**((روايتي تتكلم عن الجمـــيلات..
و الصداقه اللي نتمناها.. و حب الأخ لأخته.. عن التضحيه لأجل من نحبهم.. والصبر على البلاء والمرض... عن قلوب أبطال هذه الروايه... التي أتمنى أن نستمتع معا بها))** و تدور أحداثها عن عدد من الجميلات[واللي يا كثرهم في القصص اللي نقراهم أتوقع أكثرمن الموجودات بأرض الواقع] منهم من أول ما نشوفها نقول ملامحها جميله ومنهم من جمالها يبهر عيون الإناث فشلون الذكور طبعا أكيد تسلب قلوبهم *** ** أهــم الشخصيـــات ** [أحلام:بنت نعومه وهاديه جدا تلفت إنتباه الكل من جمالهاالمبهر ((يتيمه))* ساكنه مع زوجة أبوها [منى:صديقةأحلام الوحيده<جميله> وهي البنت الوحيده لأمها وأبوها الثر ي** [هدى: صديقة منى عايشه مع أخوهـا..قلبها دائما عليه وقلب أخوها عليها كنهم تؤم ((مدرسه)) بقيت الشخصيات راح تعرفونها من خلال المتابعه... الجزءالأول منى تتصفح مجلة أزياءوهي ضجرانه وقبل لاتكملهارمتها على الطاوله وغمضت عيونها وبعد وقت فتحت وشافت المجله مفتوحه على صفحه فيهاعارضة لابسه فستان زفاف٠٠أبيض٠٠ مدت يدهاوتخيلت أنها لابسه الفستان وتتحسس قماشه بأناملهاالناعمه شوي ويرن التلفون وترفع _آلو _آلو٠٠هلامنى أشوا أنك أنت اللي رديتي أكيدماعرفتيني أناهدى وحيل مشتاقه لش٠٠ _تشتاقلك العافيه بس ماعرفتك ذكريني _أنا هدى صديقة الدراسه إذا ماذكرتيني فأكيد ذاكرتش صارت ضعيفه _الطالبه المتفوقه دائما هدى أحمد صحيح _صحيح _ها شلونك وشلون أحوالك _بخيروالحمدلله _الحمدلله ٠٠آخر خبر عرفت عنك أنك تدرسين في منطقة بعيده٠٠هابشري إن شالله نقلوك وقبل قوليلي وشاللي ذكرك فيني بعدكل هالسنين _حلمانافيك ياشيخه _هاهاها ضحكتيني أعترفي بسرعه يالله _ماراح أجاوبك على أي سؤال أنامتصله علشان أتفق معاك على موعدأزورك فيه لأني مشتاقةلك كثير _تسلم لي المشتاقه بس أناماأقدرأنام الليله إذاماشفتك اليوم وشرايك _مشكوره٠٠بس يمكن تكون مشغوله ولا _ماعندي شي٠٠متى أشوفك _أم٠٠بعدصلاةالعشاء مناسب _مناسب بس لاتطولين علي الساعه ٨م كانت هدى بغرفةالضيوف شوي وجات منى وهي تلتقط أنفاسهامن السرعه ومومهتمه حتى لإعاقةرجلهااليسرى (إعاقتهاهي أن رجلهااليسرى أقصرشوي من اليمنى ) قالت هدى لماشافتها: شوي شوي لاتطيحين أناماراح أطير سلمت منى عليها _حرام عليش كل هالمده غيبه ولاحتى تتصلين وتقولين ماراح أطير٠٠ _أرتاحي أول بعدين لاتعتبين علي لأن ماأتصل تراني معذوره لأني مضيعه الرقم وإذا ماكو رقم شلون أتصل٠٠ _وشلون عرفتي اليوم رجعت لش الذاكره _هاهاها٠٠ لابس اليوم لقيت مفكرتي القديمه بالصدفه في أشيائي المغبره واللي كنت ناويه أرميها٠٠ بهاللحظه دخلت الشغاله وقدمت العصيروبعدماشربوا _عندي لش مفاجأه [أفتحت هدى حقيبتهاوطلعت ظرف] تفضلي أفتحت منى الظرف وشافت فيه بطاقةدعوه لحفل زفاف بأسم ياسر _وش دخل البطاقه بالمفاجأه _سمعي وشغلي ذاكرتش تذكرين بشنو وعدتش بآخر لقاءلنا _أي٠٠وعدتيني بطاقه خاصه لحفل زواجك٠٠يعني هذي [قبل ماتكمل هزت هدى راسها فقامت منى وهنئتها ] _ومن يكون سعيد الحظ _ولد خالتي هوخاطبني من سنتين بس أنامشترطه مانتزوج إلابعد ماينقلوني _أجل هو كان ينتظر نقلك أكثر منك وأكيدأنت ماتنازلت عن شرطش إلاإذاكان فراق الحبيب أثرعليك _لاالحبيب ولاغيره بعد تعرفيني قراري ماأغيره وأنت عارفه قبل الزواج (شبيك لبيك كل اللي تبين يصير وبعدالزواج تحت ضغوط الظروف (بلاتدريس بلا هم بيتك أولا) _معك حق٠٠والحين قومي معي غرفة الأكل أناماراح أخليش تطلعين من غيرعشا _بس _مابي لاأ عذارولاأعتراض٠٠ أبوي وأمي بيتعشون عند عمتي وأناماأحب أكل لحالي وهم ياكلون سألت هدى _جادوري أسأل ٠٠٠هاأنت شخبارك شصارمعاك تنهدت منى بدون ماتجاوب _دايما كنت أقول أنك أول وحده بتزوج من المجموعه وإذاتوقعاتي صحيحه فأكيد أنت الآن أم لطفلين أوثلاثه _وإن قلت لك بأني ما تزوجت ٠٠ _ماأصدق!! _ليش? _لأني أعتقدبأن أي أم تتمناك لأبنها ٠٠أنت جميله ومن عايله معروفه وماشاالله عليك خلوقه ومثقفه و٠٠٠ _وأمتلك وظيفه ممتازه كثير يتمنوها بس للأسف أنا معاقه _معاقه٠٠وش اللي تغير ٣ سنوات وأناأدرس معك ماسمعت أي طالبه تقول عنك معاقه٠٠ _تغيرت أشياء٠٠بقولها لش بعد مانخلص أكل... * * * * * الساعه ١٠م جاعمارأخو هدى ياخذها بعد مااتصلت عليه٠٠ وكانت طول الطريق سرحانه وتفكروماأنتبهت إلا لما وصلو عند الباب ودخلت غرفتها على طول وبعد <١٠د> جاأخوها وقال أن خطيبها ياسر في غرفة الضيوف ٠٠٠ جلس معاه ودقايق إلا وجاتهم هدى سلمت وقدمت العصير وجلست بدون ماتسأل أو تعلق كعادتها٠٠تعجب ياسر وسأل عمار _صايرشي اليوم ولاأنت مزعلها _لا بس هي على هالحال من وقت ماجبتهامن بيت أقصد فيلا صديقتها _وتتوقع شاللي صار _مأدري بس يمكن تكون منبهره بالفيلاواللي داخلها أوأنهاتفكرتتركك وتاخذ واحد غني يشتري كل اللي تبي _صحيح اللي يقول أخوك _لا٠٠أنامومنبهره من اللي شفت لأن المظاهرماتهمني ولاأفكر بتوقعات أخوي المحترم لأن الزواج مولعب عيال والعاقله منا موكل يوم لها راي ٠٠واللي شاغل فكري شي مايخصكم٠٠ وعلشان يهدي الجو ويغير الموضوع سأل عمار _إلاماقلت لي شالخبراللي ماراح تقوله إلالماتجي زوجة المستقبل٠٠ _أنت ماعرفته٠٠فكروشغل عقلك٠٠٠خبر سار تنتظره العائله من شهور٠٠ <هدى>٠٠أكيدأختك ولدت _صح٠٠الحمدلله بعدسهرت البارح الختاميه ولدت اليوم الفجر ٠٠ _حمدالله على سلامتها _الله يسلمش هم ونزاح كنت خايف تولد عليناليلة الزواج _هاهاها ليش أنت اللي بتولدها٠٠ _لابس مايطاوعني قلبي أترك عروستي بأول ليله وهي بذاك الفستان وذيك الكشخه٠٠آخ متى بس متى _أحم أحم أقول بس لاتنسى عمرك وطالعني تراني موجود وأثقل ترى فشلتنا وهي كم يوم وتصيرعندك _أي كم يوم باقي أسبوعين وتقول كم يوم ثم أنك نسيت أني صارلي سنتين وأناأنطر هاليوم٠٠ _لامانسيت بس أثقل شوي وفكنا والحين قلي أختك جابت بنت ولا ولد? _ جابت ولد وأناأتصلت العصر قبل لاأروح أزورها أكثر من مره وكان الخط مشغول أبتسمت هدى وقالت _أناكنت أكلم صديقتي منى _صديقه جديده _لا٠٠درسنا مع بعض في الثانويه وماشفتها من ٣ سنين _أجل هي اللي زرتيهااليوم _ أي وعطيتهابطاقه لزواجنا _من أي عايله _ليش تسأل <عمار يمزح ٠٠يبي يتدرب على التحقيق معك من الحين> <مزح عمارأستفزياسر٠٠لا أناماأتدرب بس أنت زرتيها ولاقلت لي وأنا من حقي أعرف ولا لا? _من حقك بس مو بهالأسلوب <قالت هدى هالكلام وراحت غرفتها قبل مايعلق الأثنين بأي حرف> _أناقلت لك أكثرمن مره لاتنرفز أختي ولاأتحمل مايجيك منها ومني _الله يفكني منك أصلا أنت راس البلا بس أنابوريك الحين <وأخذالمخدات اللي قدامه ورماهم عليه> وعمار مو قادر يمسك نفسه من الضحك٠٠٠ * * * * س: شو اللي قالته هدى لمنى و شغل تفكيرها لهدرجه..؟؟ و شو رايكم بهالجزء؟؟ |
بداية موفقة جدا اختى العزيزة صمت
الاحداث سلسة والكلام واضح رغم ان اللهجة الخليجية صعبة شوية000000 ابطالنا يبدو ان ورائهم الكثير من المفاجآت انتظر بفضول الفصل القادم تقبلى تحياتى وبالتوفيق يا عزيزتى http://www.liillas.com/up/uploads/im...2853d01841.jpg |
الجزء روووووووعة
اكيد قالت ليها سبب اعاقتها بس ما ادري ويش بالضبط تشكراااااااات |
(( تـــــــــــواجــــــدكــــــــــــم و مـــــــتابعتكـــــــــــم معــــــــــاي أروع.... )) << اكيد قالت ليها سبب اعاقتها بس ما ادري ويش بالضبط >> (( للأسف...لا....و اللي قالته مـــا راح تعرفونه بالبارت الجــــاي..)) تحـــــياتي لكم وأول مــــا أخلــص البـــــارت بنزله على طـــــــــول |
(( لازلت أنتظر تعليق البقيه.....و بإذن المولى بنزل البارت الثاني بكـره )) |
الساعة الآن 08:56 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية