منتديات ليلاس

بسم اللة الرحمن الرحيم
http://i189.photobucket.com/albums/z.../pentagram.jpg
القصة مسجلة باسمي في حقوق المولف
وانشاء اللة كل يوم جزء
SMS
محمدعادل

الانتقام هو الماء الذي يطفئ نار الظلام النفسي.

1-

في ليله داكنة ممطرة كان أحمد يقو د سيارته.
أحمد: إيه الليلة العتمة دي؟! قالها وهو داخل علي الكوبري.
رن الموبايل ,
أحمد : هي ناقصه! نظر إلي الموبايل فوجد رسالة فتحها فوجد مجموعه من الحروف الغريبة.
أحمد :إيه الكلام الفارغ ده ؟!
عندما التفت إلي الطريق لم يجده ولم يجد الكوبري ووجد نفسه في الهواء. فسقطت السيارة وتهشمت إلي إلف قطعه ومعها أحمد.
وهو يسقط وجد وجه فتاه شابه بعيون زرقاء وشعر اسود تحدق فيه من أعلي.

1-
هل أنا نفسي أم أن نفسي أصبحت شبحا ؟
في الصباح التالي,
- أنا نفسي أعرف حاجه واحده بس إزاي العربية توقع من فوق الكوبري من غير السور ما ينكسر أو أي آثار؟
قالها الضابط مدحت إلي مساعده نور.
مدحت ضابط في العشرينات من عمره يرتدي بذله سوداء وهو متوسط الطول ولديه ذقن دوجلاس.
نور : ممكن تكون الحادثة حصلت في مكان تاني وحد نقل العربية هنا .
مدحت : إحنا مانعرفش الحادثة حصلت إزاي, لكن العربية مدمره خالص. ومين ده اللي ح ينقل عربيه مدمره وصاحبها جواها وعلشان إيه؟!
- معاك حق .
- الأخ اللى مات اسمه إيه ؟
- أحمد الشريف وكان بيشتغل مهندس وسنه 21 وابن عائله غنية.
- أهله عرفوا ؟
- لسه من شوية .
- تعال نشوف الطبيب الشرعي قال إيه عن الحادث.
قالها وهما يغادران موقع الحادث.

-------------------------------------------------------------
دخل مدحت إلي غرفه المشرحة .الغرفة جوها بارد ويسودها جو كاتم مظلم . يقف الطبيب الكبير في السن ذو الشعر الأشيب أمام طاوله في منتصف الغرفة وعليها جثه أحمد الشريف مغطاة.

مدحت : إيه الأخبار يا دكتور علي ؟
- الأخبار مش كويسة . الجثة عضمها محطم . في عده أجزاء في الجسم محطم بطريقه شديدة .الطريقة الوحيدة أن يكون العضم تحطم بهذه الطريقة هي السقوط من مكان عالي جداٌ.

- زى كوبري مثلاٌ ؟
- مثلاٌ بالإضافة أن الجثة دي ماشفتش زيها قبل كده ولا قرأت ولا سمعت عنها ولا ح اسمع. دي جثه فريدة من نوعها .

- إزاي يعني ؟
- الجثة مالهاش عضو .
- عضو إيه ؟
- العضو الذكري.
- جري إيه يا دكتور ؟! ماتقول كلام غير ده .
- أتفضل شوق بنفسك .
ثم رفع الغطاء .
بدت علي مدحت علامات الصدمة والتقزز ثم قال :
- آه فعلا مش موجود. ثم التفت إلي د. علي وقال:
- مش ممكن يكون مستأصل ؟
- أنت مش فاهم. ده ما فيش مكان مطرح العضو أصلا أو أي آثار لأي عمليه من إي نوع.!
- يعني إيه يا دكتور فيه حد بيتولد كده ؟!
- ما فيش تفسير علمي للجثة دي بالإضافة أنا عندي تقارير طبية قديمه تثبت إن صاحب الجثة ذكر طبيعي . وحثي الجثة لما جت من موقع الحادث لم يكن هناك أي آثار دم علي هدموه .
بدت الحيرة علي مدحت.
د. علي : مش قولتلك جثه فريدة من نوعها.
- خرج مدحت من المشرحة وتبدو عليه الحيرة فإذا بشخص يظهر أمامه فجاء قائلا:
- سيادة الضابط مدحت أحمد ؟
مدحت : ايوة مين ؟
- أنا هشام عبد الر حمن صحفي .
- عايز إيه ؟
- أنا عايز اعرف تفاصيل حادث أحمد الشريف .
- ماعنديش حاجه أقولها .
ثم ابتعد عن هشام .
- طب إي حاجه طيب !
- اطلع من نافوخي قالها مبتدعاٌ.
نظر هشام حوله في ضيق وحيره ثم دخل إلي المشرحة.
وجد إمامه احد عمال المشرحة.
- بقولك إيه ثم وضع يده في جيبه وأخرج 50جنيه ووضعها في يد العامل.
- إيه ده ؟!
- تعرف إيه عن جثه أحمد الشريف؟
- والله أنا باسمع كلام غريب جدا ماحدش يصدقه .
- ماتقول .
- بيقولك جثه المرحوم مالهاش بتاع.
- بتاع إيه؟
- البتاع إلي عند كل راجل .
هشام وبدا عليه الاندهاش:
- حد استأصله يعني ؟
- لأ , ده بيقولك ماكانش عنده أصلا .
- يا عم أنت بتآكل بعقلي حلاوة ؟!
ثم نهض في عصبيه .
- أسال أي حد وهو ح يقولك نفس الكلام.
نظر إليه هشام في شك ثم انصرف .
---------------------------------------------------------------------
-
http://i189.photobucket.com/albums/z...hlensflare.jpg