|
تستاااااااااااااااااااااااااااااااااااهليييييين غدير التثبيت .. اول مادخلتــ وشفتـ
التثبيتـــ فرحتــ.. لكــ من قلبــ جــــــــ,ـــــــ,ـــــــودي |
السلام عليكم
وانا ابحث في المنتديات لقيت الكاتبه منزله كذا بارت يمكن المنتدى معلق معها فراح انزل البرتات هنا واذا رجعت الكاتبه وحبت انها تنزل تحذف الي نزلته واتمنى تنزيلي للبرتات مايزعج المشرفات والكاتبه تحيآآـتي |
بسم الله الرحمن الرحيم مابيـــك تستغـرب إذا قـلـت مابـيـك قلبـي مـن اللـي صـار غيّر [ كـلامـه ].. تـدري وش اللي حدنـي يـوم اناديـــك بـودعـك واقــوووول [ مــع السـلااااامـه ].. بودعـك وانسـى زمانـــك .. مسحت دموعها بقفا كفها وهي تشهق..لها ساعه تتكلم كل شي صارلها من اول ماتزوجت كل جرح واهانه بلعتها وسكتت خلص الكلام وصوتها راح..وحرقه قلبها ماخفت .. حركت يدينها اللي ترتجف قدام وجهها (انت لييش مو فاهمتني ؟ ارسلها تتصل علي وتوصلي انه يبي يتزوجها ماعنده ذره رجوله ماقالها بوجهي رخمه ارسلها لي ..تخيلي انت حطي نفسك بمحلي وربي شي يحرق يموووت ) انعصر قلبها على اختها.. انصدمت ان ذا كله صار بحياتها ماكانت تبين شي ... ماتدري تلووم مين بذا الشي؟ اهمالها انها تسال عن اختها الاصغر منها ولا تلوم سلبيه ريماس اللي تعودوها منها؟؟ بس يمكن عذرها ان كل وحده فيهم عندها من الهموم اللي مكفيها؟؟ جلست على طرف السرير وهي تناظر باختها (رمووسه حياتي اكييد فيه شي غلط ..يعني مستحيل يرسلها تقول كذا ..يمكن هي اللي قالت من راسها لاتظلمين الرجال ) كشرت وهي تضم اللحاف على جسمها.. دموعها بدت تخف بس شهقاتها تزييد وبصوت مبحوح (لا ماظلمه هو من البدايه يعاملني بجفا مع اني ماقصرت معه بشي ..كنت احاول اكسسبه بكل طريقه ..بس مها حقيره ماستقووت الا وهي معها حق ) حست بجرح اختها وحرقتها.. بس ماتبي تسايرها لازم تكوون اعقل منها مسكت يدين اختها وبحنان (حياتي ..لاتستعجليين اش دراك انها صادقه ؟؟ يمكن يحبها بس هو اختارك انت وتزوجك..يعني كانت هي قدامه ومافكر فيها ..) زمت شفايفها.. وهي تسمع كلام اغصان .. من اول ماتزوجته وهو تصرفاته غريبه .. اللي متاكده انه يعشق مها والتراب اللي تمشي فيه.. بس لييش تزوجني انا..؟؟ فييه شي غلط انا مو فاهمته بس مدري شنهو..!! يعني ماقد قصرت معه بشي الا حاطته بكفوف الراحه..لو رجال ثاني كان قدر.. بس ذا مايثمر المعروف فيه .. كل ماحتجته مايكون جمبي .. رفعت عيونها لاغصاان .. وبتبلد احساس ...من تراكم عليه الهموم والتعب (ذا الكلام كله مايهمني بشي ... اللي يهمني هاللحين وشلون ا تطلق منه..!!) كل شي توقعت تسمعه الا هالكلمه .. ابد ماتبي اختها تجرب الاحساس اللي قد مرت فييه .. صدق انها كرهت هالزايد من قلب.. على كل اللي سواه باخته ..ولا قد توقعت ان فيه رجال يعامل مرته بهالشكل ... بس بعد ماتبي التعب لريماس .. وبشهقه ..ويدها على فمها (ياوووويلي وش هالكلام صاحييه انت ؟؟؟؟!!) وبدون اهتمام وهي تغمض عيونها (اول مره من تزوجت اكوون صاحيه هالكثر .. حياتي مع زايد لايمكن تتم ..خلاص طابت النفس ...وعافته...) ــــــــــــــــــــــــــــــــــــــــــــ << مع خيووط الصبح والهوا بارد كل شي توقعه الا انه بيوم بيلاقي صوره لوحده من خواته بيد غريب خوييه يتجرا ويصور حرمه فبيته .. حتى لو كان متخيل انها خدامه مافييه شي يشفع له اللي سواه اسم انها حرمه كانت فبيته المفروض انه يحترم هالشي ... هاللحين شلون ا خاف لاصارخت وهاوشت بيعند ويستلعن في وياخذ الصوور وبصوت حاول يكون عادي (من جد انك خطيير طييب وشلون من الجوال حولتها لصور ) فزاع والابتسامه شاقه حلقه وهو يحرك يدينه بحماس (ابد انا صورتها بالجوال ونزلتها بمحل صور عاديه اصلا ماطلعت الا هالصور ولا احد شافها حتى من الجوال مسحتها مدري بس هالهنديه رووعه مابي احد يشوف هالجمال غيري ) سعود بكشره وهو يصقع كتف فزاع (مالك صحبه انت ذا كله حرص على الصوره من جد قسسم تحمست اشوف هالهنديه مع اني ماعمري اهتميت للحريم بس اهتمامك يحمس ) زفر بقووه وهو يحضن الظرف .. اشوا يعني ضمنت ان مافيه غير هالصور..اللي بيدي .. مرر لسانه على شفايفه .. حاول ينكت ويسايرهم بس ماقدر ابد .. وبنص ابتسامه (فزاع هات جوالك دقيقه باكلم فيه بطاريه جوالي فضت) فزاع وهو على طوول يسحب جواله من جيبه ويناوله ضاري (افاا عليك انت تامر امر ) ابتسم من قلب لاول مره من اول ماكلمه فزاع عن الصور مشى بشويش ... يبعدعنهم وقلبه يضرب بقووه اول مره يفرح انه من النوع البارد اللي مايبان على ملامحه شي من احاسيسه.. مع انه احيان كثير يتعب من هالصفه اللي فيه .. ابتسم لعناد اللي كان يناظر فيه وجالس قريب من النار اللي شابينها.. انحنى قريب من النار...و بابتسامه لعناد وبسرعه البرق .. حذف الجوال ..والظرف اللي فيه الصور .. عقد يدينه لصدره براحه..وهو يناظر بلهيب النار اللي زاد والدخان الاسوود وريحه الجوال والصور وهي تذووب كتمت عناد وقام يكح .. وعيوونه تدمع.. وهو رافع يدينه وياشر للنار بعصبيه(هييييييييييييييييه علامك انهبلت ..تحط جوال بالنار.؟؟؟؟؟؟؟؟؟؟؟؟ ) والابتسامه شاقه حلقه .. وهو يطق طق اصابعه ولا مهتم بالدخان والريحه (عادي هالجوال حلال النار فييييه.. دام صاحبه مايخاف الله... ومستهين باعراض الناس اقل شي يصير له ذا ..!!) فزااع اللي كان متنح ومو مستوعب اللي يسويه ضاري .. تووه يفوق ..ركض وهو يدف ضاري من كتفه وبعصبيه (خبل انت ؟؟؟؟؟؟؟ وشلون تسووي كذا ..وش مايخاف الله ومدري ايشش شكل من جد صاير فييك شي ..) ضاري بابتسامه وهو حده فرحان ان هالهم انزاح من صدره ... ولاعاد لاخته لمار صوور عند احد .. وقف وهو ينفض الغبار من يدينه (مو صاير فيني شي الا بالعكس راييييق حيييل ..وبعد اليووم ماعاد ابي لك صحبه اللي مثلك الواحد مايأتمنه على شي ..) سعود واللي كان مصدووم من اللي يصير قدامه .. بس حركه ضاري اكدت له انه الصور مو لخدامه ابد ..! ماسوى هالحركه الا لمعنى واحد... شهق ..اكييد وحده من خواته ... وعيونه لضاري (ضاري استهدي بالله وفهمنا اللي تسويه ذا كله ليشش ؟؟ وبعدين حنا اخوان مو بس اصحاب ليش تقول عنا كذا .. ) ضاري وباخر نظره للنار وهو يتاكد ان الصور صارت رماد... وبنظرات حاده لسعود ..واخر شي بالدنيا كان يفكر يسويه انه يناظر بفزاع بعد حركاته .. فرقع بلسانه وببرود(بعد اليوم مابي للي اسمه فزاع لا خوه ولا صحبه ..وشلون يتجرا ويصور حرمه ببيتي حتى لو كانت على قولته خدامه..!! يعني انا واثق فييه ومدخله ببيتي بحسن نيه يسوي هالحركه ) |
عناد اللي كان مثل الاطرش بالزفه مايدري عن شي...
بس حس ان الجو توتر وان فزاع مصور وحده تخص ضاري.. وقف وهو يناظر بفزاع (افااا وش مسوووي انت يافزاع وشلون تصور محارم الرجال هاذي الصححبه؟؟؟ ) فزاع وكلام عناد زود على النار اللي فيه حطب.. صرخ بعصبيه وطبعه الحار يطلع وهو مقهور (هييييييييه انتوا علامكم؟؟؟ مافييه شي يستاهل ذا كله هو ذا الي مسوي انه اخلاق ولا كل خدامه مارحت ولا جت ..اصلا وشلون تجرا تسوي بجوالي كذا ...) وعيونه بفزاع و ببرود طلع من جيب ثوبه المحفظه.. مايدري كم الف طلع منها..ولاهتم فرحته انه خلص لمار من هالاشكال مو سايعته .. وحذفها بوجه فزاع ..ومن بين اسنانه (هذي قيمه الجوال وخلك رجال واترك بنات الناس بحالهم تراه ترجع باهلك ..!!) وتركهم ورجع لسيارته.. وسعود وعناد متنحين من اللي يشوفونه قدامهم.. فزاع وكلام ضاري قاهره ..ركض ورى ضاري وسحبه من كتوفه وهو يلفه بقوه له (هيييه انت ماسمحلك ترفع صوتك علي .. ولاتفلسف ) ضاري ببرود نفض بيده يدين فزاع (خلك رجال ولاتسوي علوم الوراعين وترفع يدينك ) فزاع والعصبيه مغميه على عيونه (انا اوريك الرجال كييف يكوون ) وقبل مايعلق ضاري ..دفه بقوووه طيحته على الارض .. وصار يضرب فيييييه بعنف على بطنه وعلى راسه وبكل مكان قدر يوصله ..وهو يبي يطلع الحره اللي فيه ..وضاري يحاول يبعده عنه ..ويرد له الضرب بس ماقدر بمان فزاع مثبت جسمه على الارض بيد واليد الثانيه يضربه فيها .. سعود وتوه يستوعب اللي يصير .. ركض لهم وهو يحاول يفرقهم عن بعض .. بس كانوا متشابكين ببعض ..وكل شوي واحد ينقلب على التراب والثاني فووقه والضرب حامي حاول يبعد فزاع عن ضاري بس ماقدر الحقد من حركه ضاري ماليه قلببه ومعطيته قووه غريبه ..! احيانا الفجعه تكون لها رده فعل غريبه..وهذا اللي صار مع عناد اللي كان متنح وله ساعه بس يقول..ويردد نفس الكلام بدون مايسوي شي (ياعيال استهدو بالله بعدوا عن بعض ..مايصير كذا تعوذوا من ابليس ....) صرخ فييه سعود وهو محتار مايدري وشلون يبعدهم عن بعض .. وهو يشوفهم بيذبحون بعض والحل الوحيد اللي قدر يفكر فيه (عناد اتصل على عزام بسرعه خله يجي اكيد بيقدر يتصرف مع فزاع بيذبح الرجال ) * * << بنفس الوقت و فالبيت البسيط بالحاره الشعبيه.. له ساعه يسوولف ويبين انه مبسوط ومرتاح.. بس الحقيقه عكس كذا .. من اول مامد يده على مدى وهو حاسس بتانيب الضمير .. مايدري وشلون سواها وهو اللي ماعمره قسى على احد وشلون حرمه ضعيفه ولا بعد بنت خالته .. مارتاح لها ابد من اول يووم درى عن وجودها.. كل ماحاول يتعامل معها عادي .. تصدمه بحركه مايفهمها مايدري بالضبط وش بينها وبين فزاع ؟؟! فزاع هو اللي مربيه بمان ابوه على طوول مسافر .. ومايهون عليه يفسد وحركات هالمدى معه ماتطمن ابد ... عمره ماكان بهالشراسه بس هالادمييه تنرفزه مع انه مايذكر ابد انه لمح وجهها دوم يغض البصر عنها وهي ولا حست وتغطت .. مسح وجهه بيدينه بقووه يحاول يركز مع سوالف جدته .. اللي ماخلت سالفه ماقالتها وهو يتذكر السالفه اللي صارت للبنت اللي ساعدها ومايدري وش اسمها بس لحد هاللحين كاسره خاطره (الله المستعان ياجده هاللحين مافييه امان والله) جدته وهي منحنيه باهتمام تجمع فتافيت من فراش السقيفه .. وبعد تعبها ترميها ..وترجع تكرر الحركه.. (ايووا والله مير هاللحين ينخاف على البنيات نسال الله الستر ) وهو يفك غترته البيج ويعدلها حمدانيه وبفضول ماقدر ينساه (جدتي انتي توزعين اللبن على اللي يبيون صح) رفعت راسها له وباهتمام (اييه ياوليدي الحمدلله واجد اللبن لييش تعرف احد يبي نعطيه ) وشلون هاللحين اقولها؟؟ ابي اعرف من هالبنت يمكن اقدر اسوي لاهلها شي يفيدهم .. تنهد وهو يحس انه مستحيل يوصل للي يبيه مايدري عن البنت ولاشي عشان يوصف او يشرح لجدته .. ويمكن مايكون قصدها جدته ؟؟؟ اخذ دله القهوه وصب لجدته ... وعيونه لها (جده وشلون مدى ناقص عليها شي ؟؟) مايدري لييش سال عنها مع ان حالها اخر ماكان يفكر فيه شاف جدته تبتسم ابتسامه كبيره بانت من تحت اللثمه (وييه ياطريا الحلا ... طييبه بنيتي ماعليها ) سكتت وهي تناظر بجدران الغرفه .. وكانها تجمع كلامها وكملت (ماعليها خلاف والله انها قطعه من قلبي بنت الغاليه الله يرحمها ..مير اليوم راحت لجامعتها بدري بالحيل رجعت من الغنم مالقيتها ..عسا الله يوفقها ) لاشعوريا ابتسسم .. وهو حاس براحه .. اشوا.يعني مازعلت ولا سوت سالفه.. حس براحه ...مو عشان سواد عيونها لا طبعا بس اخر شي بيفرحه ان احد يحقد عليه او يزعل منه .. وباحلى ابتسامه يملكها.. قرب لجدته وصار يهمز رجولها وقبل ماتبدا بسالفه جديده .. امتلت السقيفه بصوت اغنيه لمخاوي الليل (حبيبي اسف ازعجتك حلو صوتك قبل لاتنام سمعته وانشرح صدري وكني شفتك بعيني ) انتبه للجوال اللي بجيبه وطلعه وهو يشوف نظره جدته اللي مو معجبها انها تسمع اغنييه حتى لو كان نغمه جوال .. سب بنفسه بسره ..والله اني غبي وشلون ماحطيته على الصامت .. ابتسم لجدته وهو يرد ..وبدون ماينتبه لاسم المتصل وبحه صوته الناعسه (هـــــــلا ...) عناد وعيونه بقلق على ضاري وفزاع اللي الشيطان معميهم ويضربوون بعض بشراسه ..وبربكه (هلا هلا عزام تكفى تعال فزاع بيذبح ضاري من الضرب والله الرجال بيرووح فيها ..وماحنا قادرين علييه تعال يمكن تقدر تسوي شي ..) شهق وهو يوقف وناسي وجود جدته (اعووذ بالله .. وشلون تسكت سووى شي لايذبحه ثم يروح فييه اكييد ذا ابليس ..وين انتوا ؟؟) عناد وهو يناظر بسعود اللي يحاول يسحب ضاري من تحت فزاع .. ومو قادر ..بتوتر ويبي ينهي المكالمه عشان يلحق يسوي لهم شي (حنا باول مخطط ........ تعال بسررررررررررررعه ) عزام وهو رافع ثوبه يركض طلع من السقيفه بدون مايكلم جدته (خلاص هذاني جاي اصلا مدري وش مطلعكم هالصباح ..) صك الجوال وهو يردد الله يستر... يدري ان اخوه عصبي ..بس اخر مافكر فييه انه يتضارب مع واحد من خويياه هو ماقد قابل ضاري بس حكاه عنه فزاع كثثير وعلى طوول كان يمدحه مايدري وش صار......؟؟! |
اكيد فيه سبب كبير قلب المحبه اللي بينهم لمضاربه لانه دايم فزاع يتنرفز من بروده ضاري
بس اش الي قلب الثلج نار؟؟ * * فزاع وهو يصارخ ونفسه مقطووع من قوو الضرب .. (انا اوررريك يالكلب محدب يفكك مني مسووي شخصيه بس على مييين مو علي ) حاول يبعد عنه ضاري ماقدر.. مد يدينه للتراب اللي جمبه ..واقرب شي ليده سحبه .. وكان حجره كبيره ..وبكل قووته صقع فيه راس ضاري .. اللي صرخ والدم الحار غطى على عيووونه .. سعود حاول يسحب ضاري ويبعده وهو يصارخ (فزاع ذبحت الرجال حرررام عليك ياضاري خله انت اعقل بعد عنه ) عناد وهو يصارخ وياشرة بيدينه للسياره اللي جايه وراعيها يسوق بسرعه جنونيه ....... وقفها وهوينزل من السياره بسرعه .. ويصارخ (فززززززززززززززززززاع بعد عن الرجال ذبحته الله ياخذك ) كانه يسمع صووت عزام بس مستحيل يكون فييه اكييد تهيأ مو صدق ركض لهم وهو يشد فزاع من كتوووفه بقووه بعدته غصب (قووووم عنه يالتراب وين عقلك ..ماتفهم..؟؟؟؟؟؟؟؟؟؟) ترنح جسمه وهو يوقف .. ونفسه مقطووع وعيونه على عزام وبعصبيه (وش تبي انت؟؟؟ هو الغلطااان ذا النذل .....) قطع كلامه نظره عزام الحاده .. تافف وهو يلف وجهه عن عزام .. سمع صوت عناد وهو يوفق ضاري وينفض الغبار عن ثوبه (قوووم سلامتك...صار لك شي .؟؟) ضاري اللي جسمه ترنح من وقفته اللي على فجاه.. وهو يمسح الدم النازل من جبينه بكم ثووبه ..وتنفسه سريع وبصووت مقطع (لا ابد ماصار لي شي .. **ونبره صووته تعلى** وش تشووف انت الكلب خوويك مابقى فيني بس والله والله بيجييه اليووم اللي بيندم ) سحب يدينه من عناد وهالحركه تعبته حيل.. وهو يمشي معطيهم قفاه.. وقبل مايووصل لسياره وقفه صووت جديد عليه (تكفى ياضاري لاتزعل منه تراه خووويك وانت ادرى بطبعه العصبي..لاتوصلها تكفى للشرطه ) تنح وهو يسمع بحه الصووت جديده عليه.. ماهمه اللي سمعه كان بيسفهه بس باخر لحظه ومايدري لييش لف له.. نظر بعزام من فوووق لتحت من شعره الفاحم وعيونه الناعسه لطووله شافه وهو مثبت يدينه على فزاع ومن نظره فزاع للارض وتأففه باين انه اخووه الكبير... وبلوويه بوز ..(مافكرت اشتكي ابد..) وباصباعه اشر على خد فزاع اللي بدى يورم من الضربه ..(حتى هو ناله من الطييب نصيب.. واما خووته ماتشرفني.. اللي يلعب باعراض الناس ماينخاووى) وبهدووء مو لايق على القنبله اللي فجرها ركب سيارته ... ودقايق ماشافوا الا غبار السياره....................... ــــــــــــــــــــــــــــــــــــــــــــــــــ ـــــــــ << بنفس الووقت بالبيت الشعبي اخ ــــــلصت يالحزن .. وكل النــــــــــــــــــــاس خ ــــــانوني ..!! \ طلعت من الحمام *وانتوا بكرامه * صارلها اكثر من ساعه فيه.. مو متذكره بالضبط وش قالت لامها ولا العذر اللي تعذرت فيه عشان ماتسالها لييش تاخرت؟؟ الشي الوحيد الي كانت متذكرته لهفتها انها تحمم حاسه بقرف من كل شي ومتمنيه لو الموييه تمسح كل هالتعب وذا الاحساس.. سحبت المنشفه من شعرها.. وبتلقائيه وهي بالحوش حست برعشه بجسمها من الهوا البارد .اللي حضن جسمها بلهفه.. وقفت تجفف شعرها..من الموييه.. ناظرت بالفرشه اللي بالحووش .. وطاحت عيوونها.. وبين مصدقه ومكذبه راحت للفرشه...معقوله الجووع مهيالي اشيا مو صح؟؟ جلست على ركبها.. قبال السفره اللي محطوطه على الفرشه.. انواع اكل ماقد شافته على سفرتهم.. اصناف كثيره..وشكلها مشهي ..مررت لسانها على شفايفها وهي تذكر جوعها.. حركت يدينها على الصحون ..بتاكد ان اللي تشوفه مو حلم ... ايوا والله انه جد غريبه من وين جانا ذا كله اكييد صاير شي... جات بتاكل بس قبل لازم تعرف من وين ذا كله.. وبصووت عالي (يمممممممممممممه .....يممممممممممه ) ياربي مافيني حييل اقووم احس رجولي من فجعه اللي صار لي مو شايلتني رجعت تصارخ ..بس مافكرت تقووم تدور امها (يمممممممه ياهووووووووه وينكم؟؟) طلعت لها روان الصغيره وهي تاكل بطاطس ليز الكبير وفمها مليان (هااه ايس تبعين طفستينا ) طاحت عيونها هالنتفه بنت خالتها تنافخ بس ماتنلام من اللي بيدها ابتسمت غصب وهي تشوف روان تحط كيس البطاطس ورى ظهرها (هذا ميين جابه؟؟؟) روان وهي تهز كتوفه مستعجله ترجع للغرفه عشان تاكل براحتها (مدلي اسالي يمه ) هيفا بكشره (شكل السالفه كبيره ..طيب خلاص طسي ) (يالله صباح خيير وش هالصراخ ؟؟؟ سمعتوا كل الحاره ) لفت هيفا بسررعه لامها اللي طالعه من المطبخ والابتسامه شاقه حلقها يازينك يممه حتى هواشك اليووم ناعم ردت وهي تحرك شعرها المبلل بيدينها (ابد يالغاليه ولاشي بس اسال من وين لكم كل ذا الفطور والحركات ) امها وهي تنزل الصينيه اللي فيها الابريق والفناجيل (الحمدلله ذا خيير من الله ..الله ماينسى احد ) لووت بوزها فيييه شي امها ماتبي تقوله ..وبصوت عادي (اييه ادري انه خير من الله ..بس ميين جايبه؟؟ مو لنا كم يوم سياره ابوي خربانه ؟؟ وشلوون فهميني كيف امتلت السفره ) امها وهي تصب من الابريق الشاهي ..باهتمام وريحه النعناع حضنت الجو بسرعه وهي تناول الفنجال هيفا وبدون ماتناظر فيها (عيال الحلال ياكثرهم..امس بعد مارجعتي بساعه جاب هالخير كله واحد ولا بعد ابشرك ملى المطبخ ) كانت مقربه الفنجال من فمها بس من سمعت كلام امها طاح الفنجال من يده من الفجعه ... هذاك اللي ساعدها ..جاب كل هالاشياء مدري وشلون كنت غبيه وقلت له اني ابي لبن لبنات خالتي وبينت له حالتنا بس قسم كنت حدي منهاره.. وبدون شعور (يعني ذا كله متفضل علينا فييه ) امها وهي تشرب الشاهي بتركيز وكن ذا اهم شي بهالوقت (الله يجزاه كل خييير...ربي لطف بحالنا يوم حنن قلب هالرجال علينا وجاب لنا هالعيشه ولا كان فطسنا من الجوووع ) فركت بيدها اليمين كف يدها اليسار الي محمر من الشاهي الحار اللي انتثر عليه كان حاار بس ماحست بالمه كثر ماكانت حاسه بالم اقووى .. اهلها مو لاقيين اللي ياكلونه والغريب حن علييهم .. طوول عمرها تهر ب من هالعيشه بس هاللحين وش فايده توزيعها ومخاطره بنفسها بالمخدرات وهي ماتفيد اهلها .. نزلت المنشفه على الارض وهي توقف ..(الحمدلله انا رايحه الجامعه يممه ) ناظرت فيها امها مستغربه (هووو لييش ماكليتي ..وش معجلك ؟؟) حاسه نفسها تايهه .. تبي تغني اهلها وتبعدهم عن الذل والحاجه بس وشلون وش العذر عشان يرضوون ويقتنعون ؟؟؟ وهي معطي امها قفاها بتروح تلبس وتروح للجامعه المكان الوحيد اللي تنسى همومها وحتى فقرها وبصوت غريب عنها ((مالي نفس يمه ..بالحق البس واروح ) ــــــــــــــــــــــــــــــــــــــ لوتطـــــــــــــــــلب عيوني في لحظـــــــــــهـ ماترددت..!! \ \ دخل للشقه وراسه بينفجر ..جسمه مكسر ماتخيل بيوم انه بيتضارب مع احد بهالطريقه وهو اللي معروف عند الكل بالبرود ه .. بس هالمووقف اكبر من انه يسكت .. بتعب قفل باب الشقه .. زيين ان جوري لسى عند بيت اهلها مافيني شده لفلسفه حرييم .. مسح بكم ثوبه الدم النازل من شفايفها.. حس ان هالحركه ارهقته حيل وكانه شايل شي اكبر من طاقته.. دايييخ مو قادر حتى ادل دربي .. شكلي نزفت دم كثثير.. وبتلقائيه ابتسم نص ابتسامه وكانه يتتريق.. قال ايش هالعزام يبي يوديني المستشفى الحمدلله والشكر يقتلوون القتيل ويمشون بجنازته مدري ماحس اني بردت حرتي فيهم ... ولماروو ذي يبيلها تفاهم ..بس افضى لها.اااااخ يالقهر اختتتي وتسووي هالحركااات تستعرض عند الرجال والله ثم والله مايكفيني خنقها بس ارتاح ثم بعدها مراح يصير لها خيير. مشى خطوتين..بشقته الصغيره وطاح بكل ثقله على الاريكه الطوويله * * <بغرفه النووم مدري بدينا أو نكون انتهينا ؟؟؟ مدري يطول الليل أو يحصل إشراق ..؟ مثل الشمع حنا لحظة طفينا..! يوم أن قلبك ما رحم ×בقلب مشتـــاق زفرت بقووه وهي توقف بعد ماتاكدت من الاغراض اللي بالشنط للمره العاشره انها كامله جلست على كرسي التسريحه .. بطفش صارت تناظر بجدران الغرفه بيج ومعتقه بالاحمر .. والسرير كان كبير حييل .. بكل طرف عامود من الخشب طوويل .. مثبت شيفونات باللون الاحمر والبيج نازله ومغطيه السرير... ومليان الارضيه خداديات باشكال مختلفه قلووووب وشفايف كل موديل كان تصميم اثاث الغرفه غريب اقرب تكون لحكايات الف ليله وليله .. ماتدري ليش تعبوا نفسهم واثثوا الشقه ..؟ بما ان دراسه ضاري بامريكا وباقي عليها كم سنه يعني ليين مايرجعون يكون الاثاث موضته صارت قديمه بطفش.. رجعت عيونها للتسريحه . انتبهت للباقات الورد الجافه واللي كانت قبل فتره مسكه لفستان عرسها تنهدت وهي تلعب باطراف الورد المجفف......... ماقدرت اجلس ببيت اهلي .. طوول ضاري مامر علي وخفت انه نايم وموعد الرحله فاتنا.. وصلني ابوي ورااح .. اووووووف الووقت يمر علي كنه سنه وبالذات وانا ادق على ضاري وهو سافهني ومايرد لفت فجاه.. وهي تسمع صووت فتحت الباب.. وقفت تناظر بنفسها بالمرايه بسررعه بتتاكد من ان شكلها مرتب |
| الساعة الآن 01:24 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية