|
witchالساحرة the
السلام عليكم ورحمة الله وبركاته
اشتركت في منتداكم المميز واخترته من بين جميع المنتديات رجاء مني في أن ألقى تشجيعا منكم فهذه أول رواية أكتبها قصتي تتكلم عن فتاة مرت بعدد من المصائب والمآسي ومع هذا وقفت ولم تدمع عيناها فهذه إحدى الأمور التي سأتطرق إليها في روايتي وهناك أيضا الحب البريء بين شخصين والحب المستحيل بين آخرين لن أقول لكم ما فيها أريد أن تكتشفوا بأنفسكم فلعلي لا أعلم كيف أصف روايتي لعلكم استغربتم عنوان الرواية فأنا أيضا استغربت من نفسي فعندما كتبت بداية الرواية رأيت نفسي أضع هذا العنوان الغريب وللعلم بعض المواقف في القصة قد حدثت لأناس أعرفهم فأنا أردت أن أشرح معاناتهم من خلال روايتي قصتي أضعها بين يديكم آملة في أن ألقى تفاعلكم وإن لم تعجبكم فقط قولوا لي توقفي ... |
روايتي الأولى
witchالساحرة the للكاتبة : *Special Girl* بطلة القصة الي هي سحر بنت في ال17 من عمرها جميلة جمال مو طبيعي شعرها أسود سواد الليل وعيونها وساع ومكحلة ورموشها كثاف ولون عيونها غريب وجسمها رشيق ...... أمها ماتت في حادث وبعدين تعرفونه و أبوها اسمه أحمد وباقي الأبطال بتتعرفون عليهم مع أحداث القصة .... }بداية قصتي [دمعة]{ في أحد المستشفيات صعبة صعبة تنحط في موقف زي كذا صعبة تشوف وحدة من بناتك تموت بين يدينك وانت مو قادر تسوي شي والأصعب بنتك الثانية تلومك كذا كان إحساس أبو سحر وسن الي هي أخت سحر الصغيرة قالت : بابا ليه تبكي مو انت قلت اني بكون في الجنة مكان حلو ثح ؟؟؟ الأب : ايه يا حياتي ان شاء الله تكوني هناك ... وسن : بابا أوعدني تلعب مع أختي دايما وما تزعل منها عشاني أحبها مررررره وأحبك .. الأب : طيب يا بابا أوعدك يا حبيبة بابا ... رفعت عيونها تطالع أبوها وهي ماسكة يد أختها الصغيرة وتضمها لصدرها وعيونها تلمع بالدموع قالت : بابا لا تخليها تموت بليززززز Don't let her go الأبو يبكي وهو يناظر في بناته قال من بين دموعه وشهقاته : مو بيدي والله مو بيدي ... بأعلى صوتها صاحت : طيب ليه انت أبوو ؟؟؟ وسن :بث أنا بغى أروح هناك... ثحر لا تبكي بليز لا تبكي انا بكون فوق عند ربي لا تخافي ما راح أتركك بكون معاكِ دايما بث الفرق بكون عندي ربي في الجنة ... قالت : أوكي ما راح ابكي والله ما راح ابكي ... ضمت اختها بقوة وهي تمسح على شعرها قالت وسن : ثحر بثتنى اليوم الي نكون فيه كلنا في الفردوس الأعلى مجتمعين وما فيه شي يفرقنا أبدا زي ما انتي قلتي ... ابتسمت سحر على كلام اختها الصغيرة الي ما تجاوز عمرها ال10 سنين وقالت : حتى أنا وبدعي ربي كل يوم إننا نكون مع بعض ... وسن : بابا أنا فرحانة زي ما انت قلت بكون في مكان أحلى ما راح أخاف من أي شي عشان بكون مع ربي ومع الرسول صلى الله عليه وسلم ... الأب صعبة عليه يشوف بنته بهذه الحالة وفي نفس الوقت فرح لأن بنته مع صغر سنها إلا إنها متمسكة في دينها .... قام الأب وباس راس بنته وقال : إن شاء الله حبيبتي ... وسن : بابا أنا أحبكم مرررررررره ... أبو سحر : يا عمري حتى إحنا أما سحر كانت تناظر أختها وهي حاطه يدها على فمها عشان محد يسمع شهقاتها قربت سحر هي وأبوها من وسن وضموها بأقوى ما عندهم وهي تفارق هذه الدنيا بأحلى ابتسامة .. الأب طاح عليهم يبكي وهو يطالع في بنته دمعة خانت سحر ونزلت على خدها بس بأسرع ما عندها قبل ما أحد ينتبه لها مسحتها وقامت باست راس أختها وهي تقول : وعدتك إني ما أبكي وأنا عند وعدي ... تأثرت الممرضة والدكتور بهذا المشهد وطلعوا الأب المنهار وعطوه مهدئ ... أما سحر طلعت من المكان وهي تجري تدور أي مكان تهرب فيه من هذه الدنيا خرجت من باب المستشفى تناظر في الناس حوليها الي عايشين حياتهم والي يضحكون وقفت هناك بدون ما تتحرك ... ...::::::... صحت سحر من نومها (سحر) قمت وأنا أناشد ربي وأسأله ليه يا ربي ليه دايما أصحى على نفس هذه الذكرى المؤلمة ليه ؟؟؟ لو كانت أختي حية الحين كان عمرها 14 سنة آآآآآخ بس فقدتك وأنتي طفلة وتركتيني وحيدة كلكم تركتوني وحيدة أواجه هذه الحياة لحالي .... أووووووف قمت بسرعة ونزلت من السرير وأنا أتذكر اليوم أبوي بيرجع من السفر يالله كيف نسيت بروح أستقبله في المطار يا كرهي لشغلة هذا الي كله سفر يا ليته بس يقعد معاي ...::::::... نزلت سحر بعد ما لبست ملابسها كانت لابسه تيشرت أحمر وعليه قلوب وبرمودا أسود قصير وشعرها كيرلي ومسويته قرنين وطالعة مره كيوت والي يشوفها يعطيها 10 سنين بالأكثر ........ نزلت من الدرج وهي تصايح على الكل وتنادي على الشغالة عشان تروح معاها ...سحر وهي تكلم الشغالة : يلا كاكي اتصلي على السواق عشان يجي وجيبي عبايتي بسررررررعة ................... (( مقاطعة خلوني أحكي لكم شوي عن شخصية سحر هذه البنت تدخل قلوب كل الناس وهي مره كتومة و عنيدة وطلباتها مجابة و الي يعرفونها يسمونها الساحرة لأنها تحب اللون الأسود ومعظم ملابسها بهذا اللون وأغلب الأحيان تلبس زي عباءات السحرة إلي يشوفون هاري بوتر بيعرفون عن ايش أتكلم خخخخخخ .... المهم هذه البنت برغم إنها محبوبة إلا إنها غير اجتماعية {لاحظوا التناقض} )) ...::::::... في المطار ...سحر تدور أبوها بعيونها بين الناس الي توهم واصلين من أمريكا ..... ما لقته وتوها بتلف تسأل عنه إلا وتشوفه وطيران بين الناس راحت سلمت على أبوها .. سحر : بابا وحشتني كتيررررررررررررررر ... أبو سحر : ههههههه حتى انتي وحشتيني يا ساحرتي الصغيرة ... سحر : يلا أنا عازمتك على الفطور وطبعاااا على حسابك ... ضحك أبو سحر على هبالتها خخخخخخ ومشوا وهم يسولفون وفي أحد المطاعم على البحر جلست مع أبوها يفطرون ابو الساحرة : بكرا عندنا عزيمة في بيت جدك... سحر : هااااااء ؟؟؟ ومين بيجي ابو سحر : أعمامك وعمتك و بناتهم وأقاربك أكيد بتستانسين !!! هزت كتوفها بملل وقالت : يعني لازم أروح ؟؟؟ أبو سحر: ايه أكيد ... سحر : امممممممممممممم أفكر ابو سحر : أوك... وترى اليوم مره مشغول فما راح يمديني أقعد معاك سحر متعوده على طلعات أبوها فما حزنت لما قال كذا وقالت بهدوء وبرود : طيب ...::::::... في الليل كانت سحر تتقلب بملل على السرير (سحر) أوووف وش ذي الحياة الي كلها ملل حتى أبوي مو راضي يتمشى معي كأنه مقدر لي إني أكون وحيدة في هذا العالم ... جات في بالي فكرة نقزت من السرير بسرعة لعل وعسى ألقى دانة موجودة مسكت الجوال دقيت على رقمها وأنا على أعصابي .... أخيرا ردت قلت بسرعة بدون ما أستنى ردها : هيه انتي وينك أبغى أطلع مررره طفشانة بمرك الحين ونطلع تجهزي .... ردت علي وهي تضحك : ههههههه لا لا تجيني أنا أجيك أصلا أنا طالعة مع بنت عمك أمل الحين كلنا مجي ناخذك أوكي ... تاففت بضيق الحين أنا أيش أبي فيها ذي أقولها نطلع تجيب لي ناس ما أعرفهم وااااااافشلتاه قلت بسرعة : ياخي خلاص بطلت ما أبي ... قالت وهي تمسك ضحكتها لأنها تعرفني ما أحب أطلع مع أحد ما أعرفه : يا بنت الحلال هذه طيبة مره وراح تحبينها وفوق كذا بنت عمك تعرفي عليها ... اووووف ايش ذي الورطة مالي غير أطلع منها أغير جو وباخذ الآي بود معي عشان أسلي نفسي قلت لها : أوك أنتظرك وعلى فكرة مين بعد بيجي أدري إنك بتجيبين العالم كله .... قالت وهي تضحك علي : ههههههه لا بس أنا وهي وأخوانها وأخوي ... قلت لها وأنا اصارخ :ياااااااااربي بطلت ما أبي أطلع مع أخوك ثقيل الدم ذا ... ردت علي بعتب وقالت : هيه عيب عليك هذا أخوك وبعدين مافيه طلعة بدونهم لأنهم شارطين يروحون معنا ... ( دانة تصير خالة سحر وفي نفس الوقت أختها لأن أم سحر لما جابتها تعبت وما قدرت ترضعها فرضعتها جدتها مع خالها طلال الي كان في نفس عمرها بس الفرق هو أكبر منها ب3 أيام خخخخخخ وبالمختصر المفيد هم أخوانها بالرضاعة ) قلت وأنا أندب حظي السيء ذا : أوف عيال آخر زمن يروحون الأسواق بالله أيش بيسوون هناك ؟؟؟ قالت بسرعة: يرقمون البنات هههههههههههههههههههه يعني أيش رأيك وبعدين ما يقدرون يدخلون بدوننا وهذا لصالحنا يلا بااااي أنا في الطريق .. خخخخخخخخخخ الله يعين قفلت ي وجهها بدون ما أقولها باي ورحت أجيب عباتي يا حبي لها هي خالتي وأختي وصديقتي آخ بس خليني أستعد للحرب مع أخوها الي هو خالي خخخخخخخخخ ..... ((( مداخلة خلوني أعرفكم ببعض الشخصيات أخت سحر بالرضاعة اسمها دانة عمرها 21 وهي صديقتها بالرغم من فارق السن بس مو ذيك الصداقة لأن سحر كتومة ,,, وأخوها اسمه طلال بنفس عمرها يعني 17 ودايما يتضارب وياها ,,, أمل بنت عمها وهي ما تعرفها لأنها ما تشوف أعمامها إلا بعد كل 5 أو6 سنين وهذا لأسباب بعدين تعرفوها ... أمل عمرها 19 بنت هادية وطيبة وعلى قد نياتها وقريبة من أخوانها حيل أخوانها الي هم , مشاري عمره17 مغزلجي بكل معنى الكلمة وهمه الاستمتاع في حياته ,, رائد عمره 25 واثق من نفسه وفيه شويه غرور ووسيم ويدرس طب آخر سنة وبنتعرف عليه بعدين خخخ ,,, سلطان عمره 27 رجال عاقل ويشتغل مع أبوه في الشركة وهو أكبر أخوانه وسند أبوه ... ))) ......مشاري نازل الدرج وهو يصفر يا أهل البيت يلا مشينا ........ رائد وهو يطالع التلفزيون قال : ياخي اهجد الي يشوفك يقول أول مره يطلع مكان .. مشاري وهو يرفع حواجبه وينزلها بحركة تقهر : ايه أول مره أطلع عندك مشكلة أمل وهي تلبس عبايتها : رائد تكفى تعال معنا ... رائد : وليه أجي معكم مشاري وطلال .. أمل : وتعتقد ان هذولا يعتمد عليهم والله أول ما ندخل السوق بيروحون ويتركونا مشاري : هيه أيش قصدك انه ما يعتمد علينا ... أمل سفهته وتكمل كلامها مع رائد : يعني ترضى ان الشباب يقعدون يمشون ورانا طول الوقت ... تكفى والله ماراح نقدر ناخذ راحتنا !! رائد : آخخخخ طيب خلاص ... مشاري : هذه المره سماح عشان بنطلع بس لعد تعيدينها فاهمه !! وبعدين وين أمي ما شفتها ... أمل : أمي تصلي في غرفتها ... وسلطان وأبوي في الشغل ... مشاري : اهاا يلا بس بلا هم خلنا نطلع نستانس شوي .... ...::::::... عند طلال ودانة ... طلال بتأفف وضيق : الحين بنت أختك مالقت إلا اليوم عشان تنكد علينا الروحة أووووووف ياربي انك تصبرنا ... دانة : طلال علامك حرام عليك البنت ما عندها أحد وأنا قلت بنروح لها يعني بنروح فاهم !!! طلال : أجل بعدين لا تعزمين أحد بدون ما تقولين لي ... مشى قبل ما يعطيها فرصة ترد وطلع يستنى صديقه مشاري ... أم دانة : يا بنيتي وين رايحين في عز الليل ... دانة : يمه بنروح نتمشى .... وقالت بسرعة قبل لا ترفض أمها : وسحر بتجي معنا .... لأن أم دانة تعز سحر حييييل قالت : ما دام كذا الله يحفظكم .... طلال وهو ينادي دانة من برا ..... يلا مشينا ..... باست دانة راس أمها وقالت بسرعة : فمان الله ... ركبت السيارة بسرعة وكان كلهم في سيارة وحدة الي يسوق رائد وجنبه مشاري و وراهم طلال ووراه أمل ودانة ركبت دانة وهي ساكتة مستحية من أخوان أمل .... مشاري : رؤؤودي ووجع حط لنا أغنية زينة ... رائد عطاه نظرة خلته يندم على الي قاله : أصغر عيالك رؤؤؤودي هااااء بعدين أنا عاجبتني ذي الأغنية ... طلال ماتت ضحك على خويه الي بان الخوف بعيونه : ههههههههه.. رائد ساكت طول الطريق والسوالف بين مشاري وطلال ..... أمل ودانة يتهامسون طلال ضرب جبهته وقال بصوت عالي : يووووووووووووه نسيتها الحين أيش بيفكني من لسانها ... رائد : منهي ؟؟؟؟ طلال : بنت أختي قلنا لها بنمر عليها .. لف على أخته وقال : وإنتي ليه ما ذكرتيني بس تعزمين الناس هذا الي فالحه فيه .. دانة ضربته على راسه وناظرته بنظرات توعد وقالت بصوت بالله ينسمع : قلت لك قبل ما ندخل السيارة ... طلال : أجل خلاص ما يمدينا نجيبها .... دانة صارخت بصوت عالي تعترض : هيه حرام عليك هي طفشانة وما عندها أحد تكفون عشان خاطري مروا عليها ما يكلفكم 5 دقايق بيتها قريب من هنا .... طلال : ووجع إذني راحت فيها بعدين مو أنا الي أسوق ... ناظر رائد وقال : القرار بيده... رائد كسرت خاطره دانة : أجل خلاص ما دام إنها قريبة من هنا يلا نمرها ... طلال قعد يوصف له الطريق ... رائد : الي توصفه مو بيت عمي أحمد ... طلال : ايه هي تصير بنت أختي وبنت عمك يالأهبل ... رائد : هيه احترم نفسك .. مشاري : كله ولا تغلط على توأمي ... رائد : ههههههههه الحمدالله والشكر في هذه ما أقدر أقول شي صدق انكم توأم في الهبال ... الكل ضحك عليهم ... وقفت السيارة قدام بيت كبير لا مو بيت هذا قصر ... نزل طلال وقال : هههه أقول دقيقة بروح أجنن فيها وأجيبها ... ...::::::... دخل طلال بعد ما فتحوا له الباب ولقى سحر متنرفزة وعلى أعصابها لأنهم طولوا ما جو !!! ويوم شاف شكلها كذا فطس ضحك عليها .... سحر : أعرف إن الناس أول شي تسلم ... طلال : خخخخخخخخخخخخخخخخ وربي كنت بسلم بس بس ما شفتي شكلك وأنتي معصبة هههههههههه تووووحفه .... سحر : طير بالله الحين قاعدة ساعة أستنى يعني أيش تبغاني اسوي أضحك مثلا .... طلال : خخخخخخ ياليت بس أنا ما أطلب شي كثير بس ابتسمي ههههههههههههههههه سحر : ووين أختك هاااا ؟؟؟ طلال : ياويلي نسيت الناس برا امشي يلا بسرعة .... قالت : ايه أحسن من مقابلة وجهك .... وطلعوا من البيت وهم يتهاوشون وقبل ما يركبون السيارة قال طلال : الحين انتي ما عندك أحد غيرنا ما عندك صديقات يعني ؟؟؟ ركب طلال السيارة وكان على الجهة اليمين وسحر على يساره قالت قبل ما تقفل الباب : ورا ما تقلب وجهك وتخلي أسئلتك لنفسك موب أحسن ... طلال : أوف وش ذي العصبية كل هذا عشان تأخرنا عليك بعدين هذا فضول لا أكثر ....... دفته على جنب وقالت : لا تطول السالفة فااااااهم .... مد لها لسانه وقال : لا موب فاهم ... دانة ضربتهم على روسهم وقالت بصوت منخفض : عيب ترى احنا بين الناس اتركوا حركاتكم بعدين ..... سحر طالعت حولينها وتوها تنبته للموجودين قالت : آآه ايه صح السلام عليكم .... رائد : وعليكم السلام مشاري : مع إنها متأخرة بس برد عليك وعليكم السلام ... سحر : ما طلبت ردك أنا سلمت والسلام لله ... .مشاري فتح عيونها على آخر شي و طالعها أول مره يشوف بنت تقرب له جريئة وترد على الكل وقال : ما تعرفنا أنا مشاري .... سحر : ومين قال إني أبي أتعرف عليك ؟؟؟ مشاري : لا عيب لازم تعرفينا شفتي الي يسوق ذا رائد وأنا مشاري والي ورا أمل .... سحر باستهزاء : يا هلا والله تشرفنا شي ثاني أستاذ مشاري ؟؟؟؟ طلال : أنتي كله تردين ما تعرفين تسكتين سحر بقهر : ما لك دخل ... مشاري : أووخص أخيرا لقيت أحد أهبل من طلال يا ذي الطلعة بتكون فله هههههههههههه ... سحر : هه اها انت خوي طلال وأنا أقول ذا الهبال مو غريب علي !!! كلهم ضحكوا أما الاثنين انقهروا من كلامها رائد : ههه أول مره أحد يسكت الثنائي المرح ........ بعد ما وصلوا تفرقوا طلال ويا مشاري راحوا يغازلون وأمل ودانة وسحر راحوا من محل لمحل ورائد يمشي معهم سحر بملل : الحين احنا ننتقل من محل لمحل وما طلعتوا إلا بكيس واحد ... أمل : هههههه الي يسمعك يقول أول مره تتسوق ... دانة : ههههه كلامك صح هذه عمرها ما دخلت سوق أمل باستغراب : هااااه كيف ؟؟؟ سحر تطالع في الرايح والجاي وهي مو معهم أبد دانة : خخخخخ ما تعرفين بنت أختي العزيزة هذه مصممين الأزياء العالمية يجون لحدها هههههههههههههههههه .... أمل : اهاااا .... سحر بدلع : يب باباتي يجيب لي كل شي لحدي وه فديته ... رائد رفع حواجبه وهو يطالع فيها هه الله يعينا شكلها مدلعة بقووووة ...::::::... عند مشاري وطلال الي ما تركوا بنت في السوق إلا ورقموها خخخخخ طلال : أقوول مشاااري يا عمري يا قلبي طلبتك لا تردني تكفى مشاري : افا ما عاش من ردك وأنا أخوك طلال : مشكور يا خوي المهم أبي رقمك ضروري مشاري : أوكي سجل سجل عندك الرقم 0 5 0 ****** طلال : ياخوي ارفع صوتك ما سمعت مشاري : ابشر 050 ****** مشاري : أقول طلول افتح البلوتوث أبي أرسلك مقطع خطيررر طلال : ها فتحته مشاري : وشو النك حقك ؟؟ طلال : يا عمري ما يسوى أعيش حياتي بدونك مشاري : ياهوووه حركات يالرومنسي طلال : أيش عرفك أنا أبو الرومانسية .... ((طبعا كل هذا صار بصوت عالي خخخخخخ عشان يسمعونهم )) ...::::::... بعد فترة ملت سحر وقالت لهم إنها تعبت بتروح تريح لحد ما يخلصون وتلثمت لأنها كانت قبل مغطية وجهها ... رائد شافها طالعة بدون الباقين وقال : وين رايحه ؟؟؟؟ سحر : .................. (ما فيه رد ) ومشت بكل ثقة بدون ما تطالع فيه (رائد) والله حالة الحين اكلمها وتسفهني وتمشي من جد مدلعة خلني ألحقها وأشوف وين تروح ...::::::... مشاري ضرب طلال بكوعه وأشر له قال : هيه شوف ذي الي عيونها خضر والله إن عيونها عذاااب طلال : والله إ نك صادق ... مشاري بأعلى صوته : ياااااهوه من قدك عطينا وجه ... طلال : هيه احنا نتكلم يا أم عيون خضر .. مشاري : خخخخخخخ يالقطوووو ... قامت مشت لجهتهم وهم قريبين من الكوفي..... مشاري : لا ما أصدق شو ف جات عندنا ... طلال : أخيرا عطيتينا وجه .. مشت البنت من جنبهم ولا عبرتهم مشاري: آآآه كسرتي قلبي .. طلال : حطمتيني حراام ... بس ما حسوا إلا وهي وراهم ومطت آذانهم لآخر شي وهي تقول : عمري ما سمعت أحد يغازل ويقول قطو مدري انتم مين علمكم الغزل وثاني مره لا جيتوا تغازلون وحده تأكدوا إنها ما تقرب لكم فهمت يا أخي العزيز ويا ولد عمي العزيز ...!!! وضربت روسهم ببعض ومشت لآخر الكوفي في الزاوية وطبعا رائد مات ضحك وكل البنات الي كانوا هناك ما قصروا خخخخخخخخخ أما مشاري وطلال تحطموا ما سلموا من التعليقات ووقفوا مصدومين رائد قال لهم : هههههه والله مهب هينة بنت عمي فشلتكم سفهه طلال وقال : أقول أحسن شي نروح الجهة الثانية من السوق قال مشاري : ايه والله إنك جبتها ... وراحوا تركوا رائد الي قاعد يناظر في الجهة الي جالسة فيها سحر وشاف الشباب ما صدقوا وطايحين فيها يتغزلون بعيونها واحد من الشباب : آآآآخ أنا من يوم شفت عيونها ضعت فيها ... الثاني : أجل أنا أيش أقول .. الثالث : والله إنها تذبح ......... وسحر مهي معبرتهم ولا عطتهم وجه ولا حتى نظرة قام رائد وراح عندها وجلس معها عشان يروحون الشباب المتجمعين وهي كانت تلعب بالآي بود حقها قال رائد يحاول يفتح مجال عشان يكلمها : عجبتني حركتك في الثنائي المرح والله إنك حطمتيهم سحر طالعته بطرف عينها وقالت : هه يستاهلون ... قال : ممكن أسألك سؤال ناظرت في عيونه وقالت: تفضل... وهو من يوم التقت عيونه بعيونها نسى كل شي ... حركت يدها في وجهه وهي تقول : يا هوه وين وصلت ... ابتسم وبانت غمازاته وقال : لا أبد معاك ... وهي ذاااابت من ابتسامته وقالت وهي ترجع عيونه على الآي بود تحاول تشغل نفسها عنه : أيش كنت تبي تسأل ؟؟؟ وطالعت في عيونه وهو من يشوف عيونها ما يدري أيش يصير له .... قال وهو يبعد عيونه عنها :ايه إحنا كل خميس او جمعة نجتمع ويا أعمامي وعيالهم في بيت جدي بس عمري ما شفتك بينهم سحر : سهله لأني كنت مشغولة رائد عرف إنها تصرفه : هه كل السنين الي فاتت مشغولة ؟؟؟ وبأيش يا حظي ؟؟ سحر انقهرت من كلامه : أحب أحتفظ بأسبابي لنفسي وبعدين مين قال إني ما اروح بيت جدي كل يوم وأنا فيه إلا الأيام الي تجتمعون فيها وزي ما قلت بأحتفظ بأسبابي لنفسي ... ويمكن يوم من الأيام بتعرف و anyway بتشوفني بينهم في الأيام القادمة رائد : اهااااا وابتسم لها وشافوا أمل ودانة و جايين لهم ... سحر : ها خلصتوا أنا تعبت !!! دانة والكلام يالله يطلع منها : ايه خلصنا .. أمل : طيب يلا مشينا دقوا على مشاري وطلال الصايعين ... رائد تذكر الموقف الي صار وقعد يضحك .... أمل : ضحكنا معاك يالأخ !! رائد : خخخخخخخخخ تذكرت بنت عمي العزيز وهي تطق الثنائي المرح في وسط السوق خخخخخخ والله منظر لا يتفوت ياليت كانت معاي الكاميرا ههههههههههههههههههههههههه .... سحر : ههههههههههههههههههههههههههه ايه عاد هم جابوا المشاكل لنفسهم أجل يقولون لي قطو وأسكت ... ورائد يضحك .. أمل : فهمونا السالفة وجلسوا يقولون لهم وهم ماتوا ضحك في الطاولة الثانية قريبة منهم فيها 3 بنات فاصخات الحيا والمكياج أنواع والعباية فستان فرح وحده منهم من أول تطالع في رائد بكل جرأة ورائد ما عطاها وجه وهو بين كل فترة يناظر سحر بدون ما تحس ويفكر إنه قد أيش ذي البنت غريبة وغامضة .... قالت بصوت عالي عشان يسمعها : ياااااااي حرام كل ذا الحلى يروح لزوجته بس ... والثانية قالت : معاك حق إذا ما تزوج عليها بيكون أناني ... الثالثة : ياليت بس والله أرضى حتى أكون خدامته ...... أمل : شوف قلة أدب عيني عينك يتغزلون فيك ياخوي \ سحر : ههههههههه والله وانقلبت الآية البنات هم الي يتغزلون في العيال .. رائد وهو يوقف : أصلا ذي الأشكال مما تنعطي وجه خلهم يتكلمون من هنا لبكرا ... يلا مشينا دقت دانة على طلال وقالت لهم إنهم يستنونهم في السيارة وجوا مشاري وطلال وهم يتحلطمون على عمرهم ... قالوا أول ما ركبوا : زين كذا الحين ذا السوق أبد معد نطبه مره ثانية كله منك ... ناظرتهم بكل براءة وأشرت على نفسها : أنااااا !!! قالوا مع بعض : لا الي وراك ... قالت بارتياح : اها حسبتكم تتكلمون عني بس الحمدالله طلعتوا تقصدون أمل ... أمل : خيررررر وأنا أيش سويت لحضراتكم .... قال مشاري : وانتي ما تصدقين على طول تدافعين ما جبنا طاري اسمك احنا نتكلم عن ذي البريئة .. . ( ويأشر على سحر ) سحر :يب قلتها بنفسك بريئة .... وكملوا كذا طول المشوار لبيت سحر أول ما وصلوا قالت أمل : سحر لا تقاطعينا وعلى فكرة انتي بتحضرين العزيمة بكرا ؟؟؟ سحر وهي تنزل : يب أكيد ولو بيدي كان ما حضرت ....... قفلت الباب وراها ومشت أمل قالت : أيش قصدها إنه لو بيدها ما تحضر ؟! دانة : لا تتعجبين سحر مو اجتماعية وما تحب تروح لناس ما تعرفهم أمل : غريبة مع إني كنت أحسب العكس لأنه أول ما شفتها صرت أمون عليها وكأني أعرفها من زمان طلال : خخخخخخخخخخخخخخخ هذه حالتها حالة استثنائية ... رائد يقول في نفسه ايه والله جبتها يا طلال من جد حالة استثنائية !!! شوي ويسمعون صوت مسج فتح طلال المسج وقراها وضحك وضحك: ههههه والله إنها فاضية ذي البنت مشاري : من ؟؟؟ طلال : سحر شوف وش راسله لي قرا مشاري المسج بصوت عالي : اسف رساله بالغلط ياشين اللقافه قلنا رساله بالغلط لازم تحوس؟؟ ضحكوا كلهم على المسج ...::::::... في بيت أبو راشد ... (( أولاده راشد30 متزوج بنت خالته أسماء عنده توأم ولد وبنت عمرهم 3 سنين ساره وساري وزوجته حامل في الشهر ال5 عمرها 24.... الولد الثاني خالد عمره 25 عزوبي خخخخخخخخ ويدرس إدارة أعمال... بعده عبير عمرها 23 تدرس ديكور ...... ومن ثم لجين عمرها 18 وآخر العنقود آلاء عمرها 13 )) لجين تجري من الدرج وتلحقها آلاء خايفين من خالد يصارخ عليهم : كم مره قلت لكم خلوني أنام ما تفهمون !!! ويقفل باب غرفته بقوة لدرجة إن كل البيت سمع الصوت ... آلاء تطب في حضن أبوها ... أم راشد : بشويش كسرتي أبوك آلاء : تغارين يمه !!! أم راشد : ويه على أفكارك ما قلت شي هذه وانتي صغيرة أجل لما تكبرين كيف ؟؟؟ أبو راشد : هههههههههه وش سويتوا في أخوكم ؟؟ آلاء : بس بس صحيناه من النوم ... أبو راشد : علي أنا !! لجين : ايه يبه آلاء تقول الصدق اللهم طشينا عليه مويه عشان يصحى خخخخخخخخخ أم راشد : يا ويلي على وليدي آلاء : ما سوينا شي !! لجين : وأنا أدعم أقوال أختي انتم ما تشوفونه صاير خفاش بس في الليل يطلع والنهار ينام !!! أبو راشد : وانتي الصادقة هذه الإجازة هي الي خربت نظام نومكم ... سمعوا الجرس يدق قامت آلاء تفتح الباب دخل راشد شايل ولده ساري وبنته ساره ووراه دخلت زوجته أسماء وسلم على أبوه وأمه أم راشد : يا حي الله من جانا لجين : وأنا أقول ليه البيت منور راشد : ايه طبعا ما دام اني جيت أكيد نور \ لجين : خخخخخخخ كنت أقصد أسماء أبو راشد : خذها على قد عقلها إلا النور نوركم كلكم راشد : هههههههههههههههه ايه والله انك صادق يابوي بس الصراحة هي أسماء نور الدنيا كلها لجين : خخخخخخخخ لا تكون زوجتك شمس وانا ما ادري خخخخخخخخخخخخخخ أسماء حمرررررررت من كلام راشد آلاء : لا تتغزل بزوجتك قدامنا عيب فيه ناس عزوبية هنا راشد فتح عيونه على آخرهم من كلام أخته أم راشد : معليك منها ذي البنت أفكارها خاربه خاربه ....... إلا أسماء كيف الحمل معاك لا يكون متعبك ؟! أسماء : والله يا خالتي الحمدالله أحسن من يوم كنت حامله في التوأم أبو راشد قاعد يلاعب التوأم ... لجين : أقول آلاء قومي نمشي بكرامتنا شكله الوالد نسانا من يوم جو الغالين آلاء : ايه والله كأنهم هم أولاده وإحنا عيال الجيران أبو راشد : ههههههههه لا انتم الغالين بس ذولا غلاتهم غير لأنهم أولاد الغالي لجين كتفت يدينها وقالت : ايه قول كذا من أول السالفة فيها راشد أجل أصبحنا في طي النسيان راشد : هههههههههههه أحسن تستاهلين يا أم لسانين أسماء : إلا وين عبير ؟؟؟ لجين : أكيد تلقينها في غرفتها على النت أسماء : أجل بطلع أسولف معها أم راشد : أكيد يا بنيتي ما تتعبين ؟؟؟ راشد يطالع فيها بنظرات كلها حنان : لا يالغالية خلهم ينادونها لك أسماء ابتسمت لراشد الزوج الي طول عمرها تمنته طيب وحنون وقالت : لا صدقوني ما أتعب وراحت أسماء لجين نطت أخذت جوال أسماء بدون محد يدري وأرسلت لراشد يلوموني بحبك يحسدوني بخفة دمك ما يدرون اني متوهق فيك وراشد فتح جواله يشوف المسج ويوم قراها تعقدت حواجبه قامت لجين أرسلت مسج ثاني الحب شي جميل احساس وشعور بس الصراحه وجهك ما يساعد وراشد فتح المسج وطالع فيه فترة مستغرب وقال في نفسه وش فيها ذي شكله الحمل مأثر عليها ورجعت لجين أرسلت مسج ثاني اختبرشخصيتك:قول: أوء أوء أوء أوء أوء أي أي أي النتيجة : قرد طبيعي 100 % عصب راشد وقام من مكانه أبو راشد : وش فيك يا وليدي ؟؟؟ راشد ارتبك : هاا ... لا بس ابي أسماء في شغلة وراح لأسماء قبل ما تدخل الغرفة وقال : أسماء تنكتين بمسجاتك ذي ؟؟؟ أسماء مسكينة ما تعرف شي : أية مسجات ؟؟؟ وراها المسجات قالت : أنا أصلا ما معي الجوال !!! راشد : كيف ؟! ولجين تتابع إرسال المسجات بجوال أسماء فتح راشد المسج وقراها هو وأسماء وش الفرق بيني و بين الغبي .. الفرق هو أني أنا اللي مرسل الرسالة .. و الغبي هو اللي يقراها ( مع تحيات لجين ) راشد : شوف تلعب علي !!! وبعدين انتي انتبهي لجوالك أسماء تضحك : هههههههههه أوكي يا عيوني بروح لعبير باااايوو راشد : هههههه عجبتك حركت لجين خخخخخ اوكي سي يو يا حبي راح راشد يدور على لجين ............. في غرفة عبير أسماء تدق على الباب عبير: تفضل الباب مفتوح أسماء : هاااااي ببنت خالتي عبير نطت من السرير : هااايوووووو بأحلى زوجة أخوووو وبعد ما سلموا على بعض جلسوا يسولفون أسماء : إلا كيف حبيب القلب ناصر ... عبير : ما يدري عن هوا داري مليت منه !!! أسماء حزنت على حالتها : لا ما تدرين يمكن يحبك بعد عبير : يا شيخة أصلا حتى نظرة ما يناظر فيني كيف تبغينه يحبني أسماء : تفاءلي بالخير تجديه عبير : ايه طول عمري بقعد متفائلة أسماء : يا حياتي إذا كنت واثقة إنه ما يحبك فليش تتعبين نفسك خلاص انسيه عبير : سهل الكلام بس صعب الفعل !!!!!!! ...::::::... جيت على البال ياعمري ولڪ وحشه قلت ... [ أتّصل بڪ ] وحشني صوتڪ العذب في بيت أبو فيصل .... (( أولاد أبو فيصل أكبرهم أكيد فيصل خخخخخخخخخ عمره 24 يدرس هندسة .... بعده ريما عمرها 20 تدرس طب .... بعدها رشا ورشاد توأم عمرهم 16 ... وآخر العنقود خخخخخخ رنا 10 سنين )) أبو فيصل وأم فيصل يتكلمون عن العزيمة الي في بيت الجد ودخلت ريما مع فيصل وسلموا على ابوهم وأمهم وجلسوا يسولفون معهم عن العزيمة ريما : إلا وش سبب العزيمة الكبيرة ذي أبو فيصل : اليوم كلمت أبوي والي فهمت منه إن العزيمة لها سبب ببنت أخوي ... فيصل استغرب : أية وحده ؟؟؟ أم فيصل : وحده ما تعرفها !!! ريما : كيف ؟؟؟ أنا أعرف بنات عمي كلهم !!! أبو فيصل : لا هذه بنت عمك أحمد ... ريما : غريبة عمري ما شفتها فيصل : هذه الي دايما جدي يتكلم عنها !!! أبو فيصل : ايه هذه هي اسمها سحر أم فيصل : والله كل ما نروح بيت خالتي نسمع عنها وعن أخلاقها بس عمرنا ما شفناها أتذكر آخر مره شفتها فيها يوم عزا أختها !!! ريما وفيصل في نفس الوقت : هاااااا !!!!! أبو فيصل : والله مسكينة هذه البنت من مصيبة لمصيبة الله يعينها أم فيصل : ايه حكايتها طويلة الله يصبرها ريما بلقافة : يمه تكفين حكيني عنها !!! أم فيصل : والله يا بنيتي إن جدك منعنا من إن نتكلم عن الي صار فيصل : يوه ليه من حقنا نعرف أبو فيصل عصب : خلاص بلا لقافة قوموا عني يلا .... ريما وفيصل طلعوا وهم على الدرج مستغربين من تصرف أبوهم ريما : اوف الحين احنا ايش سوينا بس سألنا فيصل : أنا أدري !!! بس ما دام جدي منعهم يتكلمون عنها فهيا أكيد سالفة كايدة !!! رشا ورشاد من وراهم : وش هي !!!!!! ريما : بسم الله الرحمن الرحيم انتم من وين تطلعون كأنكم جن موب إنس!!!! رشا : جن في عينك ... إلا إحنا إنس ونص فيصل : ترى انتم منتم توأم متلاصق عشان تكونون مع بعض طول الوقت رشاد : خخخخخخخ تنكت انت ووجهك فيصل : أقول أروح غرفتي أحسن لي من مقابلة وجيهكم وراح غرفته وقفل الباب وراحت ريما وراه لغرفتها رشا : أعوذ بالله ما كأننا أخوانهم رشاد : خخخخخخخخخخ خلك منهم إمشي نجنن أمي شوي ..... في غرفة ريما على الساعة 12 ونص في الليل تدق على لجين تخبرها بالسالفة يوم عصب أبوها عليهم ما ردت لجين قالت ريما أنا متأكدة إنها ما نامت هذه ما تنام خلني بس أدق على بيتهم يمكن خالد يرد هههههههه مشتاقة أسمع صوته ابتسمت على أفكارها ودقت دقت ويوم رد قالت بصوت ناعم : ألوووووو ... السلام عليكم الطرف الآخر : احم وعليكم السلام طاح الجوال من يدها عرفت صاحب الصوت لا يمكن في عمرها إنها تنساه حست دقات قلبها مسموعة أخذت الجوال بسرعة وردت : آآآآآآه سوري .... ممكن لجين خالد : ومين أقولها ..... . ريما : صحبتها !!! خالد يقول في نفسه هههههه تستهبل علي عرفتها من سمعت صوتها بس خلني ألعب عليها شوي : وصحبتها مالها اسم ... ولا بس تدق على الناس في نص الليل عشان تزعجهم .... ريما ما عرفت أيش ترد قالت بسرعة : آسفة أخوي الرقم خطأ ............... وقفلت الجوال بسرعة ورمته خالد صار يضحك يضحك هههههههههه قال أيش الرقم خطأ هههههه يا عمري ما تعرف تصرف ههههههههههههه قام دق على لجين غرفتها وقال لها : ريما دقت تدور عليك لجين : وليه ما دقت على جوالي خالد : وأنا أيش دراني ؟؟؟ سي يووووو بروح اسهر مع خوياي لجين راحت تدق على ريما : ألوووووووو هلوووو ريما لسا مرتبكة ما صدقت الي صار وبحروف مقطعة قالت : آآآآه ايوا هاايوا لجين خافت عليها : أيش فيك ؟؟؟ ريما : ها لا ما فيني شي لجين : أوكي وليه اتصلتي شو كنتي تبغي ؟؟؟ ريما : مين قال لك إني اتصلت ؟؟؟ لجين : حبيبك قال إنك اتصلتي على البيت تبيني !!! ريما قالت :هاااااا ومين ان شاء الله حبيبي لجين : بس خلاص ترى انا كاشفتك مين غير خالد هو حبيبك هااااااااا لا تنكري ريما وووووه ياويلي عرفني : خخخخخخخخ بس خلاص لا تتكلمين عن الموضوع مره ثانية لجين : بكيفك بس تراك مفضوحة هههههههههههههههههههههههه ريما صارخت في من السماعة : ووجع لجين لجين : ويعه اوكي آخر مره وقعدت تحكيها عن الي صار لجين : واااااو فله بكرا نعرف من صاحبة الشأن أيش قصتها !! ريما : تستهبلين انتي أكيد هم ما كانوا يبونا نعرف لسبب لجين : آآآآآآآآآخ طيب ليه قلتي لي الحين ما راح ارتاح إلا لما أعرف أيش قصة البرنسيسة ريما : ههههههههه من الحين اخترتي لها لقب لجين : ايه وأصلا من جد هي ما تحضر لما نكون فيه شكلها مغرورة وشايفة نفسها لأنها وحيدة أبوها ريما : حرام عليك يمكن تكون عكس كذا لجين : خخخخخخخخخ خلاص بكرا نعرف ريما : ايه من جد اوكي بااااي لجين : باي يا حوووووبي خخخخخخخخخخخخ قفلت لجين وقعدت تفكر وااااااااه يا قلبي يا فيصل عصب عليك عمي عشان البرنسيسة خخخخخخخخخخخخخخخخخخخخخخخخخ وصارت ترسم أحلامها مع حبها من أيام الطفولة ........ ...::::::... وبكذا انتهى البارت الأول وأترك معه بعض الأسئلة أيش قصة سحر ؟؟؟ هل بدأ رائد يحب سحر ؟؟؟ أيش تتوقعون يصير في العزيمة ؟؟؟ ليش الجد منع أولاده وزوجاتهم يتكلمون عن الي صار لسحر ؟؟؟ فيصل يدري بحب لجين له ولا لا ؟؟؟ مين هو حبيب عبير ( ناصر ) ؟؟؟؟ خالد يحب ريما ولا لا ؟؟؟؟ وأتمنى تكون القصة نالت ولو جزء بسيط من إعجابكم سلاااااااااااام |
البداية جديدة واهلا بيكي في المنتدي
وارجو ان تعطيني رايك في قصتي sms وقاتل عائلة المهدي |
تسلم على مرورك الروعة
وللبقية شاكرة لكم مروركم الصامت سلااااام |
السلام عليكم ورحمة الله وبركاته
والروايه بجد رائعه ومشوقه جدا وشخصية سحر عجبتنى جدا واتمنى ان اعرف حكايتها اما باقى الشخصيات هستنى اعرفهم اكتر وقولك رأيى فيهم وبليز بلاش تتاخرى علينا ..... انا بزعل جدا من اللى بتأخر علينا ويشوقنا لدرجة اننا بننسى احداث الرواية تسلم ايدك ياجميل على الابداع ومنتظرين الجديد والمميز دايما منك |
مشكوره يالغالية على مرورك وهذا البارت لعيونك
حبيت أقولكم أحداث القصة ما راح تبدأ إلا في البارت الرابع تقريبا ...::::::... [{ ألم ذكرياتي }] ياااه..كل هذا الموت فيك وانت حي؟.. ليه ساكت؟ياخي قل لي اي شي.. في بيت سحر .... جا أبو سحر متأخر من الشغل كعادته طلع غرفته بس قبل استوقفه النور الي كان طالع من غرفة سحر دخل شافها جالسة على سريرها مسرحة ما انتبهت لدخول أبوها ( أبو سحر ) دخلت الغرفة لقيتها مسرحة ولا كأنها في الدنيا تطالع في الفراغ بنظرة كلها ألم ياليت لو بس تفتح لي قلبها شفت الدموع مغرقة عيونها بس ولا وحدة نزلت من عيونه أبو سحر : واااو سحر بصراحة أنا معجب بقوتك حتى دموعك ما تنزل لأي سبب حتى ولو كان سبب قوي بس انتي إنسانة وفيوم بتنهارين صدقيني أعرفك أنتي بنتي سحر الي كلام أبوها صحاها من سرحانها قالت بضيق : يبه تكفى خلاص كافي لا تقول شي أبو سحر : كيف تبيني أسكت وإنتي تتعذبين قدامي !!! سحر ردت بسخرية : فينك عني يوم كنت صغيرة يوم كنت ما أفهم شي حتى طفولتي ما تهنيت بها طفلة وأتعذب طفلة يبه طفلة بس انت انشغلت بأحزانك وتناسيتني أهملتني يبه وجاي اليوم تقول لي كذا .... خلاص يبه تعلمت اني أسكت تعلمت أخلي كل شي في قلبي ليه تبى تعرف هااااا يبه تكفى خليها بالقلب تجرح ولا تطلع برى وتفضح !!!!!!!!!!!!!!!!!!!!!!! طالع فيها بأسى ما يدري أيش يقول كل شي حوله يشير بأنه مذنب ذنب فظيع ذنب شنيع قام من مكانه وقال : إذا في يوم حبيتي تتكلمين وتقولين الي في قلبك تعرفين وين تلقيني ... وطلع من الغرفة تارك سحر ويا أفكارها قالت بسخرية : هه وين ألقاك يبه في أمريكا ولا فرنسا ولا إيطاليا طبعا ما سمعها أبوها لأنه طلع من زمان .... ...::::::... اليوم الثاني (يوم العزيمة ) صرخة قوية تردد صداها في أذنها شافتها قدامها تروح بعيد وتخليها صارت تجري وراها وتصارخ بأعلى صوتها : لا تروحين تكفين خليك معي محتاجتك .................. صرخت صرخة وقامت من النوم مرعوبة (سحر) يا الله حتى نومي ما أتهنى فيه نقزت من السرير اليوم المفروض أروح بيت جدي تأففت بضيق يوم تذكرت العزيمة الي في الليل يالله خلني أروح أكيد ألقى جدتي صاحية في ذا الوقت ................... بعد ما استحمت سحر كانت لابسه جينز وتي شيرت أخضر عليه أوراق شجر متناثرة وشريطة من عند الصدر مسكت السلسلة الي كانت لابستها هذه السلسلة ما تفارقها أبد ما تشيلها أبد مهما كان !!! باست السلسلة ولبست ساعة أنيقة لونها أخضر زي لون التي شيرت خلت شعرها زي ما هو بشكل عفوي ... طالع شكلها جناااااان رفعت الجينز من جهة رجلها اليسار وخلته كأنه برمودا بس برمودا من جهة وحده خخخخخخخ وطالعت في شكلها برضى في المراية ومشت طلعت من الغرفة راحت غرفة أبوها طبعا ما لقته رجعت دقت على السواق وقالت له ينتظرها برى نادت الشغالة عشان تروح معها ليندا هذه تشتغل عندهم طباخة وأصلها سوري : صباح الخير ستي سحر سحر : صباح النور ليندا : شوبيك على فين خارجه ؟! سحر : رايحه عند جدتي ليندا : ولك شو لا مافي طلعة إلا لما تفطري ... شو بيؤلوا عنا ما عندون أكل سحر : خخخخخخخخخخ ما يهم وبعد إصرار ليندا أخذت سحر معها سندوتش صغير وعصير فرش وطلعت من الباب ولقت السيارة في وجهها ركبت بدون أي كلمة وركبت معها الشغالة ... ...::::::... في بيت أبو سلطان أم سلطان تصحي أولادها بس ما فيه فايده رجعت للصالة ابو سلطان : ما صحوا ام سلطان : لا كل ذا من السهر أبو سلطان : هذا وانا موصي رائد يصحى عشان يسوي لي شغل ضروري ام سلطان : طيب كان طلبت من سلطان ابو سلطان : والله إني خلاص صرت أستحي أطلب منه شي عمره ما قصر في شي الله يخليه لي ... وبعد أبي رائد يساعد شوي ويتعلم الشغل في الشركة .... أم سلطان : أي والله سلطان حتى لما اطلب منه شغلات للبيت يروح يجيبها بنفسه الله يوفقه ويرزقه بالمراة الصالحة ... أبو سلطان : آمين ... ...::::::... سحر وهي واقفة قدام فله كبيرة تتأفف من الحر والشمس الساطعة فوق راسها !! وتدق الجرس ولا أحد يفتح ... انتبهت لسيارة وقفت ركزت نظرها على السيارة عرفته !!! نطت من مكانها وبسرعة فتحت باب السيارة من جهة السايق وهي تقول : عبوووودي الله جابك !! افتح الباب بسرعة لي ساعة واقفة تحت الشمس ..!! عبدالله : هههههههههههه وين مفتاحك هاااااا ؟؟؟ سحر : عمي تكفى يلا انا تشمست هناااا والمفتاح ضاااااااع !!! (مداخلة :. عبدالله هذا أصغر أعمام سحر عمره 28 عزوبي ويقول ما يبي يتزوج أبد >>> متعقد من الزواج خخخخخخخخخ ... وطبعا يشتغل في شركة العايلة ويبي يبدأ له شغل خاص ) عبدالله وهو يفتح الباب : طيب ما سلمتي علي !! سحر ما عبرته وطيران دخلت جو البيت عبدالله بأعلى صوته : يالمصلحجيه !!!!!!!!!!!! سحر ضحكت وهي داخلة وبسرعة طلعت لغرفتها >>> لا تستغربون لها غرفة في بيت جدها والبدروم الي تحت ملك لها بعد عشان هي تقريبا كل يوم عندهم ودايما تذاكر هناك .... وهي ماسكة باب الغرفة تذكرت إنها ما سلمت على جدها وجدتها تركت الباب ونزلت تحت شافت جدها يتقهوى وياكل تمر سحر : ههههههههههههه جدي قهوة على الصبح ما تنفع الجد الي هو أبو أحمد يموت في سحر وما يرفض لها أي طلب حتى لو كان أيش : يا هلا والله بحبيبة جدها تعالي سحر جلست في حضن جدها : كيفك جدوووو ؟؟؟ أبو أحمد : من يوم شفتك صرت بخير ... عبدالله وهو داخل : أوووف جات سحر خذت الغلا كله سحر تضم جدها بقوة وتقول : طبعااااا صح جدووووو أبو نواف : هههههههههه وهذه يبي لها سؤال !! عبدالله : بس بس خنقتي أبوي سحر طلعت له لسانها وقالت : مالك دخل روح يلا فارقنا .... عبدالله : شووف يبه سمعت ايش قالت انا كم مره قلت لك وهذه المره شهدت بنفسك مدى قلة أدبها أبو أحمد : زي ما قالت سحر مالك دخل ... سحر : هههههههههههههه شوف لقط وجهك طاح عبدالله : انا بروح عند امي يمكن ألقى الحنان الي فاقده بذا البيت سحر : مع السلامة خخخخخخخخخخخخ راح عبدالله وقعدت سحر تسولف مع جدها أبو أحمد : وكيف الدراسة معاك ( سحر تدرس ترم صيفي عشان تخلص الثانوي هذا الصيف لأنها تدرس مطور !!! وعطوها إجازة أسبوعين عشان تذاكر قبل الاختبارات ) سحر : تعررررف بنت ولدك عبقرية تخلص بسرعة خخخخخخخخخخخخ أبو أحمد : ايه أكيد عبقرية والله إنك تسوين أولاد أعمامك كلهم سحر : شهادة أفتخر فيها جدووو .... أبو أحمد : يلا انا بمشي الحين بروح أشوف الشركة ... سحر : أوك أجل ما أطول عليك أبو أحمد : والله ودي يوم تروحين معاي !!! سحر بابتسامة : جدي لا تقول كذا انت تدري إني أشتغل مع وليد في شركتي انا وهو !! أبو أحمد : وحتى هذه شركتك !! سحر : جدي هذيك شركتي لأني انا ووليد إلي طلعناها وخلينها توب ... هذه تعبي وشغلي انا والوليد !!! أبو أحمد : حتى هذه بتعبك فلولا مساعدتك لي كان الحين مالها وجود سحر : بس هذيك كنت انا الي اشرف عليها وانا الي أشتغل بيديني بس شركتك جدو بس كنت اعطيك أفكار فقط أبو أحمد : الله يوفقك يا بنيتي ..... (( خلوني أوضح لكم بعض الأشياء سحر من يوم ما كانت في ال15 تشتغل مع ولد أخوها في الشركة الي تركها أخوها بعد وفاته وهي ذكية مررررره وعندها قدرة ملاحظة قوية فقدرت تساعد ولد أخوها والحين هذه الشركة معروفة ومشهورة .... وفي نفس الوقت كانت تساعد جدها ببعض الأفكار عشان يحسن شركته بس كانت تحذر جدها من أن يقول لأي واحد من أعمامها أو أي أحد وخلته يقول إن هذه أفكاره وهي كانت تشتغل مع وليد بدون محد يدري من عايلة أبوها غير طبعا أبوها وجدها )) طلع جدها وهي رحت تدور على جدتها لقتها في الغرفة شافتها جدتها قالت : هلا والله دخلت سحر الغرفة : أهلين جدتوو أم أحمد : تعالي أبيك في شغلة راحت لها سحر وباست راسها : شووو جدتووو أخذت الجدة القرآن الي كان على الطاولة : تعالي يمه اقري لي جلست سحر في حضن جدتها وقالت : عندك سورة محددة ولا بس أقرأ أم أحمد: أي شي يمه سحر بدأت تقرا وكان صوتها جميل يقشعر له البدن وتخشع له القلوب دخل عبدالله الغرفة وتسند على الجدار وقعد يسمع بإنصات قرت سحر كم صفحة وقفلت المصحف وباسته وقالت بمرح يوم شافت دموع جدتها : يؤ جده قد كذا صوتي بشع !!! ابتسمت جدتها وباستها: الله يخليك يمه ويسعدك وين ما كنتي عبدالله : بصراحة صوتك عجيب حتى انا دمعت عيوني سحر : احم احم طبعاااا ايش عرفك !!! عبدالله : بس خلاص معد راح أمدحك ... سحر وجدتها : هههههههههههههههه ...::::::... في مكان بعيد جداا واقف يتأمل البحر قدامه يا الله قد ايش الغربة صعبة شاف بنت صغيرة تلعب بالرمل تذكر أخته الصغيرة أكيد الحين ما تتذكرني كيف تتذكرني وانا رحت وهي صغيرة هااانت باقي هذه الكم شهر وأرجع لبلادي كان شكله روعة شعره بني يتطاير مع الهوا ولابس نظارة شمسية واختصارا شكله يلفت الواحد لأن له حضور في أي مكان لف على البحر يناظره مره أخيرة وراح !!! ...::::::... ما صارت اخلصي أجل لو كان يوم زواجك أيش بتسوين >>> كانت هذه لجين معصبة من عبير الي طولت عشان تلبس عبير : يوووه لجين ايش فيك باقي وقت لجين : هذا إذا ما كان الناس قد تعشوا وخلصوا عبير : هدي أعصابك بس اجيب عبايتي لجين : بسررررعة ترى خالد بيروح ويخلينا عبير : لا تكفين لجين بس دقيقة لا تخلينه يروح وراحت عبير تجيب عبايتها ولجين طلعت من البيت ركبت السيارة كان خالد معصب خالد : يا ربي انتم ايش فيكم انا ايش سويت عشان اتورط معاكم كان رحتوا مع امي وابوي وآلاء لجين : كله من عبير دخلت عبير السيارة : السلام عليكم خالد : بدري كان ما جيتي عبير : يووه خالد كنت البس ما صحوني إلا متأخر أيش اسوي خالد : عذر أقبح من ذنب لجين : بس خلاص امشي ...::::::... في بيت الجد أم فيصل : يا خاله وينها بنت أحمد ما شفناها أم أحمد: والله بنيتي تعبانة ونامت أم راشد تهمس لأم بندر : هه الحين كل ذي العزيمة لها وما شفناها والله إنها ما تستحي أم بندر : لا عادي يمكنها تعبانة زي ما قالت خالتي !!! (( مقاطعة الجد عنده 5أولاد الي هم أبو سحر أكبرهم وبعده أبو راشد ،، وأبو بندر ،، وأبو فيصل ،،، وعبدالله أبو بندر عنده 4 أولاد وبنت الي هم بندر عمره 27 يدرس هندسة ،، ناصر 25 يدرس إدارة واقتصاد ،،ثامر 23 يدرس علوم طبية ،، هيثم 14 في ثاني متوسط ،،، لينا 4 سنوات )) عند البنات لجين : أووووووف الحين هذه وينها كنت متحسمة اشوفها خسارة بس !!! ريما : ههههههههههههههه الي يسمعك يقول إن البنت موب إنسانة تراها زي زيك لجين : يا شيخة احلفي !!!!!! أمل : انا بصراحة تعاملت معها بس ما شفت شكلها كانت لابسه العباية تحمسوا البنات وهي حكتهم عن الي صار السوق لجين : شفتوا والله إنها مغرورة قال أيش ابوي يجيب لي كل شي لحدي من جد مدلعة أمل : بالعكس حلو الكلام معها تحسين نفسك تعرفينها من زمان ريما : والله شوقتينا نشوفها عبير : قوموا بس نجيب الاستريو نرقص شوي أسماء : لا مو عدل الحين انا مااقدر ارقص ... رشا : بروح أجيبه وانتي الثانية مين قال لك تحميلن في ذا الوقت خخخخخخخخخخخخخخخخخخخخ أسماء : انقلعي بس ... البنات : هههههههههههههههههههههههههه ...::::::... عند الرجال في الصالة الثانية أبو سلطان كان يسولف ويا أبو سحر : وكيف سحر ما شفتها من زمان ... أبو سحر ابتسم : والله بخير رائد الي أول ما قالوا اسم سحر سكت عشان يسمعهم أبو سلطان : لا انت ولا بنتك تنشافون مدري وين تروحون أبو سحر : تعرف مشاغل الدنيا أبو سلطان : لا والله ياخوي موب عذر إنك تقطعنا طول هالمدة بسبب شغلك أبو سحر : أدري إني مقصر معكم وإن شاء الله معد نقاطعكم مره ثانية أبو سلطان : إن شاء الله ناصر ضرب رائد على راسه : ايش قاعد تسوي هاا اعترف رائد : آآآخ ياخي ما تعرف تسأل بدون ضرب ناصر : كم مره سألت بس شكلك مررره مو معنا لا تقووووووول إنك حبيت من ورانا رائد الي كان يفكر في سبب غياب سحر وأبوها لسنين رائد : حشى الواحد ما يقدر يفكر بدون ما يكون يحب ناصر : خخخخخخ بكيفك يوما ما بتعترف لي (( ناصر كان طبيعته مرحه ويحب يمزح بس مو كثير وما يقل عن رائد في وسامته )) ثامر : اقول شباب ايش رايكم نروح نلعب كوره في الحوش فيصل : ايه والله خالد : يلا أجل قوموا كلهم راحوا وسووا فريقين وبدا اللعب طبعا صار اللعب كله غش وضحك والبنات يراقبونهم من فوق ويعلقون عليهم مشاري الي كان يغني رشا : وعععععع ايش ذا الصوت كأنه دجاجة مخنوقة مشاري أخذ الكوره ورماها على البنات فوق : ما الدجاجة غيرك مين الي قالت كذا ها اعترفوا البنات صرخوا ونزلوا روسهم تحت راحت الكوره صقعت في وجه لينا الصغيرة وطبعا صارت بس تبكي ناصر : شوف خليت أختي تبكي والله إن تندم أمل أخذت لينا لأمها وناصر ومشاري يتطاردون في الحوش خخخخخخخ توم وجيري ...::::::... الجد استغل فرصة إن الشباب راحوا وبدا كلامه : ياعيالي اسمعوني زين فيه كلام من زمان ودي أقوله كلهم سكتوا احتراما لأبوهم وكمل أبو أحمد كلامه : حبيت أخبركم إن نجاح الشركة وكل ما فيها بفضل الله ثم سحر كلهم ظهر عليهم الصدمة على وجيههم أبو فيصل : كيف ؟؟؟؟!!!! أبو أحمد : كل الأفكار في نجاح الشركة كانت كلها من سحر أبو راشد : بس يبه كيف هذه البنت صغيرة أيش فهمها يبه تكلم بالعقل أبو أحمد : أيش قصدك انا أتكلم بجد هي سبب نجاح الشركة وأخبرك بعد تعرف شركة ال**** الي صاحبها وليد ال**** أبو سلطان : ايه بس ايش علاقته بالي نتكلم عنه ؟! أبو أحمد : هذا يصير ولد أخو سحر ولما توفى أبوه الله يرحمه تولى هو وسحر إدارة الشركة وهذا حصل وعمرها 15 سنة الحمدالله البنت عبقرية وذكية كله من الله سبحانه وتعالى فلا تستهينون بها !!! اعرفوا إن لها مكان في شركتنا متى ما بغت أبو بندر : يبه ما عندنا بنات يشتغلون !!! أبو أحمد : أفكارك هذه خلها على جنب بنتي لو تبي تشتغل في شركتنا بتشتغل مادام إني موافق وأبوها موافق ،،، بتتخرج من الثانوية هذا الصيف وهذه كلمتي فلا تعصوني أبو فيصل : ما عاش من يعصيك يا يبه أبو أحمد : تراها بنتي وغالية علي وأي شي تبيه أعطيها إياه حتى إنها طلبت مني تدرس برى وبالفعل درست 2 سنتين في بريطانيا ومنها اكتسبت لغة ووالله رفعت راسي قدام الكل هناك فهي كانت تدرس وفتحوا لشركة ولد أخوها فرع هناك فهي تسواكم كلكم فلا تبخلون عليها بشي يمديكم تقدمونه لها وانا اقولها هنا قدامكم بنت أخوكم أمانة عندكم ..... أبو سلطان :طيب بس هي ما عندها أخوان أبو سحر الي كان طول الوقت مبتسم بفخر ببنته قال : هذا يصير ولد خالها وولد أخوها بنفس الوقت لأنها رضعت مع خالها طلال عشان أمها كانت تعبانة .... ...::::::... في البدروم كانت الفوضى في كل مكان الأوراق مبعثرة و الابتوب مفتوح كتب طايحة وبين كل هذا كانت سحر نايمة قدام الابتوب وفي يدها كتاب دق جوالها فتحت عيونها ردت بدون ما تشوف مين : مين >>> الأخلاق قافلة معها خخخخخخ المتصل : وعليكم السلام سحر تتثاوب : خيرررررررر المتصل : هههههههههههههههه وانا اقول ليه كذا تردين شكلك كنتي نايمة وانا صحيتك خلاص اجل بقفل وانتي كملي نومك سحر : نعممممممممممم !!!!!!!!!!!!! بعد ما طيرت النوم من عيوني لا يا شيخ خلك على الخط بس بجد مين انت ؟؟؟ المتصل : ههههههههههههه عمتي سحر انهبلتي معد تعرفيني خخخخخخخخخخ سحر انتبهت انه قال عمتي طالعت في الجوال بعدين رجعت تكلم : اهاااااا أهلين وليد سوري كنت نايمة الحين صحصحت خخخخخخ وليد : هههههههههههههه سحر : وليدوه عندك شي ولا بس اتصلت كذا عشان تزعجني وليد : خلاص لا تاكليني مو منك من الي متصل مشتاق سحر : خخخخخخخخ لا عادي أصلا انت تموووون وليد : ايه ادري احم احم سحر : ههههههه يالواثق وليد : يحق لي ههههههههههههه سحر : يؤ يؤ omg وليد : ايش فيك ؟؟؟ سحر : عاد تصدق اليوم في عزيمة لي وانا رحت في سابع نومه من المذاكرة وليد : ههههههههه الله يفشلك اقول قومي روحي سلمي على الناس سحر : اسكت بالله مالي خلق وليد : أوكي أجل بقعد أسولف معك ... تدرين إن اليوم امي فاتحتني مره ثانية بموضوع الزواج سحر : خخخخخخ أكيد تهربت كالعادة وليد : ايه طبعااااا ... بس بصراحة انا ابغى وحده زيك في أخلاقها سحر : ههههههههه انا يونيك سبيشل ما تلقى مثلي لو تلف العالم كله ما راح تلقى وليد بإحباط : ايه ادري وهذا الي معقدني سحر : يؤ يؤ خلاص أجل زواجك على إيدي أنا بدور لك وحده تصير ربعي في أخلاقها شو رايك وليد : الله يخليك لي عمتوووو سحر : خخخخخخخ أثر عايلتي كلها مصلحجيين وليد : وانتي أولهم يا أحلى عمة في العالم سحر : هههه مدري اعتبرها مدح ولا ذم وليد : حشى انا ما اذم عمتي أكيد هذا مدح سحر : هههههههههه ايه اضحك علي بكم كلمة بس انا زعلانة منك وليد : ليه لا يكون عشان اعطيتك إجازة من الشغل ؟! سحر بزعل : ايه الحين ايش اسوي بالله كل وقتي فاضية وليد : ههههههههه يالله يا سحر كم مره تكلمنا بذا الموضوع هذه الاجازة عشان تذاكرين للإختبارات مو أنتي الي تبين تصيرين دكتورة !! سحر : خلاص بروح انام احسن لي وليد : ههههههههههههههههههههه يالله أجل تصبحين على خير سحر : وانت من اهله بايووووووا سكرت سحر الجوال وقعدت تطالع فيه تنهدت وقالت الله يخليك لي ((علاقة سحر بأولاد أخوها قوية وهم يحترمونها عشان كذا يقولون لها عمتي )) قامت سحر طلعت من الدرج الخلفي عشان محد ينتبه لها وصلت غرفتها سمعت أصوات من برا ناظرت من الشباك شافت العيال يلعبون كورة ... قعدت تضحك على أشكالهم ... وبعدين كملت نومها ... ...::::::... دخلت لجين المطبخ تشرب مويه دق جوالها في يدها صارت تسمع نغمة الجوال وتتمايل معها تتخيل نفسها مع فيصل كان واقف يتأملها من برى المطبخ وهي ما انتبهت له حسها ملاك نازل من السماء ( لجين كانت بنت حلوه خدودها حمرا وشفايفها ورديه الي يشوفها وده بس يبوسها خخخخخخ وملامحها ناعمة ) حس بنفسه وراح بسرعة قبل محد يشوفه وملامحها ما فارقت عيونه أما لجين ما حست بأحد شربت المويه وراحت عااااادي ...::::::.. بعد ما خلصت العزيمة تواعدوا مع الجد إنهم كلهم يروحون المزرعة ل3 أيام ...::::::.. في بيت أبو سلطان رائد كان يسمع أمه وهي تتكلم عن سحر كيف إنها ما نزلت لهم والعزيمة أصلا لها أمل : يمه لا تقولين كذا أكيد كانت تعبانة والله هذه البنت تنحب بسرعة وتدخل القلب على طول أم سلطان : والله بس مخربها الدلع أبو سلطان ابتسم : بالعكس والله إني حبيت كلامهم عنها من جد بنت رجال أم سلطان : وانت أيش دراك ؟؟؟ أبو سلطان قال لهم الي قاله الجد : بصراحة افتخرت إنها بنت أخوي بس شوفي بعد كل الي صار لها كيف وقفت من جديد وبنت حياتها وبدأت من الصفر تصدقين حتى إنها تعيش من راتبها ما تطلب من أبوها فلوس تخيلي مع إن أخوي حاول يحول لها على حسابها بس هي رافضة حتى سواقها تدفع له من عندها وسيارتها هي مشتريتها وابوها يقول مسويه معرض سيارات عندهم في البدروم !!! أم سلطان : معقولة بنت تقدر تسوي كل ذا لحالها أبو سلطان بفخر : مو أي بنت بس بنت أخوي !!!!!!!!!!!!!!!!!!! رائد وأمل وسلطان ومشاري وأمهم انصدموا بهذا الكلام لف أبو سلطان على الأولاد : يعني شوفوا بنت صارت أحسن منكم وهذا وهي ما تجاوز عمرها ال17 مشاري : عاد ابوي انا بس اخلص الثانوية واكمل الجامعة واخليك ترفع راسك فخرا بي أبو سلطان : هه يا حظي بس سحر بتخلص الثانوية هذا الصيف وانت لسا ومع هذا تشتغل في شركتها والله بجنبها إنك ما تسوى شي أمل : هههههههههه والله ابوي كلك بكلامها خخخخخخخخخ مشاري ناظرها نظرات حقد خلتها تسكت أما رائد قعد يفكر بها طول الليل ايش قصده ابوي انه بعد كل الي صار لها ليه ايش صار لها ؟؟!! والله إنها حيرتني هذه البنت كل شي عنها لغز !!! ((طبعا ما اخذ وقت وصارت العايلة كلها تدري بشغل سحر خخخخ )) ...::::::... صحت سحر في الصباح وهي متضايقة قلبها مقبوض دخلت غرفة عمها صحته سحر : عمي قووووم عبدالله : سحر تكفين شوفي كم الساعة خليني أنام سحر : 5الفجر يلا قوم عمي عبدالله : ها قمت ايش فيك ؟؟؟ سحر : عمي والله قلبي مقبوض فيه شي بيحصل اليوم عبدالله : اقول تعوذي من الشيطان ونامي اليوم عندنا رحلة للمزرعة سحر : أووووووف انت محد يقول لك شي قامت سحر متضايقة وعبدالله ما صدق كمل نومه بعدها ما نامت سحر ...::::::... أمل كانت تجهز ملابسها عشان يروحون المزرعة بعد ما خلصت سوت لنفسها فطور وجلست في الصالة تأكل نزلت أم سلطان : صباح الخير أمل : صباح النور يمه أم سلطان : ها جهزتي أشيائك ترى احنا بنروح الساعة 9 أمل : ايه يمه خلصت كل شي دق جوال أمل (لوليتا) تتصل بك ردت أمل : أهلين لجووون لجين : هلا والله بأمووول أمل : جهزتي كل شي عشان نروح للمزرعة لجين : افا عليك كل شي جاهز الشبسات والبيبسي والحلويات كلها جاهزة أمل : هههههههههههههههههههههه قصدي ملابسك يالهبلة لجين : ايه من زمان بس هذه الأشياء الضرورية الي ما استغني عنها أمل : ههههههه الحمدالله والشكر لجين : أقول بس نبي نروح في سيارة وحده احنا والبنات ايش رايك أمل : ايه والله أجل لما نتلاقى في بيت جدي نروح بسيارة وحدة لجين : أوكي يلا ما اطول عليك سي يووو أمل : باايو ...::::::... هونتها لكنها عيت تهون .. لاقلت راح الهم الاقيه قدامي .. فيني ألم ما مر في قلب مطعون .. فيني حزن ما مر فعيون الايتام .. عاقل ولكن طحت في وقت مجنون .. اصحاب انا والهم واحباب ونمون .. ماهي صداقة يوم هي عشرة اعوام.! على الساعة 9 دق الجرس طالع عبدالله من الكاميرا وشاف أبو فيصل وعايلته فتح الباب سحر كانت جالسة عند جدتها انفتح الباب ودخلت أم فيصل ووراها بناتها ريما ورشا ورنا سلموا على الجده قامت سحر وسلمت على أم فيصل (سحر كانت لابسه برمودا أسود وبلوزة سودا مخصرة و أكمامها طويلة ومرسوم عليها وجه مبتسم بالأصفر وإصبعين علامة السلام خخخخخخ ومكتوب peace ) أم فيصل : الله يا سحر كبرتي واحلويتي ما شفناك من .... سكتت أم فيصل سحر ابتسمت : من عزا أختي عادي كمليها ... أم فيصل ناظرت فيها بشفقة الجده ما عجبها الوضع حبت تغير الموضوع : شوفي يا بنيتي هذولا بنات عمك هذه ريما ورشا ورنا ..... وأشرت عليهم سحر : اهااا أهلين .... وبعد ما تعرفوا على بعض وريما حبت سحر ريما : وأيش بتدرسين في الجامعة ؟؟؟ سحر بابتسامة واسعة : أكيد طب بشري ريما : انا ادرس طب بس طب أسنان سحر : اهااااا وشوي جوا عايلة أبو راشد وأبو بندر عرفوا البنات سحر وكلهم حبوها لجين اللقافة ذابحتها سألت : إلا سحر سمعت إنه كان عندك أخت ريما ضربت لجين على رجلها لجين : آآآآآآي بس سؤال سحر ضحكت : عادي خليها تسأل لجين : شفتي عادي سحر : هههههههه زي ما قلتي كان عندي أخت أصغر مني ب3 سنين بس مرضها خذها مني كلهم قالوا الله يرحمها لجين ندمت إنها سألتها رشا كملت : طيب أيش كان مرضها لجين : اسكتي البزران ما يتكلمون في هذه الأشياء سحر : هههههههههه زي ما انتي سألتي حتى هي تسأل كانت مريضة بالسرطان كلهم شهقوا أسماء : واااااه يا حياتي صغيرة ابتسمت سحر وقالت : بروح أجيب جوالي واشيائي عشان نروح وراحت سحر وصلت غرفتها فتحت الجوال لقت20 ميس كولد 10 من وليد و5 من فهد و5 من باسم >>> كلهم يصيرون أولاد أخوها ( وليد 26 و فهد 24 وباسم 15 وبسام 6 سنين ) اتصلت على وليد وليد : ألو عمتي وينك ؟؟؟ سحر : في البيت بس خارجه ورايحه المزرعة ليه ؟؟؟ وليد : عمتي عبدالعزيز سحر : ايش فيه عزوز وليد : توفى اليوم الصبح في المسجد سحر عورها قلبها : ................. وليد : عمتي باسم منهار وما يكلم أحد سحر : وليد تقدرون تجون عندنا في المزرعة وليد : ايه أكيد سحر : وجيبهم كلهم معك وليد : حاضر سحر : يلا أجل مع السلامة وليد : فمان الله (( عبدالعزيز يصير صديق باسم الروح بالروح وكان قريب من سحر ويقولها عمتي )) سحر قامت متضايقة على حالة ولد أخوها باسم نزلت تحت وشافتهم كلهم طلعوا لبست عبايتها طلعت من الباب شافت أول سيارة أبو راشد وزوجته وآلاء والجد والجده والثانية أبو فيصل وزوجته ومعهم رشا ورشاد ورنا والثالثة ابو بندر وزوجته وهيثم ولينا وسيارة راشد وزوجته والتوأم بعدها سيارة فيصل معه خالد ومشاري وسيارة رائد مع ناصر وثامر وسيارة سلطان متجمعين فيها كل البنات سحر طلعت من الباب مسرحة ما تدري وينها فيه أمل : سحر تعالي معنا سحر جات عندهم بس ما لقت مكان : لا يا شيخة وين تبيني أجلس فوقك أشر لها جدها تركب معهم سلمت على عمها وزوجته وهي واقفة برا السيارة : هلا عمي شخبارك أبو راشد : هلا والله بالقاطعة بنت القاطع سحر : افا عمي شكلك شايل بخاطرك علينا أبو راشد : وش اسوي يا بنتي كله منكم سحر : إن شاء الله آخر مره أبو راشد : ووينه أبوك سحر شافت سيارة إنفنتي جايه ناحيتهم ابتسمت وقالت : هذا هو يلا نتقابل في المزرعة سحر راحت ركبت جنب أبوها سحر : هلا والله بأبوي الي أول مره يترك شغله عشان يجي معنا أبو سحر : إذا ما تركت شغلي عشانك أتركه عشان مين سحر : احم احم عارفه .. قول آمين أبو سحر : آمين سحر : الله لا يغيرك علي أبو سحر : هههههههههههههههههههه يلا بس مشينا شوفيهم راحوا واحنا قاعدين نسولف سحر : أوك بس على شرط يوم نطلع أبي أسوق أبو سحر : ههههههه غالي والطلب رخيص سحر شغلت الآي بود حقها وحطت السماعات وصارت تسمع أغنية Delta Goodrem- lost without you ( سحر ما تسمع أغاني إلا غربي ) وصارت تغني مع الأغنية تفكر بعزوز وأيامهم يوم كانوا بس يتضاربون ويلعبون كورة رجعت بذاكرتها يوم كان عمرها 16 كانت في بريطانيا بالضبط في لندن كان يوم ممطر وضباب حتى إنك ما تشوف الي جنبك في المطار كانت سحر بتستقبل أولاد أخوها ومعهم عزوز جو كلهم لها وأولهم طار بسام لعمته بسام وهو يجري في المطار رايح لسحر : عمتووو سحر : بسااااااااامي شالته وباسته وبعد ما سلمت عليهم كلهم سحر : وين أمك وليد ليه ما جات وليد : ما تبي تجي راحت تجلس عند خالتي سحر : اهااااااا فهد كان يناظر البنات الي في المطار : اقول عمتي أبي أتزوج وحده بريطانية ومن لندن سحر ضربته على راسه : الله يخلف بنات بلادي مالهم مثيل فهد : آآي ما قلت فيهم شي بس تغيير وليد : خل عنك حركاتك وامش قدامي يلا فهد : أعوذ بالله منكم انا ما قلت شي غلط عزوز مسك يد سحر اليمين وباسم مسك يدها اليسار وشدوها عزوز : عمتي حياتي نبي نتمشى باسم : تدرين أول مره نجي لندن وانتي من زمان فيها ورينا أحلى الأماكن فهد : هيه ترى احنا تونا جينا من السفر تعبانين وانتم تبون تتمشون عزوز : انتم ارتاحوا يالعجايز واحنا بنتمشى سحر : وليد تعرف مكان البيت صح ؟! وليد : ايه (( لأن وليد قد جا عشان الشغل وكان ساكن مع سحر في الفله حقتها) سحر : أجل انت وفهد وبسام روحوا وأنا بمشيهم شوي ونجي أوكي !! وليد : بكيفك يلا مشينا بسام : لا عمتوو ابي اروح معاكي سحر : أنا بجي بسرعة ما راح أطول وإذا انت رحت مع وليد بتلقى هدية لك في البيت بسام : ايش هي ؟؟؟ سحر : مفاجأة روح وشوف بنفسك ولا ترى فهد بياخذها بسام صار يشد يد وليد : يلا وليد امشي نروح البيت بسرعة ضحكوا عليه وراح وليد وفهد وبسام للبيت أما سحر وعزوز وباسم راحوا الحديقة عزوز : واااااااو عليهم طبيعة روعة مو زينا صحراء قاحلة باسم : فديت صحراء بلادي وترابها سحر : هههههههههه من وين نازلة عليك الوطنية ذي عزوز : معليك منه خذ له ضربة في الطيارة غيرت مفاهيمه باسم يناظر عزوز بحقد : مدري بس من وين جاتني الضربة هاا عزوز : ياخي قلت لك بدون قصد سحر : هههههههه توم وجيري باسم : بس انا جيري لأني الأذكى عزوز : يا ضعيف من ضحك عليك وقال لك إنك ذكي ؟! سحر :هههههههههههههههههههههه باسم : عزوز انتبه وراك عزوز : هاهاها قديمة العب غيرها سحر : من جد عزوز ابعد عزوز يسوي نفسه مو خايف : بس انت وياها عزوز سمع صوت كلب ينبح وراه عزوز نقز من مكانه وتمسك بسحر ((عزوز كان يخاف من الكلاب)) سحر وباسم : ههههههههههههههههههههههههههههههههههههههه خووووواااااااااااااااف عزوز : لا لا انا ماني جالس هنا الحديقة كلها كلاب تقولون عيالهم مو كلابهم سحر : هههههههههههههههههههههههههههههههههههههههههههه محد يمشي هنا بدون كلبه عزوز : أدري عشان كذا جبت معي باسم سحر : هههههههههههههههههه باسم : تخسي ما الكلب إلا أنت عزوز : انا ما قلت شي إلي على راسه بطحا يحسس عليها باسم : باااااااين يالكذاب عزوز صار يجري في الحديقة : إلحقني كانك رجال باسم يجري وراه : وراك وراك والزمن طويل سحر واقفة تطالعهم وتضحك فجأة اختفوا من قدامها صارت تدورهم حط يدينه على عيونها باسم : مين أنا ؟؟؟؟ سحر : بااااااسم وخر يدينه شافت عزوز قدامها معه ورده حمرا وجواله فاتحه على أغنية Delta Goodrem- lost without you عزوز : عاد انا وباسم شفنا ذي الوردة قلنا الورد للورد باسم : ولأنك تحبين الأغاني الأجنبية حطينا هذه لك عزوز : وطبعا من اختياري سحر : هههههههههههههههه ما تبطلون حركاتكم عزوز وباسم بصوت واحد : never ...::::::... أبو سحر يناديها : سحر سحر سحر الي توها قامت من سرحانها : هااا يبه تبي شي ؟! أبو سحر : مو أنتي قلتي تبين تسوقين سحر : يب أكيد يلا أجل بوقف على جنب وأنتي كملي باقي الطريق ...::::::... في سيارة سلطان عند البنات أغاني وسوالف ووناسة سلطان : بنات تبون شي أوقف عند المحطة ولا لا ؟؟؟ لجين : ايه أكيد انا ابي جلكسي وحمضيات أمل : وانا ابي عصير عبير : انا ماابي شي ريما : انا بس ابي بيبسي سلطان : أوكي ...::::::... في سيارة رائد ناصر : شوف رائد مو هذه سيارة عمي أحمد رائد : إلا هي علامه وقف ثامر : يمكن صاير للسيارة شي ناصر : خلني أدق عليه دق ناصر على أبو سحر : هلا عمي شخبارك أبو سحر : هلا والله بناصر شخبارك ناصر : الحمدالله بس كنت ابي اعرف ليه موقف السيارة تبينا نساعدك في شي أبو سحر : لا ما فينا شي اللهم دلع بنات تقول تبي تسوق سحر بصوت عالي : يبه بنتك الوحيدة لازم تدلعني ناصر سمعها : ههههههههههههههههههههههههههههه على بالي .. أجل يلا نتقابل هناك ... سحر : لا لا استنى انتم سيارتكم ال bmw ناصر استغرب : ايه ليه سحر بصوت واطي بس سمعها ناصر وابوها ما سمعها لأنه طلع من السيارة : فديت السيارة وراعيها بعدين رجعت تتكلم : اهااااا تبادلون نعطيكم الانفنتي الجديدة وتعطونا ال bmw ناصر : هاااا خيرررررر .... لا معليش هذه موب سيارتي سحر : مالت عليك أجل ليش قاعده أتكلم معاك يا نصووووور ناصر : هههههههههههههههههههه وكيف عرفتي اسمي سحر : يوه ابوي كلمك يالأهبل يلا بس من زمان وانا اتمصلح عندك وفي الأخير طلعت السيارة مو لك قفلت سحر الجوال على وجهه وأبوها دخل السيارة وهي ركبت مكان السايق ناصر قعد يضحك بقووة رائد : شوي شوي أخاف يطق فيك عرق من الضحك ناصر : والله بنت عمي ذي خبله ثامر : ليه ايش قالت ناصر : تخيلوا تبي تسوق وأبوها طبعا ما يرفض لها طلب ثامر : هههههههههههههههههههههه عز الله راحت فيها السيارة ناصر : لا واسمع يا رائد ايش تقول عنك رائد : وش ناصر قال لهم السالفة وفطسوا ضحك على حركاتها رائد يقول في نفسه هه تقول فديت السيارة وراعيها اجل لو تدري إنه أنا ايش بتقول خخخخخخخخخ ...::::::... وطبعا سحر أول ما مسكت السيارة ( هي تعرف تسوق ) صارت السيارة من السرعة تحس إنها تطير وأصلا هذه سيارتها وهي كاتبة عليها على الجنب I'm not driving fast I'm just flying slowly ...::::::... في سيارة فيصل مشاري يأشر على سيارة سحر : والله بنت عمي مهب هينة خالد : الله يعين الي بياخذها فيصل ومشاري : هههههههههههههه آمين ...::::::... في سيارة أبو فيصل رشا : يبه شوف حتى انا ابي اسوق رشاد : هههههههههه انتي آخر وحده في العالم ممكن تسوق رشا : ليش إن شاء الله رشاد : هههههههه ليه إحنا مستغنين عن عمرنا رشا : أكرمنا بسكوتك أنا اكلم ابوي أبو فيصل : بس خلاص انتي مدري مين حط ذي الأفكار في راسك أول تبين تدرسين برا والحين تسوقين تاليها أيش ؟؟ ...::::::... أول من وصل المزرعة طبعاااا كانوا سحر وأبوها أبو سحر طلع من السيارة بسرعة وهو دايخ : الله يهديك سحوور كم مره قلت لك لا تسرعين سحر : هههههه شفت زي ما وعدتك وصلنا في زمن قياسي وقبل الكل أبو سحر : بس مو على حساب حياتنا كم مره بغيتي تصدمينا سحر : ههههههههه الحياة مغامرة باست سحر أبوها وراحت لغرفتها (( طبعاا لها غرفة لأن المزرعة كان فيها فله كبيرة مرررره حلوه تجنن كأنها قصر ومقسومة نصين نص للرجال والثانية للحريم بس الي يشوف قسم الحريم والرجال يقول إنه فله لحاله )) أول شي طلعت سحر حيواناتها الأليفة وتطمنت عليهم بعدين لبست فستان صيفي لونه أزرق فااااتح وتجولت في الحديقة ولقت وردة حمرا أخذتها شمتها وحطتها على شعرها سمعت الباقين جو وفي بالها فكره تبي تسويها بس لازم الكل يكون مجتمع المهم جلست مع البنات وهي ساكتة تفكر بعزوز أمل تهز سحر : سحر أيش فيك ؟؟؟ سحر بضيق : ما فيني شي دخلوا عمان البنات مع الجد وسلموا على سحر بحرارة خخخخخخخخخخخخ سحر استغربت وناظرت جدها بشك وقالت بصوت واطي : جدي انت قلت لهم صح الجد : ما تفرق لو قلت لهم الحين ولا بعدين مصيرهم بيعرفون وشوي قاموا البنات يتغطون عشان الأولاد بيدخلون وبعد ما دخلوا ريما قاعده تقول لسحر أسماء أولاد عمها بعدين قالت سحر بصوت عالي للبنات : بنات تبون تشوفون حيواناتي الأليفة عبدالله بهمس للعيال : ترقبوا المسرحية بنت أخوي وانا اعرفها البنات : واااااو ايه أكيد سحر ابتسمت بخبث : أجل انتطروني بعد فترة رجعت سحر : بنات أعرفكم على همتاارو البنات أنواع الصراخ آآآآآآآآآآآآء إإإإإإإإإإي أووووووووووووووو لجين : وعععع فاااااار العيال فطسوا ضحك على أشكال البنات سحر : وع في عينك هذا هامستر يالغبية لجين : لااااااااااء وعععععع ابعدي سحر : أوكي وراحت عند العيال : عمي امسكه شوي بدور على سنيك مدري وين راح عبير : يااااااا ويلي منهوووووووو سنيك آلاء: واااااااااااااااااااء عند رجلك ريماااااااااااااااااااااااا ريما طالعت تحت وشافت ثعبان تحتها نطت وهي تصرررررررررخ البنات طبعا كلهم قاموا حتى الحريم أما سحر ولا كأنها سوت شي راحت ومسكت الثعبان : اهاااااا أخيرا لقيته أبو راشد : ههههههههههههههههههه وش سويتي سحر بكل براءة : هم قالوا يبون يتعرفون على حيواناتي الأليفة رائد : حشى إذا كانت هذه الأليفة كيف المتوحشة سحر ابتسمت وقالت : تبي تشوف المتوحشة كيف العيال كلهم بنفس الوقت : كيففف ؟؟؟؟؟؟ سحر صفرت ونادت : بوبي ليو تعالواااا أما العيال انصدموا باللي شافوه والي قام من مكانه والي وقف حتى عمانها قاموا من أماكنهم معدا أبوها والبنات واقفين برى عند الباب وضحكوا عليهم هيثم : وععععع أكره الكلاب سحر : ههههههههههه فيصل : لا ونمررر هنااااا راشد : لا موب صاحية بنت عمي سحر : هههههههههههههههههههههههههههههه هذا شبل الله يخلف على عقولكم وحده تقولي فار والثاني نمر مشاري : مصيره يكبر ويصير نمر سحر : ايه بس حاليا شبل خخخخخخخخخخخخخخخ سحر كملت كلامها : أقووول علامكم خايفين ترى ما يعض الجد : خلاص يا بنيتي أرعبتيهم سحر : خخخخخخخخخخخ خلاص بأودي حيواناتي الألفية بعيدااااا رائد يكمل عليها : والمتوحشة بعد تكفين ...::::::... وبكذا انتهى البارت الثاني أدري إني في هذا البارت ركزت على سحر بس إن شاء الله البارت الثالث تتعرفون على باقي الأبطال وهذه بعض الأسئلة أيش قصة الكوابيس لي تجي سحر وما تخليها تنام ؟؟؟ منهووو الولد الي في الغربة وبيرجع بعد كم شهر وهل له علاقة ودور بقصتنا ؟؟؟ مين الي شاف لجين ترقص ؟؟؟ أيش بيصير في باسم ؟؟؟ وإن شاء الله يعجبكم هذا البارت |
متوقفة منذ 2008
ننتظر الكاتبة للتوضيح |
السلام عليكم بقية المحافظة على القصص ،،تم وضع قانون جديد للروايات الغير مكتملة بقسم من وحي قلم الاعضاء يرجى زيارة هذا الرابط http://www.liilas.com/vb3/t134089.html ولفتح القصة لتكملتها يرجى ،،وضع طلب بهذا القسم الخاص http://www.liilas.com/vb3/f30/ تغلق الرواية من تاريخ وضع الرد نرجو التعاون ،،موفقة |
تنقل القصه للارشيف حسب قانون القسم
|
| الساعة الآن 04:04 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية