منتديات ليلاس - اسهر معي ليله

بصراحه ياجماعه انا زعلانه منكم ....الردود كلش قليله ...ومع ذلك اتمنى تكون اكثر مستقبلا

مع محبتي زووروو
يابنت النور
ابي تعذرين احساسي اذا قصر
وابي تعذرين لو قصرت في حقج
او قصر كلامي ...ولا وصف الشعور
يابنت النور ...ياعقد من الوله منثور

رجعت البيت وانا محطمه وماعندي قوة لاي شي حتى لمجرد التفكير..دخلت الحمام كنت ابي انظف جسمي وعقلي من كل شي .............. من الحجي والصور والذكريات ..... داخلي كان في صوت بشع يناديني ويسبني ويقول لي .....................اني ضحيت باشياء وايد علشان حرية ماحصلت عليها واني اسوا حتى من اللي تبيع جسمها علشان الفلوس .انا بعت كرامتي وماقبضت اي ثمن بعتها ببلاش.......ياربي اي حفرة طمرت فيها حياتي يوم قررت اني اشتري حريتي بعذابي ؟؟؟؟؟!!!!!

نمت وماضل حلم الا وسكن بمخي والف صوره وصوره شفت وكم مره انصفعت من محمد وعادل وابوي ووووووو والدنيا كلها وشفت نفسي عريانه وبردانه ومالي احد يسترني والدنيا ظلام ورعد ومطر ..وشفت امي تخش ويهها من الفشيله وابوي يبي يذبحني ,,,,,,,,,,,,,,,,احلام مقرفه واخرها صوت صراخ ومحمد يكلم ابوي ويقول له .......زاهي مرتي واخذها باي وقت ابيها فيه وصحيت مفزوعه على هالصوت.......بس ماكان حلم .كان محمد فعلا مع ابوي ويصرخ انه بياخذني معاه لو بالقوه !!!!!
نزلت الصاله ابي اشوف شصاير فيه ولقيت ابوي يكلمه ويترجاه يهدي وانه بيييبني لحد بابه بس بوقت اللي يكون فيه هادي....طلعت اكلمه وصرخت عليه وقلت له
: انت مالك زوجه هني ومن باجر طرش لي ورقة طلاقي
:ومن قال لج اني بطلق.بتيين معاي برضاج او غصبن عليج
:بس انا مابيك طلقني
:وانا بعد مابيج بس ماني مطلقج ولازم يعرفون اهلج فضايحج
قلب يرجف من شوفة ابوي وهو يطالع مستعجب من كلمة فضايح وقام يترجى محمد ويقوله
: يايبه احنا موب مال فضايح والله يستر على عبيده بس انت الحين معصب وباجر نتفاهم
محمد ضرب الباب بقوة وقال اذا ماخذيتها بالطيب ...الشرطه بتييبها لي غصب عنكم
ساعتها ابوي مسك الطوف مو قادر يتحمل الوضع وانا خفت وعلشان اهدي الوضع قلت لمحمد
؟: موب عدل اللي تسويه يامحمد لو مو علشاني عده هالريال ابوك ...ترضى يتسوى في ابوك اللي قاعد تسويه
مسكني محمد من ذراعي وخذني على جنب وقال لي : اذا مو حابة هالريال الفقير يسمع بفضايحج مع ولد عمج امشي معاي نتفاهم والا اقسم باللذي خلقني ما اطلع قبل لا اعرفه من تكونين
(( ساعات احس انه مو مهم شنو بيصير لابوي او حتى شلون بيفضحني ..احساس اناني داخلي يقول ..مادمتي بريئه مو مهم الضحايا ))بس يمنعني بعد احساس ثاني ويقول لي مو بس انا وهو على هالارض علشان نتصرف بدون ما نراعي غيرنا ....بسرعه طالعت ابوي وانا ابتسم وقلت له مسامحه يبه بس محمد زعلان وايد مني وبيني وبينك انا بعد غلطانه ...بس بنطلع شوي يبه نتفاهم وبرد ...... ابوي طالعني وهو خايف وقال لي ...يبه لاتروحين معاه ....محمد شكله معصب ...قلت له : لاتهتم اهو جذي يعصب بسرعه ويرد يهدا مثل الياهل ...وحبيت راسه وطلعت ابدل هدومي ............نزلت ورحت للسياره كان محمد ناطرني واحس الشرار يطلع من عيونه قعدت يمه بدون ماطالعه حتى ومشينا بالسياره وماقلنا ولاكلمه ............وصلنا الشقه ونزلت عادي وصعدت معاه ...ماكنت خايفه من محمد رغم اني جبانه ولا كنت حاسه بغضب منه ...انا اساسا مادري شنو احساسي بالضبط !!!!!
دخلنا الشقه وقفل الباب بقوه وقال لي : من اليوم ورايح هذا بيتج وبتأدين فيه دور الزوجه المطيعه ومابي طلعه مني ولامني............... فهمتي
طالعته بهدوء ومسكت الريموت علشان اشغل التلفزيون ....... مادري ليش صاير كل شي يستفزه ...سحب من يدي الريموت وصفقه بالطوفه وكسره بكل برود شلت الفاز اللي على الطاوله وقلت له : تبي تكسر هذي بعد ؟؟؟

طالعني بتحدي وقال لي : اوكي لولو تبين تسوين نفسج مو مهتمه ...ومسك ذراعي ودخلني غرفة النوم وقال لي ...عندج عشر دقايق تبدلين وتكونين جاهزه لدورج الحقيقي .ابيج احلى زوجه الليله
طالعته باستغراب وقلت له ...ماشلت معاي بيجامه.............. شال روبه من على الشماعه وحذفه بويهي وقال هذاينفع وطلع من الحجره..لحد الحين مخي موقادر يتوعب السالفه شنو بيصير يعني ...معقوله محمد بيغتصبني ...اهو يدري اني مابيه ((هل فعلا انا مابيه ...هل صحيح اني جيت بس علشان نداء الواجب ؟...وعلشان مابي اضايق ابوي )) مادري

بيني وبين نفسي قررت اني ماقاومه بالعنف ...اساسا انا ماقدر اقاوم ديايه شلون واحد متعنتر مثله ..مع انه مو ضخم بس انا اعرف شنو ممكن تسوي عضلاته في وحده هشه مثلي ...لما دخل الغرفه مره ثانيه كان يبتسم بخبث واحسه يتشفى بحركاته من اللي شافه اليوم الصبح .........قرب مني وكانه مقرب من (؟؟؟؟) كانت نظراته رخيصه واسلوبه في لمسي قبيح ........... ماحبيت اقاوم رغم دقات قلبي اللي قاعده تزيد وتزيد بس لما حسيته ابتدا يصير عنيف معاي مسكت ذراعه وقلت له برجى :
اذا كان اللي بتسويه يرضيك ............مابمانع بس تكفى.................. من عقب هالليله ....مابي اشوف ويهك ابد

شي داخله ابتدا يغير لون عيونه المحمره وخفت انفاسه اللي كانت تطلع بقوه وهدأ...حتى لمساتهدفعني عنه و وقفها وعطاني ظهره ونام .................... كان جسمي يرجف ...هاللحظه اهي لحظة العمر بالنسبه لاي بنت ...ماتمنيتها تكون بهالصوره .....لما حسيته نام غطيت نفسي باللحاف وظليت ابكي ..............ابكي ..........ابكي ...ياليتني ماعرفتك يامحمد .كل ذرة بروحي تتمنى تكون معاك ...وانت....كنت احس بقهر من تصرفه شي داخلي صار يكرر.ماعاد لنا عيشه مع بعض ياولد الناس...حتى لو كنت احبك !!!!!
لما صحيت الصبح اهو ماكان هناك طلع ...شلت حالي ورديت البيت وكان الوقت مبجر وبسرعه بسرعه طلعت عالدرج من الباب الخلفي للمطبخ ودخلت غرفتي وكملت نومي
صحيت من النوم وابوي قاعد يم راسي ومسح علي وقال لي ...شخبارج من امس يبه شلت روحي بكسل وقلت له تمام كل شي صار تمام يبه ومحمد يتعذر لك على اللي صار
ابوي :وانتي وين بيتي البارحه؟؟؟
: وين يعني ؟...........وصلت متاخره وماحبيت ازعجكم وصعدت غرفتي ونمت
: يعني بيتي بالبيت يبه ؟؟
: طبعا يبه ..اساسا ممحمد كان يبي يدخل يتعذر منك بس انا منعته علشان الوقت كان متاخر
:اهو شفيه كان زعلان
سويت روحي مستحيه وانه الموضوع خاص وقلتله بدلع :يببببببببههه
ابتسم ابوي قال : مسامحه يابنيتي ...بس المهم انكم تصافيتو
...حبيت راسه وقمت من سريري ونزلنا مع بعض الصاله ............لما حسيت ان امي وابوي اقتنعو بان الموضوع انتهى .... اتصلت الظهر على عادل وقلت له
ليلى: مرحبا عادل
:اهلا ليلى
:عادل لو سمحت بغيتك بموضوع
: امري
:عادل انا ابي اتطلق من محمد باسرع وقت
: هالكلام سابق لاوانه الحين
: ليش ...انت مو كنت معانا امس وشفت اللي صار كله
:لاني كت معاكم اقول لج جذي
: شلون يعني
: كوني عاقله مره بحياتج وتحملي المسؤليه ليلى
: شللي اتحمله ...انت تدري انه يبي ينتقم منى ويأذيني ؟؟؟
: محمد وضعه هاليومين صعب ولازم تصبرين عليه
: شفيه يعني ؟
: خسر تقريبا كل فلوسه في صفقه مشبوهه .. ومو معقوله يخسر خطيبته بعد في نفس الوقت ....وهذي مو تصرفات بنات الحمايل...معقوله تبين تنفصلين عنه بهالوقت ...شيبي يقولون الناس عليج ؟؟؟
: ممممادري عادل ..بس محمد صاير صعب
: مره وحده بعرج تحملي مسؤلية قراراتج وكوني زوجه اصيله
مسكت اعصابي علشان مارد عليه وسلمت عليه وصكيت الخط
ليش الكل يظن اني ماهتم بغيري وماتحمل مسؤلية احد ...وطايشه ...وتافهه؟؟؟؟؟؟وووو

ياربي والله تعبت ....... اتصلت فيني عمتي ام محمد وهي خايففه وكانت تسال عن محمد وتقول لي
ام محمد: يمه لولو شفيه محمد اليوم ..ماصاير لكم شي
: لا خالتي ...ليش هالسؤال
:واللله يمه مادري شاقول بس الولد معتفس وماله حال ...وعيونه حمره جنه مانام من سنه ودخل غرفته وصار يحذف كل شي بصوب وانا اترجاه يفتح لي وهو مو معاي...يمه تعالي ولا اتصلي له وكلميه تراه يحبج ويسمع منج
((صدمتني الكلمه محمد يحبني ..........من ارتبطنا وهو يكرر اني حلوه ومسليه وان الحب ماله مكان علاقتنا ...الشي اللي خلاني ماجازف واحرك مشاعري صوبه ابد.............بس هالمسكينه يمكن تظن شي ثاني ))...قلت لها
: انشالله خالتي مايصير خاطرج الاطيب .........راح اتصل وارد علليج ..سلام .
كنت خايفه اكلم محمد اهو معصب اكيد وناره ماهدت ...واذا كان فعلا خسر كل فلوسه فماعتقد انه الموضوع ممكن يوصله لجذي ....محمد مو من النوع اللي يعيش علشان الفلوس..اهو يعيش اللفلوس علشانه مو العكس
السالفه مو بس سالفة فلوس اكيد في شي ثاني ...................بس معقوله تكون ام محمد صادقه وانه يحبني فعلا .................لو كان يحبني ماعاملني باسلوبه البارحه ...اكيد المسكينه قص عليها بكم كلمه من قبل وصدقت
(((شي داخلي يقول ...ياليته يحبني فعلا ...والجنون اللي داخلي يكمل ياليته ماتركني ونام البارحه )))

رحت الشغل وكان دوامي العصر ومجرد مادخلت كان الظرف بانتظاري ...بس هالمره الصور مختلفه ...صور مع بنات مختلفات مو بس وحده وكل صوره موقعه بجمله .....انت بلا كرامه
كان الدم يرتفع براسي ماني قادره انطر ..ابي اشوفه واسبه الحقير يبي ينتقم مني لانه شافني مع عادل ...المغفل يظن اني ميته فيه ...لازم اوقفه عند حده ...السافل ...واحسن بعد انه خسر ثروته علشان يتحطم مره وحده ....رفعت التلفون واتصلت له ..شال السماعه بسرعه ...كلمته بصراخ وقلت له:اسمع ياولد الناس.احنا بيننا اتفاق ...متى ماطلبت منك الطلاق بتطلقني ...وبصراحه عافك الخاطر ....طلللللللللللللللقنييييييييييييييييييي