منتديات ليلاس - اسهر معي ليله

تحياتي للجميع وسوري عالتاخير ..تراها العشر الاواخر من رمضان .مع محبتي زززززززززوورووووووووو

خذ يابحر كل ماتبي
اللولو والمرجان والثوب الحرير
بس رجع المحبوب
طول في السفر

يومين مرو وانا ادور عليه ...... ماخليت ربعه ولا احد من هله ولا مكتبه ولا اي انسان احسه له علاقه معاه الا واتصلت له علشان اعرف وينه ....محمد اختفى !!!!
هاليومين مرو علي مثل الكابوس دموعي ماوقفت وماذكر شنو اكلت فيهم اساسا من له نفس ياكل وحالي مخلي ابوي وامي تعبانين وهم يحاتوني ...ومالي نفس اشوف احد ولا اكلم احد مادام محمد غايب ...عمري ماحسيت بتاثير احد على حياتي لهالدرجه ...عمري ماظليت احاتي غياب احد مثل ما حاتيت غياب محمد ...حتى سالم اخوي لما سافر ماهتميت واتاثرت بهالطريقه وينك يامحمد ....وينك ياكل عمري .....
امي دقت باب حجرتي ونادتني ....
:نعم يمه
: حبيبتي ولد عمج هني يبي يكلمج
: مابي اشوفه
: يمه اهو بعد يدور عليه ...تراهم ربع
: اي ربع يمه ...عادل مايهتم باحد
: عي هالحجي يمه ...ولد عمج ياي وعنده اخبار عن محمد
: شنو محمد ......خليه ينطر ...انا الحين نازله
ونطيت من سريري مثل المقروصه ورحت بسرعه للصاله وهناك عادل كان قاعد مع ابوي وشكله مايريح...سلمت وعيوني مركزه عليه ابي اعرف شعنده ..........طالعني وسالني عن اخباري ...كنت اجاوب باسلوب ...يلا اخلص وخبرني اللي عندك...وهو كان يتكلم ببطء ...مادري ليش احسه كنه من الفضاء ...من كثر ماهو بطيء ويعل القلب .......................لما شفته يتكلم وانا قلبي يعورني ابي اعرف شعنده قلت له
: عادل شللي تعرفه عن محمد
: انا !!! بصراحه.............ممممممممم... مادري ...شاقوووووول .......بسسسسسسسس
: اوهووووووووووو. اخلص بتسبب لي جلطه وانا ناطره تتكلم شللي تعرفه قوووول
:انا ..ابي ...اقول !!!!! وكان يشيل النظاره من على عيونه ويمسحها ويرد يلبسها وساعتها بس خلاص ماقدرت اتحمل وصرخت في
: انت شفييييييييييك ...محمد صار له شي .؟؟؟؟؟؟ تكلم .....لا عادل حرام لاتقول لي ...انه صار له شي...انا يمكن اموت عادل
: الاعمار موبيدنا
: ماااااااااااااااات ........وليش انت اللي جاي تخبرني عادل .................معقوله انك سعيد بموته ...............انا ماحبك .......... اكرهك يارب انت اللي تموت لان محمد مابيموت ومابيخليني بروحي .....اطلع من بيتنا ...........وكنت ارجف مثل المينونه وانا اصرخ عليه لدرجة حسيت انه بيدمع من منظري وقلت له اطلع مابيك تشوفني منكسره وتشمت فيني ....انت السبب انت اللي اذيته ......كل هذا علشان تنتقم منييي .....والله ان اللي صار ما يستدعي كل حقدك ...انت ليش تتصرف بهالطريقه ..................محمد ماله ذنب ....عاقبني انا مو تاذي محمد .....................وظليت ابكي بالم وحسره على حالي وانا ماني مصدقه ,,,,وعقب دقايق وقف عادل يبي يمشي وقال لي ..........
:.اللي صار انه زوجة عبدالله رفيج محمد اتصلت فيني
:زوجة عبدالله !! شتبي
: تبي تعرف ااذا في رقم ثاني لموبايل محمد لانه طلع مع زوجها من يومين البحر وللحين ماردو وصار لها مده تتصل عليهم مايردون لامحمد ولازوجها
: يعني اهو عايش .محمد بخير ؟؟؟
: انا مادري عن هالشي بس شكلنا لازم نبلغ خفر السواحل ....غيابهم يومين مايطمن
: شلللللللللوووووووون يييييعنيننني ...مممكن انه محمد يكون صار له شي ببالبحر
: هذا اللي لازم نعرفه .....وانا يابنت عمي حتى لو كنت اكرهج ....مستحيل اضرج ولا اضر اي شخص يعز عليج .....ومحمد اخو حتى لو صار بيني وبينه شي ....بيظل اخو ومستحيل افرح لو انضر
ماكنت مهتمه بتبريرات عادل .كل اللي يهمني الحين اعرف شصار لمحمد ...........ووينه في ....يارب يكون سالم وبخير .............محمد ياكل عمري ........تكفى لا تخليني
ورحنا على خفر السواحل وظلينا معاهم ليمن طلعت دورياتهم على السواحل يدورون ...كلي امل يامحمد انك تكون حي وسالم
............................................................ ............................................................ ............................................................ ............................................................ .......اليوم رابع من اختفى محمد .......الساعات مثل النار تمر على راسي وقلبي يعورني واحس اني بمووووووووووووووووووووووت والله تعبت يامحمد ........انا استاهل كل اللي يصير لي ,,, وايد غرتني الدني ...........وياما مرت علي الايام وانا ماهتم الا بحالي والحين صار حالي اخر اهتماماتي ...........ارجع ياحبيبي تراني احس الموت قرب مني وانت غايب ..........كانت دموعي ماتوقف .....ماخلينا مسؤل بخفر السواحل مارحنا له انا وعادل ..وبصراحه عادل ظل ملازمني طول هاليومين ويحاول بكل جهده يوصل معاي لنتيجه لهالبحث الشاق.....واخرتها ...ابتدو يقللون دوريات البحث وقالو لنا انه دوريه وحده بس اهي اللي بتظل تدور لحد نهاية هالاسبوع بس وعقبها ((( انا لله وانا اليه راجعون )))) لما قال جذيه صرخت مثل المذبوحه وقمت اهاوشه
: انتو شلون توقفون البحث............مضيعين حيوان !!!؟؟؟ هذا ادمي له اهل وعنده ناس تبيه يرد ...انتو صج بدون احساس ولا ضمير ...كانت مرت عبدالله منهاره وهي تسمع كلامهم ....بس مادري من وين تجيب هالصلابه ...كنت اروح وارد واصرخ واسب واهي تبكي بصمت ساعات احس اني صغيرة جدام هالناس اللي مثلها واحس نفسي ابي اتعلم منهم اشياء ماعلمني اياها لا الزمن ولا الاهل ................................ بكيت لما خلصت دموعي .....احس محجري ناشف وماعدت اقدر اتحمل ..........انهرت صرت اصرخ مثل المينونه وقمت اسبهم واقول حجي مو مفهوم
: خلوني انا ادور عليه ......ردوه لي قولو له اني باسوي كل اللي يبي .......مابكلم عادل ولو شفته بمكان مابقرب منه وحتى بيت عمي ماروحه واحبس نفسي بغرفه ماشوف فيها غيرك ....لا محمد تكفى لا تروح ....خل يشوفونك ويردونك لي ......انتو ياللي ماعندكم رحمه .............................. محمد عايش وهو هناك ينطرني ادور عليه والاقيه ....تكفون لاتوقفون بحث .......انا بروح معاكم البحر ادور عليه ....محمد .....محمد .,........ محمد ....اهيء...........اهيء ........انزين ضيعوني انا في البحر ولاقوه ..محمم.محم...........محم.................................... ............................................................ .....وانهرت وصرت بدنيا غير ....وفي هالدنيا تمنيت اني اموت ومارد بدون محمد

صحيت الصبح وانا اتمنى يكون حلم كنت بالبيت وكانو الناس وايدين بالبيت والكل لابس اسود وامي تبكي وتكلم وحده ماعرفها وتقول
: والله هالبنيه مادري ليش مالها حظ ؟؟؟؟
شصاير ....ايقولون محمد مات ...........اليوم خامس من غاب...........والحريم هني يبكون على حالي وانا مابي ابكي .....ليش ابكي ......شغلت شيرط محمد عبدو بصوت عالي علشان ماسمع صراخهم وخليت اغنية الفجر البعيد وظليت اعيد وياه ..........نامت عيونك نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني

وآآآآآآآآآآآآآه ..... آآآآآآآآآآآآآآآه
أنا حروفي في غيابك
لا هي حكي ولا هي قصيد
أكتب الظلمة وأعيد
وإنت يالفجر البعيد .. نامت عيونك

إسهر معي ليلة
وبكيت .......ظليت ابكي عمري اللي ضيعته بدونك يامحمد ...وعمري اللي ماله معنى بدونك وصرت اقول بغصه والالم بحلجي يذبحني .....اسسسس...ههههه...رررر...ممممم....ععععع......يييييي.....ل للللييييلللللهه.....وووحححححااااوووولللل .......تتتتتتحححححسسسس........بببلللللوووعععتتتتيييي.....
.......شي داخلي دفعني اقوم وطلبت من امي تخليهم يمشون ..ليش يجون يبكون و احنا ماتاكدنا للحين انه ؟؟؟؟؟؟؟
قلت لهم بصوت عالي ....انا مابي بكي ودموع .....محمد بيرد انشاللله ومافي داعي نستبق الامور...........كانو يطالعوني وجني مو طبيعيه .....او يمكن مفكريني مينونه ..............مو مهم المهم يمشون ........بس ماحد منهم تحرك او مشى ........ساعتها انقهرت ورحت لشريط القران اللي حاطينه وسكرته وقلت لهم بصوت عالي وبصراخ ............................. الزياره انتهت................امي مسكتني وهي تبكي وتقول لي ......زيمه بس خلاص محمد ........مات ...................احس ان الكلمه كبيره ..لا لا ..وصرخت وقلت لهم لاااااااااااااااااااا......محمد بيرد ..و ماني مصدقه الا لين يجيبون جثته ....ومستحيل قبلها اقول انه مات
الكل طلع منن البيت ..............وبقيت عند ابوي بغرفته .........ابوي صار الهم عنده مثل الاكل ........اول .سالم .وبعدين انا ..وبعدها يوم رديت ......راح خطيبي ..........وحالي مخليه تعبان .بس يايبه سامحني ماقدر اغير شي من
الهم ...................
اليوم بس بيكمل محمد اسبوع على غيبته ............مابي شي ..........صرت مثل الشبح ........لوني راح........وصرت مابي اكلم احد .وزادت عندي التخيلات ...........بكيت وفكرت يمكن بديت اين ...........ساعات اشوف محمد طالع من حجرتي وشايل فوطه وداخل الحمام ويصفر باغنية الييسا .............ومرات اشوفه قاعد يمي ويسالني عن شواربه اذا كانو خط واحد ولا مبهدلين وساعات يحضني ووووووووووووووووووووووووو.................بس احس نفسي قربت اين ...... لا انا فعلا مينونه ..اطالع روحي بالمرايه.ادور اثار الجنون على شكلي واشوف الرجفه اللي بيديني ومنظري صاير ..............بشع

والاصوات براسي تصرخ ........ياربييييييييي ساعدني.......محمد ليش سويت فيني جذيه .......ليش تعذبني.......
بكيت وقمت اصلي....من زمان ماصليت بهدوء واهتمام.........طول عمري اصليها هوي هوي ..كنت محتاجه اي شي يشغلني عن الجنون اللي براسي ............وخلصت الصلاة وكان الموبايل يرن.....شفت اسم عادل .صكيته مابي اسمعه ولاشوفه ..احس ان لو صار لمحمد شي بظل طول عمري اكره عادل
نزلت عند ابوي بغرفته وقعدت اسصولف معاه ................مابي اظل بروحي....محمد مو مخليني بحالي ........كان التلفون يرن .......قمت بشيل السماعه جان ترد امي على التلفون وتسبقني..........كانت تكلم عادل .....مايهمني عادل
المهم شيبي................................امي عيونها مفتوحه عالاخر وصوتها متقطع وهي تساله
: يمه عادل انت من صجك هالحجي ......................... متى وووين.......................ونادتني .....يمه لولو .كلمي ولد عمج.... اخذت السماعه وانا خايفه ياربي مايكون خبر شين
: نننعم عادل
: ليلى ...خبروني خفر السواحل انهم لقو الطراد اللي طلع فيه ممحمد ورفيجه
: ومحمد !!!!! لقوووووووووووووه
: لحد الحين البحث جاري بس مادرو عن شي
: ووين لقوه
: في فشت قريب من حوار
: وشبيسوون الحين :
: انا بروح لهم الحين تبين امرج
: اكيد عادل ..................وبكيت ..........يارب اشوفك يامحمد لو مره وبعدها اموت
بخفر السواحل كانو هالمره مهتمين ومرت عبدالله المسكينه ماقدرت تجي ...لانها مريضه بالمستشفى وانا وعادل قاعدين وكلنا امل وعقب ساعه ونص جانا الضابط وقال
: لقو الاثنين بس مو متاكدين من وضعهم الصحي واحتمال مايعيشون لين يوصلون الساحل
ليلى : ليش .. اهم شفيهم ؟؟؟؟
: واحد منهم نزف وايد وانقطعت له ثلاث اصابع بسبب موتور الطراد
: والثاني
: ماندري اختي .بس الاثنين صار لهم تقريبا خمسة ايام بدون اكل وواحد مننهم مجروح وينزف بشده
مادري شصار فيني .....بس فكرة ان محمد عايش عطتني قوه مو طبيعيه..زهالمرة مابكيت ...ظلين ناطره .طلعنا على محطة مغادرة السفن لحوار وهناك قالو لنا انهم نقلوهم بالهليكوبتر الى خفر السواحل ومنها للمستشفى
رحنا المستشفى وهناك كنت ادعي ربي يكون محمد بخير
سالنا عنهم وخبرنا الطبيب انهم في وضع حرج وبالعنايه وقام يتكلم عن كمية الماي المالح اللي شربوها وعن الاصابع الثلاث الللي انقطعت وعن الطراد اللي علق يمروحته حيوان ضخم وووووووووو
وانا بدنيا غير خليتهم ورحت العنايه وسالتهم عن محمد وهم ماكانو عارفين اي واحد محمد واي واحد عبداللله ...زوانا دخلت الغرفتين ادور وكان اللي نايم بالفراش ومغطى ويهه بالكسجين وحواليه اسلاك اسلاك اهو ........حبيبي وعمري .....وحياتي اللي ردت لي بعد اسبوع من العذاب