|
سحبات بيس مخفية في الـ OR700
يعطيكم العافيه
شباب في سحبات بيس مخفيه في الياماها جفت صاحبي مره حاط السحبات في الـ multipad سألته من وين السحبات قال ماعرف رفيجي عطاني و مره جفت واحد في حفله يطق ال key و سمعت صوت سحبات بيس رهيبه !! و اذا بغيتوا تجربون ... روحو على اصوات الجيتار و اختاروا آخر صفحه بعدين اختارو ال Electric Bass مكتوب فوقه Mega Vocal و طقوا على الديمو بتسمعون بدايه الديمو سحبه بيس حتى في الديمو مال الأورج بدايته في سحبه بيس بعد تعبثت في الأورج عدل ما حصلت السحبات !!! اختاريت كل اصوات البيس ما حصلت السحبات !! اشرايكم ؟ في احد عنده فكره ؟؟ |
اخي العزيز سحبات البيز موجودة بس لازم تعرف كيف تطلعها
والجواب بسيط كل اصوات الميغا سوا ء كانت جيتار او بيس مبرمجة على اساس تغير سرعه العزف وطبعا الصوت الواحد يتغير اكثر من 5 مرات اواكثر حسب سرعه حساسة العزف !!! ولهل السبب ماتقدر تعزف على الاصوات الميغا بسهولة والحل انه تغلق خاصية اللمسة touch وجرب اذا ما طلعت صوت السحبة تبع البيس عندها خبرني بس وراح ابرمج الك بيسات خصيصا للسحبة طبعا اني محرب الطريقة على mo6 وممكن تضبط على الاورينتل بعد |
لالا اخوي
السحبات مسجله لايف حتى صوت السحبه مال الأوتار اللايف فيه انا عندي Plugins اسمه Troligy خاص حق بيسات و فيه سحبات بيس اهي نفسها 100% الموجوده في الياماها و انا دايما استعملهم و السحبات اهي 4 انواع انشالله راح اطلعهم و راح اسمعك |
السلام عليكم ورحمة الله وبركاته
وهلا بالاخوان جميعا السحبات اللي وردت بالديمو اللي يجي مع الياماها (سحبات اوتار الجيتار)ا قد ماحاولت اني اعمل مثلها ماقدرت وكثير من العازفين نفس الشي ويبدو انه الكلام انها سحبات لايف مظبوط وصحيح |
جريب راح احصل السحبات .. حصلتهم
السحبات سيروس مسويهم .. سيروس طبعا اهو مصمم الأيقاعات الخليجيه في الياماها تعرفونه طبعا ولأنه بحريني ... يعني هالسحبات المخفيه بتنكشف في البحرين اللي اعرفهم عندهم هالسحبات حاطينهم في ال Multipad كلهم اصدقاء سيروس و طبعا شي طبيعي انه بيوصلني 100% و لي حصلته راح انزله لكم في موضوع لحاله ;) |
للتصحيح يا حبايب نعم سيروس هو مركب الايقاعات على الياماها ولكن فيه ناس تفوقت على سيروس في تركيب الايقاعات الخليجية بمختلف تفعيلاتها وخصوصا الرومبا والمخالف والخبيتي والبيشي (الرايح) وايقاعات جنوب المملكه بصفه عامه وايقاع الشرقيين(العربي)...
سيروس ملحن وموزع رررررررررررررررائع جدا وانا والكثير نشوفه في ها المجال مبدع وقوي ..اما بخصوص الايقاعات فمشاء الله يوجود ناس تركب ايقاعات على مستوى عالي جدا جدا جدا ... كل الاحترام |
طبعا اخوي كلامك صح 100%
اكيد في ناس تركب ايقاعات احسن منه بس اهو المعتمد عليه عند الياماها بعض الأيقاعات اللي مركبها في الياماها ما عجبوني حتى بس الفنان معروف في تركيب الأيقاعات و معتمد عليه في الشركه بس سيروس ما يلحن !!! موزع بس .. عمري ما سمعت انه لحن !! |
اقتباس:
والله كلامك صحيح هو معتمد من شركه الياماها وكان الاستاذ سيروس سبب رئيسي في نجاح الموديل القديم من الياماها A1000 بلا شك ومن بعد ها النجاح ما تشوف عازف والا الياماها اساسي معه وخصوصا بصفه خاصه في الخليج لانه داعم اساسي في الايقاعات ... اما بخصوص انه يلحن او موزع انا سمعت انه يلحن وموزع شاطر فهي مجرد معلومات يجوز صح ويجوز العكس.... وانشاء الله تنحل مشكله البيزات |
انا بعد عذبتني السحبات وحاولت اطلعهم ... البركة فالشباب..
|
| الساعة الآن 03:24 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية