منتديات ليلاس - قلوب محطمه باحضان المجهول

السلام عليكم ورحمة الله وبركاته

وكل عام وانتم بخـــــــــــير وسعااااده....

من العايديــــــــــــــن بعد الزحمه ...

عيديتي لكم بنزل بارتين انشالله يعجبونكـــــــــــــــــــم
ــــــــــــــــــــــــــــــــــــــــــــــــــ ـ

{.. آلتعــب
مـآ هو تعب جسمـ وعظـآمـ
آلتعــب .. لمـآ تحب وتنــجرح ! {.. وآلعمى
مـآ هو ظلآمـ في ظلآمـ
آلعمــى .. طعنـﮧ تجي وآنت بـ فـرح !

وقفت ..تناظر بساعتها..اوووف هذي تاخرت ..بندخل بالظهر وهي ماجات..وانا قايله لها ماقدر اطول لاني بطلع من

الجامعه واقابلك...طلعت جوالها المزيين بالوان واشكال ديزني ..وبتافف (هنو ...وينك ماصارت ذا كله عشان تجيين )

هنو (اش اسووي خبرك اخوي مايدل الطريق..وبعد انت الله يهداك مالقيتي غير فالصبااح )

مدى بلكنه دلع (ماقدر اطلع غير فهالوقت ..لان امي ماتدري تحسب اني فالجامعه ..الموهيم بتجين ولا لا )

هنو بسرعه(خلييك انا بجي اصلا قربت اوصل للكوفي..مو مطوله )

مدى بتنهيده (بسرعه تعالي........... ولا ابرجع )

هنو وهي تذكر شي ( ماقلتي لي يابطه كيف اعرفك ..يعني كيف باميزك من بين هالخلق؟)

مدى وهي تناظر بنفسها تدور شي ..انتبهت لشنطتها(اممم شوفيني لابسه شنطه كبيره مرسوم عليها همتارو )

هنو (ههههههه ياعيني على البيبي ..خلاص بااي )

مدى تناظر بصاله الكوفي الفاضيه الا من قليل ..شكلي تهورت يوم جيت هنا باقابلها..شكل ماعندها سالفه..

واللي استفدته هالغثه اللي لهم ساعه ماكليني بعيونهم وتعليقاتهم....ياربي يعدي هالوقت على خير.

*

*

*

رفع خصله طايحه من شعره على جبينه ..ورجعها لمكانها..ابتسم وهو يشوف شكله على جدران الكوفي القزاز..بنطلون

جينز اسود بلمعه بيضا...وتيشرت باللون الاخضر الفاتح...وشعره المجعد..جذاب حييل ..وقبل مايكمل طريقه ..امتلا

المكان بنغمه روك ..وبحركه انيقه..وهو يدري ان العيون عليه (هلاا والله ..وش عندك)

سعود بتافف (يالفالح..مو انت طلبت مني اجيب لك ...اسم خويتك من رقمها جبته )

فزاع وهو ميت من الفرحه..مايبي يقابلها الا وهو عارف اسمها كامل (كفو ..تستاهل حبه الخشم قول وش اسمها)

سعود بطفش (مع ان ذا كله سخافه ..بس اسمها مدى ال..........)

فزاع انصدم ..اخر شي توقعه هالشي..بس ماعليه اللي جاي عشانه بيكمله..راح لها وهو يصفر ويدندن مبسوط..ومافاته

انه يرقم اغلب البنات الي بطريقه..

ووقف محتار ..هاذي الطاوله اللي قالت لي علييها ..بس وينها..انتبه للعبايه الضيقه المرسوم عليها حوريه البحر بالوانها

الصارخه ..وبقرف (حشا مو عبايه الا كراسه الوان)

فكرت ترجع ..وهالهنوف مو راجعه تكلمها اكيد انه مقلب سخيف..مشكله ثقاله الدم ..بس سمعت هالجمله خلتها تلف..لقته

قدامها.. وهي تناظر فيه من فوق لتحت..(عباايه ولا غيرها مالك خص ..لو تضف وجهك ازين)

مصدوم من الوجه اللي يشوفه...وبعد تكلم سعودي بس اللكنه اجنبيه..ماقدر يمسك نفسه وهو يصفر(ياحلاه هالكلام

منك ..كنه مدح ..اروح وطي مع ذا الدلع)

مدى وجهها محمر ..ذا اهبل ولا وش سالفته ..يعني بالحييل ناقصني غثى..(عساك تروح وطي تحت تريله ..ومايطلعك

منها احد ) فرحت انها تذكرت من كلام جدتها شي..هاللحين حست بالكلام اللي كان يجرحها مثل العسل ويبرد حرتها

طاحت عيونه وهو يسمع هالكلام..وبدال مايعصب ...مات من الضحك ..

والدم يفور بجسمها من عصبيتها..تركته بتطلع.

وكانه عرف وش تفكر فيه..سبقها ..وسد عليها الباب.وبغمزه(على وين ناوويه العسل تونا ماشبعنا منك)

وقلبها يضرب من الخوف..ماتدري وش تسوي...وبصوت تحاول انه مايبين فيه الخوف اللي تحسه(لو مابعدت عن

طريقي.. باصرخ واجمع الخلق عليييك..جد قله ادب)

وهو يناظر فيها من فوق لتحت..ومستغرب من الشكل ..من اللهجه ومن..وقف كلامه وفمه لسى مفتوح ..وعيونه على

الشنطه...اوووف هاذي هي مدى ..؟؟!كان ناوي يبعد عن طريقها بس هاللحين اكييد لاا..(لاا لاا مو كذا الناس العاقله

تفاهم يامدى..يعني انا اتعب واضيع وقتي عشانك وانت تستقبليني كذا!!!!!!)

وبصوت عالي ..وحاسه انها بتطق من الخوف مدري العصبيه..حست بكل شي بذي اللحظه وبسرعه (انت جد

ماتفهم ..اصلا انا.....)وقبل ماتكمل

استوعبت انه قال مدى..يعني يعرف اسمها ...معقوله كيف يعرف الناس اللي تعرفني قليله يمكن يستهبل ..بس وش عرفه

باسمي ...لا مابي ابين اني مصدومه عشان مايستغل هالشي وهي تمرر لسانها على فمها الناشف من الخوف ..(وش

عرفك باسمي؟؟)

ابتسم وهو راضي عن الحال اللي هي فيها...وباستهبال(افااا وفيه احد مايعرف مشرفتنا الغالييه)

مشرفتنا؟؟ حست بالم من كثر ماتضغط اظافرها على كفها البارده ..بس تحاول تستوعب ..نزلت نظارتها الشمسيه اللي

كانت مغطيه نص وجهها...ماتدري ليه من البدايه مانزلتها بس يمكن متوتره؟!

(يعني انت جاي من طرف هنو ..ليه ماقدرت تجي؟؟كانت اعتذرت مايحتاج تعب عمرك وتجي عنها ) ذا الشي الوحيد

اللي فكرت فيه..

يبيها تنرفز..تخاف..تنصدم يبين عليها شي.. كانها قطعه ثلج ...وهو مرجع راسه من قوه الضحك( لا جات ..وعادي مافيه

تعب ولا حاجه..) وكانه يمثل بمسرحيه هز راسه (انا هنو ...الهنوف يامدى...بس ماله داعي هالرسميات قولي لي

فزااع!!!!!!!!!!)

حراره براسها...

حتى تنفسها صار سريع ..

وجهها محمر..

يبي يشوف الصدمه على ملامح وجهها كيف تكوون.. هاذي وش يهزها..لييه مو مثل كل البنات وين الدموع ..توقع يشوف

فلم هندي ..ولاشي!!!

دورت على كلام ..شي يعبر.. بعصبيه(قله ادب وفرحانن انت وجههك...ياخي لييه متعب نفسك ..كان قلت انك ولد من
البدايه

تفووووو على الرجال اللي كذا..اللي يرضون على نفسهم يكونون حرييييييييييييييم!!!)

تلفت تبي شي يبعده عنها بتطلع من هالمكان بسرعه...

دفته بقوه وهي تركض...لحقها بسرعه بيشوف وش تسوي ..يمكن خااف تصدمها سياره..تطيح ..يغمى عليها ..مثل

الافلام..

لفت ..شافته وراها ذا اخر شي تبيه..تبي ترجع لغرفتها..المكان الوحيد اللي ترتاح فيه ..اماان..زمان وهي فاقده الامان

بتقفل عليها غرفتها وتستوعب..ياليت تقدر تبكي ...وترتاح..وقفت عند البوابه تخاف يلحقها..لئيم مو ضامنته..قرب لها

حارس الامن بعد ماحس ان فيها شي..ولازم لها مساعده..خاف انها مضيعه اهلها ولا الطريق بمانها اجنبيه (خيير يانسه

فيه شي؟؟ فيه شي اقدر اخدمك فيه )

وجسمها مثل الورقه ينتفض من الخوف (هااااه..اييه..اييه قصدي شفت هذاك الرجال) لفت تاشر باصبعها على فزاع اللي

كان يناظرهم من بعيد ونفسه يعرف وش تقول عنه

(الله يخلي لك اهلك لايلحقني..)

حارس الامن وعيونه طايحه وهو لسى مو مستوعب لهجتها مع شكلها الدلوع ..طالعه جذابه..وهو يتذكر واجبه قال

(ابشري انشالله مايصير الا اللي تبينه..بس وش رايك لو نبلغ شرطه او هيئه لو.........)

قطع كلامه وهو يشوفها تركض طالعه (لا مايحتاج ..مشكوور )

راح لفزاع وعيونه تطلع شرر ..حاقد على هالاشكال الفاضيه اللي تاذي بنات الناس...وهو ناوي يادبه...

ركضت للسياره,,,وهي تكلم السواق يسرع ويرجعها للبيت..غمضت عيونها..تحاول تستوعب اللي صار لها ..تمنت تبكي

تنزل منها دموع .وتريحها... تعودت فالبيئه اللي كانت عايشه فيها ماتبكي..عمر دموعها ماتهم احد ..غير امها

اكييد..حست بغصه وهي تذكر امها..ااااخ لو كانت فيها ماكان صارت لها كل هالبذله...ماقدرت تاقلم مع ذي البيئه

الجديده عليها.. فرحت وهي تسوي لها عالم خاص فيها على النت...تلاقي نفسها فيه...يكفي انها كانت تضحك وهي

مرتاحه... بس بعد اللي صار حتى عالمي بالنت مو امان ................

ــــــــــــــــــــــــــــــــــــــــــــــــــ ـــــــــــــــــــــــــ

<<فغرفه كل جدرانها حجر بارز وطوب..باللون البني والبيج ..مصممه من مدخلها على انها كهف حجري ..حتى الاضاءه خافته ..

لمار وهي متربعه على الارض..مقابل التلفزيون..وماسكه جوالها وبتافف(يوووه يمه فكيني من بنتك طفشتني ..كنها جايه بس عشان تاذييني)

اغصان وهي تحذف عليها خداديه صغيره(احمدي ربك اني باعطيك وجهه وامشيك عشان توسعين صدرك)

لمار وهي تبعد راسها عن الخداديه اللي انحذفت علييها (تمشيني ولا تكرفيني يعنني ماعرفكم ياخواتي..ماترتاحون لو

دريتوا عن محل فالديره ومارحتوا له )

قاطعتهم امهم وهي تصب لها فنجال شاهي(يمه اغصان رجلك متى بيجي من السفر)

اغصاان وهي تكي ظهرها على الجدار ..(كلها يومين مايقدر يطول ..مايبي الدروس تراكم عليه خاصه ان الطلاب يبدون

يغيبون قبل الاجازه ثم يبتلش فالمنهج..حتى هالاجازه اخذها من الاضطراري)

امها (الله يعين المسلمين ...هالاجازات مشكله ..حتى ضاري كان نفسه بالجلسه بالديره ..مير ماقدر يقول اجازته خلصت من بكريه عرس ريماس سافر..ياعزي عن وليدي متعذب بهالغربه)

لمار وهي لافه علييهم(ياحظه ياليتني مكانه منها اشوف مزايين وجو يجنن ..وبعد امي تدلعني وتدعيلي)

اغصان (ههههههه اكيد بندعيلك كلنا من اعماق قلبنا ..بس اهم شي انك تسافرين وماترجعين من غير شر..ونفتك )

لمار وهي تمدلسانها(ياشينك على بالك تعرفين تضحكين )

اغصان معصبه(اضحك غصبن عنك..اصلا محد طلب منك تضحكين )

قاطعتهم امهم بعصبيه (خلااص بس ماصارت ..كني جالسه مع بزارين مو حريم طولي )

اغصان وهي تغير السالفه (يمه ماكلمتي ريماس ؟؟ولا زايد ماتدرين وين صاروا فيه..جوالها مقفل استحيت اكلم زايد اساله عنها )

امها وهي تاكل من الكيك (ماكلمته اكيد انهم مشغولين ..لافضت اكيد بتكلمنا الله يسعدهم )

اغصان وهي تلعب بشعرها (مدري بس مارتحت لاهل زايد ..احس فيهم شي غلـــ ...)

قاطعتها لمار وهي تصرخ وتناقز ..والجوال بيدها وعيونها معلقه بشاشه التلفزيون (رد علي ..اخيرا رد)

اغصان (بسم الله الرحمن الرحيم ..وش فيك اركدي طيحتي قلبي..من ذا اللي رد ؟؟)

لمار بربكه وهي ترجع شال الساري اللي نزل عن كتوفها البيضا (هااه..رد عادي مافيه شي بس هالقناه كلها الغاز وانا

رديت بمسج وطلع صوح)

اغصان رفعت حاجب ..مامشى عليها هالكلام بس ماتبي تسوي هوشه مع اختها قدام امها...

امها (الله من الفضاوه بس ..مدري متى بتكبرين وتعقلين)

قاطعهم (مشالله وش ورى هالكبر بس تبين تعجزين ببنيتي )

لمار حطت الجوال ورى المسنده بسرعه..وووقفت بعد ماكانت توها متممدده على رجول امها..

وقفت اغصان بسرعه وهي تعدل بلوزتها القصيره ..وتتاكد من بنطلونها الجينز..حبت راس

ابوها ويده (هلا والله يبه وشلونك؟)

الصقر وهو ينزل شماغه ويعطيه لامهم (بخير يارب لك الحمد..وانت كيف حالك؟؟وقايد وشلونه ؟؟وينه)

اغصان بربكه..وهي تلعب بشعرها(كلنا بخير دامك بخير..نزلني الصبح هنا وانشالله هاليومين

باجلس هنا)

قاطعها قبل ماتكمل كلامها(اهـــــــلا ..*طبعا هالكلمه دليل انه عصب* خير وش صاير

مزعله رجلك؟)

اغصان بسرعه ..شوي وتصيح من الخوف(لا والله يبه مازعلته ولاشي ..بس هو بيسافر

هاليومين واذا رجع بياخذني)

الصقر بعد مالانت ملامح وجهه(اشوا..الله الله بزوجك ترى المره مالها الازوجها..حتى انا يابوك

مانفعك)

لمار رحمت اختها من هالجلسه..الي انقلبت رسميه من يوم دخل ابوها(اغصان يالله مشينا ..من

زمان افتحت المحلات )

الصقر(وين ماجلست معكم..لموره حبيبتي تبين شي ناقص عليك شي )

لمار وهي مو ضامنه مزاج ابوها تخاف تجيه مكالمه شغل وتعصبه ..مثل كل مره ..وبتهرب(لا

يبه سلامه عمرك عندي اللي مكفي لو نقص باطلب منك)

*

*

اغصان وهي معصبه (لماروه وش كنت اول تسوين..)

لمار اللي تفرج على الشوارع والناس اللي فيها (ماسويت شي ..شفتيني لبست عبايتي وهذا اني معك)

اغصان سحبت يد لمار اللي متكيه وجهها عليها..عشان تلف لها (عن الاستهبال ..تدرين وش

اقصد وش كنت تسوين عند التلفزيون لايكون تكلمين احد من مراسلتك على ذي القنوات )

لمار بعصبيه (انت مالك شغل فيني ...وبعدين ماني سخيفه لهالدرجه كنت اتسلى بس وارسل

مسجات للوناسه وعن الخيالات اللي مالها داعي)

اغصاان تحاول تصدق (ياليتها كذا بس...لانه ماراح يصير لك شي طيب )

لمار وهي تفك لثمتها الشيفون وتعدلها (انا الغلطانه اللي جيت معك خلاص نزليني للبيت مدري

لييه اتعب نفسي واروح معك وانت ماتستاهلين)

اغصان تدري باختها تسوي اللي براسها ...ماتقدر تروح لحالها قايد مايرضى لها ..وباستهبال

(لموره نمزح وش هالعصبيه اللي تعرفك..ماتتخيل اروح بدونك انت اللي بتختارين معي)

لمار بابتسامه بانت من تحت اللثمه (امري لله اختي الكبيره وماقدر على زعلها..اصلا انا

باشتري اغراض توني اذكرها )

اغصان (اييه كذا ياحليلك بس لاتعودين تصارخين وتفكين اللثمه بالشارع حتى السواق انتبه لك)

لمار بتنهيده(رجعت حليمه لعادتها القديمه..انت ماترتاحيين الا تنقين ..عادي السياره تمشي محد

منتبه لشي والسواق بنقالي يعني عادي <<ماكنه رجال غريب عنها)

سفهتها اغصان ..وقعدت تفكر وش تشتري وتجهز لرجعه حبيبها وزوجها من السفر...........

*

*

*

لمار بعبايتها المخصره على جسمها ...باطرافها الفضيه... متكيه على طاوله المحاسبه تنتظر

المحاسب يخلص وبعيونها الناعسه اللي تذبح ...(يالله بسرعه خلص ماصارت ذا كله محاسبه )

دفتها بكتفها اغصان وهي تهمس (لاتصارخين فضحتينا قدام النااس..على ايش مستعجله )

لمار وهي تحرك يدها البيضا الملفته مع اضواء المحل (ماتشوفين هالعله له ساعه وهو يحاسب

راح الوقت علينا)

اغصان ماتبي صوتها يرتفع(مو منه من الاغراض اللي تكفي ديره اللي انت شاريتها..)

تركتها وراحت لفستان نعوم باللون الاورنج الفاتح لفت انتباهها..طلبت من اللي يبيع ينزله

لها ..بعد مانزله (هاذي بضاعه جديده والله توها نازله ماصار لها يومين .. )

لمار بعد ماحاسبت راحت عندهم وهي تسمع كلامه وهي حاطه يدها على خصرها ومايله

وبدفاشه (هيييه انت عن الكذب ..هاذي الفستان شايفته قبل شهر ..لاتستغفلنا وبعد تحلف بالله

حرام علييك)

اغصان ووجهها طايح من الفشله سحبت لمار برا المحل ..وهي معصبه (وشفيك؟؟ انت

انهبلتي..وشلون تكلمين بهالطريقه ..جد هالجراءه يبلك عليها تكفيخ)

لمار بعد مادفت يد اغصان عنها بقوه وهي تعدل بشنطتها المايله (لا اجل اخليه يضحك

عليينا ..الناس مو مخفه عنده..انا تعبت خلاص )

اغصان وهي تناظر باكياس لمار الكثيره (طيب بنرجع بس مو للبيت لا بنروح للكوافيره )

لمار بتافف(اووووف يالليل مطولك ..بس لاتطولين وراي دوام)

اغصان وهي رافعه حواجبها مستغربه(حركات من متى الاهتمام بالدوام والدراسه؟؟)

لمار نست طفشها من الحمااس (بكره اليوم الوطني بنفلها انا والبنات)

اغصان ..(اهااا عشان كذا كل الخرابيط اللي شريتيها باللون الاخضر..على كذا بتونسون حييل

ياحظكم)

لمار (وش رايك تروحين بكره معي ..عادي على اساس انك زائره ..تفلينها معنا)

اغصان مع ان الفكره اعجبتها(لاا ماقدر ماني ضامنه متى يجي قايد من السفر مابيه يرجع ويلاقيني تعبانه ولا نايمه)

لمار بتافف (يادا قايد اللي غثيتينا فيه ماكان احد متزوج غيرك)

*

*

*

<<بعد ساعه ..وعند الكوافيره

لمار وهي مبتسمه وتلعب بضفيره شعرها الاسود اللي واصله لتحت ركبتها ...وبدلع(لاااا شعري طبيعي مو حاطه صبغه ...وبعد مو زراعه )
خبيره التجميل اللي كانت تسوي لبشرتها شمع بحسد (حلووو كتتيير بس ماعم يتعبك ؟؟ )
لمار وهي تمسح دمعه نزلت غصب من حراره الشمع (لا بالعكس مايتعبني اصلا احبه ..ومدري ليه كل هالاسئله متعوده اجي هالمشغل ..يعني كيف اول مره تشوفيني ولااش السالفه؟؟)
وقبل ماتكمل كلامها جات بسرعه اداريه المشغل لابسه شورت بيج وبدي بني نص مطلع من جسمها اكثر ماهو ساتر...الا لمار وخواتها زباين مهمات وماتبي الا رضاهم..وبابتسامه( شو صاير اشي..لمار؟؟ في حدا ضايقك؟؟)
لمار بطفش (وش ذا نفخت راسي بالاسئله...يدها مره ثقيل لعبت فوجهي وين اللي دايم تسوي لي.؟؟؟؟؟؟؟؟؟؟؟)
الاداريه تحاول تراضيها(ايه هاديك ياخيتو ماعادت عندنا ...بصراحه انا اللي غلطت اني جبت لك هاااي لانو جديده لكن كرمال عيونك انا اللي بدي اعملك....)

لمار وهي لاويه بوزها بطريقه تفتن من الحلا (اخاف حتى انت يدك ثقيله..بس يالله نشوف ونحكم)

*

*
لمار وهي تناظر بالمرايه....وتعدل برمودتها الزيتي المطرزه تطريز ناعم..حتى البدي الاحمر

بدون يدين مطلعها قمر .. مارضت تروح للمشغل الا بعد مارجعت للبيت وبدلت...طبعا

ماترضى تروح لاي مكان الا والانتباه كله عليها..!!!!!!

راحت ..تدور على اغصان..........وبعد مابعدت................

الاداريه بصوت واطي ماسمعته(يالطيييييييف شو هالغرور )

طاحت عينها من اللي تشوفه وبقرف ..(ووووووواع اغصانوه وش مسويه بنفسك؟؟)

اغصان اللي كان ممده رجولها وايديها...وفرحانه باللي تسويه لها النقاشه..(بالله مو روووووووووعه شوفي كيف ترسم بالحنا على يديني ورجولي ...حتى رسماتها ناعمه..)

لمار وهي تجلس بكرسي بعيد شوي (قال رووعه قال..وش جاب هالخرابيط فبالك..طالعه كانك

ابوالهول وانتي مصنمه وهي قالبتك كراسه الواااان.. )

اغصان بابتسامه تجنن .كيف تفهم اختها انها غرقاااانه بعالم رومنسي وجناااان مع زوجها..كييف تشرح لها انها مو بس تحبه الا تعشقه وماوقفت يوم عن هذا الحــــــــــــــــــــــب؟؟؟؟؟؟؟؟؟؟! وانه معيشها بسعاااده؟؟؟؟؟؟؟؟؟؟؟؟؟؟!

وهي تضم رجولها البيضا الباينه تحت شورتها الجلد الاسود... ومتجاهله الحنا اللي بدى يتفتت

بعد مانشف ..وكانها تكلم نفسها (كنت افكر من اليوم الصبح ...وقت ماسافر قايد..وش اسوي

بنفسي مفاجاه له..تذكرت انه يحب نقشا الحنا يقوله انه يحسسه ان توني

عروووووووووووسه...مع اني ماحبه بس عشانه كل شي يهون...وبعد باصبغ شعري

عسلي .يعني برجعه ليوم عرسنا.........اهم شي انه ينبسط) نست نفسها وهي سرحانه تكلم

(ماتخيلين قدايش احبه ماستغنى عنه ..ماقدر اصبر بعيده عنه كم ساعه .......نفسي اكون معه على طووول..وهو بعد يعشقني ولايطيق يبعد عني)

صفقت لمار بصوت عالي ..كنها تتابع مسرحيه (ياعيني على المسلسلات المكسيكي...حلقه تجنن

اللي تحكيني عنهاقومي غسلي هالقرف اكيد انه خلص )

اغصان انتبهت بعد سرحانها وهي تسبل عيونها بدلع (غيرااانه مني..هاللحين لاخلصت بيطلع يجنن ....وتحسفين انك ماسويتي مثلي..)

لمار طاحت عينها (ايييه هين بغار ومن خرابيط زي كذا الحمدلله والشكر بس!! عجلي علينا وراي روحه للمشغل الخياطه يالله قبل مايقفل علي )

اغصان وقفت مستغربه (وش مشغله ذا؟؟؟!!)

لمار بتافف وهي ترش على نفسها عطر من شنطتها ( غصوووووووووووووونه ياحياتي انت بس اخلصي وانا اشرح لك كل شي...................ولا اقول عشان ترتاحيين بروح اجيب عبايتي الجديده....)

اغصان(وش عبايته انت كل اسبوع عبايه جديه حرااام عليك يالموره )

قاطعتها لمار بحمااس(لا جد هالمررررررررره غير مفصلتها مخصوص للبكره...القفا كله

علمنا مطرز بالاخضر والابيض والاكمام بعد مطرزه بالاخضر .......)

قاطعتها اغصان وهي تحب يدها وجه وقفا..(الحمدلله والشكر...صحيح من قال العقل نعمه!!!!!!!!!)

*

*

*

بلقافه سالتها المره اللي قدامها(هااذا خطيبك؟؟!)

وبابتسامه حلووه ردت (لااااا ذا حبيبي ...ووو)
قاطعتها المرااه باستنكار(اعوووذ بالله ..ياربي لاتسخطنا وتقولينها كذا؟؟!)
ماقدرت تمسك نفسها من الضحك (ههههههههههههههه ياخاله ماخليتني اكملك....ذا حبيبي وزوجي )
بابتسامه تفهم(اهاااا..الله يهنيييييييكم..... ويسسسعدكم)

مدت المره يدها ..لرقبه اغصان الطويله البيضا ..متحمسه... رفعت السلسال المعلق عليها....
ذهب ابيض .......وتعليقته قلب كبير بداخله صوره قااايد...............
طبعا كانت مصممه مخصوص لها.............

تاملت فيه ..ماتدري هي تدقق برووعه السلسال ولا برووعه الحركه الجديده........

وقبل ماتكمل انسحبت يد اغصان لبرا المشغل ..لمار بتافف (اووووووووووف منك الكل تعطينه وجهه ..افرضي صكته بعين)

ــــــــــــــــــــــــــــــــــــــــــــــــــ ـــــــــــــــــــــــــــــــــــ

انصـــــــــــــــــــــــدمت....بوقتــــــــــها وكاني انعمـــــــــــيت!!!!!!!!!!!

وكـــــــــــــــــــــــــل قطــــــــــــره دم بعروقي نشفــــــــــــــــت!!!!

ام سعود وهي تشهق من البكا (لا ماقدر اقوله من جدك ..والله ليذبحني قبل مايفهم السالفه )

ام هيفا (رجلك ذا ولازم يدري خبله انت بتسكتين لمتى ..؟؟)

ام سعود وهي تبكي وتضرب بيدها رجلها (مدري ..والله اني خايفه منه..اجل تبيني اقوله بعد كل هالعمر سعود ماهو بولدك؟)

ام هيفا بصراخ(ذا نسب مو لعب عيال قوليله اقلها تبرين ذمتك ..ماتدرين متى بتموتين؟؟)

ام سعود بصوت يقطع القلب(لاااا ..ماقدر اقوله... خلاص حرام عليك اللي فيني مكفيني)

ام هيفا بعد ماحست انها قست على اختها كثير..وخافت عليها لان الزعل بهالفتره مو زين

لها..راحت لها وحطت يدها على كتفها تهديها(الله يكون فعونك ..مير الواحد مو اخذ غير اللي ربي كاتب له)

قاطعهم صوت رجولي (ياولد ...درب )

ام هيفا وهي تلبس عبايتها وتحط غشوتها بسرعه (حيااك تفضل يابو سعود..مبروك اللافي)

ابو سعود وهو منزل راسه جلس (الله يحيك ويبقيك..ويبارك فيك..شفتي المزيونه اللي جاتنا تشبهه لمين ..)

ام هيفا بعد ماصبت له فنجال قهوه (صغيره ماعرفت اشبهها ..الله يحفظها لكم)

ابو سعود والضحكه شاقه حلقه وهو لاف لمرته اللي كانت بعالم ثاني مع همومها(اكييد قمر مثل امها ..

قطع كلامه وهو يشوف عيون مرته المتورمه من الصيااح(وش فييك يامره تصيحين؟؟ احمدي

ربك انها جات سليمه ياكثر اللي ينولدون وهن مشوهات...هالزعل عشانك ماجبتي ولد..الحمدلله

انا راضي عن اللي ربي كتبه ..ياحليلهن البنات وسعود يكفي حتى بيكون سند لخواته الثمانيه

وهو رجال قدها وقدود)
حست كنها طعنها بدون مايقصد ...ياويل حالي كيف لو يدري ان سعود مو ولده ..وش

بيسوي ..نزلت دموعها حاره يوم فكرت بهالسيره ..وماقدرت ترد عليه ..

ام هيفا بعد ماحست ان وجودها ماله داعي..وقفت (يالله انا رايحه ..انتبهي لنفسك ولاحتجتي شي

اتصلي علي...وترااي باخذ معي روان ورزان كم يوم مالك قدره فيهن وانت تعيبانه كذا)

تكلم ابو سعود عن مرته اللي كان باين ا ن اخر شي بتسويه الكلام (الله يجزاك كل خيير ..غفران بتجهز لك اغراضهن