج في الموضوع
ليلى : انت شقاعد تقول محمد اساسا مايدري اني جايتك..وانا بعد غلطانه لما جيت ...واضح انه عنده حق بكلامه وانك فعلا ...................
: اني شنو
: انك ريال والنعم واني غلطانه لما تدخلت بين الرياييل واسفه لاني ظنيت اني مثل اختك وعموما ماعتقد اني بكررها مره ثانيه حتى لو احتجت لك ياولد عمي يالطيب
مادري شلون قلت هالحجي رغم اني كنت ابي اسبه واصفعه على عينه بس الظاهر انه جاب نتيجه وانا كنت ماشيه مسكني عادل من يدي وقال لي
: مسامحه يابنت عمي بس انتي غاليه علي ومابيج تطلعين زعلانه ..............وكان الصوت من ورانا احنا الاثنين
: لا والله وتعرف تراضيها بعد
كان محمد والنار تشتعل في عيونه وشكله بيرتكب جريمه .طالعته بهدوء وقلت
: محمد انت فاهم غلط .انا هني لانيييييييييي....وما انتظرت وايد الا الكف طرررراااااااااااخ على ويهي
كان يشهق والغضب بعيونه وهو يقول طلعي من هني وبعدين لي حجي ثاني معاج
:كنت بتكلم وانا معصبه وشوي مسكني من كتوفي وهزني مثل مايهز ياهل ...كنت صغيره بين ايدينه وعادل يحاول يخلصني من ايدينه وهو يصرخ على ويسبني ويسب عادل
(( انا اللي غلطت من البدايه لما ظنيت انج ممكن تتغيرين وتصيرين محترمه ...اللي تعودت مثلج على المسخرة وهي مسافره مستحيل تتغير وتصير عندها اخلاق ....حنيتي لقصة حبج مع هالحقير وجيتي تلعبين معاه من ورا ظهري يالخسيسه ))
عادل لحد هالكلمه كان يحاول يهدي الوضع بس مع اخر جمله نطقها محمد تغير لونه ومسك محمد من جيب قميصه وعطاه كف طيحه بالارض وقال له بغضب ....علاقتك معاها ماتهمني بس شرفها عندي اهم من دمك ياحيوان
وصرت انا بينهم مثل المهبله
وهما الاثنين ماسكين بعض وتجمع بعض الموظفين من مكتب عادل يفجونهم

كنت ابكي من الللي سمعته محمد قال لي كلام عمر ماحد قاله لي وظن فيني واهانني وسبني والكل شاف وسمع وانا اللي كنت ابي ادافع عن كرامتي من سالفة الصور ...صار لازم احط حد لكل شي