منتديات ليلاس - اسهر معي ليله

مرحبا بيكم مره ثانيه يا شعب ليلا س الابي
تحياتي للكل اللي علقو واللي ماعلقو
شكرا لفيوري حبيبتي ودبدوب وبرينسيسا والعامريه وللكل الرومانسيين في العالم
اشكر اللي توقعو واللي ماتوقعو واقدم لكم مع حبي هالبارت الصغير .ومسامحه الشغل والصيام ماخذين وقتي

انا لحبيبي وحبيبي الي
ياعصفوره بيضا لابقى تسالي
لايعتب حدا
ولايزعل حدا
انا لحبيبي
وحبيبي الي

بهدوء وبدون اي انفعال قال لي محمد
:انا ماعندي مانع اطلقج .......بس ابي شي بالمقابل
يالله معقوله تكون هذي اهي صورتك الحقيقيه يامحمد ...........وانا اللي احس نفسي بموت من القهر لما شفتك بالصور
ولا لانه خسر كل فلوسه يظن انه بيعوض فيني ...طبعا قلت له وبكل انفعال
: عادي من واحد مثلك انه يترزق من مره
: اقول لا يكثر وسمعيني للاخر ...لا والله ماتشوفين ورقة الطلاق الا وانت بقبرج
: ....شتبي تقول وانت تتكلم عن ثمن للطلاق
: ثمن الطلاق اللي اقصده مو فلوس مثل مايصور لج عقلج الضعيف
: شتبي يعني
:ابيج.................. ابي نتقابل لاخر مره ونتكلم ....يمكن مالي امل اكون زوجج ..... بس مابي ننفصل وهذي افكارج عني
: الكلام مابيغير شي
: يمكن عندج....بس انا تفرق معاي وايد
:اوكيه ...وين ومتى
: الحين وبالشقه
: صار
كانت افكاري تروح وترد ....وساعه توديني يمين وساعه توديني شمال ومره اقول يمكن يبي (((.................)) علشان يحس انه تزوجني فعلا ومره اقول اكيد مجهز سكين وبيذبحني وساعات اقول اني انا نفسي ابي اكلمه واشوفه ومابيها تكون اخر مره
وصلت الشقه ...كان ماوصل ...زهالشقه تحمل ذكريات وايده لنا ....عالبلكونه شغل محمد سيدي اليسا وكان يغني معاها (( تعا ...تعا كرمالي
تعا .....تعا بالليالي
تعا بالصدفه تعا
تعا عالى بالي ))
كان يطالع الناس من فوق وهم على اللساحل ويغني ورا اليسا وكنت اضحك من تصرفاته ...محمد اكثر انسان عفوي شفته بحياتي ..........................
غرفة النوم تحمل اول ذكرى لي كزوجه .....نام عنها زوجها وخلاها لدموعها .....بس بعد هالنقطه ماتنحسب ضده ...كان جنتلمان وشهم حتى النخاع
.......الروب الاحمر اللي على الشماعه ...يالله شقد احب ريحة العطر الخفيف اللي فيه من ديور ؟؟؟اظن اسمه فهرنهيت ....يخليني اضيع ....كل شي حولي يذكرني بشي ........................
حسيت دموعي تنزل من القهر لانه بيضيع كل الاشياء الحلوة اللي بيننا ....حسيت بنار الغيره تكويني من الصور اللي بين ايديني ........حسيت بالذل من التعليق اللي انكتب لي مرات وايده ((انت بلا كرامه ))
...........ومع كل هذا احس اني مابي اتركه ....ليش قلت له يطلقني عيل ؟؟؟؟.........لاني ابي اقهره ...ابيه يجرب شوي من النار اللي تلسعني ..........ايه احبك يامحمد ..وماظنيت بعمري احب واحد مثلك............ .حتى نظراتك الوقحه احبها........طريقة عيونك وهي تتحرك شوي شوي تهزني .تحسسني اني اجمل انثى على وجه الارض...... ايه احبك ..وماقدر اتحمل غيرتك ولا غيرتي عليك ................احبك ومافيني حيل اشيل ذكريات طيشك وايام ماكنت صياد
بس احبك ...........ماظن اني ابي اكون زوجه بعد لواحد ثاني ابد .............لكن علاقتنا نار وشرار وانا تعبت ومافيني قوه لكل هالسوالف ............الطلاق بيكون راحه لنا احنا الاثنين .محمد مستحيل ينسى علاقتي بعادل .وانا مستحيل اتعايش مع ماضي ماينتهي .ياربيييييييييييييييي...والله اني تعبت ............دموعي ماتوقف وانا انطره وسمعت صوت المفاتيح بالباب وبسرعه مسحت دموعي بس مافي شي تغير .ظلت تسيح على خدودي اللي صارو نار لمن شفته

محمد كان غير ....متغير مو هو الاولي عيونه محمره ونظراته زايغه ...ولونه اصفر جنه من زمان ما اكل........سلم وقعد على الكرسي الفضائي وقال اصب له عصير من الثلاجه لانه عطشان حده

شرب العصير وظل يطالعني مده وكانه اول مره يشوفني ........... انا ابتديت الكلام وقلت.
: شللي تبي تقابلني عشان تقوله محمد.
: ابي اعرف ليش الطلاق .
:اساسا كان ليش الزواج .
:لا تلفين وتدورين لولو .........انا وانت ندري ليش ...... بس اشمعنى الطلاق الحين ؟؟
: انا حره .
: انت زوجتي .
: انا تعبت منك ومن سوالفك ....ورميت الصور بويهه.
: ومن قال انه لج الحق تغارين.
: نعم انا اغار ؟؟ وعلى شنو علييييييييييييك .
:عادي لولو .. ....... تعودت انج تقولينها .........انت ماتحبيني .
: انت بعد دايما تقولها
: عموما انا هني مو علشان اعاتبج ...انتي حرة وانا مستحيل اوقف في ويه حريتج ...بس ابيج تسمعيني لولو ...لاخر مره ...لانه يمكن هذي المره الوحيده اللي بكون فيها صادق معاج ومع نفسي ومع الدنيا كلها
................تذكرين اول مره شفتج فيها !!.................كنت بمكتب ولد عمج ......كنتي مثل الحلم ؟..........شي مو دايما يتكرر.........حلوه وعصبيه ووقحه ...ماكنت قادر اشيل عيوني من عليج ...كنت افكر داخل نفسي بطريقه تخليني اخذج معاي واطلع... بس لسانج سبق وكان تكمله روعه لصورتج..تذكرين شقلتي (((كملت رسم الخريطه ))....
حسيت اني ابي استفزج باي طريقه انتي الحلم اللي كنت ابيه ...ماحلمت بس ببنت حلوه ولا ببنت متعلمه ولا ولا ...كل اللي كنت ابيه اهو وحده مثلي .... حره ...وجريئه وفتانه ...بس احترت شلون اوصل لج وانتي قصتج مع ولد عمج على كل لسان ...وظليت افكر باي طريقه ...واخرتها فاتحت عادل بالموضوع وهو كان مقهور ومبين عليه انه يبي يعذب البنت اللي باعته علشان حلم....................... رحب بالعرض وطلب مني انتظر لين يفاتحج بالموضوع ورفضتيني
.......بصراحه مايئست .بالعكس زاد اصراري عليج اكثر وقررت اوصل لج باي طريقه ...ولاحظت شقد عيونج طالعه على الدنيا والحريه وقررت ادخل لج من طلباتج وفعلا حصل .......انتي فعلا تظنين اني ممكن ابيع حريتي واسمي لوحده بس علشان التسليه (( كان يبتسم وكانه مو مصدق اني صدقت ))...وارتبطنا وظهرت صورة ولد عمج الثانية الحقيقيه ...كان دايما يسال ويسوي نفسه مهتم باخته بس الريال مايقدر يخدع ريال وبعيونه كنت اشوف شوق العاشق المغدور ...ومالومه مادمتي انتي بعيده عنه .....ولما سافرتي ...كنت ابي اكون معاج ...بس للحظه خفت عليج من نفسي ....وجودج بحياتي يخليني ماقدر اقاوم نفسي ...ايه لولو ...........انا مماتركتج بروحج لاني واثق فيج ...تركتج لاني مو واثق بنفسي ....تذكرين لما كنا بنموت بالسياره شلون ارتميتي بحظني ....ساعتها تمنيت الموت علشان هاللحظه تدوم ...كنت احاول ابتعد عنج بس كل شي فيج كان يناديني
حتى دلعج وانانيتج وعصبيتج الزايده كانت عندي اشياء لذيذه لانها منج ...من يومين بس خسرت كل فلوسي !!!
اتصل فيني ولد عمج الغالي يهددني اني اتراجع عن صفقتي مع واحد من المستثمرين لانه الورق مو قانوني وانه وصلته اخبار انه العمليه فيها تزوير ...كان عذره انه خايف عليج ...حسيت ساعتها انه مستحيل يشيلج من باله ولما كنتو مع بعض بالمكتب عرفت عدل اني كنت مجرد حمار ......استخدمتيه بسهوله مو علشان حريتج .لا ....علشان تردين ولد عمج الغالي ....النار كانت تشتعل براسي .....ماهمني خسارة فلوسي قد ماهمني اني اخسرج قبل لا اربحج ....وعقب لحظات جنون عشتها قررت انتقم منج وجبتج هني وكنت فعلا مخطط اني اذلج ....بس صعب على اللي يحب بصدق انه يذل ......ولما قلتي انج ماتبين تشوفيني عقب ليلتنا .حسيت انج ذبحتي الامل بصدري ....... فتحاملت على كرامتي المذبوحه وبلعتها وقلت في نفسي باجر تعرف اني انا اللي مستعد ابيع روحي علشان رضاها ...وما نطرت وايد ....مجرد ماوصلج خبر من ولد عمج بخسارة فلوسي قررتي الطلاق ....عموما كانت ايام ممتعه ..ورغم اني فيها خسران بس مو انا اللي مايدفع ثمن متعته ...........طلع لي شيك موقع وقال لي
: كتبي السعر اللي تبينه للايام اللي عشناها مع بعض ...انتي تستاهلين
ماكان يشوف دموعي ولا احاسيسي .كانت عيونه تطالع بعيد وماجنه يتكلم معاي ...............قلت له بقهر ..انت من مفكر حالك علشان تعاملني بهالطريقه ....وكاني صحيته من حلم .طالعني مستغرب وقال
: صدقيني عندي فلوس بالبنك ......مو معنى الخساره اني صرت طرار ...وحقج محفوظ واللي تامرين .........
مانطرته يكمل هجمت عليه مثل المينونه وكنت اصفعه واسحب شعره واسبه واقول له
: يالحقير .مو كافي تحملت عشيقاتك اللي طرشون لي شتايم وصور تذبحني هالدور اتحمل اسلوبك واهانتك لي .ومن انت علشان تشتريني بفلوسك ومن قال لك اني ابي فلوس مقابل اللي عشته معاك ؟؟؟؟؟؟؟؟؟؟؟؟؟؟؟؟؟؟؟؟؟
كان يحاول يبعد ايديني عنه بدون ما ياذيني وكان يرد علي باني الحين منفعله بس هذا حقي ولازم اخذه ...وانه يتمنى لي حياة سعيده مع عادل ....................لما كمل كلامه ماحسيت بروحي وتمنيت اذبحه .....معقوله مايحس باللي في قلبي ودموعي اللي حرقت ويهي من كلامه ومن لحظه اخاف تصير
(((مادري اهو جنون ولا غباوه بس قلت له وانا اشهق بالحجي من القهر اني بنتظر عادل يطلبني للزواج وانه فعلا حلم حياتي ...........كنت ابيه يغار ويهجم علي مثل الافلام ويحضني ويحسسني بحبه )).........هالجمله كانت مثل الاشاره له علشان يوقف ...سلم علي وباس راسي وقال لي ....ماقدر اكرهج حتى وانتي تهينيني....وانا بعد استاهل ....دخلت اللعبه وانا عارف اني مالي دور فيها ....عموما ورقة طلاقج بتوصلج باقرب فرصه ,,,,,,,,,,,, وسامحيني اذا كنت سببت لج اي عذاب ومسك اييديني وباسهم مثل الافلام ...مو بس ايديني محمد احضني تكفى احس الموت بيلفني لو بعدت ...ماكنت بوعيي وانا ارمي نفسي عليه واحضنه واترجاه مايتركني ...كنت ماسكه قميصه بعنف لدرجة حسيت ان الازره طاحو بيدي .كنت ابجي واترجاه انه مايتركني ...كنت اقوله
: محمد انا جذابه عمري ماحبيت عادل محمد لاتروح ....لاتطلقني محمد ....خل نعطي روحنا فرصه ...محمد لو تركتني اموت ...........تكفى لا تخليني حبيبي
كررها كم مره هالكلمه
: حبيبي !! حبيبي !! صارلي 9 شهور اتمنى لو اسمعها حتى بالحلم ....بس الحين مالها عازه
: لامحمد لها ...انا وانت نحب بعض ومابي منك شي الا انك تحبني
: انتي الحين متاثره لولو ...لما تهدا اعصابج بتحسبين االامور عدل وبتقرين ان اللي سويته اهو الصح لنا احنا الاثنين
وطلع وخلاني كنت متعلقه برقبته علشان مايمشي بس اهو دفعني بقوة .....اول مره احس بالالم بقلبي مو بجسمي
ظليت ابكي ابكي ابكي وماكان شي يقدر يغسل جروحي اللي سببها محمد ببعده
: ظليت اناديه مثل المينونه واكلمه رغم انه راح
: محمد حياتي لا تخليني ......مابي اشتغل ولابي اسافر ولابي شي علشانك انت بس .......ارجع حبيبي.كانت دموعي تغلبني واضيع بدوامة بكي وارجع اناديه واكلمه وارجع ابكي وارجع ............................................................ ............................................................ ...................................

بالصبح كان جسمي كله يالمني من النوم عند باب الشقه ...ياربي نمت هني وعند الباب وماحد يدري عني ومحمد .....محمد خلاني وراح ....لا مستحيل مابخليه يطلقني .......اساسا انا ماتخيل عيشتي بدونه ؟؟؟؟؟رتبت هدومي وطلعت من الشقه ورحت على شغلي ماكنت ابي اروح البيت قبل لا اروح شغلي .......مجرد مادخلت مكتب المدير كانو الجماعه هناك وعندهم شكله اجتماع ومادري ليش ماحد خبرني ولما اعترضت قالو لي انهم تركو لي 17 مسج على المبايل وانا مارديت ......الاجتماع كان عن حركة الترقيات بالشركة .ناس ماكملو 7 شهور تطورو الى رؤساء اقسام ومدراء وانا !!!
ماكان لي نصيب من اي ترقيه .........ماكان يهمني وايد منو ترقى ولا منو ماترقى ...كنت هناك علشان شي محدد ومابي غيره ((( استقالتي ))).............هذي كانت الخطوة الاولى اللي بترد لي حبيبي

وبعدها قررت انفذ الخطوة اللي عقبها....شلت كل الصور اللي وصلتني ورحت فيهم على بيت خالتي ام محمد ..انا استجوبت عادل واشكيت بمحمد والغيت من بالي النسره بنت خالته...سلوى
دخلت بيتهم وسالت مباشره عن محمد .قالت لي خالتي انه مابيت بالبيت البارحه ولما سالتها عن سلوى طلعت لي النسره من باب الميلس اللي على جنب وطالعتني باحتقار وقالت لي نعم شتبين بعد ياويه المصايب
خالتي : سلوى عيب اللي تقولينه
سلوى : خليني ارد عليها شوي خاله ...من عرفناها واحنا ماشايفين الراحه ...ولد خالتي خسر فلوسه وصحته وصرنا مانشوفه بالمره
خالتي: اللي تكلمينها هذي مرته واكيد خايفه عليه مثلنا
لولو: خليها خالتي تكمل ...يمكن تفضح نفسها وتعترف ليش تطرش لي هالصور
انتفضت لما شافتني ارمي الصور بويهها وقالت لي
: هذي هذي لعبه يديده تلعبينها!!! تبين تخسريني خالتي مثل ما خذتي مني ولدها ؟؟
: لا ابي بس اعرف ليش؟؟؟
: طلعي من بيتنا ماوراج الا الخراب
خالتي خذت الصور وقالت وهي تشهق
: حسبن الله عليك من صبي ........جذي فاضحنا جدام العالم
نطت سلوى من مكانها وقالت بعصبيه
: خالتي محمد ماله ذنب هالصور قديمه
طالعناها انا وخالتي باستغراب وقالت لها خالتي
: وانتي شدراج
:حسيتها ضايعه بس تكابر قررت اني اوقف هالمهزله واخبر محمد عليها وقلت لخالتي بهدوء
: خلاص خالتي مافي داعي تسالينها ............انا اللي بغيت اعرفه .عرفته والباقي محمد بيتصرف
.ومشيت بسرعه وطلعت وراي سلوى وهي تصرخ .زتبين تخربين بيتنا ياوجه النحس من عرفناج واحنا مو مرتاحين شبتقولين له ...اني احبه ومابي وحده لعابه مثلج تاخذه ..........فريت راسي لها وعطيتها كف من قلب وقلت لها
: هذا بس بدل اللحظات اللي حرمتيني فيها من راحة البال مع خطيبي
وطلعت .مادري شنو الخطوة الجايه ..كنت امشي بالسياره وماني عارفه وين اروح ........قررت اخرتها اروح مكتب محمد .الف شغله نطت براسي وانا رايحه ...شاخذ معاي ..ورد ولا شوكليت ولا كوكتيل ولا كلهم مع بعض.اوهوووووووووووووو...المكتب ماينفع لهالسوالف .............. احسن شي اخذه ونطلع وننسى هالعالم واللي فيه
وصلت المكتب ... بس ...............محمد ماكان موجود...............طلعت ورحت الشقه قلت يمكن يكون هناك ............المشكله خالتي ماتدري وينه جان اتصلت اسالها .......دورت الشقه شبر شبر مالقيته .......زعيزت وفي بالي يمكن مخلي لي رساله او نوت .......بعد مالقيت.........ظليت اتصلل على موبايله وماكان يرد........مادري وين اروح بس اذا مفكر اني بتركه بهالسهوله فهو غلطان ...مو عقب ما ذقت طعم الحب معاه