|
فتحنا سجل التشريفات 000
فتحت عينى اليوم على رسالة من كمبيوتر ليلاس تقول لى كل سنة وانت طيب 000 يااه 000 الثانية والستين عاما انتهت !! وبدأ عامى ال الثالث والستون 000 منهم سنتين فى ليلاس شكرا لكمبيوتر ليلاس 000 بس هو نسى يحط اسمى فى بند " ولد فى مثل هذا اليوم !!) اولا 000 اشكر الله سبحانه وتعالى ان مد فى عمرى وفتح امام عينى ابواب وابواب ثانيا 00 الرسائل الخاصة تترى ورا بعضها 000 كان عيد ميلاد ابو فصاد شخصيا !! بقدر فرحى بكل هذا الحب والالتفاف 000 الا اننى اشعر ايضا بمسئولية كبيرة تجاه كل هؤلاء الاصدقاء والحبايب 000 استاذنكم 000 هذا يوم اقضيه وحدى مع نفسى للحساب 000 قبل الحساب لكل الحبايب 000 الف شكر وتحية واهدىكم :29ps: لكن انا وراكم وراكم 000 لحد مااشوف مليون galalgalal بيحبوا الكتب زى ماانا احببتها :ostrich_liam::ostrich_liam: :djparty: :0041::0041::0041: محمد جلال عجوز المنتدى |
عقبال الا لف سنه ؟امد الله في عمرك؟لسه شباب
الف سنة يابكاش !! طيب خليهم زى نبى الله موسى الف الا خمسين تبقى معقولة لكن اكتر من نبى الله !! كتير بصراحة انا اعيش اجمل ايام عمرى فى وسطكم بارك الله لى فى حبكم وابقاه محمد جلال |
كل سنة و انت طيب , هديتي ليك االرواية التي طلبتها , هي بين يدي الآن
سابدأ بها مساء تحياتي بدر الهدية وصلت 00 والنبى قبل الهدية 000 يارب مايحرمنى من سواعدك القوية والنجدة السريعة يابدر بس انا ح استنى شوية على الهدية لما نخلص من موال عوليسس وتاخد حقها اراك قريبا فى القاهرة باذن الله كما وعدت محمد جلال |
الله يطول عمرك يا سيدي ..
حبكم اطال عمرى اضعاف اضعاف ماكنت اتمنى بارك الله فى دعواتكم ومشكور ياسيدى على دعائك الطيب واليك مثله واكثر محمد جلال |
عقبال مئة سنة
لاعجوز و لا حاجة.....دي لو بنتي كبيرة شوية كنت جوزتها لك ياسيدى تتربى ف عزك وتشوف لها سيد العرسان اللى يهنيها ويدلعها ياراجل ح تجيب لبنتك عجوز الغبرا !! حرام عليك مهما كان الحب وبعدين اه عجوز 000 هو عيب وللا حاجة ؟؟ ده كرم من ربنا محمد جلال |
عقبال مئة سنة
مئة سنة ازاى بس يادكتور ؟؟ انت عايز تشمت فى وانا ماشى باتعجكز على كتفك مثلا ؟؟ طيب خليهم عشرة سنين كفاية وفضل ونعمة من ربنا بس كل يوم معاكم بالف سنة والله يادكتور شكرا على مرورك وتعبكم فى التهنئة محمد جلال |
كل سنة وانت طيب يارجل يا طيب ومنور المنتدى والدنيا كلها وعقبال 100سنة وانت فى كامل الصحة والابداع ..كن بخير ايها الانسان الجميل
ساكون فعلا بالف خير طالما تحوطنى قلوب مثل قلوبكم وفعلا انا طيب بالتفافكم حولى والحمد لله على الصحة والله كرم ربنا لايمكن احتسابه !! شاكر مرورك وتهنئتك الكريمة محمد جلال |
ياعم انت عجوز اية الدهن فى العتاقى عايزين نجبلك بنت وزوزة كدة ترجع بيها شبابك وترجع الذى مضى
بجد بقى كل عام وانت بخير وربنا يخليك لينا وعقبال مليون سنة ايدى على كتفك !! بس مش احسن الواحد يستنى الحور العين برضه وبلاش نستعجل على رزقن فى الدنيا ؟؟ اما الشباب 000 فما يذهب لايعود هذا اول درس فى الفيزياء يتعلمه ابن ادم لكن دعواتكم ومروركم الطيب وايضا الحسد بتاع الدهن ف العتاقى هو اللى بيحبب الانسان ف الدنيا رغم كل الامها وشرورها سلمت يداك التى خطت هذه الكلمات وبارك لك الله فى عمرك واهلك وعملك وكل دنياك واخراك محمد جلال |
كل سنة و انت طيب يا عمنا ، أنا خلصت كتاب الشطرنج و ناوي على الشر ف تعمل حسابك على دورين معايا أول ما أنزل القاهرة:lol:
طبعا انت عايز تستغل الزهايمر والسن والمرض وتحاول تغلبنى دورين بس انت ناسى ان بمناسبة عيد ميلادى لازم تخللى عندك دم وتتغلب لى اربع ادوار ورا بعض ذوقيا يعنى شكرا على التهنئة وشكرا مقدما على هزيمتك الساحقة فى الاربع ادوار اياهم محمد جلال |
طبعا كالعادة جيت متأخر مراعاة لفروق التوقيت.. وبصراح شلة معجبيك الكثر تزداد يوما بعد يوما ومحبوك صارو موزعين على أرجاء الأرض، من بلاد الشمس إلى مدن الضباب والثلج.
ثم من قال إن عيد ميلادك اليوم، نحن أناس أصلاء وسنحسب لك عمرك بالهجري حتى تظل أصغر بعام. ما رأيك؟ فلتت منك ياابراهيم !! لو حسبتها بالهجرى عمرى ح يزيد عامين وكسور ياحلو !! صباح الخير ياعم ابراهيم الا لو بقى لو كان الهجرى فى المغرب غير الهجرى اللى احنا عارفينه بتاع السعودية !! اما عن المعجبين 000 ده كنز ياابراهيم ربنا كان محوشه لى بعد عمرى كله وبصراحة كل واحد منهم اعتبره طوبة دهب وطوبة فضة فى صرح ليلاس اللى انت اول واحد شجعتنى ادخله ياابراهيم ولاانسى افضالك فى هذا الموضوع لانك سبب مباشر لتعرفى بكل هذه الكنوز من اقصى الارض الى اقصاها يارب ديمها نعمه واحفظها من الزوال 00 امى تقول حب الناس احسن هبة من الخالق سبحانه وتقول ايضا اللى يحبه ربه يحبب فيه خلقه 00 رعاك الله ياامى واكرمك كما اكرمتنى بحسن الخلق مع عباد الله زملائنا فى الانسانية كبيرهم وصغيرهم اما عن فروق التوقيت 000 ده شىء عادى ياابو خليل ولو غيرت عاداتك تبقى مش انت بس والله حضورك نورنى وشرفنى للغاية لكل احبائى اقول 000 بارك الله فيكم كلكم واسعدكم كما تسعدوننى محمد جلال |
عقبال مليون سنة يا عم جلجل ودايما تمنعنا بروائعك
طبعا لانك من العائلة الملكية فنزولك لتهنئة احد افراد الشعب بمناسبة ما هى والله تنازل كبير من سموكم وبصراحة حاجة تستحق الدبح !! لا ماتفهمش غلط الدبح يعنى ندبح لك دبيحة وتاكل وتهبر وتدعى لنا دايما مرورك مشكور ياصاحب السمو وشكرى لكل اهل القصر الملكى حدانا اما عن الروائع 000 فياما فى الجراب ياحاوى !! شرفونا تجدوا مايسركم شعار محلات جلال وزملائه من كبار الحلوانية فى محلات ليلاس للحلويات الشرقية والغربية والشمالية والجنوبية ايضا !! محمد جلال |
اين انت ياكبير المشرفين ؟؟
من فضلك يادكتور ابراهيم تكرم برفع هذا الموضوع الى الارشيف لانتهاء الغرض منه وشكرا :flowers2: محمد جلال |
كل سنه و انت طيب يا حكيم المنتدي و باحسن صحه و دايما تتحفنا بالكتب النقاوه ذات المستوي الرفيع و لا يمنع سجل التشريفات من السؤال هو الكتاب الجاي ايه
علي فكره انت بتحاسب نفسك علي ايه سؤال في الجون مش كده قليلين جدا اللي زيك يا بابا ابنتى التى لم انجبها 000 لايكتمل هذا السجل الا بحضورك والف سلامة ليكى ونرجو من الله تمام الشفاء وكمان مفيش مانع نطلب من ربنا يرجعك بالسلامة لبلدك واهلك وناسك باحاسب نفسى يامرمر على كرم ربنا معاى اللى انعم على بحبكم كلكم واسعدنى فى اواخر ايامى واظن ان الشكر واجب بارك الله فيك يامرمر انت وكل حبايبى فى كل مكان فى العالم انتم جميعا فى حبة القلب الكتاب الجاى ؟؟ مش لما نخلص اللى فى ايدينا يامرمر الاول !! وللا انتى اول ماربنا انعم عليكى بالشفاء تستلمى الكرباج على طول ؟؟ محمد جلال |
كل سنة وانت طيب يا عمو جلال ، وبارك الله في عمرك ،وبما أنكم من عشاق الكتب والقراءة أذكر بهذة المناسبة الجميلة : أن أعياد الميلاد احتفل بها قديما ، قبل سنة 209 هجرية ، قال المبرد في كتابه الكامل : ( كان سعيد بن سلم بن قتيبة الباهلي اذا استقبل السنة التي يستقبل فيها عدد سنيه ، أعتق نسمة ، وتصدق بعشرة آلاف درهم . فقيل لمديني :إن سعيد بن سلم يشتري نفسه من ربه بعشرة آلاف درهم . فقال المديني : إذن لا يبيعه )
وكلام الطيبين لايرد سوف نتصدق عن عمرنا ب 750 صفحة كاملة قررت مؤقتا لحين سماع صوتكم ان اجعل رواية جيمس جويس " عوليس" صدقة عن عمرى وسوف اجعلها مفتوحة لكل الاعضاء وغير الاعضاء وكل المنتديات عسى الله يتقبل صدقاتنا ويفيد بها عباده وشكرا على المعلومة ياعلاء شكر !! محمد جلال |
كل سنه و انت طيب يا حكيم المنتدي
وانتى طيبة ياديما شكرا على التورته 00 انا ح اشترى الشمع على حسابى بقى محمد جلال |
| الساعة الآن 02:12 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية